Post: #17 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: محمد عبد الماجد الصايم Date: 03-03-2012, 10:30 AM Parent: #13
هههههههههههههههههه غايتو يا ود القاضي بالغت عديل كـدا! صلاة الضهر كلها أنا سنوني ما قادر أقفلن زي الماصي ليمونة
غايتو اتصرّف لينا في الموضوع دا بعدين!!
Post: #10 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: omer osman Date: 03-03-2012, 10:03 AM Parent: #6
Quote: هلا سعادتك
ود الصايم خارج الديار يلعب بثلاثة ارتكاز
اغلب الظن اربعة خمسة واحد
وداخل الديار يلعب بالطريقة الجديدة
اربعة اتنين تلاتة واحد
خلي ياهندسة ......
ودالصايم ما بتأثر بعاملي الارض والجمهور ماشاء الله عندو جمهور في اى حتة
عشان كده خطتو واااااحدة
Post: #8 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: omer osman Date: 03-03-2012, 09:59 AM Parent: #4
Quote: عمر ازيك
ود الصايم دايما لاعب للدرون وفى حالة الدغت الشوت ناحية المدرجات
-----------
فى انتظار الجائزة بسرعة
يااحمد ده خطأ شائع عن كورة ودالصايم زي حكاية انو كورة الالمان ما ممتعة
اها شفت ودالصايم ده زي العجب رغم انو ما مهاجم صريح لكن بجيب اقوان كتيرة
Post: #11 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: حمزاوي Date: 03-03-2012, 10:04 AM Parent: #8
طقها والحقها
ان فاتك الكورة ما يفوتك الزول
Post: #15 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: omer osman Date: 03-03-2012, 10:28 AM Parent: #11
Quote: طقها والحقها
ان فاتك الكورة ما يفوتك الزول
ياحمزاوي يااااخي ما تلخبط خطتك دي بلعب بيها تمبس ووهبة
Post: #12 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: محمد عبد الماجد الصايم Date: 03-03-2012, 10:05 AM Parent: #8
أول مرة أعرف إنو عندي خطة لعب!!
Post: #14 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: طلحة عبدالله Date: 03-03-2012, 10:09 AM Parent: #12
أعتقد أن البوست دا ذتو خطة لاغتيال شخصية ود الصايم (محمد) .. يا ودو دا كمين أعمل حسابك .
Post: #16 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: فايزودالقاضي Date: 03-03-2012, 10:29 AM Parent: #14
Quote: أول مرة أعرف إنو عندي خطة لعب!!
مش قلت ليك ياعمر الزول ده ماعنده خطة ..
Post: #19 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: omer osman Date: 03-03-2012, 10:39 AM Parent: #14
Quote: أعتقد أن البوست دا ذتو خطة لاغتيال شخصية ود الصايم (محمد) .. يا ودو دا كمين أعمل حسابك .
ياطلحة ياااخي انا اصلو البروف امين محمد سليمان القال ودالصايم مبلول خلقة الله
Post: #18 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: omer osman Date: 03-03-2012, 10:33 AM Parent: #12
Quote: أول مرة أعرف إنو عندي خطة لعب!!
يااااااااخي ده تواضع العظماء ...
اتخيل ياعمك عندك خطة وانت ذاتك ما بتحس بيها بتلعب بيها تلقائياً
Post: #20 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: محمد عبد الماجد الصايم Date: 03-03-2012, 12:56 PM Parent: #18
Quote: اتخيل ياعمك عندك خطة وانت ذاتك ما بتحس بيها بتلعب بيها تلقائياً
هسي نلقى لينا (نفّاي) تاني من وين إذا كان سيد الكلام هو جنابو زاتو!!
يا زول خلاص .. خطة خطة! في زول بعرف أكتر من الشرطة!!
Post: #21 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: عبدالفتاح أبوشيمة Date: 03-03-2012, 02:21 PM Parent: #20
Quote: هسي نلقى لينا (نفّاي) تاني من وين إذا كان سيد الكلام هو جنابو زاتو!!
يا زول خلاص .. خطة خطة! في زول بعرف أكتر من الشرطة!!
حطّلون تا حطة قون ميرا تمبس نجقنندي قون ميرا كرمان أبدهابقون ميرا كرمان دور دفوفة قون ميرا (الترجمة في الأعداد القادمة) في زول بعرف أكتر من الشرطة!!
مسكين وليدي وقع في ورطة
وضحك لامن جاته الشرطة
واستسلم كمان للشرطة
صار مسيكين زي الأُطّة
يا مولانا يا جنابو الجائزة شنو؟
اكشف ليك مش الخطة
النومة ذاتا!
ودالصايم وينك؟
والله مشتاقين ياخي
Post: #22 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: محمد عبدالرحمن محمد Date: 03-03-2012, 04:09 PM Parent: #21
إبننا عمر، هذا الصايم لا عندو خطه من بنات افكارو ولا يحزنون.. الخطه البييلعبها دي موهبه من رب العالمين.. كَدِي شوف وَداعتو الفي صورو، أكان بروفيلات ولّا غيرِن؟ والعجب، للماب يعرفوهو [وَجْهالوجا] متلي ويسمعوهو ينضم معاهم في التلفون.. ياخ لامن ينسيك انت ضربتلو فشان شنو.. يقهقه وما يديك فرصه تستفيد من كلفة الإتصال! آمنت بالذي حبا الصايم كل هذا.. وأتوسل إليه، أن يكرمني بي نينو ثانيه مما أعطاهو.. يا صايم، قبل كمين ساعه كدي شفتلي واحد بلدياتنا، أرميكاني، يدعى بروف أمين، حاول يدخلك في جناح طيره وقال إنك ورهطك ماب تفهمو في حاجات برييشت ولا بريخت ديك الجابوهن ناس هيثم ودينا ومعاهن المحتفى به ود الجاك.. دحين لو دايرلك ثيردباك، مثلاً أمين زكي، قوللي عوك.. بديك نجايض بريشت ده وباولو كويهلو ومن لف لفهم!
Post: #23 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: ismeil abbas Date: 03-03-2012, 04:49 PM Parent: #22
أخى الجميل عمر عثمان.جنابو.
محمد ودالصايم خطتو جهنميه بكون عارف بعمل فى شنو ومرات بشوت ضفارى يجيبة ليك مصرجة والله يحيرك تمسكه من وين؟
بعض مرات بقرا خطتو كويس وبعرفو بفوز كم..ولما تغلبوا بقعد يشلت ويأخر فى الكورة لحدى ما يصفر الحكم.
أخى محمد عبدالرحمن لك التحية:
Quote: وَداعتو الفي صورو،
ده وداعتو لى الله..
تقديرى وإحترامى للجميع.
Post: #24 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: محمد البشرى الخضر Date: 03-03-2012, 04:50 PM Parent: #22
يا عمرنا المرشوش اول امس ههههههههههه غايتو ما بعرف خطة لعب حموودي تحديدا لكن احكي ليك برنامجه اليومي في البورد و طريقة لعبه من قولة بسم الله حموودي بقتش بوستات العزاء يشيل الفاتحة ويآجر اهل الميت كان بعرفه أو بعرف أهله أم لا من ثم يقبل على بيوت الأفراح والسمايات و اخبار النجاحات يهني و يبارك و يبذل الأمنيات الطيبة بالتوفيق و بيوت المال و العيال و المباركة في الذرية أيضا بدون فرز و غض النظر عن معرفته بكاتب البوست او موضوع التهنئة ثم بعد كدا يكوس المطايب وين . ولحمودي ذائقة فنية و حاسة سادسة عالية اشهد له بها فما من شمار او رشّة - تقرأ بلّة - او بهدلة تفوته بأخوي واخوك وحيثما توجب البلع على احدهم تلقاه مادي ليه كباية الموية متمنيا بالهناء و الشفاء و حساسيته عالية امام الشباك بالنسبة للفرص البلقاها قالشة من الحارس او الباكات في التمنيات طوالي وما بهظر فيها ولحمودي ميزة اخرى خبرتها شخصيا أحسن من يستلم منك الون و يمتّعك بالتو وباصاته البينية لا يعلى عليها وله قدرة رهيبة على استلام الباص منك و تثبيت الكورة بهدوء مهما طالت أو قصّرت فقط اعيب عليه - وقد يراها هو ميزة - انه لايجيد اللعب الخشن أو التحت الحزام و يفضل الإنسحاب على الإلتحام مع خصم لا يحترم قوانين اللعبة
لكن في رأيي - تقرأ حسادة مني - بكري اداه المكتبة ساااااي
Post: #25 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: omer osman Date: 03-03-2012, 05:28 PM Parent: #24
ودالبشرى ياهندسة يامعلم انت مدرب ودالصايم ده والا شنو ياااخي دي خطتو بحذافيره ...
Post: #26 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: مها عبد الله Date: 03-03-2012, 08:22 PM Parent: #25
تحية طيبه جنابو عمر أري أن الأخ العزيز ود الصائم يتبع إسلوب مختلف عن بقية الخطط المعروفة ولدية ( خطته ) الخاصة به و ( المتميزة ) عن بقية ( اللعيبه ) ، خطته أقرب للخطة اليابانية ( شكلو كدا صدق ود الباوقة ) معتمدا علي ( التعاون الجماعي ، وتدريب ( القروب ) علي اللياقة البدنية لإنهاك ( الخصم ) ودوما ( الكره ) بملعبه ...
النجيضة :: مهاجم شرس
مدافع ممتاز
لا ينفع لحراسة المرمي ( هههههههه )
تحية لك ولود الصائم، وما وريتنا نوع الجائزة ( وش فرحان بالجائزة )
Post: #27 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: ABUHUSSEIN Date: 03-03-2012, 08:34 PM Parent: #26
البداية بعمل Search علشان إعرف الناس الجابو سيرتو (خير....شر)
و بعد داك الخائن الله إخونو
Post: #28 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: طلحة عبدالله Date: 03-03-2012, 08:47 PM Parent: #27
Quote:
يا عمرنا المرشوش اول امس ههههههههههه غايتو ما بعرف خطة لعب حموودي تحديدا لكن احكي ليك برنامجه اليومي في البورد و طريقة لعبه من قولة بسم الله حموودي بقتش بوستات العزاء يشيل الفاتحة ويآجر اهل الميت كان بعرفه أو بعرف أهله أم لا من ثم يقبل على بيوت الأفراح والسمايات و اخبار النجاحات يهني و يبارك و يبذل الأمنيات الطيبة بالتوفيق و بيوت المال و العيال و المباركة في الذرية أيضا بدون فرز و غض النظر عن معرفته بكاتب البوست او موضوع التهنئة ثم بعد كدا يكوس المطايب وين . ولحمودي ذائقة فنية و حاسة سادسة عالية اشهد له بها فما من شمار او رشّة - تقرأ بلّة - او بهدلة تفوته بأخوي واخوك وحيثما توجب البلع على احدهم تلقاه مادي ليه كباية الموية متمنيا بالهناء و الشفاء و حساسيته عالية امام الشباك بالنسبة للفرص البلقاها قالشة من الحارس او الباكات في التمنيات طوالي وما بهظر فيها ولحمودي ميزة اخرى خبرتها شخصيا أحسن من يستلم منك الون و يمتّعك بالتو وباصاته البينية لا يعلى عليها وله قدرة رهيبة على استلام الباص منك و تثبيت الكورة بهدوء مهما طالت أو قصّرت فقط اعيب عليه - وقد يراها هو ميزة - انه لايجيد اللعب الخشن أو التحت الحزام و يفضل الإنسحاب على الإلتحام مع خصم لا يحترم قوانين اللعبة
مسحراتي وأدوهو المايك إنعل أبو أهل الإبتكر النقة والتنظير ياخ .
Post: #29 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: حمد عبد الغفار عمر Date: 03-03-2012, 08:51 PM Parent: #27
سلام يا جنابو
زمان موش في قصيدة زي
شاتها كاوندا رطنت مع الكدارة
ودالصايم بشوتها ترطن مع الكيبورد
قرايتو صاح ولماح
Quote: البداية بعمل Search علشان إعرف الناس الجابو سيرتو (خير....شر)
بالله المنبر دا الواحد ممكن يعمل فيهو حاجة زي دي ؟
ياخ والله نحن الدركسون دا ذاتو ما ماسكنو صاح
Post: #30 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: ABUHUSSEIN Date: 03-03-2012, 09:19 PM Parent: #29
Quote: ياخ والله نحن الدركسون دا ذاتو ما ماسكنو صاح
أحسن من غيرك..... في ناس لغاية الآن بفتشو للدركسون ما لاقينو ........
Post: #31 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: محمد البشرى الخضر Date: 03-03-2012, 09:27 PM Parent: #30
ههههههههههههههه طيب يا جنابو الجايزة بتاعتي متنازل عنها بدلها اسالني عن خطة لعب تنظير و أديني المايك يا قولو و انسى
Post: #32 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: محمد عبد الماجد الصايم Date: 03-04-2012, 10:43 AM Parent: #31
مش قلت ليكم أي حاجة بقولا ود البشرى دا ممكن الواحد يبصم عليها وهو مغمّض!!
يا عمكـ .. كدي أعمل لينا أشعة لي طلحة دا النشوف مويتو شنو!!
Post: #33 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: فايزودالقاضي Date: 03-04-2012, 12:09 PM Parent: #32
Quote: يا عمكـ .. كدي أعمل لينا أشعة لي طلحة دا النشوف مويتو شنو!!
اشعة شنو للموية يااخونا !! فحص بول بس !!!
Post: #34 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: محمد البشرى الخضر Date: 03-08-2012, 11:26 AM Parent: #32
يا معلّم ..
Quote: دا ممكن الواحد يبصم عليها وهو مغمّض!!
حتى دي :
Quote: بكري اداه المكتبة ساااااي
هههههههههههههه
ياخي فشّلتنا يومتها بالـ "مثقين" بتاعتك دي
Post: #35 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: ياسر عبدالكريم محمد Date: 03-09-2012, 02:13 AM Parent: #34
خطة الجدادة الحاضنة
ومرات كدة خطة
مالك يمينك
Post: #36 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: محمد عبد الماجد الصايم Date: 03-10-2012, 10:57 AM Parent: #35
خطة الخاين الله يخونو!!!
Post: #37 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: mohammed elsaim Date: 03-10-2012, 02:58 PM Parent: #36
خطة في صمة خشمي؟ يا أخوانا أفرزوا!! هناك ود وهناك ود ود مرات بتجيبوا إشانة سمعة ومرات بتجيبوا المعكوس الضربي لإشانة السمعة
أهاهسع أنا ماعارف الخطة دي مدح قدح ولا قدح مدح؟ ولا شبه ساكت؟ a complaint or a compliment, who knows? who is who?? and which is which?????
عليك الله ياد أخوي بالاسم كلم أصحابك وناس البورد يفرزوا أفرز دجانقو أفرز
Post: #38 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: Salah Abdulla Date: 03-10-2012, 05:46 PM Parent: #37
يا عمر، إزيّك ود البشرى أداك النجيضة.. شخصياً محمد ومحمد بيريحّوني في الشغل ألف، ويمتعوني أقول معاهم الداير أقولو وأنا موقن بانو الشغل مفهوم وإنو في معلمين بيستلموا ويوزعو الشغل كما ينبغي ( بحسن نية ) وده الأهم. ميزتو هي:
Quote: فقط اعيب عليه - وقد يراها هو ميزة - انه لايجيد اللعب الخشن أو التحت الحزام و يفضل الإنسحاب على الإلتحام مع خصم لا يحترم قوانين اللعبة
والحقيقة هي إنو ممكن يلعب بخشونة، ولكن بينسحب ويخلي الفارات يجقلبوا ،ودي ميزة كتيرين مننا فاقدينها ( ما ياهو ده شغل المعلمين زاااااااتو)..
Post: #39 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: محمد البشرى الخضر Date: 03-10-2012, 07:17 PM Parent: #38
يا ابشنب ...
Quote: والحقيقة هي إنو ممكن يلعب بخشونة، ولكن بينسحب ويخلي الفارات يجقلبوا ،ودي ميزة كتيرين مننا فاقدينها
لا لا ما بعرف .. اسألني منو انا دا ودناس ساكت بالإضافة لإنو شهادة عربية هههههههههه
Post: #40 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: المكاشفي الخضر الطاهر Date: 03-10-2012, 08:34 PM Parent: #39
بوست كلو مغتربين
عمر عثمان ممكن نشترك؟
Post: #41 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: Salah Abdulla Date: 03-10-2012, 09:33 PM Parent: #40
Quote: لا لا ما بعرف
يا أبوحتوت ، صاحبك ده أنا متذكر له هجمة هجمتين كده كويسات وقف الفارات في حدهم.
--------- بالله هو شهادة عربية؟؟ وخالينا متكلين معاو تحت الشجرة وفي التراتير ونخمس في السجارات، ونلعب كرب !! ويطلع في الآخر فارة ساي!! خسارة تعبنامعاك يا ودالصايم..
Post: #42 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: saadeldin abdelrahman Date: 03-10-2012, 10:13 PM Parent: #41
يا صلاح ما تصدق اخونا جرجير ده شهادة عربية شنو؟ غايتو الزول الشفتو قبل كم شهر ده شهادة دنقلا العجوز بالنسبة ليهو لندن :)
Post: #44 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: الصادق الزين Date: 03-10-2012, 11:39 PM Parent: #42
Quote: يا عمرنا المرشوش اول امس ههههههههههه غايتو ما بعرف خطة لعب حموودي تحديدا لكن احكي ليك برنامجه اليومي في البورد و طريقة لعبه من قولة بسم الله حموودي بقتش بوستات العزاء يشيل الفاتحة ويآجر اهل الميت كان بعرفه أو بعرف أهله أم لا من ثم يقبل على بيوت الأفراح والسمايات و اخبار النجاحات يهني و يبارك و يبذل الأمنيات الطيبة بالتوفيق و بيوت المال و العيال و المباركة في الذرية أيضا بدون فرز و غض النظر عن معرفته بكاتب البوست او موضوع التهنئة ثم بعد كدا يكوس المطايب وين . ولحمودي ذائقة فنية و حاسة سادسة عالية اشهد له بها فما من شمار او رشّة - تقرأ بلّة - او بهدلة تفوته بأخوي واخوك وحيثما توجب البلع على احدهم تلقاه مادي ليه كباية الموية متمنيا بالهناء و الشفاء و حساسيته عالية امام الشباك بالنسبة للفرص البلقاها قالشة من الحارس او الباكات في التمنيات طوالي وما بهظر فيها ولحمودي ميزة اخرى خبرتها شخصيا أحسن من يستلم منك الون و يمتّعك بالتو وباصاته البينية لا يعلى عليها وله قدرة رهيبة على استلام الباص منك و تثبيت الكورة بهدوء مهما طالت أو قصّرت فقط اعيب عليه - وقد يراها هو ميزة - انه لايجيد اللعب الخشن أو التحت الحزام و يفضل الإنسحاب على الإلتحام مع خصم لا يحترم قوانين اللعبة
إنت عارف يا جنابو ود البشرى دا بكتب بباسوورد ود الصائم، لا لا دى ما قصة مدرب ساكت!؟
Post: #43 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: عبدالله ابوشوارب Date: 03-10-2012, 11:32 PM Parent: #41
يا جنابو تحياتي
ود الصايم دا بحب لعب الصالات وما بقدر علي ال out door
افتكر لانو نفسو قصير ولانو بحب يستعرض مهاراتو في المحاورة
بس الزمن دا شايفو افتقد اهم مميزاتو اللي هي الون تو
ود الصايم دا احسن واحد بلعب التو في المساحات الضيقة بدون ما يشوفها اي مدافع
بعدين شوات جدا يعني لو جهزت ليهو الباص بشوت طوالي
باختصار كدة ود الصايم دا تضع الخطة للتيم كلو وتخلي ود الصايم يعمل موازاناتو حسب مجريات اللعب
Post: #45 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: طارق جبريل Date: 03-10-2012, 11:46 PM Parent: #43
خطة شنو كمان العتده ود الصايم دة شغال طلقيتة سااااااااكت زي الزول الماشي عقد ونسى يربط تكة السروال والناس قامت تشيل الفاتحة وتبارك
Post: #46 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: محمد عبد الماجد الصايم Date: 03-11-2012, 10:03 AM Parent: #45
Quote: زي الزول الماشي عقد ونسى يربط تكة السروال والناس قامت تشيل الفاتحة وتبارك
أها.. وحصل شنو؟!!
Post: #47 Title: Re: اعرف خطة لعب ودالصايم (محمد) في منبر سودانيزاونلاين واكسب جائزة قي Author: Salah Abdulla Date: 03-11-2012, 04:42 PM Parent: #46
Quote: يا صلاح ما تصدق اخونا جرجير ده شهادة عربية شنو؟ غايتو الزول الشفتو قبل كم شهر ده شهادة دنقلا العجوز بالنسبة ليهو لندن :)
أصدق شنو يا سعد الدين ياخ!! ودالصايم ده شهادة رطانة ياخ ، تقول لي شهادة عربية
