البوست ثقافي بامتياز .. وعلى مواطنينا في مطعم الباشا مراعاة فروق الثقافة.. من ليس بيده مكتبة، ولا عضوية الفورسيزونس او الجامعين بينهن بغير احسان، يمتنعون وعلى اللذين لا يطيقونه .. الصياااام او ينتحروا بالدرب العديييل داك هوو كيرز!؟
الطباعة ما مستعجلين عليها .. هنا عاوزين باللول نكسر التابوهات التلاتة:
العقيدة، الجندر، العنصرية
وكلو واحدة فيهن عاوزة شرح العنقريب .. ثم شرح السروال! ما اصاب مسيرتي الفنية بشلل اطفال وكساح ثقافي، الا تهيب التابوهات دي.
هنا ح نفتو كلو ..
يا غِرق .. يا جيت حازما!
Post: #5 Title: Re: الفصل الاخير من رواية قيقاراوي Author: حمد عبد الغفار عمر Date: 03-01-2012, 12:35 PM Parent: #4
يا قيقا
..
Quote: البوست ثقافي بامتياز ..
مالك صعبتها علينا كدا ياخي
ما تخليهوا بل ساي
هسة في البورد دا تلقى ليك مثقفين قدرا دا وين ؟
وثلاثة موضوعات كمان ويشكلن اصعب ثلاثة مواضيع يواجههم بلدنا في هذا المنعرج الخطير
سير وعين الله ترعاك
Post: #10 Title: Re: الفصل الاخير من رواية قيقاراوي Author: قيقراوي Date: 03-01-2012, 05:24 PM Parent: #5
يا حمد ياخي انت ما مثقف كان مثقف ما بتسال سؤالك ادناه:
Quote: هسة في البورد دا تلقى ليك مثقفين قدرا دا وين ؟
وثلاثة موضوعات كمان ويشكلن اصعب ثلاثة مواضيع يواجههم بلدنا في هذا المنعرج الخطير
سير وعين الله ترعاك
الهنا كلهم فررررررر الشغال بيهم منو هو؟
انا بالي بهناااااك مع آية الله العظمى حسن الموسوي في "شرح السروال"*
Quote: و في تاريخ الثورة الفرنسية تدل عبارة الـ " سان كيلوط"، Sans-culotte [ و ترجمتها الحرفية " بدون سروال"] على فئة من ثوريي باريس الذين حملوا السلاح دفاعا عن جمهورية المساواة و كانوا يتميزون بسراويلهم الطويلة المخططة بالأبيض و الأزرق بدلا من السروال القصير[شورت] و الجوارب التي كانت تميز زي الأرستقراطيين.و بعد انتصار الثورة شاع بين الباريسيين زي "السان كيلوط" كتعبير بلسان الحال عن رفض ثقافة الأرستقراطية. و حين يقول السودانيون " العاقل ما ببيع سرواله" فهم يجعلون من السروال "خطا أحمرا" لا يفاوضون عليه، نوع من "خط رجعة " أو " هامش مناورة" أخير بعده يكون الخراب و الخسران المبين.
------
* لو بتلاحظ هنا بنتكلم عن (السروال) البنطلون .. ما تسرحوا بعيد!!
Post: #13 Title: Re: الفصل الاخير من رواية قيقاراوي Author: محمد البشرى الخضر Date: 03-01-2012, 05:50 PM Parent: #10
Quote: لو بتلاحظ هنا بنتكلم عن (السروال) البنطلون .. ما تسرحوا بعيد!!
والله يا قيقرا نحنا كناس اهالي ساكت و احفاد رواعية لا انت لا ديجانقو ما بتقنعونا انو السروال ما ياهو السروال ثم culotte دي عند بنات البندر تقرأ "كلوت" وهو قطعا ليس البنطلون فا دو ذا ماث بقى
Post: #30 Title: Re: الفصل الاخير من رواية قيقاراوي Author: قيقراوي Date: 03-05-2012, 10:47 AM Parent: #13
Quote: فا دو ذا ماث بقى
دا كلامك يا ابو حتوت اخوك عالم رياضيات سياسية عليا و دقيقة ياخي
منو القال كدا:
Quote: السروال ما ياهو السروال
انا تعليقي كان على الجزئية المحددة والمقتبسة مع انو واضح انو آية الله العظمى بقول في نفسك كلامك دا
انا الما مقتنع بيو!!
بالتحديد في جزئية (سان كلوط) في الثورة الفرنسية، للتفريق بين الثوار و المدافعين عن النظام الارستقراطي!
منو فيهم (السان كلوط) .. بدى لي انو بقول هم (الثوار)!! هل فهمي صحيح؟
يا للهول!!
البناطلين المخططة، تيوبلس يعني!؟
-----
(فادي) ولدي ما مقتنع كلو كلو بي حكاية الاحرام التيوبلس دي .. قايلا مغرز مني انا!؟
Post: #6 Title: Re: الفصل الاخير من رواية قيقاراوي Author: دينا خالد Date: 03-01-2012, 01:04 PM Parent: #4
الحمممدلله جيت مع الفصل الاخير ... الله شاف لى !
ـــــــــــــــــ ياقيقا (ادبى) عدييل كدا ؟ انا ما عندى اى مكتبة لا للادب بتاعى ولا لقلته ماعندك لى واسطة؟ .
Post: #7 Title: Re: الفصل الاخير من رواية قيقاراوي Author: قيقراوي Date: 03-01-2012, 01:23 PM Parent: #6
طيب هنا انا مش خاتي لي شرطين ثقافيين رافع بيهم سقف البوست دا!؟ دايرننا نعرش على كدا ول كيف!؟
بجيكم نفر نفر ما تصدقوا الكلام الفوق دا .. العكس .. العكس .. خصوصاً .. خصوصاً دينا بس اخوكم خجول شوية كدا زي ما عارفين
Post: #8 Title: Re: الفصل الاخير من رواية قيقاراوي Author: سيف النصر محي الدين Date: 03-01-2012, 03:24 PM Parent: #7
انا غايتو يا قيقا جامع بين الحسنيين and I will be watching you
Post: #11 Title: Re: الفصل الاخير من رواية قيقاراوي Author: حافظ انقابو Date: 03-01-2012, 05:43 PM Parent: #8
Quote: قيقا راوي
أعجبني
------------- يا قيقا في ذمتك انت حاسي بشنو الليلة الخمييييييييييييييييييييييس جنس الصنف دا بتجيبو من وين؟
Post: #12 Title: Re: الفصل الاخير من رواية قيقاراوي Author: قيقراوي Date: 03-01-2012, 05:47 PM Parent: #6
Quote: ياقيقا (ادبى) عدييل كدا ؟
المافي شنو يا دندنة؟ مع اني مساق علمي ..
علمي علمك!
------
مشتاقين و الله يا دينا
وكان ما الشوق دا ذاتو ما كان رديت ليك .. غير مستوفية الشروط الثقافية الرفيعة انتي! لكن نحن طيبين و انتو تستاهلوا كمان ..
بس آخر زول ما مثقف ارد عليو .. وفروا الغثاء خلونا نبدع بالله!
سلام و سلام يا شباب ونشوفكم السبت لو ربنا مد في الآجال كونوا بخير .. وما يتلحس منكم واحد .. سمح؟
Post: #14 Title: Re: الفصل الاخير من رواية قيقاراوي Author: احمد التجانى احمد Date: 03-01-2012, 06:05 PM Parent: #12
والله يا قيقا كل ما القاك فاتح نوعية البوستات دي باشعر بأهمية تواجدي في فضاء سودانيزاونلاين للمساعدة في الحفاظ علي توازن المنبر
Post: #15 Title: Re: الفصل الاخير من رواية قيقاراوي Author: أمين محمد سليمان Date: 03-01-2012, 07:05 PM Parent: #14
Quote: من ليس بيده مكتبة، ولا عضوية الفورسيزونس او الجامعين بينهن بغير احسان، يمتنعون وعلى اللذين لا يطيقونه .. الصياااام او ينتحروا بالدرب العديييل داك هوو كيرز!؟
غايتو البقرأ كلامك ده يقول مكتبتك قدر مكتبتي و بتتداخل مع ناس مزونة زيك و زي حاتم الياس !! ---------------- تيجا الأصلع .. سلام يا فردة
Quote: والله يا قيقا كل ما القاك فاتح نوعية البوستات دي باشعر بأهمية تواجدي في فضاء سودانيزاونلاين للمساعدة في الحفاظ علي توازن المنبر
قيقا ده داير إستيعاب قبل القراية ... يعني البقرأ ليه قبل ما يستوعبو ... بطش !!
Post: #16 Title: Re: الفصل الاخير من رواية قيقاراوي Author: محمد حيدر المشرف Date: 03-01-2012, 07:17 PM Parent: #15
Quote: وعلى اللذين لا يطيقونه
Post: #17 Title: Re: الفصل الاخير من رواية قيقاراوي Author: دينا خالد Date: 03-01-2012, 07:40 PM Parent: #12
Quote: غير مستوفية الشروط الثقافية الرفيعة انتي!
انا مااااا مستوفية .. ومتوفيه عديل كدا لكن انت البمسكك من البوست دا لحدددددى السبت شنو؟
ـــــــــــــ معاك لحد الجمعة ..!
Post: #18 Title: Re: الفصل الاخير من رواية قيقاراوي Author: MOHAMMED ELSHEIKH Date: 03-03-2012, 05:15 AM Parent: #17
Quote: وعلى اللذين لا يطيقونه
اها عايز تقول شنو يا مشرف ؟ مثقف كدى لمان شفت اللازم زايدة؟ انا شخصيا مقتنع انو قيقا ماغلطان ولا حاجة ياخي مرة عثمان ولدى اليادوبك بادي في دروب الثقافة مرة انتقد لي كتابة" بسم الله الرحمن الرحيم" الواحدة دي وقال لي كلها غلط . وكتب الصاح البيعرفها هو : " باسم اللاه الرحمان الرحيم" اها انا قمت قطعتها في كلاي وسكتت صنننننننننننننننن
Post: #19 Title: Re: الفصل الاخير من رواية قيقاراوي Author: احمد التجانى احمد Date: 03-03-2012, 07:04 AM Parent: #18
Quote: قيقا ده داير إستيعاب قبل القراية ... يعني البقرأ ليه قبل ما يستوعبو ... بطش !!
يا بروف , سعيدين بالجمعة معاك فى رحاب بوستات قيقا لكن انا ما معاك فى الكلام الفوق , بل فى الضفة الاخرى عديل من رأئك دة قيقا بكتب الطلاسم حقته فوق ثم بعد ذلك بتلقى حواشة فاضية وتحتها بتلقاه اتبرع بالشرح which implies underestimating the readers intellectuality
Post: #20 Title: Re: الفصل الاخير من رواية قيقاراوي Author: تبارك شيخ الدين جبريل Date: 03-03-2012, 07:33 AM Parent: #19
كر كر كر كر كر كر ....
تقعّر أخير من قيقا ... فتأمل ...
(الجندر والعقيدة والعنصرية ديل ما ممكن تدخل معاهن الصراع الطبقي كرمال الشوايعة؟)
... المهم ....
Post: #21 Title: Re: الفصل الاخير من رواية قيقاراوي Author: حيدر حسن ميرغني Date: 03-03-2012, 07:36 AM Parent: #19
Quote: قيقاراوي
لو عصرت حاجات كده حاتفوز وتستلم الجائزة سأتولى حملة الدفاع عنك
Post: #22 Title: Re: الفصل الاخير من رواية قيقاراوي Author: قيقراوي Date: 03-03-2012, 08:46 AM Parent: #21
مؤسف ما يتم في هذا البوست الثقافي الرفيع ..
وقع ليك كلامنا عزيزي المشاهد!؟
اهو دا العسف البتم في بلادنا -مهد اول دولة مدنية في التاريخ- للثقافة و المثقفين، ومنذ سحيق الآماد
يا اخواننا الذين ليس بيدهم مكتبة، او براسهم شعر، ولا بقلبهم رحمة او شعور او ذوق .. ادبي تعالوا الى كلمتين سواء بيننا ..
لو وافقتوا على منحي لقب (الاديب) ساي برا نص، تكونوا وفرتوا علي و عليكم الرهق .. صراحة ما في زمن اقعد انحت ليكم راسي اكتب لي (نص) ادبي او قلة ادبي .. فادوني خاطركم .. ذاتي يتيم .. ومحمول بربي لي في بتين ؤولد
اها قلتو شنو!؟ نسمع منكم والله لا يضيع اجر المحسنين في ميزان حسناتكم .. كلو زول على الكفة الراقد عليها.
------
انقابو يا صحبي ياخي المسائل الثقافية الغميسة بتاعة (الصنف) دي ما بناقشوها إن ببلك! لسة .. لسة (التابو) بتاعا قائم ياخي!!
بي الضرا يا ابشراء.. بخلي ليك باب الماسنجر متاكأ .. (النت) او الند كما في الرواية الشائعة علي .. جيب معاك الكواميت
Post: #23 Title: Re: الفصل الاخير من رواية قيقاراوي Author: حمد عبد الغفار عمر Date: 03-03-2012, 10:59 AM Parent: #22
Quote: مؤسف ما يتم في هذا البوست الثقافي الرفيع ..
هي لكن نقعد نبخر فيك كدا لمتين؟
خش في أي من المواضيع الثلاثة وحتلقى ثقافة ومفراكات وبل، ما تخاف (أنا لا ماليش في دول)
أو كما قال أحمد عدوية
بحب الناس الرايقة اللي بتضحك على طول أماالعالم المضايقة أنالا ما ليش في دول
وبحب الي مخليها على الله اللي ما يحسبهاش العمر قصير الخ
أوقع على أدب قيقراوي
قصرت معاك؟
Post: #24 Title: Re: الفصل الاخير من رواية قيقاراوي Author: الجيلى أحمد Date: 03-03-2012, 11:18 AM Parent: #23
Post: #25 Title: Re: الفصل الاخير من رواية قيقاراوي Author: قيقراوي Date: 03-03-2012, 11:32 AM Parent: #24
Quote: لو وافقتوا على منحي لقب (الاديب) ساي برا نص، تكونوا وفرتوا علي و عليكم الرهق .. صراحة ما في زمن اقعد انحت ليكم راسي اكتب لي (نص) ادبي او قلة ادبي .. فادوني خاطركم .. ذاتي يتيم .. ومحمول بربي لي في بتين ؤولد
لوووووول
المافي شنو يا شباب!؟
متين جاكم زول قال هو رب الثقافة، واتجدع فيكم باسم كمين كتاب مسكتوهو سمعتوا ليهو!؟
ما كنتوا كريمييييييين .. نحنا ما بنستاهل!؟
ول عشان يتيم يعني!؟ والدين دا ما بتعرفوهو!؟
مخيرييييين .. بطريقتكم سورة الضحى دي، ما في جزء عم ياخي!؟ بتخشوا النار كلكم كدي!!
------
يا حمد الكايس (الادب) منو هو .. عاوزين لينا لقب ثقافي يليق ياخي .. حتى لو معاو شكوى فيران من قلتو ذاتو المافي شنو!؟
Post: #26 Title: Re: الفصل الاخير من رواية قيقاراوي Author: الجيلى أحمد Date: 03-03-2012, 12:53 PM Parent: #25
عليك الله ياقيقا شوف مسحة الصوفية فى الأغنية بتاعت (البويز تو مين) عن الفور سيزونز الأرفقتا ليك فوق ..
ياأخى والله كلما ماأسمعا بحس كأنى مجذوب
انا لله ياأخى دى حولية عديل كدا
Post: #27 Title: Re: الفصل الاخير من رواية قيقاراوي Author: قيقراوي Date: 03-03-2012, 01:30 PM Parent: #26
يا جيلي القوم كلام القوم ما بناباهو .. لكن الفيك اتعرفت تب
Quote: عليك الله ياقيقا شوف مسحة الصوفية فى الأغنية بتاعت (البويز تو مين) عن الفور سيزونز الأرفقتا ليك فوق ..
ياأخى والله كلما ماأسمعا بحس كأنى مجذوب
انا لله ياأخى دى حولية عديل كدا
--------
اليوتيوب بالنهار لقيقراوي دي بمثابة استحلاب تور عديييل كدا! بلكوهو الـITـياب يا حبيب!!!
حظي كدغيغ بس! لا مكتبة .. لا عضوية الفورسيزونس .. لا أدب ذاتو يتيم .. اصلع .. وعندي نفسيات كمان!
تنويه:[/red]
بالمناسب كاتب السطور اعلاه (البل) بعمل ليو بهق عدييل كدا!
Post: #28 Title: Re: الفصل الاخير من رواية قيقاراوي Author: Kabar Date: 03-03-2012, 02:54 PM Parent: #27
قال الفصل الأخير..قال...!!
الإ كن تقول لبكري.. (انا من قبلك ما اتحيرتا ..جيت وريتني دروب للحيرة..عارف وين خطواتك ماشة و اخري معاك ما معروف..!!)
طبعا بخصوص حكاية سووني اديب..كنت داير اجيب ليك (مع السراب)..خصوصا تلك الحلقة التي كان يشرب فيها صديقنا و استاذنا يحي فضل الله العوض..كباية الشاي..ياخي ، كان ح تكون جنس فنتازيا تمرقك بغادي لي القيقر..و مشاريع اهلك الصبحة /دي طبعا بيني بينك..الإ كن قريمان يجيب ليك خبرها..شفت انتا هامش كيف..؟؟؟)..! اها حيرتني دينا خالد يا قيقراوي..هي شايتة وين ، عارف..لكين دفعة متين..دي شطبت راسي..!!!
غايتو عندي مكتبة..و بضمن ليك ود البشرى و عبد الماجد الصايم..! و دينا خالد..لو جات قالت حضرت ليها حفلتين للهادي حامد في نادي المكتبة القبطية..ح اضمنها ليك و احلف عليها طلاق عديل..!!!
احضارنا للهادي حامد احتفالا باخونا حسين ملاسي الذي اطلق سؤال في هذا المنبر(قبل سنين) و هو يقول (لماذا لا يكون الهادي حامد فنان السودان الأول؟هل تصدق ذلك؟)..اها يا قيقراواي لمن ملاسي يطلق سؤال زي ده..بيكون عرف حاجة..!!..و ده مؤشر كويس..!!
اها يا قيقراوي ..حدك الهادي حامد و الحوت (ديل طبعا اختنا امونة بتكون سمعت بيهم في اليوتوب بس..وده برضك مرحلة كويسة..ياخي منصور خالد لو سألتو عنهم يقول ليك ديل كانوا بيلعبوا في فريق معمل استاك؟!)..لو عرفت ديل..ساعتين و اضمن ليك مكتبة في سودانيز اونلاين..(ديل طبعا بكري ابوبكر ما حضرهم..لكين ممكن نوقع ليهو الصورة.. و يا دينا خالد..الغنا السوداني دي سيوسيولوجيا بتوريك تأريخ السودان من الألف للياء..ما تقولي ..جائزة زين..ولا جبهة الدستور الإسلامي..و الذي منو..(شيخ صادق عبد الله عبد الماجد..ده من زمن نهاية الستينات..و لغاية الألفية الثالثة..و لسع مصر انو يكون زنجي كاره لذاتو على قول طيب الذكر بشاشا..الأمير الكوشي على قول امونة..!!!!!).. اها يا قيقراوي..لو شغلت الغنية دي لبكري..ح يقول ليك يتخيل لي الكلام ده كتبو عزمي احمد خليل..و انتا عليك تقول ليهو ايواتا ليك...و الباقي نحن بنتمو بركة ساكت..! السوداني ، وجدانيا ، ممكن يتذكر غنية في الثلاثينات.. لكن ما ممكن يتذكر ليك رئيس الوزراء وقتها...!!!!!
و دمتم..
كبر
Post: #29 Title: Re: الفصل الاخير من رواية قيقاراوي Author: قيقراوي Date: 03-04-2012, 12:54 PM Parent: #28
Quote: اها عايز تقول شنو يا مشرف ؟ مثقف كدى لمان شفت اللازم زايدة؟ انا شخصيا مقتنع انو قيقا ماغلطان ولا حاجة ياخي مرة عثمان ولدى اليادوبك بادي في دروب الثقافة مرة انتقد لي كتابة" بسم الله الرحمن الرحيم" الواحدة دي وقال لي كلها غلط . وكتب الصاح البيعرفها هو : " باسم اللاه الرحمان الرحيم" اها انا قمت قطعتها في كلاي وسكتت صنننننننننننننننن
يا محمد الشيخ ياخي المسائل الثقافية دي مافيها مجاملة ياخي قيقا غلطان ثم غلطان .. ولا جميلتو .. اللذين بدبل لام دي تستخدم للمثنى يكسب الاسكافي ود المشرف .. اها عرفنا عربيك قوي .. بقية الادوات كيف؟
انا كأديب (مرشح) بقوة، ما بتعاطى مع التلفيق ... ابداً! فاعتذاري لسيبويه .. وليرقد بدون ململة.
---------
تعرف يا ود الشيخ، ولد -ربنا يحفظو- كأديب زيي ؤ ود المشرف ما مشكلة كلو كلو .. وماذا نعمل مع فادي -ولدي- الفيلسوف المنكر!؟
مرة، وانا منهمك بمعارك هنا البيش .. هو مصر يتنونس معاي .. نقاشاتو دائرية .. زي هنا بالضبط .. بعرفا كويييس انا! قمت عاوز اوزعو، قلت ليو يا فادي انت ما عندك حاجة عاوز تعملا؟ تشرب موية مثلاً .. ما عاوز تاكل؟ .. الاكل مفيد للصحة ياخي! قال عاوز يشرب موية .. وركزت في ورقتي انا .. شوية القاهو ليك واااقف في محلو!! قلت ليو ياخي انت مالك ما عندك كلمة؟ .. مش قلت ماشي تشرب انت!؟ قال لي : آآي .. لكن غيرت رأيي!! فتأمل!!
نحن غايتو لحدي ما دخلنا الانترنت دا، الحمد لله المتفرد بالثناء على المكاره (رأي) دا ما عندنا .. ريالة سااااي!! لمن لقينا كلو زول بي رأي .. حتن عملنا لينا رأي يخصنا تماماً
يتبع
بنرجع للمسألة الفلسفية .. والعقيدة الفاسدة عند FFK دي على وزن JFK او فادي، ؤ كنيدي في رواية مجيدة
