Post: #1
Title: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-01-2012, 09:10 AM
Parent: #0
هي قولة حق أريد بها باطل ...... أعني ما يجري هنا في كثير من البوستات.
|
Post: #2
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-01-2012, 09:22 AM
Parent: #1
كلما وقع أحد الأعضاء على حادثة فساد، وقبل التحقق من صحة إدّعائه، يتقاطر (الرماديون) للهجوم على ادّعائه ناصحيه بأن لا يفرغ النضال من معناه ومذكّريه بأن الحكومة بها من الفساد ما يكفي، فلا حاجة لفبركة أخبار غير صحيحة، أو تبني أشياء غير مؤكدة.
|
Post: #3
Title: Re: الفساد موجود، فلا حاجة للكذب والفبركة:
Author: خالد العبيد
Date: 03-01-2012, 09:26 AM
Parent: #2
ودابوالعزائم
سلام
تعرف يا صاحب .... الفساد بعد وصل الاوقاف
والقوي الامين نهب قروش الجوامع والمساجد
طبعا ده بعد نشفوا الحج والعمرة
حن زااااتنا بقينا نخنشي ليهم
ياخ ديل حيرو ابليس
|
Post: #4
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-01-2012, 10:18 AM
Parent: #3
ينسى هؤلاء المناصحين، أن هذا البورد بطبعه، ليس صحيفة خبرية، إنما منبر للنقاش أقول فيه رأيي وأطرحه للنقاش، حتى الأخبار التي قد أوردها وأدعمها بمصدر، يمكن أن يكون مصدراً قوياً أو غير ذلك، يكون القصد منها لفت الإنتباه لشئ حدث (ليس ضرورياً أن يكون ورد في وسائل الإعلام)، أو حتى شئ تدور حوله الأقاويل، بغرض التحقق منه.
|
Post: #5
Title: Re: الفساد موجود، فلا حاجة للكذب والفبركة:
Author: أبو ساندرا
Date: 03-01-2012, 10:34 AM
Parent: #4
كملك الله بعقلك
وزانك بادبك
وتزينك مواقفك
|
Post: #6
Title: Re: الفساد موجود، فلا حاجة للكذب والفبركة:
Author: محمد المرتضى حامد
Date: 03-01-2012, 10:59 AM
Parent: #5
سلامي يا محمد،
أرجو أن أكون فهمت مرادك من البوست،
حتى إذا ما استصحبنا المبادئ القانونية الصارمة في صدد إثبات الإدعاء بالفساد الذي يضرب البلد
فإن أي محاولة لنفيه عن هذه (الحكومة) تصبح ضربا من العبث .
لعلك تذكر رواية السر قدور عن قصة لجنة النصوص التي حكى فيها عن قصيدة رفضتها اللجنة
بمقولة أن مطلعها ردئ وذلك قبل إكمال قراءة بقية النص وعندما عرض السر لرئيس اللجنة
أن يصبر ويقرأ باقي القصيدة عساه يغير رأيه كان رد رئيس اللجنة :
هسه كان جا حمار مد راسو من الشباك هل ننتظرو لامن يدخل كلو عشان نتأكد إنو حمار؟
|
Post: #13
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-02-2012, 01:54 PM
Parent: #6
مرتضى سلام ....
| Quote: حتى إذا ما استصحبنا المبادئ القانونية الصارمة في صدد إثبات الإدعاء بالفساد |
المشكلة إنو المفسدين ما ناكرين ...
لكن عندنا هنا في البورد، مع إقرار المفسد، يجوا يقولوا ليك: لا تطلق الكلام على عواهنه ..... (ملكيين أكتر من الملك).
|
Post: #17
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-04-2012, 07:50 PM
Parent: #6
|
Post: #12
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-01-2012, 11:09 PM
Parent: #5
Quote: كملك الله بعقلك
وزانك بادبك
وتزينك مواقفك |
الكلام ده، أنا حأحتفظ بيهو (لحين حاجة).
شكراً
|
Post: #7
Title: Re: الفساد موجود، فلا حاجة للكذب والفبركة:
Author: محمد البشرى الخضر
Date: 03-01-2012, 10:59 AM
Parent: #4
خلينا ناخد مثال حي يا ابو الريش
معاوية الصايم كتب هنا بالنص ( ود الباوقة حرامي ) و بالنص ايضا (بيان حرامية و انتهازية و بتاكل مصاريف عيال الجامعات )
وطبعا ما جاب ولا ح يجيب ادلة ولا مصادر ولا تام زين و حيكتفي بإشاداتكن و التمجيد و يعمل فيها شهيد و متسامي و مترفع عن الرد على اسئلتنا - احنا الرماديين ديل - عن مصدر حديثه و ادلته
طبعا بعد شوية ممكن يجي يقول انا اعتذر لود الباوقة او بيان او غيرون و ح تقبلوا اعتذارو في الحال و تشبكوه ياها المحرية فيك و يا بطل ... إلخ
اها الراي كيف في الحالة دي؟ و سمعة الناس ديل وجيعها منو؟
|
Post: #8
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-01-2012, 01:20 PM
يبدو أن هناك خطوط حمراء، ما أن يتخطاها أحد الأعضاء، إلاّ وتكال إليه النصائح بأن لا تفقد المنبر مصداقيته ولا تنشر الأكاذيب في حين أن السوء موجود ويمكنك أن تعكسه كما تشاء دون أن تأتي بما ليس موجود.
هناك الكثير من الأمثلة، وهذا واحد منها: الإستثمارات السودانية بماليزيا (١٣ مليار دولار).
|
Post: #9
Title: Re: الفساد موجود، فلا حاجة للكذب والفبركة:
Author: د.نجاة محمود
Date: 03-01-2012, 01:38 PM
Parent: #8
ايوا يا ابوالريش الكذب بفقد اي مكان مصداقيته
المقال الجبتو وكمية المطاعنات الكابيها دي
في زول كتب مقال قال ورد في الملحق الاقتصادي بتاع جريدة النيو ستريت تايم كذا وكذا وكذا
لغرابة الموضوع انا اتصلت بالمحرر حق الملحق الاقتصادي وسالته قال ما حصل انهم نشروا اي مقال
يعني الزول دا كذب حين اورد الصحيفة كمصدر ونجر الكلام من مخو ووضع اسم مصدر يعني كذب ممنهج
منفس الزول قال دكتور فلان الفلاني قال كذا وكذا وكذا
اتصلت بالاوبريتار والقسم والهيومان ريسورسس قالوا لا يوجد شخص بهذا الاسم
يبقى الكلام نجر الكلام بعداك نجر ليه اسم زول عشان يدي المقال مصداقية وقوة
لو اصلا كلامو صاح في بلد متقدم جدا جدا ويوجد شفافية عالية وهو صحافي
ليه ما سال الجهات الرسمية عشان تديه الارقام العايزها...
الناس الذيك العايزين الاكاذيب تتنشر بالحجج الميتة ديل المفروض يخجلوا
الاشاعات مهما اتكررت وترددت لا يعني هذا صحتها..
ارقد قفا ما عندكم قرش واحد في البلد دي...
ومن هنا نرفض اي اكاذيب باسم المعارضة
|
Post: #15
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-03-2012, 12:25 PM
Parent: #9
د. نجاة ...
1) هذا البوست ليس موجه لحادثة بعينها/ بوست/ مقال، إنما هو رد على توجّه أصبح ملفت في المنبر.
| Quote: المقال الجبتو وكمية المطاعنات الكابيها دي |
2) ليس من شيمي المطاعنة ... لذا لن أرد على هذا القول الغريب.
3) شكراً على اهتمامك والبحث في موضوع البوست المذكور، والحقيقة إنك إقتطعتي من وقتك زمن مقدّر (إتصال بالمحرر و بالاوبريتار والقسم والهيومان ريسورسس)، وهو شئ تشكري عليه واهتمام مدهش.
| Quote: الناس الذيك العايزين الاكاذيب تتنشر بالحجج الميتة ديل المفروض يخجلوا |
كلام يرقى لحد الإساءة .... لن أرد عليه أو على أي كلام بنفس المستوى.
|
Post: #14
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-02-2012, 09:40 PM
لا يا ود البشرى، مثالك مش بالضبط المقصود منه البوست، وإن كان قريب منه.
قد تكون هناك أشياء شخصية في أمثلتك، وأنا لا أقر الشخصنة.
لكن المقصود الفساد في أجهزة الدولة ومن يمثلها من مسئولين.
الفساد الذي تمثل في (خج) صندوق الإقتراع في إحدى دوائر شرق السودان.
الفساد الذي أدى إلى انهيار عمارة الشرطة في بري.
|
Post: #11
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-01-2012, 08:11 PM
Parent: #3
يا خالد، الفساد موجود في كل مكان دي هم عارفينها قبل ما نقولها ...
يبقى هل من يريد كشف الفساد، بحاجة للفبركة؟
ده سؤالي.
|
Post: #16
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-04-2012, 05:25 AM
Parent: #11
من الأقوال المأثورة التي أصبحت كـ(الختم) يوضع على أي موضوع يتناول الفساد:
((إذا كانت هذه طريقة تناولكم .... فابشري يا حكومة بطول بقاء))
أو ما معناه.
|
Post: #18
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-06-2012, 09:19 AM
Parent: #16
| Quote: البوست سبب هذا البوست |
كما ذكرت ....
هذا البوست ليس رداً على بوست بعينه.
لكنه رد على حالة أصبحت أقرب للظاهرة.
|
Post: #19
Title: Re: الفساد موجود، فلا حاجة للكذب والفبركة:
Author: محمد البشرى الخضر
Date: 03-06-2012, 05:26 PM
Parent: #18
يا ابو الريش طيب سيبك من المثال
انت قلت اعلاه " كلمة حق مراد بها باطل"
طيب انت كباحث عن الحق ورافض للفساد
ما تاخد الجزؤ الأول من العبارة (كلمة الحق) وأنساني من قراءة نوايا الناس وخبايا صدورن
هل الكذب و الاختلاق و الفبركة مقبولة عندك ومبررة لإثبات فساد الحكومة؟
|
Post: #20
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-07-2012, 06:52 PM
Parent: #19
ود البشرى ياخ ما تحاول تستفزني. يعني شنو الكذب والإختلاق والفبركة مقبولة عندي؟
باتكلم هنا عن حالات/ أحداث يشكك فيها البعض رغم صحتها التي تبين بشهادة شهود أو بمصدر واضح ... إلخ.
السؤال واضح جداً ..... يقر الجميع - بما فيهم من يتصدى لهذه البوستات - بأن الفساد يزكم الأنوف. لماذا إذاً يحتاج أي شخص للفبركة؟
|
Post: #21
Title: Re: الفساد موجود، فلا حاجة للكذب والفبركة:
Author: ABUHUSSEIN
Date: 03-07-2012, 08:01 PM
Parent: #20
سلام أبو الريش و الضيوف
| Quote: يقر الجميع - بما فيهم من يتصدى لهذه البوستات - بأن الفساد يزكم الأنوف. لماذا إذاً يحتاج أي شخص للفبركة؟ |
| Quote: يبقى هل من يريد كشف الفساد، بحاجة للفبركة؟ |
انا أقول ليك ليه الناس بتلجأ للفبركة:-
المصلحة الشخصية كل واحد عايز إكبر كومو في مجال النضال
كل واحد عايز إكون ليه السبق في نشر أخبار الفساد بغض النظر عن عدمو
تحياتي
|
Post: #22
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-08-2012, 09:02 PM
Parent: #21
مرحب أبوحسين ..
ما أظن في مشكلة إنو الواحد يكون ليهو السبق ويكون أول من ينشر ....
كمان ما أظن العايز ينشر فساد، يحتاج يفبرك في وجود الفساد البيقر بيهو الكل.
ياخ كلامكم ده زي الزول الواقف وسط المطرة، وشايل خرطوش بيسقي في زراعة.
|
Post: #23
Title: Re: الفساد موجود، فلا حاجة للكذب والفبركة:
Author: ABUHUSSEIN
Date: 03-08-2012, 09:12 PM
Parent: #22
| Quote: كمان ما أظن العايز ينشر فساد، يحتاج يفبرك في وجود الفساد البيقر بيهو الكل. |
هل معنى كلامك دا إنو أي كلام إتكتب في سودانيز أون لاين حقيقة...؟؟؟؟
يعني ما فيه أي فبركة ...؟؟؟
| Quote: ياخ كلامكم ده زي الزول الواقف وسط المطرة، وشايل خرطوش بيسقي في زراعة. |
دي ما حا أرد عليها الآن....!!!!
|
Post: #24
Title: Re: الفساد موجود، فلا حاجة للكذب والفبركة:
Author: عبدالعزيز حسين عبدالرحيم
Date: 03-09-2012, 04:48 AM
Parent: #23
| Quote: البوست سبب هذا البوست |
نعم لكن برضه عشان دا كمان
الإستثمارات السودانية بماليزيا (١٣ مليار دولار).
لتبييض وش صاحبه في الاتزنق فيه وما عاوز يفكه
غايتو من اشوف بوست زي دا بعرف طوالي يكون في زول داير رقعه
|
Post: #25
Title: Re: الفساد موجود، فلا حاجة للكذب والفبركة:
Author: محمد البشرى الخضر
Date: 03-10-2012, 10:21 AM
Parent: #24
Quote: ود البشرى ياخ ما تحاول تستفزني. يعني شنو الكذب والإختلاق والفبركة مقبولة عندي؟
باتكلم هنا عن حالات/ أحداث يشكك فيها البعض رغم صحتها التي تبين بشهادة شهود أو بمصدر واضح ... إلخ.
السؤال واضح جداً ..... يقر الجميع - بما فيهم من يتصدى لهذه البوستات - بأن الفساد يزكم الأنوف. لماذا إذاً يحتاج أي شخص للفبركة؟ |
استفزاز شنو يا ابو الريش الله يهديك
انت كتبت و قلت "كلما" كتب مناضل عن الفساد انبرى له الرماديون و قالوا .. إلخ
قلنا ليك ياخي دا مثال, قلت لأ دا ما المقصود
طيب ادينا انت أمثلتك دي واحد و التانية ستيل العبارة فاليد كونها صدرت من مؤيد للحكومة او منكر للفساد او حتى البشير شخصيا لافرق
نعم ... ما الحاجة للكذب و الفبركة
دي جاوب لي عليها انت و اضف على اجابتك ما الذي يجعلها مقبولة و الأعتراض عليها هو المرفوض؟
|
Post: #28
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-11-2012, 05:57 PM
Parent: #25
أبو حتوت ..... عشان ما أمشي بعيد ... أخد مثال من البوست ده ....
أنا فتحت البوست، في ناس أيدوا كلامي، وناس شافوا غير الشايفو أنا وجوا يناقشوا (إنت منهم).
لكن كمان شوف د. نجاة في ردها قالت شنو ...
| Quote: الناس الذيك العايزين الاكاذيب تتنشر بالحجج الميتة ديل المفروض يخجلوا |
نبرة الإستعداء لو إستجبت ليها .. البوست ما كان مشى خطوة واحدة ... وده المقصود.
______
بالمناسبة ... عبارة رماديين إستعملتها لأنها عاجـباني شديد ........... ما تتحسس منها ((مش إنت صاحبها؟))
|
Post: #30
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-12-2012, 07:25 AM
Parent: #24
Quote:
نعم لكن برضه عشان دا كمان
الإستثمارات السودانية بماليزيا (13 مليار دولار).
لتبييض وش صاحبه في الاتزنق فيه وما عاوز يفكه
غايتو من اشوف بوست زي دا بعرف طوالي يكون في زول داير رقعه |
معليش ...أكرر كلامي تاني:
Quote:
كما ذكرت ....
هذا البوست ليس رداً على بوست بعينه.
لكنه رد على حالة أصبحت أقرب للظاهرة.
|
|
Post: #26
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-11-2012, 05:52 AM
Parent: #23
| Quote: هل معنى كلامك دا إنو أي كلام إتكتب في سودانيز أون لاين حقيقة...؟؟؟؟ |
في رأيي، في فرق بين الفبركة، والزول يلفح ليهو كلام قبل ما يتأكد من حقيقتو ....
من ناحية تانية، في حالات، لما واحد يجيب خبر مهما كانت أهميتو، في ناس بيجوا شايلين عكاكيزهم، بس لأنو الخبر ده جابو (فلان).
|
Post: #27
Title: Re: الفساد موجود، فلا حاجة للكذب والفبركة:
Author: محمد البشرى الخضر
Date: 03-11-2012, 07:58 AM
Parent: #26
| Quote: بس لأنو الخبر ده جابو (فلان). |
هي نان إذا فلان دا كضّب و تحرّى الكضب ولا زال حتى كتب عند الناس كّذّابا ليه ضل
|
Post: #29
Title: Re: الفساد موجود، فلا حاجة للكذب والفبركة:
Author: محمد البشرى الخضر
Date: 03-11-2012, 09:07 PM
Parent: #27
ابوالريش ياخوي اسي دا شنو دا | Quote: نبرة الإستعداء لو إستجبت ليها .. البوست ما كان مشى خطوة واحدة ... وده المقصود. |
دا علاقتو شنو بموضوع البوست الرئيس و اللي هو حسب ما أذكر كا ن عن أن (كلّما) كتب احدهم عن الفساد نط من يطالبه بالدليل و التوقف عن الفبركة والأكاذيب
لا حظ كلّما البين قوسين و راعي للإطلاق الفيها, جبت ليك مثال يخالف رايك قلت ما ياهو طيب ادينا انت امثلتك جبت لي كلام بيان الفي البوست دا زاتو!!
ابو الريش انت فتحت البوست دا للنقاش و الحوار البحتمل اختلاف وجهات النظر ولا نظام ولو طارت عنز؟!
ثم انا ما بتحسس من قولة رمادي بل بالعكس بفتخر بيها , قول لي ليه ؟
لأنو على الضفتين التانيات منها يا كوز ودي عارف الحاصل فيها طبعا
يا من يرتضي ان يلغي عقله, و يسلم قياده لآخرين ولا يرى غضاضة في صرف النظر عن الكذب و الفبركة و سائر مثالب الدنيا و العالمين طالما تنال من الحكومة
ويأتي ببجاحة الدنيا كلها يتحدث عن الفضائل و الشرف و ... إلخ
|
Post: #31
Title: Re: الفساد موجود، فلا حاجة للكذب والفبركة:
Author: ABUHUSSEIN
Date: 03-12-2012, 10:06 AM
Parent: #29
أها يا أبو الريش دا بوست صاحبو ربطو بالفساد
وداد... طالبــــــــــــــــــة الطلاقـــــــــــــــــــ
Quote: افرازت........................................... الفســـــــــــــــــــــــــــــــــــــاد.
اسرار مجالس الكيزان
نواصل |
| Quote: الزواج شان خاص والفساد شــــــــــــــــــــــــان عام |
و بالله صنفو لي :-
1- كـذب
2- فبركة
3- سبق صحفي
4- مصيبة أخرى...
تحياتي و إحترامي
|
Post: #32
Title: Re: الفساد موجود، فلا حاجة للكذب والفبركة:
Author: الطيب شيقوق
Date: 03-12-2012, 10:24 AM
Parent: #31
انت البوديك تباري بالهرف شنو؟
كايس ليك سكري او ضغط ؟
ابعد من الشر وغنيلو بس ياخ
|
Post: #35
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-14-2012, 05:52 AM
Parent: #32
ود شيقوق ...
| Quote: ابعد من الشر وغنيلو بس ياخ |
الشر إن غلبني أسوي فوقو شئ .... بابعد منو ...
لكن أغنيلو دي ما كتيرة؟
|
Post: #33
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-13-2012, 06:41 AM
Parent: #29
يا ود البشرى ... مؤكد الموضوع مطروح للنقاش ومافي عنز ولا خروف.
طرح وجهات النظر لا يعني إصراري على إقناعك بوجهة نظري .. كما لا يعني تبني وجهة نظرك إن لم أقتنع بها (مع ذلك أحترمها) ... هكذا أرى الإستفادة من هذا المنبر.
|
Post: #34
Title: Re: الفساد موجود، فلا حاجة للكذب والفبركة:
Author: محمد أبوالعزائم أبوالريش
Date: 03-13-2012, 07:47 PM
Parent: #33
مرحب تاني أبو حسين ...
ما عارف عايز تقول شنو ..... وصراحة ما دخلت البوست الجبتو ده.
هل تقصد إنو الخبر غير صحيح .... والا الموضوع نفسو غير لائق ... والا شنو؟
عموماً ..... الحرية الشخصية لا يتم تناولها بنفس الكيفية عندما يكون المعني شخصية عامة. بمعنى إنو لا يجوز لي التحدث عن خصوصيات أبو حسين ... لكن الصادق المهدي بصفتو شخصية عامة، ممكن أتناول خصوصياتو (طبعاً هنا أقصد ده الشئ البيحصل فعلاً)، ودونك موضوع لوينسكي - كلينتون ومطاردة الصحفيين للأميرة ديانا لدرجة كلفتها حياتها ... والأمثلة كتيرة.
|
|