Post: #1
Title: تصحيح معلومة: صورة الإمام المهدي المزعومة في الأصل هي لقائد صومالي
Author: النذير حجازي
Date: 02-28-2012, 09:18 AM
Parent: #0
سلام يا شباب
صورة نادرة للإمام المهدي!
كلنا قد تابع بوست الصورة أعلاه التى أنزلها العزيز معروف سند والإشارة لمصدرها،
وهذه الصورة إنتشرت بسرعة البرق في الفيسبوك وبالأخص قروب صور السودان
القديمة، ولقد قاموا بتفنيد الصورة، وذكروا بأنها منسوبة لإمام الدراويش في الصومال واسمه
"محمد عبد الله حسان"، ويمكن متابعة حواراتهم في الرابط أدناه:
http://www.facebook.com/photo.php?fbid=240088...66738&type=3&theater
ولقد نقلتها هنا للفائدة العامة
وأتفق معهم 100% لأننا نلاحظ جلياً بأن ملامح الرجل صومالية وليست سودانية
|
Post: #2
Title: Re: تصحيح معلومة: صورة الإمام المهدي المزعومة في الأصل هي لقائد صومالي
Author: محمد عبد الماجد الصايم
Date: 02-28-2012, 09:22 AM
Parent: #1
المقصود الزول التاني يا النذير ياخ!
بعدين إنت مش قالوا ليكـ توقّع بس!!
|
Post: #3
Title: Re: تصحيح معلومة: صورة الإمام المهدي المزعومة في الأصل هي لقائد صومالي
Author: النذير حجازي
Date: 02-28-2012, 09:31 AM
لووووووووووووووووووووووووووووووووووووووووول @ ود الصائم
ياخي كتلتني بالضحك ياخ، ويسعد أيامك ودائماً تكون فرح، يا ود الصائم
ياخي أخوك فتر من عملية التوقيع دي وعلشان الله شوف لينا صاحبك
محمد عثمان يشوف لي شغلة تانية غير التواقيع دي، إن شاء الله رفع بوستات
يا ود الصائم الاتنين المقصودين هما صوماليين، غايتو إنت زول بتاع شربكة هاهاها
وقريت في الويكبيديا إنو محمد عبد الله حسان برضو كانت ثورته ثورة دراويش
وبرضو رجع لسيرة الكاتب جون والتر الزول دا ما شاف السودان زاتو تخيل!
غايتو يا ود الصائم المهدي دا جننا جن، وتعرف يا ود الصائم أجمل تاريخ في العالم
تاريخ الثورة المهدية في السودان، وأخوك عندو أوضة مليانة كتب خواجات كتبوا
عن المهدية والله حاجة ما تخلص.
تحياتي
|
Post: #4
Title: Re: تصحيح معلومة: صورة الإمام المهدي المزعومة في الأصل هي لقائد صومالي
Author: محمد عبدالرحمن
Date: 02-28-2012, 09:35 AM
Parent: #3
Quote: يا ود الصائم أجمل تاريخ في العالم
تاريخ الثورة المهدية في السودان |
|
Post: #5
Title: Re: تصحيح معلومة: صورة الإمام المهدي المزعومة في الأصل هي لقائد صومالي
Author: النذير حجازي
Date: 02-28-2012, 01:58 PM
Parent: #4
شكراً يا محمد عبد الرحمن على التأمين على كلامي
وأحب وأموت في تأريخ المهدية أنا
|
Post: #6
Title: Re: تصحيح معلومة: صورة الإمام المهدي المزعومة في الأصل هي لقائد صومالي
Author: محمد عثمان الحاج
Date: 02-28-2012, 05:51 PM
Parent: #5
لك التحية أخي النذير حجازي، دخلت بوستك هذا وكلي أمل أن أجدك قد أتيت ببرهان ساطع يفند ما أورده الخواجة مؤلف الكتاب الذي وردت فيه الصورة لتكشف لنا كيف أن مؤرخ أمريكي ارتكب مثل هذا الخطأ الفادح وهو أمر نادر الحدوث للمنهجية العلمية التي عرف بها الباحثون الأمريكان، ولكن للأسف أنت لم تذكر سوى أقوال مرسلة وشائعات تتتردد في الفيسبوك! إن كان هناك برهان على أن هذا الشخص هو صومالي فليأتوننا بصورة أخرى للشخص الآخر، وإلا فإن الصورة صحيحة حتى يأتي البرهان القاطع بعدم صحتها.
|
Post: #7
Title: Re: تصحيح معلومة: صورة الإمام المهدي المزعومة في الأصل هي لقائد صومالي
Author: النذير حجازي
Date: 02-28-2012, 06:12 PM
Parent: #6
العزيز محمد عثمان،
تحية طيبة
يا محمد عثمان، شكلك ملخبط بين اسمين، جون والتر صاحب كتاب "أفريكا - جيوغرفي ريدر"
هو بريطاني وليس أمريكي، وثانياً من موقع الويكبيديا لم يزر السودان مطلقاً فلقد زار شرق
أفريقيا (الصومال) وله كتاب آخر عنها، هذه النقطة الأولى وهذا تعريف عنه:
http://en.wikipedia.org/wiki/John_Walter_Gregory
النقطة الأخرى محمد عبد الله حسان أيضاً إدعى المهدية في الصومال ولذا كتب عنه والتر
النقطة الثالثة هي أن معروف عنده الكتاب فمن السهل أن يتحقق هل والتر يقصد مهدي السودان
أم مهدي الصومال، وبالمناسبة أنا عملت أوردر للكتاب وسأستلمه قريباً من أمازون دوت كوم
تخيل لقيتو بي خمسة دولارات بس!
النقطة الرابعة هي أن صاحب الصورة فعلاً ملامحه صومالية وليست سودانية، وأظن أن مفتاح
الخلاف عند معروف سند، فلنتظره حتى يفرغ من قراءة الكتاب ثم الإدلاء بدلوه بعد هذه الحيثيات
الجديدة عن الصورة.
تحياتي
|
|