Post: #1 Title: يقظة شعب وسقوط الانقاذ Author: محمد حسن بوشى Date: 02-27-2012, 02:54 AM
غايتو كل يوم وكل ساعه تمر بأكدو لي انو نظام الانقاذ اللقب المناسب معاهو هو ؛ النظام السابق ؛ انا متأكد انو في ناس حيقولو لي انت متفائل شديد ؛ ايوه بالجد انا متفائل جدا ومتاكد تماما انو كل الحسابات الموضوعيه بتأكد انو النظام عمرو انتهي ؛ مافي زول بقدر ينكر انو المجتمع وخاصه المجتمع الشبابي فيهو تغيرات كبيره وتحولات في المفاهيم وطريقة التفكير والاهتمامات ؛واكيد كلنا ملاحظين مثلا للزول الكان قبل سنتين ماشغال بالسياسه ولا بالوطن كيف سياسات النظام والجوع والغلاء والعطاله خلتو يتفاعل مع القضيه الوطنيه ؛ يعني النظام اجتهد في هذا الجيل ايما اجتهاد عشان يفرغو من محتواهو وبالمقابل بالغ النظام في تجاهل عقل الشعب واكثر في عدم احترام مشاعره و اهانة كرامته ؛؛ بس اكيد الشي لما يزيد عن حدو بنقلب ضدو ؛؛ مش كده ؟؟
فيا شباب الشعب هيا ؛؛ وانطلق ياموكبي ؛ وارفع الصوتا قويا ؛؛
Post: #2 Title: Re: يقظة شعب وسقوط الانقاذ Author: Ali Sirelkhatim Date: 02-27-2012, 03:19 AM Parent: #1
الحبيب محمد حسن بوشى بعد ما فقدنا الامل فى هذا الجيل ..شوفنا الفيديو بتاعك فى اليوتوب وماقلته لنافع ..خليتنا نعرف انه حوا واااالده شكرا ليك يا محمد ياخى وانت رجل والرجال قليل
الف مرحب بيك
Post: #3 Title: Re: يقظة شعب وسقوط الانقاذ Author: محمد النيل Date: 02-27-2012, 03:28 AM Parent: #2
Quote: مافي زول بقدر ينكر انو المجتمع وخاصه المجتمع الشبابي فيهو تغيرات كبيره وتحولات في المفاهيم وطريقة التفكير والاهتمامات ؛واكيد كلنا ملاحظين مثلا للزول الكان قبل سنتين ماشغال بالسياسه ولا بالوطن كيف سياسات النظام والجوع والغلاء والعطاله خلتو يتفاعل مع القضيه الوطنيه
حقيقة ناصعة يا بوشى والامل ابدا ما بنقطع فى شعب يعرف معنى ان يكون حرا
شكرا
Post: #4 Title: Re: يقظة شعب وسقوط الانقاذ Author: saadeldin abdelrahman Date: 02-27-2012, 07:55 AM Parent: #3
سلام يا بوشي، حمد لله على سلامتك ياخ.. شكرا ليك كتير على حاجات كتيرة ياخ، الجوع و الغلاء قد يكونا الوقود لما قد يأتي لكنهم ليسو كافيان لخلق وعي يشكل تغيير حقيقي، علينا العمل على وضع أساس متين لاهدافنا و مطالبنا حتى لا تأت ابريل و نقوم نتلفت كما حدث من قبل، التغيير نحتاجه أن يبدأ من تحت من مستوى المواطن و تشكيل وعيه بالوطن و المصلحة العامة و الحق العام و النظافة و الكرامة يجب أن يسير التغيير بمجموعة خطوط متوازية، ما اسهل أن ينتفض الشعب جائعا، لكن هل سيكون هذا تغييرا؟ يمين تماسيح الدميرة يلفوا و يجوك تاني في لبوس الرهبان و القسيسين!
احترامي يا زول تشبه بلدنا.
Post: #5 Title: Re: يقظة شعب وسقوط الانقاذ Author: saif massad ali Date: 02-27-2012, 08:16 AM Parent: #4
بيان حركة العدل والمساواة السودانية حول تحرير منطقتي جاوا وتروجي بجنوب كردفان بسم الله الرحمن الرحيم حركة العدل والمساواة السودانية Justice & Equality Movement Sudan (JEM) www.sudanjem.com [email protected]
بيان حركة العدل والمساواة السودانية حول تحرير منطقتي جاوا وتروجي بجنوب كردفان
في إطار تنفيذ مشروع تحالف الجبهة الثورية السودانية التي تهدف إلى إسقاط نظام الإبادة الجماعية في الخرطوم ,استطاعت قوات الجبهة صباح هذا اليوم الأحد 26/02/2012م وبقيادة الفريق عبد العزيز ادم الحلو قائد القيادة العسكرية المشتركة وبقوة مكونة من حركة العدل والمساواة السودانية والحركة الشعبية لتحرير السودان (لشمال )وحركة تحرير السودان للعدالة و وحركة تحرير السودان الوحدة من تحرير منطقتي جاوا وتروجي الإستراتجيتين في جنوب كردفان , وتطهيرهما بشكل كامل من دنس مليشيات نظام الراقص و تكبيدها خسائر فادحة في الأرواح والممتلكات , حيث غنمت قوات الجبهة الباسلة على عدد كبير من المعدات تتمثل في :
1-عدد 4 أربعة دبابات t55 بحالة جيدة
2-عدد 50 عربة لاندكروزر دفع رباعي سليمة محملة بالأسلحة والذخائر.
3- عدد 20 شاحنة كبيرة من بينها 6 ستة تناكر وقود.
4-عدد 10 مدفع هاوزر
5- عدد 20 دوشكا وعدد r8 ,هاون 120مم ، اكثر من 30 مدافع مختلف من اس بى جى
6- عدد 200 مدفع b10 هاون
كما تم الاستيلاء على مخزن مليء بالمهمات والعتاد العسكري فضلا عن المؤن , بالإضافة إلى كثير من الغنائم ومئات من قتلى جيش ومليشيات حكومة المؤتمر الوطني جاري حصرهم,
جماهير شعبنا العزيز إن انتصارات قواتكم اليوم وتحريرها لجاوا وتروجي إنما هي مقدمة ومدخل حقيقي لإسقاط نظام الخرطوم وشرذمة الإقصاء التي تسيطر على مقدرات الشعب السوداني وهي خطوة مهمة نحو عقر دار الراقص الهارب من العدالة, وأننا إذ نقدم لكم هذا النصر المؤزر ندعو شرفاء وطننا إلى الانحياز إلى صوت العزة نحو الخلاص من هذا النظام والذي يضمن بالضرورة الحفاظ على ما تبقى من هذا الوطن الذي فتت بواسطة حكومة المؤتمر الوطني.
كما ندعو قوات الشعب المسلحة ألا يكونوا أدوات لتقتيل الشعب وان يعلموا أننا جميعا جنود من اجل الحفاظ على مقدرات هذا الوطن وشعبه وليس أدوات لتفتيته كما يفعل النظام , فندعوهم صادقين إلى الانحياز إلى الحقيقة والى صف الشعب.
التحية لشهداء الثورة وإنها لثورة حتى النصر لواء ركن / بدوي موسى الساكن الناطق الرسمي لقوات حركة العدل والمساواة السودانية الاراضي المحررة 26/02/2012م
Post: #6 Title: Re: يقظة شعب وسقوط الانقاذ Author: عاطف مكاوى Date: 02-27-2012, 08:36 AM Parent: #5
نحن مبسوطين منك يا بوشي وجيلك ما حا يخزلنا ....
كربوا التنظيم .... وقدموا التنازلات من أجل الوطن.
Post: #7 Title: Re: يقظة شعب وسقوط الانقاذ Author: Medhat Osman Date: 02-27-2012, 08:56 AM Parent: #6