الجبهة الثورية تحرر جاوا وتحاصر تروجي والمعارك مازالت مستعرة انه الزحف

اول عمل تشترك فيه كل فصائل الجبهة الثورية
الم اقل لك قبل يومين يا فائز ود القاضي سوف تسمع قريبا عن عمل مشترك لكل فصائل الجبهة الثورية
لقد شاركت كل الفصائل وباسلحتها الثقيلة
ومازالت قوات الجبهة الثورية تطارد فلول قوات النظام الهاربة
ومازالت المعارك دائرة في منطقة بحيرة الابيض
وسوف تعرض الغنائم قريبا
والزحف نحو المدن الكبري مستمر ولن يوقفه شيء

القاعدة العسكرية التي تم السيطرة عليها في جاوا قوامها :
1- 6000 جندي وضابط
2- 3 كتائب دبابات
3- عدد مهول من الصواريخ والقذائف
4- عدد كبير من الراجمات
5- زخائر كميات
ولقد هربت معظم القوات الي تروجي ولقد تابعتهم قوات الجبهة وحاصرت تروجي
والان يجري حصر الغنائم وسوف يعلن عنها قريبا باذن الله
وسوف نذكر الخطة التي بها استطاعت قوات الجبهة خدع النظام ومباغتته والسيطرة علي جاوا

التحيه لابطال الجبهه الثوريه
الاخ صلاح تسلم

ها قد بدأ الزحف وانها....لثورة حتى النصر!

شكرا صلاح جادات وسنتابع ونرفع بوستاتك باذن الله!

واضح جداً يا صلاح جادات إنو جاياكم زعطة قوية خلاس ..

أصبر وstay tuned ..

بالله يا منير؟!

Quote: واضح جداً يا صلاح جادات إنو جاياكم زعطة قوية خلاس .. أصبر وstay tuned ..

انت جرسة الحكومه ما شايفها؟!
شيء الحقونا وشيء وقوفوا الحرب و...نقه كثيره.....!!

تراجي كيف حالك .. مالك الأيامات دي نشاطك قلَّ .. كورتك فكت واللاّ شنو - يا عملات حبيب نورة - ؟؟

يا تراجي الأحداث عودتنا إنو كلما نشط العمل المسلح ضد الجيش يجي الجيش يرد الصاع صاعين .. وحسب تجربتي في المنبر ده لا حظت ليك إنو كلما تحصل فرفرة من أنصار العمل المسلح تحصل ليهم نكسة كبيرة..
ناس جادات ده شبكنا ليك ناس مالك عقار علي بعد كيلومترات من الدمازين، تاني يوم أبادوهم ومرقوهم من الكرمك ..
شبكونا الحلو وين وما أدراك ما وين، بعد شوية سمعنا بيهو يتشعبط في الجبال ..
إنتو شبكتونا خليل في طريقه للخرطوم وكل القوة الخرطوم جوة لغاية ما جبتوا خبر خليل زاتو ..

إنتو ما قادرين تقتنعوا بأنكم تناطحون جبال الشعب السوداني .. معقول تكونوا مقتنعين بأن جزء صغير من قبيلة الزغاوة وجزء صغير من النوبة وجزء صغير من قبيلة مالك عقار - كل فردة من بلد - عاوزين يقهروا الجيش السوداني ويحكموا البلد؟؟ !! ..

زحف شنو ووهم شنو يا تراجي ؟؟ ..
مصيركم محتوم ياأختي ..

أستاذ منير
سلامات ..

تخيل يا منير .. بعد الأحداث التى تسمعها هذه أتصلت بكادقلى .. الناس بسمعوا بهذه الأخبار ذى سماع ناس الخرطوم .. الناس مرتاحين والحفلات مدوره فى كادقلى وبهنا ناس تراجى تحسبهم أستلموا مدينة أم درمان ومتجهين إلى الخرطوم ..


والله قصص وحكاوى ..


بريمة

الأستاذ بريمة كيف الحال ..
ياخوي الناس ديل ما دايرين يختوا الكورة واطة - وماشين في طريق مسدود ..
أكيد في أقلية مستفيدة من الوهمة دي ، تقبض في الدولارات وترمي بالمساكين لجج المعارك .. ما ممكن ياخ .. ياخي إذا كان جون قرنق شخصياً ومعاهو إثيوبيا وكينيا وأوغندا وأريتريا وأمريكا واسرائيل بدعم علني مفتوح وحصار خانق للسودان ، ما قدر يحتل مدينة واحدة مهمة في الجنوب محل الغابات وبيئة المعركة المساعدة له، يجو ناس قريعتي راحت ديل يقولوا ليك بدأ الزحف ؟ ..

رحم الله أمرأَ عرف قدر نفسه ياخ ..

الاخ هجو سلام
وشكرا للدعم

الاخت ام حازم سلام
وشكرا للدعم وما بتقصري ابدا

الاخ بريمة
اهو الناس في دارفور مهيصين سنين ومن قبلهم الجنوب ومع ذلك الحرب كانت شغالة ( عادي )
هل وقفت الحرب في جنوب كردفان او النيل الازرق او دارفور ؟؟؟ والهيصة ايضا ما وقفت

الاخ منير
لقد ظللت تكرر هذا الكلام مع تغيير الالفاظ وفي كل مرة هناك اضافات عبارة عن عك
وبكل بساطة لو افترضنا صحة ما تقول بان كل فرفرة يتبعها ضربة كبيرة للمفرفر لكانت كل الحركات الدارفورية والحركة الشعبية في خبر كان
هذا من حيث ان الفرفرات كما تسميها كثيرة جدا وعليه يتبعها ضربات قاضية كثيرة جدا اذن من الذي يقاتل الان وفي كم جبهة ؟
الحرب سجال وهي مستمرة هكذا منذ 8 سنين في دارفور ومنذ شهور في جنوب كردفان والنيل الازرق وبالفعل كانت قوات الحركة بالقرب من الرصيرص ودخلت الدمازين وكانت في الكرمك وخرجت منه وكانت في كادقلي المهيصة الان كما يقول بريمة وفي الجنوب ايضا كانت هكذا حتي رضخ النظام الي المفاوضات
وعجبت لكلامك من ان الحركة الشعبية لم تستطيع احتلال مدينة واحدة !! ولماذا رضخ النظام للتفاوض اذا كانت الحركة لم تحتل مدينة واحدة ؟
راجع معلوماتك ... اذا كان الكلام ده جاء من اشاتر الكيزان كان يكون عادي

غنائم معركة جاوا ::
1-عدد 4 أربعة دبابات t55 بحالة جيدة

2-عدد 50 عربة لاندكروزر دفع رباعي سليمة محملة بالأسلحة والذخائر.

3- عدد 20 شاحنة كبيرة من بينها 6 ستة تناكر وقود.

4-عدد 10 مدفع هاوزر

5- عدد 20 دوشكا وعدد r8 ,هاون 120مم ، اكثر من 30 مدافع مختلف من اس بى جى

6- عدد 200 مدفع b10 هاون

كما تم الاستيلاء على مخزن مليء بالمهمات والعتاد العسكري فضلا عن المؤن , بالإضافة إلى كثير من الغنائم ومئات من قتلى جيش ومليشيات حكومة المؤتمر الوطني جاري حصرهم,

رايك شنو يا منير بعد ما شفتا الغنائم ؟؟؟
عاجل : صور غنائم معارك جاوا ( صور )