و أنا كمان أخت عصام جبر الله

يا أمات البنات إتلموا وأفخرن

أنا أم سودانية أستمديت إيماني بنفسي وiنسانيتي ووطني أولا من آمال جبرالله...استلهمت وعيها وصمودها وعيني تتفتح على معني أن أكون إمرأة وان أكون فاعلة...عاصرت نضالها وهي تدفع ثمن خياراتها فصلا وسجنا وتعذيب...عرفت أن المراة يمكن أن تكون صامدة ومصادمة...أنيقة وقوية...واعية و انسانة...شكرا آمال ورفيقاتها فانتن ملهمات جيلي

Quote: و أنا كمان أخت عصام جبر الله

يا سلام علي الخوة ..
عنوان يشرح القلب ..

ليك ألف تحية ..

وانا اخو بنات جبر الله .....
والله ياعفراء بكرى ده مفرض يشترط شهادة حسن سير وسلوك حتى يسلم البعض باسوردات..
اللهم لانسألك رد القضاء ولكن نسألك اللطف فيه،،،

شكرا منير والتحية ليك ولكل سوداني يفخر بقوله أنا أخو فاطنة

حباب أخو بنات أبوي جبرالله فخر النساء والرجال...
حباب ود الموج

الأخت عفراء .. لم اتابع ولكني خمنت أن بوستك إرتداد لأحد بوستات صلاح البندر التي تهاجم الاستاذة أمال جبرالله .. وبالجد عجبني تضامنك القوي والمعني العميق الذي سطرتيه في عنوانك الباهر .. والذي غمرني فخراً بالفاطنة السودانية حين تدق سدرها وتناصر أخوانها ..

والسلام ليكِ ولأمال ..

سلام يا عفراء
انا كنت محظوظ جدا
بعد الانتفاضة مباشرة تفتحت العيون على طريق صعب
طريق المسير في درب الحزب والصمود في الاوقات القاسية
محظوظ لانو امال كانت تجاورني في السكن
كنت كثيرا ما اذهب لهم في شقتهم الصغيرة الجميلة
وهنالك تعلمت من امال وصديق الكثير
وكانت امال اخت عزيزة قدمت لي عونا لن انساه ما حييت
التحية لامال وعصام والاسرة المناضلة

واخوانك كتار هنا ياعفراء
بس ياريت تعملى مقدمة لهذه النافذة
عشان الناس البقرو ليك مايروح ليهم الدرب في الموية

الا عزاء خالد ومنير وبدر ألدين بل هي رد فعل لاهانة تعرضت لها أسرة الوالد جبرالله حين قال احدهم

Quote: قرأت لسيدتين تحملان نفس اسمك واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية! والثانية تحدثت في التلفزيون وقالت إنها (أم الغلفا) فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه. الله يعيننا ويعينك

مقال للأستاذ محمد عثمان ابراهيم حول جائزة الطيب صالح وبشرى الفاضل ..!

الحاصل شنو

Quote: Author: Dr Salah Al Bander الأخت عفراء .. لم اتابع ولكني خمنت أن بوستك إرتداد لأحد بوستات صلاح البندر التي تهاجم الاستاذة أمال جبرالله .. وبالجد عجبني تضامنك القوي والمعني العميق الذي سطرتيه في عنوانك الباهر .. والذي غمرني فخراً بالفاطنة السودانية حين تدق سدرها وتناصر أخوانها ..

هههههههههههههههههههههههههههههههههههههههههه

مقال للأستاذ محمد عثمان ابراهيم حول جائزة الطيب صالح وبشرى الفاضل ..!
ده سبب كتابة البوست يا مولانا :)

طالما الأستاذة عفراء أُخت عصام .. وعصام أخو آمال وناهد
فأنا أخو عفراء سند ..


-----------------

يا عفراء دكتورة آمال وأستاذة ناهد الكلام فيهن صعب .....
ونحن أبناء الجزيرة نعرف ذلك ... وشخصيا بحكم علاقاتي ببعض قادة الحزب
الشيوعي السوداني بمنطقة الجزيرة (ود مدني) أعرف أن هاتين
السيدتين قد خرجتا من بيت لا يعرف الخوف والإنهزام في النضال وبالتالي محاولات
الإساءة إليهما خاسرة و مردودة علي أصحابها ....
الحاج وراق قال ... ولجت لعالم السياسة عندما شاهدت إمرأة بحجم د. آمال جبرالله وعندما تعرفت علي مقدراتها وصلابتها وعندما شاهدتها
تقتحم الصعاب أمام أجهزة الأمن وهي تتقدم المظاهرات بهتافاتها المدوية ............
أما ناهد جبرالله فيكفيها أنها كانت السكرتير العام لإتحاد طلاب جامعة الخرطوم الذى ساهم بقوة في إنتفاضة مارس أبريل ١٩٨٥ المسروقة.

حكاية :
* كنت حاضراً للجلسة الإفتتاحية للمؤتمر الخامس للحزب الشيوعي بقاعة الصداقة .... فإذا بالحضور بالقاعة يتفاجأ بإمرأتين يهتفن بأعلي صوت لهن ..
وعندما إلتفت ناحية مصدر الهتاف عرفت دكتورة آمال ... ولكنني لم أتعرف علي الزميلة (المشلخة) التي كانت ممسكة بآمال
وأثناء تجوالهن داخل القاعة بالهتاف وإيقاع ترديد الجميع لنفس الهتاف إكتشفت بأن الزميلة ذات الشلوخ (التي تشبه شلوخ والدتي) هي والدة الدكتورة آمال .....

ألم أقل لك يا عفراء ..... بأن محاولات النيل من آمال وناهد غير ممكنة؟



-

-

Quote: من حق الاخ عصام ان يفتخر بشقيقتية دكتورة امال واستاذة ناهد , فقد ولجتا العمل العام المدني والسياسي بدواعي اخلاقية كبيرة وقدمتا تضحيات كبيرة اخفها المعتقلات , ودفعتا استحقاقات هذه القناعات النبيلة من عمرهن ومن صحتهن . ايضا يحق للاخ عصام ان يفتخر بااسرتة علي الاقل والدة المرحوم جبرالله سيداحمد وعمة محمد فقد كانا من رموز الاستقامة في بلدنا المنكوب .

عصام دا يلاقيها من مين ولّ من مين ياخ!!!

لم التقيهن يا عفراء ولم يتاح لي شرف التعلم منهن.
ولكني سمعت كل الخير ممن عاصروهن
وتعلموا على ايديهن فلهن التحيه وللاسره التي قدمتهن لنا كشعب.

كلامي الفوق دا باعتبار الواحد
داير يشاركـ في قصة الأخوّة دي!!

سلام يا عفراء اقيفى فى الصف :)

انا مع ودالصايم اخوى فى خوة عصام ده

بس يصلح يدينو المكعوجات ديل لانها
دى الحاجة الوحيدة الفاضحنى بيها
لما يقوم يتكلم ويوصف بيهن

والا كيف ياخدر؟؟؟

Quote: بس يصلح يدينو المكعوجات ديل

كمان جابت ليها كعوجة يدين!!
يعني لا الكلام عديل لا اليدين عديلات؟




زي قصة عمكـ البرجف وشايل المعلقة
.. جهجه ليكـ الجلي في حنانو!!

والله عصام ماشة معاه باسطة

كُلكن؟

والله يا عفراء الكلام الكتبوا عنك دكين داك أنا لما قريتو قربت أبكي

لأني شعرت أنو الزيك دا بيعاني كتير في الزمن ال######## دا

تحية ليك ولبنات جبر الله

تحياتى

وانا اخوهن يا عفراء

هن فخر الرجال والنساء معا ، علما واخلاق ، ولجن العمل العام يتصدرن الصفوف ويقتحمن الصعاب وهن عالمات وواعيات لدورهن وانهن عرضة لشتائم الصغار والجهلة وحاملى الاجندات السياسية والامنية ، واعيات وعالمات لمحاولات تشويه صورتهن ولكنهن حملن المشاعل دون خوف او وجل وهذه اقدار ذوى الهمم العالية الذين لا يلتفتوت للصغائر وللتوافه من الامور وكل من عرفهن يعرف انهن خفاف عند الفزع وثقال عند الطمع وانهن مثال للمرأة السودانية الاصيلة التى تعمل وتفكر وتحنو وتقود ، اينما التفت وجدتها بجانبك فى الطريق ، ولولا اننا فى السودان لا نعرف كيف ان نبتدر حملات العلاقات العامة دوليا والتعريف برموزنا لكانت احدى بنات جبرالله هن من يتقدمن الجوائز العالمية وانا اعتقد جازما ان ( توكل كرمان - مواليد 1979 ) الحائزة على جائزة نوبل لم تقدم نصف ما قامن به بنات جبرالله ، ومن ناحية ايضا اذا التفتت توكل كرمان لمحاولة تشويه صورتها التى قال بها الرئيس على عبدالله صالح شخصيا فى مجتمع مثل المجتمع اليمنى وتخاذلت لما نالت هذه الجائزة الرفيعة .

عزيزتى عفراء ما اكرمهن الا كريم وما اهانهن الا لئيم

صلاح البندر .. لا تعجب ياخ .. ف إنت ما خليت لأمال جبرالله وعصام جبرالله صفحة يتكئوا عليها .. وأنا لم أسمع بها إلاّ من كتاباتك ..

:
:

Quote: وانا اخوهن يا عفراء هن فخر الرجال والنساء معا ، علما واخلاق ، ولجن العمل العام يتصدرن الصفوف ويقتحمن الصعاب وهن عالمات وواعيات لدورهن وانهن عرضة لشتائم الصغار والجهلة وحاملى الاجندات السياسية والامنية ، واعيات وعالمات لمحاولات تشويه صورتهن ولكنهن حملن المشاعل دون خوف او وجل وهذه اقدار ذوى الهمم العالية الذين لا يلتفتوت للصغائر وللتوافه من الامور وكل من عرفهن يعرف انهن خفاف عند الفزع وثقال عند الطمع وانهن مثال للمرأة السودانية الاصيلة التى تعمل وتفكر وتحنو وتقود ، اينما التفت وجدتها بجانبك فى الطريق ، ولولا اننا فى السودان لا نعرف كيف ان نبتدر حملات العلاقات العامة دوليا والتعريف برموزنا لكانت احدى بنات جبرالله هن من يتقدمن الجوائز العالمية وانا اعتقد جازما ان ( توكل كرمان - مواليد 1979 ) الحائزة على جائزة نوبل لم تقدم نصف ما قامن به بنات جبرالله ، ومن ناحية ايضا اذا التفتت توكل كرمان لمحاولة تشويه صورتها التى قال بها الرئيس على عبدالله صالح شخصيا فى مجتمع مثل المجتمع اليمنى وتخاذلت لما نالت هذه الجائزة الرفيعة . عزيزتى عفراء ما اكرمهن الا كريم وما اهانهن الا لئيم

كلنا ابناء جبر الله وشكرا عفراء ..
وفعلا ما اكرمهن الا كريم وما اهانهن الا لئيم ..و ..

يا خدر يعني الواحد يقعد يصاقر المنبر ليل نهار ويقراهو كله من طقطق للسلام عليكم ويحفظه صم عشان ما يدقس زي ده؟؟ !! ..
وبالمناسبة: المقالات المنقولة هي at the bottom of my priorities ..

وأهو النتيجة جينا طايرين توش في صلاح البندر لا إيده لا كراعه .. (وبيني وبينك لقيت ليك صلاح البندر زاتو مفتِّح ومتابع المنبر شديد .. شوف جاء قاطع الكورة كيف !!..)

Quote: طالما الأستاذة عفراء أُخت عصام .. وعصام أخو آمال وناهد فأنا أخو عفراء سند ..

وطالما عاطف مكاوى , اخو عفراء سند
وعفراء سند , اخت عصام
وعصام اخو آمال وناهد
فانا اخوك يا عاطف مكاوى


هييييع

هلا ياعفراء
وانا غايتو الدكتورة (امال) وناهد جبر الله اخواتي تبببببببب
فاما الرعديد الاخر المدعو عصام فالقول ما قالت به البيييييير سهام المجمر
فهو مكعوج وراسو مدوقس و حسع انا زااتي قررت (البد ليهو في البوستات) واعمل معاه كركبة
ولو لقيت معاه المدعو خدر واخوهم التاني عماد عبدالله فهذا هو (الغطس الدايرو الوزين بتاااعي زااااااتو)

تحيا مدني.. تحيا دردق.. تحيا عفراء..

دا اصدق بوست تكتبيهو يا عفراء , عصام جبر الله لم اجد احد يجاريه في الشتارة الا انت... فقد تفوقتي عليه

Quote: عزيزتى عفراء ما اكرمهن الا كريم وما اهانهن الا لئيم

ما عارف صاحب المقال، لما قال القالو لعصام جبر الله ..... كان بيفكر في شنو؟

في ناس كده؟

امال بت جبر الله امراة سودانية لها كسبها فى العمل العام يفخر اى سودانى بأن يكون جزء منهــا زوجاً / اخاً / إبناً / أختاً



_________





















لكن اخوها ا زادهــاً رهقـاً فى هذا المنبـر

يا عفراء


على الرغم من أنني لم أتشرف بلقاء الأستاذة أمال جبر الله لكنني لم أسمع عنها إلا كل خير
أما ناهد جبر الله فقد أكرمتني الأيام بلقائها ومعرفتها عن قرب ورأيت فيها ما لم أره في كل من قابلتهم في حياتي
ولا أستثني أحد ذهبت إلى بيتها ومركزها ووجدتها تناضل في البيت والعمل بنفس الروح .. لا تكل ولا تمل
برغم إلتزاماتها الأسرية وهي بحق تحمل هم البلد واطفال البلد أكثر من غيرها وآلمني بشدة ما جاء من محمد عثمان
في سياق ذاك البوست في حقها وأمال وعصام .

وأنا أخوهم وولدهم

وللعلم أنني إن أكرمني الله ببنت فاشهدي عني أنني سأكون أبو الغلفاء

وكلنا تلك الـــ عفراء...

التحية ليك وللأستاذتين ناهد وآمال...

ولكل نساء بلادي الشريفات..

عفراء ... أختنا القديمه الجديده
في مدنى كان في شخصيه طريفه إسمو "جكسا الإسبتاليه" لأنه يعمل في المستشفى , زول بسيط التفكير و أنيق جدآ خاصه بلبس الممرضين الأبيض, و عنده اعتقاد بأهميته القصوى (زى شعورى في المنعطف التاريخى الحرج ده) يشاغله ناس مدنى في الطرقات : سلام يا دكتور , كيف حالك يا دكتور , كيف الشغل يا دكتور الخ , في لحظة ما ضاق بكل هذا و قال قوله ذهبت مثل في مدنى :
دين الشهرة ذاتا
لا أمانع أن تسمينى جكسا سودانيزأونلاين

ردود سريعه :
بدرالدين : سمعت بالبطن بطرانه؟

الأوغاد كيكى و أساسي ... اتجهزوا بجيكم ... بره الخط ضرب في النخره
تقدير لكل كلمه كتبت هنا ... تاج على رأس كل إمرأه خرجت للعمل العام

الاعزاء ال جبر الله

يستمر النضال ..وكفى


عفراء .التحية للمراة السودانية وعاش صمودكم ونضالكم
تحياتى.......

عفراء...
سلامات
كويس أنو أنت وكل الأخوات لسه قاعدين ليهم ولأمثالهم... ما مستغرب للى بيحصل إلا فى حتة شكوكى فى أحتمال أنو أخونا بكرى actively recruiting these creatures
أها زول مشهور جديد ...وبوستات كتيرة وكلكات زيادة...
بيكون أفيد كتير لو الحالات دى تم دراستها بصورة علمية...
وبالله ما تنسوا سياق بكرى دا....
تحياتى
أخوكن سيف

Quote: زي قصة عمكـ البرجف وشايل المعلقة .. جهجه ليكـ الجلي في حنانو!!

ود الصايم
ماكنت فاكرك ممسوخ لهذه الدرجة
لكن برشحك بقوة لكتابة المشاهد الفكاهية لمسرحية تاجوج والمحلق
التى يقوم باعدادها هذه الايام الفنان محمد السمنى اقصد السنى ورايحة
ليهو مشاهد فكاهية ...

أمّا أنا - و أعوذ بالله من قولة أنا - أخوك و ولدك يا أم الحسن .. و أم الحسن هى أم أمال و ناهد و عصام و المرحوم خالد " عليه الرحمة " .. إنّها أم الجميع .. جميع من ركز . التحيّة للوالدة العزيزة أم الحسن و لبناتها أمال و ناهد و لكل من قال فى وجه الظلم ( لا ).. التحيّة لمدينة سنجة و مدرستها الثانويّة بنات .. و لكل معلّمات و معلّمى أمال جبرالله ، عنهم الأستاذ عثمان محجوب سيدأحمد و الأستاذة نعمات شاشوق .فقد شهد لها معلّموها و معلّماتها بالتفوّق و المثابرة و الشجاعة النادرة .. تسلم أم باسل من كل بلى .. و التحيّة و التجلّة لصديقتها و زميلة دراستها فى المرحلة الثانويّة منى شاشوق ، أم عمّار .
تعرّفت على أمال جبرالله فى الطريق الذى إخترناه و فى جبهات كثيرة فى الدفاع عن حقوق الإنسان و مناصرة قضايا النساء كذلك على شقيقتها ناهد فى دروب العمل العام ، فكانت و ظلّت شعلة المجتمع المدنى فى المناصرة ونشر وعى و ثقافة حقوق الأطفال و بخاصة البنات .. و أشهد لهنّ بالطليعيّة والمبدئيّة والصبر على المكاره و عفّة اليد و اللسان و الإيثار و إحترام الإختلاف .. و لكم أفخر أنّنى زميل - و أخو - هاتين المناضلتين الصامدتين فى العمل العام .. و تعرّفت عليهنّ على مستوى الأخوة و الصداقة الأسريّة الحقّة .
التحيّة و التجلّة و التقدير لكل من دخل هذا البوست بقلب سليم . و التحيّة لمن إلتزم و تعهّد بأن يكون ( أبو السالمة ) . و التهنئة له ببنته و بنتنا جميعاً .. و له أهدى كلمات ( أبو مريم و مى ) : " تبتبا تبتب ... تكبر تعرف تقرا و تكتب " .. و أختم بالسلام لعصام و أخوات عصام .. و أقول " أنا أخو أم الحسن و أمال و ناهد و عفراء و عائشة و ميرى و حواء و غيرهن من بنات و أمّهات السودان الماجدات . و حقّاً " ما اكرمهنّ إلّا كريم ". و أضيف أم الحسن مناضلة صلبة تشهد لها كل البلد و شاعرة مطبوعة جزلة الكلمات و غنيّة المعانى .. القومة لى بنات جبرالله و أمهن الرائعة .

يا سلام على أم الحسن وبناتها شوفوا كيف الناس جوا من كل فج عميق ليشهدوا لهن شهادة حق..
حتى عصام الوغد شهد له الجميع..شفت كيف يا محمد عثمانهم البنات بشرفن أخوانن..
أريتك يا يابا بي حال عصام ود أم الحسن...


يلا بعد ده النقبل على أساسي..
يا أساسي يعلم الله مشاعر متبادلة والمقام هنا ليس مقام ذكر مساوئ عصام وعفراء بقدر ما هو إحتفاء باخواته فاذا بتعرفهم مرحب بيك واذا ما بتعرفهم أهي فرصة تتعرف على ناس كويسين من خلال ما يكتبه الآخرين عنهم ..


As for your diligent and desperate effort to get on my nerves, ,
I am really flattered, but unfortunately not interested,
I am not your fan, and never will be,
so please let us stop at this level before it gets out of hands.

Quote: سلام يا دكتور , كيف حالك يا دكتور , كيف الشغل يا دكتور الخ , في لحظة ما ضاق بكل هذا و قال قوله ذهبت مثل في مدنى : دين الشهرة ذاتا

بالجد دي حصلت في امتداد ناصر
العمارة الكانت تسكن فيها امال
كانت تسكن موظفة كبيرة وذات حال ميسور
ده غير انو شكلها شكل دكاترة .. نظارة وعربية !!
الجيران شابكين الموظفة ست العربية الدكتورة الدكتورة
دكتورة امال تجي كاشه مغبرة من اجتماع او من المستشفى شابكين فيها
يا استاذة يا استاذة
ضيعوا حقها كدكتورة
والموظفة مبسوطة من قصة انها دكتورة !

وسلام من بعد لامال

شكرا كتير عفراء سند

جاية داقسة المغربية ... ياسلام على د.امال جبر الله
وبما أن شهادتى مجروحة ياعفراء ....زميل لينا جاتو صدمة وبقى يهضرب وحسب حال الورش فسرناها ملاريا
ونشيل ونديهو فى الحبوب شى كلوركوين وشى كينين ولما كترت الحكاية والزول حالته ماشة متدهورة مشيت لأمال
فى مستشفى الخرطوم ..طوالى لفحت حاجاتها ومن باص لى حافلة وصلنا البيت شافتو وإتولت أمره وتابعت معاهو
بالأيام والشهور وبلا كلل حتى تم شفاءه على يديها ..يشهد الله والناس أن ما فعلته د. أمال مع صديقنا هذا فعلته مع
كُثر ..تزور فى البيت , ومن يحتاج للمستشفلى تنقله بطريقتها, وتوفر من مصرفاتها ثمن العلاج و و و
اصلو مامعقول ياخ ؟ قال فيها شنو اللص بتاع مؤتمر الاعلاميين بالخارج ؟

يا جماعة الشكر اجزله للاستاذ محمد عثمان ابراهيم الذي اتاح الفرصة للخلوق للتعبير عن حبها وتقدبرها لبنات جبرالله ،اما الشتيمه فكما يقول اخوتنا في شمال الوادي " الشتميه بتلف وتلف وتلف وترجع لصاحبها" أولادوبنات جبرالله العوجه ما تجييهم.

ابو الغلفاء ابن علي

ههه.. حليل المعروف يا رِجَّالة!











بالجد يا عفراء، والله إنتي الرَجَالة* ذاتها... كتر خيرك




____________

* أوعى زول يجيني يقول ليا.. وشرحُه؟

Quote: النساء و الهدوم/ العقل المأزوم بين باريس و الخرطوم الدكتورة آمال جبر الله سيد أحمد 16/12/2011 محاولات فرض زي محدد على النساء تحت مسميات التقاليد أو الدين أو القانون أو التحرر أو المساواة ليست جديدة. و هي جميعاً تهدف إلى السيطرة على المرأة من خلال السيطرة على جسدها. يتم ذلك ضمن آليات إختزال المرأة إلى جسد و إختزال جسدها في الجنس و بالتالى تعامل كآلة جنسية و إنجابية يرى البعض ضرورة تغطيتها و حجبها كعورة و ملكية خاصة للرجل أو الأسرة. و فريق آخر يرى كشفها كوسيلة إغراء و متعة و دعاية للمزيد من الربح. لكن الفريقين يشتركان في مفهوم المرأة كجسد و في سلب المرأة الحق في أن تقرر في أخصَ دقائق حياتها و هو جسدها و لبسها و يتفقان أيضاً في كيفية الإستفادة منها لتكريس أوضاعهم. لذلك ليس غريباً أن تتصاعد في الآونة الأخيرة حملات مناصرة الحجاب و أخرى مضادة تنادى بمنع الحجاب. في أبريل من هذا العام صوت أغلبية البرلمان الفرنسي لصالح قرار منع النقاب في الأماكن العامة و ذلك بعد حوار إستمر لمدة عام كامل شاركت فيه وسائل الإعلام حول لبس النقاب. و يرى مؤيدو القرار أنه ضروري للمحافظة على هوية فرنسا و ثقافتها في مواجهة زيادة عدد المسلمين المتشددين. و يرى المعارضون للقرار أن لبس النقاب و الحجاب أصبح عادياً في فرنسا و أن القرار يستهدف المسلمين بما فيهم المسلمين الحائزين على الجنسية الفرنسية. الجدير بالذكر أن القرار تضمن الغرامة بمبلغ 150 يورو لأي إمرأة تلبس النقاب في مكان عام و قد تمت محاكمة إمرأتين بهذه التهمة حتى الآن. لقد دافع الرئيس الفرنسي ساركوزى عن هذا القرار و إدعى أن الهدف هو منع إضطهاد المسلمات في فرنسا و تأكيد مساواة المرأة و مكافحة الإرهاب بالإضافة إلى دواعى أمنية. في فرنسا صدر قراراً في عام 2004 بمنع أي رموز دينية في المدارس العامة و قد شمل لبس الصليب للمسيحيين و لبس غطاء الرأس مما أدى إلى إجبار عدد كبير من الطالبات المسلمات لترك المدارس الحكومية و الإلتحاق بالمدارس الإسلامية ، يبدو أن حكومة ساركوزي لم تدرك نتائج هذه التجربة ، فالمدارس الدينية هي التي تفرخ المتشددين و المتزمتين كما ان إنفصال الطلاب في مدارس خاصة يجعل من الصعب إندماجهم في المجتمع الفرنسي ، و بالمثل فإن منع النقاب سينتج عنه إنسحاب عدد كبير من المسلمات من المجال العام إلى الإحتجاب داخل المنازل ، و لا يؤدى إلى مساواتهن أو تحررهن كما زعم ساركوزي ، بالإضافة إلى سيطرة الخوف و العنف على المسلمات في فرنسا. هذا ما حدث عندما فرضت سلطة الجبهة الإسلامية الحجاب على النساء في السودان و فرضت قانون النظام العام لقهر النساء و مطاردتهن. فالمادة 152 من الباب الخامس عشر من القانون الجنائي لعام 1991 بعنوان (جرائم العرض و الآداب العامة و السمعة) و المتعلق بالأعمال الفاضحة و المخلة بالآداب العامة و بموجبه تم تكوين محاكم النظام العام و شرطة النظام العام ، هذا القانون الذي أذلَِ النساء بوقع السياط على ظهورهن و الغرامات و التشهير و التحقير. كما أن هناك حكومات مماثلة أصدرت قوانين متعلقة بالزي و المظهر مثل أندونيسيا و إيران و السعودية و الشيشنا Chechnya رغم أن ذلك يتعارض تماماً مع مواثيق حقوق الإنسان و التي تتضمن حرية الإعتقاد و حرية التعبير عن ذلك بإعتباره حق لكل إنسان. بينما يستعرض ساركوزي عضلاته أمام النساء المسلمات في فرنسا فإنه قد غض الطرف عن الكثير من الامور التي تهم النساء فيها خاصة الآثار المدمرة للأزمة الرأسمالية التي تعيشها بلاده ، و أن النساء هن من حملن عبء هذه الأزمة من زيادة معدلات العطالة و تردى الإجور و خفض ميزانية الخدمات المتعلقة برعاية الأطفال ، لقد رفض ساركوزي مقابلة المجموعات التي تعمل على حماية الأطفال من ضحايا الإتجار بالبشر من أجل البغاء و رفض ساركوزي قيام وزارة خاصة بشئون المرأة في فرنسا. كان الأهم مساعدة المسلمات في فرنسا و تحسين أوضاع الأسر المسلمة التي ترتفع بينها البطالة ، مساعدتها وفق برنامج واضح ترصد له الموارد. بدلاً من هذا يكشف زيف موقف ساركوزي و تضامنه مع الصحفية لبنى حسين ضد فرض الحجاب ، فالحملة التي صاحبت قضية لبنى هدفت إلى رفض أي وصاية على المرأة و أي محاولة لتحديد زي لها ، ذات الشئ الذي يفعله ساركوزي اليوم. و أن الطريقة التي يتزيأ بها الناس ، نساءً كانوا أم رجالاً يمكن أن تكون جزء من التعبير عن ثقافة أو دين أو هوية أو إعتقاد بالنسبة للشخص المعين ، و بالتالى يحق لأي إنسان التعبير عن هذه القيم بدون قيود أو ضغوط. و إن على الحكومات المختلفة الإلتزام بإحترام و حماية و ضمان هذه الحقوق بما فيها حرية إختيار الزي ، كما على الحكومات إتخاذ التدابير اللازمة لضمان عدم فرض أي زي على أي شخص من قبل المجتمع أو الأسرة تحت أي حجج. حكت لى الخالة فاطمة (أطال الله عمرها) انها كانت تسكن إحدى قرى الجزيرة أيام صباها و أنهن كن يلبسن "القرقاب" و أن إحدى قريباتها إشترت فستان و عبرت عن فرحتها به لكن أمها تصدت لها بالرفض و قالت لها (والله ده إلا تلبسيه هناك في مدنى ، إنتى دايرة تجيبي لينا الفضيحة؟). فالزى يختلف من مكان لآخر و من زمان لآخر ، و تحكم ذلك آليات كثيرة تاريخية و إقتصادية و ثقافية و إجتماعية ، كما أن تقييم الزى سواء بالنسبة للمرأة أو الرجل يختلف سواء كان من الناحية الجمالية أو الوظيفية. و معرفة تاريخ أي زي أو أزياء لمجموعة إجتماعية محددة تساهم في إلقاء الضوء على تلك المجموعة و تطورها. كما هو الحال بالنسبة لأزياء النساء التي إكتسبت مدلولات ثقافية مختلفة عبر التاريخ. و قد عبرت الكاتبة العربية مي عضوب في كتابها "المرأة العربية و ذكورية الأصالة" عن موقع المرأة العربية لدى دعاة الهيمنة العربية الإسلامية قائلة : لم يكن هناك أفضل من حجب النساء عن النشاط العام دلالة على الإستمرارية الثقافية للعالم الإسلامي. فهذا الحجاب ملجأ ممتاز للقيم التقليدية التي لم تصل إليها يد الإستعمار القديم و لن يتاح للإستعمار الحديث أن يلمسها. و بهذا المعنى فإن صرامة الموقع الذي إحتلته و تحتله المرأة ضمن العائلة العربية كانت و لا تزال الحرم الأبعد و الأوغل الذي تمتلكه الهوية العربية الإسلامية. و أضافت مي عضوب أن كلمات مثل التغيير و الحداثة و تحرر المرأة مترادفات للغرب في تصور هؤلاء الدعاة. كما أن المرأة التي تسير وحدها في الشارع بالنسبة لهم هي عرضة للشكوك و تلك التي تسير مع رجل فهي متهمة بالزنا. و ترى الكاتبة أن الزي الموحد للنساء مثل العباءة السوداء هو رمز لفقدان النساء لأي شكل من أشكال الإستقلالية و الحرية الفردية (Autonomy). و يكشف وضع المرأة في أي مجتمع مدى تطور أي مجتمع أو تخلفه ، ففي وضع المرأة تنكشف كل تناقضات المجتمع و قواه المتسلطة و المقهورة ، فالمرأة هي مضطهدة المضطهدين و يقع عليها عبء التمييز الطبقي و النوعي أي لأنها إمرأة. فالمرأة توضع دوماً في المكانة الأكثر إجحافاً و قهراً و تنكراً لكيانها ، ذلك هو السبيل الوحيد أمام الرجل المقهور و المستغّل كي يكون طالما لم تتيسر له إمكانات التغيير و القضاء على القهر من خلال عملية التحرير الإجتماعي. و تكرس القوانين العديدة المدنية منها و الدينية لتقييد المرأة في حريتها و قدرتها على الإختيار و في حركة جسدها و إمكان التصرف به ، ذلك يخدم في آن واحد أغراض السيطرة الإجتماعية عليها كأداة للإنجاب و الإمتاع و السيطرة على كيانها الذي هو محط الرغبات اللاواعية. في الحالتين تستخدم المرأة كوسيلة للتعويض عن المهانة التي يلقاها الرجل المقهور إجتماعياً و للتعويض عن قصوره اللاواعى بإسقاطه على المرأة. و في الحالتين تفرض على المرأة وضعية من القهر تقضي على إمكانياتها الذهنية و الإبداعية و الإستقلالية و المادية. هذا ما أكده الباحث د. مصطفى حجازي و الذي أصدره في كتابه (التخلف الإجتماعي – مدخل لسيكولوجية الإنسان المقهور). وضحت مواثيق حقوق الإنسان أن الإستثناء الوحيد المسموح به في حالة فرض زي موحد (يونيفورم) يكون بقانون محدد يوضح الهدف من ذلك و أن يكون هذا الهدف متسق مع المواثيق الدولية لحقوق الإنسان و يؤكد ضرورة هذا الزي لتحقيق الهدف المحدد مثل القوات النظامية أو مجال الصحة. و أكدت المواثيق الدولية ضرورة أن لا يكون المقصود من هذا الزي أي تمييز ضد أي مجموعات محددة أو إنتهاك لحقوق الإنسان كما يحدث في حالات توزيع الإغاثة للنازحات من قبل بعض المنظمات الإسلامية و المسيحية. و لكن نظام ساركوزي مثله مثل نظام الإنقاذ في السودان و ملات إيران و طالبان و غيرهم من المهووسين بجسد المرأة تجاهلوا عن عمد المواثيق الدولية لحقوق الإنسان و التي تكفل حرية إختيار الزي. نعم تساوى رئيس فرنسا التي يزخر تاريخها بالدفاع عن الحقوق المدنية و حقوق الإنسان مع دعاة الهوس الديني ، مما يدعونا للغوص عميقاً في جذور إختزال المرأة إلى جسد و الإنشغال بغطاء هذا الجسد في ظل الأزمات التي تحاصر العالم اليوم. ما يجمع بين أعداء المرأة سواء كانوا من دعاة الليبرالية أو الدولة الدينية هو متلازمة الذهنية الذكورية و الرأسمالية التي ترتكز على كافة أنواع الإستغلال. إن إضطهاد المرأة قديم في التاريخ كما كشف إنجلز في بحثه عن (أصل العائلة و الملكية الخاصة و الدولة) ، فإن هذا الإضطهاد إرتبط ببروز الملكية الخاصة و تقسيم العمل على أساس الجنس و إستمر إلى يومنا هذا. إن آليات إضطهاد المرأة تحت ظل النظام الرأسمالي ، تهدف إلى تسليع المرأة و تجريدها من إنسانيتها فهي تعامل كشئ و ليس كإنسان مما يرسخ دونيتها و إذلالها. و يستند النظام الرأسمالي على مؤسسات إضطهاد المرأة الموجودة منها الإجتماعية و الثقافية و تمثل العقلية الذكورية أهم آليات هذا الإضطهاد أي Superiority إمتياز الرجل على المرأة و بالتالي دونية المرأة تجاه الرجل. و تستند الرأسمالية و الذكورية في إضطهادها للمرأة على وسائل الإستغلال الإقتصادي و معاداة حقوق المرأة المتفق عليها ضمن حقوق الإنسان لأنها تهدد مكانة الرجل ، كما تستند على العنف تجاه المرأة و يشمل ذلك العنف البدني و اللفظي ، الفردي و الإجتماعي. و في إطار العقلية الذكورية تقوم علاقة الرجل مع المرأة على سيادة الرجل و إستخدام لخطاب يكرس دونية المرأة و محاولة تقديم هذه الدونية بإعتبارها صفة طبيعية لدى المرأة بهدف أن تستبطن المرأة هذه الدونية و الأمر الواقع عليها بإعتباره أمر طبيعي لا يمكن تغييره. المرأة في ظل النظام الرأسمالي مستغَّلة و مضطهدة مع مساحيق تحرر ظاهري في بعض الأحيان. هذا لا ينفى أن الحركة النسائية قد تمكنت من نيل بعض الحقوق في بعض البلدان الصناعية مما يضعها خطوات متقدمة في إتجاه تحررها و الذي لن يتحقق إلا بزوال النظام الرأسمالي و صنوه العقلية الذكورية. و لن يحدث تغيير حقيقي في الواقع الإجتماعي دون تغيير وضع المرأة ، دون الكشف عن آليات إضطهاد المرأة بما فيها الإستلاب الإقتصادي و الجنسي و العقائدي ، لا بد من تمزيق حجب الإستلاب العقائدي الذي يمنع عن المرأة رؤية ذاتها و رؤية العالم الخارجي على حقيقته. و حينها فقط تكون المرأة حرة في حياتها ، تعامل كإنسان لها ذاتيتها لا كجسد ، و تتحقق سيادتها على نفسها و حياتها.

Quote: كلامي الفوق دا باعتبار الواحد داير يشاركـ في قصة الأخوّة دي!!

لووووووب ودالصايم فى حالة زمزغه ..

سلامات يا عفراء وياها المحريه فيك ..









ـــــــــــــــ
اساسى !! هسه دى ندى القلعه ؟ ولا ام كلثوم؟

تعرفي يا دندون .. البورض اليومين ديل
قايمة فيهو الدميرة .. الدقسة فيها اللحسة طوالي!!
فااااااا أخير الواحد (يبرّر) من بدري بدري!!




_
رغم إنو عصام دا غير ما قاعد يجيب لينا الكلام ماف منو فايدة!

Quote: و أنا كمان أخت عصام جبر الله

يا عفّورة العصفورة انتي خليك اخت ناس نحن (انا والكاشف اخوي!) ...

اخوات عصام جبرالله انشالله يوم شكرهن مايجي ... ديل نجمات قدر ما تصنقعي ما بتلحقيهن ... خصوصاً ناهد جبرالله ...





... المهم ....

Quote: يا عفّورة العصفورة لا إله إلا الله ...

محمد رسول الله ...

مالك يا دكتور صلاح داير تطشش بينا في السقط دا ...





... المهم ....

فوق

ده كلو كوم و شلوخ ام الحسن كوم تانى
واالعجب لو مسكت يدك عشان تتم موضوع
لوووووووول يا عصام



_________________________________
يا راوية خليك مفيدة وجيبى لينا الصورة

http://174.36.244.211/cgi-bin/sdb/2bb.cgi?seq...d=166&msg=1254460953

والله ياسهام بحاول أكون مفيدة
هسة أب دي غيرت بيها العنوان الكان كاتبو البندر
وحش خلاس... العنوان ما البندر

مالك على يا راوية ياخ والله ما كنت منتبهة ليهو
انتى عارفة اصلو ما قاعدة انتبه لما الناس تغير عنوان
المداخلة
احيييى منك

يا عفراء السويتيها فينا ما بتمرق
اها نحن قاعدين ليك فى المولد ده

شكرا على الصور ربنا يرحم عمك جبرالله و خالد يا رب

ويلا يا راوية جيبى لينا صورة الشلوخ
واكتبى العنوان
اجمل ام لاجمل ناس
(والله اهم حاجة فى زرية عمك جبرالله ديل انهم نااااااس يعنى عندهم انسانية)

_____________________________________________
عصام يا ود النسوان ويا اخو البنات والصاحبات
بلاهى المولد ده كيف معاك يا صاحب؟
ايامك ورد والله

عن إذنك يا راوية سحبت منك التكليف

وكيفك يا سهام

ولمّا تزل الصدمة إثر حيل عم تجاني ماثلة
ها هو ذا هرم آخر يزوي: وردي

**

الشلوخ الما خمج

غلط ياخى ... انت بتعرفها أحسن من الحكومه؟

البوستر دا حلو جبتو من وين ياعصام؟؟؟

الاخت عفراء سند

تحياتي الطيبة

حقيقة انا اعاين لابعد لم انظر للقول في شخص امال او ناهد بل هذا القثول موجه لنا جميعا واهانة للمراة وهو الامر الذي يجب ان نقف فيه

انا صديق هذه الاسرة العظيمة الممتدة من سنجه لديار الشمالية بمحطاتها ومدنها المختلفة

هسي لو اتيحت لامال التعليق او لناهد الكتابة او عيرناه باص وورد اي منا لتصدت للنضال ضد وصف الصحفي الفاشل للمراة ومحاولة النيل منها


لذا علينا جميعا من يري ان هذه الاهانة التي تعرضنا لها عدم الوقوف في هذا البوست ويحمل يده او يديها وتمشي


المنبر مليان زي الحاجات دي وحقيقة موقفنا متواضع جدا للتصدي

ضد التكفير
وضد شتيمة المراة والرجل
وضد الكتابة المحطة لكرامة النساء

الامثال علي قفا من يشيل

ومن يريد يذهب في سياحة مقززة لبوست الاخت المناضلة نجاة سيد احمد

لقد تعرضن اخوات لنا هنا للتمييز العنصري من حيث النوع

وايضا المنبر مليان ثقافة الانحطاط التي تريد ان تعود بالمراة لخدرها

لكن لن يفلحوا\ن



التعدد الان في السودان يمارس بشكل فظيييييع فقط للمتعه من قبل هذه العصابة وهو عمل قبيح مشن ومهين للزوجة الاولي


شهادة المراة لابد ان تساوي شهادة الرجل

التمييز لابد ان يقف

قانون الاحوال الشخصية لابد ان ننتزع افضل الحقوق والقوانين للمراة



تعرفوا يا شباب ويا شابات المنبر العظييييم

الحديث الببرد حشا الوالدة ام الحسن وامال وناهد واحسان وتراجي واشراقة وتيسير وعفراء وعزاز شامي كنداكة السودان من قالت للذهنية المتحجرة لا من قبل



ان نعمل علي معالجة هذه الامراض في العقول


البفرح ناهد وامال ونساء السودان هو ان نشمر سواعدنا وقوفا خلف عظمة المراة السودانية وان ننتزع لها الحقوق والحريات





لامال وناهد ونساء الوطن الانحناءة والتقدير




لابد من الجدية وعلينا ان نرفض اي شكل من اشكال ابتذال المراة ومحاولة اضطهادها

وعليكم الله ما تقيفوا \ن هنا فقط ؟؟؟؟؟؟؟؟؟؟؟؟؟؟؟




من هنا حتي ان ننتصر علي ذهنية الهوس الديني
من هنا حتي ننتصر علي الذهنية العنصرية التي تطل بوجهها الكريه


من هنا حتي نسترد حق صفية اسحق ومقبولة ونساء النوبة والانقسنا المشردات

وحقوق الاطفال والرجال





تحياتي وكفاية

البندر يادقسة
دي صورة خالتي علوية ..أمي أنا
وعامل فيها بتاع إنتلجنس ..وطعمية وشنو ماعارفة




_______________
أم الحسن بالنسبة لي في معزة وغلاوة أمي

كامل الاحترام للسيدة الثانية وأظنها والدة الاخ نبيل(لندن)






______________

يا الله

شكرن كتيرن!

فضحتنا يا البندر ياخ , لخبطت الكيمان كلها










_____
اها .. فضل ليك "ام" منو لسه ما عرفتها؟

مستوى استفراغك الحواري اكتر من ######## يابندر..
اراك في انحدار دايم مستمر..معقولة انتا كنتا مستشار دولة كما يقال؟
التداخل معاك مزبلة حقيقية..


يعني انا لم ار في حياتي بني ادم يجي قدير المكانة تتقدمه سيره كبيرة بتجربة سياسية مذخرة ولقب علمي عالي وهالة من غموض ..يقوم يدمر نفسو ويفرتقا بهذه الصورة الاسرع في تاريخ الاسترخاص الذاتي..
انتا ليه حطيت من قدر نفسك وانتا ما مجبور على ذلك؟؟ البخليك تنزل بي مستوى حواراتك دي شنو وانتا بهذه السيرة لمسائل حتى انا وخدر اخوي برغم ضحالة مستويات حوارنا ما بنخش فيها..
بعدين ياخ ماتخت وشوش ضاحكة وماعارف قلوب حمرا وقصص من هذا القبيل..ياخ دي حاجات بختوها صغار ومهرجي المنبر تقوم تعملا انتا بي اللقب الخاتهيو قدامك ده؟؟
يعني انتا مافي عندك صاحب ساي يوريك سوأة فعايلك دي؟؟
مؤمن ساي يكون مرآة لاخيه المؤمن اللهو انتا، ماعندك ياكافي البلا؟؟
زول يهديك عيوب ماتفعل ماف في دنيا العباد الواسعة دي؟؟
انتا قاعد براك؟
هل تعاني من اشكالات الوحدة؟
منعزل؟
ليه بس ياخ بتقول جنس ماتقول وانتا مافي زول جابرك على هذا السقوط..وعندك بدايل اكثر موضوعية..

وبعدين دي شنو اللبسة بتاعة راسبوتين اللابسا دي؟

دكين يا حبيب
الزول دا شكلو (مست######) الناس هنا
و الحوار معه لا يجدى
بالشايفو دا الناس المتضررة من كتابتو السجمانة الا يشيلو عكاكيز مضببة

كتب فيصل الباقر :
أمّا أنا - و أعوذ بالله من قولة أنا - أخوك و ولدك يا أم الحسن ..
و أم الحسن هى أم أمال و ناهد و عصام و المرحوم خالد " عليه الرحمة "
إنّها أم الجميع .. جميع من ركز . التحيّة للوالدة العزيزة أم الحسن
و لبناتها أمال و ناهد و لكل من قال فى وجه الظلم ( لا )..
----------------------------------------------------------
عندما رأيت ( الأم ) أم الحسن وعرفت سيرتها الوضيئة
تذكرت ( الأم ) لمكسيم جوركي
يا لها من أم مشرفة ومدعاة للفخر

التحية والإنحناءة لها محبة وإحترام

Quote: 33 راجل الى الآن قصاد 6 سيدات !!

طيب انت الجابك شنو؟ ما تمشي تشوف ليك رجال تداخل معاهم

ولا شغلتك يا بندر بقت تباري سيرة البنات والنسوان الكبار

ما تحاول تتصعلك الكلام الكتبتو دا مفهوم

عفواً

هههههههه ساعدوا اخوكم صلاح البندر يا محسنين

هههههههههههههههههههههههههههههههههههههههههههه
تعال لي في البوست ده يا صلاح بندر عشان نشوف مشكلة طهورتك التاعباك دي

هههههههه ساعدوا اخوكم صلاح البندر يا محسنين

هههههههههههههههههههههههههههههههههههههههههههه
تعال لي في البوست ده يا صلاح بندر عشان نشوف مشكلة طهورتك التاعباك دي

عفواً

Quote: بقي موضوع أخير سأرجع له بعد صلاة الجمعة ان شاء الله...

هههههههههههههههههههههههههههههههههههه
موضوع شنو يا زول ؟ كلامك القلتو ده بنقض الوضوء ناهيك عن صلاة الجمعة الباقي ليها لسه "ستة" ساعات







_____
يا نذير .. اجدع لي تلفونك في الخاص , انا كايس ليك لي زمن

Quote: زول يهديك عيوب ماتفعل ماف في دنيا العباد الواسعة دي؟؟ انتا قاعد براك؟ هل تعاني من اشكالات الوحدة؟ منعزل؟ليه بس ياخ بتقول جنس ماتقول وانتا مافي زول جابرك على هذا السقوط..وعندك بدايل اكثر موضوعية.. وبعدين دي شنو اللبسة بتاعة راسبوتين اللابسا دي؟

psycho 5

يا دكتور البندر... أول حاجة صلاة الجمعة البصلوها الخميس دي أول مرة اسمع بيها. لو ما العلم اتطور كنت أقول واحد فينا ما نصيح.
تانيا بالإضافة لكلام دكين دا عن إنه أصلا ما معقول ما يكون واحد من الناس الحولك ينبهك لإنه الكلام البتكتب فيه دا تجاوز كل الخطوط و مدمر ليك قبل ما يكون مؤذي للآخرين حأعيد ليك كلامي القلته في البوست الشين الاتحذف بتاع الشجاعة الأدبية و هو إني أصلا ما ممكن اتصور إنه إنسان طبيعي و بكامل وعيه ممكن يدخل الإنترنت و يفتح ودانيزأونلاين و يعمل لوق إن و يكتب الكلام و ينزل الصور و يضغط على إرسال و ما يخطر بباله في أي مرحلة من المراحل دي إنه كلامه دا غير صالح حتى إنه يخطر ببال زول خليك من ينشره. معقول المعايير عندك مختلة أو في الحقيقة ما موجودة للدرجة دي؟

Quote: موضوع شنو يا زول ؟ كلامك القلتو ده بنقض الوضوء ناهيك عن صلاة الجمعة الباقي ليها لسه "ستة" ساعات

الخميس 1/4/1433 هـ - الموافق 23/2/2012

بندر.. تاه



-
حلييلك يا صلاح

وها .. أنت تصل لمرحلة أن تُحذف مداخلاتك .. يا صلاح يا بندر !
أرحم نفسك ياخي .... وأترك لنا بعضاً من الصور الزاهية التي نختزنها عن تأريخك ...


بصراحة لم تترك لنا فرصة لنقول .... لقد كان ... ولقد كان .


الفجور في الخصومة ليس شجاعة يا بندر ..



* توقف عن الكتابة في المنابر يا صلاح ...

Quote: يا نذير .. اجدع لي تلفونك في الخاص , انا كايس ليك لي زمن

عزيزنا طارق، راجع رسائلك في الفيسبوك

تحياتي

الحمد لله الذي اذهب عنا الاذي وعافانا...
نقطه سطر جديد...


بنات جبر الله...

يا عفراء ... كلامك و كلام الناس التانيه ما بناباهو لكن الحرج حاصل , أها نتكلم بي صراحه , لما تكون رضعت و أكلت و شربتا كلام زى "الشكروهو قدامو نبزو" أو " الله لا جاب يوم شكرك" و مثيلاتها من الأرشيف بتاعنا بتكون مخزنه جواك مشاعر سلبيه تجاه الكلام الإيجابي المباشر , سواء قلته أنت عن شخص ما أو قيل عنك , بالتأكيد تعتمد على انها جات في إطار شنو. و رغم انى "عارف و فاهم" ليه الكلام ده اتكتب و الهدف منو شنو و احتمال أنا ذاتى اعملوا لى ناس تانيين لأنى شايفو كويس ... لا أخفي شعور خفيف مزعج كده و ما لاقي ليهو تفسير غير كلامى الفوق انو كتير مننا مليان بي قيم ملخبطه ده اذا ما قلنا سلبيه , ياخى راجينا كترة شغل مع روحنا و مع قصصنا دى ... لا حولااااا

النجيضه (بدلآ عن المهم ) أنا أعتز بشكل لا يمكن وصفه بأى كلمه قيلت في حق جبرالله و أم الحسن ... لأنها تعنى أن تعبهم ما راح ساكت و أن الناس تقدره و تعطيه حقه , حاولوا حسب قدرتهم يربو أولادهم و بناتهم بطريقه شويه مختلفه , أبسط مثال أن استخدام يا "مرا" كشتيمه كان من "الجرائم" في البيت .... حاولو و لست بصدد جرد حساب لهم لكن كلام الناس هنا بيقول انهم نجحوا , أم الحسن التى لم تذهب لمدرسه قط و لكنها تكتب و تقرأ و تقرض الشعر و تحاجج في السياسه المحليه و الدوليه و الفكر و الثقافه و جبرالله الموظف البسيط الذي "جعل كل هذا ممكنآ" و الشرح يحتاج زمن تانى ... مدعاه للفخر ... و لسنا وحدنا , لسنا استثناء أو حاله خاصه ... أستطيع أن أعد من دائرة أسرتنا و اصدقائنا و معارفنا و زملائنا كثير من الأباء و الأمهات الذين اختاروا عن وعى و قناعة هذا الدرب ناهيك عن آلاف أخرى موجوده تفعل و تبذل هذا ....
كل الكلام هنا قلاده على عنقنا و سند في الأيام الصعبه أيآ كانت و دعاش للقلب و الروح ... نتمنى نبقي قدر الدين ده و ما نقصر في حق زول ... و لو حصل ما تتردوا تهزونا و لو غلطنا تنصحونا و لو اتعوجنا تعدلونا .... الناس بالناس عشان الحياه تبقي أحسن ... " عشان الحاجات تبقي كويسه"
تقدير و محبه و اعزاز لا ينضب

Quote: وها .. أنت تصل لمرحلة أن تُحذف مداخلاتك .. يا صلاح يا بندر ! أرحم نفسك ياخي .... وأترك لنا بعضاً من الصور الزاهية التي نختزنها عن تأريخك

اخونا مكاوي
عندما يتعلق الامر بالقيم المحضة ، فلا تنقب في التاريخ او الجغرافيا
القيم هي المعيار الوحيد فبعض التاريخ اوهام واساطير

تحياتى العزيزه عفراء،
كتب عصام جبر الله اعلى هذا البوست عن (جكسا الاستباليه) الاتى:

(في مدنى كان في شخصيه طريفه إسمو "جكسا الإسبتاليه" لأنه يعمل في المستشفى , زول بسيط التفكير و أنيق جدآ خاصه بلبس الممرضين الأبيض, و عنده اعتقاد بأهميته القصوى (زى شعورى في المنعطف التاريخى الحرج ده) يشاغله ناس مدنى في الطرقات : سلام يا دكتور , كيف حالك يا دكتور , كيف الشغل يا دكتور الخ , في لحظة ما ضاق بكل هذا و قال قوله ذهبت مثل في مدنى :
دين الشهرة ذاتا
لا أمانع أن تسمينى جكسا سودانيزأونلاين)

الشبه بيمنجكسا الاستباليه وعصام جبر يكمن فى (الرويس) الذى إنتبه له الفنان عماد عبد الله ،وورد زكره هنا بواسطة الاخ عبد الكريم ! (ماعلينا) !

المهم إنو جكسا هذا كان لاعب كوره متواضع القدرارات،. ولأنه طريف أصبح صاحب كاريزما فأحبه الناس، فضمه أهلى مدنى الى صفوفه.
كان جكسا أنيقا و يهتم بالتمارين، الا انه كان دائكا احتياطى ، وبين الحين والاخر عندما يكون الاهلى منتظر يتم إدخاله الى المباراه!

إحدى المرات كان الاهلى فى مباره ساخنه قد تكون ضد الاتحاد. فى الدقائق الاخيرة تم إدخال جكسا الى المباره ، وفور إستلامه للكره تمكن من إحراز هدف فهتفت الجماهير فماكان من جكسا إلا وأن ترك المباره متوجها الى خارج الملعب !!

سؤئل جكسا عن مابه يترك المباراه قبل نهايتها ؟

كان رده:

مستوى مافى!


أسرة العم جبر الله ، الخاله أم الحسن، والاخت الدكتوره أمال والاخت الاستاذه ناهد أو (ناهض إسم الدلع) وسط جيلى فى الثمانيات فى مدنى قدموا لوطننا مالايمكن تشويهه غض النظر عن الاختلاف أو الاتفاق!

وكان يمكننا ان نسترسل الا انه يجب ترديد مقولة جكسا الشهيرة (مستوى مافى) !

تحية ياعفراء.

Quote: يا عفراء ... كلامك و كلام الناس التانيه ما بناباهو لكن الحرج حاصل , أها نتكلم بي صراحه , لما تكون رضعت و أكلت و شربتا كلام زى "الشكروهو قدامو نبزو" أو " الله لا جاب يوم شكرك" و مثيلاتها من الأرشيف بتاعنا بتكون مخزنه جواك مشاعر سلبيه تجاه الكلام الإيجابي المباشر , سواء قلته أنت عن شخص ما أو قيل عنك , بالتأكيد تعتمد على انها جات في إطار شنو. و رغم انى "عارف و فاهم" ليه الكلام ده اتكتب و الهدف منو شنو و احتمال أنا ذاتى اعملوا لى ناس تانيين لأنى شايفو كويس ... لا أخفي شعور خفيف مزعج كده و ما لاقي ليهو تفسير غير كلامى الفوق انو كتير مننا مليان بي قيم ملخبطه ده اذا ما قلنا سلبيه , ياخى راجينا كترة شغل مع روحنا و مع قصصنا دى ... لا حولااااا النجيضه (بدلآ عن المهم ) أنا أعتز بشكل لا يمكن وصفه بأى كلمه قيلت في حق جبرالله و أم الحسن ... لأنها تعنى أن تعبهم ما راح ساكت و أن الناس تقدره و تعطيه حقه , حاولوا حسب قدرتهم يربو أولادهم و بناتهم بطريقه شويه مختلفه , أبسط مثال أن استخدام يا "مرا" كشتيمه كان من "الجرائم" في البيت .... حاولو و لست بصدد جرد حساب لهم لكن كلام الناس هنا بيقول انهم نجحوا , أم الحسن التى لم تذهب لمدرسه قط و لكنها تكتب و تقرأ و تقرض الشعر و تحاجج في السياسه المحليه و الدوليه و الفكر و الثقافه و جبرالله الموظف البسيط الذي "جعل كل هذا ممكنآ" و الشرح يحتاج زمن تانى ... مدعاه للفخر ... و لسنا وحدنا , لسنا استثناء أو حاله خاصه ... أستطيع أن أعد من دائرة أسرتنا و اصدقائنا و معارفنا و زملائنا كثير من الأباء و الأمهات الذين اختاروا عن وعى و قناعة هذا الدرب ناهيك عن آلاف أخرى موجوده تفعل و تبذل هذا .... كل الكلام هنا قلاده على عنقنا و سند في الأيام الصعبه أيآ كانت و دعاش للقلب و الروح ... نتمنى نبقي قدر الدين ده و ما نقصر في حق زول ... و لو حصل ما تتردوا تهزونا و لو غلطنا تنصحونا و لو اتعوجنا تعدلونا .... الناس بالناس عشان الحياه تبقي أحسن ... " عشان الحاجات تبقي كويسه" تقدير و محبه و اعزاز لا ينضب

يا سلااام يا عصااام

اللهم اني اشهد دخلت هذا البيت سنين عددا



كلام جميل

الفجور في الخصومة ليس شجاعة يا بندر ..

-----------------------------------------------

شكراً عاطف مكاوي

Quote: و أنا كمان أخت عصام جبر الله

انتى زاتك زولة ساهلة , يمين الله يا عفراء انت صنو لبنات جبرالله واولاده فى المواقف والمروءة والشهامة
يوم شكرك ما يجى يا عفراء بت سند , تعرفى يا عفراء تلفونك لى رغم عدم سابق المعرفة وسعيك لتطييب خاطرى
ومساعدتى فى قضيتى أعاد لى ثقتى فى بنات وأبناء وطنى رغم التخذيل والضرب من الخلف الذى مارسه معى بعض
الصغار واصحاب النفوس الخربة الذين سيطروا فى غفلة من الزمن على بعض منظمات المجتمع المدنى واستطاعوا
من خلالها ان يخرجوا كل مكنونات نفوسهم المتقيحة ويفصحوا عن تربيتهم التالفة , وجودكم انتى وبنات جبرالله
وامثالكم من الميامين من أبناء وبنات بلادى فى ساحات العمل العام يجعل الأمل باقيا فى انصلاح الحال وقطعا
ستواجهوا بالكيد من قبل اعداء النجاح والمشوهين وهذه هى الضريبة التى يدفعها الاحرار الذين يتصدون للعمل
العام فى البلدان المتخلفة التى ترزح تحت سطوة العقل الذكورى , شكرا يا عفراء للاحتفاء بالصديق الشامخ
عصام واسرته المترفة بالمواقف القوية فى قضايا الحقوق والعدالة , وهنا اود ان أسرد لك قصة لعصام شاركه
فيها الصديق عماد شمت وهو أيضا عضو فى هذا المنبر ,, تعرض شاب سودانى يقيم معنا فى هذه البلاد لاعتداء من
بعض افراد الشرطة السويسرية , وكاد ذلك الاعتداء أن يودى بحياته لولا لطف الله وعنايته , وعندما فقد ذلك الشاب
الوعى اثناء عراكه مع افراد الشرطة حيث أصيب اصابات بالغة فى رأسه , اخذه رجال الشرطة للمستشفى وتركوه مغمى
عليه فى قسم الطوارى وانسحبوا دون ان يشعر بهم أحد , بعد تلقى الشاب للعلاج وتحسن حالته لم يكن يرغب فى تحريك
دعوى جنائية ضد من تسببوا فى اذيته لانه اولا لا يعرفهم كما أفاد وثانيا لعدم ثقته فى تحقيق العدالة , أصر عليه
عصام وعماد شمت واخذوه للشرطة لفتح بلاغ ضد من اعتدوا عليه , بالفعل تم فتح البلاغ واستطاع ذلك الشاب بعد جهد كبير
ان يتعرف على الذين اعتدوا عليه بالضرب , سعى عصام وعماد عبر منظمة تعنى بحقوق المهاجرين للحصول على محامى جيد
يتولى تلك القضية , وقد نجحا فى الحصول على محامى رفيع استطاع ان يضع رجال الشرطة فى قفص الاتهام وبعد جهد كبير
استمر قرابة العامين تعرض خلالها ذلك الشباب للترغيب والترهيب ليتنازل عن القضية الا ان اصرار عصام وعماد حال دون أن
يضعف ذلك الشاب ويقع فريسة للابتزاز , أخيرا تم الحكم على افراد الشرطة بالطرد من الخدمة والسجن لفترة لا اتذكرها كماتم
تعويض ذلك الشاب ماديا , ده موقف واحد فقط لعصام جبرالله , ومواقفه الاخرى كلها على هذا المنوال ليس فيها ما يعيبه وما يسئ
له أو لأسرته , كدى النشوف الناس المالين الاسافير دى بالضجيج قاعدين يعملوا فى شنو خلاف التآمر والعمل القذر .

أكيد مافى كلام فى أمال جبرالله
أمرأة بقامة وطن
أمال وناهد لهم احترامى وحبى الكبير وعصام والمرحوم
جميعهم من بيت واسره الكل يعتز بها و لهم دورهم المعروف والمشهود
فى مسيرة النضال
طلعوا من بيت يؤمن بالحريه والديمقرطيه
خالتى ام الحسن ليك الصحة والعافيه من اوئل رائدات الحركة النسائيه

والف رحمة عليك ابو الكل عمى جبرال كان مناضلا جسورا
اولاد جبرالله اينما كانو مهمومين بالوطن
واضافه على ذالك أمال و ناهد صديقات عزيزات أعتز بهم وافتقدهم

شكرا يا عفرا
وأنا اختكم كلكم

والما بعرف امال دى أمال
كتابة ومتمكنه
لك التحيه يا أمال


أمال جبر الله سيد أحمد
الحوار المتمدن - العدد: 2938 - 2010 / 3 / 8 - 09:10
المحور: ملف مفتوح -8 مارس 2010 - المساواة الدستورية و القانونية الكاملة للمرأة مع الرجل





ز

و أنا أختك يا عصام وبنت الخالة الحبيبةأم الحسن عثمان
صديقة أمهاتي وصديقة الكل بنت سنجة سليلة الكرام
فخر للمرأة السودانية..
وليس غريباً أن يكن بناتها الحبيبات امال وناهد جبر الله
قابضات على جمر القضية ..
لهن التحية والتجلة ولك مثلها الحبيبة عفراء ..

الحمد لله الذي اذهب عناالاذي وعافانا...

شكرا يا فنان

عفراء ابشري بالخير

وحباب بنات جبر الله ملوك النيل

أنا أعتز بشكل لا يمكن وصفه بأى كلمه قيلت في حق جبرالله وأم الحسن

And me too, Asomi....

وكتين كلكم عيال أول البارحات
منو قال لكم عفرا وعيال جبرالله ماعندهن خالات؟

انا خالة بنات جبرالله واخوانهن واخواتهن

الفي الحرور نافرات

واخوانهن رجال ناس مُقْنع الكاشفات

والداير كلام

انا بت امي حاضرة... أفسّر الخافيات...
(ابشري ياعفرا)

تسلمي استاذة عائشة وكلنا نتشرف بان تكوني خالتنا وسندنا يا عظيمة

شكرا
عفراء
هذه فرصة للشكر المستحق قبل يوم الشكر

لم احظى بمعرفة ناهد وامال ولا عصام

لكن
اعرف العم جبر الله
عندنا فى جبل اولياء فى السبيعنات الرياضة كانت متخلفة جدا اندية فى كل حلة وفى فترات متقطعة مباريات تنتهى بمشاكل
جاء زول مدير مكتب البوستة اسمو جبر الله
جمع الفرق وعمل اتحاد جبل اولياء المحلى وبقا عندنا دورى اشرف على بناء دار رياضة من الخيش واستقدم الحكام من الخرطوم واصبحت اندية الجبل تعرف المنافسة المنظمة واللوائح والشكاوى والاستئنافات
فى صبر وجلد كما الملائكه عمل جبر الله وسط مشاكل فرق متعصبة

له مقولة طريفة
نادى حلتنا البنشجعو اسمو الجهاد ونحنا ناس مشاكل فى كل كورة
علق جبر الله
اما انتصار الجهاد اما كارثة
له الرحمة

الزمن داك التلفزيونات قليلة جدا
حكى لى د كمال محمد ادريس ان الراحل جبر الله
كان يخرج التلفزيون فى ساحة امام المنزل ويرش الواطا ويهىء المكان سبيل للمشاهدة المجانية

الفي الحرور نافرات
واخوانهن رجال ناس مُقْنع الكاشفات
والداير كلام
انا بت امي حاضرة...
أفسّر الخافيات...