Post: #1
Title: المريخ يستضيف الامل عطبرة والهلال يرحل الى شندى فى افتتاحية الموسم
Author: هشام عباس
Date: 02-18-2012, 01:49 PM
جرت قبل لحظات حفل قرعة الدورى الممتاز لموسم 2012 م
فى افتتاحية الموسم يفتتح المريخ مبارياته على ملعبه امام الامل عطبرة
بينما يرحل الهلال الى شندى لمقابلة الاهلى فى مباراة صعبة جدا تمثل
قمة الاسبوع الاول ...اما العائد الى الاضواء سيد الاتيام الاهلى مدنى
يفتتح مبارياته على ملعبه بمدنى امام النسور ام درمان
|
Post: #2
Title: Re: المريخ يستضيف الامل عطبرة والهلال يرحل الى شندى فى افتتاحية الموسم
Author: tmbis
Date: 02-18-2012, 01:54 PM
Parent: #1
Quote: بينما يرحل الهلال الى شندى لمقابلة الاهلى فى مباراة صعبة جدا تمثل
قمة الاسبوع الاول |
.. الصعبة منو يا هشام ..؟
الاهلي دا ياخد اربعة خمسة كدا وبعداك نشوف الكورة بتبتدي متين ..؟
يعني من الشوط الاول ... يتجلدو وفي الربع ساعة الاولى ..
تيم متلتل زي تيم الهلال دا مع مدرب زي دا .. وتقولي مباراة صعبة ..؟
غايتو الهلال الشفتو دا تاني إلا تغلبو برشلونة يا الله يغلبو .. والله غالب ..
|
Post: #7
Title: Re: المريخ يستضيف الامل عطبرة والهلال يرحل الى شندى فى افتتاحية الموسم
Author: هشام عباس
Date: 02-18-2012, 02:09 PM
Parent: #4
| Quote: الهلال ! قادم بقوة ..! رسالة الي الاندية الافريقية وليست المحلية!! |
يا عبد العظيم اخوى رسايلكم دى لا بتمشى لا حاجة ..راجعوا مرسالكم دا
يمكن طابور خامس او مريخابى مدسوس وانتو ما عندكم خبر ..
يا اخى 80 سنة وانتو كلو سنة شابكننا رسايل رسايل
كرهتونا
|
Post: #8
Title: Re: المريخ يستضيف الامل عطبرة والهلال يرحل الى شندى فى افتتاحية الموسم
Author: هشام عباس
Date: 02-18-2012, 02:13 PM
Parent: #7
الاسبوع الثاني
المورده vs المريخ
النسور vs الهلال
الخرطوم vs اهلي شندي
الامل vs الاهلي
اهلي مدني vs جزيره الفيل
الرابطه vs هلال الساحل
النيل vs الحصاحيصا هلال كادوقلي
|
Post: #6
Title: Re: المريخ يستضيف الامل عطبرة والهلال يرحل الى شندى فى افتتاحية الموسم
Author: هشام عباس
Date: 02-18-2012, 02:08 PM
Parent: #2
Quote: .. الصعبة منو يا هشام ..؟
الاهلي دا ياخد اربعة خمسة كدا وبعداك نشوف الكورة بتبتدي متين ..؟
يعني من الشوط الاول ... يتجلدو وفي الربع ساعة الاولى ..
تيم متلتل زي تيم الهلال دا مع مدرب زي دا .. وتقولي مباراة صعبة ..؟
غايتو الهلال الشفتو دا تاني إلا تغلبو برشلونة يا الله يغلبو .. والله غالب .. |
تمبس تحياتى
نظرتك دى نظرة عاطفية ساكت
اولا الهلال خاض تجربة وحيدة امام حرس الحدود ظهرت فيها ايجابيات وسلبيات
وهى فى النهاية مباراة ودية لا يمكن مقارنتها مع التنافسية التى تختلف كليا
حتى لو كان الخصم فريق درجة رابعة ..
ثانيا لا تنسى ان اهلى شندى هو الفريق الافضل اعداد هذا الموسم فاذا كنت قد واجهت
حرس الحدود فلا تنسى ان الاهلى واجه فرق من العيار الثقيل بتونس اخرها امام الصفاقصى
انتهت سلبية
ثالثا لا تنسى ان عاملى الارض والجمهور تعلب مع الاهلى دائما واظن انك لم تنسى مباراة العام الماضى
رغم ان الفارق كان كبيرا بين الهلال والاهلى وقتها
رابعا قد يتجاوز الهلال محطة الاهلى شندى مستغلا حمى البدايات وارتباك الفرق عديمة الخبرة مثل الاهلى
شندى لكن المباراة ستكون صعبة وصعبة جدا على الهلال
تحياتى
|
Post: #9
Title: Re: المريخ يستضيف الامل عطبرة والهلال يرحل الى شندى فى افتتاحية الموسم
Author: tmbis
Date: 02-18-2012, 02:22 PM
Parent: #6
| Quote: نظرتك دى نظرة عاطفية ساكت |
نظرتي عاطفيـة ..؟
يعني نابعة من عاطفة وحنان يا ناس واللا الحاصل شنـو .؟؟
نظرتي كان عاطفية كان كتبت ليك بالالون الأزرق بي أبيض .. زي احمرك الكاتب بيهو دا ..
| Quote: اولا الهلال خاض تجربة وحيدة امام حرس الحدود ظهرت فيها ايجابيات وسلبيات |
لو انا جبت لي متر وقعدته اقيسه زي قياساتك دي .. طوالي ح اقوليك .. كمية اللعيبة الجاهزين الخاضو اكبر احتكاك مع لعيبة عالميين في الدورة الافريقية .. ومن ضمنها معظم خط وسط الهلال وخط الدفاع .. لا اتحدث عن تجربة حرس الحدود لانو لا اعتبره تجربة مثمرة ..
لكن من خلال قراءة تفصيلية لمعظم خطوط الهلال بالاضافة لي الاستقرار النفسي لي الاستقرار المادي .. لي الجهاز الفني المحترم جدا .. لي خطوط الهلال التلاتة .. العتقد انو كلامي ما واقع الواااطة ..
اما لو جينا فنطناها تفنيطكم بتاع اللون الأحمر دا .. فبحسب ليك من فلانتاين لي سادومبا لي كاريكا لي بشه لي مهند لي .. إلخ .. إلخ ..
اقوليك حاجة ..؟
إنتو زاتكم شيلو شيلتكم ..
وامسكو في الاتفاقيـة قوي .. عسى ولعل ..
|
Post: #13
Title: Re: المريخ يستضيف الامل عطبرة والهلال يرحل الى شندى فى افتتاحية الموسم
Author: هشام عباس
Date: 02-18-2012, 02:53 PM
Parent: #9
Quote: لو انا جبت لي متر وقعدته اقيسه زي قياساتك دي .. طوالي ح اقوليك .. كمية اللعيبة الجاهزين الخاضو اكبر احتكاك مع لعيبة عالميين في الدورة الافريقية .. ومن ضمنها معظم خط وسط الهلال وخط الدفاع .. لا اتحدث عن تجربة حرس الحدود لانو لا اعتبره تجربة مثمرة ..
لكن من خلال قراءة تفصيلية لمعظم خطوط الهلال بالاضافة لي الاستقرار النفسي لي الاستقرار المادي .. لي الجهاز الفني المحترم جدا .. لي خطوط الهلال التلاتة .. العتقد انو كلامي ما واقع الواااطة ..
اما لو جينا فنطناها تفنيطكم بتاع اللون الأحمر دا .. فبحسب ليك من فلانتاين لي سادومبا لي كاريكا لي بشه لي مهند لي .. إلخ .. إلخ ..
اقوليك حاجة ..؟
إنتو زاتكم شيلو شيلتكم ..
وامسكو في الاتفاقيـة قوي .. عسى ولعل .. |
يا ها دى النظرة العاطفية زاتها يا تمبس
انا معاك انو لعيبة الهلال فى المنتخب اكثر جاهزية لكن يا تمبس
دا عندو تاثير تانى ما تنسى انو الهلال كان مقسوم لمجموعتين ويفتقد للتجانس
وما تنسى انو لعيبة المنتخب ديل ما اتدربوا مع المجموعة ولا مع المدرب الجديد
يعنى المدرب يحتاج لمعرفتهم وهم محتاجين يعرفوا استراتيجية المدرب
فى حين انو الاهلى شندى معكسر بكامل التيم ومع طاقمه التدريبى وكيد
من خلال المعسكر والمباريات الاعدادية المدرب يكون وصل للاعبيه استراتيجيتو ...
ثانيا شايفك بتتكلم عن ناس سادومبا ..انت تيمك دا الجديد فيه شنو غير فلانتاين دا
وفلانتاين دا زاتو نجاحو من عدمو يعلم الله .. الجديد منو يا اخوى .. حتى نجوم التسجيلات
اذا استثنينا منهم نزار حامد فشل البقية فشل زريع بدليل مطالبة المدرب الفرنسى بطرد
الطاهر حماد ومعتز رابح وجمعة عقب مباراة حرس الحدود وتصريحه بذلك لوسائل الاعلام
واحتجاج اللاعبين الثلاثة وتقديمهم شكوى ضد المدرب لدى الادارة يطالبونه بالاعتذار العلنى لهم ..
يا تمبس اخوى بطلوا نفخ زى كل موسم وخلوا الميدان دا يتكلم
|
Post: #3
Title: Re: المريخ يستضيف الامل عطبرة والهلال يرحل الى شندى فى افتتاحية الموسم
Author: هشام عباس
Date: 02-18-2012, 01:56 PM
Parent: #1
مباراة القمة وهى التى تكون حاسمة لمسار الدورى
ستكون فى الاسبوع السابع للدورى
على ملعب الهلال بام درمان
|
Post: #5
Title: Re: المريخ يستضيف الامل عطبرة والهلال يرحل الى شندى فى افتتاحية الموسم
Author: هشام عباس
Date: 02-18-2012, 02:02 PM
Parent: #3
تفاصيل مواجهات الاسبوع الاول :
المريخ vs الامل عطبرة
اهلي مدني vs النسور
الرابطة كوستي vs الخرطوم
اهلي شندي vs الهلال
هلال كادوقلي vs الموردة
الأهلي الخرطوم vs جزيرة الفيل
هلال س vs النيل حصاحيصا
* المباريات على ارض الفرق المذكورة اولا
|
Post: #10
Title: Re: المريخ يستضيف الامل عطبرة والهلال يرحل الى شندى فى افتتاحية الموسم
Author: هشام عباس
Date: 02-18-2012, 02:30 PM
Parent: #5
الاسبوع التالت
المريخ VS الرابطه
هلال الساحل VS النسور
جزيره الفيل VS الخرطوم
الهلال VS الاهلي
النيل الحصاحصيا VS المورده
الامل VS الاهلي مدني
الهلال كادوقلي VS اهلي شندي
|
Post: #11
Title: Re: المريخ يستضيف الامل عطبرة والهلال يرحل الى شندى فى افتتاحية الموسم
Author: هشام عباس
Date: 02-18-2012, 02:40 PM
Parent: #10
الاسبوع الرابع
المريخ VS هلال كادوقلى
الاهلي VS النسور
الخرطوم VS النيل الحصاحيصا
الرابطه VS الهلال
المورده VS هلال الساحل
جزيرة الفيل VS الامل عطبره
اهلي مدني VS اهلي شندي
|
Post: #12
Title: Re: المريخ يستضيف الامل عطبرة والهلال يرحل الى شندى فى افتتاحية الموسم
Author: عبد العظيم احمد
Date: 02-18-2012, 02:42 PM
Parent: #10
غارزيتو الهلال قدم مباراة رائعة امام متصدر الدوري المصري
الخميس 16 فبراير 2012 الساعة 1:56
كتب ابراهيم الجيلي امتدح الفرنسي غارزيتو المدير الفني لفريق كرة القدم بالهلال اداء فريقه في اول تجربة يؤديها الفريق بملعبه امام فريق حرس الحدود متصدر الدوري المصري بـ 37 نقطة وبفارق ثلاث نقاط عن الاهلي وقال غارزيتو لعبت مباراة رائعة وقدمنا اداء جيدا وكان المظهر الفني والبدني جيدا في الاول وتراجع في الشوط الثاني نتيجة الاداء القوي مؤكدا ان الجهاز الفني كان يحتاج لستة اسابيع حتي يظهر الهلال بشكله المرتقب عقب عودة نجوم المنتخب الذين بذلوا مجهودا كبيرا في الكان وقال غارزيتو انه كان يعلم ان مستوي البدائل لم يكونوا بمستواهم المعهود خاصة جمعة وقطعا لم يكونوا في مستوي الهلال وسنعمل علي تسجيل لاعبين جيدين في شهر يونيو القادم وعن تارجح مستوي اللاعبين قال الفرنسي ان الهلال لعب مباراة اعدادية وخرج بفوائد فنية جيدة وعن عدم اشراك سيف مساوي قال ان ذلك يعود لعامل الايقاف وفيما يتعلق بالاصابات قال الفرنسي ان اصابات الثلاثي المعز وبكري وعمر بخيت والتي تعود لقبل شهرين من الان واي اصابة بشد عضلي يتعرض لها اي لاعب في هذه الفترة تعتبر نتاجا للبرنامج الاعدادي
المصدر * قوون
|
|