Post: #1
Title: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 06:11 AM
Parent: #0
حضاراتٌ سادت ثم بادت
نقبل ترشيحاتكم
نبدأ
حبيب نورة إسفيرياً
|
Post: #2
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 06:12 AM
Parent: #1
أول الغيث قطرة
|
Post: #3
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 06:38 AM
Parent: #2
أنا ومعاي أخوي الكاشف ود جبرين 
والثنائي أسئُس وتمبس أختفت المتعة تماماً
نجاة محمود ألهاها الكبك عن الكتابة السمحة
ود الصايم حتّ الآتوه
والقائمة تطول طبعاً
نقزقز بيها حبة حبة
|
Post: #4
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 06:41 AM
Parent: #3
ذو اليد معيارياً كده في تدهور مستمر
|
Post: #5
Title: Re: بورداب وبوردابيات كُورتهم فكّت ( توجد أسماء )
Author: المعز عبدالمتعال
Date: 02-16-2012, 06:52 AM
Parent: #4
حبيب نورة ازيك
انا لي ذي ستة شهور كدا لا بوست ولا حتي مداخلة، اعاني من متلازمة الاحباط عشان كورتي اصلاً ما بدت وماشة فاكة...
|
Post: #6
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 07:04 AM
Parent: #5
المعز
طيب ما تسجل نفسك وما تنسي أدينا ترشيحاتك
بكل شفافية طبعاً :)
|
Post: #7
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 07:06 AM
Parent: #6
في ناس كمان كروتهم فكّت بإبتعادهم عن الملاعب لفترة طويلة
دكين مثلاً
والله فعلاً مدوّرة
|
Post: #8
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 07:08 AM
Parent: #7
نازر الخليفة
وقاسم المهداوي
:)
|
Post: #9
Title: Re: بورداب وبوردابيات كُورتهم فكّت ( توجد أسماء )
Author: محمد أبوالعزائم أبوالريش
Date: 02-16-2012, 07:43 AM
Parent: #8
Quote: والثنائي أسئُس وتمبس أختفت المتعة تماماً
|
شفت تمبس ده بالذات، كان أي كلام يتقال، بيفهموا طاير.
هسي بقى كل شئ يجي يقول ليك (بتشفروا في شنو) ....... كان راجل طيب ياخ.
___
حبيب نورة وحبيبنا ...... أريتك طيب ياخ.
|
Post: #10
Title: Re: بورداب وبوردابيات كُورتهم فكّت ( توجد أسماء )
Author: MOHAMMED ELSHEIKH
Date: 02-16-2012, 08:27 AM
Parent: #9
العوج راي والعديل راي
وييييييييييييييين؟؟؟؟؟؟؟؟
|
Post: #11
Title: Re: بورداب وبوردابيات كُورتهم فكّت ( توجد أسماء )
Author: حمزاوي
Date: 02-16-2012, 09:00 AM
Parent: #10
ترتوسكي
|
Post: #12
Title: Re: بورداب وبوردابيات كُورتهم فكّت ( توجد أسماء )
Author: سيف النصر محي الدين
Date: 02-16-2012, 09:24 AM
Parent: #11
بكري ابوبكر الشهير بسيد الحوش.
|
Post: #20
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:18 PM
Parent: #12
| Quote: بكري ابوبكر الشهير بسيد الحوش. |
يا راجل إنت من زمنو؟
وحاتك من أيام الهكرز ضرب البورد تاني ما كسب عافية
الله يجازي الكان السبب :)
|
Post: #19
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:16 PM
Parent: #11
هاهاهاهاها يا حمزاوي هو الآخر وررررق وأنفررررك
أظنو كفر بالبورد
ربنا يرد غربتو والله أشتقنا ليه شديد
|
Post: #13
Title: Re: بورداب وبوردابيات كُورتهم فكّت ( توجد أسماء )
Author: عباس محمود
Date: 02-16-2012, 09:42 AM
Parent: #10
يا الحبيب ........وينك
انت بس نزل لينا شوية من آخر حاجة كتبتها وبعدها ما (تاكل هم) زي ما بيقولو الزلم
محمد الشيخ ......العوج......والعديل.......شغله موسمي وانا متذكر خطبته الاخيرة و (شيطان) الكتابة بتاعه في لندن....
حبيب نورة ليك الود
|
Post: #14
Title: Re: بورداب وبوردابيات كُورتهم فكّت ( توجد أسماء )
Author: طارق جبريل
Date: 02-16-2012, 10:21 AM
Parent: #13
| Quote: أنا ومعاي أخوي الكاشف ود جبرين |
انت يدوك شاكوش تقول أخدناهو أنا وود جبرين
|
Post: #15
Title: Re: بورداب وبوردابيات كُورتهم فكّت ( توجد أسماء )
Author: Sidig Rahama Elnour
Date: 02-16-2012, 10:48 AM
Parent: #14
كمال عباس في طولة باله و تعديلاته
كمال بشاشا في تجلياته وإستغراقه الكوشي
عجب الفيا في إبداعاته وتراتيله
الطيب برير في حكاياته ومتعها
صلاح شعيب في نقده وجماله
الحبشي في تلميحاته وذكائه
|
Post: #16
Title: Re: بورداب وبوردابيات كُورتهم فكّت ( توجد أسماء )
Author: بابكر عثمان مكي
Date: 02-16-2012, 11:33 AM
Parent: #15
نسيتنى انا ياصديق هناك متعة لايعرفها الا المتصوفة الذين لايحبون الاضواء
الا وهى تاخد ليك ركن وتقعد تقرا فى كلام الناس الكورتم فكت ديل
مرات مرات بلعبو ليهم لعبات رائعة خلاص بس بتخونم اللياقة البدنية
عاوزين جيم فى حوش بكرى دا
|
Post: #25
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:28 PM
Parent: #16
Quote: نسيتنى انا ياصديق هناك متعة لايعرفها الا المتصوفة الذين لايحبون الاضواء
الا وهى تاخد ليك ركن وتقعد تقرا فى كلام الناس الكورتم فكت ديل
مرات مرات بلعبو ليهم لعبات رائعة خلاص بس بتخونم اللياقة البدنية
عاوزين جيم فى حوش بكرى دا
|
يا بابكر
قلنا ليك القائمة تطول
فرجاءاً من البورداب الذين نسينا ذكرهم في هذه القائمة ـ رجاءاً إنهم يعذرونا
الراس ضارب لكن بنتذكر شوية شوية
تسلم يا بابكر
|
Post: #23
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:25 PM
Parent: #15
Quote: كمال عباس في طولة باله و تعديلاته
كمال بشاشا في تجلياته وإستغراقه الكوشي
عجب الفيا في إبداعاته وتراتيله
الطيب برير في حكاياته ومتعها
صلاح شعيب في نقده وجماله
الحبشي في تلميحاته وذكائه |
صديق رحمة
ياخ إنت ذااااتك وين ؟ والله ايام يا زمان
إيييييه دنيا !!
والله أتوحشناك بزاف
أبق أظهر يا حبيب
|
Post: #22
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:21 PM
Parent: #14
Quote: انت يدوك شاكوش تقول أخدناهو أنا وود جبرين
· |
يا جبرين ياخ نحن أخوان في السراء والضراء
كفاية النصيبة الجاية علينا بعد الفيس بوك يبقي أم فكُو :)
|
Post: #21
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:20 PM
Parent: #13
Quote: يا الحبيب ........وينك
انت بس نزل لينا شوية من آخر حاجة كتبتها وبعدها ما (تاكل هم) زي ما بيقولو الزلم
محمد الشيخ ......العوج......والعديل.......شغله موسمي وانا متذكر خطبته الاخيرة و (شيطان) الكتابة بتاعه في لندن....
|
يا عباس يا جميل أخبارك وأخبار كل الناس الطيبين
الله يرحم بقي يا عبس
الحرس القديم سلم سلاحو وأيامو راحو
أبق طيب إنت بس
|
Post: #18
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:14 PM
Parent: #10
Quote: العوج راي والعديل راي
وييييييييييييييين؟؟؟؟؟؟؟؟ |
والله سؤالك في محلو يا محمد الشيخ
بالله الراجل ده وين ؟؟
أنتشر فترة من الزمن ثم أندثر
|
Post: #17
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:11 PM
Parent: #9
Quote:
شفت تمبس ده بالذات، كان أي كلام يتقال، بيفهموا طاير.
هسي بقى كل شئ يجي يقول ليك (بتشفروا في شنو) ....... كان راجل طيب ياخ.
|
هاهاهاهاها
والله صحي جبت الديب من ديلو يا أبو الريش
غايتو ما دايم إلا الدايم
كيفنك يا حبيب ؟ نعلك طيب
|
Post: #24
Title: Re: بورداب وبوردابيات كُورتهم فكّت ( توجد أسماء )
Author: حواء سليمان ابراهيم
Date: 02-16-2012, 12:26 PM
Parent: #17
سلامات يا حبيب الكل
والله ليك وحشة ، سلم لى على بقية العقد الفريد
|
Post: #26
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:34 PM
Parent: #24
مرحب يا حواء
علي فكرة إنت حالياً خارج المنافسة
كورتك ح تفك كما هو متوقع بعد إستشهاد دكتور خليل
|
Post: #27
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:37 PM
Parent: #26
فائز ود القاضي
وتاج السر الملك ( بعد الدغمسة )
|
Post: #28
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:41 PM
Parent: #27
أمين سليمان بعد الدرجة العلمية ( البروف )
وحمور زيادة طبعاً بعد ( الكونج )
|
Post: #30
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:56 PM
Parent: #28
دينا خالد ( لووووووووووووب )
شو مهضومي ( كانت )
|
Post: #29
Title: Re: بورداب وبوردابيات كُورتهم فكّت ( توجد أسماء )
Author: حواء سليمان ابراهيم
Date: 02-16-2012, 12:51 PM
Parent: #26
| Quote: كورتك ح تفك كما هو متوقع بعد إستشهاد دكتور خليل |
قال ح تفك قال ، ياخ يا دوووب شدينا الهمة
معاكم قريب دا 
|
Post: #31
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 12:58 PM
Parent: #29
| Quote: قال ح تفك قال ، ياخ يا دوووب شدينا الهمة |
كان ما اخاف الكضب أقول الدنيا قضت غرضا :)
|
Post: #32
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 01:03 PM
Parent: #31
ود شيقوق
بالتأكيد حسادة ود جبرين أنتهت منو وما خلت ليه فد عنكوليبة
الله يجازي الكان السبب
|
Post: #33
Title: Re: بورداب وبوردابيات كُورتهم فكّت ( توجد أسماء )
Author: rummana
Date: 02-16-2012, 01:21 PM
Parent: #32
يا حبيب نورة سلام كتير
أول حاجة يعني شنو كورتهم فكت؟؟ لو بتقصد غايبين يعني أنا غايتو لي اسبوع حايمة بهنا لكن شايفاك قاااااعد تحمد الله.. وكمان "أسماء" تانية في القائمة..
غايتو يا ناس حوش بكري العربي بتاعكم بقى صعب عليا شديد
|
Post: #34
Title: Re: بورداب وبوردابيات كُورتهم فكّت ( توجد أسماء )
Author: بت قضيم
Date: 02-16-2012, 01:55 PM
Parent: #33
رمانة الزمن الجميل
قرات اسمك فدخلت على حبيبها توووووش اسلم عليك وارسل تهاني وأشواق بحجم غيابك
يااااااااه
كيفك ياخي؟؟!!؟
يا حبيب نوره العزبتوها في ام روحها دي
ازيك يا جميل
وحشتنا شديد
|
Post: #36
Title: Re: بورداب وبوردابيات كُورتهم فكّت ( توجد أسماء )
Author: rummana
Date: 02-16-2012, 02:20 PM
Parent: #34
بت قضيم يا أنا مشتاقين شديد والله مشتاقيــــــــــن..
زيك أنا، شفت الاسم وجيت جارية ألاقي وأسلم
وينك انت وقلمك وونستك وهترشتك وأيام ما كنا روح واحدة في كم جسد وشويتين!؟
حلوة الأيام كانت (والجاية أحلى) وقراية سلامك ترد الروح
تحياتي لك ولكل المختفين ومذنبات هالي العديدين والكورتهم فكت كمان (whatever that means)
حبيب نورا.. الله يديم على نورا خيرك.. شكرا على سانحة السلام الطيبة
|
Post: #37
Title: Re: بورداب وبوردابيات كُورتهم فكّت ( توجد أسماء )
Author: هيثم طه
Date: 02-16-2012, 02:30 PM
Parent: #34
حبيب يا نورة - سلامات
المشكلة مافي الكورة الفكت ! المشكلة انهم مصرين يلعبوا -دوري ايطالي بس !
و بعدين شابكيننا ديناصورات السياسة لازم يستقيلوا و يدوا فرصة للشباب و هم مكنكشين في باسوردراتهم
حق الصادق و الميرغني تشوف حقكم ما تشوف !
وين المبدئية هنا -
تعرف يا نورة انا عرفت كورتهم فكت جد جد متين !؟
قبل يومين واحد مهاجم من الجيل الجديد اسمو انقابو شات كورة غلط -ياخ الوليد برمج بيهم جنس برمجة !! ياخي الكهول ديل مسكوا في الشافع و نزلوا فيهو دق و كواريك !
لا حولا ! انت منو و انت الجابك شنو !و انت ود ناس منو ! شفت بس مرحلة الكــلب ديك في دورة الانسان - ياها ذاتها
بالجد حنيت علي حالتهم و المكنة الخفت !
معا من اجل منبر معافاة و خالي من الديناصورات و المكنات الخفيفة!
|
Post: #43
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 04:56 PM
Parent: #37
Quote: المشكلة مافي الكورة الفكت ! المشكلة انهم مصرين يلعبوا -دوري ايطالي بس !
و بعدين شابكيننا ديناصورات السياسة لازم يستقيلوا و يدوا فرصة للشباب و هم مكنكشين في باسوردراتهم
حق الصادق و الميرغني تشوف حقكم ما تشوف !
وين المبدئية هنا -
تعرف يا نورة انا عرفت كورتهم فكت جد جد متين !؟
قبل يومين واحد مهاجم من الجيل الجديد اسمو انقابو شات كورة غلط -ياخ الوليد برمج بيهم جنس برمجة !! ياخي الكهول ديل مسكوا في الشافع و نزلوا فيهو دق و كواريك !
لا حولا ! انت منو و انت الجابك شنو !و انت ود ناس منو ! شفت بس مرحلة الكــلب ديك في دورة الانسان - ياها ذاتها
بالجد حنيت علي حالتهم و المكنة الخفت !
معا من اجل منبر معافاة و خالي من الديناصورات و المكنات الخفيفة! |
هيثم طه
لووووول غايتو كلامك ده بجيب ليك هوا السنين
أعمل حسابك ما يعفصك ديناصور يضيع مستقبلك الإسفيري ههههههههههههه
حاول أستفيد من الإحتكاك شوية
|
Post: #42
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 04:53 PM
Parent: #34
Quote: يا حبيب نوره العزبتوها في ام روحها دي
ازيك يا جميل
وحشتنا شديد |
بت قضييييييييييييم يا معتقة
مشتاقين وحاتك بالكراتين
عارفة الغياب الطويل ده برضو يعتبر دلالة علي تدهور المستوي
عشان كده كل شوية أدينا طلة وشوفي الدنيا شن فيها
أرقدي عافية يا ست الناس
|
Post: #35
Title: Re: بورداب وبوردابيات كُورتهم فكّت ( توجد أسماء )
Author: الفاضل يسن عثمان
Date: 02-16-2012, 02:06 PM
Parent: #33
حبيب نورة
الود المستنير حاتم الياس,يجليها وهي واقفة
ادوه بللنتي,شاتها للتماس تخييل؟؟؟؟؟
محبتنا يااخ
|
Post: #38
Title: Re: بورداب وبوردابيات كُورتهم فكّت ( توجد أسماء )
Author: singawi
Date: 02-16-2012, 02:36 PM
Parent: #35
رماااااانة
انا برضو شفت الإسم وجيت جاري
ولقيت بت قضيم وتم الكيف
دا طبعاً بعد السلام والكلام وعاملين كيف
اما إذا سألتم عن أحوالنا فنحن يانا نحن
حبيب نورة ازيك
هسة انا جبت سيرة حبيبك يا زول يازول
كورتو ياها زي ما عارفها بس قال ما داير معانا
إلا يشيلو ليهو مسي من التشكيلة
تحياتي
|
Post: #39
Title: Re: بورداب وبوردابيات كُورتهم فكّت ( توجد أسماء )
Author: rummana
Date: 02-16-2012, 03:15 PM
Parent: #38
| Quote: بعدين شابكيننا ديناصورات السياسة لازم يستقيلوا و يدوا فرصة للشباب و هم مكنكشين في باسوردراتهم |
وجوه ضاحكة خضرا وفوشيه وموف كتييييييرة كدا
الفرحانين بيه ده ما هو ذاته الحوش الذي بناه الدينصورات.....!!
انتوا بعد ما استلمتوه عملتوا فيه شنو يعني! عشان لتقتوا ورقعتوا وغيرتو فرش الصالون المهوقني بواحد صيني؟
سنجاوي أب كلاما بداوي.. عليك الله شوف ناس نعم للاحالة للصالح العام ديل!! آز إف عملوا المنتدى دار السلام..قصة والله وحكاية
حبيب نورا عفوا ياخ كأني احتليت البوست وكده
تحياتي لهيثم طه وزوار البوست
|
Post: #40
Title: Re: بورداب وبوردابيات كُورتهم فكّت ( توجد أسماء )
Author: هيثم طه
Date: 02-16-2012, 04:26 PM
Parent: #39
| Quote: الفرحانين بيه ده ما هو ذاته الحوش الذي بناه الدينصورات.....!! |
يا رمانة ياخيتي دا ما نفس الكلام البقولوه ناس الصادق و نقد !! شفتي كيف وجه الشبه و المنطق !
يعني دي منة يعني !
تعرفي يا رمانة من ما الناس بقت تقول :يا حليل ايام زمان و نحن العملنا و السوينا ! معناهو الناس فاقدة حنان بس !
و دا ياهو حال شيوخ المنبر !!
ياخي ديل مكنتهم خفتهم ! ياخي يبرمج بيهم انقابو ياخ ! ما بخجلوا هم !
ازيك يا رمانة !
ابقي طيبة و حليل ايام زمان
بالمناسبة اقول سر :نحن دفعة في المنبر -ما يغشك التسجيل و الاسم الجديد دا!
|
Post: #47
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 05:06 PM
Parent: #40
| Quote: بالمناسبة اقول سر :نحن دفعة في المنبر -ما يغشك التسجيل و الاسم الجديد دا! |
أطلع وبان عليك الأمان
شكلك كده يا هيثم بعد ما كورتك فكت سجلت بي شهادة تسنين في دوري الناشئين :)
|
Post: #46
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 05:04 PM
Parent: #39
Quote: جوه ضاحكة خضرا وفوشيه وموف كتييييييرة كدا
الفرحانين بيه ده ما هو ذاته الحوش الذي بناه الدينصورات.....!!
انتوا بعد ما استلمتوه عملتوا فيه شنو يعني! عشان لتقتوا ورقعتوا وغيرتو فرش الصالون المهوقني بواحد صيني؟ |
أها عارفة يا بت قضيم ده مربط الفرس
الجيل الجديد بتهمكم بعدم المواكبة والبشتنة وكده
يعني يشيلوا ليكم عناقريبكم ويجيبوا ليكم طقم راقي وجديد وما عاجبكم ؟
أصلو ما بتطوروا نهائي
الجيل الجديد عايزكم تواكبوا العلم والتطور والتهور :)
|
Post: #45
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 05:00 PM
Parent: #38
Quote: حبيب نورة ازيك
هسة انا جبت سيرة حبيبك يا زول يازول
كورتو ياها زي ما عارفها بس قال ما داير معانا
إلا يشيلو ليهو مسي من التشكيلة |
عارف يا سنجاوي
أخونا هشومي ده بقي يشتكي من شد عضلي متواصل
عشان كده بقي ملازم الكنبة ليه فترة
الزول ده من ساعة ما أدي الخواجة شلوت تقول وقعت فيه عين
عين السواد يا يابة
|
Post: #44
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 04:58 PM
Parent: #35
Quote:
الود المستنير حاتم الياس,يجليها وهي واقفة
ادوه بللنتي,شاتها للتماس تخييل؟؟؟؟؟
|
هاهاهاهاهاهاهاهاها ياخ أصلو ما معقول؟
إنت متأكد إنو الكورة دي الهوا ما دردقة واللا حاجة ؟
غايتو الزمن ده تتوقع أي حاجة يا جميل
|
Post: #61
Title: Re: بورداب وبوردابيات كُورتهم فكّت ( توجد أسماء )
Author: محمد المرتضى حامد
Date: 02-17-2012, 01:54 AM
في الأول قريتا ( رمانه مالك زكمانه)
ياخ ديل يحمدوا ربهم إنها وقفت على الكوره....- سلامات يا غارديولا..
|
Post: #65
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 02:52 PM
Parent: #61
Quote: في الأول قريتا ( رمانه مالك زكمانه)
ياخ ديل يحمدوا ربهم إنها وقفت على الكوره....
-
سلامات يا غارديولا.. |
يازول يا طيب للآخر
إنت ماشاء الله محافظ بي درجة والي
سر للأمام وما تشتغل بيا الشغلة
سلام يا مورينهو
|
Post: #41
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-16-2012, 04:50 PM
Parent: #33
Quote: ا حبيب نورة سلام كتير
أول حاجة يعني شنو كورتهم فكت؟؟ لو بتقصد غايبين يعني أنا غايتو لي اسبوع حايمة بهنا لكن شايفاك قاااااعد تحمد الله.. وكمان "أسماء" تانية في القائمة..
غايتو يا ناس حوش بكري العربي بتاعكم بقى صعب عليا شديد |
رمانة ملكة زمانة
مشتهيك زي أم فت فت والله
الكورة فكت دي دلالة علي الكياشة المتأخرة
يعني الناس البجلوها وهي واقفة علي قول الكورنجية
ياخ صحصحي معانا شوية يا مخضرمة
|
Post: #48
Title: Re: بورداب وبوردابيات كُورتهم فكّت ( توجد أسماء )
Author: جمال الباقر
Date: 02-16-2012, 07:51 PM
Parent: #41
| Quote: بورداب وبوردابيات كُورتهم فكّت |
حبيب نورة ... بعد (الحب من طرف تالت)
|
Post: #49
Title: Re: بورداب وبوردابيات كُورتهم فكّت ( توجد أسماء )
Author: عفاف علي ميرغني
Date: 02-16-2012, 10:34 PM
Parent: #48
الزول دا بيكتب سمح
ثلاثُ بناتٍ عندَ البَحرْ
تحياتي يا حبيب نورة
|
Post: #50
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 02-16-2012, 11:14 PM
Parent: #49
حبيها لـ نورة
سلامات
في لعيبة جدد
ناس تمبس ديل بقو مدربين
|
Post: #57
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 01:14 AM
Parent: #51
Quote:
أها و ده كيف معاك يا حبيب
تأريخ ما أهمله التأريخ .. لكل من يعتبر الكبشرة دليلا قاطعا !!(كبشرات)
|
والله ولا كلمة يا قرشي
ده سرّو باتع يا صديق
|
Post: #56
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 01:12 AM
Parent: #50
Quote: حبيها لـ نورة
سلامات
في لعيبة جدد
ناس تمبس ديل بقو مدربين
|
حافظ أنقابو
مرحب بيك يا برلوم في الأون لاين
كدي شد حيلك
ناس تمبس ما قصروا تب
الباقي عليكم إنتوا تبقوا شاية وراية
ما دعاية
|
Post: #52
Title: Re: بورداب وبوردابيات كُورتهم فكّت ( توجد أسماء )
Author: جدو
Date: 02-16-2012, 11:28 PM
Parent: #49
Quote: رمانة الزمن الجميل
قرات اسمك فدخلت على حبيبها توووووش اسلم عليك وارسل تهاني وأشواق بحجم غيابك
يااااااااه
كيفك ياخي؟؟!!؟
يا حبيب نوره العزبتوها في ام روحها دي
ازيك يا جميل
وحشتنا شديد |
بت قضيم !! يا سلالالالام ياخي
يا حليل أيامكم والله ليكم وحشة
أخبارك شنو؟؟
بارك الله فيك يا حبيب نورة طلعت لينا ناس مختفين
...........................
في ناس اعتزلوا وبقوا مدربين وفي واحدين بقوا يحضروها في التلفزيون
زمان لما جينا البورد دا برالمة كانو ناس بت قضيم دي أسياد الكفر ولا ميسي في زمانه
وناس سنتيمنتال وشرير والبرتقالة والسنجك وشيري و سيمباتيكو ...
والله كان زمن سمح (تقولو ديناصورات تقولو بعشومات) ما كانت في الكتاحات والعواصف المدورة هسة
يعني بدون لبس خمسة نوهائي ما تجازف تخش الميدان
|
Post: #54
Title: Re: بورداب وبوردابيات كُورتهم فكّت ( توجد أسماء )
Author: احمد حامد صالح
Date: 02-17-2012, 01:09 AM
Parent: #52
بريمة بقى شايت عكس الهواء
عزام اصابة ملاعب
مواهب ادريس اعتزال ام ابعاد
|
Post: #59
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 01:26 AM
Parent: #54
Quote: بريمة بقى شايت عكس الهواء
عزام اصابة ملاعب
مواهب ادريس اعتزال ام ابعاد |
هاهاهاهاهاهاهاها
بريمة صديقي حايم بين السعيّة في ديار البقارة؛ والجواميس في ديار الكاوبوي وما بينهما من خُوار
أما عزام صديقي الآخر فقد أصابته شظية في حادثة مقتل دكتور خليل !
مواهب إدريس يقال أنها أصيبت من ( رشاشة ) عقب نهائي الممتاز الأخير !
:)
|
Post: #66
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 02:56 PM
Parent: #52
Quote: بارك الله فيك يا حبيب نورة طلعت لينا ناس مختفين
...........................
في ناس اعتزلوا وبقوا مدربين وفي واحدين بقوا يحضروها في التلفزيون
زمان لما جينا البورد دا برالمة كانو ناس بت قضيم دي أسياد الكفر ولا ميسي في زمانه
وناس سنتيمنتال وشرير والبرتقالة والسنجك وشيري و سيمباتيكو ...
والله كان زمن سمح (تقولو ديناصورات تقولو بعشومات) ما كانت في الكتاحات والعواصف المدورة هسة
يعني بدون لبس خمسة نوهائي ما تجازف تخش الميدان |
يا جدو كيفنك ياخي
من أمبارح عايز أرد عليك لكن يبدو إني أستنفدت عدد مداخلاتي كاملاً مكملاً
ودي أول مرة أعرفها
يا سلام عليك ويا سلام علي الزمن السمح
جبت لينا طاري ديناصورات لم يعد زمانها بعد
أشكرك جداً يا مخضرم علي الطلة الحلوة
|
Post: #55
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 01:09 AM
Parent: #49
Quote: الزول دا بيكتب سمح
ثلاثُ بناتٍ عندَ البَحرْ
تحياتي يا حبيب نورة |
عفاف كيفنك
فعلاً كتابة طاعمة ولطيفة
شكرن ياخ لغاية ما أقراها برواقة
ميرسي يا جميل
|
Post: #53
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 01:06 AM
Parent: #48
| Quote: حبيب نورة ... بعد (الحب من طرف تالت) |
طبعاً طبعاً يا جمال
ولسه في تدهور فظيع متوقع
|
Post: #58
Title: Re: بورداب وبوردابيات كُورتهم فكّت ( توجد أسماء )
Author: Dr.Elsadig Abdalla
Date: 02-17-2012, 01:18 AM
Parent: #53
مزمل خيري وطارق الكوتش وصلاح الأمين ....
شيخ الطقي
|
Post: #67
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 02:59 PM
Parent: #58
Quote: مزمل خيري وطارق الكوتش وصلاح الأمين ....
شيخ الطقي |
دكتور الصادق كيفنك
ما قلنا ليك يا حليلهم والله
وبالذات الكوتش ده من كورة الترجي تاني ما كسب عافية
الله يجازي الكان السبب
|
Post: #89
Title: Re: بورداب وبوردابيات كُورتهم فكّت ( توجد أسماء )
Author: مزمل خيرى
Date: 02-18-2012, 11:27 AM
Parent: #58
Quote: مزمل خيري وطارق الكوتش وصلاح الأمين ....
شيخ الطقي |
--
ناس كتار مابرانا يا الصادق ياخوى
سلام كتيير ياحبيبو
|
Post: #60
Title: Re: بورداب وبوردابيات كُورتهم فكّت ( توجد أسماء )
Author: قاسم المهداوى
Date: 02-17-2012, 01:39 AM
Parent: #53
| Quote: مشتهيك زي أم فت فت والله |
واضح انو البوست (مبوز)
علشان ( الكنتاكى الضانى) دا بيكون صباح اليوم التانى
عموما الدنيا شتاء وبعض الناس ( الخفيف ) بيجيهم مع الرشاش
والبعض الاخر شتاءا لهذا دخول الخلوة والتسابيح والاوراد مهم
وساعة لقلبك وساعات ليوم ( الحساب والاكفهرار )
سؤال :
اول ما اعمل البخور بحس بى حركة فى الشقة
اكون مخاوى ولا الحاصل شنو يا ( حبيب واحدة فى البنات )
موضوع الحركة مع البخور دا جد حقيقى )
يا سيدى الكورة ما فكت بس خاتنها ارضى
والتغيير خلق حالة انكماش فى مثلث برمودا
hgpvdm < hsjdgh < h,]d,k
الفوضى الخلاقة , jt;; [.dzhj hg.vm ,hg h2 o
وشكرا عميقا
قاسم المهداوى
|
Post: #62
Title: Re: بورداب وبوردابيات كُورتهم فكّت ( توجد أسماء )
Author: محمد المرتضى حامد
Date: 02-17-2012, 02:18 AM
Parent: #60
المداخلة نزلت مرتين ..
مش الواحد يستحق حفل تكريم ومعاهو ركشه!!
-
غايتو ..
|
Post: #69
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 03:10 PM
Parent: #62
Quote: المداخلة نزلت مرتين ..
مش الواحد يستحق حفل تكريم ومعاهو ركشه!! |
هاهاهاهاهاها
دي من علامات القيامة الصغري
الله يستر
غايتو
|
Post: #63
Title: Re: بورداب وبوردابيات كُورتهم فكّت ( توجد أسماء )
Author: د.نجاة محمود
Date: 02-17-2012, 04:56 AM
Parent: #60
| Quote: نجاة محمود ألهاها الكبك عن الكتابة السمحة |
لووووووووووول
قبل كم يوم رسلقارئ رسالة ظريفة جدا قال متمني استمر في الوان الحب وانه هو دائما بقراها
وكل مرة يحبها اكثرخاصة حقت رنجو لانه لامست طفولته..
وعدته خيرا
الكبك دا لا نتعدى به على احد فقط للدفاع عن النفس ياخي
في زولين احن اليهم حنين ناس عبري لعبري واتمنى لو القاهم ويرجعو ونفتح لينا بوست ذي دا
فى البوردShock & Awe وطالعنى الخلا و ثكلتك أمك
شنتير و سنتي بن منتال
وزعيم الخنفشارية جازلوت
وفردي الحلاوي وعثفير الجنة الله يطراهم بالخير
والحبيبة شيري
وايز اوف لبرتي
واحمد وصدى وكل الناس الحلوة
عشان يرجع العصر الذهبي..
لكل الخنفشاربة والحداسبة
حروب الخنفشاربة ضد الحداسة وما بعدها
|
Post: #64
Title: Re: بورداب وبوردابيات كُورتهم فكّت ( توجد أسماء )
Author: محمد حيدر المشرف
Date: 02-17-2012, 07:18 AM
Parent: #63
الكورة فى الراس وما بتفك ..
زمان كنت بختها فى أضانى يا حبيب نوره و.. مازلت
الا اللعب مع الدراويش ما حلو ..
..
كورة فاكه وعن(.........)ه
*عنطــــــزه دى كلمه ما سمحه ولا شنو ؟
بعدين دى آخر ابتكارات بكري !!
|
Post: #70
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 03:12 PM
Parent: #64
Quote: الكورة فى الراس وما بتفك ..
زمان كنت بختها فى أضانى يا حبيب نوره و.. مازلت
الا اللعب مع الدراويش ما حلو ..
كورة فاكه وعن(.........)ه
*عنطــــــزه دى كلمه ما سمحه ولا شنو ؟
بعدين دى آخر ابتكارات بكري !! |
المشرف الجميل
فعلاً الكورة في الراس لكن الكلام اللياقة والمروّة
لو مافي مروة ما بتجيب من جوة
أنت عامل شنو يا حبيب ؟
هل أرتويت ؟
أين العطش ؟؟؟
|
Post: #71
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 03:18 PM
Parent: #63
Quote:
في زولين احن اليهم حنين ناس عبري لعبري واتمنى لو القاهم ويرجعو ونفتح لينا بوست ذي دا
فى البوردShock & Awe وطالعنى الخلا و ثكلتك أمك
شنتير و سنتي بن منتال
وزعيم الخنفشارية جازلوت
وفردي الحلاوي وعثفير الجنة الله يطراهم بالخير
والحبيبة شيري
وايز اوف لبرتي
واحمد وصدى وكل الناس الحلوة
عشان يرجع العصر الذهبي..
لكل الخنفشاربة والحداسبة
حروب الخنفشاربة ضد الحداسة وما بعدها |
سلامات
والله فعلاً ذكرتي الزول ناس وأيام وبوستات مازالت محفورة في أعماق الذاكرة
ولا أخفي عليك من أسباب نقمتي علي كثيرين من ضمنهم أنت بالطبع
أني مازلت أحتفظ بعبق تلك الأيام الجميلة والكتابات السمحة
معليش بتعامل معاك بالوجه الذي أحبه فيك
حروب الخنفشارية دي كانت أكتر من ممتعة
ياريت تعود الأيام ديك
تسلم يا دكتورة
|
Post: #68
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 03:02 PM
Parent: #60
Quote: اول ما اعمل البخور بحس بى حركة فى الشقة
اكون مخاوى ولا الحاصل شنو يا ( حبيب واحدة فى البنات )
موضوع الحركة مع البخور دا جد حقيقى )
يا سيدى الكورة ما فكت بس خاتنها ارضى
والتغيير خلق حالة انكماش فى مثلث برمودا
hgpvdm < hsjdgh < h,]d,k
الفوضى الخلاقة , jt;; [.dzhj hg.vm ,hg h2 o
وشكرا عميقا
قاسم المهداوى |
المهداوي
واضح جداً إنو المداخلة دي رائحتها نفاذة ومستمطرة قادمة شديد
ياخوي تعال بالصباح ممكن نفهم حاجة
وحليل أيامك يا مهداوي والله
|
Post: #72
Title: Re: بورداب وبوردابيات كُورتهم فكّت ( توجد أسماء )
Author: rummana
Date: 02-17-2012, 04:53 PM
Parent: #68
هيثم طه القديم المستجدد تحياتي
حق الدينصورات* تشوف حقكم ما تشوف !
ماهو برضو الانسان الـ شايف نفسه أصلح من غيره ومدي روحه سلطة تقرير نهاية صلاحية الغير وتوقيع أحكام الازالة ما اختلف عن الـ بنتقد فيهم ...زيه زيهم..أنا غايتو ما عندي اعتراض على وجود ديناصورات في السياسة أبدا ..أؤمن بالديمقراطية وأرفض ديكتاتورية الشيوخ والشباب على السواء وأعترض كل محاولات الاجتثاث والاقصاء أوالعزل...
.. وقولة "ياااا حليل" لو نظرت ليها بحبة تفاؤل حتلقاها احتفال دائم بالتاريخ والماضي والذكرى الحلوة زوادة الايام الجايات – ولا تعمي ولا تنقص من حلاوة الجايات شيء
شكرا يا هيثم مستمتعة بمداخلاتك في بوست "استغفر الله"..إلخ.. كرهتوا الكلام عيشتو مالكم كلامكم كتير كدا..
أنا كمان عاوزة أغير اسمي على سبيل التهور وليس التطور لكن منطقـ(ة) الأمور ماسامحة لي.. لست إلا سحابة صيف هنا
* أنا ما عارفة انقابو قال شنو لمنو لكن لي اسبوع محل ما اقبل بلقاهو قدامي زي دعاية قرايب ام تي ان.. تحياتي له واتمنى له غواصة سعيدة في عالم سودانيزاون لاين
-------------
حبيب نورا
الكياشة المتأخرة ما زينة معاك حق.. لكنها ما أسوأ من الأثاث الصيني.. ده بعمل زحمة وضيق في المكان وبيتداعى بسرعة
|
Post: #73
Title: Re: بورداب وبوردابيات كُورتهم فكّت ( توجد أسماء )
Author: Balla Musa
Date: 02-17-2012, 05:13 PM
Parent: #72
حبيب نورة
بوستك ذكرنى الفنانات الكورتن فكت مباشرة بعد اجتياز فترة نجوم الغد والسبب الزواج!
بالنسبة للمنبر
الناس بتكتب وما بتقرا عشان كدا بتفضى..
فى فايروسات معدية لاتستطيع تجنبها
انا جيت المنبر دا عندى شوية نحو وكويس فى اﻹملاء
هسع بقيت افتش فى قوقل عشان اكتب (أضطر) وما اكتب (اطر)
والله مرة (يدحض) دى أتعبتنى تعب ماتتخيلو
|
Post: #74
Title: Re: بورداب وبوردابيات كُورتهم فكّت ( توجد أسماء )
Author: جدو
Date: 02-17-2012, 08:26 PM
Parent: #73
Quote: يا جدو كيفنك ياخي
من أمبارح عايز أرد عليك لكن يبدو إني أستنفدت عدد مداخلاتي كاملاً مكملاً
ودي أول مرة أعرفها
يا سلام عليك ويا سلام علي الزمن السمح
جبت لينا طاري ديناصورات لم يعد زمانها بعد
أشكرك جداً يا مخضرم علي الطلة الحلوة |
بالله هو عدد المداخلات محدد؟؟!!
ما كنت عارف الحكاية دي
يعني أخيراً بكري لقى حل لإهدار الباندويدث :)
انا كمان تاني بشكرك على البوست الطاعم دا
بقينا زي أعمامك الكبار ما يفتحوا إلا مع اجترار الذكريات ...
|
Post: #77
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 10:30 PM
Parent: #74
Quote: بالله هو عدد المداخلات محدد؟؟!!
ما كنت عارف الحكاية دي
يعني أخيراً بكري لقى حل لإهدار الباندويدث :)
انا كمان تاني بشكرك على البوست الطاعم دا
بقينا زي أعمامك الكبار ما يفتحوا إلا مع اجترار الذكريات ... |
جدو كيفنك يا حبيب
وحاتك أمبارح كانت شهيتي مفتوحة للكتابة والردود
لمن بقت عليك قالوا لي سوري يا عمك تعال بكرة؛ هسه مافي طريقة نهائي
وقدر ما حاولت حلف بالتقطعو كان يخليني أكتب لي سطر واحد
أها
والله الحنين ده ياهو الفضل لينا
بنفتش في طريقة كان يرجع الزمن السمح والناس اللطاف
قول يا رب بس
شكرن كتيرن!
|
Post: #76
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 10:24 PM
Parent: #73
Quote: بوستك ذكرنى الفنانات الكورتن فكت مباشرة بعد اجتياز فترة نجوم الغد والسبب الزواج!
بالنسبة للمنبر
الناس بتكتب وما بتقرا عشان كدا بتفضى..
فى فايروسات معدية لاتستطيع تجنبها
انا جيت المنبر دا عندى شوية نحو وكويس فى اﻹملاء
هسع بقيت افتش فى قوقل عشان اكتب (أضطر) وما اكتب (اطر)
والله مرة (يدحض) دى أتعبتنى تعب ماتتخيلو |
يا أستاذ بلة موسي
والله دي مداخلة عظيمة جداً
أنا أشرت ليها في معرض ردي علي رمانة
ح تجي تقراها لمن ترجع
ياخ سوء الإحتكاك ده يمكن يكون سبب رئيس للأزمة دي
الواحد من البورد ده إتعلم يكتب كيف ويكتب شنو لغاية ما غير شخصيتو الكتابية والفكرية تماماً
هسه غايتو بناكل من سنامنا
تشكر علي المداخلة القيمة
|
Post: #75
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-17-2012, 10:16 PM
Parent: #72
Quote: وقولة "ياااا حليل" لو نظرت ليها بحبة تفاؤل حتلقاها احتفال دائم بالتاريخ والماضي والذكرى الحلوة زوادة الايام الجايات – ولا تعمي ولا تنقص من حلاوة الجايات شيء
شكرا يا هيثم مستمتعة بمداخلاتك في بوست "استغفر الله"..إلخ.. كرهتوا الكلام عيشتو مالكم كلامكم كتير كدا..
أنا كمان عاوزة أغير اسمي على سبيل التهور وليس التطور لكن منطقـ(ة) الأمور ماسامحة لي.. لست إلا سحابة صيف هنا
* أنا ما عارفة انقابو قال شنو لمنو لكن لي اسبوع محل ما اقبل بلقاهو قدامي زي دعاية قرايب ام تي ان.. تحياتي له واتمنى له غواصة سعيدة في عالم سودانيزاون لاين
-------------
حبيب نورا
الكياشة المتأخرة ما زينة معاك حق.. لكنها ما أسوأ من الأثاث الصيني.. ده بعمل زحمة وضيق في المكان وبيتداعى بسرعة |
والله يا رمانة كلام يتوزن بميزان الدهب
عفيت منك نجضتي الكلام؛ أمانة ما مخضرمة وخطيرة
فعلاً كلمة يا حليلو دي ما بتقال إلا لي زول بي مواصفات خاصة؛ وعلي شرط يكون ساب ذكرة
وخلاني نشعر بالحنين تجاهو
لكن صدقيني الكياشة المتأخرة ليها أسبابها
أقري مداخلة بلة موسي في نفس البوست ده
عبّر عني تماماً
تعالي صادة النبي
|
Post: #78
Title: Re: بورداب وبوردابيات كُورتهم فكّت ( توجد أسماء )
Author: عبد العظيم احمد
Date: 02-17-2012, 10:51 PM
Parent: #75
انا يا حبيب نورة
***
الكورة ودك ** تشجع الفيس بوك
يعني بقيت * ف ي س ب و ك
|
Post: #79
Title: Re: بورداب وبوردابيات كُورتهم فكّت ( توجد أسماء )
Author: haroon diyab
Date: 02-18-2012, 07:27 AM
Parent: #78
ياحبيبة
سلامات
يمين عندنا ( حريق ) اليومين ديل
يقومو خمسة ويقعدو خمسة....!!!!!
اها دي مش تفك الكورة
تفك شبكة من الشبك زااااااااااااااته
|
Post: #80
Title: Re: بورداب وبوردابيات كُورتهم فكّت ( توجد أسماء )
Author: محمد عبد الماجد الصايم
Date: 02-18-2012, 08:05 AM
Parent: #79
Quote: تعرف يا نورة انا عرفت كورتهم فكت جد جد متين !؟
قبل يومين واحد مهاجم من الجيل الجديد اسمو انقابو شات كورة غلط -ياخ الوليد برمج بيهم جنس برمجة !! ياخي الكهول ديل مسكوا في الشافع و نزلوا فيهو دق و كواريك !
لا حولا ! انت منو و انت الجابك شنو !و انت ود ناس منو ! شفت بس مرحلة الكــلب ديك في دورة الانسان - ياها ذاتها
بالجد حنيت علي حالتهم و المكنة الخفت ! |
طبعا عمكـ هيثم دا ضرب لي التأمين الساعة تلاتة صباحاً
وأنا قاعد الله ورقبتي وبجرجر في نفسين شيشة!!
الساعة الانفعقت ضحكـ تم اكتشاف التمرّد وإني ما نمت لسع!!!
يا معلم .. ركوب العجلة ما بتنسي!
والكورة القاعدة في الراس .. زي جدول الضرب!!
|
Post: #81
Title: Re: بورداب وبوردابيات كُورتهم فكّت ( توجد أسماء )
Author: tmbis
Date: 02-18-2012, 09:10 AM
Parent: #80
والله انت يا حبيب البنت اياها .. الكورتك فكت ..
طالما انك بتدردق للينا الدامة حقتنا عشان يجلدوها ناس حافظ ..
والله بي صراحة يا حافظ .. إنت ما حافظ اي حاجة ..
كان حافظ .. بوست زي دا ما بتدخلو لانو بجيب ليك الهوا الساقط ..
تاني لما تلقى ليك بوست زي دا مفتوح .. تجي تقرا بس .. لانو البوستات الزي دي .. بتكون عبارة عن دردقـه .. عشان تجيب الشجر الكبار ..
اها لما يجي الشجر الكبار .. إنت بعداك بتكون في حتة ضيقة زي ما قال اخوك هشام دا .. خاصة انو لحدت الآن ما اتخرجنا من الجامعة بتاعتك بتاعت المرة الفاتت ..
يعني حسع دي عادي جدا نبلعك البوست دا .. في شخص حبيب نورة ..
يعني نظام بشوف في شخصك احلامي وكدا ..
اعمل حسابك اليومين دي شايف الناس المخضرمة بدت ترجع ..
يعني بي صورة اوضح ممكن يتعمل ليك فرش متاع ويطلبو منك تسميع نشيد العلم ..
عليك الله إنت حسع دي حافظ نشيد العلم بتاع البورد دا واللا ساكت جاي تنطط لينا هنا دا ..
يا حبيب نورة بلاي تاني لما تجي تستفز الواحد كلمو من ضو .. وحدد لينا اوجه الاختصاصات عشان ما نجي نندرع لينا في برلوم نعوقو ليكم ساكت ..
|
Post: #84
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 02-18-2012, 10:31 AM
Parent: #81
Quote: والله انت يا حبيب البنت اياها .. الكورتك فكت ..
طالما انك بتدردق للينا الدامة حقتنا عشان يجلدوها ناس حافظ ..
والله بي صراحة يا حافظ .. إنت ما حافظ اي حاجة ..
كان حافظ .. بوست زي دا ما بتدخلو لانو بجيب ليك الهوا الساقط ..
تاني لما تلقى ليك بوست زي دا مفتوح .. تجي تقرا بس .. لانو البوستات الزي دي .. بتكون عبارة عن دردقـه .. عشان تجيب الشجر الكبار ..
اها لما يجي الشجر الكبار .. إنت بعداك بتكون في حتة ضيقة زي ما قال اخوك هشام دا .. خاصة انو لحدت الآن ما اتخرجنا من الجامعة بتاعتك بتاعت المرة الفاتت ..
يعني حسع دي عادي جدا نبلعك البوست دا .. في شخص حبيب نورة ..
يعني نظام بشوف في شخصك احلامي وكدا ..
اعمل حسابك اليومين دي شايف الناس المخضرمة بدت ترجع ..
يعني بي صورة اوضح ممكن يتعمل ليك فرش متاع ويطلبو منك تسميع نشيد العلم ..
عليك الله إنت حسع دي حافظ نشيد العلم بتاع البورد دا واللا ساكت جاي تنطط لينا هنا دا ..
يا حبيب نورة بلاي تاني لما تجي تستفز الواحد كلمو من ضو .. وحدد لينا اوجه الاختصاصات عشان ما نجي نندرع لينا في برلوم نعوقو ليكم ساكت ..
|
دا كلو يا تمبس عشان قلت ليك بقيت مدرب .. معقولة ياخ
ياخ والله انا بستمتع بكتاباتك يا انق ولو كنت عارف مدرب دي بتمرقك كنت كتبتها ليك من زماااااااااااااااااااااااااااان
ايوة كدا يا تمبس خليك كدا ياخ حروفك الحلوة دي
|
Post: #108
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-18-2012, 08:46 PM
Parent: #84
Quote: دا كلو يا تمبس عشان قلت ليك بقيت مدرب .. معقولة ياخ
ياخ والله انا بستمتع بكتاباتك يا انق ولو كنت عارف مدرب دي بتمرقك كنت كتبتها ليك من زماااااااااااااااااااااااااااان
ايوة كدا يا تمبس خليك كدا ياخ حروفك الحلوة دي |
كااااااااااااااااااااااااااك لكن شفت باصات المدربين الأسكرو دي يا عمك
Quote: اولاً يا هيثم انا ما شت كورة غلط.. ارجع للبوستات عشان تعرف الحاصل
عمك كل الحصل في مهاجم قطع الكورة وجا جاري بيها من الحارس للحارس .. لما الدفاع اتصدى ليهواداني ليها في وشي
وطبعا ما رضييت بالشوتة لانها ما قانونية عشان كدا الامور جاطت .. لكن الحمد لله هسة مشت كويس |
أيوة كده أتصلح معانا عشان ما يلم فيك باك يوديك المستشفي :)
|
Post: #107
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-18-2012, 08:42 PM
Parent: #81
Quote: تاني لما تلقى ليك بوست زي دا مفتوح .. تجي تقرا بس .. لانو البوستات الزي دي .. بتكون عبارة عن دردقـه .. عشان تجيب الشجر الكبار ..
اها لما يجي الشجر الكبار .. إنت بعداك بتكون في حتة ضيقة زي ما قال اخوك هشام دا .. خاصة انو لحدت الآن ما اتخرجنا من الجامعة بتاعتك بتاعت المرة الفاتت ..
يعني حسع دي عادي جدا نبلعك البوست دا .. في شخص حبيب نورة ..
يعني نظام بشوف في شخصك احلامي وكدا .. |
والله يا تامبا البوست ده نظام تِبِش دردقو من النوع بتاع السينما الوطنية داك
يعني الدردقة بتحصل مع ختة صحن الشطة وبعد داك عينك ما تشوف إلا النور هههههههههههههههههه
Quote: اعمل حسابك اليومين دي شايف الناس المخضرمة بدت ترجع ..
يعني بي صورة اوضح ممكن يتعمل ليك فرش متاع ويطلبو منك تسميع نشيد العلم ..
عليك الله إنت حسع دي حافظ نشيد العلم بتاع البورد دا واللا ساكت جاي تنطط لينا هنا دا ..
|
أها النقطة دي بالذات بتديني أمل إنو ممكن مع شوية إسبرنتات كده وجيم متواصل ممكن تاني ترجع تعمل حركة كسرة يا أبو علي
عشان ما تلقي ليك برلوم يجهجه باكاتك ويعمل ليك دردقني في النجيلة
وحكاية حافظ والله ذكرتني شواطين مع بيليه
نظام قطعو النفس وكده
|
Post: #82
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 02-18-2012, 09:32 AM
Parent: #80
Quote:
قبل يومين واحد مهاجم من الجيل الجديد اسمو انقابو شات كورة غلط -ياخ الوليد برمج بيهم جنس برمجة !! ياخي الكهول ديل مسكوا في الشافع و نزلوا فيهو دق و كواريك !
لا حولا ! انت منو و انت الجابك شنو !و انت ود ناس منو ! شفت بس مرحلة الكــلب ديك في دورة الانسان - ياها ذاتها
بالجد حنيت علي حالتهم و المكنة الخفت !
|
اولاً يا هيثم انا ما شت كورة غلط.. ارجع للبوستات عشان تعرف الحاصل
عمك كل الحصل في مهاجم قطع الكورة وجا جاري بيها من الحارس للحارس .. لما الدفاع اتصدى ليهواداني ليها في وشي
وطبعا ما رضييت بالشوتة لانها ما قانونية عشان كدا الامور جاطت .. لكن الحمد لله هسة مشت كويس
| Quote: أنا ما عارفة انقابو قال شنو لمنو لكن لي اسبوع محل ما اقبل بلقاهو قدامي زي دعاية قرايب ام تي ان.. تحياتي له واتمنى له غواصة سعيدة في عالم سودانيزاون لاين |
ياخ قولي ماشاء الله
والله حبوبتي لو سمعتك يحلك منها الحلة بلة
خمسة وخميسة
تحياتي للجميع
حافظ
|
Post: #83
Title: Re: بورداب وبوردابيات كُورتهم فكّت ( توجد أسماء )
Author: نور الدين عثمان
Date: 02-18-2012, 10:11 AM
Parent: #82
جبيب نورة تحياتنا والله فى ناس كورتهم ما فكت بس اختفوا تماما ليه والله ما عارف و جد وحشونا جدا جدا
مثال :
1- على الزين
2- عواطف ادريس
3 - قوى واخرين
|
Post: #85
Title: Re: بورداب وبوردابيات كُورتهم فكّت ( توجد أسماء )
Author: محمد عبد الماجد الصايم
Date: 02-18-2012, 10:35 AM
Parent: #83
| Quote: عمك كل الحصل في مهاجم قطع الكورة وجا جاري بيها من الحارس للحارس |
وتسمع (لط .. لط .. لط)!
أو كما قال طارق نقد!!
|
Post: #86
Title: Re: بورداب وبوردابيات كُورتهم فكّت ( توجد أسماء )
Author: ABUHUSSEIN
Date: 02-18-2012, 10:44 AM
Parent: #85
| Quote: أو كما قال طارق نقد!! |
طارق نقد قال شنو كمان ....؟؟؟؟؟
|
Post: #87
Title: Re: بورداب وبوردابيات كُورتهم فكّت ( توجد أسماء )
Author: tmbis
Date: 02-18-2012, 11:11 AM
Parent: #86
| Quote: أو كما قال طارق نقد!! |
.. | Quote: طارق نقد قال شنو كمان ....؟؟؟؟؟ |
ما قااال اي حاجة .. وقفلو الموضوع دا لحدت هنـا ..
والله يا حافظ انا كلمتك لكن ما بتسمع الكلام ..
اها شفت الاتنين الفوق ديل .. قعدو ليك في البوست دا .. حبيب نورة زاتوو يشوف ليهو مكان يتخارج .. مش قلت ليك شجر كبااار ..؟
..
يا ود الصايم .. حافظ دا كان حكاها معاك .. تم ليهو باقي الشغل بتاع راس الحربة دا عله يرعوي .. ..
|
Post: #88
Title: Re: بورداب وبوردابيات كُورتهم فكّت ( توجد أسماء )
Author: ABUHUSSEIN
Date: 02-18-2012, 11:19 AM
Parent: #87
| Quote: ما قااال اي حاجة .. وقفلو الموضوع دا لحدت هنـا .. |
نقفل شنو يا تمبس ياخ ......
ود الصائم حرف كلام طارق نُقد ياخ....
طارق نقد قال ( طق ...طق....طق...)
ود الصائم قال ( لط...لط....لط....)
| Quote: حبيب نورة زاتوو يشوف ليهو مكان يتخارج |
غايتو ود الصائم الغتيت دا خت ليه خازوق في البوست دا.. إلا إجي خالد المحرب إقرأ ليه آية الكرسي ...
حبيب نورة إزيك ياخ
|
Post: #90
Title: Re: بورداب وبوردابيات كُورتهم فكّت ( توجد أسماء )
Author: محمد عبد الماجد الصايم
Date: 02-18-2012, 11:28 AM
Parent: #88
طق طق بتاع حناكـ يا أبو حسين؟
إت قايلا (بنق بونق) ولّ شنو؟
هسي في زمّتكـ قصة (طق طق) دي ماشية؟
لازم يكون عندكـ شوية خيال تصويري ياخ!!
|
Post: #91
Title: Re: بورداب وبوردابيات كُورتهم فكّت ( توجد أسماء )
Author: محمد عبد الماجد الصايم
Date: 02-18-2012, 11:29 AM
Parent: #90
وبعدين الغُلاط في شنو ياخ!
جيبو لينا طارق نقد هنا!
يجليها ليكم ثابتة زي ما عملا أمس!!
|
Post: #92
Title: Re: بورداب وبوردابيات كُورتهم فكّت ( توجد أسماء )
Author: tmbis
Date: 02-18-2012, 11:32 AM
Parent: #88
Quote: طارق نقد قال ( طق ...طق....طق...)
ود الصائم قال ( لط...لط....لط....) |
.. والله يا ابوحسين انا بتفق مع ود الصايم ..
(لط .. لط .. لط )
اصلو ما ممكن يكون ( طق .. طق .. طق ) .
بعدين ( لط .. لط .. لط) بتقال للانسان والحيوان ..
بيد أن ..
(طق .. طق .. طق) بتتقال للجماد ..
يعني الشغلانة دي جابت ليها خشــب كمان واللا الحنك شنو ..؟
يا حافظ اي حاجة ..
بما إني المدرب بتاعك .. شكلك كدا بتلعب راس حربــة خطير جدا .. من وصفك للكورة دا .. لذلك .. كان انفردته انا بنصحك شووت طوالي
ملحوظة:
مشفر والحمد لله رب العالمين ..
|
Post: #93
Title: Re: بورداب وبوردابيات كُورتهم فكّت ( توجد أسماء )
Author: ABUHUSSEIN
Date: 02-18-2012, 11:55 AM
Parent: #92
| Quote: إت قايلا (بنق بونق) ولّ شنو؟ |
طيب فرقها شنو من البنق بونق يا حريف.... الفرق الوحيد في المضرب بس...!!!!
بعدين شُفت البنق بونق بتاع ناس الصين تسمع طق..طق...طق...طق ... و مابتشوف أي شئ يعني صوت بس(عليك الله ماياها)
|
Post: #94
Title: Re: بورداب وبوردابيات كُورتهم فكّت ( توجد أسماء )
Author: ABUHUSSEIN
Date: 02-18-2012, 11:59 AM
Parent: #93
Quote: .. والله يا ابوحسين انا بتفق مع ود الصايم ..
(لط .. لط .. لط )
اصلو ما ممكن يكون ( طق .. طق .. طق ) .
بعدين ( لط .. لط .. لط) بتقال للانسان والحيوان ..
بيد أن ..
(طق .. طق .. طق) بتتقال للجماد .. |
يا تمبس ياخ لط ...لط.. دي لي الإنسان الطاشم ماليها أي دخل بي علم الأصوات ياخ....
لكن طق.... طق....... طق...... طق....... دي فيها موسيقى بتحكي عن الحاصل فعلاً
أسي إنت إتخيل نفسك مكان الراجل الضيع الكورة دي بالله كان موقفك حا إكون شنو ...؟؟؟؟
حبيب نورة إزيك ياخ..
.
|
Post: #97
Title: Re: بورداب وبوردابيات كُورتهم فكّت ( توجد أسماء )
Author: tmbis
Date: 02-18-2012, 12:14 PM
Parent: #94
| Quote: حبيب نورة إزيك ياخ.. |
عليك الله يا ابو حسين حبيب نورة دا كدي ارخيهو .. يكون نايم زي الوكت دا . ونوم الظالم طبعا عبادة ..
| Quote: يا تمبس ياخ لط ...لط.. دي لي الإنسان الطاشم ماليها أي دخل بي علم الأصوات ياخ.... |
.. كيف ما ليها علاقة بي علم الاصوات ..؟
حسع عليك الله يا ابو حسين كدي اتخيل معاي .. لو راس الحربة دا قووه قلبو شوية .. وساق بتاع (اللط لطه) دا الجير .. تفتكر الصوت مش كان ح يتغير تغيير موضعي .. يتناسب مع الحجم وكدا؟
بصورة أوضح :
سرعة الصوت بتكون موازية لسرعة انعكاس الكورة من مربع تمنية في الناحية الجنوبية الغربية من الملعب .. بينما سرعة الضوء المنعكس من الكشافات الشرقية .. بيكون منكسر وبيكشف زاوية معامل ( اللطلطـة) ود بنسف النظرية بتاعتك حقت الصين الفوقانية دي ..
واحتمال كبير لو كسره صغيرة رجع بيها راس الحربة دا من الجير لراس خط طمنطاشر .. يحدث مالم يحمد عقبـاه .. يعني ممكن يشتتو عديل كدا
يعني لو قدرته تتخيل معاي بي (شفافيـه عالية) ممكن تلقى زولك بتاع اللطلطـة دا .. (مكتــف) ..
زي النظرية بتاعت اجدادنا القدماء .. البتقول ( من دقنو وافتلو )
تخيل عليك الله زول يتكتف .. من دقنو وافتلو ..
|
Post: #120
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-24-2012, 06:23 AM
Parent: #97
| Quote: عليك الله يا ابو حسين حبيب نورة دا كدي ارخيهو .. يكون نايم زي الوكت دا . ونوم الظالم طبعا عبادة .. |
والله يا تامبا غيبوبة بنت حرام عديل كده
ههههههههههههههههههههههههههههههههه
Quote: كيف ما ليها علاقة بي علم الاصوات ..؟
حسع عليك الله يا ابو حسين كدي اتخيل معاي .. لو راس الحربة دا قووه قلبو شوية .. وساق بتاع (اللط لطه) دا الجير .. تفتكر الصوت مش كان ح يتغير تغيير موضعي .. يتناسب مع الحجم وكدا؟
بصورة أوضح :
سرعة الصوت بتكون موازية لسرعة انعكاس الكورة من مربع تمنية في الناحية الجنوبية الغربية من الملعب .. بينما سرعة الضوء المنعكس من الكشافات الشرقية .. بيكون منكسر وبيكشف زاوية معامل ( اللطلطـة) ود بنسف النظرية بتاعتك حقت الصين الفوقانية دي ..
واحتمال كبير لو كسره صغيرة رجع بيها راس الحربة دا من الجير لراس خط طمنطاشر .. يحدث مالم يحمد عقبـاه .. يعني ممكن يشتتو عديل كدا
يعني لو قدرته تتخيل معاي بي (شفافيـه عالية) ممكن تلقى زولك بتاع اللطلطـة دا .. (مكتــف) ..
زي النظرية بتاعت اجدادنا القدماء .. البتقول ( من دقنو وافتلو )
تخيل عليك الله زول يتكتف .. من دقنو وافتلو .. |
كااااااااااااااااااااااااااااااك
والله لكن يا تامبا لقيتك باك أقدم من إبراهيم عطا
من زمن الجناح ودّيه الجير وراس الحربة ختّو في سدرك
ماعندك فنيلة لابس فيها نمرة إتنين ؟؟
|
Post: #119
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-24-2012, 06:19 AM
Parent: #94
Quote: يا تمبس ياخ لط ...لط.. دي لي الإنسان الطاشم ماليها أي دخل بي علم الأصوات ياخ....
لكن طق.... طق....... طق...... طق....... دي فيها موسيقى بتحكي عن الحاصل فعلاً
أسي إنت إتخيل نفسك مكان الراجل الضيع الكورة دي بالله كان موقفك حا إكون شنو ...؟؟؟؟
حبيب نورة إزيك ياخ.. |
يا جماعة الحركات دي ما كويسة منكم
أنا ما أستلمت والله الظاهر الواحد بعد الكرِش دي بقي ما بقدر علي الإسبرنتات
اللطلطة دي ياها حقتنا والّ حاجة تانية ؟؟
|
Post: #95
Title: Re: بورداب وبوردابيات كُورتهم فكّت ( توجد أسماء )
Author: tmbis
Date: 02-18-2012, 12:00 PM
Parent: #93
| Quote: و مابتشوف أي شئ يعني صوت بس |
إنت جادي يا ابو حسين ..؟
ياخ الزول دا قال شاف .. ومشى كلم المدرب بالكلام دا وشات من بره خط طمنطاشر .. حسع إنت تجي تمرقه لينا في الصين .. وكمان تقول ما بتتشاف بالعين المجردة ..؟
..
|
Post: #96
Title: Re: بورداب وبوردابيات كُورتهم فكّت ( توجد أسماء )
Author: ABUHUSSEIN
Date: 02-18-2012, 12:08 PM
Parent: #95
| Quote: ياخ الزول دا قال شاف .. ومشى كلم المدرب بالكلام دا وشات من بره خط طمنطاشر |
شاف شنو يا تمبس إنت جادي .......؟؟؟؟؟؟
يا زول قال ليك سمع طـق...طـق....طـق....... هو سمع بس شات من بره خط طمنطاشر .....
يعني لو شاف كان شات من السنتر...؟؟؟؟؟
|
Post: #98
Title: Re: بورداب وبوردابيات كُورتهم فكّت ( توجد أسماء )
Author: ABUHUSSEIN
Date: 02-18-2012, 01:26 PM
Parent: #96
| Quote: عليك الله يا ابو حسين حبيب نورة دا كدي ارخيهو .. يكون نايم زي الوكت دا . ونوم الظالم طبعا عبادة .. |
ياخ سيد البوست ما نسلم عليه .... ....؟؟؟؟؟؟
| Quote: حسع عليك الله يا ابو حسين كدي اتخيل معاي .. لو راس الحربة دا قووه قلبو شوية |
و الله ما قصر يا تمبس الزول دا قوووه قلبو لغاية ما وصل رأس خط طمنطاشر ... أكتر من كدا وضعوا بكون خطير
الحاجات دي ما فيها لو... و لو...... أي لولوة الزول دا بتورط....
بصراحة كدا يا تمبس الزول دا وضعوا صعب جداً و أنا متعاطف معاه جداً.....
ياخ قال ليك سامع طـق...طـــق .........طــــق ....
حبيب نورة إزيك
|
Post: #99
Title: Re: بورداب وبوردابيات كُورتهم فكّت ( توجد أسماء )
Author: قرشـــو
Date: 02-18-2012, 02:05 PM
Parent: #96
| Quote: غايتو يا ناس حوش بكري العربي بتاعكم بقى صعب عليا شديد |
هاهاهاهاهاهاها
الفين سلام يا رمانة
والله البوست ده جاب ناس يا سلاااااااام ياخى
الفين سلام لك حبيب نورة ولكل الحضور الكرام
|
Post: #100
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 02-18-2012, 03:32 PM
Parent: #99
Quote: يا حافظ اي حاجة ..
بما إني المدرب بتاعك .. شكلك كدا بتلعب راس حربــة خطير جدا .. من وصفك للكورة دا .. لذلك .. كان انفردته انا بنصحك شووت طوالي |
حاضر يا كوتش تمبس
اليومن دي أنا بقيت العب بلياردو .. من الكسرة بدخل اربعة كور .. والاستيكة التانية بستف التلاتة وبلعب البلاك قالب في الزاوية العكسية كمان
التربيزة بقت فاضية لانو ايي زول بجي بدفعو طوالي .. ياخ ولدك شفت عديل كدا من ايام الجامعة وشايل بطولة الكولا اربعة مرات على التوالي
معليش كنت بعيد ما رديت طوالي
ابو حسين ازيك ياخ
كلم رمانة دي قول ليها ما تتفكرفيني
حبيبها لـ نورة دا مشى وين .. شكلو مشى يشتري لهو كدارة لانو اللعب (حفيان ) في الدافوري دا بعوق
|
Post: #101
Title: Re: بورداب وبوردابيات كُورتهم فكّت ( توجد أسماء )
Author: rummana
Date: 02-18-2012, 04:25 PM
Parent: #100
حافظ انقابو: ما شاء الله ألف مرة وربنا يخلي ليك حبوبتك.... لكن تعرف شنو، أنا ما المشكلة أصصصصصلو..
أنا هنا "كامبر" انصب الخيمة شوية أيام أسلم على الحبايب وأقرأ شوية وأتسلي شوية واستمتع بالمناظر الطبيعية وأمشي.. لحدي الموسم الجاي
انت ركز على الاسمنت ... وصور رهيد البردي جميلة شديد.. ...كاميرا أخوك خطيرة لكن
----
وبعدين يا محمد المرتضى الما بجيب لي الزكام شنو.. ناس عندهم مهرجانات تسوق وناس عندهم عواصف ترابية نفسيات ساكت يجيني الزكام
----
قرشو عديل كدا.. يا هلا ومسهلا .. والله لكن فعلا البوست لـــم الحبايب.. تسلم ياأخي على التحية
----
حبيب نورة .. خمسة مداخلات في بوست واحد بقى لي زي يوم العيد.. جيت صاده في محبة المصطفى عليه الصلاة والسلام ومحبة كتابتك شكرا على الضيافة.
وبالله ما تنسى تعمل بوست درس عصر يشرح الـ (فوكاب البوردابي بعد 2005) عشان الواحد ما "يطَر" يسأل.. تحياتي لك ولزوار البوست
|
Post: #102
Title: Re: بورداب وبوردابيات كُورتهم فكّت ( توجد أسماء )
Author: haroon diyab
Date: 02-18-2012, 05:03 PM
Parent: #101
حافظ انقابو:
ياخي ديل
تمبس
ابو حسين
ود الصائم
وياقلبي لاتحزن
|
Post: #103
Title: Re: بورداب وبوردابيات كُورتهم فكّت ( توجد أسماء )
Author: ABUHUSSEIN
Date: 02-18-2012, 05:55 PM
Parent: #102
Quote: تمبس
ابو حسين
ود الصائم |
بتبالغ يا هارون ختيتني بين يافطتين .....
حافظ إزيك
|
Post: #122
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-24-2012, 07:07 AM
Parent: #100
| Quote: حبيبها لـ نورة دا مشى وين .. شكلو مشى يشتري لهو كدارة لانو اللعب (حفيان ) في الدافوري دا بعوق |
ههههههههههههههههههه يا راجل ديل ببوّزوا عديل
مالي ومال الضفاري والمشي الكداري :)
|
Post: #121
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-24-2012, 06:35 AM
Parent: #99
Quote: هاهاهاهاهاهاها
الفين سلام يا رمانة
والله البوست ده جاب ناس يا سلاااااااام ياخى
الفين سلام لك حبيب نورة ولكل الحضور الكرام
|
البوست يا قرشو جاب ليه جِنِس ديناصورات أنا كنت قايلها أنقرضت
سبحان من يحيي العظام ياخوي
هههههههههههههههههههههه كيفنك ياخ وجيداً جيت يا البخيت
|
Post: #118
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-24-2012, 06:04 AM
Parent: #88
Quote: غايتو ود الصائم الغتيت دا خت ليه خازوق في البوست دا.. إلا إجي خالد المحرب إقرأ ليه آية الكرسي ...
حبيب نورة إزيك ياخ |
والله ود الصايم يخوزق قارة كاملة
أبو حسين كيفنك ياخ
ومعليش للتأخير
شوية مشغوليات كده وبعديها أتوقفت لظروف وفاة الفنان الكبير وردي
معذرة
|
Post: #110
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-18-2012, 08:49 PM
Parent: #85
Quote: وتسمع (لط .. لط .. لط)!
أو كما قال طارق نقد!! |
|
Post: #109
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-18-2012, 08:47 PM
Parent: #83
Quote: جبيب نورة تحياتنا والله فى ناس كورتهم ما فكت بس اختفوا تماما ليه والله ما عارف و جد وحشونا جدا جدا
مثال :
1- على الزين
2- عواطف ادريس
3 - قوى واخرين |
نور الدين
ديل تلاتة والحسابة بتحسب :)
|
Post: #106
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-18-2012, 08:32 PM
Parent: #80
Quote: يا معلم .. ركوب العجلة ما بتنسي!
والكورة القاعدة في الراس .. زي جدول الضرب!! |
ههههههههههه غايتو يا ود الصايم بس سميناها رضينا
خبرة سااااكت أفحمتني فحم شديد
|
Post: #105
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-18-2012, 08:29 PM
Parent: #79
Quote: يمين عندنا ( حريق ) اليومين ديل
يقومو خمسة ويقعدو خمسة....!!!!!
اها دي مش تفك الكورة |
إنشاء الله يكون مطعّم يا صفوة ما يبقي كسرة ضهر سااااااكت
|
Post: #104
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-18-2012, 08:27 PM
Parent: #78
Quote:
انا يا حبيب نورة
***
الكورة ودك ** تشجع الفيس بوك
يعني بقيت * ف ي س ب و ك |
والله يا ماركيزي الدخلها فينا الفيس بوك التويتر ما يصلحها
|
Post: #111
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 02-19-2012, 08:20 AM
Parent: #104
Quote: حافظ انقابو: ما شاء الله ألف مرة وربنا يخلي ليك حبوبتك.... لكن تعرف شنو، أنا ما المشكلة أصصصصصلو..
أنا هنا "كامبر" انصب الخيمة شوية أيام أسلم على الحبايب وأقرأ شوية وأتسلي شوية واستمتع بالمناظر الطبيعية وأمشي.. لحدي الموسم الجاي
انت ركز على الاسمنت ... وصور رهيد البردي جميلة شديد.. ...كاميرا أخوك خطيرة لكن |
تسلمي يا رمانة بالمنافسة الشديدة دي انا ح اعمر لي خيمة قصادك
بس ما تقولي ليابو صلعة .. الموضوع دا سر
اما اخويدا خليهو ساي ياخ دا لو جاء هنا انا بفوت المنبرطوالي واكيد ح بتبعني تمبس وعمو المدير .. ياخ دا منظراتي تنظير
اهلاً يا عمو المدير .. الشوق والريد
Quote: حافظ انقابو:
ياخي ديل
تمبس
ابو حسين
ود الصائم
وياقلبي لاتحزن |
وانسى النساك احسن ما قلنا ليك زمان
ديل احسن ناس
|
Post: #112
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 02-19-2012, 04:27 PM
Parent: #111
الكورة ديشكلها فكت جد جد
حبيب نورة حضرنا ولم نجدكم
اخوك حافظ انقابو
|
Post: #113
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 02-22-2012, 09:40 PM
Parent: #112
حبيبهن كلهن
تعال خلصنا ياخ
اسبوع كاااااااااااااامك انتظار
|
Post: #114
Title: Re: بورداب وبوردابيات كُورتهم فكّت ( توجد أسماء )
Author: ALZOLZATOO
Date: 02-22-2012, 10:17 PM
Parent: #113
ياحافظ
ياخي تمبس ده جناح خطير مابتقدر تمسكوا خصوصا انو جاك ممسح بي جركانة زيت سمسم تقول لي بطولة الكولا
لووووووووووووولز يكه
تحياتي للناس الفوق
زاتوووو
|
Post: #115
Title: Re: بورداب وبوردابيات كُورتهم فكّت ( توجد أسماء )
Author: هيثم طه
Date: 02-23-2012, 00:00 AM
Parent: #114
Quote: يا معلم .. ركوب العجلة ما بتنسي!
والكورة القاعدة في الراس .. زي جدول الضرب!! |
ود الصائم يا قريبي إر وِتّا !
شايفك ناسي اللساتك النفست ! شن ح تسوي (البدّالات) !
و بعدين الكورة ح تقعد وين اذا الراس زاتو فك ّ! --جدول الضرب دا الا تعملو بيهو كركاسة !
و الله يا نورة مستفحم براك ساي بلا صالح !
--
انقابي ياخ بتبالغ !
يعني ما ممكن تستغل المكنة الخفيفة بتاعت الناس و تبرمج بيهو تاني هنا !
خليك حنيّن شوية -مش كدة
ياخ تعالي نخلي الناس دي و الما اتلاقت ليها سنين يتنونسوا ونساتهم الدقاقة علي حس الفكة !
و نمشي نفتح لينا بوست بالتعاون معا ! و نسميهو : تباشير العصر الانقابي و نهاية العصر الموقابي
المهم جيت مخصوص اسوقك !
--
رمانة يا معتقة زي خمر الخوابي سلامات اخيرة قبل اسوق اخوي الكاشف و نمشي !
|
Post: #116
Title: Re: بورداب وبوردابيات كُورتهم فكّت ( توجد أسماء )
Author: مها عبد الله
Date: 02-23-2012, 00:23 AM
Parent: #115
ود الباوقة بعد بوست اليابان ، تاني بوستات ( التاباني ) فكت كورتو كلو كلو
حبينا كلنا ليه نورة بس
بعد البوست الماشي ( حركة ورا ) بتتذكروا ههههههههههه بقيت ( حاتل ) في الفيس أرجع ياخ بهناك ح تفك منك جد جد
|
Post: #117
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 02-23-2012, 07:52 AM
Parent: #116
Quote: ياخي تمبس ده جناح خطير مابتقدر تمسكوا خصوصا انو جاك ممسح بي جركانة زيت سمسم تقول لي بطولة الكولا
|
يا زااااااااااااااااااتو
تمبس دا الكوتش بتاعي
ما بقدر العب معاهو لما يكون لاعب انا بتفرج بس
|
Post: #126
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-24-2012, 07:29 AM
Parent: #117
Quote: يا زااااااااااااااااااتو
تمبس دا الكوتش بتاعي
ما بقدر العب معاهو لما يكون لاعب انا بتفرج بس |
ما قلنا ليك ده باك زماااااااااان
يعني يعمل ليه ثيردباك بالجديد
|
Post: #125
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-24-2012, 07:20 AM
Parent: #116
Quote: ود الباوقة بعد بوست اليابان ، تاني بوستات ( التاباني ) فكت كورتو كلو كلو
حبينا كلنا ليه نورة بس
بعد البوست الماشي ( حركة ورا ) بتتذكروا ههههههههههه بقيت ( حاتل ) في الفيس أرجع ياخ بهناك ح تفك منك جد جد |
مها عبد الله
وحاتك ود الباوقة دخلنا في شرم برم
بقي يتمها صقرية ساااااااااااكت ومع ناس دخلوها وصقيرا حام ديل تاني ما بياكل عيش تب
والبوست الراجع حركة ورا شغاااااااااال قرف وراينا فيه ما أنعرف
الشِدَر الكُبار ... فيه السّمُغ
راجيك بيهناك :)
|
Post: #124
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-24-2012, 07:15 AM
Parent: #115
Quote: و بعدين الكورة ح تقعد وين اذا الراس زاتو فك ّ! --جدول الضرب دا الا تعملو بيهو كركاسة !
و الله يا نورة مستفحم براك ساي بلا صالح ! |
أنقابي ياود الصايم ياخ
هسه دي دايرة ليها لطلطة :)
كلموا بالله يا هيثم الزول ده لحق أمات طه :)
|
Post: #123
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-24-2012, 07:11 AM
Parent: #114
Quote: ياخي تمبس ده جناح خطير مابتقدر تمسكوا خصوصا انو جاك ممسح بي جركانة زيت سمسم تقول لي بطولة الكولا
لووووووووووووولز يكه
تحياتي للناس الفوق
|
يا زاتووووو
تمبوشتي ده لو ما عمل حسابو مع البراعم ديل ح يبقي جناح أم جكو عديل كده
ديل فرفارات يا عمك ولياقتهم في السما اللحمر
مشتاقون يا خبرة
|
Post: #127
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 02-24-2012, 03:16 PM
Parent: #123
يا حبيبها
وييييييييييييييين الكوتش تمبس؟؟؟
|
Post: #128
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-25-2012, 02:08 AM
Parent: #127
Quote: يا حبيبها
وييييييييييييييين الكوتش تمبس؟؟؟ |
شد عضلي بسييييط :)
|
Post: #129
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-25-2012, 02:45 AM
Parent: #128
أضيف إلي اللست
صديقي الفنان الجميل موصلي
حسب علمي بقي بتاع إجترار ساهي :)
لكن برضو خبرة ممكن يحسم النتيجة في ربع ساعة
|
Post: #130
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-25-2012, 02:47 AM
Parent: #129
معاوية عبيد
المساسقة بين حريات والراكوبة هدّت حيلو :)
|
Post: #131
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-25-2012, 02:49 AM
Parent: #130
ود الباوقة بقي متزمزغ وبربار فرع المؤتمر الوطني :)
ودخلنا في شرم برم :)
|
Post: #132
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-25-2012, 02:50 AM
Parent: #131
عمران حسن صالح بقي بتاع دردشة وخشتكة :)
|
Post: #133
Title: Re: بورداب وبوردابيات كُورتهم فكّت ( توجد أسماء )
Author: محمد عبد الماجد الصايم
Date: 02-25-2012, 07:53 AM
Parent: #132
| Quote: ود الصائم يا قريبي إر وِتّا ! |
الله!
الراجل طلع بيتلكم لغات حيّة وميتة!!!
ذكرتني قصة (سماقو)!!
|
Post: #134
Title: Re: بورداب وبوردابيات كُورتهم فكّت ( توجد أسماء )
Author: تبارك شيخ الدين جبريل
Date: 02-26-2012, 02:20 AM
Parent: #133
طقطقتوا ليّ حافظ نصايبو دا خليتوهو يتداخل سطر ويفط سطر ... (ولاّ يلط سطر ما عارف!)
هيع ...
(أصلوا جنس الكوارث دي بيجيبها لينا المتسلبط في "نورا" دا! تبقى ليك مدرسة للدنيا والزمان يا ابني!)
... المهم ...
|
Post: #138
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-26-2012, 07:52 AM
Parent: #134
Quote: طقطقتوا ليّ حافظ نصايبو دا خليتوهو يتداخل سطر ويفط سطر ... (ولاّ يلط سطر ما عارف!)
هيع ...
(أصلوا جنس الكوارث دي بيجيبها لينا المتسلبط في "نورا" دا! تبقى ليك مدرسة للدنيا والزمان يا ابني!)
|
يا تبارك والله حافظ ده أنا لقيتو هنا ده
سمعت تحت تحت قالوا جابوا تمبس ونكرو لمن لقاه بتشالق
يا حافظ هوي أختانا ما تقوم تجيب ليك جنية يقوموا يجيبوك لينا في كابشر إسكرين :)
|
Post: #135
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-26-2012, 02:21 AM
Parent: #133
الله
ود الصايم إنت حاسبو لعب
لسه ياما ح تشوف لطلطة
|
Post: #136
Title: Re: بورداب وبوردابيات كُورتهم فكّت ( توجد أسماء )
Author: محمد عبد الماجد الصايم
Date: 02-26-2012, 07:25 AM
Parent: #135
لطة تفوت ولا حدّ يموت ياخ!
_
حافظ .. علييييكـ الله بطل تعمل لينا
الشخيت أبو تلاتة متر في البوستات
ياخ فتلت لينا نص المنبر العام
بالشيخت والنص التاني بالتنظير!!
|
Post: #137
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 02-26-2012, 07:49 AM
Parent: #136
Quote: ياخ فتلت لينا نص المنبر العام
|
الفتل ساهل
لكن الكضب دا يسو ليهو شنو؟
|
Post: #140
Title: Re: بورداب وبوردابيات كُورتهم فكّت ( توجد أسماء )
Author: محمد عبد الماجد الصايم
Date: 02-26-2012, 07:58 AM
Parent: #137
الكضب وين بالضبط؟ في المنبر العام مثلا؟
|
Post: #139
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-26-2012, 07:55 AM
Parent: #136
Quote: حافظ .. علييييكـ الله بطل تعمل لينا
الشخيت أبو تلاتة متر في البوستات
ياخ فتلت لينا نص المنبر العام
بالشيخت والنص التاني بالتنظير!! |
غايتو الزول كان أباك في البورض في الفيس بوك يحدِر ليك
|
Post: #141
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-26-2012, 08:12 AM
Parent: #139
حافظ ياخ نجضتنا
كمان جابت ليها تعدّي علي البورض وفتلِه ؟ :)
|
Post: #142
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 02-26-2012, 08:18 AM
Parent: #141
| Quote: الكضب وين بالضبط؟ في المنبر العام مثلا؟ |
لا في الفيس بوك
Quote: حافظ ياخ نجضتنا
حافظ ياخ نجضتنا
|
على وزن خلف الله عذبتنا
هئ هئ هئ هئ
|
Post: #143
Title: Re: بورداب وبوردابيات كُورتهم فكّت ( توجد أسماء )
Author: عمر علي حسن
Date: 02-26-2012, 04:30 PM
Parent: #142
اما انا يا كبتن فقد فكت كورتي واعتزلت اللعب بسبب مويه في الركبه ومويه في العيون ومويه
في اللسان .. قبل ان آتي للمنبر !
ما يؤلم ان تتجمع كل هذه المياه في جسمي المنحول والعطش يفتك ببعض اصقاع وطني
كنا صغارا يا حبيب (نزف) من به لوثه : فكت فكت .. ونركض خلفه حتي يلتقط حجرا يرمينا
به فنتركه لجماعة اخري من الصغار تنتظره ...
طيب اذا كل من سبقوا فكت منهم .. فمن نزف ومن نترك .. خير من هذا أن تصفونا باننا صرنا
مواسير فذلك لا يحرمنا رحمة ربنا لان سوق المواسير (قاجة)
عمر علي حسن
|
Post: #144
Title: Re: بورداب وبوردابيات كُورتهم فكّت ( توجد أسماء )
Author: ود الباوقة
Date: 02-26-2012, 04:35 PM
Parent: #143
| Quote: ود الباوقة بعد بوست اليابان ، تاني بوستات ( التاباني ) فكت كورتو كلو كلو |
مها
حمد لله على السلامة
كنتي غاتسة وين
اركزي
|
Post: #145
Title: Re: بورداب وبوردابيات كُورتهم فكّت ( توجد أسماء )
Author: وضاحة
Date: 02-26-2012, 05:25 PM
Parent: #144
حبيب نورة
كورتوا ما فكت بث كورتوا طرشقت و افسدت كل الحوليها من اصحاب النفوس الضعيفة فى بوست الشجر الكبار الفية الصمغ
المفروض يجضموا ويتجلد 80 سوط ويعلقوا من سكاكاتوا ديل و يحذفوا البوست والمعاهوا يتجلدوا كل واحد 40 سوط ويحظروهم لمدة شهر
|
Post: #152
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-28-2012, 05:04 PM
Parent: #145
يا أخواني كان رُقتوا بوصف الشفتو :)
ده جنسو شنو هسه ؟
جاييكم عشان أفهم الشغلانة
|
Post: #153
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-28-2012, 05:09 PM
Parent: #145
Quote: حبيب نورة
كورتوا ما فكت بث كورتوا طرشقت و افسدت كل الحوليها من اصحاب النفوس الضعيفة فى بوست الشجر الكبار الفية الصمغ
المفروض يجضموا ويتجلد 80 سوط ويعلقوا من سكاكاتوا ديل و يحذفوا البوست والمعاهوا يتجلدوا كل واحد 40 سوط ويحظروهم لمدة شهر |
هسه إنتي وضاحة واللا كتاحة :) ؟ عليكون الله شوفوا الحسادة دي
يختي البوست إياه بوست تثقيفي يهدف لإماطة اللثام وكده عن السمغجية في البلد دي :)
وواضح إنهم كميات :)
|
Post: #154
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-28-2012, 05:17 PM
Parent: #153
يا حافظ
أنا كورتي كيف ما تطرشق وإنت مصابحني ومماسيني :)
|
Post: #166
Title: Re: بورداب وبوردابيات كُورتهم فكّت ( توجد أسماء )
Author: وضاحة
Date: 03-02-2012, 01:24 PM
Parent: #153
Quote: حبيب نورة
هسه إنتي وضاحة واللا كتاحة :) ؟ عليكون الله شوفوا الحسادة دي
يختي البوست إياه بوست تثقيفي يهدف لإماطة اللثام وكده عن السمغجية في البلد دي :)
وواضح إنهم كميات :) |
حسادة ايه يا اب سكاكات
حقيقة ادهشنى مستواء المشاركات فيه ولقيت فيه الناس تعبانة تعب شديد
وشكلن كده ما مقتنعين بالصارينوا
|
Post: #150
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-28-2012, 04:47 PM
Parent: #144
Quote: مها
حمد لله على السلامة
كنتي غاتسة وين
اركزي |
باوقة أنا شايف إنت تركز وتركّز كمان معانا
|
Post: #161
Title: Re: بورداب وبوردابيات كُورتهم فكّت ( توجد أسماء )
Author: مها عبد الله
Date: 03-02-2012, 00:16 AM
Parent: #144
Quote: مها
حمد لله على السلامة
كنتي غاتسة وين
اركزي |
الله يسلمك يا ود الباوقة من كل شر
خفست ( خفسة سريعة لطوكيو ) ورجعت ، رجعت لقيت كورتك فكت جد جد وييييييييييين ياخ البوستات القنابل دييييييك
حبيبنا كيفك ياخ ، غايتو بالبوست دا كورتك ( ما فاكة ولا حاجه ) لووووووووول
|
Post: #149
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-28-2012, 04:45 PM
Parent: #143
Quote: اما انا يا كبتن فقد فكت كورتي واعتزلت اللعب بسبب مويه في الركبه ومويه في العيون ومويه
في اللسان .. قبل ان آتي للمنبر !
ما يؤلم ان تتجمع كل هذه المياه في جسمي المنحول والعطش يفتك ببعض اصقاع وطني
كنا صغارا يا حبيب (نزف) من به لوثه : فكت فكت .. ونركض خلفه حتي يلتقط حجرا يرمينا
به فنتركه لجماعة اخري من الصغار تنتظره ...
طيب اذا كل من سبقوا فكت منهم .. فمن نزف ومن نترك .. خير من هذا أن تصفونا باننا صرنا
مواسير فذلك لا يحرمنا رحمة ربنا لان سوق المواسير (قاجة) |
هههههههههههههه يا عم عمر يا زول يا جميل
كيفنك ياخ؟
أفتقدتك بشدة في حكاياتي عن زيارة الأمارات ولمن ما جيتني أيقنت أنو كورتك فكت
تماماً زي لعيبة الهلال :)
سعدت جداً بمقابلتك وأسعي قريباً أن أزورك مرة أخري والفرصة تكون أوسع
تحياتي لك وللأسرة يا بني آدم يا جميل
|
Post: #146
Title: Re: بورداب وبوردابيات كُورتهم فكّت ( توجد أسماء )
Author: tabaldy
Date: 02-27-2012, 01:08 PM
Parent: #8
النيت
النيت يا مسخوط
ياخ الصفحة على بال ما تفتح أكون مشيت قضيت الكثير من الحوائج
المهم
احم احم
في زول؟
سودانيز تخوف
الشوت الضفاري خلى كتيرين اعتزلوا بدري
دومة دار الرياضة ما حتقبل بيهم
ومرات في ناس عملوا ليهم مهرجان اعتزال من تاني بوست
أسوأ شوتة كانت من سيد الحوش في مرمى دافي في ذات بوست كدا
الشوت الضفاري خلى واحد زي دافي يخلي المنبر
ومحمد أبكر إسماعيل وعجب الفيا
واحد قبل يومين هنا شايت ليهو كورة صرجت لحقت العزيز تروتسكي رغم إنو جا شايل كاميرتو ووقف ورا القون كتغطية صحفية لأحداث مباراة
رسل لي نسخة من كتابك يا مسخوت
|
Post: #147
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 02-28-2012, 01:15 PM
Parent: #146
يبدو ان صاحب هذا البوست كورتو طرشقت
على قول وضاحة
|
Post: #148
Title: Re: بورداب وبوردابيات كُورتهم فكّت ( توجد أسماء )
Author: rummana
Date: 02-28-2012, 02:09 PM
Parent: #146
سلام tabaldy
يااااه والله لكن البوست ده فريد فعلا
أين دافي؟ وديك الجن؟ وودعزة؟ ودريمز؟ وعيون الحرية؟ وناس كتار كده.. ذكرتنا الطيبين.. أتمنى لهم الخير وين ما كانوا
لكن المستغربة ليه اختفاء تبلدينا.. اجازتي الفاتت لقيتو قاعد هنا هسه اختفى
تحياتي للجميع
|
Post: #151
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-28-2012, 05:02 PM
Parent: #146
Quote: سودانيز تخوف
الشوت الضفاري خلى كتيرين اعتزلوا بدري
دومة دار الرياضة ما حتقبل بيهم
ومرات في ناس عملوا ليهم مهرجان اعتزال من تاني بوست
أسوأ شوتة كانت من سيد الحوش في مرمى دافي في ذات بوست كدا
الشوت الضفاري خلى واحد زي دافي يخلي المنبر
ومحمد أبكر إسماعيل وعجب الفيا
واحد قبل يومين هنا شايت ليهو كورة صرجت لحقت العزيز تروتسكي رغم إنو جا شايل كاميرتو ووقف ورا القون كتغطية صحفية لأحداث مباراة
رسل لي نسخة من كتابك يا مسخوت
|
ياااااااااااااااااااااااااااااااااه
ياخ أقولها ليك واللا تعتبرا وصلت ؟ كاااااااااااااااااااااااااااااااك
والله ذكرتني أيام البول في الأندلس يا عمك
وحمامات السوق الشعبي فرع قبرص :) ديش أتاتورك ذاتو
قلت لي الأذان إسمو شيخو بالقبرصية هههههههههههههههه يا عمك هسه الخبر شنو والقصة ماشة كيف؟
إييييييييييييه دنيا
هسه في داعي تجيب سيرة الواد دافي ده ؟
ياخ القصة بتاعتو كانت مبااااااااااااالغة ياريت تدبلجها لينا بطريقة تحير سيد الحوش ذاتو عشان نوري الناس ديل حاجة
وكمان بطل حركات رجال النسوان ديل واظهر ياخ
الكتاب لو لقيت زول برسلو ليك
وبالعدم هو موجود في مكتبة عمر جنابو
بس ناقصو التوقيع :)
كاااااااااااااااااك
|
Post: #155
Title: Re: بورداب وبوردابيات كُورتهم فكّت ( توجد أسماء )
Author: ولياب
Date: 02-28-2012, 05:21 PM
Parent: #151
بسأل عن لياقة صلاح شريف ( شرنوبي) وهو من المحترفين بالأندية الولاياتية الأمريكانية .
وعن تدرتبات قريبي ( عبدو) المهندس عبد المجيد طلسم .
وياحبيبو لنورة أقول ليك : لي عشرة سنوات بجيب الكورة من الأوت .
|
Post: #156
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 02-28-2012, 09:52 PM
Parent: #155
Quote: بسأل عن لياقة صلاح شريف ( شرنوبي) وهو من المحترفين بالأندية الولاياتية الأمريكانية .
وعن تدرتبات قريبي ( عبدو) المهندس عبد المجيد طلسم .
وياحبيبو لنورة أقول ليك : لي عشرة سنوات بجيب الكورة من الأوت . |
يا ولياب
الدناصير شنو بالليل ده؟
والله وحشونا كلهم
تحياتي لي شرنوبي وعبدو رغم نقصان اللياقة العضلية وعدم القدرة علي الجري والطيران :)
وسلام كبير ليك انت
|
Post: #157
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 03-01-2012, 04:02 PM
Parent: #156
إشراقة مصطفي حامد
وين البني آدمة دي !!!
|
Post: #158
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 03-01-2012, 04:28 PM
Parent: #157
يا حبيبـ ها
متشعلقين في حيطتكم لينا زمن
وينك يا شيخ
بالنسبة لعمو المدير اب صلعة نفهم شنو؟؟
اداني الباسورد وعمل ناااااااااااااايم ولا حتى كومنت في بوست الترحيب
شكلها كورتووقعت في بيت الجيران وحاجة هناية ابت تديها ليهو
------
سلامات يا عزيز
|
Post: #159
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 03-01-2012, 09:00 PM
Parent: #158
ياخ والله انت يا عمك متفائل عديل كده
مش كفاية عليك إنو قال ليك done تاني داير شنو ؟
إنت شكلك كورتك دي جات فاكة :)
|
Post: #160
Title: Re: بورداب وبوردابيات كُورتهم فكّت ( توجد أسماء )
Author: قاسم المهداوى
Date: 03-01-2012, 09:47 PM
Parent: #159
يا حبيب نورة
حافظ انقابو
كورتو اصلا يبدو انها فاكة
وبيجاول بشتى السبل ان يثبت العكس
ما تزعل يا حافظ
الكورة كانت فكت بتكون قاعدة فى مستودع الدماغ
ويوما ما ( بتربط ) الكورة قصدى ما تمشى بعيد كمان
ولا كـــــــــــيف
حابب اسلم عليك يا حافظ
قاسم المهداوى
|
Post: #162
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 03-02-2012, 02:21 AM
Parent: #160
Quote: الكورة كانت فكت بتكون قاعدة فى مستودع الدماغ
ويوما ما ( بتربط ) الكورة قصدى ما تمشى بعيد كما |
طيب ومالها كورتك تاني ما أتصلحت؟
من زمن شبه ناس قلال وإنت كورك كلها داقة في العراضة :)
|
Post: #163
Title: Re: بورداب وبوردابيات كُورتهم فكّت ( توجد أسماء )
Author: هيثم طه
Date: 03-02-2012, 04:11 AM
Parent: #162
| Quote: إنت شكلك كورتك دي جات فاكة :) |
يشهد الله يا حبيب لامن اتخيلت كمية الغيظ المكتومة و المكثفة في العبارة المرفقة اعلاه - مسكتني هستيريا !
ناس البيت صحوا و الجيران -و حسع انا في قسم الشرطة بسببك تحت بند ازعاج السلطات و الجيران !
انت (كاتظين الغيظ )غيروها ولة شنو !
و بعدين المهداوي زاتو تعليقك عليهو شكلو برضو كان تحت تاثير الكتمة اعلاه
برضو(و لا تزر وازرة وزرة اخري )غيروها !
عليك الكظمة ياخ
|
Post: #164
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 03-02-2012, 12:38 PM
Parent: #163
Quote: حابب اسلم عليك يا حافظ
|
قاسم ازيك ياخ
وينك ووين كورك الفي العراضة
ليك زمن ما باين
شوقياتي
---------------
هيثم سلامات يا باشا
ياخ انت قديم كيف
مكنة المديدة حرقتني زمان ودوها المتحف!!
انت من زما اخ
|
Post: #165
Title: Re: بورداب وبوردابيات كُورتهم فكّت ( توجد أسماء )
Author: قاسم المهداوى
Date: 03-02-2012, 01:04 PM
Parent: #164
سلااام يا حافظ انقابو
معزرة للاقتحام البدون سابق انزار
عارف اول امس وفى جلسة نخبوية فى ( خصر المدينة ) مع الولد الشقى حبيب نورة
كنت حاضرا وهذا البوست الجمالى المتفرد كتفرد الولد الشقى هذا
Quote: هيثم سلامات يا باشا
ياخ انت قديم كيف
مكنة المديدة حرقتني زمان ودوها المتحف!!
انت من زما اخ |
يا سلاام عليك ياخ
هنا يتدلى الجمال وبكثافة تفوق حد التوصيف
و
هل الجمال تغار منا ،،،
ياخ فيها {(حاجة )} اذا نظرنا او ابتسمنا ،،، او،،، الباقى تمو خيال
شكرا وممنون حتى الثمالة يا حافظ
مودتى وتقديرى
قاسم المهداوى
|
Post: #167
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 03-02-2012, 05:55 PM
Parent: #165
Quote: هنا يتدلى الجمال وبكثافة تفوق حد التوصيف
و
هل الجمال تغار منا ،،،
ياخ فيها {(حاجة )} اذا نظرنا او ابتسمنا ،،، او،،، الباقى تمو خيال
شكرا وممنون حتى الثمالة يا حافظ
مودتى وتقديرى
|
يالخ والله انت زول جمليييييييييييييييل قاسم
القومة ليك .. تحية وتقدير
دا ايميلي
[email protected]
الايميل دا عشانك وعشان كل الحلوين
ليمتد التواصلل
|
Post: #168
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 03-03-2012, 06:32 AM
Parent: #163
Quote: يشهد الله يا حبيب لامن اتخيلت كمية الغيظ المكتومة و المكثفة في العبارة المرفقة اعلاه - مسكتني هستيريا !
ناس البيت صحوا و الجيران -و حسع انا في قسم الشرطة بسببك تحت بند ازعاج السلطات و الجيران !
انت (كاتظين الغيظ )غيروها ولة شنو ! |
يا هيثم شنو يازول شابكني ناس البيت صحوا والجيران أنخلعوا وتشاهد غداً ؟
بس حبينا نوري العالم ديل إنو أنقابو ده شليق ساهي
وانا خايفو يتعوّق علينا وما تنسي إنو موهبة مكتومة وكده
|
Post: #169
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 03-03-2012, 10:16 AM
Parent: #168
| Quote: وانا خايفو يتعوّق علينا وما تنسي إنو موهبة مكتومة وكده |
ي سلام عليك
يا جبيبـ ها
تسلم كتير
تحياتي للجميع
وسلامات كتااااااااااااااااار
|
Post: #170
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 03-03-2012, 06:24 PM
Parent: #169
تسلم يا عمك
بس واصل بدون فواصل
أو تفاصل
وكمان ما تسأل عن الحاصل
|
Post: #171
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 03-03-2012, 06:34 PM
Parent: #170
Quote: بس واصل بدون فواصل
أو تفاصل
وكمان ما تسأل عن الحاصل |
قافيتك مية المية
تنفع شاعر
ناس عاطف خيري ديل اليشسوفو شي تاني
-------
شاعر بشنو يا اخوي؟؟
|
Post: #172
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 03-04-2012, 03:57 PM
Parent: #171
في زول ما سمع إسمو يا جماعة ؟؟
شيل الأتيندس يا أنقابو
أنقابو وجابو :)
|
Post: #173
Title: Re: بورداب وبوردابيات كُورتهم فكّت ( توجد أسماء )
Author: حافظ انقابو
Date: 03-04-2012, 06:31 PM
Parent: #172
Quote: شيل الأتيندس يا أنقابو
|
حاضر يا استاذ
----
انت عارف يا استاذ الحضور الالفة بس!!!
|
Post: #174
Title: Re: بورداب وبوردابيات كُورتهم فكّت ( توجد أسماء )
Author: حبيب نورة
Date: 03-05-2012, 05:51 AM
Parent: #173
غايتو يا أنقابو كده ح تخليني أحتاج منك لإبراء ذمة
إنت أكيد في ناس دافعين ليك بالكتير
يومين في حتة أتيندس
|
Post: #175
Title: Re: بورداب وبوردابيات كُورتهم فكّت ( توجد أسماء )
Author: Tumadir
Date: 03-31-2012, 12:56 PM
Parent: #174
في ديناصورات كده كورتكم ما بتفك الا يعملوا ليهم عمل....
حسى انا ده دربي على الفكي....
هههههه
|
|