Post: #1
Title: عايزين سلك شائك بين زغاوة تشاد والسودان .. ويحرسه جنجويد حرس الحدود!
Author: بريمة محمد
Date: 02-15-2012, 11:56 AM
حكاية الزغاوة حكاية تحير الأنسان الفطن وتخبت الرأس .. هؤلاء القوم ولاءهم لقومية الزغاوة والقبيلة أشد من ولاءهم لتشاد أو السودان ..!!
هذا الترابط الأخوى والقبلى خلق مشكلة سياسية وإدارية للبلدين ..
الحل شنو؟
أن تقوم الدولة ببناء سلك شائك بينهم ويحرسه حرس الحدود من فصيلة الجنجويد.
بريمة
|
Post: #2
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: محمد عبد الماجد الصايم
Date: 02-15-2012, 11:58 AM
Parent: #1
يا عمكـ .. كمّلت سلوكـ راسنا كلها ياخ!
أعمل ليكـ سلكـ شايكـ حوالينكـ وريّح الباقين!!
|
Post: #3
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: السيد أحمد إبراهيم
Date: 02-15-2012, 12:16 PM
Parent: #2
Quote: يا عمكـ .. كمّلت سلوكـ راسنا كلها ياخ!
أعمل ليكـ سلكـ شايكـ حوالينكـ وريّح الباقين!! |
أو أن يعمل سلك حول ( العبار ) كما يقول دينق
فيريح نفسه قبل أن يريح الآخرين
|
Post: #4
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: فايزودالقاضي
Date: 02-15-2012, 03:04 PM
Parent: #3
طيب ادريس دبي رئيس تشاد زغاوى - حسب علمي - اها بكون جوه السلك ولا بره السلك ؟!!!
كل يوم ازداد قناعة باهمية وجود سلك شايك بين الشرق وبقية السودان ..
على ان يتم التواصل بالتلفونات ..
او ذاته ماعايزين تواصل ...
|
Post: #5
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: ماجد حسون
Date: 02-15-2012, 03:11 PM
Parent: #4
Quote:
حكاية الزغاوة حكاية تحير الأنسان الفطن وتخبت الرأس .. هؤلاء القوم ولاءهم لقومية الزغاوة والقبيلة أشد من ولاءهم لتشاد أو السودان
|
الحمد لله الناس بدات تعى ماهية القبيلة الشيطانية الشريرة
مافى حل غير بعودو من حيث اتو
|
Post: #6
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: Nasr
Date: 02-15-2012, 05:55 PM
Parent: #5
يا ود الصايم
Quote: يا عمكـ .. كمّلت سلوكـ راسنا كلها ياخ!
أعمل ليكـ سلكـ شايكـ حوالينكـ وريّح الباقين!! |
ما قلنا ليكم الزول كل يوم يمسكم ضنب كوكو ويقعد يتفرج
عموما
صورت ام ضحكة أحلي من صورتك أم طاقية
كدي كبرت نفسك ساكت
|
Post: #7
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: محمد حيدر المشرف
Date: 02-15-2012, 06:18 PM
Parent: #6
ده سلك تانى ؟!
يا بريمة انت بقيت مهجس بالسلوك ولا شنو ؟!
قول بسم الله يا صديق ..
سلوك وتزول !
|
Post: #8
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: بريمة محمد
Date: 02-15-2012, 11:09 PM
Parent: #5
ماجد حسون
يا أخى، شنو الموضوع وقع ليك فى جرح ولا شنو؟
Quote: الحمد لله الناس بدات تعى ماهية القبيلة الشيطانية الشريرة
مافى حل غير بعودو من حيث اتو |
أنت قولتنى حاجة أنا ما قلتها .. أنظر ماذا قال شخصى: هذا الترابط الأخوى والقبلى خلق مشكلة سياسية وإدارية للبلدين ..
عييك وشك والحيطة !
بريمة
|
Post: #9
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: بريمة محمد
Date: 02-15-2012, 11:14 PM
Parent: #8
فايز
سلامات ..
Quote: كل يوم ازداد قناعة باهمية وجود سلك شايك بين الشرق وبقية السودان ..
على ان يتم التواصل بالتلفونات ..
او ذاته ماعايزين تواصل ...
|
أنت يا أخى إنسان جهوى .. تفتقد القومية ..
القومية تعنى كل السودان وطنك وليس الشرق فقط .. وتطرقت معك لهذا الموضوع فى البوست الأخر وقلت لك أنت لا تملك من الشرق إلا مكان بيتكم، لا ملك لك على الشرق.
بريمة
|
Post: #10
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: Haju Muktar
Date: 02-15-2012, 11:40 PM
Parent: #9
بريمه انت عاوز شنو
عشان نساعدك بس
|
Post: #16
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: فايزودالقاضي
Date: 02-16-2012, 10:05 AM
Parent: #9
بريمة ...سلامات ..
Quote:
أنت يا أخى إنسان جهوى .. تفتقد القومية ..
القومية تعنى كل السودان وطنك وليس الشرق فقط |
يابريمة انا سوداني لان ارضي الشرقاوية جزء من السودان ..
يعني المسألة مامتعلقة بعرقية بقدر ماهى ارض تنتمى للسودان ؟؟
وهذه الارض هي التى تمنح صك الهوية ..
وانا وانت وغيرنا في الجغرافية دي بيناتنا شراكة
ومفروض نكون متساوين في الحقوق والواجبات
هذه الحقوق والواجبات هي المحفز لي في مواصلة الانتماء المشترك ..
واذا حسيت في لحظة ان هذا الانتماء بياخد مني ومابديني بالمقابل
فاكيد حايجي زمن اطالب كان انا ولا البجوا بعدي بفض الانتماء العبْْء
يابريمة الشراكة تعني الندية والتشارك المتساوى في كل شي سلطة ومال..
وانا كشرقاوى ماحاسي بالكلام ده نهائي ..
وبدل أطالب بسلك شايك في اطار الشراكة قد أطالب بسلك شايك بين دولتين ..
وزير واحد ومساعد رئيس زايد اتنين وزارء دولة فقط في الحكومة الاتحادية من الشرق وتقول لي قومية !!
قال قومية قال !!!
تحياتي،،
|
Post: #11
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: Elbagir Osman
Date: 02-16-2012, 00:02 AM
Parent: #8
Quote: هذا الترابط الأخوى والقبلى خلق مشكلة سياسية وإدارية للبلدين ..
الحل شنو؟
أن تقوم الدولة ببناء سلك شائك بينهم ويحرسه حرس الحدود من فصيلة الجنجويد.
|
هذه فاشية صريحة
أي محاولة لإحداث تغييرات سكانية بالقوة أو حتى بإجراءات إدارية هي فاشية مرفوضة
الشعب السوداني ينعم بقبائل متداخلة مع كل الدول المجاورة
الأجدي للشعب السوداني ولكل شعوب المنطقة أن تكون تلك القبائل قنوات تواصل
وحسن جوار وتنمية مشتركة
مثل الزغاوة مع تشاد والنوبة والبشاريين مع مصر البني عامر مع ارتريا
وربما الرشايدة مع السعودية وسكان السواحل من حضارمة وغيرهم مع اليمن
وللأسف وضعت حواجز بيننا والنوير والأنواك مع أثيوبيا والتركانا مع كينيا والزاندي مع الكونغو
بالمناسبة هل ستضع سلوكا شائكة أيضا مع مصر وارتريا؟
وأهلك العرب في السعودية واليمن.. هل ستلغم البحر معهم
واللا مع ديل حتبني كوبري ؟؟؟
بريمة أخي
الموقف الإنساني أن تتفاعل الشعوب تلقائيا
ومن يريد أن يتدخل ففي اتجاه توثيق العلاقات والصداقة والتعاون
أو.. يصمت
الباقر موسى
|
Post: #12
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: بريمة محمد
Date: 02-16-2012, 00:11 AM
Parent: #11
الباقر
Quote: أو.. يصمت
الباقر موسى |
أنت ليه ما صمت؟؟ ما يهو أنت قاعد تلغلغ ليل نهار .. أم حلال لزيد وحرام لعبيد!
بريمة
|
Post: #13
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: Abureesh
Date: 02-16-2012, 02:10 AM
Parent: #12
Quote:
Re: عايزين سلك شائك بين زغاوة تشاد والسودان ..
|
اتمنى اشوف السلك السحرى دا البيمسك الزغاوة بس ويمرر باقى التشاديين للسودان.
|
Post: #14
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: Tragie Mustafa
Date: 02-16-2012, 04:07 AM
Parent: #13
ابو الريش اداك في التنك يا بريمه:
Quote:
| Quote: عايزين سلك شائك بين زغاوة تشاد والسودان .. |
اتمنى اشوف السلك السحرى دا البيمسك الزغاوة بس ويمرر باقى التشاديين للسودان. |
والله تعليق معلم يا ابو الريش!!
بريمه اهله الجنجويد ناسبوا ادريس دبي
و تم نقلهم بطيارتين رئاسيات....وبكره بعلموا الدرب ساساقه!
ماشين جاين تجارة عربات وتجارة سلاح...وووعييييييك على قول بشاشا!
وبريمه يحلم بسلكه الشائك السحري الحيقبض الزغاوة بس!!
اتقول حداد بينصب شراك(جمع شرك)!
|
Post: #15
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: Abureesh
Date: 02-16-2012, 05:41 AM
Parent: #14
يا تراجى اخونا بريمـة دا مهندس واخصائى تكنولوجيا، لكن فى موضوع السلك الشائك دا
دقس شوية ومحتاج ابديت..
الزغاوة حيجوا بطيارات بفووووق اسلاك بريمة وينزلوا الخرطوم يتزوجوا ويرجعوا..
تانى يا بريمة الا تنشر رماة الحدق على طول الحدود وكل واحد تديه نبلة..
.
|
Post: #17
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: حماد الطاهر عبدالله
Date: 02-16-2012, 10:23 AM
Parent: #15
ول أبا بريمة
تحياتي
اليومين ديل سلوكك ما لها عريانة؟
السلكين مافي ليهم طريقة.
فالبقرة ترعى على فوهة البندقية، ولا توقفها أي حدود سياسية.
وشعب الزغاوة عملي جدا، كلامك دا لو فيه فايدة كان زمان حولوه لخطة ونفذوها.
علاوة على أن التواصل بين هذه الشعوب فيه فوائد كثيرة، ومصالح مستمرة.
بس لو إنت بكلاماتك ديل، وباقان وبقية المثقفاتية مشيتوا بعيد عن تلك المناطق عوجة مافي.....
|
Post: #18
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: فايزودالقاضي
Date: 02-16-2012, 10:35 AM
Parent: #5
ماجد ...سلام ..
Quote: الحمد لله الناس بدات تعى ماهية القبيلة الشيطانية الشريرة
مافى حل غير بعودو من حيث اتو |
كلام عنصري بغيض واساءة لقبيلة سودانية مرفوض ..
اذا كان عندك خلاف وسباب مع شخوص فلايعطيك الحق في سب القبائل ..
ثم السودان ده ماقبائل ..السودان جغرافية ويجب الناس تفهم الكلام ده ..
وكل شعوب السودان هي نتاج لهجرات وتصاهرات تمت في ازمان مختلفة..
تحياتي ،،
|
Post: #19
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: ماجد حسون
Date: 02-16-2012, 01:59 PM
Parent: #18
Quote: كلام عنصري بغيض واساءة لقبيلة سودانية مرفوض ..
اذا كان عندك خلاف وسباب مع شخوص فلايعطيك الحق في سب القبائل ..
ثم السودان ده ماقبائل ..السودان جغرافية ويجب الناس تفهم الكلام ده ..
وكل شعوب السودان هي نتاج لهجرات وتصاهرات تمت في ازمان مختلفة..
|
يا دى العنصرية الفلقتونا بيها يا فايز ياخ
يعنى لامن باحث يقول انه قبائل الامازون تاكل البشر يبقى عنصرى
ولامن يقوله انه سلوك قبيلة كالمورلى قائم على خطف الاطفال وتبنيهم برضه عنصرى
ولامن يكون واضح انه لقبيلة سودانية مجلس قبلى بجتمع وبخطط عشان يسبطر على حيازات لقبائل اخرى وتطور الامر للسيطرة على دول
كاملة نبى عنصريين
ولامن نوصف قبيلة بانه سلوكها الاجتماعى ما بسمح بوجودها وسط مجتمع متنوع كالسودان ويجب ان تتقوقع من حيث اتت نبقى عنصريين
|
Post: #20
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: حواء سليمان ابراهيم
Date: 02-16-2012, 02:14 PM
Parent: #19
بريمة ازيييك
ياخى امشى نظم سلوك رأسك بعدين تعال
اعمل لينا سلك شائك أو حريرى
زغاوية تشادية / سودانية وافتخر
|
Post: #21
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: قاسم المهداوى
Date: 02-16-2012, 02:42 PM
Parent: #20
معلومة مجانية
كل القبائل فى غرب السودان وخصوصا الرعوية منها
لها امتدادات بدولة تشاد ماعدا قبيلة الفور
يعنى يا بريمة كدا فك لينا الطلاسم دى بصورة اشمل
واعم ...
ويا بريمة انت ذاتك تعلو عندك وطنية القبيلة ومن ثم ياتى الوطن تاليا
ليه ؟؟؟
لاننا لم نتمكن بعد من الانفكاك من ارتباط القبيلة والجهة ولم نتحول بعد
من كيانات سكانية جغرافية مختلفة الى كيانات سياسيه اجتماعيه متفاعلة
تسمى (بالقوم )او (الشعب) السودانى الواحد بل نحن شعوب واقاويم متعددة
وسنظل كذلك طالما دمنا نلف وندور فى (مسطول ) السلك الشائك
ولا كيف ؟؟؟
ما حابب تقوم تزعل منى كمان يا بريمة ... طول بالك شوية كويس
اخيرا سلاام وكيف انت وصقيع تلك الديار
قاسم المهداوى
|
Post: #22
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: Amin Salim
Date: 02-16-2012, 03:35 PM
Parent: #21
UP
|
Post: #23
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: ماجد حسون
Date: 02-16-2012, 06:51 PM
Parent: #22
وورينى يا اخ فايز ليه مافى زول بدين تنميطنا وسب سلسبيل جدودنا كشماليين نيليين يوميا من امثال الزغاوى محمد سليمان وتراجى وغيرهم من الزغاوة
|
Post: #24
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: ماجد حسون
Date: 02-16-2012, 06:59 PM
Parent: #23
| Quote: زغاوية تشادية / سودانية وافتخر |
دى زى باسم الاب والابن والروح القدس وبعد داك الاله الواحد اميييين
انتى بتاكدى الكلام البقولوه سكان السودان الاصليين
|
Post: #25
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: احمد حامد صالح
Date: 02-16-2012, 07:31 PM
Parent: #23
بريمة و عزام يلتقيان فى كيقا الخيل
سبحان الله .. مرج البحرين
ولد ابا الحق رقبتك قبل ان تغرق
-------------------------------------------
الحدود الدولية الحالية لا تتجاوز القرن .. عبر التاريخ الحدود تتبدل .. تزول حضارات و تنمو اخرى
|
Post: #26
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: Elbagir Osman
Date: 02-16-2012, 10:52 PM
Parent: #25
ماجد حسون أكثر عنصرية من بريمة (الذي تبرأ منه)
قال ماجد
Quote: الحمد لله الناس بدات تعى ماهية
القبيلة
الشيطانية
الشريرة
مافى حل غير
بعودو
من حيث اتو |
تنميط قبيلة كاملة بصفة واحدة أيا كانت تلك القبيلة عنصرية صريحة
وفوق ذلك أنكار الجنسية السودانية على مجموعة أو أفراد هاجروا للسودان في الماضي
(في كندا تصبح مواطنا كامل الحقوق في خمس سنوات .. تحمل جواز وتترشح وتصوت)
إصبح متعارفا في حقوق الإنسان عالميا أن أي مواطن أقام بدولة لمدة (10 سنوات مثلا )
يكون جديرا بجنسية تلك الدولة لأنه أنفق عمره في تعميرها (كالمغتربين في الخليج)
الطريف أن بعض السودانيين المقيمين في كندا يتذمرون إذا تأخرت جنسيتهم لبضع شهور
بينما ينكرون في ونسة أخرى الجنسية السودانية على آخرين بحجة "ياخ ديل جدهم هاجر للسودان قبل مية سنة بس!!َ"
يحسن بنا أن نفيق ,,
وتبريمة
الكلام عن إعادة المهاجرين إلى حيث أتوا يطرح سؤالا على بريمة نفسه
وهو جهيني جده عبد الله بن أبي السرح .. فهل تطالب بإعادته من حيث أتى؟
الباقر موسى
|
Post: #27
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: الصادق ضرار
Date: 02-17-2012, 09:13 AM
Parent: #26
انا كمان قلت كده يا بريمة
الزغاوة وجدان واحد
بس لازم يراعوا حقائق الجغرافيا و السياسة و الاجتماع و الاقتصاد
و لازم نعمل سلك شائك لزغاوة بورتسودان و امدرمان و كذلك زغاوة امدرمان و الخرطوم
انا احترت عديييل كده
|
Post: #28
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: محمد عثمان الحاج
Date: 02-17-2012, 07:52 PM
Parent: #27
يا بريمة انت زعلان عشان إدريس دبي عرس بت موسى هلال ولا شنو؟
على كل حال يا بريمة لا أظن أنه يخفى عليك أن السودان بخلاف الكثير من دول العالم ليس له حدود طبيعية، ويمكن لعربة أن تتحرك من نيامي في النيجر وتدخل أمدرمان دون المرور على أي عائق أو نقطة جمارك! ولهذا السبب عبر التاريخ ظل السودان ولايزال يستقبل يوميا أعداد هائلة من المهاجرين من مختلف الدول الإفريقية خاصة تلك التي تعاني من الانفجار السكاني مثل نيجيريا وإثيوبيا ولذلك من يعتقد أن التركيبة السكانية للسودان ثابتة ولها شكل معين فهو واهم ولايدرك الحقائق على الأرض التي هي غائبة حتى عن الكثير من سكان السودان! التركيبة السكانية للسودان تتغير بسرعة شديدة عبر هجرة مستمرة من مختلف الدول الأفريقية لايمكن السيطرة عليها إطلاقا، رضينا أم أبينا!
|
Post: #29
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: بريمة محمد
Date: 02-28-2012, 00:10 AM
Parent: #28
****
بريمة
|
Post: #30
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: بريمة محمد
Date: 02-28-2012, 00:19 AM
Parent: #29
بت أبا حواء سليمان
سلام ..
Quote: بريمة ازيييك
ياخى امشى نظم سلوك رأسك بعدين تعال
اعمل لينا سلك شائك أو حريرى
زغاوية تشادية / سودانية وافتخر |
كده يا حواء لا يصح .. أختارى ليك جهة معينة إما معانا أو مع زغاوة تشاد. القصة هنا عشان تأسس وطنية سودانية وتشادية ..
بريمة
|
Post: #31
Title: Re: عايزين سلك شائك بين زغاوة تشاد والسودان .. ويحرسه جنجويد حرس الحدو
Author: Deng
Date: 02-28-2012, 02:47 AM
Parent: #30
العبار بريمة بلل.
أنت وجدت فرصة وسافرت الى دول مختلفة حول العالم وفي النهاية قررت أن تعيش في الولايات المتحدة وتأخذ جنسيتها برغبتك الكاملة. وفي نفس الوقت تريد أن تنصب سلك شائك على الحدود السودانية ولا تريد للشعب السوداني أن يتداخل أو يتفاعل مع جيرانه. مالك أيها العبار كيف تحكم؟
ماجد حسون.
كلامك عنصري وغير مقبول تماما.
|
|