البورد داير بوليس اداب

البوستات الان فى البورد اصبحت بكل صراحة كأنما الواحد بيقرأ فى الجرائد الاروبية المتحررة
يا ناس فكونا شوية من البوستات ده
لكل مقام مقال
ما قلته امل ورجاء وليس شروعا للانتحار بنيران القوات الصديقة
تحياتى

صدقت والله يا بلدي يا حبوب

فعلا هناك بوستات خادشة للحياء

وهذا المنبر مقروء للشباب والشابات ولجميع الفئات العمرية

حرام يكون فيهو بوستات وبالصور كمان


بوليس الاداب هو ضمير الشخص الذي يكتب

قبل كل شيء

ومراعاته لربه ولنفسه ولاسرته

شكرا

بلدي يا حبوب .... تحياتي

ياريت الناس تتحاور وتتناقش من غير نبذ وشتيمة مهما
كان اختلاف الاراء

لك احتراماتي

ود الباوقه

Quote: وليس الاداب هو ضمير الشخص الذي يكتب قبل كل شيء

اوجزت وقدمت المفيد
لورجعنا للوراء قليلا كان الاخ بكرى ابوبكرى هو الرقيب ولا يجامل حتى كتابة مجرد اشارات تخدش الزوق العام ويصل الامر الى حذف العضوية
ولكنى لا اطالب بعودة ما كان فالديمقراطية التى تعلمناه فى البورد تتمثل كما قلت الضمير .
تحياتى

احلام

Quote: ياريت الناس تتحاور وتتناقش من غير نبذ وشتيمة مهما كان اختلاف الاراء

ولكن ما يعرض فى بعض البوستات يتطلب منا جميعا العمل على ايقافه فورا كما ذكرته دون شتيمة فسودانيس اون لاين الاعداء المتربصون بها اكثر من المنضوين والمعجبين بها
فلماذا نعطى فرصة لهؤلاء يشتمون المنبر العام وكتابة
فليعلم الجميع ما نكتبه يرصد ويعد فى ابشع الصور ليكون هجوما علينا ولكم فى الصحف بعض الصحف السودانية امثلة حى
تحياتى

ليبقى السؤال للبعض
ما هو الهدف من دخولك البورد العام ؟
لم نتكتب ولمن ترسل حروفك؟
هل تستطيع ان تعرض ما تكتبه من اشاراءات اباحية ان صح التعبير على افراد اسرتك لوقدر لك ان تنشا موقع الكترونى باسم الاسرة؟
هل ترضى ان يقرا ابنك ابنتك اختك اخوانك زوجتك ويسبحون لك بالحمد على ذلك؟
نواصل

البعض نسوا مكانة سودانيس اونلاين فى الشبكة العنكوبتية ولا اقل قصدوا الاساءة اليها ولكن تعاملوا باريحية الشليلة ومنطق ونسة جلسات المغربية
فاعلم كل حرف كتبته يعبر عن فكر وثقافة الشعب السودانى فانت تكتب والعالم من حولنا يقرأ فهى بوابتنا للعالم الخارجى
تحياتى

هووووي الموت من الحياة ما معروف

فيما يليني اعتذر عن اي حرف ما لائق ختيتو في غير مكانو
و الحمد لله مكتبة ذاتو ما عندنا ... غثاء ساااي تذرؤه الرياح!










----------

الوصية بالمهلة:

يوم تلقوا المنبر اسواااد و تسالوا، يقولوا ليكم قيقا اتلحس ...
عليكم الله اذكروا الكويس بس ... الكعب انسوهو

Quote: فاعلم كل حرف كتبته يعبر عن فكر وثقافة الشعب السودانى فانت تكتب والعالم من حولنا يقرأ فهى بوابتنا للعالم الخارجى

طيب المشكلة وين؟ الحاصل دا جزء من فكر و ثقافة الشعب السوداني

يا بلدى يا حبوب
لك كل التحايا
البوليس لازم اول حاجة يجلد البشير
وبصراحة لمن يظهر فى التلفزيون
لازم تبعدو الاطفال

قيقراوي

Quote: هووووي الموت من الحياة ما معروف فيما يليني اعتذر عن اي حرف ما لائق ختيتو في غير مكانو و الحمد لله مكتبة ذاتو ما عندنا ... غثاء ساااي تذرؤه الرياح!

لا اجد تعبير للمداخلة غير يكفى انك قيقراوى بكل هذه الحروف العميقة
تحياتى

محمد البشرى

Quote: طيب المشكلة وين؟ الحاصل دا جزء من فكر و ثقافة الشعب السوداني

من منطلق احترام الرأى الاخر برضو رأى؟؟؟
تحياتى

ابوعرفه

Quote: البوليس لازم اول حاجة يجلد البشير وبصراحة لمن يظهر فى التلفزيون لازم تبعدو الاطفال

وكمان نجلد معاه بعض الزملاء اصحاب البوستات المنقولة من الصحف المتحررة ان صح التعبير البدفقوا فى حروفهم وانا خايف البورد يفيض ويغرق الجميع
تحياتى

ادينا امثلة يا حبيب عشان نقدر نحدد موقفنا

Quote: من منطلق احترام الرأى الاخر برضو رأى؟؟؟

يا حبوب ...
هل دا سؤال؟ عشان شايف تلاتة علامات استفهام
إن كان كذلك فالإجابة نعم هو راي

الفاضل بلدي ياحبوب

تحية وأحترام


ياريت البوليس دا كمان يشوف لينا الأعلانات بتاعت سودانيز على سبيل المثال هسع




مرات بتجينا أعلانات مسيار ومتعة وخلافه طبعاً الأعلان دي بتجينا نحنا اولاد قلبها وناس دبي وأهل الضواحي الله ليهم من جوافة المناصير ..... نسوي شنو والدنيا شتاء ونحنا عزابة

طارق جبريل

Quote: ادينا امثلة يا حبيب عشان نقدر نحدد موقفنا

والله انت مرتاح وما مرت عليك بعض البوستات الدفعتنى لكاتبة البوست
فتش واكيد حتجد امثلة
تحياتى

محمد البشرى
؟؟؟ ديل مجرد استفهام عن مداخلتك التى شملت الكل بينما انا قصدت الافكار والثقافات المنقولة من العالم فى الجانب الاخلاقى والتى لا تتنافى مع ثقافة كتابها بينما نجدها تتنافى مع قيمنا وثقافتنا فى المنبر العام احتراما للجميع
لك العتبى حتى ترضى

عبد العزيز حسين

Quote: ياريت البوليس دا كمان يشوف لينا الأعلانات بتاعت سودانيز على سبيل المثال هسع

ده بقى داير ليها انتربول عدييل
والامر محول للاخ بكرى ابوبكرى
تحياتى

يا بلدي يا حبوب
جيب امثلة للحالات البتستدعي يجيبو بوليس الاداب
خليك شجاع
-----

Quote: فيما يليني اعتذر عن اي حرف ما لائق ختيتو في غير مكانو و الحمد لله مكتبة ذاتو ما عندنا ... غثاء ساااي تذرؤه الرياح!

غايتو قيقراوي دا جنو يجر واطي
يا عمك ناقش الزول دا و خلي نفسك طويل :)

حسبو

Quote: خليك شجاع

لكل بوست سبب ان صح التعبير
وحكاية الشجاعة أو الخوف امر لم ولن اضعه فى فى مجريات البوست ولان ظاهرة البوستات التى تجعل على المنبر قتامة انتشرت اليومين ده
اما ذكر البوستات فصدقنى لا يلعب الخوف دورا فيها حتى لا ينحرف البوست عن مساره ويمكنك الرجوع الى البوستات
فاذا لم تلاحظ ذلك فالحمد الله ربنا اكرمك
تحياتى

Quote: لورجعنا للوراء قليلا كان الاخ بكرى ابوبكرى هو الرقيب ولا يجامل حتى كتابة مجرد اشارات تخدش الزوق العام ويصل الامر الى حذف العضوية ولكنى لا اطالب بعودة ما كان فالديمقراطية التى تعلمناه فى البورد تتمثل كما قلت الضمير .

أخانا الحبوب
شخصياً لا تشرفني هذه "الديمقراطية التي تعلمناها في البورد"، وأتمنى عودة هذا العهد ـ على الرغم من أنني لا أتذكره ـ الذي كان فيه بكرى رقيباً لا يجامل.
أتمنى: إيقاف عضوية كل من يزدري أو يهين الأديان السماوية، أو يورد كتابات أو صوراً عنصرية أو خادشة للذوق العام.

يا حبوب لا عتاب او عدم رضى و الموضوع لا يعدو اختلاف شوف و تقديرات

Quote: ديل مجرد استفهام عن مداخلتك التى شملت الكل بينما انا قصدت الافكار والثقافات المنقولة من العالم فى الجانب الاخلاقى والتى لا تتنافى مع ثقافة كتابها بينما نجدها تتنافى مع قيمنا وثقافتنا فى المنبر العام احتراما للجميع

مداخلتي لم تكن تعميما لفكرة ما
انا علقت على قولك اننانعبر عن ثقافة وفكر الشعب السوداني وان العالم يقرأ ما نكتب هنا
مع تحفظي على ان العالم يقرأ ما نكتب هنا و يستمد انطباعه و معلوماته عن ثقافة السودانيين من منابر حوار الاسافير بصفة عامة و من سودانيز تحديدا
رغم كدا المكتوب هنا ولم يرق لك يعبر عن ثقافة جزء من الشعب السوداني
نحن لم نتفق بعد كم وخمسين سنة من استقلالنا إلاّ على اختلاف ثقافاتنا و افكارنا

انتقادي ليس لفكرة البوست بصفة عامة نعم اتفق معك ان بعض المواضيع - تراها/ نراها - لا يستسيغ طرحها الذوق السليم او غير مناسبة أو جارحة او صادمة ... إلخ
لرفضها و استنكارها لك ولي ولغيرنا مطلق الحرية
لكن انتقادي لإفتراض و تحديد ما هية الكتابة التي يجب ان يسمح بها لتعبيرها عن فكر و ثقافة الشعب السوداني

ياحبوب
تحياتي

بالتاكيد أنا واحد من التاس الذين لا يحسون أستخدام اللغة ولكن يا صديقي ليس علي قيقا حرج وعلي أبو الزهراء عند تجلياته أيضا حرج اللهم أجعلني من الذين يسمعون القول ويتبعون أحسنه أنك سميع مجيب
والختام سلام

*لكين قيقا ما بريء وأنا عارفو!

بلدي يا حبوب وضيوفه
تحياتي
فعلا البورد محتاج لبوليس آداب
الناس تدخل وتكتب أو تنقل اي حاجة من خلال نظرته الخاصة ياخي والله حاجة شينة
وفي ناس كمان بتبرر ليك لما تحيرك عديل كده ياخي والله حاجة محزنة
إذا لم تستح فاصنع ما شئت
في بوستات ومداخلات مقرفة