أنا بعشقك ...( فائزة عبدالله الحسين) ... قصيدة تستحق القراءة

القصيدة منقولة من الفيس بوك

للدكتورة فائزة عبدالله الحسين

تستحق القراءة

Quote: قول انا بعشقك: مهداه لشاعرة (أنا بكرهك) الأخت نضال: ........ كيف يا جميل تقول انا بكرهك ده كلام كبير ما بشبهك كان تقول بس انا بعشقك بعشق الريشه البترسم تلون لوحتك وبعشق السكك المشيتا برفقتك وبعشق الرمل الفيهو رسمت ومحيت لطلعتك بعشق اكون زهره في خميلك ودوحتك يا جميل كيف تقول انا بكرهك اصنقع الملم النجم البشع ادنقر اطرز بيهو ليل ظلمتك والباقي بفتح بيهو سوق افرش فيهو شوق في البلد الخصيبه الولدتك ادنقر اشرب الموج اصنقع اسقي السحاب ينزل يرش التراب البفرش دروبك وسكتك وبعشق البرق البشع عليَ من قبلتك كيف اكرهك ده انا البحلم بس اكون عنوان لقصتك بس بعشقك بعشق الدرب العجيب الختاني ليك في سكتك بعشق الونسه الدقاق الفيها بحكي واعيد لسيرتك وذكرتك لا ما بكرهك ده انا بعشقك وبعشق الوتر البدوزن رنتك وبيه ادندن نشيدك وغنيتك واشكر كتير الظروف البيني بينك جمعتك انا جد عيوني اتجملت لما بس يوم شافتك يا انتي انا بحلف عليك تقولي ما بكرهك انا بس بعشقك

رابط الفيسبوك

http://www.facebook.com/photo.php?fbid=148119...01760&type=1&theater