مسيلمـــــــــــــة فى الشــــــــــــــــــروق!!!!

وفرنا للمراجع العلم اليات غير مسبوقة لمكافحة الفساد ولا يوجد كبير على المحاسبة..

واى زول ي عايز يتا كد من اقرارات الذمة عليه الذهاب لمكتب النائب العام لانو اى وزير وللا مسئول عمل افرار وهم اكتر من 1000 اقرار

نحن متابعين الصحافة والناس البتكتب وبنشيل المعلومات من الصحف ونسلمها للجهة المختصة لاجراء اللازم بخصوص الفساد

العندو اى مستندات حقت فساد يشيل ورقو ويمشى للنائب العام....او وزير العدل



طيب ياخ ما تعملوا ايميلات وخطوط تلفونات مباشرة لجنس الفساد ده ؟؟

نحن محتاجين لوزراء خبرة زى ناس ابو الجاز والمتعافى ووو لانو عندنا اكتر من 15 وزير ..جدد!!!!!


(حسب فهمى) انا معاوية فهمت الكلام كدى

قالوا الجمل ما بشوف عوجة رقبتو!!!

مُسيلمة ذاتو محتار فيكـ؛

قال مسيلمة قال.

العرة

Quote: نحن متابعين الصحافة والناس البتكتب وبنشيل المعلومات من الصحف ونسلمها للجهة المختصة لاجراء اللازم بخصوص الفساد

طالما الأمر كذلك .....
نرجو أن تُعيد عليهم كل بوستات (الفساد) التي إفترعتها من قبل يا معاوية
تلك البوستات التي بسببها يُحاربك البعض حتي تتوقف عن الإتيان بمثلها.



-

ما ذا تبقى لنا من القاب اذا كانت بمسيلمة صفة الكضاب ..؟
ما تبقى لنا لنسمى بها الرئيس

قال البشير فى معرض حديثه..نحن اكتشفنا انو فى قوانين لمحاربة الفساد وبناء عليه ..تم الغاء منسقية الفساد !!!!!!!!!!!!!!

عزيزي معاوية عبيد سلام:
الامر ياعزيزي ليس ان يذهب كل من يمسك علي وثائق التوجه صوب النائب العام، بل الامر يتعلق بقدرة الدولة علي محاصرة الفساد. فالدولة عاجزة هذا اذا تعاملنا بحسن النية ، ولكن في الوقع الدولة راعية للفساد ومرضعة له من حليب الانقاذ . ويبدو ان الدولة علي لسان قائدها تتحدث عن برأة الفاسدين .لذلك قلناها مراراً ان موضوع استقلال القضاء واستعادته قدرته علي بسط العدالة ، هي الخطوة الاولي في مسيرة تفكيك الانقاذ سلمياً . لذلك فان اي حديث عن تتبع الفساد ،ليس الا مادة انقاذية جديدة تتيح لهم التمدد علي الزمن .
ساقول لك بكل بساطة عن مسالة تعين وتوظيف الناس علي اساس الولاء السياسي ، هل هذا يعتبر فساد ام لا؟ ولماذا يتم تعينهم وتوظيفهم دون الاطراف الاخري؟ اليست هذه الثقة ؟ اذن لماذا المحاسبة اذن؟ الفساد مرتبط فلسفياً بدولة الاستبداد والطغيان لذلك محاربة الفساد بمنهج التسط والطغيان هو ضرب من الخيال واستغفال جديد لجموع الشعب والشعب اكثر ذكاء من جلاديه.
شكراً لك

وقال المناصير مشكلتهم الطمع ..حسب ما اخبرتى احدهم..

يعنى يا المناصير اعتصموا ليوم البعث


(ده تحليل العبد لله)

نحن بنمشى فى شغلنا وديل يقعدوا فى الدامر ...تانى شنو

Quote: العندو اى مستندات حقت فساد يشيل ورقو ويمشى للنائب العام....او وزير العدل

ياخى الزول مابيعرف هو بيقول فى شنو هو البلد فى فيها وزارة عدل

عندنا ناس قتلو فى الشمالية وملف القضية فى درج النائب العام منذ

عام 2012 لم يتم الحقيق مع اى شخص مع انو المحامين النوبيين رفعوا

اكثر من مذكرة للنائب العام ولا حياة لمن تنادى

معاوية مسيلمة عمل ليك شنو
الرجل الاسمو البشير ده مليان هراء ما عادى
لكن استخف بقومه فاطاعوه

يازول ما تظلم مسيلمة

البشير دا كداب شديد

قال الكهربة وصل حلفا

Quote: بوستات (الفساد) التي إفترعتها من قبل يا معاوية تلك البوستات التي بسببها يُحاربك البعض حتي تتوقف عن الإتيان بمثلها.