تشاديين ..أحبـــــــــكم..

أدهشني جدا مرور وقفة الجالية التشادية خلف منتخب السودان في مبارياته الافريقية مرور الكرام..

شجعوا المنتخب السودان من اول مبارة..وتفاعلوا معه قياما وقعودا وكأن من يلعب هي تشاد وليس فريق اخر..

بل كان هنالك مشجع تشادي يلبس جلباب كامل عبارة عن علم السودان..

ولم نسمع في المنبر ولا بوست شكر..

مشكور معلق الاذاعة السودانية الذي قال لولا الجالية التشادية لما تأهلنا..

وختمها معا من الخرطوم الي ابشي وحتى الكأس الافريقية..

ولو كنت مكان الدولة لارسلت طائرة مشجعين واعتقد انهم سيفعلون لزيادة المؤازرة في مبارة زامبيا..على ان يكون برفقتهم مطربين

كبار..يحيون حفلات مجانية بعد المبارة للجالية التشادية في غينيا والجابون ردا للجميل وذلك لحب الاخوة التشاديين للغناء السوداني..




نواصل..

_____
وعاش الشعب التشادي.

Quote: وعاش الشعب التشادي.

وعاشت الاخوة السودانية التشادية..


شكرا ملاسي..

عجبتهم عروستنا ساكت

Quote: عجبتهم عروستنا ساكت

ههههههههههههههههه


ابوالزمل ويييييييييينك مختفي ياخ؟



لو العرس بعمل كده..رشحوا لينا كم بنية كده لزناوي وافورقي..ولا بأس موسفيني وكابيلا..

يا ول ابا مش قالوا النسيب عين شمس؟
وتيييييييييييييب
الجماعة نسابتنا وجيرانا وهناك الكثير من التداخل
بينهم وبين السودانيين

تحياتي

حباب الامين ول ابا موسى البشاري

Quote: يا ول ابا مش قالوا النسيب عين شمس؟ وتيييييييييييييب الجماعة نسابتنا وجيرانا وهناك الكثير من التداخل بينهم وبين السودانيين

والله عارف يا الامين يا اخوي ما يربطنا بالشعب التشادي أعمق مما يتصوره الكثيرون..لكن..لماذا لم نحتفي بإحتفاءهم بنا؟ ترى لو فعل ما فعله التشاديون .. شعب اخر مصريون خليجيون او اي شعب عربي اخر ..هل كنا سنكافئهم بمثل هذا السكوت؟


بعدين يا ول ابا النسيب ده مره يقول عين شمس ومره يقولو قشة وين كده ما عارف (دي إلا اشرحها ليك في المسنجر)..

المهم الله يهنيهم وزي ما بقولو الجماعة العروس للعريس والشقاوة للمتاعيس (لوووول)

ياسلام على اولادنا..


ذهبوا لتحية الجماهير التي ازرتهم

Quote: والله عارف يا الامين يا اخوي ما يربطنا بالشعب التشادي أعمق مما يتصوره الكثيرون

أبو خليل يا حبيبنا ... الحقيقة إنو نحن شعب واحد قاعد في بلدين ... الكلام ده شوف عين ما حنك ساي ... نفس القصة في أقصي الشمال ... النوبة في أسوان و ما جاورها ما ممكن تفرزهم من نوبة الشمال ...

Quote: أبو خليل يا حبيبنا ... الحقيقة إنو نحن شعب واحد قاعد في بلدين ... الكلام ده شوف عين ما حنك ساي ... نفس القصة في أقصي الشمال ... النوبة في أسوان و ما جاورها ما ممكن تفرزهم من نوبة الشمال

يا بروف هذا التداخل يحدث في معظم حدود السودان والقبائل الحدودية لا تعرف حدود الجغرافيا (بالإضافة لما ذكرت هناك قبائل البني عامر بين السودان واريتريا والأشولي بين شمال أوغندا وجنوب السودان)

اللمين ول ابا محمد سليمان

الحبيب خال الحبيب ..سلامات

Quote: أبو خليل يا حبيبنا ... الحقيقة إنو نحن شعب واحد قاعد في بلدين ... الكلام ده شوف عين ما حنك ساي ... نفس القصة في أقصي الشمال ... النوبة في أسوان و ما جاورها ما ممكن تفرزهم من نوبة الشمال ...

وبي نفس الفهم الجميل ده..يا امين والله حزنت لأن مافي زول قال كلمة في البورد ده تدي الجالية الجميلة دي حقها..ياخ السودان لو خلى التلبط في ناس لبنان والكويت وما شابه وقبّل على الجوار الافريقي ..اثيوبيا,ارتريا ,شاد ومصر من اسوان ولي تحت (لووول) وحتى جنوب السودان بعد زوال المرارات..حيكون اجمل..لانها دول منفتحة على الثقافة السودانية وبتقدر اي حاجة سودانية..يعني بي شوية فهم السودان ده بدل رجل افرقيا المريض ممكن يكون مركز اشعاع فني فكري وثقافي..ونحن برضو نديهم حقهم من تقدير واحترام على اضعف الايمان..

Quote: يا بروف هذا التداخل يحدث في معظم حدود السودان والقبائل الحدودية لا تعرف حدود الجغرافيا (بالإضافة لما ذكرت هناك قبائل البني عامر بين السودان واريتريا والأشولي بين شمال أوغندا وجنوب السودان)

شكرا جدو..

كذلك فرح لنا الاخوه في الجنوب (بعيدا عن السياسه)
و من أكثر الناس فرحا لنا الاخوه الجزائريين
...
شكرا شعب تشاد

Quote: كذلك فرح لنا الاخوه في الجنوب (بعيدا عن السياسه) و من أكثر الناس فرحا لنا الاخوه الجزائريين ... شكرا شعب تشاد

شكرا ابوحميد

كما ذكر الاخ محمد شمس الدين الجزائريون ايضا اصبحوا يعشقون السودان بعد فاصلة ام درمان الشهيرة..لانهم لم يتوقعوا ان يقف معهم السودانيين حينها برغم اختيارهم تونس لاقامة المبارة..


والقومة لكل من يعشق الوطن الحبيب..

نحن جزء من محيطنا الإقليمي.

لكننا ننساه ونذهب لـ "نتسلبط" في جوار وهمي لا ننتمي إليه ولا ينتمون إلينا.

شكراً أبناء تشاد الشقيقة ونتطلع لمزيد من الدعم والمؤازرة

Quote: نحن جزء من محيطنا الإقليمي. لكننا ننساه ونذهب لـ "نتسلبط" في جوار وهمي لا ننتمي إليه ولا ينتمون إلينا.

الاخ هاني..

هذه عين الحقيقة..إلا لمن ابى..


شكرا لك..

Quote: شكراً أبناء تشاد الشقيقة ونتطلع لمزيد من الدعم والمؤازرة

شكرا ابوعبيده..

فمن لا يشكر الناس لا يشكر الله..

*