Quote: يا ول ابا مش قالوا النسيب عين شمس؟ وتيييييييييييييب الجماعة نسابتنا وجيرانا وهناك الكثير من التداخل بينهم وبين السودانيين
والله عارف يا الامين يا اخوي ما يربطنا بالشعب التشادي أعمق مما يتصوره الكثيرون..لكن..لماذا لم نحتفي بإحتفاءهم بنا؟ ترى لو فعل ما فعله التشاديون .. شعب اخر مصريون خليجيون او اي شعب عربي اخر ..هل كنا سنكافئهم بمثل هذا السكوت؟
بعدين يا ول ابا النسيب ده مره يقول عين شمس ومره يقولو قشة وين كده ما عارف (دي إلا اشرحها ليك في المسنجر)..
المهم الله يهنيهم وزي ما بقولو الجماعة العروس للعريس والشقاوة للمتاعيس (لوووول)
Post: #9 Title: Re: تشاديين ..أحبـــــــــكم.. Author: أمين محمد سليمان Date: 01-31-2012, 10:13 PM Parent: #8
Quote: والله عارف يا الامين يا اخوي ما يربطنا بالشعب التشادي أعمق مما يتصوره الكثيرون
أبو خليل يا حبيبنا ... الحقيقة إنو نحن شعب واحد قاعد في بلدين ... الكلام ده شوف عين ما حنك ساي ... نفس القصة في أقصي الشمال ... النوبة في أسوان و ما جاورها ما ممكن تفرزهم من نوبة الشمال ...
Quote: أبو خليل يا حبيبنا ... الحقيقة إنو نحن شعب واحد قاعد في بلدين ... الكلام ده شوف عين ما حنك ساي ... نفس القصة في أقصي الشمال ... النوبة في أسوان و ما جاورها ما ممكن تفرزهم من نوبة الشمال
يا بروف هذا التداخل يحدث في معظم حدود السودان والقبائل الحدودية لا تعرف حدود الجغرافيا (بالإضافة لما ذكرت هناك قبائل البني عامر بين السودان واريتريا والأشولي بين شمال أوغندا وجنوب السودان)
Quote: أبو خليل يا حبيبنا ... الحقيقة إنو نحن شعب واحد قاعد في بلدين ... الكلام ده شوف عين ما حنك ساي ... نفس القصة في أقصي الشمال ... النوبة في أسوان و ما جاورها ما ممكن تفرزهم من نوبة الشمال ...
وبي نفس الفهم الجميل ده..يا امين والله حزنت لأن مافي زول قال كلمة في البورد ده تدي الجالية الجميلة دي حقها..ياخ السودان لو خلى التلبط في ناس لبنان والكويت وما شابه وقبّل على الجوار الافريقي ..اثيوبيا,ارتريا ,شاد ومصر من اسوان ولي تحت (لووول) وحتى جنوب السودان بعد زوال المرارات..حيكون اجمل..لانها دول منفتحة على الثقافة السودانية وبتقدر اي حاجة سودانية..يعني بي شوية فهم السودان ده بدل رجل افرقيا المريض ممكن يكون مركز اشعاع فني فكري وثقافي..ونحن برضو نديهم حقهم من تقدير واحترام على اضعف الايمان..
Quote: يا بروف هذا التداخل يحدث في معظم حدود السودان والقبائل الحدودية لا تعرف حدود الجغرافيا (بالإضافة لما ذكرت هناك قبائل البني عامر بين السودان واريتريا والأشولي بين شمال أوغندا وجنوب السودان)
كما ذكر الاخ محمد شمس الدين الجزائريون ايضا اصبحوا يعشقون السودان بعد فاصلة ام درمان الشهيرة..لانهم لم يتوقعوا ان يقف معهم السودانيين حينها برغم اختيارهم تونس لاقامة المبارة..