Post: #1
Title: فليذهب البترول غير مأسوف عليه...
Author: بشير أحمد
Date: 01-27-2012, 05:05 PM
بترول بتاع الساعة كم؟
|
Post: #2
Title: Re: فليذهب البترول غير مأسوف عليه...
Author: بشير أحمد
Date: 01-27-2012, 05:06 PM
Parent: #1
جُغمة البترول دي جات متين؟
|
Post: #3
Title: Re: فليذهب البترول غير مأسوف عليه...
Author: بشير أحمد
Date: 01-27-2012, 05:11 PM
Parent: #2
انا لو منك ياسيادة الرئيس
اقفلوا بالضبة والمفتاح؛واخلي اب جضوم باقان يشوف ناس كينيا طوالي؛
باقان ده ح يغطس حجر الجنوبيين ؛الاصلاً حجرم ساقط.
|
Post: #4
Title: Re: فليذهب البترول غير مأسوف عليه...
Author: بشير أحمد
Date: 01-27-2012, 05:13 PM
Parent: #3
اتو قايلين الكيزان ح يمشوا خلاص ولا كيف؟
|
Post: #5
Title: Re: فليذهب البترول غير مأسوف عليه...
Author: محمد البشرى الخضر
Date: 01-27-2012, 05:29 PM
Parent: #4
يا بشير يا خوي ذهاب البترول مع غياب الناتج القومي بعد نهاية مشروع الجزيرة تعني زيادة الضائقة الاقتصادية بصورة كبيرة
يعني عودة ازمات البنزين و الخبز و السكر وغيرو
يعني شح السيولة التي تميّز بها الحكومة الجيش و الأمن و الشرطة لحمايتها
يعني الناس الصبرت على المر لن تصبر على الأمر منو و ستنكسر حواجز كثيرة و خروج الجوعى للشوارع
القول ان ذهاب البترول غير مأسوف عليه بدون الحديث عن بدائل حقيقية تشد حيل الإقتصاد يبقى كلام اسافير سيكذبه واقع الحال
|
Post: #6
Title: Re: فليذهب البترول غير مأسوف عليه...
Author: بشير أحمد
Date: 01-28-2012, 07:41 AM
Parent: #5
الاخ/محمد البشري
تحياتي؛؛؛
لاباس يامحمد نرجع لحاجاتنا الزمان قبل البترول.
|
Post: #7
Title: Re: فليذهب البترول غير مأسوف عليه...
Author: عزام حسن فرح
Date: 01-28-2012, 09:14 AM
Parent: #6
| Quote: نرجع لحاجاتنا الزمان قبل البترول |
غايتو لو إنت عايِش بره السودان بِتكون إتْلَومت لوم السِنين
|
Post: #8
Title: Re: فليذهب البترول غير مأسوف عليه...
Author: Alshafea Ibrahim
Date: 01-28-2012, 09:20 AM
Parent: #7
تحياتي يابشير
وهل أبقت حكومة اللا وطني شيئا من الموروث قبلها ؟
تعرف بعد زوال مشروع الجزيرة ومحوه للأبد وعرضه للمصارية (جنازة بحر) تعرف كم محلج ومغزل ومنسج قطن ، ومطحن دقيق ، ومعصرة زيوت تم حرقها بنيرات جياد كحديد خردة ؟
يازول لولا البترول ده لما طغى وأستكبر وأستقوى الكيزان ، شوف الإنفاق على التسليح والحروب قدر كم ؟ شوف الرشى والمال المنهوب منو بقدر يقدروا ؟ هل هذه أموال القطن والصمغ أم البترول ؟
الشفيع
|
Post: #10
Title: Re: فليذهب البترول غير مأسوف عليه...
Author: حامد بدوي بشير
Date: 01-28-2012, 09:28 AM
Parent: #8
يا خوي، بوستك دا نفسو عبارة عن جرسة ودق جرس وحي ووب على البترول الكان بكب عشرة سنوات في جيوب الجماعة.
لكن ما تقول به يصدق في حق الشعب السوداني. أصلوا البترول دا كان بسمع بيه وبشوفو في التلفزيون وفي كضوم قادة المؤتمر الوطني وعماراتم وعرباتم.
لكن ليست هذه هي القضية.
القضية شيء آخر لن يفهمه أمثالك من هتيفة المؤتمر الوطني.
القضية هي مصالح الدولة السودانية على المدى الطويل ومصلحة الأجيال القادمة.
ودي طبعا لغة لا تفهمونها.
المهم عندكم هو: كم وهنا والآن وحول على ماليزيا.
|
Post: #16
Title: Re: فليذهب البترول غير مأسوف عليه...
Author: بشير أحمد
Date: 03-14-2012, 06:50 AM
Parent: #8
الاخ/الشفيع ابراهيم
تحياتي؛؛؛
اكبر كارثة عملتها الانقاذ تدمير مشروع الجزيرة ؛ولو كان عندهم شوية مخ كان يستفيدوا من قروش البترول
في فترة ال5سنوات الاولي من الاتفاقية
بس الحرامية كتار
وما ختوا احتمال 100% الجنوب ينفصل ويشيلوا بترولهم.
طلعت كلها عمارات ومزارع للجماعة الغير طيبين.
|
Post: #9
Title: Re: فليذهب البترول غير مأسوف عليه...
Author: Yassir Tayfour
Date: 01-28-2012, 09:24 AM
Parent: #7
قال فليذهب قال!
هو ذهب الليلة ولّ أمس؟
___
يا بشير زول عندو دكان حدادي مدادي، وعندو زبون واحد، فجأة يفقد الزبون الواحد ده، الحيخسر منو؟ آآي ممكن الزبون يمشي ليهو لي دكان بعيد، وقد تكون أسعاره أغلى، وبذا يخسر زيادة شوية مثلاً 5% .. أها بتاع الدكان يجيب زبون من وين؟ بالتأكيد ما حيلقى، والخسارة على الأقل 100%
|
Post: #11
Title: Re: فليذهب البترول غير مأسوف عليه...
Author: أحمد طراوه
Date: 01-28-2012, 11:06 AM
Parent: #9
هل صحيح إنو أسرائيل،
و حسبما تم في الزيارة الأخيرة، و ضمن سناريوهات فيلم ( سلفا في تل آبيب ) .. و المعروض على مسرح فشل و خيبة إسلاميى السودان ،
ستقوم بتكليف التايكون العالمي (جورج سوروز) ببناء (بآيب-لاين) عملاق في حوض نهر الكونغو ؟!
لم ارى في الدنيا غباء و جشع و قصر نظر، كالذى رأيته عند إسلاميى المؤتمر الوطني السوداني
معقول بس : ناس ينطوا في حكم دولة افريقية زي السودان في نهاية القرن العشرين، و ما يكونوا عندهم ادنى فهم لثوابت و متحركات الصراع الدولي في افريقيا
ما يكونوا عارفين عقابيل إنفصال الجنوب، ما يكونوا عارفين كيف و ليه : إنو الإيبو المسيحيين الاقل عددا في نيجيريا، صاروا فجأة و في مجرى صراع
(بيافرا - البترول)، اقوى من الهوسا المسلمين الاكثر عددا
* هل سمع نافع ب (جورج سوروز) اليهودي العالمي متعدد الجنسيات .. سوروز الضامن الدولي لمشروع تحويل هنغاريا من دولة إشتراكية
لدولة رأسمالية
|
Post: #12
Title: Re: فليذهب البترول غير مأسوف عليه...
Author: بشير أحمد
Date: 03-14-2012, 05:20 AM
Parent: #7
الاخ/عزام
تحياتي؛؛؛
نعم عايش في ضواحي جدة.
|
Post: #13
Title: Re: فليذهب البترول غير مأسوف عليه...
Author: طارق زروق
Date: 03-14-2012, 05:30 AM
Parent: #12
| Quote: فليذهب البترول غير مأسوف عليه... |
طيب تانى حاتصرفو على الشرطة والامن والجيش من وين ياكيزاااااااااااااان
|
Post: #14
Title: Re: فليذهب البترول غير مأسوف عليه...
Author: Tragie Mustafa
Date: 03-14-2012, 05:40 AM
Parent: #6
Quote:
يا بشير يا خوي ذهاب البترول مع غياب الناتج القومي بعد نهاية مشروع الجزيرة
تعني زيادة الضائقة الاقتصادية بصورة كبيرة |
| Quote: لاباس يامحمد نرجع لحاجاتنا الزمان قبل البترول. |
عاد نبقى في لا باس يا محمد دي؟!
تفتكر محمد البشرى ده ما عارف انه لا فضلت حاجات قديمه لا جديده؟!
طيب با بشير احمد ما ياهو وضح انه مافي كله (بببببحححححح) تقول له حاجاتنا القديمه؟!
يا اخي فلان ذاته ما قبلها منك!!تقولي شنو وتقولي منو؟!
عارف الفرج من وين قد يجيك يا بشير احمد وسيدك الرئيس؟!
تخيل من (الزغاوي /ادريس دبي) الانت شخصيا بتشتم فيه ليل نهار وفي كل عشيرته هنا
انت وماجد حسون...تخيل حكومة قاعده تحنس فيه انه (بترول تشاد) يعبر بالسودان!!
هاهو يبعث برجاله لحمايتكم ....و امواله قد تنعش اقتصادكم!!بالله ميدنين ليه بقدر شنو انتو حسه؟!
عشان ثاني تقول زغاوه(ههههههههههه)
غايتو شمتانه فيك شماته يا بشير احمد!
|
Post: #15
Title: Re: فليذهب البترول غير مأسوف عليه...
Author: صديق الموج
Date: 03-14-2012, 06:10 AM
Parent: #14
يا مناضلى الكى بورد البشير وبشير كلامهم صاح
مش وزير النالية لقى البديل
بترول بتاع الساعه كم؟
|
Post: #17
Title: Re: فليذهب البترول غير مأسوف عليه...
Author: nazar hussien
Date: 03-14-2012, 07:02 AM
Parent: #15
البترول يروح...او يجي...دي شغلانة خارج
يد ناس حكومة الشمال....حتي لو وافقوا
بالكم سنت المعروضة من الطرف الجنوبي
ولكن ومن وجهة نظري الشخصية أن كلاهما
ثوران منهكان يتناطحان علي قبضة برسيم
ناشفة...ونهاية كلاهما...في إستمرار هذا
التناطح....فلا الجنوب لديه موارد ليصمد
في ساحة التناطح هذي ولا الشمال لديه
قرون إحتياطية.
|
Post: #18
Title: Re: فليذهب البترول غير مأسوف عليه...
Author: أيوب خليل
Date: 03-14-2012, 11:02 AM
Parent: #17
نعم فليذهب بترول الجنوب الى الجحيم .. وعليهم يسهل وعلينا يمهل.
|
|