Post: #1
Title: وداعا الجميل سيف النصر الي بلاد العم سام
Author: محمد الكامل عبد الحليم
Date: 01-27-2012, 10:08 AM
اقامت الاسرة السودانية بالمجمع السكني لموظفي الخطوط العربية السعودية بجدة امسية لوداع عزيزها دكتور سيف النصر الذي حزم امره وتابط كتبه ومراجعه العلمية ميمما وجهه شطر بلاد العم سام للحاق باسرته الكريمة ومن ثم الدخول في معترك التاهيل العلمي لينال قصده المنشود باذن الله...
كانت امسية عامرة بالمعاني...ومن غير بنو السودان في الاحتفاء بالمعاني بل صوغها وجعلها تنبض بالتوادد والاحسان بل تمشي بين الناس علي قدمين..
اهدي للمحتفي به درعا تذكاريا ممهمورا بكلمات في حقه عسي الدرع ان يقيه بدفء تلك الكلمات زمهرير الشتاء .. لك التوفيق ايها الجميل..ونسمع اخبارك نجاحاتك...
|
Post: #2
Title: Re: وداعا الجميل سيف النصر الي بلاد العم سام
Author: طارق جبريل
Date: 01-27-2012, 10:37 AM
Parent: #1
موفق ان شاء الله يا وجيه وتحياتنا لي بتنا التي بطرفكم
شكرا محمد
|
Post: #3
Title: Re: وداعا الجميل سيف النصر الي بلاد العم سام
Author: salah elamin
Date: 01-27-2012, 10:52 AM
Parent: #1
حظا سعيدا للصديق سيف النصر محي الدين محمد احمد ...فهكذا كان سيف
.. يصر دائما على كتابة اسمه او تقديم نفسه
منذ ان تعرفت عليه في ثمانينات القرن الماضي عندما جاء طالبا للعلم بكلية الطب جامعة الزقازيق
وكان سيف دائما متقدما كثيرا بوعيه والمامه على ابناء جيله ...كان عقله دائما اكبر من عمره كثيرا
ومن جسمه النحيل ايضا ...كان سيف رقيقا في بدنه واحساسيه...
تعرفت عليه يوم وصوله للدراسة بتخطيط مسبق حيث ان احد الاصدقاء من اقربائه ...الطلاب القدامى
قال لينا جابوا ليكم زول برلوم مكرب .
وعندما التقينا به لم نجده مكربا كما قال ذاك الصديق
بل وجدناه مكربا جدا جدا
ومن ديك عيييك ....
سكنا معا سيف وانا وصديقنا رجل الاعمال الان جمال فارح
وكنت اندهش للنتائج التي يحرزها سيف كل عام رغم انه كان مثقل بالمهام
لكنه كان دائما متفوقا في اكاديمياته وصداقاته...
سيف رجع من دراسته حاملا اعلى الشهادات العلمية واغنى التجارب الثورية .
....اخر مرة التقيت بالصديق سيف النصر عام الفين وسبعة لكنه كان هو هو سيف رغم بعض الشعيرات البيضاء
وجسمه الذي امتلاء ...يبدو بفعل مطبخ صديقتي الجميلة عرفة محمد سعيد زوجة سيف النصر ...فلها وله وللاسرة الف تحية .
وحظا سعيدا ....
|
Post: #4
Title: Re: وداعا الجميل سيف النصر الي بلاد العم سام
Author: د. ياسر عبد القادر
Date: 01-27-2012, 11:00 AM
Parent: #3
سيف سلامات:
توكلت علي الله وإتخذت القرار الصعب؟؟؟
لك التحايا...أرجو رقمك علي الخاص....مع أجمل الاماني باللقاء في بلاد العم سام مرة أخري
تحياتي
|
Post: #5
Title: Re: وداعا الجميل سيف النصر الي بلاد العم سام
Author: هشام هباني
Date: 01-27-2012, 11:50 AM
Parent: #4
العزيز محمد الكامل
تحياتي لك ولضيوفك
والف مراحب بالصديق الاسفيري الرائع دكتور سيف النصر هنا في بلاد العام سام والدي بتواجده بيننا في الديار الامريكية قطعا سيكون مصدر اثراء ونفع لها ولنا
بما للرجل من مواهب وخبرات شتى قطعا سيفيد بها بنى جلدته القدامي وبنى ارومته الجديدة... واكرر ترحابي بسيف واسرته وكل سودانى ات الى هده الديار وهو يحمل
في ( عفشه) شيئا من السودان الجميل.
مودتي
|
Post: #6
Title: Re: وداعا الجميل سيف النصر الي بلاد العم سام
Author: حيدر حسن ميرغني
Date: 01-27-2012, 11:58 AM
Parent: #4
د. سيف يودع الضفاف ..
تصحبهم السلامة والعافية أم ضراعات شقيش مايقبلو
تمنيات بحياة عملية سعيدة وعيشة هانئة.
---
سلامات ود الكامل
|
Post: #7
Title: Re: وداعا الجميل سيف النصر الي بلاد العم سام
Author: Balla Musa
Date: 01-27-2012, 02:08 PM
Parent: #6
مرحب بالسيف
ونتمنى أن تنال ماتصبو إليه..
|
Post: #8
Title: Re: وداعا الجميل سيف النصر الي بلاد العم سام
Author: jini
Date: 01-27-2012, 02:17 PM
Parent: #7
لدكتور سيف النصر الامنيات الطيبة بالتوفيق والسداد فى نيل ما يصبو اليه وهوهو اهل لذلك بمثابرته ودماثة خلقه
جني
|
Post: #9
Title: Re: وداعا الجميل سيف النصر الي بلاد العم سام
Author: الرفاعي عبدالعاطي حجر
Date: 01-27-2012, 02:38 PM
Parent: #8
بالتوفيق يازول يازين ...
الزول دا عرفناه في المنبر
والملتقى الاجتماعي وبرغم
صغر اللقاءات إلا انه زول
يعطيك انطباع سوداني قُح
بالتوفيق يادكتور ولنا بك
لقاء وداع وان شاء الله ما
آخر وداع .....
نشوفك مترقي لمراتب النبوغ دوماً.
............................................حجر.
ياقريبي ياكامل بجد جوالك ضايع مني لكنا نحتاجك في امر فهلا اتصلت .... برضو حجر.
|
Post: #10
Title: Re: وداعا الجميل سيف النصر الي بلاد العم سام
Author: النذير حجازي
Date: 01-27-2012, 02:48 PM
Parent: #9
الفنان الجميل محمد الكامل، شكراً جزيلاً على هذه الأخبار الجميلة
الصديق الإسفيري د. سيف النصر دا من زمان ولدنا، بس ما وريتنا في ياتو ولاية، علشان
نوصي عليه لو كان في دي سي أو فرجينيا أو ميرلاند أو ولايتي المحبوبة
نورث كارولاينا قول لينا عوووك، ويا د. سيف أنصحك ما تمشي الشمال وأبعد من العنصرية
مرحب بيك ألف
|
Post: #11
Title: Re: وداعا الجميل سيف النصر الي بلاد العم سام
Author: عبد العظيم احمد
Date: 01-27-2012, 03:15 PM
Parent: #10
سلام للجميع وصاحب البوست ودكتور سيف
نتمني له التوفيق في كل المجالات
,,,,,,,,,,,,,,,
مزيدا من التقدم
*****
ابو احمد النرويج
|
Post: #12
Title: Re: وداعا الجميل سيف النصر الي بلاد العم سام
Author: Elawad
Date: 01-27-2012, 03:37 PM
Parent: #11
سلام يا محمد
دعواتنا للأخ د. سيف و أسرته بالتوفيق و السداد أينما حلوا و ربنا إن شاء الله ييسر ليهم أمورهم كلها.
|
Post: #13
Title: Re: وداعا الجميل سيف النصر الي بلاد العم سام
Author: عاطف مكاوى
Date: 01-27-2012, 03:42 PM
Parent: #11
الي أى ولاية يتجه د. سيف؟
عند وصولك يا سيف أرسل رقم التليفون
وإن رغبت في التحرك لولاية أخرى أدينا خبر
شكراً أستاذ محمد الكامل.
|
Post: #14
Title: Re: وداعا الجميل سيف النصر الي بلاد العم سام
Author: سيف النصر محي الدين
Date: 01-29-2012, 01:57 PM
Parent: #13
استاذنا محمد الكامل لك الشكر اجزله و للكوكبة اللامعة من النجوم السودانية الزاهرة بالخطوط السعودية لبادرتكم الطيبة بوداعي
جنبا إلى جنب مع السوداني الأصيل استاذ الجميع صلاح ياسين.
و الشكر لجميع من مر على هذا البوست.
|
Post: #15
Title: Re: وداعا الجميل سيف النصر الي بلاد العم سام
Author: Dr.Elsadig Abdalla
Date: 01-29-2012, 02:11 PM
Parent: #14
تمنياتي لك وللاسره بالتوفيق وحظا سعيدا مع الوضع الجديد .
|
Post: #16
Title: Re: وداعا الجميل سيف النصر الي بلاد العم سام
Author: سيف النصر محي الدين
Date: 01-29-2012, 03:26 PM
Parent: #14
عطا متحدثا و ود الكامل يستمع.
انا، صلاح ياسين و ود الكامل.
"الحفل في صالة ملحقة بالمسجد عشان كده حفيانين :)"
|
Post: #17
Title: Re: وداعا الجميل سيف النصر الي بلاد العم سام
Author: abdelrahim abayazid
Date: 01-29-2012, 03:32 PM
Parent: #16
كل التوفيق يا دكتور
|
Post: #18
Title: Re: وداعا الجميل سيف النصر الي بلاد العم سام
Author: سيف النصر محي الدين
Date: 01-29-2012, 03:39 PM
Parent: #16
|
Post: #19
Title: Re: وداعا الجميل سيف النصر الي بلاد العم سام
Author: سيف النصر محي الدين
Date: 01-29-2012, 03:46 PM
Parent: #18
صور من مجمع الخطوط السعودية السكني أو السعودية سيتي كما تعرف هنا في جدة.
|
Post: #20
Title: Re: وداعا الجميل سيف النصر الي بلاد العم سام
Author: خالد العبيد
Date: 01-29-2012, 11:32 PM
Parent: #19
يا خاين !!
مش اتفقنا تجي استراليا ؟
المهم انا سعيد انك تكون هناك
وبختكم يا امريكاب بسيف الانسان الجميل
|
Post: #21
Title: Re: وداعا الجميل سيف النصر الي بلاد العم سام
Author: ABDALLAH ABDALLAH
Date: 01-30-2012, 01:49 AM
Parent: #20
مرحب بيك الأخ سيف فى بلاد العم سام.
|
Post: #22
Title: Re: وداعا الجميل سيف النصر الي بلاد العم سام
Author: Sabri Elshareef
Date: 01-30-2012, 02:28 AM
Parent: #21
Quote:
انا، صلاح ياسين و ود الكامل.
"الحفل في صالة ملحقة بالمسجد عشان كده حفيانين :)" |
سلام يا سيف مرحب بيك تجو من محل الحفا الي محل اللبس
سعيد بيك وسلام لناس جدة
|
Post: #23
Title: Re: وداعا الجميل سيف النصر الي بلاد العم سام
Author: Tragie Mustafa
Date: 01-30-2012, 02:34 AM
Parent: #21
مرحبا مره آخرى بسيف الشيوعي في USA قلعة الراسماليه(ههههههههههههه)!
وكمان يا سيف الحبيب......البجوا من السعوديه دي بيحتاجوا
يغسلوهم ويكوهم من الوهابيه و القمع الملكي(هههههههههه)!
اها د.سيف والعزيزه عرفه واول مره اعرفها عرفه المعانا هنا دي
Quote: وجسمه الذي امتلاء ...يبدو بفعل مطبخ صديقتي الجميلة عرفة محمد سعيد
زوجة سيف النصر ...فلها وله وللاسرة الف تحية . |
قريبا مواطني
كاملي الدسم في قلعة الديمقراطيه امريكا ويشاركون في اختيار اهم عواسين السياسيه العالميه(ههههههههههه)
رؤساء امريكا!
وكدافعي ضرائب و مواطنين اصيلين نلقاهم باذن الله سالين لسانهم قش في الديمقراطيه وطبظاتهم او الجمهورين ومحنهم!
|
Post: #24
Title: Re: وداعا الجميل سيف النصر الي بلاد العم سام
Author: Elwaleed M. Ahmed
Date: 01-30-2012, 02:41 AM
Parent: #23
شكرا لك الاخ محمد الكامل عبد الحليم
والف مررررحبا بالكتور سيف النصر
في بلاد العم السام
الوليد محمد احمد المحامي-بروكلن نيويورك
|
Post: #25
Title: Re: وداعا الجميل سيف النصر الي بلاد العم سام
Author: Elmoiz Abunura
Date: 01-30-2012, 02:56 AM
Parent: #23
مرحب بالاخ سيف النصر فى بلاد اليانكز والربلز. واتمنى ان تكون اقامته
معنا فى كارولاينا الشماليه لنستفيد من خبراته الزقازيقيه التى ذكرها
الزميل صلاح .
/
هل هى عرفة صديقة المرحومه رباب محمد الحسن بالاسكندرية 82/83?
عموما اتصل بى بمجرد حضورك
وشكرا لمحمد الكامل وصلاح الامين
|
Post: #26
Title: Re: وداعا الجميل سيف النصر الي بلاد العم سام
Author: Sabri Elshareef
Date: 01-30-2012, 05:15 AM
Parent: #25
عاطف مكاوي
عبرك بالله خلي التوصيله تجي بسرعة للزميل سيف ما تتاخر تبقي زي توصيلات لم تصل الي اليوم
محمد الكامل سلام واحترام
دكتور سيف اهلا بيك رفيقا في بلاد لها بريقها وسحرها في العالم ومن هنا نعمل سويا علي مساعدة اهلنا في ازالة واسقاط الكابوس الجاثم فوق البلاد
قيدا للحريات وتمزيقا للبلاد وهتكا للعروض وقتلا وتشريدا واعتقالا
اهلا بيك محل تختار ان شاء الله يطيب لك المقام ويطيب الجلوس
انا في نيو جيرسي مع دكتور طراوة وعمدة الولاية يوسف الشيخ الهدية واخرون واخريات
|
Post: #27
Title: Re: وداعا الجميل سيف النصر الي بلاد العم سام
Author: Mohamed Yassin Khalifa
Date: 01-30-2012, 05:30 AM
Parent: #26
تتشرف هذة الديار بأستقبال الأخ والصديق الدكتور سيف النصر
أهلاً وحبابك عشرة أخي الفاضل وبيك بلادنا تنور وتسعد!
أنت لست غريباً عن بلاد العم سام..
ونتمنى أن تطيب إقامتك وأسرتك الكريمة بها بيننا
ونتوق للقائك في القريب.
|
Post: #28
Title: Re: وداعا الجميل سيف النصر الي بلاد العم سام
Author: عبد الدائم سيد أحمد
Date: 01-30-2012, 07:42 AM
Parent: #27
ليه تسيبنا يا حبيبنا
للضنى الما بنتهي للشقا
الفوق جبينا رسم خطوط ما بتنمحي
ليه تسيبنا يا حبيبنا
|
Post: #29
Title: Re: وداعا الجميل سيف النصر الي بلاد العم سام
Author: خضر الطيب
Date: 01-30-2012, 07:48 AM
Parent: #26
التحيه خالصه للدكتور سيف
واسأل الله ان يحفظه فى حله وترحاله
كت اوت :
انت بالخطوه دى يادكتور طلعت من الظالمين سالمين
|
Post: #30
Title: Re: وداعا الجميل سيف النصر الي بلاد العم سام
Author: محمد يوسف الزين
Date: 01-30-2012, 07:56 AM
Parent: #29
بالتوفيق
|
Post: #31
Title: Re: وداعا الجميل سيف النصر الي بلاد العم سام
Author: محمد عثمان ابراهيم
Date: 01-30-2012, 01:18 PM
Parent: #30
تمنياتنا للأخ سيف بالتوفيق.
وعسى أن يكون وداعك يا دكتور في ساحة المسجد فأل خير لك ولعائلتك.
مع التحايا الطيبة
|
Post: #32
Title: Re: وداعا الجميل سيف النصر الي بلاد العم سام
Author: ميسرة سيد أحمد
Date: 01-30-2012, 01:53 PM
Parent: #31
أخي العزيز سيف النصر تصحبك السلامة
ونتمنى لكم وللزميلة الزقازيقية عرفه محمد سعيد والأبناء
دوام الصحة والعافية وأن تنالوا ما تصبو إليه
في حياتكم القادمة ،،،
إلى اللقاء ،،،،
|
|