Post: #1
Title: الناس في بلدي يتغزلون في كوبري ؟
Author: يحى حسين القدال
Date: 01-24-2012, 11:10 PM
كنت اقلب القنوات الفضائية يوم امس الاول بحثا عن شيء يخرجني من دائرة العنف المميت في سوريا و العراق و افغانستان وغيرها ، فتوقفت بلا مناسبة عند قناة الخرطوم التي كانت تبث مقابلة مع احد مهندسي المساحة المشرفين على تنفيذ الكوبري الواقع على تقاطع امتداد شارع افريقيا و السوق المركزي ، و بعد ان شرح سعادته طبيعة عمله و ما قام و ما سيقوم به في مقبل الايام لحين انتهاء هذا الصرح العظيم -حسب رأيه- اخذته الحماسة الى درجة وصف فيها هذا الكوبري بالعمل الراقي و ان خلفيته المتمثلة في حديقة الشهيد ( منو كدا ما عارف) ستجعل منه مقصدا يتغزل فيه الشعراء .
كدا طوالي يا باش ....يا جماعة الناس ديل ما في زول يهديهم ويقول ليهم انو قنوات الدنيا الكتيرة دي خلتنا نشوف الما كان على بال ؟ يعني عايزين واحد يجي يقول ليهم : يا كوبري التقاطع حبنا ليكا قاطع و لا شنو ؟
|
Post: #2
Title: Re: الناس في بلدي يتغزلون في كوبري ؟
Author: ود الخليفه
Date: 01-25-2012, 11:35 AM
Parent: #1
تحياتي
يوم افتتاح كبري توتي كنت صدفة مع بعض الاصدقاء في الخرطوم في اتجاهننا لامدرمان
ولفت انتباهي الفرحة الظاهرة على وجوه الناس لافتتاح هذا الكبري - وقطعا ليس كل من حضر الافتتاح من توتي- وهي فرحة ظاهره بدليل ان كل العربات
العابرة ابت الا وان تدشن هذا المعبر وكنا مع الخائضين نقطع الكبري عبورا لتوتي لا لشئ
فقال احد الاصدقاء
بالله عاين الناس ديل فرحانين كيف انا لو كنت مكان عمر البشير كان عرشت ليهم البحر دا
|
Post: #3
Title: Re: الناس في بلدي يتغزلون في كوبري ؟
Author: عبدالله احيمر
Date: 01-25-2012, 11:48 AM
Parent: #2
| Quote: و بعد ان شرح سعادته طبيعة عمله و ما قام و ما سيقوم به في مقبل الايام لحين انتهاء هذا الصرح العظيم -حسب رأيه- اخذته الحماسة الى درجة وصف فيها هذا الكوبري بالعمل الراقي و ان خلفيته المتمثلة في حديقة الشهيد ( منو كدا ما عارف) ستجعل منه مقصدا يتغزل فيه الشعراء . |
ســلام
وصـدق من قال ( الطشـاش في بـلد العمي شــوف )
أها كمان خلي الورال دا يقـدل وســط ناس قناة الخرطوم
الما فيهـم حتى ورل
حذف حرف
|
Post: #4
Title: Re: الناس في بلدي يتغزلون في كوبري ؟
Author: Al-Shaygi
Date: 01-25-2012, 07:15 PM
Parent: #3
ودالقدال حبابك وعوداً حميداً مستطاب
Quote:
الناس في بلدي يتغزلون في كوبري ؟
|
بالله جنبك بس فوق الدائري الشمالي ده براه في كم كبري من النوع الأطول من كبرينا ده و4 مسارات ماشي وأربعة جاي؟؟؟
سمعت ليك يوم جه موظف بلديه ساااااااي أفتتح ولا ضرب بوري حتى؟؟؟
ما بس تصبح تلقاه تم والعربات ماشية...
يا ريت كبرينا ده كان بنوه بالقراصة أقلو الناس الميته من الجوع تجي تقطع وتاكل...
وإنشالله يسفلتو باملاحي الأخدر ده عشان يزلق أي متبوبر...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
|