جديدة لنج حنة الخريج والخريجة

احترت جدا وانا اهاتف اخى فى السودان وهو من جيل هذه الايام وقد اخبرنى بانهم مقبلين على تنظيم حفل الخريج فى نادى الضباط ولكنه فاجأنى بانه هنالك حنة قبل يوم التخريج بيوم وعندما انكرت حديثه هذا غير مصدق حلف لى بالله العظيم انه هنالك تقليد فى السودان فى السنين الاخيرة يسمى حنة الخريجين وهو يا صحاب باختصار حفل مصغر يتم فى صالة يتم استئجارها ويتم ترتيب 2 حنانات من النوع الممتاز واحدة تحنن البنات ( نقش فى الايادى ) وواحدة تحنن الاولاد فى الايادى ومعهن واحدة فنانة تغنى لهم ويقومو يرقصوا كلهم وبكرة يكون التخريج الرسمى . حقيقة اصابنى بصدمة قوية جدا وهذا الكلام لم اسمع عنه من قبل فاى تيه نحن فيه الان واى فراغ وكيف يمكن ان نفسر مثل هذه الظواهر ؟

هل هذا ترف ؟
ام هل هذا فراغ ذهنى وفكرى ملم بهذا الجيل ؟

ام هل هذا خط عام ماشى فى البلد وقد وصل له لناس بفضل سياسات الحكومة الراشدة ؟

ام ام ام ؟؟؟؟؟؟

افيدزنا افادكم الله

على حد علمى الاحتفال الشخصى والجماعى بالتخرج فى القاعات والفنادق تقليد استنه خريجى الفرع على ايامنا ( نهاية التمانينات ) ولكنه كان بصورة محترمة ومنظمة وفيه كل صفات الوقار والاحترام للشهادة العلمية التى نالها الخريج وللاساتذة اللذين كانوا يحضرون الاحتفال

انها ككل العادات البذخية في مجتمعنا يبداها الاغنياء ليحسو بالتميز فيحذو الفقراء حذوهم مهما كلفهم ذلك
فيجد الاغنياء انهم لم يعودوا متميزين فيخترعو مظهرا بذخيا جديدا ويقلدهم هؤلاء و هكذا تستمر الدورة الى ما لا نهاية

الاخ العزيز حاتم

شكرا للمرور هنا

ولكن يا اخى قد اتفق معك فى ان هنالك الكثير من العادات البذخية الاستهلاكية التى وجدت فى ظل الراسمالية الطفيلية الحاكمة والمنتفعة بخيرات البلاد دون بقية العباد . لكن ان يمتد الامر الى فئة مستنيرة او من المفترض انها مستنيرة ونرجو منها خيرا لهذا البلد فاذا بها تسقط فى وحل الطفيلية هذا

منه العوض وعليه العوض يا اخى

تحية... اشاطرك الحيرة...عندما يفرز الواقع مثل هذه الظواهر لابد من تحليلها وردها الي مسبباتها...اتفق مع حاتم جزيئا في مسالة التقليد والمجاراة غير الواعية لكنني اذهب ابعد من ذلك في ان السياسات الخفية في دولة المشروع تسعي دوما الي خلق واقع افتراضي في سد حاجة الحالمين لكن باسلوب او اساليب لا تشبع العقول او البطون فيغدو لاهثين او دايرين في فلك افتراضي يعبر عن الرغبة ولا يحققها...التعبير عن الرغبة بالطريقة المشار اليها سلوك انصرافي غير راشد لكن هل يقف الامر عند التعبير فقط ...بالطبع لا انما تتولد عندئذ سبل اخري من المجاراة قد تصطدم بما هو راسخ من قيم مجتمعية وتبدا في هزها وزلزلتها بل تحطيمها...وبهذه الطريقة قد يساق الناس بعد استلابهم سوقا الي ما يرمي اليه حايكي مثل مثل هذه الاحابيل ...اعني النظام الذي افرز هذا الواقع المضحك المبكي ...

Quote: فاى تيه نحن فيه الان واى فراغ وكيف يمكن ان نفسر مثل هذه الظواهر ؟ هل هذا ترف ؟ ام هل هذا فراغ ذهنى وفكرى ملم بهذا الجيل ؟ ام هل هذا خط عام ماشى فى البلد وقد وصل له لناس بفضل سياسات الحكومة الراشدة ؟

سلام الأخ عبد العزيز
بصراحة صدمت حين قرأت الخبر , حقيقة اول مرة اسمع بهذا الكلام العجيييييييييييب
والله دي مسخرة ومهزلة وبدعة لا تعبر عن الفرحة بقدر ما تعبر عن الجهل والفراغ وعدم الشغلة
حتى لو افترضنا موضة وعاجبة بعض جيل اليوم الطائش , !!!
وين كبارنا وعقلهم الراجح ؟ وين ناس الشورة ؟ ليه الناس بتنقاد بسذاجة و تغور في جراحها بكلام فارغ لا يسمن ولا يغني من جوع؟
اللهم إلا زيادة مصاريف وتكاليف وعدم مسؤلية لأبعد حد
عذرا أخي عبد العزيز صبيت غضبي كلو في البوست ده , لك العتبى
لكن والله لو بقى الكلام ده عرف تبقى مصيبة كبيرة , وعلى قيمنا وتقاليدنا السمحة العتيقة السلام

العندو الحنة بحنن خريجو وخريجتو

كان الله في عونك يا بلد

بت الجنيد شاعرتنا العظيمة والصحفية التى لايشق لها غبار

حبابك عشرة

انداحى غضبا ولا يهمك ومن حقك ونحن قبلك اشتطنا غضبا

ولكن يا حبذا لو تكتبى فى هذا الامر صحفيا وتسلطى عليه الضؤ على نطاق واسع

حتى يفتينا اهل العلم اللذين يعلمون ... هذا اذا افترضنا انو نحن لانعلم

الحبيب محمد عبدالحليم شكرا على المرور

زمان ونحن فى الجامعة كان الكيزان بيقولو نحن عاوزين نربط قيم السماء بالارض

فهل يا ترى ما يجرى الان فى بلادنا هذا يعتبر تطبيق لهذه القيم على ارض الواقع ؟؟؟؟

ود عكود كيف حالك

نفهم من كده انك مؤيد للظاهرة ولا شنو

بالجنبة كده

عمر عكود كان فى السكه حديد سنار يبقى ليك شنو

طيب ما يعملوا الروب بتاع التخريج من قماش القرمصيص!
جني

Quote: طيب ما يعملوا الروب بتاع التخريج من قماش القرمصيص!

ابنبي فيك يا ابو الجنون كان عملت مقترحات ذي دي بكرة حنلقاها واقع...



التحية لعادل السودانين يبحثون عن الفرح اينما كان

والشباب ديل خيالهم واسع جدا في صنع حاجات تشيل قروش اهلهم


مودتي وسلامي لاسرتك

انت يا جنى جنيت ولا شنو

هم الذى ديل بعرفو القرمصيص

القرمصيص فى حد ذاته كان له ممارسات لها علاقة بالتراث

وهذا الجيل للاسف الشديد لايعرف شئ عن ذلك

تحية....

بل تحقق لهم مسح المواطن بالارض...داهية تاخدهم...

الله يستر ياعادل الحكاية ماتجيب ليها دخان كمان!

استاذ عوض يعقوب

لكن ما كترت المحلبية ياخ

الاخ او الابن عادل لك التحية
العام الماضي ذهبت الى ود مدني لحضور الاحتفال الجماعي لتخريج طلاب كلية الطب بالجزيرة و من ضمنهم ابني عادل (صدفة تطابق الاسماء)، و ولم املك الاّ ان اضع اصابعي الخمسة على فمي عندما رايت ان الجميع من الخريجين طلبة و طالبات كان محننا، و ليس من راى كمن سمع.
على كل حال سمه ما شئت، و لو امد الله في اعمارنا ربما نرى او نسمع اشياء قد تميتنا بالسكتة.

والله كل يوم يصبح الصباح نسمع حاجة جديدة


احدى قريباتي من ذوات اليد الممتلئة بالذهب من المصممة عن اصبعها الكبير
وامتدت في شكل حلقات في يدها حتى غطي الذهي العيار الثقيل ملأ يدها حتى الكوع
اصرت ان تكون زواج ابنها من النوع الخرافي حيث حضر العريس (ابنها) على صهوة جواد ابيض
ونحن النوبيون ليست لدينا ثقافة الحصان في تراثنا.
وعند صباح اليوم التالي اصرت ان تكون هناك فطور يسمى فطور العريس وهذا لعمري كان نوع من الترف الباذخ
لا زلنا نعاني من تبعات هذا الفطور الذي احيانا تكون فوق طاقة اهل العروس الذين بالكاد يكون المهر قد غطى بعضا من الصرف

- فطور العريس
- حنة الخريج
- ربما بعد الحنة الخريج تجلس بحوار المتخرج خريجة وتطلب الزواج فيقوم المتخرج باعلان الزواج عبر مكبرات الصوت وربما يكون عرفيا
- ويا ربي بكرة حيكون شنو

الاستاذ زمراوى لك التحية

انت من زمن الحصان الابيض الناس ديل وصلو مرحلة لسيرة بالافيال

فقد اخبرنى احدهم ان احد الاثرياء فى الخرطوم احضر فيل من تايلند

وركب عليه هو والعروس فى ليلة زواجهم ودخلو به القاعة وكاد ان يتسبب فى هلاك الكثيرين

من فرط الهلع لولا ستر البارى

باختصار كده الناس ديل قطعو مسافة فى الهيافة

ربك يستر

د نجاة يفرحو ما قلنا حاجة

لكن يشوهو الحاجات لا والف لا

انا شئ غايظنى غير الحركة دى والزفة المصرية فى الزواجات مافى


بالجنبة كده

تحياتى لك وللاسرة الكريمة وخاصة البروف ابراهيم محمد زين

ويغنوا ليهم
افندية وكمل الكلام
جني

استاذ عبدالله مقدر جدا لشعورك

وتسلم من السكته والموضوع ما بيستاهل تضحى بصحتك عشانه

انت زول متخلف شديد يا جني
شوف عيني القرمصيص شوفتها مخيطة جلابية عديييييييييل كدة
بس ماني عارف لي خريج ولاَ عريس.

المهم فطور الخريج عملوه ولاَ لسع؟