# نهوول الأجمل من بنات الحور طلعت ما بتفكر في الارتباط!!!!

#

نهوول دي مخلوقه مميزة جدا وبمواصفات أنسانية راقية تفوق الخيال ذاتو خريجة كمبيوترمان ومن سكان حته أسمها الطايف رقيقه زي النسمه وليها أبتسامه ساحرة تخلي الحزنان عمرو كلو يفرح جميلة وش وجميلة وسمحه دي كلام فيها شوية جدا دي ما قمرة ونزلت من السما وكمان لون البشرة عسل يا حافظ أحفظاوالله يا ود الصايم لو شفتها ح تجن عديل كدا وح تشد ليك خيمة قادم البيت دي ما عصفورة من الجنه عديل كداحاجات مفقودة في نسوان اليومين ديل رقة و وروح مرحةوبتعرف تتكلم وتلبس وكمان لو رقصت غربي وسوداني (عجيبه)
الجسم ما أستايل أنجليزي مقسم بس يخلوا ليها البدي وكل أنواع الهدوم بفستان السهرة تهبل كل عقلاء العاصمة المثلثة أخوك ماراح فيها وأستسلم وأتكسر ورفع راية الريدة الماخمج وقعد يتقرب لحدي ما بقي من المقربيين شيء برقيق الكلام والحنك السنين وشيء هدايا ومرات عوازيم أيسكريم وسمك وأمواج المهم أخوك في النهاية دوش نهوول هوايات مشتركة ومرات الجم في الفنادق خمس نجوم وبيمشي يلعب تنس ودفعت دم قلبي عشان أكون عضو في أتحاد التنس الرجالي وأتحقق حلمي ويوم ما نهوول تمشي التمرين أنا لازم أكون قادم الصالة عشان أشوفا بهدوم التنس وبعد التمرين لكين مرة مشت العربية عشان تجيب حاجة (قمت أنا سرقت البشكير بتاع الحمام لانو بالنسبة لي قطعة ذات دلالة جمالية من الرهيبه نهوول ونهوول لما عرفت أنو انا سرقت البشكير قالت لي بكل برأءة لو عاوزبشكير ممكن أجيب ليك واحد جديد أخوكم بكل خجل قال ليها (لا والله شكرأ عندي بس أنا كنت عايزحاجه من ريحتك )
المهم أستمرت العلاقة وبقت بالاسكايب والفيس بوك وكل وسائل الاتصال العصرية وأشيل وأشحد في الاصدقاء والاخوان خارج السودان القمصان أخر الصيحات والبنطلونات الجديدة وكمان حلقت حلاقة فنانة زي شباب المنشيه طبعا أنا عندي وهم أسمو العرس يوم كدا بعد ما ظبط الحله وشربت الدواء قررت أنو لازم أكمل نص ديني ويكون عندي في حياتي نص حلو المهم فتحت الاسكايب وأتصلت رنة رنتين ردت نهوول الشديدة هاي ... هاي هاو ذا ليف وأخوكم أندح خصوصا لما ظهرت في شباك الاسكايب قلبي وقف لكين برضو قلت طرحي المجنون أنو أنا قررت بكرة أجيب أهلي ونطلبك رسمي ضحكت هي ما رقيقة جدا وبكل بساطة قالت (طبعاعارف أنت فارق العمر بينناوبعدين بابا مصر علي قصة العريس يكون من جيلناوأن كمان ما بفكر في الارتباط الان لانو راجعه لناس أختي في كندا عشان الماجستير ما مخططه أبدا لقصة زواج الان ) وحسي كدي أنت نوم أمكن بكرة تصحي بنفسية جديد يا خي عرس شنو ممارسات الناس القدام دي كدي نوم وبكرة نتفاهم)
أخ يا نهوول الفي يافوخي طارت وأتحطمت أحلامي ما قتلتني بسكين ميته , نهوول بتاعت الفسباكاة وكل الوسائط العصرية طارت
تعرفوا أنا حظي تعبان جدا ودايما كدا لما ألقي عجبي بيكون زوالتي عندها مشاريع تانيه ما عارف خلاص أقنع وأقعد كدا أشد في الحلل وأربي في الحيوانات الاليفة ولا أهاجر عشان ألقي نصي الحلو حل سريع ياشباب أنا بجد تعبت ما عايز أتهور وأمشي أشوف أي حاجة كترة الشواكيش خلتني زول وهم جدا وما أحدد حاجه!!!!بعد نهوول الاجمل من بنات الحور طلعت ما بتفكر في الزواج.
يا قيقا نصائح سعادتكم مانفعت أخوك كل شهر بعمل كارثة أحسن تشفوا سريع للحاله دي .

Quote: UK women are 'fattest in Europe' BBC COMMENTS (1119) The UK has more obese women than any other country in Europe, according to European Union figures. Data agency Eurostat, which looked at 19 countries, found nearly a quarter of UK women - 23.9% - were recorded as being obese in the year 2008 to 2009. Just over 22% of UK men were classed as obese, coming second only to Malta. A person is defined as obese if their body mass index (BMI), the result of a calculation involving weight and height, is above a certain level. The BMI correlates fairly well with body fat. Statisticians found the share of overweight and obese people increases with age in all of the 19 member states that data was available for. The data come from the European Health Interview Survey (EHIS) and was published by Eurostat, the statistical office of the European Union. Its figures for the UK were based on data from England, although surveys suggest the percentage of obese adults in Wales and Northern Ireland is similar and Scotland's latest health report put the figure at 28%. After the UK, the countries with the highest levels of female obesity were Malta, with 21.1%, and Latvia, where 20.9% fulfilled that criteria. Meanwhile, after Malta and the UK, the countries with the highest instances of male obesity were Hungary - where 21.4% fall into that category - and the Czech Republic, where 18.4% are classed as such. The UK's high levels of obesity are in stark contrast to those in countries such as Romania, where just 8% of women were classed as obese along with 7.6% of men. Obesity levels were also found to be low in Italy, Bulgaria and France. In Italy, 9.3% of women were found to be obese and 11.3% men. Meanwhile, in Bulgaria levels of obesity for women and men were found to be 11.3% and 11.6%, with levels of France identified as being 12.7% and 11.7% respectively. The figures suggested that the proportion of women who are obese or overweight falls as the educational level rises. Last month, Health Secretary Andrew Lansley launched a bid to reduce obesity levels in England by 2020. The minister said people need to be honest with themselves about how much they eat and drink. He said that, overall, Britons should be eating five billion fewer calories a day than at present.

صباح الخير ...

هل قصتك دي حقيقية أو منتمية إلى عوالمك الجميلة والسحرية.

- طبعاً البنية لمن تقول "ما بتفكر في الارتباط" فهي بتقصد "ما بتفكر بالارتباط بيك إنت تحديداً" ، لكن أساساً التفكير في الارتباط موجود وجود ازلي.

- حتّة إنك يا زهير تجيب معلومات البت كدا تنزلها الإنترنت اسمها وعنوانها واتخرجت من وين ووووو - ما يتخيل لي انها حاجة كويسة - احفظ خصوصيات الناس ياخ.

- وبجيك راجع تاني ....

زهير تحياتي وحبي


معليش يا زهير أنت قاعد تقول للبنات شنو ؟ كدي وريني حنكك يمكن المشكلة مافيك المشكلة في حنكك

الاخوان أنور وهاني وعبدالعزيز
تحياتي
أنا معاي ضيوف وكمان علي تجهيزات ليلة نهاية الاسبوع بس أعقد نتفاكر
لكم كل الود

Quote: أنا معاي ضيوف وكمان علي تجهيزات ليلة نهاية الاسبوع بس أعقد نتفاكر

تعجبنى صراحتك دى يازهير ,,,,

زهير .... عالم جميل ...


زهير عندو استعدادات لتجهيز ليلة العالم الجميل :)

زهير إنت زول جميل جداً.......لك التحية.

Quote: عشان الماجستير

عايزة تكمل قراية!!!!!!!!!

لك التحية........والتقدير.

Quote: وأشيل وأشحد في الاصدقاء والاخوان خارج السودان القمصان أخر الصيحات والبنطلونات الجديدة

ابو الزهور انت الحق عرس بس
بدلة العرس ونص دسته قمصان على اخوك
ومعاهن نص دستة كرفتات....... والله صحي


تحياتي

Quote: - حتّة إنك يا زهير تجيب معلومات البت كدا تنزلها الإنترنت اسمها وعنوانها واتخرجت من وين ووووو - ما يتخيل لي انها حاجة كويسة - احفظ خصوصيات الناس ياخ.

.......................................
هسع يا هاني انت صدقت القصة الخيالية دي ولا شنو؟؟
والله بصراحة في بداية القصة قربت اصدق ان القصة حقيقية لكن بعد الاستطراد والوصف المادي لنهولة عرفت ان القصة من بنات أفكار زهير .. وظهر انه عنده ملكة قوية في حبكة القصة الروائية لأن التعابير التي يستخدمها في الوصف بيشد القارئ.. واتذكرت قصة ناذر عن الجريو والتي كنا نتابعها لشهر كامل,,,
وطبعا ما معقول كمان - زي ما بتقول انت- الواحد ينزل معلومات البنت كاملة بهذا الوصف في الانترنت؟؟.. لكن اذا كان دا لحاصل فقد دخل زهير في لوم كبير .. وحدسي ان القصة قصة رائعة وتحفة ادبية رائعة.
والله يديكم العافية

الاستاذة أميرة
تحياتي
بالتاكيدأنا ما ح أسرد حقائق تسبب حرج ولا جرح مشاعر لصديقة أبدأهذا عهدي مع نفسي وقيم الجميع هنا في المنبر وهن في النهاية أخواتي العزيزات وشكرا علي تقريظك لمادة البوست عسها تكون كذلك ؟!
ولك شكري علي المرور والمداخلة
دمت لنا أخت عزيزة ومتعك ربي بالعافية

أخي الامين موسي البشاري
تحياتي
ولك كل الود والله أنا ممتن جدا لعرضك بس لسه بت الحلال مالقيتا وبعدين زي ما عارف أنت حظي كيف مخستك مع بنات حوا
لك ودي

أخي الامين موسي البشاري
تحياتي
ولك كل الود والله أنا ممتن جدا لعرضك بس لسه بت الحلال مالقيتا وبعدين زي ما عارف أنت حظي كيف مخستك مع بنات حوا
لك ودي

غايتوا يا ابو الزوز حالتك ثعبة لسة ما لقيت واحدة تضحى وتقبل بيك

وبعدين ياخى انت مد كرعينك على قدر لحافك الموديك تعاين للقمرة شنو والله صحى

وضاحه
كيفك
شنو يعني نهوول أكبر من مقداراتي الله يسماحك بس
شكرا علي مرورك

الاستاذ أسماعيل عباس
تحياتي
شكرا ليك ياجميل وعسي أن يكون قولك في مكانو ياصديقي

سلامات يا أبوالزهور..

ياخ إنت تكون ماشي كوييييس مع الجكس ، وفجأة تعمل ليك حاجة تطير الحمام كلو
إنت بتمد القرعة طوالي والا شنو ؟؟
نهول دي قالت ليك عديل كده العرس ده ممارسات ناس قدام!!!! وتيب، راجي الري إنت؟؟
ما تكون شالت فيك مكنة فارق العمر، ومن جيلنا، وقصة القراية دي..
قول ليها أنا زاتي ما زول عرس، أصلو ما تخليها، خليك كده معاها لحام.





البيعجبني فيك إنك بتجهز (طعامك الجيد) قبل شراب الدواء..
فول شنو كمان في الصقط ده!!

يا صلاح
تحياتي

ياخي البشكير قاعد لسه معي أنت أظنك عايزليك شقفه منو !!!!!!!!!!!!!

يا صلاح
تحياتي

ياخي البشكير قاعد لسه معي أنت أظنك عايزليك شقفه منو !!!!!!!!!!!!!

الاخت منال
تحياتي
يا خي وين العروس والله أنت ماسورة بس نشوف عرضك أمكن يكون محرز
لك ودي

Quote: (قمت أنا سرقت البشكير بتاع الحمام لانو بالنسبة لي قطعة ذات دلالة جمالية من الرهيبه نهوول ونهوول لما عرفت أنو انا سرقت البشكير قالت لي بكل برأءة لو عاوزبشكير ممكن أجيب ليك واحد جديد أخوكم بكل خجل قال ليها (لا والله شكرأ عندي بس أنا كنت عايزحاجه من ريحتك )

كمان الحكاية حصلت سرقة بشاكير ؟!

أبو الزهور إنت منك خوف عديييييييييييييل كدا ...

Quote: (لا والله شكرأ عندي بس أنا كنت عايزحاجه من ريحتك )

حاجة تانية يا زهير ، البشكير لسه معاك ؟؟
عندي فكي مبالغة، تمشي له وتديه البشكير ده
وترقعو بخمسين ، بكرة الصباح تلقاها بايتة جنب خشم بابكم..
البشكير ده ما أتر ، إنت قايل شنو؟؟


أها البشكير في ؟؟

Quote: إنت بتمد القرعة طوالي والا شنو ؟؟ نهول دي قالت ليك عديل كده العرس ده ممارسات ناس قدام!!!! وتيب، راجي الري إنت؟؟

غايتو بقيتو تلخّو لخ!!
أو كما يقول صديقي نادر النور!!

Quote: غايتو بقيتو تلخّو لخ!!

لكن نعمل شنو يا ودالصايم مع زهير ده ياخ..
جِنو حب ورومانسيات ، زهجنا زاتو ..
زول الرزق يجيهو لغااااية عندو ، يطلع فارة رزق!!

يا معلم .. الخوف الحكاية تكون دايرة دفرة!!

Quote: يا معلم .. الخوف الحكاية تكون دايرة دفرة!!

غايتو بقيتو تلخو لخ!!

أمونه
أنت من ماسنجر داخلي وفيهو نصحيه عملت معركة وفتحتي بوست والله بشكيرك لو بقي من حرير ما بسرقو؟!!!!!

Quote: والله بشكيرك لو بقي

هسي الواحد يكاكي ولّ يلخّ .. الدبارة شنو؟

Quote: بالتاكيدأنا ما ح أسرد حقائق تسبب حرج ولا جرح مشاعر لصديقة أبدأهذا عهدي مع نفسي وقيم الجميع هنا في المنبر وهن في النهاية أخواتي العزيزات وشكرا علي تقريظك لمادة البوست عسها تكون كذلك ؟!

خلاس سويتا خوة!؟

في خوة بتبكي سيدا!؟
في خوة بتسّهر ليالي!؟

الا كان دي الخوة الجديدة!!











----

ثم ياخي في "اخاء" تدبج له البوستات الزي دي!؟

كرهتونا الشيوعية ذاتو ياخي!!



ركز يا ابو الزهور .. ركز
مسألة الاخاء و الصداقة بين الشعوب و كل القصة (الاممية) دي خليها للشيوعيين ياخي!

*أيوة خلاص ود الصايم وكمان قيقاالرهيب ....عايزين يودوا البوست دا الخور عارفكم أنا

بالله ياشباب كونوا عقلانيين شوية مع طرح أبو الزهراء المعقول جدا جدا

*أيوة خلاص ود الصايم وكمان قيقاالرهيب ....عايزين يودوا البوست دا الخور عارفكم أنا

بالله ياشباب كونوا عقلانيين شوية مع طرح أبو الزهراء المعقول جدا جدا

Quote: هسي الواحد يكاكي ولّ يلخّ .. الدبارة شنو؟

لا هذا و لا ذاك..







----
الدبارة: أجري بيت ناس خالتك ، سريع.

Quote: *أيوة خلاص ود الصايم وكمان قيقاالرهيب ....عايزين يودوا البوست دا الخور عارفكم أنا بالله ياشباب كونوا عقلانيين شوية مع طرح أبو الزهراء المعقول جدا جدا

يا ابو الزهور انا احتج بشدة .. و كدارة عديييل كدا
ياخ ما تلمني مع الشمس ديل ياخي

سواق الخور الله عالم بيهو




ثم ياخ ما ممكن تكون (كاتب) و ناقد انت دا براك ..
خلي حاجة للقارئ يعملا ياخي

خليو هو يحدد مسألة المعقولية دي











----------

صالح ابشنب دا انت ما شايفو

اوريك قصة بيت الخال دي!؟
اقول يا صلاح!؟

طلعت من المولد بي بشكير هههههههه

كويس الماقالت ليك امسح كوعك

ياخي انت ذاتو شليق شلاقة نفيسة الجات تتدخن حرقت الكديسة

تحياتي

زاتوووو

إنت يا زهير

أظنك بتقدم ورقك لنسوان متزوجات !

ياخي ما أظن الفتوات ديل كلهن ما لقيتلك فيهن عروس

إلا تكون نايملك فوق راي

Quote: بالله ياشباب كونوا عقلانيين شوية مع طرح أبو الزهراء المعقول جدا جدا

يااا أبو الزوز ..
عقلانية شنو مع البودي الإنجليزي
وأحلام اليقظة الإنت عايش فيها دي ياخ!!

Quote: اقول يا صلاح!؟

النبي فيك كان تقول يا قيقا..
نحن أخوان ياخ، الايامات دي الناس دي سمها فاير وجنها محاكم.

وبعدين ياخ إنت ما شايف (الزول زاتو بالانقليزي) بيغيّر في الامثال كيف؟؟
بس فلاحتك فيني انا المسكين ده..

Quote: وبعدين ياخ إنت ما شايف (الزول زاتو بالانقليزي) بيغيّر في الامثال كيف؟؟ بس فلاحتك فيني انا المسكين ده..

شايفو و الله تاني قام جاب سيرة الكديسة!!!














------

لكن مثلت غمران .. مع المثّلوا بامثالنا الشعبية ..

المافي شنو!؟

يا قيقا

المراة التزوجت زوج بتها

الحصل شنو فى الفلم ما تابعتوا تانى

وحارقى لى قلبى لى للحين

Quote: يا قيقا المراة التزوجت زوج بتها الحصل شنو فى الفلم ما تابعتوا تانى

طلعت ما مراة ذاتو!!














------

انت لسة هناااااااك!؟



مع ابو الزهور ..
مش ح تأدري تغمضي عنيك

يا قيقا
(طلعت ما مراة ذاتو!!) دا شنو والله مراه بالجد مراة مالك أنت بقول كلام سريالي كدا مع الشباب

اللهم أهدي قبقا لسو السبيل

Quote: اللهم أهدي قبقا لسو السبيل

اللهم آمين يا أبوالزهور ياخ..
غايتو أنا ما عارف الناقص في الكلمة الفوق دي
ألف وهمزة ، واللا همزة بس..









------
شنو قصة العروس الطلعت راجل دي؟؟
إنت ووضّاحة قررتوا تغيروا موضوع البوست ده واللا شنو؟؟

Quote: شنو قصة العروس الطلعت راجل دي؟؟ إنت ووضّاحة قررتوا تغيروا موضوع البوست ده واللا شنو؟؟

في ذمتك البياكلا الدود دي انا جبت سيرة رجالة ول ذكورة يا ابشنب!؟















------

انا - بفضل دعوات ابو الزهور الملحونة دي- لسه سوءي ما وصل للدرجة دي ياخ!
قصدي انها طلعت بت سغيرة ياخي!!

Quote: قصدي انها طلعت بت سغيرة ياخي!! بالله.. ----- أمنحني لحظة، أتحسس فيها قنبوري.

Quote: يا معلم .. الخوف الحكاية تكون دايرة دفرة!!

يا حموودي احنا والله شهادة الحق دي ما بنوم بيها و بنقولها حتى لو ما في صالح ورقنا
ابو الزهور في احد تجلياته الوثيرة - ايام بوست الجعباط - كتب مخاطبا واحدة أبتو و حلف بالله انو لا علاقة له بجماعة اخوات عزة اللذاذ
وبكل شجاعة افاد انو مستعد يخضع لي اي نوع من انواع الفحص طشتا كان او غيره

هذه شهادة حق ما كان لي ان اكتمها
وجزاني الله خير

ودالبشري الله يجزي شيطانك فضحتني دا شنو

يا ابا الزهور فضيحة شنو ياخوي - اسي انا جبت سيرة نتيجة الفحص؟
حركات حموودي دي كان سكتنا عليها بتمسك فيك وانت عارف البورد
البقولوا عليه كوز ببقى كوز ولا على كيفه
كذلك الارزقي و الانتهازي و البقوم دفرة
فكان لازم ننفي الكلام دا و نوري المغرضين من لدن حموودي و ازواجه - و الحقوق للحبشي - مدى شجاعتك و شفافيتك في أمر خضوعك للتست

بوجود الاخوة

محمد ودالصائم

صلاح عبدالله

قيقا

ودالبشرى

فان البوست مرشح للخور لا محالة







تحياتي لكم جميعا

يا قيقا وصلاح عبد الله

بالنسبة للمثل بتاع الزول زاتو

أعتقد إنه ترجمو من العربي للإنجليزي وتاني قام ترجم ترجمة مرتدة

عشان كدا طلعت (القطة) دي اللي كتبها الكديسة

كدي يا قيقا فتش من الزاوية دي حتجيب قرار المثل

_______________

مجرد تحليل بريء

بوست جعباط؟
جماعة أخوات عزة؟
يا ود البشرى الكلام د وين؟

يااا ود البشرى ما تبهتني ساي ياخ!
أي زول يقوم دفرة لازم يكون أخو عزّة يعني؟
ياخ الدراسات العلمية دي قاعدة تعمل شنو؟
الحلة دي بطول الاستعمال يمين تفوّتكـ أخوات عزة زاتو!!

Quote: الاخت منال تحياتي يا خي وين العروس والله أنت ماسورة بس نشوف عرضك أمكن يكون محرز لك ودي

وحاتك العروس جاهزة ومنتظره الاشاره بس
لكن انت فاضى من سرقة البشاكير

ودالبشرى تحياتي

فقدناك الخميس

Quote: ابو الزهور في احد تجلياته الوثيرة - ايام بوست الجعباط - كتب مخاطبا واحدة أبتو و حلف بالله انو لا علاقة له بجماعة اخوات عزة اللذاذ

أبوالزهور دا انا ختيت ليه خارطه طريق يعرس من غير ما يتكلم وأتعهدت ليهو بدستة k-y شهرياً وهسع بزيد عليها علبتين (أبوقرن)* شهرياً بس يسمع الكلام


---------

أبوقرن دا حاجة كدا بجيبوها من سوق التنين علبتها صفراء وفيها صورة (بعشوم) وفيها روشتة تودي الخور اكتر هديه بحبوها فمافوق الخمسين في السودان

Quote: وحاتك العروس جاهزة ومنتظره الاشاره بس لكن انت فاضى من سرقة البشاكير

ياخي عريسنا ده زول جاهز عايز يسرق البشكير قبل مايجيب الحمار
بعدين انتي متاكدة عروستك دي لمن تشوف زهير ما حتقول عايزه تعمل ماستر هههههههههه

بالنسبة لي موضوع الكديسة اعتقد انو بتتكلموا عن نفيسة تانية

تحياتي

زاتوووو

يا حموودي ...
في المسألة * انو ابا الزهور دا حبيبنا وما بنرضى فيه
وانا عارف امخاخ الاعضاء و القراء المعفنة ح تمشي في ياتو اتجاه لمن تجي سيرة القيام دفرة
فكان لزاما علي امرق النصيحة الربنا بسالني منها

يا عزيز ما تفقد غالي
اخوك كبر وكدا على سواقة الهاي واي
تاني بالله تعالولنا العين
الجو مبالغة عندنا غيم شديد




* حقوق في المسالة للمشرف

*أنت يا ود البشري قلت أنت معزوم في مدنيةالعين لا أنا ما فهمت الكلام كويس ؟ كدي فهمني تاني!
ولا أشرح لي لانو لسه ما صحصح أخوك

يا ودالبشرى ، طشت شنو ياخ!!
أبوالزهور ده فحولتو يقال إنها قرّبت تفوت نكتة السوداني مع (أخو عزة)*
والمصري والسوري الكل واحد فيهم جا طالع بي تيمان!!
زول بيشرب الدوا في مواعيدو ويتعشى كويس ده ما تخاف عليهو أصلو.
الإجازة الجاية ح أبرمج معاهو وأجيب ليكم الأكيدة .





-------
حذفنا ما تحت الخط درءاً للفتن، وإسكاتاً للخشّامة..

Quote: بالنسبة لي موضوع الكديسة اعتقد انو بتتكلموا عن نفيسة تانية

و هل لديك ما يثبت ذلك!؟

يا قيقا
أنت بتعرف نفيسه بت شمينا حبوبتي
وكديستي البونيه أنا كنت مستمع بنومة بعد الغدا
خليك مع ناس صلاح ديل مان تو مان لحدي ما أرجع ليك