الشاعر الجميل مجاهد عيسى عاد إلينا بعد زراعة الكلية الجديدة بالأردن

بالتلفون ... ومن رقم جديد خالص..جديد زي الكلوة الجديدة التي أعادت إليه الحياة...

- يا زول معاك مجاهد...

- مجاهد عيسى؟؟؟

- هههههههههههه... آآي تصدق؟؟

- لا طبعاً ...وأصدق كيف؟؟

- المهم ..أنا رجعت الحمد لله ...وعال العال كمان...

------- عبرات كدا من النوع الغريب داك.-----------

- لا يعني جيت الليلة؟؟؟

- لا يا زول أنا لي قريب شهرين هنا.. لكن لإعتبارات صحية قالوا مفروض ما أقابل الناس...

- ما تقابل الناس كيف وإنت من لا يعرف أن يعيش بغير الناس....الناس بالنسبة ليك كل حاجة يا مجاهد ياخ...

- كدي هسي خلينا في المهم...العشاء في المطار القديم تحت مكتبة الساعة بتاعة جامعة الملك عبد العزيز

يوم الخميس والجية تكون بدري يعني عشان الأيام دي الجو شوية بارد في جدة...

يعني حوالي الساعة 9 مساء ...

ما عارف ..

لكن دي الدعوة كما قالها مجاهد شخصياً...

يا بورداب جدة...

والله لو الواحد ما يخاف عليكم من الفضيحة...

كان سماكم ..."بارداب" جدة...في برود أكتر من إنه مجاهد يجي وما تحتفوا بيهو؟؟

وننتظر لحدي ما هو يعزمنا الكرامة؟؟

مجاهد مفروض يحتفي بيهو وبسلامة عودته كل العالم...

حمداً لله على السلامة وعلى نجاح العملية يا زول يا فنان..



...

المهم:

هلموا إلى العشاء يا بورداب جدة حسب ما هو موضح أعلاه..

لو أصلاً في حاجة موضحة أعلاه...

أنا أكتب ودموعي جارية جري شديد...

حبابك يا مجاهد ياخ...

..

الف حمدا لله على سلامته
أثابه الله أجر الصبر والإحتمال
وألبسه ثوب الصحة والعافية
اعذرنا لو قصرنا في حقك
تجربة صعبة بلاشك أتمنى أن تكون خرجت منها أكثر قوة ومنعة يامجاهد
شكرا محمود على هذا الخبر السار