حكومة الموتمرالوطني في حالة كونها حرااااامي....!!!

حكومةشنة ثم رنة ومالية الدنيا ضجيج وفي سبيل الله قيل في الاثر بانها قامت
تفتح الاخبار فتسمع بانها متهمة بالسرقة واللصوصية وجازفت بترول الجنوب في ممارسة زيها وزي بلوتيكا شفط الوقود ومجازفته عبر الخرطوش عن بعض سائقي للواري السفرية في طرق السودان وجخانينه

البترول ده الانقاذ كانت مالية يدها منو وعوض الجاز واخرين كانو خامجين سوقو خمج السنين
عملت منو شنوووووووووو...؟؟ لمن كان زي المطر وبكلياته تحت تصرفها..
بعثرت امواله وذهبت الي رصاص وجبخانة وكلاش الي كروش والي فساد...


حسسع جايين تسرقوا..؟؟


يا سبحان الله او كما يقول الشهير ابو ضفيرة حياه الغمام

الاخبارية والانذار المبكر بالسرقة والفقع قيل في الاخبار بان شركات ثلاثة عاملة في النفط هي من ابلغت حكومة جنوب السودان قائلة

هيييي هاجة دي مندكورات سرقو

عرفنا وسمعنا بسرقة السلطة وقلنا اوووكي البجي من الدقن والدبابة بستحملها الشعب عقدين ونيف من الزمان
وسمعنا بسرقة ثروة هذا الشعب الفضل
وشفنا سرقة لسان الشعب السوداني حتي قيل بان البشير هوالشعب والشعب هو البشير...

اهااا علي اخر ايامكم يابني كوز جابت ليها سرقة بترول الدول المجاورة
التي هي في امس الحاجة حتي ولو لقزازة من هذا البترول لانتشال شعبها من الفقر والتخلف

ناس لمن انفصلو وذهبو منكم ضبحتو الخراف واقمتم الولائم والليالي الملاح
وقبل ان تجف دماء الابقار والخراف التي نحرت تقومو تسرقوهم..........الله ..!!ده كلام شنو يا موتمر يا وطني..؟؟

احمد البلال الطيب جابو ليهو مايكرفون وطيارة وكاميرا تلفزيون السودان وركب برفقة وزير الدولة للنفط ولفلفو الحقول دي حقل حقل
وجابو موظفين لابسين ابرولات ودشنت حملة كبري لتخدير هذا الشعب الفضل وايهامه بان البترول ماشاء الله راااااااااااقد والخير ووفير وما في اي مشكلة لو مشي النفط الجنوب او لو مشي بوركينافاسو...وده كلو طلع كلام بندق بحر من بحور تغبيش الشعب الفضل تمخض الامر واصبح لصوصية ومجازفة لبترول الجنوب

في فترة ماقبل الانفصال وعندما كانت حملة التملص من المسئولية التاريخية والتغبيش بمستقبل زاهر للسودان الشمالي في حالة ذهاب وجع الراس الجنوبي كان الاقتصاديون الانقاذيون (اقتصادي السلطان) الذين هم مثلهم ومثل علماء وتنابلة السودان يسوقون لواقع اقتصادي رائد لوطن سوداني شمالي لن يتاثر قيد انملة في حالة ذهاب الجنوب وموارده...ولكن سرعان ما وقع الفاس في الراس او الراس مشي بدقنو الي الفاس
وصارت الخزينة خاوية علي عروشها...
وبدات رحلة (فقه اللبع والفقع) باسم الرب

كل اول ليهو آخر ...الواحد بقى عشان يلقى ليك
بوست لازم يعرف العوم ...عشان يقدر ينزل تحت ..
باقى بوستاتك بقت (حتالة) .... يعنى بتحتل ....

Quote: كل اول ليهو آخر ...الواحد بقى عشان يلقى ليك بوست لازم يعرف العوم ...عشان يقدر ينزل تحت .. باقى بوستاتك بقت (حتالة) .... يعنى بتحتل ....

هلا والله يا مرجف
الغياب عن الملاعب الاسفيرية زيو وزي الغيابات عن مداعبات الكورة
ولكن تمرين تمرينين حتلقي خالك جووه الفورمة وبعدها تعال اشرب وقارن

والله يوصل شركاء نيفاشا ديل بالسلامة وبعدها
قابلني علي حافة الاسفرة

سلطة الموتمر الوطني في حالة كونها حرااامي نفط دولي…!!!

تناقلت الاخبار وتطاقشت موجات الاثير التلفزيوني والاذاعي لكي ينقل ويحدث العالم اجمع بان هنالك حكومة بلد من بلدان هذا العالم الفسيح تمارس اللصوصية البترولية الشديدة وتستولي بدون ادني مصوغ اخلاقي او سند قانوني علي املاك وموراد وحقوق الغير وسرعان ما توشحت حكومة الموتمر الوطني القابعة في جغرافية السودان الذي فضل وتقزم ثم تشرزم بهذه التهمة التي ادهشت العالم المتحضر في زمن يتكاتف العالم من اجل صناعة قانوني دولي يحمي حقوق الشعوب…

فالموتمر الوطني الذي كان قابضا بكل ايديه علي تلاليب بقرة السودان الكبير الحلوب ومارس في هذه الثروة ابشع انواع الافساد والتخريب والبعزقة وحول مدخلاتها الي رصاص وانتنوف وادوات حروب قتلت ولاتزال تقتل اهل السودان وبعد ان اتي الانفصال الذي ساهمت فيه الانقاذ عبر ادواتها وازرعتها العنصرية في شيطنة الانسان الجنوبي وتحويله الي ابليس اسود اللون وجب بتره حتي يقام الدين وتقام دولة السد السد ودولة الطيب مصطفي وبشيره المشحونه بالدغمسة والورجغة.. في ظل تلك الفترة التي هطلت مليارات الدولارات من بترول السودان وانقعشت الان سحاباتها الي سراب بقيع ودولة كسوح اصبحت همباتي ولص دولي تعزف له صفارات الانذار والتحذيرات الدولية من سلوكها السيي الصيت…!!

والسرقة في فلسفتها العالية هي حيلة العاجر والضعيف وقليل الافقي وعديم الحيلة وتلك صفات امتزجت وتشكلت في تركيبة هذه السلطة التي دخلت دورب وجودها الكوني في المي الواقع المرير واقع وطن صار يترنح ويتهاوي من اثر القبضة السااارقة لموارده وحتي سرقة الموارد السودانية لم تكفيها ومدت انابيها واياديها الصدئة الي الدول الجنوبية التي تحتاج في فقر مواطنيها الي تلك الحقوق المكتسبة من مواردها …!!

هي دورة من دورات سلوكيات الدول الدكتاتورية والعصابات المقرصنة للدول والشعوب ومشهد تهديه الانقاذ الي هذا العالم حتي يتفرج في تهتك وتمزق وتسلخ الانظمة
http://www.sudaneseonline.com/?p=49252

اب

كيكى
النظام اصلا ايدو خفيفة

فراق البترول حااااااااار








نظام همباتى وفاسد ومجرم ..وحرامــــــــــى

والله يا عبد الكريم
لم نرى حكومة المؤتمر الوطني في غير هذه الحالة
فيبقى دا طبيعي وهو ما جبلت عليه هذه الحكومة
حكومة رمت ساسها بسرقة في فجر يوم جمعة فاضل

ما يحيرني ويحير سكان الحيرة في العراق أيضا
هو هذا التناقض الغريب بين حرص نافع على تسوية
الخلافات حول البترول وبين مواقف مطبلاتية الإنقاذ
التي تتراوح بين من هو شامت على أن حكومة الجنوب
لا تستطيع وقف ضخ البترول، ومن هو غير آبه بالبترول من أساسه
وما زال متشبثا بسراب الازدهار الاقتصادي الذي وعدت به الإنقاذ

Quote: هيييي هاجة دي مندكورات سرقو

ضحكت لما تخيلت صيني أو ماليزي يتكلم عربي جوبا

Quote: ناس لمن انفصلو وذهبو منكم ضبحتو الخراف واقمتم الولائم والليالي الملاح وقبل ان تجف دماء الابقار والخراف التي نحرت تقومو تسرقوهم..........الله ..!!ده كلام شنو يا موتمر يا وطني..؟؟

سؤال انما هو سؤال
وفى انتظار اجابة كيزان المنبر

شكرا على البوست الحيوى دا يا ياخ عبد الكريم

Quote: حكومة رمت ساسها بسرقة في فجر يوم جمعة فاضل

هلا وتحياتي يا سنير
والجماعة ديل ادمنو السرقة والكضوبات منذ مقولة اذهب الي السحن حبيسا وساذهب الي القصر رئيسا
ومن ديك وعيييييييييك
وما يجري الان في امر البترول الجنوبي هي فضيحة كبري بكل المعايير وسقطة لسلطة ساقطة في كل الملفات الوطنية

وله الله هذا السودان يا جعفر يا صديقي

Quote: فراق البترول حااااااااار

هلا يا طوربيد
والبترول الذي ذهب مع الريح عمل للناس دي (ام هلاهلا)
وحالما رشحت الانباء عن قفل الانبوب والتنسيق الجنوبي مع كينيا اشتاط القوم غضبا وهم الان يرغون ويذبدون
بكل عدم حياء وخجل في سلوك اجرامي واضح يوضح مدي الاصرار والترصد لنهب بترول الجنوب ده باي ثمن
ولكن فاااااتهم القطار

Quote: سؤال انما هو سؤال وفى انتظار اجابة كيزان المنبر شكرا على البوست الحيوى دا يا ياخ عبد الكريم

تحياتي ياايمان
كيزان المنبر نفسهم مقطوع من اثر الغيظ والحنق علي البترول الذي طار طيرة الدريش من العريش
وفاتهم قطاره الذي كان يمنون نفسهم ان يواصلو في رحلة لهطه وسرقته كما جبلو علبه طيلة العشرين سنة ونيف

الاخبار الاقتصادية التي نشرتها قناة الجزيرة افادت بان حكومة الانقاذ قد باعت شحنة البترول الجنوبي التي سرقتها بسعر بخس يقل بحوالي 14 في المية من السعر المتداول لمثل هذا البترول
وهي سلوك (حراااامية) وممارسة سوق اخوان معروفة عندما ياتي الحرامي الي سوق الاخوان بمسروقاته ويبيعها باقل الاسعار ويفرتق

سلام يا كيكي

ياخي الايام دي مافي شي مزعلني قدر تهمة السرقة اللاحقانا بسبب الحرامية ديل

وقبل كم ساعة بتابع في تلفزيون الجنوب، الكاميرا ناقلة خطابات جماهيرية لكل السياسيين في بعض الولايات
باجندة واحدة، وهي شرح وافي للمواطنيين لماذا اقدمت حكومتهم على وقف تصدير البترول (ما شعب ولازم يشرحوا ليهو)

شفت الاحترام كيف

ونهديهم الاغنية دي

جب جلب .. سحبو مني

سلام

كيكي


خلاص بي موية كملت

خليهم يشوفو ليهم شغل تاني

Quote: جب جلب .. سحبو مني

هلا يا احمد وتحياتي
وقلنا ليهم خلو مامون البرير يصنع (شامبيوون) كثيييييير كده وفجاة يشترو ناس الحكومة ويضخو في الانبوب القعد دلدول ده
--------

فضيحة كبري وسقطة تتراكم مع سلسلة السقطات الكبري لهذه السلطة
وعلي اخر عمرنا يضحكو علينا في المنافي دي ويقولو لينا يا سراقين البترول

Quote: خلاص بي موية كملت خليهم يشوفو ليهم شغل تاني

هلا يا عوج الدرب ومشتاقين ياااخ
وحكومة الجنوب قلبت التربيزة في وجوه ودقون السماسرة ديل وخلت خشمهم ملح ملح
وهم مفتكرين الحكاية ملعوبية..
وبعد ده تاني ما فضل ليهم الا يكابسو الغلابة البنقبو عن الدهب وتقلع منهم
عشان يواصلو رحلة السرقة واللصوصية