Post: #1
Title: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-13-2012, 10:16 PM
Parent: #0
Sudaneseonline Biggest Loser
بحمدالله استطعنا اكمال الدورة الاولى (اربع شهور)
من مسابقات سودانيزانلاين لنقصان الوزن
وتم اعلان ترتيب المتسابقين بعد ان اجاز الحكم النتيجة
النهائية ...
نبدا هذا الاسبوع الدورة الجديدة وندعو جميع الاعضاء والقراء
المشاركة وتحقيق المستحيل ...كمثال انا استطعت بتوفيق
من رب العالمين ان انقص 10 كيلوجرام(22 رطل)
البوست خفيف وفيه كثير من التعليقات التى تجعل متابعته
اقل مللا من البوستات الطويلة ذات الصفحات الكثيرة....
ساقوم هنا بزكر كل المشاركين فى البوست وكبداية
اليكم الحكم الوحيد فى المسابقة ...
<>
|
Post: #2
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-13-2012, 10:24 PM
Parent: #1
العمود الفقرى للبوست والحارس الامين
مريم بت الحسين....
رغم حالات الاحباط الشديدة التى مرت على ورغم صعوبة
المهمة الا اصرار مريم على رفع البوست كان حافزا للمواصلة
وعدم الاستسلام .....
ترتيب مريم كان الثالثة بين المتسابقين الا انها الاولى
فى التحفيز والاصرار والثقة بالنفس ...
<>
|
Post: #3
Title: Re: نحتفل ب10 الف نقرة على بوست الصحة واللياقة ونقصان الوزن
Author: Mohammed Elhaj
Date: 01-14-2012, 10:50 AM
Parent: #2
شكرا على البوست المفيد والممتع يا النصري
وعقبال 20000 نقرة كهدف قريب و100000 نقرة كهدف بعيد على غرار تعليقات حكمنا الخطير
بجانب الموتفيشن البيوفرو البوست والمعلومات المفيدة من سمارت و مريم وبقية الشباب
فاكترىحاجة ممتعة وبتخلي الواحد يتابعو يوميا هو السرد الجميل للتفاصيل اليومية للمشاركين في اصقاعهم البعيدة القاعدين فيها
البوست افتقد واحد من اظرف القودفاذرز بتاعينو ( يونس شلبي) مشى وين وهل حيرجع تاني يا نصري؟
التوقيع
البقست لوزر للعام الماضي الجائع محمد الحاج
|
Post: #4
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-14-2012, 02:15 PM
Parent: #3
سلام محمد
للاسف يونس شلبى غير مواعيد شغله واصبحنا لانتقابل فى الجيم...
الغريبة كل يوم بمر من امام بيته واشوف عربيته الحمراء....
الزول ده يا محمد مصيره يبقى ضعيف زى القناية لانه عنده اصرار
وتحدى غريب .... بعد فترة حامشى اقابله ونشوف الفرق عندى وعنده.....
-----------------------
فعلا البوست بالنسبة لى بقى المدونه اليومية او diary
التفاصيل دى بعد فترة قصيرة حتتنسى لكن الحمدلله اكتبت والواحد
ممكن يرجع ليها اى وقت.....
-------------------
|
Post: #5
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-14-2012, 02:23 PM
Parent: #4
مجموعة الشرف الاولى.....
<>
|
Post: #6
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-14-2012, 02:48 PM
Parent: #5
<>
|
Post: #7
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-14-2012, 02:59 PM
Parent: #6
<>
|
Post: #8
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-14-2012, 03:12 PM
Parent: #7
<>
|
Post: #9
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-14-2012, 03:31 PM
Parent: #8
<>
|
Post: #10
Title: Re: نحتفل ب10 الف نقرة على بوست الصحة واللياقة ونقصان الوزن
Author: Mohammed Elhaj
Date: 01-14-2012, 07:51 PM
Parent: #9
حكاية الجري ساعة او نص ساعة يوميا دي يا النصري و تاثيرا الايجابي مرت بي برضو مع صديق
كان اوفرويت بشكل واضح تماماً
فعلاً زي ما انت كتبت في البوست قلل شوية من السكريات والنشويات والدهون (ودي في حد ذاتا حاجة مهمة جداًً) وبقى يجري في التريدميل نص ساعة يومياً
قال عمل نظام اذا خرمج شوية واكل ليهو قطعة حلويات او كدة بيعاقب نفسو بي نص ساعة اضافية جري
بعد فترة لما لاقيتو كان فعلاً بني ادم مختلف
اضطر حسب كلامو يشتري هدوم من اول و جديد
الكلام دا منطقي جداً
اذا كنت في المتوسط وحسب طبعة شغلك وحركتك بتستهلك في يومك 1500 - 1800 سعر حراري
فانت مطلوب منك تتناول نفس المعدل دا اذا كنت عايز تنقص وزنك
واقل منو اذا عاوز تنقص وزنك
وطبعاً اكتر من المعدل دا بتزيد وزنك
اذا اتناولت نفس المعدل ومارست رياضة
جري او مشي مثلا فحتستهلك جزو من السعرات دي و بالتالي حتفقد وزن
ذات سمبل
سمارت ما شافت النظريات دي يعني ولا يونس شلبي لما تلاقيهو بالله تحياتنا ليهو انا طبعا مع الاسم متخيلو عربي خخخخخخخ
طبعا يا نصري التداعي واليوميات دي من اجمل الحاجات في البوست زي ما قلت قبيل
متذكذ انو ماركييز قال في مرة انو بيحرص عليها كزوادة للكتابة لما يحتاج ليها
وانت تحديدا عندك موهبة جميلة
شكلك ضليت طريقك من الادب والكتابة
تحيات برضو للشباب الظهروا في البوست واختفوا حضارات سادت وبادت ونتمنى يرجعوا يواصلو في البوست
سلام
|
Post: #11
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-14-2012, 09:25 PM
Parent: #10
مشكلتى الكبرى يا محمد اننى ما زول رياضى واخر عهد
لى بالجرى (والعرق) امكن فى الثانوى العام اى قبل 42
سنة ...... انا ابدا اتريض بانتظام كانت عملية شبه مستحيلة,,,,
اى واحد لازم يفكر جاد "اذا النصرى امين عملها انا بقدر اعملها"
انا بديت بربع ساعة وجرى (او مشى) بسرعة 4 ميل فى الساعة
كنت بخلص الميل وبقيف طوالى وشايف روحى حققت المستحيل,,,,
المستحيل مش جرى الميل الواحد ....المستحيل هو الانتظام فى جرى
الميل الواحد .......
---------------
| Quote: تحيات برضو للشباب الظهروا في البوست واختفوا حضارات سادت وبادت |
والله فعلا اتمنى يرجعو عشان نتشارك التجارب ....
يشجعونا ونشجعهم ......خاصة جعفر محى الدين
الذى زاق من التحدى والسباق
|
Post: #12
Title: Re: نحتفل ب10 الف نقرة على بوست الصحة واللياقة ونقصان الوزن
Author: مريم بنت الحسين
Date: 01-15-2012, 06:40 AM
Parent: #11
النصري ومحمد الحاج ازيكم
والله يا انصري اخجلتم تواضعنا بالكلام المشجّع ده... وانا مدينة ليك بي شجاعتك على فتح البوست من الأساس... بالمناسبة البوست عنده تأثيرات قد ما تكون ظاهره ليك، يعني مثلا في بيتنا هنا، نادر ما بدا برنامج جادي بتاع ريجيم، لكن التوجّه العام في البيت بقى صحّي...امس مثلا عملنا غدا صحّي جداً، "نجرته" (وده مصطلح معناه اخترعته) ملاح بتاع زهرة (قرنبيط) cauliflower ... ومعاه شوربة بتاع بروكلي... الشعب اكل وطالب بالمزيد ودسينا ليه باقي الملاح عشان لما نسافر يستمتع بيه.... بقينا ندخّل خضار جديدة على بيتنا، السلطة مطلب شعبي يومي... وما ممكن تفضّل... لاني بعمل معاها زيت سمسم وgoat cheese تاااااااكل ما تدي الجنبك.... او بعمل معاها زيت زيتون... وبرضه ممكن تدق عشان مافي زول ياكلها منّك.... ده غير انه اصلا انا زولة بتاعت طبيخ بالفرن، جنّي وجن التحمير بكرهه عمى، ومن صغيرة يوم اشم ريحة تحمير من الصباح، بكون متضايقة...فكل اكلنا صواني بالفرن، قبل يومين عملت ليهم شبس بالفرن، ومعاه صوص (برضها نجره) عبارة عن زبادي وكتشاب وحببببة مايونيز وتوم.. الشعب برضه عجبه البطاطس خالص... ده اثر البوست على بيتنا... برضه بعرف ناس كتار متابعيننا ومتشجعين بينا...
ناس كتار بسألوني سر وزني النقص شنو، طبعا بفضل التشجيع على الاستمرار البلقاه في البوست ده شي اساسي، لكن الشي العملي البعمله ونافع معاي جداً وبسببه بقى نقصان الوزن عندي اسرع هو شراب المويه بالصباح على الريق، والمواظبة على شرابها خلال اليوم، حأفتح بوست أشرح فيه الطريقة دي... عشان دايما السؤال بكون حول الموضوع ده....
اقترح انه البوستات الخاصة باحتفالنا تبدأ بجملة واحدة عشان الناس تعمل link بيناتها... انا حأكتب كده
الصحة والرشاقة بعد 10 آلاف نقرة: (وبعداك العنوان بتاع البوست)... حأنزل بوست الموية حسي.. وبعدين حقوا يا النصري تنزل بوست لإلقاء القبض على أمير... بس ما تنسى تبدا العنوان زي عنواني كده..
|
Post: #13
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-15-2012, 05:57 PM
Parent: #12
يا مريم...عملية تجنيد و recruit لاعبين جدد صعبة شوية
كتير من الناس عارف زى جوع بطنه انو الشئ البعمل فيهو غلط
(مثلى زمان) لكن كسلان...متردد....خايف...قنعان...محبط من تغيير
متوقع ,,,
بمرور الزمن وتقدم السن ,,,تغيير المفاهيم امر حتمى ,,,
هنا فى الغرب(وبالتحديد كندا) امر اللياقة وال fitness فى بال
الاغلبية العظمى ...هى واحدة من همومهم الاساسية مثلها مثل الشغل
والاسرة ......
مثلا ....درجة الحرارة عندنا 30 تحت الصفر(برد يكتل عديل...وهى اول
موجة برد هذا العام...يعنى الشتاء نصه انتهى) لكن بالرغم
من كده تلقى الناس تتمشى او تجرى فى الميادين العامة.....
نحن السودانيين على العكس تماما ...انا مثلى حته نزلة (برد) لابتودى
لا بتجيب وقفتنى من الرياضة 10 ايام وحالتى عاملة فيها ابوالحماس
ياربى تكون الشغلانه جينية متوارثة!!!
انا برضو ملاحظ تغيير فى البيت تجاه healthy diet احتمال كبير
لانى قديتهم بالكلام عنها ......
بالنسبة لموضوع الموية....ماعارف ليه ما قادر اعملها,,,
احتمال عشان الجو البارد......غايتو هى فى بالى لكن فى صعوبة
فى تطويعها ...
|
Post: #14
Title: Re: نحتفل ب10 الف نقرة على بوست الصحة واللياقة ونقصان الوزن
Author: القلب النابض
Date: 01-16-2012, 05:59 AM
Parent: #13
متابعين في صمت
التزمنا ببعض التعليمات لاجل الصحة العامة
بوست كان مفيد وشيق
المتابعين الذين لا يتداخلون كثر
تحيات للبق لوزر
|
Post: #15
Title: Re: نحتفل ب10 الف نقرة على بوست الصحة واللياقة ونقصان الوزن
Author: حمد فتح الرحمن
Date: 01-16-2012, 01:29 PM
Parent: #14
مبروك يا النصري و مريم و عقبال النقرة المليون و انشاء الله تحافظو على الصحة و الرشاقة
اعتذر لغيابي عن البوست ، لانه برنامجي الفتر الماضية و الجاية ضاغط على مستوى البيت و الشغل
وان شاء الله اجي احصلكم قريب
|
Post: #16
Title: Re: نحتفل ب10 الف نقرة على بوست الصحة واللياقة ونقصان الوزن
Author: Elawad
Date: 01-16-2012, 04:40 PM
شكرا لك يا النصري والله بوستاتك مفيدة و شكرا لأركانحربك في البوست. متابعه معاكم مداخلة مداخلة و ربك يسهل.
|
Post: #17
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-16-2012, 05:03 PM
Parent: #16
سلام القلب النابض
شكرا جزيلا على المتابعة الصامته لكن لو اديتينا دفرة
صغيرة ما بناباها .....
اتمنى ان تظهرى معنا فى البوست حتى ولو بكلمة up خاصة لمن
يغتس البوست ....
وياريت كمان لو شاركتى باى معلومة ...شخصية كانت او عامة....
طبعا نحن بنفضل التجارب الشخصية لانها مؤثرة اكتر وتعكس
حال الناس العاديين .....
متوقعنك بهناك
|
Post: #18
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-16-2012, 05:20 PM
Parent: #17
سلام حمد
يازول عذرك معاك زى ما بقولو,,
اى زول بتمر عليهو ظروف ضاغطة بسبب الشغل و مشغوليات الاسرة....
انا نفسى غبت عن البوست لايام عدة بسبب الجرى بتاع الوحوش.....
بس اهم شئ ما تحصل لخبتة فى فترة الغياب دى (ناس مكدونالد وكى اف سى)
منتظرنك ترجع وتورينى التغيير فى الفترة الفاتت كان موجب ولا سالب
|
Post: #19
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-16-2012, 05:26 PM
Parent: #18
سلام يا ياسر
قبل ما اسال عنك...
داير اسال عن المكنه بتاعتك treadmill ...
اخبارها شنو ؟ غايتو بكون الصدا والعنكبوت
غطوها كلها (just kidding)
حلفتك بالله تجى ....تساعدنا ونساعدك...
تزيد حماسنا ونزيد حماسك....
عارفك مشغول وجارى (زيينا كدة) لكن الجرى ده ما عنده نهاية,,
ومدام اصلو جرى لجرى احسن بالمرة الزول يجرى على المكنه ....
نشوفك بهناك ,,,
|
Post: #20
Title: Re: نحتفل ب10 الف نقرة على بوست الصحة واللياقة ونقصان الوزن
Author: جعفر محي الدين
Date: 01-18-2012, 10:49 AM
Parent: #19
النصري إزيك
مبروك الألف نقرة ومبروك النجاح الباهر
للبوست
هذا البوست وتداعياته أصبحت تلازمني
ظروف عملية جعلتني ابتعد عن البورد فترة ليست بالقصيرة
ونفس الظروف لم تساعدني على الالتزام ببرنامج رياضي ثابت
لكن التغيير قادم بإذن الله
ولك الشكر على بعد الله لأنك أيقظت فينا حب الرياضة من جديد
تحياتي لكل المشاركين والدورة الجديدة أتمنى أن أكون الحصان الأسود
|
Post: #21
Title: Re: نحتفل ب10 الف نقرة على بوست الصحة واللياقة ونقصان الوزن
Author: النصرى أمين
Date: 01-18-2012, 05:47 PM
Parent: #20
سلام جعفر,,,
نعم ,,انا عارف مرات كتيرة بتمر على الزول
ظروف ضاغطة لكن لحسن الحظ انها ما بتستمر طوالى......
حسى انا لى قرابة الاسبوعين لم اتريض بسبب الظروف الغلط
لكن متاكد انها ازمه وحتعدى,,
قلت لى الحصان الاسود؟
وين مع ناس غباشى ديل....
الزول ده بكسح كيلو كل يومين ....
غايتو ربنا يسهل نقدر عليه
|
|