Post: #1 Title: أهل التراث، من يشرح هذة الكلمات (أنا ليهم بجر كلام) ؟ Author: محمد الامين احمد Date: 01-12-2012, 11:18 PM
يعنى اذا فى امكانيه تشرحو لينا معنى كلمات الاغنية دى بالتفصيل الممل تكونو ما قصرتو
الكلمات كما وصلتنى بالايميل
Quote:
أنا ليهم بجر كلام أنا ليهم بجر كلام دخلوها وصقيرهاحام ************ وسم أب درق البصقع جدري القيعه البفقع ومانع صوتك بردع الطيب في شطارتو مبدع ********** وسم أب درق الجدادى تكل الجدري البعادى للخصيم ضربو بياذى موسى المر الحجازي ********** وقرقر ملىللوسادة برنو وشال لي مكاده وديل جنيات الندادة سيدي الدار في السياده **********
وأنا غنيت جبتا قلبو فشلوالقالوا قصو دربو وفشلوا القالوا قصو دربو دق السنداله ضربوا ********* أنا غنيت جبت غناكم يا الزينين هوى براكم البدوركم تراكم حلق الطير لي غداكم الصف العامر رجاكم اتباشروا لي بلاكم واركزو زينب وراكم
Post: #2 Title: Re: أهل التراث، من يشرح هذة الكلمات (أنا ليهم بجر كلام) ؟ Author: ABUHUSSEIN Date: 01-12-2012, 11:33 PM Parent: #1
Quote: ,الغناء الحماسى والحماسه ,, لهو دور كبير فى الحس على القيم ووالكرم والجواد والنخوة والفروسيه ,ولما كانت الحروب القبليه فى السودان او المغارة ,وكانو يضربو النحاس ,والنقارة فى غرب ,,ياتو الناس وينتظمو ويستعدو الى الحرب ,وكان شعراء وشاعرات القبيله هم بمسابت وزارة الأعلام ,,والدكاتر النفسيين فى الحرب ,,وتغنى الى الأانسان الشجاع وهجاء الأنسان الـجـبان ,الخوف لبدوهو لمن تمشو وتجوة,,انا ليهم بجر كلام دخلوها و صقيره حام , شىء عجيب يعنى الفرسان الصناديد التقو ,وصقور هنا كنهم على وعد مع غنيم من موتا الطرفين اووليمه ,,وسم اب درق البصقع جدرى القيعه البفقع ,,ابودرق نوع من انواع الثعابين القوية السم ,,وجدرى نوع من نواع الامراض الجلديه القاتله ,وتلك اشارة الى العدو بقوة الفارس الدى سوف يوجهو يعنى احسن ليكم تجرو لو قابلكم ح أسوى فيكم تلك الاشياء ,,ومانع صوتك بردع الطيب فى شطارتو مبدع ,هنا دكر اسم فارس القبيله ,وسم اب درق الجدادى تكل الجدرى البعادى ,,للخصيم ضربو بيادى موسى المر الحجازى ,,هنا اتى فارس جديد من فرسان القبيله اللهو موسى اب درق الجدادى هو نوع من الثعابين ,والى بياكل الدجاج .والمر الحجازى شكلو زى الحجر وطعمو مر مرار شديده ويدخل فى علاج السكرى ,وهنا اشارة الى العدو ان الفارس صعب عليكم ملاقاتو ,,ولو لاقيتو موسى ح تشوفو منو الموت ,وقرقر مل للوسادة وبرنو شال لى مكاده ,وكلمة قرقر مل الوسادة ,مصطلح صوفى, بحد انا غنيت جبت غناكم يا الزينيين هو براكم ,الزينيين هم أهل الله والصالحين يعنى بعد الله تكون معنا,اتباشرو لى بلاكم واركزو زينب وراكم ,,وزينب هنا هى الشاعرة او الحكامه ,,والشاعرة او الحكامه هنا بي مسابت ,وفرع التوجيه المعنوى فى الجيش او سلاح الموسيقى ولو نخو او جرو او خافو الى شوف ليهم بلد تانى غير بلدهم وحريم غير حريمهم ,,لك التحية ولقلمك المميز نور يس ,,تصومى وتفطرى على خير ,