Post: #1
Title: شقيش قولي..
Author: طارق جبريل
Date: 01-12-2012, 09:52 PM
|
Post: #2
Title: Re: شقيش قولي..
Author: الامين موسى البشاري
Date: 01-12-2012, 10:03 PM
Parent: #1
ود جبريل
سلام .. تصدق اول مرة اتبسط من حسين خوجلي
كان الاسبوع الماضي جاب سهرة كاملة مع عبد الرحمن عبد الله
ياااخ انا اتسمرته عديل قدام الشاشة .........
غايتو (لايك) للطيش ودائما تتحفنا باختياراتك
كن بخير
|
Post: #3
Title: Re: شقيش قولي..
Author: mohmed khalail
Date: 01-12-2012, 11:52 PM
Parent: #2
شكرا ياخ
مافي أحلى من كده
|
Post: #5
Title: Re: شقيش قولي..
Author: طارق جبريل
Date: 01-13-2012, 10:15 AM
Parent: #3
Quote: شكرا ياخ
مافي أحلى من كده
|
ود خليل كيفنك
|
Post: #4
Title: Re: شقيش قولي..
Author: طارق جبريل
Date: 01-13-2012, 00:01 AM
Parent: #2
Quote: ود جبريل
سلام .. تصدق اول مرة اتبسط من حسين خوجلي
كان الاسبوع الماضي جاب سهرة كاملة مع عبد الرحمن عبد الله
ياااخ انا اتسمرته عديل قدام الشاشة .........
غايتو (لايك) للطيش ودائما تتحفنا باختياراتك
كن بخير |
شقي الحال كيفنك
والله يا حبيب عبد الرحمن عبد الله دة وكتين يديها رمية بالشايقي
وبعداك يدخل في العضم
موت احمر رسمي
|
Post: #6
Title: Re: شقيش قولي..
Author: هاشم محمد الحسن عبدالله
Date: 01-17-2012, 08:42 AM
Parent: #4
الحبيب ود جبرين ، كيف حالك مشتاقين والله ليك ، كيفنك والوالد ان شاء يكون بلغ العافية، شكرا على هذه الأغنية الكردفانية الجميلة، فلقد اهاجت ذكريات الابيض المدينة الرائعة بأهلها وناسها وطبيعتها الجميلة، وأتذكر حفلات عبدالرحمن عبدالله خاصة التى تكون فى الخريف والدعاش يسكر الساهرين مع روعة صوت عبدالرحمن عبدالله، لك الود باجميل .
|
Post: #7
Title: Re: شقيش قولي..
Author: انعام حيمورة
Date: 01-17-2012, 09:35 AM
Parent: #6
والله ما بقدر اسيبك ... قليبي اليوم مستني ..
ابو صلعة ازيك حلوووة منك
|
Post: #9
Title: Re: شقيش قولي..
Author: طارق جبريل
Date: 01-17-2012, 02:52 PM
Parent: #7
Quote: والله ما بقدر اسيبك ... قليبي اليوم مستني ..
ابو صلعة ازيك حلوووة منك
|
نعوم ياخي كيفنك ونعلك طيبة
|
Post: #8
Title: Re: شقيش قولي..
Author: طارق جبريل
Date: 01-17-2012, 02:46 PM
Parent: #6
Quote: الحبيب ود جبرين ، كيف حالك مشتاقين والله ليك ، كيفنك والوالد ان شاء يكون بلغ العافية، شكرا على هذه الأغنية الكردفانية الجميلة، فلقد اهاجت ذكريات الابيض المدينة الرائعة بأهلها وناسها وطبيعتها الجميلة، وأتذكر حفلات عبدالرحمن عبدالله خاصة التى تكون فى الخريف والدعاش يسكر الساهرين مع روعة صوت عبدالرحمن عبدالله، لك الود باجميل .
|
حبيبنا وقريبي هاشم
ياخي كيفنك ونعلك طيب
عبد الرحمن فنان تطريب عالي يا الحبيب
حليل الزمن وحليل الغناء
الوالد بخير يا حبيب نحمد الله
|
Post: #10
Title: Re: شقيش قولي..
Author: نادر النور آدم
Date: 01-18-2012, 06:28 AM
Parent: #8
يا معلم
صباحك ورد حسب التوقيت المحلي
.....
عبد الرحمن عبد الله صوت حنين ارتبط لينا بي ذكريات الطفولة ونكهة الحياة الطاعمة في الجزيرة
لما يجيبو ليه أغنية في برنامج الصباح في الإذاعة
وما أدراك ما صباحات حلتنا مع صوت البهائم الطالعة للراعي
وصوت اللوري مدورينه عشان يسخن قبل ما يطلع من الحلة
وريحة صاج الكسرة الرهيفة والصوت البقول تشششششش مع أول طرقة كسرة
والعتود النشييييط البنطط فوق العناقريب اللسة ما دخلوهم جوة البيت
بقى الواحد لما يسمعو ما يكون باقي ليه إلا يقوم يشيل شنطتو ويمشي المدرسة
.
.
.
.
.
.
.
ياخ تاني ما تجيب حاجات دسمة شديد زي دي من الصباح كدة
|
Post: #11
Title: Re: شقيش قولي..
Author: سارة كرودى
Date: 01-19-2012, 11:52 AM
Parent: #10
Quote:
مافـــــي أحلــــى مـــن كــــده
|
|
Post: #12
Title: Re: شقيش قولي..
Author: نادر النور آدم
Date: 01-21-2012, 06:27 AM
Parent: #11
طبيقاً للعسل دفق ..
خداراً للبياض صفق ..
|
Post: #13
Title: Re: شقيش قولي..
Author: Ahmed al Qurashi
Date: 01-21-2012, 07:11 AM
Parent: #12
طارق جبريل ازيك
نحن ناس الرملة والتبلدي جيناك لنستمتع بهذه الاغنية الرائعة والصوت الشجي
عبدالرحمن عبدالله قال انو استمع للحن من فتاة في منطقة دار حامد وهي ترعى غنمها و تندن بكلمات حفظ منها
اميش قولي يا مروح
ولا يا نكير سألني
ولم يحفظ بقية الكلمات وجاء الى الشاعر عبدالله الكاظم وحكى له القصة واسمعه اللحن
فقام الشاعر عبدالله الكاظم بعمل كلمات جديدة لهذه الاغنية مع الاحتفاظ بلحنها القديم
لك كل الود عزيزي طارق
|
Post: #14
Title: Re: شقيش قولي..
Author: عبد اللطيف بكري أحمد
Date: 01-21-2012, 01:10 PM
Parent: #13
آها ياحبيب : المرة دي برااااك جيتنا في محلنا،،
==
ودي مناسبة الزول يلقى فرصة يصلح بيها دكتورنا الموسوعة أحمد القرشي!!
أول شيء عبد الرحمن عبد الله بيسلم عليك ويقول ليك الأغنية صحيح كما ذكرت
وكلماتها كانت تبدا :
الله ياربي تجعلني ولا من سكان الجاني
ولا جاني نكير سألني ولا قالي يوت ماتغني
|
Post: #15
Title: Re: شقيش قولي..
Author: الفاتح ميرغني
Date: 01-21-2012, 02:50 PM
Parent: #14
شويخ من ارض مكناس.
تحياتي
مالك مرقت في الرملة الدقاقة والتبلدي داير تزازي بينا من غير زلزال؟
يا تيفا قول لود الخالة ده:" بشيشك بينا إترفق".
محبتي
|
Post: #16
Title: Re: شقيش قولي..
Author: سلمى الشيخ سلامة
Date: 01-21-2012, 08:15 PM
Parent: #15
رحم الله شيخى وحبيبى عبد الله الكاظم
ونحن من شهدناها وسمعناها بنكيرها
والله جانى نكير سالنى
تلك ايام بطعم الجمال كله
كنا نستبيح الخروج من بيوتنا
لمتابعة عبد الرحمن "ود بارا " كما كنا نسميه فى الابيض
وذلك قبل ان تاخذه الخطى باتجاه امدرمان فى اواخر السبعينات
كان رمزا من رموزنا فى الابيض
ولعمرى ما يزال
نتابع الحفلات التى كان عبقها ورائحة دعاشها
حتى اسمانا الناس "كراسى كزام " وتلك كانت الكراسى التى يتم تاجيرها لحفلات
الاعراس
ففى تلك الايام لم يكن للعزاء سوى الارض يفترشها الناس
والخيمة خيمة كزام للاعراس ايضا
وحين دخلنا الى الثانوى ، كان نصيبى ان ادرس كلية المعلمات فى الابيض
فكان يجئ الينا كل اسبوعين
حين كان يعمل فى "البطرى " فى الابيض "البيطرى والكلية كانا قريبين من بعضهما البعض "
ولعله كان حافزا لنا بالبقاء فى كراسى الدراسة بوحى من اغنيته "المعلمة "
فازدادت روحنا تعلقا به
ظهر عبد الرحمن من خلال برنامج كان يتوفر على تقديمه الاعلامى النابه "عوض محمدانى " رحمة الله عليه
فنقله من الابيض الى كل ربوع السودان عبر "رسالة كردفان"
فى السبعينات من القرن الفائت "رفقته من اعضاء فرقة فنون كردفان ـ عبد الله الكردفانى ،عبد القادر سالم ، صديق عباس "وغيرهم
لكن لعبد الرحمن خانة فى الروح
احببناه وصار تبلدينا وكركديناوبهارا لروحنا
نفاخر به اهل امدرمان فاحبوه وما زالوا
|
|