Post: #1 Title: صورة نادرة جداً لأسد أفريقيا والعرب عندما كان طالباً حربياً Author: محمد فرح Date: 01-11-2012, 02:06 PM
حفظه الله ورعاه ووفقه لإستكمال المسيرة القاصده لبناء أمه سودانية موحدة ، آمنة ، متحضرة ، متقدمة ، متطورة السيرة الذاتيه للبشير دوناً عن رؤساء العالم أجمعين هي سيرة يحق لكل سوداني أن يفاخر ويفتخر بها ومواقف البشير قبل وبعد إعتلاء منصب رئاسة الجمهورية جميعها مشرفه ورجوليه للغايه
عهد الرجال ما بنخذلك بيعة صمود ما بنخذلك و ان جات جيوش الكفر جت شان يعزلوك ما بنعزلك ديل يا البشير عملاء و كلاب كم مرة حاولو هزتك مشو لليهود متآمرين قايلين يمين من صدمتك تركع عديل للامريكان او تنبطح من هجمتك ناسين ود امك شهيد ناسين رفيق عمرك شهيد قايلين بترهن امتك قايلنو ضهرك بنكشف ساعة تقودنا بحكمتك لكن معاك ناس شيخ علي و نافع واولاد شيخ كمال في الحوبة سندك وعزوتك
الموت عشان الدين عرس و الموت عشان ارضك عرس و الموت عشان عرضك عرس ارمي العنان للخيل فجر اوعى الجواد ما ينحبس و انزل مع الفجار كبس و ريهم ايه معنى الفدا وفي التضحيات اصعب درس
Post: #2 Title: Re: صورة نادرة جداً لأسد أفريقيا والعرب عندما كان طالباً حربياً Author: Osman Musa Date: 01-11-2012, 02:24 PM Parent: #1
عزيزنا محمد فرح سلامات والله أفتكرتو سياد بري رئيس الصومال . دأك برضو كان أسد عجاجو يلوي .
Post: #3 Title: Re: صورة نادرة جداً لأسد أفريقيا والعرب عندما كان طالباً حربياً Author: ياسر مكاوي Date: 01-11-2012, 09:45 PM Parent: #2
Quote: اشترى صديقي عربة وهو يعلم أن مكنتها منتهية وأخذها إلى المكنيكي لعمل عمرة للمكنة. المكنيكي نصحه بأن من الأرخص أن يشتري مكنة من مكان تشليح العربات، وعندما تم تركيب المكنة قال المكنيكي "والله المكنة دي قوية والبودي بتاع العربية دي ما بستحملها" فرجعنا إلى حوش التشليح واشترينا بودي وعدنا به إلى المكنيكي الذي حول فيه المكنة وقبل أن نحتفل بالمسألة وجدت صديقي يقول "طيب لما غيرنا المكنة والبودي يعني أنا زم...ان اشتريت شنو؟". قلبت الإنقاذ حكومة السيدين ويبدو أن جسم السودان لم يحتمل مكنة حكومة الإنقاذ فخرجت منه "قرمة" كبيرة هي الجنوب. وبعد أن تغير شكل بودي السودان ها هي تغير مكنة الحكومة بعودة أولاد السيدين. طيب لو نحن غيرنا مكنة السودان والبودي بتاعو تكون الإنقاذ دي زمان قلبت شنو؟ دي بلد عايزة ليها مكنيكي!!!.
كلامات _ د. كمال عبد القادر
قال أسد قال
Post: #4 Title: Re: صورة نادرة جداً لأسد أفريقيا والعرب عندما كان طالباً حربياً Author: ود الباوقة Date: 01-11-2012, 09:54 PM Parent: #3
هيييييييييييع كع
اردم ود فرح ....
Post: #5 Title: Re: صورة نادرة جداً لأسد أفريقيا والعرب عندما كان طالباً حربياً Author: معاوية عبيد الصائم Date: 01-11-2012, 09:59 PM Parent: #4
ماعندو اى طريقة الصقرية الاخيرة فى لاهــــــــــــــــــاى والعايز يصوقر معاهو ويطبل يجهز الخرطاية اللتو !!!
Post: #22 Title: Re: صورة نادرة جداً لأسد أفريقيا والعرب عندما كان طالباً حربياً Author: ابراهيم عوض عمر Date: 01-12-2012, 06:24 PM Parent: #21
محمد فرح
Quote: السيرة الذاتيه للبشير دوناً عن رؤساء العالم أجمعين هي سيرة يحق لكل سوداني أن يفاخر ويفتخر بها ومواقف البشير قبل وبعد إعتلاء منصب رئاسة الجمهورية جميعها مشرفه ورجوليه للغايه
دقُــــر وعينى باردة
اها هاك الما بتعرفو انت والكلام دة كما مبين كان سنة 76 تقول لينا نفتخر؟ نفتخر بى سجم رمادنا ؟ عوير انت ؟
Quote: لقد إسترجعت مع اصدقائى فى هذا المنبر القليل من الذكريات عن أحداث يوليو 1976 والتى كان لنا فيها دور متواضع. وهى الأحداث التى عرفت فيها المظلى الرعديد عمر البشير(الذى لا يعبر خور أبوعنجة ناهيك عن خط بارليف)،
دة هاشم بدر الدين الكاتب الكلام دة بتعرفو
بتين ياخ تتخسف بينا وتريحنا ؟؟؟؟؟؟؟؟؟
Post: #23 Title: Re: صورة نادرة جداً لأسد أفريقيا والعرب عندما كان طالباً حربياً Author: عمران حسن صالح Date: 01-12-2012, 07:44 PM Parent: #22
تخيلت إبتسامة محمد فرح . !! ------------ جمع فيها كل إبتسامة تم رسمها في هذا العالم وكانت رسالة ( الإبتسامة ) وااااااااضحة . مزيد من السخرية فالعنوان والموضوع ليس له من دلالة إلا السخرية وتلذذ بعدها بردة فعلنا تقاطرنــا لنكتب ! نكتب ماذا ؟؟ وهو يبتسم وهم يبتسمون ونحن لافي العير ولا في النفير . !! ____ يا سادتي قليل من النفير بمقاطعة مثل هذه الكتابات التي تستفز الموتى وسيضطر كاتبها إلى رفعها بنقطة أو بمزيد من التهليل
Post: #24 Title: Re: صورة نادرة جداً لأسد أفريقيا والعرب عندما كان طالباً حربياً Author: عمران حسن صالح Date: 01-12-2012, 07:51 PM Parent: #23
كما تصورت إبتسامة من ( تعب وضيَع زمن كتير ) في عمل فيديو يوضح أن البشير اتحرج والشاشة المفروض يقرأ منها خطاب ( الإستقلال ) إختفت وبقى يتلفت والخلفية غنا هابط !!! والكلام مرصوص ويخرج من خلفية الشاشة بلون أبيض وتحركـ بطئ !!!!!!!!!!!!!!!! تعب شديد :) عشان تكون الرسالة شنو ؟ خلل إلكتروني حدث في بلد هم عملو فيها نظام الإتصال المتقدم جداً وبستعملوهو في شغلم ( ومنه القتل ) .. ليتنا إستخدمنا ( بعض معرفتنا ) وسهولة بثها عبر اليوتيوب بتصوير وإخراج لفكرة توصِل الظلم وتحرج من يهلل للسلطان رغم كل الدمــاء .
_____________________ 2800 مُشتاهدة يا مفترين
Post: #25 Title: Re: صورة نادرة جداً لأسد أفريقيا والعرب عندما كان طالباً حربياً Author: عمران حسن صالح Date: 01-12-2012, 07:57 PM Parent: #24
Quote: الوضع دا مرات بؤكد لى ان المعارضة دى رزقا ساقه الله للمؤتمر الوطنى الذى كل ما عليه كلما ضاقت عليه ان يحدث اى وهمة فيترك جميع خصومه امورهم للانشغال بامور النظام
