رئيسنـــــــا محتـــــــاج يربّطــــــــوه

رئيسنـــــــا محتـــــــاج يربّطــــــــوه


01-11-2012, 11:29 AM


  » http://sudaneseonline.com/cgi-bin/sdb/2bb.cgi?seq=msg&board=380&msg=1326277798&rn=2


Post: #1
Title: رئيسنـــــــا محتـــــــاج يربّطــــــــوه
Author: معاوية عبيد الصائم
Date: 01-11-2012, 11:29 AM
Parent: #0

شريفـــــــــة شرف الدـــــــــين ……

Post: #2
Title: Re: رئيسنـــــــا محتـــــــاج يربّطــــــــوه
Author: معاوية عبيد الصائم
Date: 01-11-2012, 11:33 AM
Parent: #1

حريات




طبعا مافي حاجة بتضايق الواحد زي لمن تمشي زيارة لبيت الجيران و يقوم وليدك يهبش ده و يشيل داك و يدخل هنا و يدفق داك .. لكن ناس البيت بيواسوكي بكلام زي ( يا اختي ده ما شافع .. بكرة يكبر و يخليه) و ياهو الكلام الزي ده الخلا البشير يكبر و ما يخلي عادات الطفولة .. يمشيى يزور الجيران و لأسباب معروفة إما شحدة و إما جعلنة ساي عشان الناس تقول إنو هو بتحدى في المجتمع الدولي .. انحنا ديل أضانا خلاص أتبرمجت على الكلام الخارم بارم بتاعو الما موزون و مهما يكون برضو نقول زيتنا في بيتنا و ما بننشر غسيلنا لكن زولنا العوقة ده البسترو شنو؟
نفس الشلاليت و الكلام بتاع القعدات الما بيشبه الرؤساء عايز يتونس بيهو للناس بره .. قال شنو؟ قال أنا مستعد أمشي في شوارع مدن ليبيا بدون أي حرس!!! يا رئيس يا ما فاهم حقو تفهم إنو في شيتا بسموهو البروتكول .. يعني مش الجكاية أمسك لي و أقطع ليك و محل ما تمشي تجيب عجاجة للناس البتمشي ليهم .. حسع بزيارتك لليبيا جبت ليهم الهوا لأنو المجتمع الأوربي انتقد الزيارة و حكومة ليبيا ما حيقدروا يقول ليك عليك الله ما تجينا.
عجبنا الراجل الليبي الوقور في ردو على سؤال ما ذا تعني لكم زيارة البشير؟
قال بقول رواقة إنو البشير نسخة أخرى من ديكتاتورية القذافي و شعبه في السودان يعاني الأمرين من نتاج سياساتو .. و الله الراجل عجبني و سر بالي بكلامو المختصر ده.
البشير قال شنو .. قال القذافي هو السبب في إنفصال الجنوب!! و الله ما ذكرني إلا بالنشال القبضوه و يدو جوة جيب الزول و حالف و ناكر إنو دا ما يدو!! و قال شنو قال إنو هو مستعد لبناء الجيش الليبي!! خلاص يا بتاع قواعد عسكرية .. عليك الله أعمل لينا قاعدة عسكرية في كوبا عشان تخوف أمريكا!!
طبعا السبب في زيارة البشير لليبيا إنو منشن على بترول ليبيا بعدما فرط في بترول بلدو .. لكن ده بعدك .. هو الشعب الليبي ذاتو مادي يدو للمساعدات ..
أحسن حل هو أن نحبس البشير من الطلوع بره السودان و حتى بالداخل يكون حبيس القصر الجمهوري .. يعنى بالمعنى الصريح يكون مربط و إنتو عارفين الناس بتربط منو من الناس و بتين!!

Post: #3
Title: Re: رئيسنـــــــا محتـــــــاج يربّطــــــــوه
Author: معاوية عبيد الصائم
Date: 01-11-2012, 11:43 AM

Quote: كمان يا شريفة من القواعد العسكرية محتاجين واحدة فى جزر القمر علشان تنش ضبان اسرائيل البجى على الشرق غايتو يحلنا الله

Post: #4
Title: Re: رئيسنـــــــا محتـــــــاج يربّطــــــــوه
Author: فيصل محمد خليل
Date: 01-11-2012, 12:40 PM
Parent: #3

جيش شنو بيبنيهو لليبيا
ما يبني جيشو دا و يوقف بيهو
التوسع في منطقة حلايب .
والله صدق الهدندوي لما قال حقك تخلي حق الناس تششيل

Post: #5
Title: Re: رئيسنـــــــا محتـــــــاج يربّطــــــــوه
Author: معاوية عبيد الصائم
Date: 01-11-2012, 09:50 PM
Parent: #4

up

Post: #6
Title: Re: رئيسنـــــــا محتـــــــاج يربّطــــــــوه
Author: معاوية عبيد الصائم
Date: 01-14-2012, 05:37 AM
Parent: #5

........