Post: #1
Title: نافع : التقارب بين المهدي والترابي صوري
Author: الشامي الحبر عبدالوهاب
Date: 01-10-2012, 09:02 PM
الخرطوم فى 10-1-2012م ( سونا ) اشار الدكتور نافع على نافع نائب رئيس المؤتمر الوطنى لشئون الحزب الى ان سعى تحالف المعارضة لاستقطاب حزب الامة القومى بزعامة الامام الصادق المهدى دليل على وهن هذا التحالف وشعوره بانعدام الوزن والقيمة بدونه بعد استشعاره بان الحركة الشعبيه الحاكمة فى الجنوب قد اتخذت لنفسها مسافة فاصلة عنه .
وأبان نافع فى تصريحات صحفية بالمركز العام للوطنى اليوم تعليقا على التقارب الذى تم الاعلان عنه بين زعيمى الأمة والشعبي الذى وصفه بالصورى والعودة الظاهرية اشار الى ان تحالف المعارضة لن يقدر على مجاراة ومواكبة حزب الامة القومى الرافض للعلاقة مع الحركات المسلحة او التقارب مع باقان وعرمان وقال ان ابلغ واوضح رسالة حملها التقارب والتحالف شعوره بانه بدون حزب الامة لا يسوى شيئا وقال ان التحالف تخلى عن كل قضاياه وعن ثوابته بالتزلف للحركة الشعبية والآن بعد ان شعر باتخاذها لمسافة منه اضحى يتزلف لحزب الامة القومى بعد ان فقد الاتحادى الديموقراطى الاصل وقال هذا يمثل دليل وهن حيث انهم رغم انهم ظلوا يوجهون اتهامات وانتقادات لحزب الامة فهاهم الآن يلاحقونه لان يكون معهم فى تحالفهم وجزم بان هذه العلاقة عارضة ولن تستمر طويلا .
وفى رد على سؤال حول فك حظر السلاح الامريكى لدولة الجنوب قال مساعد رئيس الجمهورية ان هذا الامر الذى تم فى وقت يشهد فيه الجنوب اشتعال حرب اهليه وان هناك قبائل تعمل على ابادة اخري وتتردد الاحاديث حول ابادة جماعية هنا وهناك فى دولة الجنوب ياتى هذا السماح الامريكى بتسليح الجيش الشعبي لاستخدام السلاح الامريكى فى هذه الحروب لابادة بعض القبائل وقال ان هذا يعد دليلا واضحا على الانحياز الامريكى الاعمى لدولة الجنوب وازدواجية المعايير ، واضاف ان هناك بعض الدول تسعى من اجل ان تجعل دولة الجنوب تنفذ اجندتها وتحت خدمتها مؤكدا ان هذا الامر متاح الى حين ان يفتح الله على بعض قيادات الحركة الشعبية ان يفكروا فى الجنوب قبل ان يفكروا فى علاقاتهم الخارجية .
وحول طلب الامم المتحدة من الحكومة السماح للمنظمات بدخول المناطق التى تسيطر عليها الحركة الشعبية المتمردة بقيادة الحلو فى جنوب كردفان لتقديم المعونات قال نافع ان هناك لجنة وهى التى تحدد الاحتياجات
|
Post: #2
Title: Re: نافع : التقارب بين المهدي والترابي صوري
Author: عبدالكريم الامين احمد
Date: 01-10-2012, 09:21 PM
Parent: #1
| Quote: اشار الدكتور نافع على نافع نائب رئيس المؤتمر الوطنى لشئون الحزب الى ان سعى تحالف المعارضة لاستقطاب حزب الامة القومى بزعامة الامام الصادق المهدى دليل على وهن هذا التحالف وشعوره بانعدام الوزن والقيمة |
هلا يا الشامي
ونافع هذا يتكلم بلا ذاكرة وباستهبال كبير
و-اذا فرضنا بان هذا التقارب دليل انعدام الوزن المعارضاتي
فماذا نسمي التمسح والحكحكة في حزب الامة ولو عبر وضع ابن زعيمه مساعد للبشير
|
Post: #5
Title: Re: نافع : التقارب بين المهدي والترابي صوري
Author: الشامي الحبر عبدالوهاب
Date: 01-10-2012, 09:28 PM
Parent: #2
كيفك يا كيكي
ومشتاقين
| Quote: فماذا نسمي التمسح والحكحكة في حزب الامة ولو عبر وضع ابن زعيمه مساعد للبشير |
حرام علي بلابله الدوح
حلال للطير من كل جنس
كل كلام نافع الذي ورد هنا نوع من المغالطات
التي لاتنطلي علي احد سواء منها ما يخص الاحزاب او الجنوب او جنوب كردفان
|
Post: #3
Title: Re: نافع : التقارب بين المهدي والترابي صوري
Author: Mudather Kunna
Date: 01-10-2012, 09:21 PM
Parent: #1
| Quote: والتحالف شعوره بانه بدون حزب الامة لا يسوى شيئا |
منذ متى ونافع يمتدح حزب الامه
شى يدعو الى الشك والريبه
|
Post: #4
Title: Re: نافع : التقارب بين المهدي والترابي صوري
Author: صديق مهدى على
Date: 01-10-2012, 09:22 PM
Parent: #1
سلام يا الشامى يا خاتف لونين زولك البتلمع فيهو دا ابلم دحين ما سمعت بالمثل البقول القلم ما بزيل البلم
دحين يا خى كان عندك كلاما جديد جيبو لينا حتى لو كان كلام حبوبات عشان نقول و الله انت زولا كايس الصاح.
لكن زى صاحبك نافع دا بنقص اسهمك فى الموقع لانو زولا ابلط و الدليل على ذلك قبل فترة قال
العايز الحكم اليجرب لحسة كوعو عليك الله دا زولا باستمعوا ليهو كا ما الدنيا بت######.
|
Post: #6
Title: Re: نافع : التقارب بين المهدي والترابي صوري
Author: jini
Date: 01-10-2012, 09:30 PM
Parent: #4
Quote:
سلام يا الشامى يا خاتف لونين زولك البتلمع فيهو دا ابلم دحين ما سمعت بالمثل البقول القلم ما بزيل البلم
دحين يا خى كان عندك كلاما جديد جيبو لينا حتى لو كان كلام حبوبات عشان نقول و الله انت زولا كايس الصاح.
لكن زى صاحبك نافع دا بنقص اسهمك فى الموقع لانو زولا ابلط و الدليل على ذلك قبل فترة قال
العايز الحكم اليجرب لحسة كوعو عليك الله دا زولا باستمعوا ليهو كا ما الدنيا بت######.
|
الشامي لم يلمع مالك اطلاقا بل من اكتر الذين شرشحوا النافع في هذا المنبر يا صديق
جني
|
Post: #11
Title: Re: نافع : التقارب بين المهدي والترابي صوري
Author: صديق مهدى على
Date: 01-10-2012, 09:52 PM
Parent: #6
يا جنى تحية طيبة طبعا انا فهمى تقيل دحن وضح لى حتة الشامى ما بلمع نافع.
|
Post: #14
Title: Re: نافع : التقارب بين المهدي والترابي صوري
Author: أمين محمد سليمان
Date: 01-10-2012, 10:03 PM
Parent: #11
Quote: الشامي لم يلمع مالك اطلاقا بل من اكتر الذين شرشحوا النافع في هذا المنبر يا صديق
جني |
يا زول بلمع و كان ما بلمع ذاتو بلمع !!
كلام شيخي صديق صاح و أرجو منك و من الأخ الشامي الأعتذار الفوري لشيخي لانو الموضوع ده ممكن نصعدو و نوقف المنبر دي علي فرد كراع !!
-------------
غايتو يا جني بالغت في جيبت البوستات ده ... يا زول إنت ما قاعد معانا هنا ولا شنو ؟!!
-------------
| Quote: طبعا انا فهمى تقيل |
إنت حاشاك تقالت الفهم ... إنت أمرق لي من الموضوع ده و أنا بخلي ليك الشامي و جني ديل يجو يعتذرو ليك في منزلكم الكائن باريزونا !!
|
Post: #17
Title: Re: نافع : التقارب بين المهدي والترابي صوري
Author: jini
Date: 01-10-2012, 10:18 PM
Parent: #16
اها يا امين اخوى
انا اعتذرت واتلومت لوم الشوم
دحين يا صديق انا بعتذر للشامي اخوى عن جيب البوستات وعتيلة من الارشيف
جني
|
Post: #18
Title: Re: نافع : التقارب بين المهدي والترابي صوري
Author: الشامي الحبر عبدالوهاب
Date: 01-11-2012, 02:24 PM
Parent: #17
شكرا الاخ جني
شكرا الاخ امين
وبدوري اعتذر للاخ
صديق
|
|