إجتماع مُبارك الفاضِل بشباب الأُمّة في منزله كان بعد مجيئه من جوبا

ورد عن SMC الخبر التالي:

الخرطوم (smc)
عقد مبارك الفاضل المهدي اجتماعات بقيادات (شباب الإصلاح والتجديد) بحزب الأمة القومي بمنزله بالخرطوم تناول الخطوات اللازمة لتغيير الأوضاع داخل الحزب إضافة للاستعداد لمواجهة الحكومة.

وتحدث الفاضل للشباب مشيراً إلى ضرورة مواجهة الحكومة بعد أن تلقى موافقة من الولايات المتحدة على عقد مؤتمر قومي للأحزاب المعارضة برعاية أممية بناء على طلبه.
ودعا الفاضل لعدم الاستعجال في قيادة الصدام لتغيير أجهزة حزب الأمة أو التراجع عن اندماجهم مع الحزب لأن من شأن الخطوة أن تفقدهم المصداقية أمام جماهير الأنصار وتظهرهم بغير الجادين في الوحدة،
وأكد الفاضل لشباب حزبه التزامه بتوفير كافة الإمكانات المادية والعينية التي تشمل أجهزة الاتصال وايجار المقار ووسائل الحركة استعداداً لمواجهة الحكومة خلال المرحلة المقبلة

و طبعاً نفاه مكتب مُبارك
و الحُجّة أنّه كان خارج السُّودان (يعني جوبا)

مُبارك الصّادِق يكاد يتميّز من الغيظ
لدُخول عبد الرّحمن الصّادق للقصر
لأنّه يرى أن في ذلك تلميعاً لعبد الرّحمن
الذي بدأت الخلافة تستعد كيما تُجرجِر إليها أذيالها مُقعية تحت قدميه
وهذا ما يخشاه مُبارك
بعد أن ضحّى بحِزبه الذي كان فيه رئيساً
ليقبل بنائب رئيس يُهيِّئ نفسه للخلافة
و ذلك كان حينما ظن أن الصادق سيُقدِّم مريماً للخلافة
وكان يعتمد على فِكْرة رفض الأنصار لمريم من أكثر من جانب
خاصّة أنّها امرأة
و هُنا كانت حُظوظه تتعاظم أمام حُظوة مريم باعتباره الرّجُل الأنسب الذي خبِر الرِّئاسة في الأُمّة الإصلاح و التّجديد و جاب دهاليز القصر
لكن أن يظهر عبد الرّحمن الذي ظنّ مُبارك أن الكاكي سيأخُذه بعيداً عن هوى الخِلافة و الفروسيّة بخيلها ستشغل أي فراغ آخر في حياته
كانت هذه العاصِفة التي عصفت بكُل أحلام مُبارك

شباب الإصلاح و التّجديد
رُغم عودة القيادة (قيادتهم) إلى حوش الخليفة الكبير (الأُمّ’ بيت الصّادق)
إلا أنّهم يشْعُرون بالغُربة وسط أنصار الصّادق
خاصّة بعد مُفاصلتهم التي ذهبت بهم مع تيار مُبارك

همّهم الشّاغِل الآن أن "يندمِجوا" مع شباب الحِزب الكبير و هيئته المركزية عِوضاً عن تِلك الفيدراليّة التي كانت لمُبارك.

تُرى كيف ستسير الأُمور خاصّة مع أحلام و طُموحات مُبارك التي بدأت تتكسّر في صخرة بيت الصّادق

يا جماعة الخير احزاب المعارضه دي مش ما عندها اي وزن حسب اخر انتخابات وانه الشعب بيحب الانقاذ واعطي المؤتمر الوطني ثقته....
طيب مشغوليييييين بيهم ليه ديل اقليه ما بيقدروا يقوموا مظاهرة حتي .....خلونا في الاهم الضائقة الاقتصادية والنيل الازرق وجنوب كردفان ودار فور والعطاله والجامعات و.....و........

ياهندسة الصحة والأخبار

ياعمك مبارك ده رائح ليه الدرب في الموية
يوم فاتح ليه بوست عن تخلي الرئيس لعبدرالرحمن
غايتوا مشاركة عبد الرحمن دي قطعت قلبوا عديل

سلامات يا حاج مُحمّد
الجلبغة البيعمل فيها دي بسبب الضّربة القويّة الغير مُتوقّعة إطلاقاً لمُبارك
و التي تتمثّل في دخول عبد الرّحمن للقصر و بداية تلميعه كخليفة للإمام
التي لك تكُن في حُسبان أحد

طيب بصفتى شغال فى المكتب ممكن تورينى زمن الاجتماع كان متين
عشان اقدر اراجع مدونة الاجتماعات
احتمال بكون انا شغال بتاع شاى ومويه
وبالمره ارفق لينا الاسماء
مافى شئ اسمو شباب الاصلاح والتجديد

يا محمد عادل مبارك بقت عليهو
البحر أمامنا والعدو خلفنا
لا يقدر يرجع إصلاح وتجديد
ولا يقدر يتأقلم على وضع حزب الصادق وتلميع عبد الرحمن للخلافة

لان فيه النزعة العرمانية التي زرعتها الحركة الشعبية في معارضة الشمال
وجدتها خاوية من اي فكر فعباتها بفكرها هي

ياعلاء اقرا كلام تانى ورد عليهو
سيد مبارك رجع يوم الخميس من جوبا

Quote: الذي بدأت الخلافة تستعد كيما تُجرجِر إليها أذيالها مُقعية تحت قدميه وهذا ما يخشاه مُبارك

عبد الرحمن ده حرق نفسو عديل كده.

الاجنبي دينق
بعد افتاءك في الشان السوداني كخبير اجنبي
نرجو ان تعرج لنا على الشان الجنوبي باعتبارك مواطن جنوبي

حدثنا عن مجزرة المورلي الاخيرة لو امكن

محمد عادل
هو عاد لتلقي عزاء
احسن الله عزاءه ورحم ميته وتقبله قبولا حسنا

ومباشرته لعمله السياسي شيئ عادي يا محمد
نحن فقط نتناول هذه الممارسة

Quote: احتمال بكون انا شغال بتاع شاى ومويه

احتمال قال ..
ماتفكها في الناس ساي انك زول مهم.. انت شغال لصقه بس وقالو غير المشاكل والكفاوي ماعامل لرخيص سيدك دا اي شي
هو مبارك بتاعك زاتو كان بسوي شنو في القصر غير مويه وشاي وكركدي?
اختشو اختسو ...عوض الجاز قال ليه شنو ?عالم رخيصه رخصه.. تفوو

اس ام سي دبليو سي فضلات الراية وألوان ويقودها صبية تدربوا على ايدي دهاقنة الاعلام المضلل فمن الطبيعي ان تسعى
بالكذب من اجل الفتن ..
عموما دعنا نجاريها ونفترض صحة ما اوردته
مالغريب في أن يجتمع نائب رئيس حزب الامة القومي بعدد من شباب الحزب ..بل مالغريب في ان تتباين الاراء في حزب ديمقراطي حتى النخاع .
التحية للحبيب مبارك الفاضل ولكل شباب حزب الامة الذين يحملون هم الوطن الذي مزقه الضباع وأحالوا اهله جياع.

ياعلاء بالعقل كدا الاجتماع كان متين والساعه كم
سيد مبارك وصل بيت البكاء الساعه 7 مساء وبعد وصوله ب10 دقائق جا البشير وعبدالرحيم محمد حسين وغازى
اثناء مالبشير وعبدالرحيم طالعين جا عبدالرحمنداخل والبشير قال لعبدالرحمن ياعبدالرحمن كراعاك ماحاره
طلع من بيت البكاء الساعه 11 ليلا
يوم الجمعه متواجد فى بيت البكاء من الصباح لحدى 11 ليلا
والخبر طلع فى جرائد السبت بس ورينا كان متييييييييييييييييييين

Quote: اثناء مالبشير وعبدالرحيم طالعين جا عبدالرحمنداخل والبشير قال لعبدالرحمن ياعبدالرحمن كراعاك ماحاره

بالله دا مستوي واحد يتداخلو معاه ? ياخي انت بودي قارد ماتنفع قال شغال مدير مكتب مبارك والله انت خمسه نعاج ماتعرف تديرن قوم لف لفاك قطر انت والرخيص مبارك بتاعك دا هردبيس