Post: #1
Title: ليه ما نتعاون وننفع بعضنا؟
Author: صلاح الدين ابراهيم الفضل
Date: 01-07-2012, 08:11 PM
اقتراح ...... !!
.
.
.
.
انتظرونى جاييكم
|
Post: #2
Title: Re: ليه ما نتعاون وننفع بعضنا؟
Author: صلاح الدين ابراهيم الفضل
Date: 01-07-2012, 08:53 PM
Parent: #1
لو كل عضو بالمنبر تكرم وادانا شوية من سيرتو الذاتية لو كان داخل السودان او خارجه ممكن باقى الأعضاء يعرفو عنو حاجة وممكن يستفيدو منو لو كان طبيب فى النواحى الصحية والعلاجية والإستشارات الطبية وبرضو المهندس والمحامى وضابط الشرطة والجيش والقاضى وانا متأكد انو البعض حيستفيد فى مجال عملو وحيوفر كثير من الجهد والوقت .... وانا حأبدأ بى نفسى عسى أن يستفيد البعض من موقعى ولن أدخر جهدا فى خدمة كل طالب خدمة .... وممكن تكون السيرة الذاتية تشبه الإعلان لناشرها ويستفيد هو نفسه فى انعاش عمله وكسب زبائن محترمين جدد ...
الإسم.... واضح طبعا
ضابط شرطة جمارك بالمعاش
عملت ببورتسودان ومطار الخرطوم فى صالة الوصول والمغادرةلفترة قاربت ال 18 عام وتنقلت فى مختلف الإدارات داخل ولاية الخرطوم وعملت بجمارك مدينة الأبيض لمدة عام ونقلت لجمارك وادى حلفا كمدير للمحطة بالإنابة ومنها نقلت ( لاحظ دى ) لجمارك ولاية غرب بحر الغزال مقيم بمدينة واو الجميلة مديرا لجمارك الولاية( من اقصى الشمال لأقصى الجنوب ... دى معناها امشى يا ثقيل !!!! ولما اتثاقلت ونفذت النقل ومكثت عدة اشهر هناك قالو لى يلا باى باى .... وتم احالتى للتقاعد بالمعاش فى نهاية 2006 برتبة عقيد شرطة وقمت بتأسيس مكتب للتخليص الجمركى بعد الحصول على التصريح اللازم بذلك والحمد لله ماشة معانا باسطة .... يقوم المكتب بالتخليص فى جمارك الحاويات سوبا والمنطقة الحرة قرى والمستودعات بأمدرمان بطريقة مباشرة ونقوم بالتخليص بالوكالة فى جمارك مطار الخرطوم وبورتسودان ... وشعارنا الدقة والأمانة والإخلاص ... وأى استشارة للأعضاءبالمنبر مجانا.
اتمنى صادقا من كل قلبى أن يجد مقترحى هذا الإستجابة من الجميع وانشاء الله ينتفع الجميع
|
Post: #3
Title: Re: ليه ما نتعاون وننفع بعضنا؟
Author: صلاح الدين ابراهيم الفضل
Date: 01-07-2012, 09:30 PM
Parent: #2
يا جماعة كلامى دا ما وقع ليكم ولا شنو ؟ وكان ما عجبكم برضو قولو اى حاجة بنقبلها .... على العموم انا فى عاية الأسف عشان ضيعت ليكم وقتكم
|
Post: #4
Title: Re: ليه ما نتعاون وننفع بعضنا؟
Author: الشفيع وراق عبد الرحمن
Date: 01-08-2012, 05:58 AM
Parent: #3
مراحب صلاح
بوست ممتاز لو اخذ بالجدية اللازمة
واكيد كل زول عنده حاجة ممكن تفيد الاخرين
بمشي واجيك، وان شاء الله يكونوا التفتوا للبوست الهام ده يا صلاح
تحياتي
|
Post: #5
Title: Re: ليه ما نتعاون وننفع بعضنا؟
Author: نادر النور آدم
Date: 01-08-2012, 06:32 AM
Parent: #4
فعلا يا استاذنا
بوست مهم وبالدرجة الأولى كمان
ليك التحية ونحن حاضرين بما نستطيع القيام به
انا موظف ومقيم في الرياض - المملكة العربية السعودية
|
Post: #6
Title: Re: ليه ما نتعاون وننفع بعضنا؟
Author: رانيه محمد الشيخ
Date: 01-08-2012, 10:32 AM
Parent: #5
طبعا الناس البتتكلم فى الثياثه بيخافوا من الجماعه يعرفوا دربهم فديل ما اظن تنفع معاهم الفكره
وفى شخصيات بتفضل السريه لاسباب مختلفه ولانها حريه شخصيه فلا سبيل للحكم على رغبتهم
وفى البروفايل ممكن تعرف وظائف الاشخاص لو كتباها ومعلومات عنهم اساسيه
غايتو انا اسمى رانيه
وشغاله من اتخرجت فى شركه هندسيه حقت اتصالات فى قسم الحسابات
|
Post: #7
Title: Re: ليه ما نتعاون وننفع بعضنا؟
Author: صلاح الدين ابراهيم الفضل
Date: 01-08-2012, 07:23 PM
Parent: #6
شكرا الشفيع ....
شكرا نادر.........
شكرا رانية ......... والشكر للجميع حتى الذين دخلوا البوست ولم يعلقوا .....
ولتأكيد جديتى فى هذا الموضوع ولفائدة الجميع بالإستشارات الجمركية وكل ما يتعلق بالجمارك انشر رقم تلفونى ومستعد للرد على الجميع فى اى وقت
0917383333
0999296997
|
|