معاوية عبيد الصائم ... وطني بطريقته الخاصة

عرفته منذ الثمانينات
سُودانياً مُخلصاً لسُودانيته
يحب بلده كاي وطني

الاخ الجسور معاويه عبيد
طبعا وطني ودي مافيها سؤال.

تحياتي...لك يا ابو حميد
وانت ايضا وطني بطريقتك الخاصه ولا شنو؟!

معرفتي بالاستاذ معاوية معرفة منبرية ولم اتشرف حتى بمقابلته لكن ومن خلال كتاباته وما سمعت عنه
استطيع القول معاوية وطني متسق وطني من الطراز الاول مستعد للتضحة بحياته من اجل وطنه مبادئه وقناعاته
له التحية

Quote: معاوية عبيد الصائم ... وطني بطريقته الخاصة

بل شيوعي بطريقته الخاصة ..

هنالك قلائل تشعر بالراحة لإنتمائهم (الوطني)
منهم معاوية عبيد
قد تتفق او تختلف على طريقته في إدارة مسائله الوطنية
ولكنك تجد نفسك تشعر به (غيوراً) على وطنه
وهي (غيرة) تضطره احياناً للخوض في قضايا محددة بعنف

أحمد سلامات
معاوية لا شك منحاز للبسطاء والفقراء لدرجة الغليان..
___
لك وله التحية..

يا ابوحميد
إذا كان بوستك دا على علاقة بالموضوع الأخير وتكرار الاتهام لود الباوقة من غير ابراز الدليل
اسمح لي .. حب الوطن عمرو ما كان عذر لإنتهاك حقوق الآخرين و خرق المنطق السلم و التأسيس لثقافة انا معارض اذن انا دائما على حق وغير مطالب باثبات ما اقوله واروج له
ما يؤسس له معاوية و يؤيده عليه المعارضين هو نفس ما يعترضون عليه عندما يأتي من جادات
الإتهام من غير دليل و على المتهم عبأ ايراد الدليل و نفيه

Quote: على المتهم عبأ ايراد الدليل

اعبك ياخ
غايتو دي لو شافتا الجبارة بت عمك إحتمال كبير تتبرأ منك (دا كان لسع ما عملتا).
على أي حال حاول تلف.

تنظير مليون مرة قلت ليك ما تجي طاير زي بلة جابر
بأكلك النجيلة برّاحة

أكل واتدشّى كمان!!

Quote: أكل واتدشّى كمان!!

هههههههههه
عان دا كمان .....

ههههههههههه
مبالغة لكن يا جرجرة باشا

ماهو الفافنوس ماهو الغليد البوص

Quote: يا ابوحميد إذا كان بوستك دا على علاقة بالموضوع الأخير وتكرار الاتهام لود الباوقة من غير ابراز الدليل اسمح لي .. حب الوطن عمرو ما كان عذر لإنتهاك حقوق الآخرين و خرق المنطق السلم و التأسيس لثقافة انا معارض اذن انا دائما على حق وغير مطالب باثبات ما اقوله واروج له ما يؤسس له معاوية و يؤيده عليه المعارضين هو نفس ما يعترضون عليه عندما يأتي من جادات الإتهام من غير دليل و على المتهم عبأ ايراد الدليل و نفيه

شُكراً ود البشرى أخوي
ومعاك 100% فيما ذهبت إليه
دونما تزيّد
ود الباوقة لم أعرفه وأتمنى معرفته
وأشعر من حديث كثيرين هنا انه يستحق المعرفة
وأنا (ضد) إتهام الناس دونما دليل
هذه قضية مبدئية (يشكرني عليها معاوية عبيد)
فقد نهلنا من ذات المنهل المبدئي والاخلاقي
البوست لإيضاح أن (عنف) معاوية عبيد خالي (تماماً) من أي غرض (خاص)
تُشكر أخي
مع حُبّي الخالص للصديق ودالباوقة
الذي سيظل (بريئاً) عندي حتى إثبات العكس ... و(مظلوماً) حتى إثبات العكس ...
ومُستحقاً لإعتذار من معاوية عبيد حتى إثبات ما يُخالفه
ود البشرى مبدئيتك التي لاحظتها بشكل دائم ومستقر وثابت

أحمد موسى بوستك دا ما بغير شئ من الحقيقة الماثلة قدام الناس

الزول دا كذاب و منافق بي درجة إمتياز

أحمد موسى بوستك دا ما بغير شئ من الحقيقة الماثلة قدام الناس

الزول دا كذاب و منافق بي درجة إمتياز

صديقي أبوالحسين تعرف معزتك وتقديرك عندي
ولكنني مضطر للإختلاف معك
فمن هم الناس ديل ..؟!!
انا (شخصياً) ومثلي كثيرين يعتقد ان للصديق معاوية أسبابه التي لم يفصح عنها
هذا لا ينتقص من رايي السابق في الاخ ود الباوقة
ولا يزحزح من رايي في ما جاء به صديقي معاوية
... (إلى حين) ...
ولكنني (حقاً) لم افتح هذا البوست للدفاع عن هذا او ذاك
ولكنه بوست (رغبت) فيه التفكير بشكل مكتوب في معاوية عبيد السُوداني القُح
الذي يعتقد أن اي إنتهاك لحرية أو اي رائحة فساد أو أي مساس بالتاريخ السُوداني (جريمة) تستحق كل ما دونها
ابوالحسين مابين معاوية عبيد /ودالباوقة مُحزن
ولكنني (صدقت) ام لا ... لم افتح هذا البوست لمناقشة مابينهم
ولا مانع من مناقشته أنت إن اردت
فالبورد عودنا ان الموضوع يتفرع أميبياَ وقد قبلنا تلكم الطريقة
لك مؤونة (فرح) من الوُد

!!!!!

Quote: عرفته منذ الثمانينات

لاحوللااااااااااه !! هو بالله إنتو من الزمن داك ..!!

غايتو المنبر دا أنحنا قاعدين معاكم بالجلالة ساي ..

يا بكري أعمل لينا ولحد منفصل بتاع تيينيجرس خلينا نفارق أعمامنا ديل ..!!!

Quote: ماهو الفافنوس ماهو الغليد البوص

ناذر
بالله شوف الجماعه ديل قال ليك من الثمانينات يعني من زمن التعريفه والقرش ...... المهم ده ما موضوعنا فهنا وجدنا العجائز المراهقين على قفا من يشيل وهنا عرفنا معنى ابتذال النضال كما كتب زملاء محترمين غير محسوببن على جانب الحكومه لكنهم وطنيبون حقيقيون فالوا بالحرف الواحد ان فلان وفلان يبتذلان النضال واقاموا حجج دامغه على ذلك
ولكن يبدو ان ابتذال النضال يدخل في بند الطريقه الخاصه للوطنيه
فلا عجبى

Quote: ناذر بالله شوف الجماعه ديل قال ليك من الثمانينات يعني من زمن التعريفه والقرش ...... المهم ده ما موضوعنا فهنا وجدنا العجائز المراهقين على قفا من يشيل وهنا عرفنا معنى ابتذال النضال كما كتب زملاء محترمين غير محسوببن على جانب الحكومه لكنهم وطنيبون حقيقيون فالوا بالحرف الواحد ان فلان وفلان يبتذلان النضال واقاموا حجج دامغه على ذلك ولكن يبدو ان ابتذال النضال يدخل في بند الطريقه الخاصه للوطنيه فلا عجبى

فعلاً ولا عجبي ..!!!

كان الزمان جميلاً
وكانت الثقافة متفرقة في الامكنة
وكان (المسرح) هو الجامع الرابط بيننا
أذكره جيّداً بتلك الفترة
وأذكر ثُلة من الفنانين الجميلين
اذكر ياسر عبداللطيف/ ماجدة فوتي
وأذكر الفرقة المركزية لإتحاد الشباب السُوداني
ومعهم الفنانة الجميلة تهاني عبدالله
وكنّا زملاء بقصة الشباب والاطفال
اوصلها لمكان البروفة
فامازح معاوية
وأنظر بحسد إلى إلفة إستقرت بين فوتي/ياسر
وانطلق إلى دار الكُتّاب السُودانيين
نشرب اكواب من شاي اللبن ونسمع لمحاولات (شاعر صغير) في السن
كان إسمه الصادق الرضي وهو يحكي عن نضال
التي يصنعها من دمه لتبكي عند موته دون زيف ...
لم يكن بالزمان حينها زيفاً كثير ...

احمد موسي
طاقيه العجائز المواهقين دي ما مقصود بيها انت لكن لو حبيت تلبس فحبابك
نرجع لصاحبك الذي تراه يحب الوطن بطريقته التي تشمل شتم الناس واتهامهم دون دليل والوصول لغرف النوم وكان طلاق زوجه الرئيس او سرقه ودالباوقه هي الطريق الامثل لفساد النظام
هب ان ود الباوقه حرامي لا سمح الله
ماذا استفاد المواطن من معرفه ذلك وكان ودالباوقه هو سفيرنا في الرياض او رئيس الجاليه على الاقل
الرجل اعمى بصيره وبما انك صديقه المفترض ان تنصحه فربما يستقيم على جاده النضال طبعا لا نعشم ان يستقيم على جاده الطريق

Quote: احمد موسي طاقيه العجائز المواهقين دي ما مقصود بيها انت لكن لو حبيت تلبس فحبابك

ياحبيب أنا عارف اني ما مقصود بيها
انا مستغرب نعتك لزملاء وزميلات بعجائز مراهقين
دي مفهومة ولا دايرة شرح إضافي .؟!!

احمد موسي
الزميلات ما داخلين معانا في وصف العجائز المراهقين
هؤلاء المراهقون يعرفون انفسهم والارشيف قاعد ومليان
وانت قاعد وشايف الفاظ من تعد الستين ولا يزال يمارس في المراهقه

فدياس أخي
هذه البوست ليس الغرض منه مناقشة ما تم بين معاوية وودالباوقة
وإن كنت قلت رأي في ما تم بينهما إجمالاً
هذا البوست هو اقرب للتداعيات التاريخية
التي تنتابني من حين لآخر
كن بخير

فدياس والاخرين
موقفى (حتى اللحظة) لصالح ود الباوقة
فقط أرغب في العودة للثمانينات
لسبب خاص

احمد موسي
كل ما تذكر معاوية عبيد اتذكر موقف واحد فقط يجعلني اتشرف بالتعرف عليه في اجمل سنوات العمر
اذكر معاوية وهو يخلع قميصمه امام مشرحة الخرطوم مقاوما الشرطة والبمبان ليتأكد من ضحايا مظاهرات السكر الشهيرة ايام الديمقراطية والتي اطلقوا عليها الرصاص من مبني جوار رئاسة مجلس الوزراء
معاوية من القلائل الذين يمكن أن يذهبوا للموت وهو لا يلوي علي شئ
وهذه شهادة شاهد مرحلة من نضال الحركة الطلابية

Quote: معاوية عبيد الصائم ... وطني بطريقته الخاصة

نعم
مع تحفظي الشديد لطريقة ممارسته لما يسمى (نضال)
تعرفت عليه منذ فترة وجيزة، واجزم بي انه وطني صادق لا تحركه أهواء او مصالح شخصية

تحياتي احمد ومن معك

ابو خالد
عن اذنك يا احمد موسي
هل كان هناك قتل للمتظاهرين ابان الديمقراطيه الثالثه؟؟

Quote: نعم مع تحفظي الشديد لطريقة ممارسته لما يسمى (نضال) تعرفت عليه منذ فترة وجيزة، واجزم بي انه وطني صادق لا تحركه أهواء او مصالح شخصية

اخي الشفيع
معك ... في مسالة (التحفُّظ)
بخاصة فيما يتعلق بالزملاء بالمنبر
وقد لخصت ما أود قوله
...
...
...
معاوية قابلته أبّان إنقلاب 1989م
وكان مسئولاً عن صحيفة بصدرها إتحاد الشباب السُوداني
كان إسمها (الشبيبة) بحسبما أذكر
قابلته وكان كُل همه أن يحفظ (مُمتلكات) الصحيفة في مكان آمن
احبرني انه بحث عني لوضعها بمنزلنا
فكنّا ومازلنا نقطن منطقة بري حيث تصدر الصحيفة
وهي مُمتلكات لا قيمة لها الآن ...ولا حتى في ذاك الزمان
ولكن القيمة حرصه على أن تظل يده بيضاء ولو من ورقة فولسكاب لا تُسمن ولا تُغني من جشع

Quote: انا (شخصياً) ومثلي كثيرين يعتقد ان للصديق معاوية أسبابه التي لم يفصح عنها

دا ياهو النفاق اللي أنا بقول عليه.....

معاوية بغطي لي ناس سارقين برضو .....


تحياتي و إحترامي

أحمد موسى


عليك الله ما تزعل مني وجاوبني بلا لو كنت غلطان وأسكت كان نعم

معاوية الصائم أتصل عليك وبكى و أتجرس وطلب منك تفتح البوست دا تداري ليهو بلاويهو البسوي فيها عشان
كدا مع الأحترام البوست بقى هزيل ومالقيت حاجة تكتبها

فيه بس مجامله لي معاويه ووفاء لي العشرة الكانت بيناتكم (دأ افتراض من عندي سامحني لو كنت غلطان
يا أحمد موسى أنا عارفك انك قاري مسرح وبتفهم فيه وأظن معاويه برضه بفهم في المسرح وقايل بي حركاته البسوي فيها دي ممكن يمسرح الناس ويستعرض فيهم علا غلطان حركاته بتمشي لي زول مسكين ساي

معاويه منافق وكذاب وخبيث ممكن يستغل أي تعاطف عشان يمثل عليك


بعد غلطه معاي ومطاردتي وأنت اكتر زول عارف رفضت أعتذارة الباهت ولي هسع رافضه وأصلاً أنا ما كنت طالب أعتذار وكنت عاوز أثبت أنو كذاب وبفتري علي ودا الحصل ولا يحق إلا الحق

بعد داك في بوست من البوستات وكنت زعلان كتبت كلام والله ما قاصد أسرة معاوية أخونا الفاضل عادل أبوحسين دا رسل لي رسالة قال لي كلامك دا ما حلو وبمس أسرة معاوية جريت مسحت الكلام واعتذرت لي معاوية في نفس البوست وأتصلت عليه أعتذر مثل على وقال لي كلام كتير طيب وطلب مني أفتح بوست أعتذار مع الأسف جيره لصالح الموضوع التاني وأنا زاتي أتغاضيت على الموضوع لأنو الكريم ود الكرام هجو اتصل فيني و طلب مني اساوي الموضوع مع معاوية


أستمرت علاقتي مع معاوية بالتلفونات طيبه مره أتصل أتونس معاي لي وقعد يمثل علي وقال لي أنو هو لخبط بيني وبين زول تاني وبالجد في واحد أسمه عبدالعزيز حسن جوهر من ابناء كوبر ونزل برتبة عميد أنا افتكرته قاصد الزول دا وصدقت معاوية جريت فتحت بوست اعتذار لتشابه الأسماء أتصل فيني واحد من الاصدقاء بالحي كان
متابع البوست ووضح لي أنو عبدالعزيز حسن جوهر دا احيل للمعاش مع بداية الانقاذ وما كان في الامن وما عنده دخل بالموضوع طوالي عملت رسالة لي بكري يسحب الموضوع بتاع الاعتذار عشان تشابه الاسماء


معاوية عبيد عامل فيها الود فهلوي ومقرم ممكن يغش الناس وبستغل تسامحهم وطيبتهم والتغاضي الممكن يصدر من بعض الناس وسذاجة الناس البتابعوا عشان يسئ ويدمر

سمعة الناس بالباطل ومع الأسف كل مواضيعه شخصية وما بستقصد هدفه الأساسي هو محاربة عدو حزبة الشيوعي المؤتمر الوطني والكيزان

معاويه براهن على غباءنا يعني مافي زول عنده مخ البقرو هنا كلهم غنم وهو التفتيحه عشان يجي يكضب علينا ويقول لينا هلاويس وخزعبلات وكلام فارغ ويعمل حركات المسرحة البايخة البسوي فيها يعني يتصل في واحد يقول ليه أفتح ليك بوست قول أنو ناس الامن جو بيتنا يفتشوا فيني لانو وصلتم معلومات انا جيت عيد الأضحى
معاوية قايل كلام أوض النوم والكضب والأفتراء بزيل الحكومه ، ياها دي أوهام الشيوعيين البره البلد يغشوا بيها أنفسهم

هسع عليك الله قول ود الباوقة دا سرق مزرعة يعني شنو ؟ الأنقاذ أنضرت في شنو ؟ ودالباوقة عضو زي ملايين الأعضاء في المؤتمر الوطني

وداد طلقوها يعني شنو ؟ الضرر شنو ؟ يعني مافي طلاق في الدنيا ولا حرام ولا عيب ؟

أنصار السنة شغالين تجارة سوق سوداء في السجانه ؟ شنو يعني؟

للأسف يا عبدالعزيز

معاوية إتورط و ورط معاه كم واحد لأنهم مصرين على إظهار الباطل حق و الحق باطل

و الشئ المؤسف أكتر إنو أصحابه و المقربين منو بدلاً من نصحه مشو معاه في الغلط

و المناضلين اللي صفقو ليه و مدحوه و أعطوه الألقاب لغاية الآن ما جو قالو ليه إنت غلطان


تركوه يتخبط في الباطل ..........

Quote: أحمد موسى عليك الله ما تزعل مني وجاوبني بلا لو كنت غلطان وأسكت كان نعم معاوية الصائم أتصل عليك وبكى و أتجرس وطلب منك تفتح البوست دا تداري ليهو بلاويهو البسوي فيها عشان كدا مع الأحترام البوست بقى هزيل ومالقيت حاجة تكتبها

عدبالعزيز احاول دائماً ان أكون محترماً مع الناس الذين إحترموني وإحترمتهم
وإن تصدّق او لا فالزميل معاوية عبيد لم ولن يتصل بي للبوست
معاوية عبيد أنت لم تعرفه إلا عبر هذا البورد
ومعرفة البورد ليست دائماً معبرة عن حقيقة الإنسان
عبدالعزيز انا مختلف (جداً) مع Deng
وبيننا ما بيننا
ولي صديقة وزميلة بورد وهي صديقة مشتركة بيننا واحترمها
اخبرتني أن Deng إنسان بالغ اللطافة
وتفهمت ذلك
وقد كتب قبلاً الدكتور قاسم قور بوست عن الشخصية الإسفيرية
وكان بوست غاية في المتعة
عبدالعزيز انا أعرف معاوية قبل البورد بسنين طوال
وأحبه جداً
وأحترمه جدا
واثق فيه جداً
وإن إختلفنا في بعض القضايا فكلانا يعلم انه خلافات رأي لا تذهب ما بيننا
...
...
...
عبدالعزيز أن تكتب عن بوست لم اشرع بعد في كتابته انه (هزيل) يجعلني استغفر الله سبعين مرة
ليظل عبدالعزيز عندي هو عبدالعزيز الذي عرفته وأحترمته واحببته
حتى لا تطاوعني نفسي الامارة بالسوء للرد بمثلها أو بأسوا منها
عبدالعزيز من حقك ان لا تحب معاوية عبيد
بل من حقك كراهيته إن رغبت
ولكن من واجبك إحترام الرأي الآخر المغاير لرأيك
ولا شنو ..؟!!!
...
...
...
عبدالعزيز صدق أو لا ... ففكرة البوست نبعت عندي منذ زمن
ولكنه الكسل
و أنا لا أتابع البوست كثيراً لسببين
اولهما علل أصابتني متتالية
وثانيهما محاولتي متابعة أعمالي المكتبية
عبدالعزيز ... أنا لم ابدأ ..بعد ...فكن بخير وكن بصبر ...

الصنديد معاوية
شرف للسودان انه سودانى

وكفى

...

لا اعرفه ولم اقرأ له لان كثير من العناوين المنفرة تكفيك مؤنة القراءة ،،،،
فليس لدينا من الوقت مايسمح بالسياحة
في الفراغ
لكن شهادة الغالبية في هذا البوست جاءت لغير صالح الشخص المقصود
يا احمد موسى كيف يمكن يكون الانسان مناضلا وهو والغ في أعراض الناس
ومشبع بشهادات الزور في حق الاخرين ؟ ذلك هو النموذج الاسود من النضال
لا ادري ماالذي يجبرك على تلميع صفحة بهذا القدر من التشوه والصدأ
تلك الذكريات الرومانسية لا تبرر ذلك الجهد في غير طائل 

Quote: موقفى (حتى اللحظة) لصالح ود الباوقة

الكلام دا ما كتبتوا في بوست معاوية الإتهم فيه ود الباوقة ليه..؟؟؟

( أنصر أخاك ظالماً أو مظلوماً)

Quote: لكن شهادة الغالبية في هذا البوست جاءت لغير صالح الشخص المقصود

الاغلبية دي حسبتها كيف يا مولانا ..؟!!

Quote: لا ادري ماالذي يجبرك على تلميع صفحة بهذا القدر من التشوه والصدأ تلك الذكريات الرومانسية لا تبرر ذلك الجهد في غير طائل

تلك الذكريات التي تقول برومانسيتها هي علامة فارقة في حياتي
لك ان تحترمها ...أو لا ...

العزيز أحمد موسى

Quote: ليظل عبدالعزيز عندي هو عبدالعزيز الذي عرفته وأحترمته واحببته

يا أحمد موسي معليش ياخ هون عليك ... الشغله طششت علي شويه لانو أتعودنا أي زول يسوي ليه كفوه يجو يرقعوه واعذرني على سوء ظني فقد حسبتك من الملمعين والمرقعين

يا أحمد موسى ياني زي ما بتظن وأتعشم فيني كل الطيب وعليك الله في ذمتك كان شفتني في أعوج ما تحن ولا تشفق علي وكون اول جلاديني وكل سويت الخطل ما ترقعني ولا تجمل لي شيني وبينا حب الأخوان وخوفهم على بعض

Quote: عبدالعزيز من حقك ان لا تحب معاوية عبيد بل من حقك كراهيته إن رغبت

والله يا أحمد موسى شفت معاوية زاتو هسع كان أتشجع حا يجي يقول ليك عبدالعزيز ما بكرهني يا أحمد موسى نحنا بنزعل ونزهج لكن ما بنكره حتى البياذونا ما بنكرهم ، بس زهجان وقرفان من البسوي فيهو معاويه وبرضه خايف عليه من الدرب الأختار يمشي بيهو دا

لكن يا أحمد موسى ياها دي لعنة العصبية اللعينة البتخليك تلبس نضاره لون واحد تشوف بيها الحاجات وأي لون يخالف اللون الشايف بيه يبقى عدو يجب تدميره بكل الوسائل ياها دي الحاله الوصل ليها معاويه لاعاوز يسمع نصيحة لا يفتح لا ينتبه حوله
معاوية متعصب لحزبه الاجتماعي البائد البقى عباره عن شله معارف وحدد عدوه وبحارب بي اي وسيلة خلاص والمشكلة أنو زول عاجز لا بعرف يكتب كويس لا يختار توقيت لا هدف وكل مره يعمل بلوه ويجي يرقعوه أو يرقع نفسه بي بوستات كدا ما تفهما زاتو شنو ؟ مش معاوية براه في ناس كتار زيه وأغلبهم شيوعيين تخالفهم تبقى كوز بقى عندهم هوس أسمه الكيزان والحكومة ، هسع يا أحمد موسى شفتهم جنو كيف وعملوا معاك شنو لمن قلت بتحب نافع مع أنك دا حقك ...

أنت بتحب نافع

وأنا بحب الطيب مصطفى وبحترمه ونعتقد أنهم أفكاره صحيحه وبكره جون قرنق في غيري بحب جون قرنق وبعتقد أنو أفكاره صحيحة البخليني اقعد اطارد واسب واحارب الزول البحب جون قرنق شنو ، هسع في مليون واحد بقول الشهيد جون قرنق لو جيت أنا قلت كلمة واحده طيبه عن الطيب مصطفى يحاربوني وممكن اتوقف من المنبر عدييييييييل كدا


صح يا أحمد موسى قد يكون معاويه وطني شديد وبحب السودان لكن كلنا بنحب السودان لكن معاويه بحب حزبه اكتر من السودان ويا أحمد الزول البحب حاجه بخاف عليها والشيوعيين دي بخافوا على حزبهم أكتر من السودان وما بهمهم لو يحرق السودان ولا ينتهى ولا يموتوا الناس بس حزبهم دا ما ينتهي وينتصروا على الكيزان ودي حرب شديده هم ما قدرها واختاروا اكتر الطرق وأوعره واشد الاسلحه وهم ما بستحملوها هسع عاين البطلبوا للحرب منو والبهتف للانتقام منو والبروج للكذب والاشاعات منو والبغتال الشخصيات ودخل سلاح الخصوصيات وغرف النوم منو شفتهم كيف كانو مع الحركة الشعبية زمان وخربوا اتفاقية السلام وجعلوها سلاح لمواجهة المؤتمر الوطني وحرضوا الجنوبيين على الانفصال أيوه يا أحمد موسى دور الشيوعيين في أنفصال الجنوب اكبر لانهم حرضوا الجنوبيين وكرهوهم وفهموهم انو المؤتمر الوطني دا كله الشمال

معاوية متصعب ومندفع شديد لدرجة الهوس وفي اندفاعه جرد نفسه من الاخلاق والادب والأنسانية وأي حاجه سمحه وبتخيل لي في اندفاعه وتعصبه ما اظن بكون بتذكر الحاجات الزمان ولا العشرة ولا الصداقة بل ممكن يستخدمه كسلاح ضدك او ضد غيرك


احمد موسى لك العتبي وما اطول عليك رغم انو الكلام كتير

Quote: وبينا حب الأخوان وخوفهم على بعض

غلبني الكلام
وتلقاني زي ماداير
وزيادة
شكراً أخوي عبدالعزيز

دا شنو كمان ...... قلبتوها دراما ...؟؟؟؟؟؟

الطوربيد..

الرجل الفذ..
غيور على الوطن..
قلب الوطنية المتحرك..


لك الشكر أخي أحمد موسى

Quote: دا شنو كمان ...... قلبتوها دراما ...؟؟؟؟؟؟

ABUHUSSEIN أعيد ماقلته
هذا البوست عن معاوية عبيد ..صديقي
ولا علاقة للبوست بالذي يتم بينه والاخ ود الباوقة
فكلاهما يمتلك قدرة الدفاع عن معتقداته وطريقته واسلوبه
وأن يكون لك راي في معاوية فهذا لا يفترض بالضرورة ان يكون لي ذات الرأي
ولا يلقي علي بإالتزام الا اكتب عنه خيراً
ABUHUSSEIN القصة ما قصة دراما
ولكنها قصة أكون زعلان من زول ويجي زول تاني يكتب عنه كلام ايجابي اقوم أهاجم الكاتب الجديد
انا محترم خلافك مع معاوية ولم اتدخل فيه
ولو تدخلت فيه لتدخلت لصالح معاوية
لانه صديق صبا ... ولكن لاختلافي معه احياناً في بعض الطُرق اضطر للمرور ببوستاته قراءة
وانا اعلم كيف واين انصحه
لاني صداقتنا كانت قبل البورد وستظل بعد البورد
ABUHUSSEIN سبق وان إختلفنا انا والصديق رفاعي حجر
ومعاوية كان صديق مشترك لنا
لم يتدخل ... ولكنه نصحني حين إحتاج الامر نُصح بضرورة مراجعة طريقتي
لم اغضب لعدم تدخله في البوست
وإحترمت رايه ... وزادت محبتي له في الله والإنسانية
ABUHUSSEIN راجع مداخلاتنا تجدني أتعامل دوماً مع ما تراه بكل ادب وإحترام وتقدير
إتفقت معك او إختلفت ...مثلك وكثيرين أعالمهم بذات المنهاج
مُردداً دوماً ... ان إختلاف الرأي لا يُفسد الود قضية
ودُمت

Quote: دا شنو كمان ...... قلبتوها دراما ...؟؟؟؟؟؟

Ahmed musa المداخلة الفوق دي خاصة بي مداخلاتك مع عبدالعزيز

ما مقصود بيها أي زول تاني.....