ياخ انا أصلا من زمااان أي زول إسمو عمر عارفو بيكون زول خلاق ومبدع ومريييح .. :) ياخ الزول ده والله رييحني في كنكوجي وأعاد لي أيام الشباب وكيف أن عمر الفاروق قاد ثورة رقيص الخريج كيييتاً في رقيص العروس .. إختيارك موفق يا عمر لهذه الأغنية الملحمة ..والله انا جادي يا جماعة ما تضحكوا فيني .. الزول ده متع روحو يوم تخريجو ولغى الحضور من راسو وهجج كما ينبقي .. والأستاذة الفنانة أبدعت في الأغنية خصوصا وإنها مشت حفلة الكبجاب فرع القماير .. وأبدع عمر مرتين بترديد الأغنية ..
يا ابو عمير ياخ إنت ح تكون دكتور ناجح جداً والله ..
تخريمة : تييييييييت ...وتييييييت ..
Post: #2 Title: Re: أوووعكم تمشوا للدكتور ده ..بيكتلكم .. Author: حيدر حسن ميرغني Date: 01-06-2012, 12:38 PM Parent: #1
Post: #3 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-06-2012, 12:54 PM Parent: #2
يا سلام يا حيدر ياخ... أجمل ما في هكذا تخاريج وهكذا إحتفالية إنها بتمذق فواتير الفنانين وبند عداد الفنان اللي هو أكبر هاجس للجنة المنظمة..وأسألوا منظم ما تسألوا طبيب :-)
دكتور عمر ما مبدع .... المبدع (المضهب) اللابس كرفته سوداء العندو نضارتين العامل زي (البرجل) الفي علبة الهندسة
____________________________________________ ضهب شديد والمافي شنو
Post: #5 Title: Re: أوووعكم تمشوا للدكتور ده ..بيكتلكم .. Author: محمد البشرى الخضر Date: 01-06-2012, 01:19 PM Parent: #4
Quote: أجمل ما في هكذا تخاريج وهكذا إحتفالية إنها بتمذق فواتير الفنانين وبند عداد الفنان اللي هو أكبر هاجس للجنة المنظمة..وأسألوا منظم ما تسألوا طبيب :-)
القاليك منو يا ود الفاروق حفلات التخريج بقى عندها متعهدين ومنظمين وقيامة رابطة ود خالي تخرج من التقانة كل طالب دفع ستمية الف الشير لكن كان برنامج مبالغة بيني وبينك
Post: #6 Title: Re: أوووعكم تمشوا للدكتور ده ..بيكتلكم .. Author: حيدر حسن ميرغني Date: 01-06-2012, 01:23 PM Parent: #5
تخريخ مبالغة ياعمر حقنة في العضل عديييل
Post: #7 Title: Re: أوووعكم تمشوا للدكتور ده ..بيكتلكم .. Author: القلب النابض Date: 01-06-2012, 01:30 PM Parent: #5
مبدع بالجد وصلب ليك الاساتذة زي الما حاصل شي لمن كمل النقزي والجرس
يا عمر الما دكتور، يأخي عمر الدكتور دا كتلنا بالضحك قبل نمشي ليهو. والله صحي.
انا خايف باكر تلقاهو رآكب ركشة، أو أمجاد، ولو جلّ من وآحدة من الإتنين ديل معناتا طشّا من مجالوا. يا اخي المساكين ديل بقوا بيتخرجوا للمؤسستين ديل فقطاً. البركة في الربّة. والله صحي...
Post: #10 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-06-2012, 02:14 PM Parent: #8
والله يا السنوسي كلهم مبدعين..وألذ حاجة إنو الناس ديل مثلهم الأعلى الأستاذ الربع مد الله في أيامه..
Post: #11 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-06-2012, 03:13 PM Parent: #10
إنت جادي يا ود البشرى؟؟؟ آخر عهدي بالتخاريج كنت المسؤول عن تخريج دفعتين من كليتنا كان الخريج بيدفع 25 ألف ةالباقي بنتمو شحدة من ذوي القلةب الرحيمة وخطابات التبرع.. لكن بيني وبينك انا اتوقعت حاجة زي تحصل وإنو ح يجي متعهدين لأنو الشغلانة دي مربحة.. زي ما قلت فعلا بتطلع برامج لطييفة.. وتييييييت..
Post: #12 Title: Re: أوووعكم تمشوا للدكتور ده ..بيكتلكم .. Author: سارة عيسى أحمد Date: 01-06-2012, 03:23 PM Parent: #11
ظريف دكتور عمر ...بس الخوف ينسي التييييت في بطن المريض
Post: #13 Title: Re: أوووعكم تمشوا للدكتور ده ..بيكتلكم .. Author: Mahmoud Mustafa Mahmoud Date: 01-06-2012, 03:41 PM Parent: #12
C+ C+ C CREATIVE CRAZY CHEERFUL
Post: #14 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-06-2012, 07:12 PM
يا حيدر مش الجماعة دكاترة؟ لازم اكون في الحقن دي..
Post: #15 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-06-2012, 07:20 PM Parent: #14
عارفة يا قاب الزول ده ذكرني بي شبابي..فقبل عشرة سنوات انا عملت نفس المشهد هججت زي ربع ساعة وحتييييتو حتى مشيت سلمت على الأساتذة..يومها اتوقع كانت ظاهرة تخريجية فريدة لأنو اليوم التاني وصدقي أو لا تصدقي سمعت إتنين في الحافلة عن الولد البالغ في تخريج نادي الضباط امبارح..:-) غايتو كل ما أشوفني بقول انا اليوم داك كنت مالي..وخلي في بالك انا راسي ده غير الحلاقة واللفيت ما كنت بستخدمو لي شي..واسة بقا لفيت بس حلاقة زاااتو ماف
Post: #16 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-06-2012, 07:25 PM Parent: #15
يا مدير.. ياخ الزول ده لحدي عمر الفا دي انا مشترك معاهو..الزول ده ما أظن يلم في المؤسستين ديل لكن غالبا ح يفتح ليهو عيادة رقص شرقي..هييي قصدي مدرسة.
Quote: وألذ حاجة إنو الناس ديل مثلهم الأعلى الأستاذ الربع
شوف يا الفاروق لو عايزنا نختلف نهائي اتكلم كلام ما ياهو في الربع دا
أيمن الربع دا بالنسبة لى ما فيهو إي نضم .
دكتورك دا غايتو بجازوا لنا ربعنا ولكم دكتوركم لوووووووووووول
Post: #19 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-06-2012, 07:42 PM Parent: #18
يا سارة يا عيسى.. نسيان البيييب في بطن المريض ما مشكلة ..المشكلة يكةن البييييب معمول في وضع الهزاز.. ..لكن لو صامت المريض ما بتجيو عوجة.. وبما انك شاعرة حره هاك دي.. دكتور عمر..دكتور طبيب.. نسى الهاتف.. في بطن المريض.. وبيييييب...بييييب
Post: #20 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-06-2012, 07:46 PM Parent: #19
يا محمود ضغطت علي بي موضوع الإنجليزي ده.. أخوك إنجليزيو حبببة..لكن والله ما برجعك فاضي وليك مني c رابعة.. Cat... ودي الكلمة الوحيدة الحافظا وبتبدا بي حرف الc
Post: #21 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-06-2012, 07:49 PM Parent: #20
طبعا يا ابو حسين إنت النوع القريت أيام بيمشو المدرسة بي العراقي وبتشيل عمود للفطور عشان كده إتمحنت..لكن انا غايتو عااادي ما ممحن..:-)
Post: #22 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-06-2012, 07:56 PM Parent: #21
ملاااحظ ليك يا نابري كايس ليك معاي شكلة.. لكن صدق يا حبوب آي ممييين إت وما تريقة. ؟ الربع ده زةل فنان وخيالو واسع وصاحب مدرسة وإن كان فيها إزعاج لكن الزةل ده وصل لي قلوب الناس سريييع.. وعشان اوريك وصدق أو لا تصدق وانا بسمع في الأغنية دي قارنتها مع أغنية زولكم بتاعت العصفور ووالله لقيت إنو دي فيها خيال وصدق أحسن مليون نرة.. والدليل ةبما إنك فنان لاحظ الفرق وفن وخيال الربع وهو بيدخل صوت البوري ويين وبيهئ النستنع وبين تقليدية زولكم في إقخام صوت البكا في الأغنية إيهههي. إييهههي...إييههي.. نابري ما تستهون بي اخوك في حاجات كده انا لامن اقولا عاين بين السطور واقراني لي قحام سمح؟
الدكتور دا مفروض يشيل ورقو ويجي يشتغل هنا في امريكا وفي امريكا في سانتا كروز، طبعاً في سانتا كروز هنا الدكتور عادي بيكتب ليك روشتة (الخضراء) وتمشي تصرفها من اقرب صيدلية.
عندي صاحبي امريكي راستا قال لي أنا بمشي للدكتور وبقول ليهو (مدبرس وقاعد افكر في الغنتحار) يقوم يصرف ليهو عدد 30 سجارة في الشهر.
يا خي تسلم على المتعة والبهجة.
Post: #24 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-06-2012, 08:09 PM Parent: #23
الصادق يا حبوب.. صدق انا من الصباح بشاهد في المقطع ده وبإستمرار.. المقطع ده انا ما نزلتو للإصحاك بل للمتعة الإنت حسيييتا دي..وانا حاسيها من الصباح دي.. المقطع ده فيهو حاجات كده مريييحة وانا ما بستبعد إنو عمر ده ممكن يكون دكتور شاطر جدا لكن نحن في السودان إنطباعيين وطةالي نلصق ليك للزول دمغة البلادة وقلة الأدب..عشان كده انا اتعمدت اقول ما تمشو للدكتور ده..
المقطع دا كلو مريح جداً وببشرني أنا شخصياً إنو الدنيا دي بي خير لسه والناس بتقدر (تعبِّر عن مشاعرا) بحرية والمهم العفوية والتلقائية في الموضوع والإبتكار.
ياخي الواحد قرّب يبقى ناقد فني عديل كده، غايتو الواحد لو كان حضر زمن ناس الربع ديل، كان تلقانا مضهبين في أي حفلة بتاعتو.
بالله يا عمر ياخي ما تحرمنا من (هكذا مُتِع وراحة كنكوجية) زدنا زادك الله
Quote: طبعا يا ابو حسين إنت النوع القريت أيام بيمشو المدرسة بي العراقي وبتشيل عمود للفطور عشان كده إتمحنت..لكن انا غايتو عااادي ما ممحن..:-)
كتر خيرك و بارك الله فيك
ياخ طمنتني .....
Post: #27 Title: Re: أوووعكم تمشوا للدكتور ده ..بيكتلكم .. Author: مرتضى احمد عبد القادر Date: 01-06-2012, 10:19 PM Parent: #26
مرقو الخاينة
Post: #28 Title: Re: أوووعكم تمشوا للدكتور ده ..بيكتلكم .. Author: بهاء بكري Date: 01-07-2012, 07:44 AM Parent: #27
هلا ياعمر الشاب خطير وود قلبا جده عمر مهدي رئيس نادي ودنوباوي الاسبق ووالدة الدكتور الفاتح عمر مهدي طبيب العيون ولدية مستوصف بالشهداء اظن اسمو النيل ووالدتة الدكتورة وصال عابدين بت حياة البرير
شكرا
Post: #29 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-07-2012, 08:35 AM Parent: #28
يا مرتضى.. دي إسمها الخاينة خايفة.. دي مش مرقوها بس لالالا ديل دقوها عدييببل
Post: #31 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-07-2012, 08:40 AM Parent: #29
بهاء يا عيسى..قصرت علي المشوار ياخ..كنت عايز اشأل لو في زول بيعرف الولد ده عشان يرسل ليهو تحياتي وإعجابي.. وما خاب ظني في إنو الولد ده مأصل تماما..وود سنترا.. الحاجات دي اصلا ما بيعملوها إلا أولاد قلبا ياخ..
Post: #30 Title: Re: أوووعكم تمشوا للدكتور ده ..بيكتلكم .. Author: دينا خالد Date: 01-07-2012, 08:37 AM Parent: #28
لووووووووووووب ياخى ! عمر الاخر (على وزن مريم الاخرى ) ! دا ابتذل ليك ليهم اى حاجة فى الدنيا !!!
الغريبة ظل محتفظ بهيبة (المتفوق) والعارف بعمل شنو !
نحن فى انتظار عمر ليقلبها ...
،ـــــــــــــــــ عمر الاخر ,, عندك 5 يوم تجيب فيهم رقيص العروس العملتو يوم تخريجك . ما جبتو براك بتلقى نزل هنا برااااهو ........
Post: #32 Title: Re: أوووعكم تمشوا للدكتور ده ..بيكتلكم .. Author: Mohamed Yassin Khalifa Date: 01-07-2012, 09:16 AM Parent: #30
يا أخي ده دكتور بهجة.. ومبروك عليهو الدكترة!
وغايتو يا عمر زولك ده في تخريجه عمل كده.. أها في عريه يعمل شنو؟
بصراحة ريحتني فرحته وفرحة أمو وأبوهو.. ومبروك وربنا يجعل الشفاء بين إيدينو لكل مرضاه.
Post: #33 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-07-2012, 09:25 AM Parent: #32
يا ابوحميد الزول ده غالبا ما ح يعرس..لأنو لو لحق عرس البهجة بتطير ليهو في راسو..:-)
Post: #34 Title: Re: أوووعكم تمشوا للدكتور ده ..بيكتلكم .. Author: محمد عبد الماجد الصايم Date: 01-07-2012, 09:49 AM Parent: #33
هههههههههههههههه مبروكـ والله!! مبروكـ شديد!!
Post: #36 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-07-2012, 10:13 AM Parent: #33
دينا آل خالد.. والله عمر الآخر النصييييحة حتاهو بس زمنا كان لسة ناس علوية فرن ونجاة الإنقاذ ديل لسة ما جو.. تصدقي اخوك أرسى فهم جديد وكيف أن أغاني محمد الامين تصلح لرقيص العروس.. إتخرجت بي أغنية أسمر جميل لكن هجيجي حولا لي حمام الجك يلا يا منقة.. وهنا يكمن الإبداع:-)
Post: #35 Title: Re: أوووعكم تمشوا للدكتور ده ..بيكتلكم .. Author: سفيان بشير نابرى Date: 01-07-2012, 09:51 AM Parent: #27
Quote: ملاااحظ ليك يا نابري كايس ليك معاي شكلة.. لكن صدق يا حبوب آي ممييين إت وما تريقة. ؟
يا صاحبي و الله قاريك صاح و عارفك عارف الزول دا فنان و خيالو خيال فنانين . و عارفك عارف أنو أيمن الربع قلب الشغل بتاع الاورغن تحت فوق . ياخ و حياة الله الخلقني وخلقك أنا بعرف ناس بفتشوا الحفلات الشغال فيها الربع دا فتيش و اصلاً ما عندهم فهم القون منو و الا القونه منو فهمهم الربع و ما يفعله من عزف على الآلات البيجيبه معاهو و الرقيص الحيرقصوا و الاستايل الحيكون لابسوا و النضاره شكله كيف . يازول الزول دا مصيبه بالمعنى البسيط الربع دا قال لابوهو :- اقعد هناااااااااااك و اتفرج في فني كيف لوووووووووووووول .
و تييييييييييييييييت
Post: #37 Title: Re: أوووعكم تمشوا للدكتور ده ..بيكتلكم .. Author: Hussein Mallasi Date: 01-07-2012, 10:15 AM Parent: #35
Quote: ووالدتة الدكتورة وصال عابدين بت حياة البرير
يا رااااجل!
Post: #38 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-07-2012, 10:20 AM Parent: #37
يا ود الصايم ..الزول ده انا قررت أرسل ليهو هدية بمناسبة التخريج..أها تشارك في الشيرنق؟؟
سحس يا ملاسي..يا راااجل حقتك دي بتاعت محمد سليمان ولا واحدة تانية؟
Post: #41 Title: Re: أوووعكم تمشوا للدكتور ده ..بيكتلكم .. Author: محمد عبد الماجد الصايم Date: 01-07-2012, 10:43 AM Parent: #38
Quote: سحس يا ملاسي..يا راااجل حقتك دي بتاعت محمد سليمان ولا واحدة تانية؟
بل أفدح منها
Post: #45 Title: Re: أوووعكم تمشوا للدكتور ده ..بيكتلكم .. Author: Munir Date: 01-08-2012, 11:49 AM Parent: #44
الواحد لمن يشوف شباب سغار مبتهجين محتشمين فرحانين مهججين يطمئن إنو البلد لسه بخير .. الشباب ديل إتعصروا قراية وكشات ودفاع شعبي وضرب نار وحرب ومواصلات مافي ، وبعد كده they moved on وعايشين حياتهم بطريقتهم رغم الظروف الصعبة ..
.. أنا غايتو الفيديو كيفني .. سيناريو المقدمة بتاع تسليم النضارة شئ بديع (السلَّم النظارة ده منو؟؟).. أنغام أيمن الربع رائعة .. الأغنية تمام .. فرحة الأصحاب بصاحبهم جميلة .. الباك قراوند بتاع ال men in black الشغالين هجيج تحت المنصة برضو مبهج .. والبنات زاتم متكيفات ..
Post: #46 Title: Re: أوووعكم تمشوا للدكتور ده ..بيكتلكم .. Author: طلحة عبدالله Date: 01-08-2012, 11:58 AM Parent: #45
لعمر الفاروق في الحفلات والهجيج هوى ومزاج لا يختلف عن مزاج بتاعين البنقو كتير ؟ ما جربت البنقو لكن إتخيل لي ناسو زي عمر الفاروق دا بالنسبة للحفلات ومختلف اماكن الهجيج والهيصة.
Post: #47 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-08-2012, 01:44 PM Parent: #46
والله يا منير أديتنا المختصر المفيد.. الشباب واضح عليهم إنهم مبرفين الموضوع وما تستبعد يكون ده اخوهة الصغير.. أجمل ما في الموضوع البهجة الجماعية الكانت مدووورة دي..
Post: #48 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-08-2012, 01:48 PM Parent: #47
والله يا طلحة قدر ما حاولت أقرا كلامك مصاحبا لي علامة الإستفهام ما ظبط معاي.. الغريبة بي التعجب أحلى..ولا شنو؟؟؟؟؟؟؟؟؟؟؟؟ غايتو للضمان كده انا زييك ما عارف ناس البنقو ..أها ننتظر ود البشرى يشرح لينا سوا؟
Quote: والله يا طلحة قدر ما حاولت أقرا كلامك مصاحبا لي علامة الإستفهام ما ظبط معاي..
والله أنا ذاتي يا عمر الفاروق مين الجاب علامة الإستفهام دي في كلامي الفوق دا؟ الظاهر عليها وقعت ساي والله يا أبو عمير وما مقصودة .. المهم أقرأ الكلام دون استفهام ولو ما ظبط معاك فستجدني ان شاء الله من الشارحين
Post: #52 Title: Re: أوووعكم تمشوا للدكتور ده ..بيكتلكم .. Author: Khalid Osman Jaafar Date: 01-08-2012, 07:19 PM Parent: #51
سلام يا جماعة،
الزول طلع قريبي!
بغض النظر عن رأيي الشخصي في طريقة الإحتفال، بس حبيت أنقل كلام والده، د. الفاتح عمر، عن تعليقات الناس علي الموضوع:
"رقصت وانا شاب و لا زلت ارقص فللفرح وقت وللعمل وقت. والفنان دايما طبيب ماهر. . و احترامى لراى الجميع. . قالرقص والفن والادب زادنى الهاما فى الطب
والد عمر. .استشارى عيون"
Post: #53 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-08-2012, 07:26 PM Parent: #52
يا جني.. والله الولد زااتو عدلا.. ياخ ده ولد مبدع وخلاق..
Post: #54 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-08-2012, 07:29 PM Parent: #53
يا عمدة.. كل الطاقم الطبي كان مبدع..اخصائي التخدير محضر العمليات الممرضين ..ياخ حتى أهل العيان مبسوطين..:-)
Post: #55 Title: Re: أوووعكم تمشوا للدكتور ده ..بيكتلكم .. Author: عمر الفاروق Date: 01-08-2012, 07:34 PM Parent: #54
يا ختلد.. كويس لقينا زول قريب الدكتور المبدع ده لأننا بصدد إرسال هدية تقديرا وإعجابا والله وانا جادي..فبالله ظبط لينا الموضوع ده وينوبك ثواب لو جبت لي تلفونو.. بالنسبة لي كلام والدو فيبدو إنو علق في حتت واجه فيها الإنتقاد وعليه نرجو منك توريهو درب البوست ده عشان يشوف كيف في ناس تانية محتفية ومبسوطة من ولدو.. انا مقتنع تماما إنو الولد ده ما ساهل ومقطع الشطارة كمان وإلا لما تجرأ لهكذا إبتهاج.. ياخ ده ولد مرييييح..
Post: #56 Title: Re: أوووعكم تمشوا للدكتور ده ..بيكتلكم .. Author: Khalid Osman Jaafar Date: 01-08-2012, 08:07 PM Parent: #55
) بحرية والمهم العفوية والتلقائية في الموضوع والإبتكار.
