Post: #1 Title: دعوة لتكوين جبهة ثورية نوبية Author: Medhat Osman Date: 01-05-2012, 01:22 AM
في ارض الواقع في المنطقة النوبية تم تاسيس الهيئة النوبية لتنمية النوبة ومناهضة السدود من لجان مقاومة بناء سدي دال وكجبار. خلال الفترة الماضية.. وفي الخرطوم هنالك لجنة مشتركة ولجنة شبابية لمقاومة بناء السدود. وعلي هذا الاساس القوي في المنطقة والخرطوم ادعو اللجنة الدولية لانقاذ النوبة ومناهضة السدود. هيئة كدنتكار لتنمية النوبة. تحالف الاحزاب النوبية في المملكة العربية السعودية. حركات كوش في اوربا وامريكا. لتكوين جبهة ثورية نوبية قبل الانضمام بكيانات صغيرة للجبهة الثورية السودانية. وبالتاكيد كل هذه التنظيمات والكيانات متفقة علي ضرورة المحافظة علي المنطقة النوبية وتنميتها ومقاومة السدود,... ولكن كيفية تكوين الجبهة الثورية النوبية يجب ان تتم في ارض الواقع اعني ان يجتمع قيادات العمل النوبي من امريكا واوربا في دولة مثل بريطانيا وبالتنسيق مع اجتماع اخر للنوبيين في الخليج في الممكلة العربية السعودية واجتماع يجمع ناس الداخل . علي شرط ان يتم كل هذه الاجتماعات في ظرف اسبوع واحد في بريطانيا والسعودية والخرطوم او المنطقة النوبية. لانو الدعوة لتكوين كيانات نوبية عبر المنتديات وغيرها لن تفيد. وعندما يلتقي قادة العمل النوبي وجه لوجه سوف ينتهي كل ما يدور بينهم من سوء فهم عبر المنتديات.
Post: #2 Title: Re: دعوة لتكوين جبهة ثورية نوبية Author: Medhat Osman Date: 01-05-2012, 01:32 AM Parent: #1
اي نوبي موافق علي الفكرة يكتب فقط موافق وبعد داك نتناقش عبر وسائل اخري في التفاصيل.
Post: #4 Title: Re: دعوة لتكوين جبهة ثورية نوبية Author: عزام حسن فرح Date: 01-05-2012, 09:24 AM Parent: #3
مدحت كيف حالك؟ علك طَيِب
سجِلني معاكُم طوالي.. بس وحياة أبوك تكون قاصِد بِالـ"نوبِية" البشر الموجودين على شريط النيل مِن حلفا دِغيم لحدود الدناقلة (أبوفاطنة) أها يا خوي أي توسيع لِمفهوم النوبِية أنا برررررره.. الزحمه مو حبابا
Post: #5 Title: Re: دعوة لتكوين جبهة ثورية نوبية Author: Medhat Osman Date: 01-05-2012, 10:03 AM Parent: #4
شكرا ليكم سنادة وعزام. اخوي عزام انا قاصد جبهة ثورية نوبية من الكيانات المذكورة اعلاه. ومعظمها مكونة من سكان حلفا السكوت المحس دنقلا واكثر ناس نشيطين مثلا في لجان المناهضة للسدود داخل محافظة دنقلا ناس كرمة وبدين والحفير. بعد تكوين الجبهة يمكن خلق تحالفات قوية مع المناصير مثلا في الشمال واي جهة تتفق معنا وفي النهاية مع الجبهة الثورية السودانية. الي الامام...
Post: #6 Title: Re: دعوة لتكوين جبهة ثورية نوبية Author: عزام حسن فرح Date: 01-05-2012, 10:18 AM Parent: #5
Quote: وفي النهاية مع الجبهة الثورية السودانية
أنا للأسف سحبت طلبي نوهائي.. إنتو بِالتوفيق إن شاءالله
Post: #7 Title: Re: دعوة لتكوين جبهة ثورية نوبية Author: Medhat Osman Date: 01-05-2012, 10:25 AM Parent: #6
ليه يا عزام ده راي شخصي ويمكن مناقشته بعد تكوين الجبهة النوبية. واصلا القصد والهدف الاساسي انو نتوحد نحن كنوبيين في جسم واحد. وبعد داك نبحث عن تحالفات مع اي جهة. بموافقة كل النوبيين. كدي خليك معانا لغاية ما نكون الجبهة.
Post: #8 Title: Re: دعوة لتكوين جبهة ثورية نوبية Author: عزام حسن فرح Date: 01-05-2012, 10:38 AM Parent: #7
أن يكون الخِطاب النوبي واحِد، ده المُنى، بس الأجسام العاوزا تحرِر السودان كوووولو زي [الحركة الثورِية السودانِية] البتضُم في بطُنا حركات بتنادي بِتحرير السودان، مِتِل ديل أنا ضدهم شكلاً وتفصيلاً، خلينا في الدِعاية لجمع الصف النوبي تحت مُسمى حقيقي وواقعي، واقعي يعني ما ندخِل في أجندتنا [تحرير السودان] مُش كِده وبس ما ننادي زاتو بِإسْقاط الإنقاذ، طالما 21 سنة ما سقطت، حقو نكون عاقلين ونشوف لينا معاها طريقة نحقِق بيها آمالنا.. وبعدين ما يُعرف بِـ[كوش] دي لُغْز.. حاجة كِده هُلامِية.. ما معروفة.. بيانات بتطلع مِن وين ما تعرِف.. أها مِتِل [كوش] دي هي البتْجنِن الزول.. ما علينا... خلينا على الأقل في جمع التأييد
Post: #9 Title: Re: دعوة لتكوين جبهة ثورية نوبية Author: Medhat Osman Date: 01-05-2012, 10:49 AM Parent: #8
بالضبط خلينا في جمع التأييد كبداية صحيحة. ونقرر ما نريده بالاجماع.....
راي شخصي في كلامك... سقط الدكتاتور القذافي بعد اكثر 40 سنة ومبارك 30 سنة وبن علي 25 سنة وعلي صالح 30 سنة وبشار الوارث علي مقربة من السقوط. والنظام في السودان اكثر اجراما من هؤلاء. ولا يمكن التعامل مع نظام الانقاذ ويجب ان يكون هدفنا مع الاخرين اسقاطه لاننا في الشمال كما الاخرين متضررين من هذا النظام حتي في وجودنا .
الحاصل بالنسبة لحركات كوش والاختلافات البسيطة بين النوبيين لا يجب ان يستمر. يجب ان نتحد في جسم واحد ونقرر مصيرنا عاجلا....
Post: #10 Title: Re: دعوة لتكوين جبهة ثورية نوبية Author: ناصر المحسى Date: 01-05-2012, 10:52 AM Parent: #9
Quote: الحاصل بالنسبة لحركات كوش والاختلافات البسيطة بين النوبيين لا يجب ان يستمر. يجب ان نتحد في جسم واحد ونقرر مصيرنا عاجلا....
معليش المقصود شنو بالجبهة الثورية ؟ لانه كلمة ثورية بتدخل في اطار مفهوم الجبهة المسلحة اذا كانت بالمعنى ده ، ناسنا البعرفهم من اهل المنطقة ما ناس سلاح وياريت لو في مطالب الناس تعبر عنها بطريقة سلمية بعيدا عن العنف وحمل السلاح صح الناس مغبونة لكن كمان يجب التعامل بواقعية مع طبيعة وتركيبة اهل المنطقة الميالة دوما للسلم
Post: #13 Title: Re: دعوة لتكوين جبهة ثورية نوبية Author: Medhat Osman Date: 01-05-2012, 11:48 AM Parent: #11
Quote: معليش المقصود شنو بالجبهة الثورية ؟ لانه كلمة ثورية بتدخل في اطار مفهوم الجبهة المسلحة اذا كانت بالمعنى ده ، ناسنا البعرفهم من اهل المنطقة ما ناس سلاح وياريت لو في مطالب الناس تعبر عنها بطريقة سلمية بعيدا عن العنف وحمل السلاح صح الناس مغبونة لكن كمان يجب التعامل بواقعية مع طبيعة وتركيبة اهل المنطقة الميالة دوما للسلم
الاخت مايا سلام مافي حاجة اسمها مع ناس سلاح ولا اعني بالاسم ثورة مسلحة فثورة 25 يناير في مصر القريبة مننا كانت ثورة شعبية بسلاح الكلمة في حين جيرانا في ليبيا اضطروا لحمل السلاح من اجل اقتلاع نظام رفع في وجههم السلاح بكثافة... فسلاح الكلمة خطير وذي ما قال بوشي سلاح مابنرفعو ولكن لصبر النوبيين حدود. وحتي اسم الجسم الموحد لنا كنوبيين يمكن ان نتفق عليه اذا اتفقنا علي الفكرة. المهم ان نتمتع بحكم ذاتي في المستقبل ويكون اللغة الرسمية في مناطقنا لغتنا النوبية وان نمنع التغول علي اراضي المنطقة النوبية وان نمنع اقامة السدود في المنطقة النوبية. وان نقتص لشهداء النوبة. وفي راي ده كلو ممكن ان يتم بسهولة اذا اتفقنا مع الاخرين لاسقاط نظام الحكم في الخرطوم. الاهم ان تتسارع الخطي من اجل مستقبل الامة النوبية.
Post: #12 Title: Re: دعوة لتكوين جبهة ثورية نوبية Author: Medhat Osman Date: 01-05-2012, 11:08 AM Parent: #10
حركة كوش خشم بيوت ياناصر هي اكثر من اربعة تنظيمات باسم كوش علي حسب متابعتي للحاصل. وذي ما كتبت اذا النوبيين من هذه الكيانات والافراد من خارج الكيانات اتلاقو وقعدو وجه لوجه مع بعض اكيد حيحصل خير وحيعرفوا انو البيجمعهم اكثر بكثير مما يفرقهم... وانسي الكلام الحاصل عبر المنتديات.
اوافق بشرط الحوار من الصفر لا اجندة مسبقة بعد ان نجتمع ونكون جسم نبدأ فى مناقشة ما بعده بكل ديمقراطية و لو اقرت الاغلبية الموافقة على السدود فعلى لجان المناهضة ان تشرع فى مساعدة الحكومة على بناء السدود
احترام الاغلبية
Post: #15 Title: Re: دعوة لتكوين جبهة ثورية نوبية Author: صلاح الدين نزلاوى Date: 01-05-2012, 02:14 PM Parent: #14
تعودنا منذ الازل على تكوين الروابط والجمعيات داخل وخارج السودان واهدافها خدمة اهلنا .
اما تكوين جبهة ثورية نوبية فهذه علامة استفهام كبرى .
بالمناسبة نحن متهمون بحكم السودان دون الاخرين من الحركات الثورية الجهوية.
Quote: تعودنا منذ الازل على تكوين الروابط والجمعيات داخل وخارج السودان واهدافها خدمة اهلنا .
فرق كبير بين الجمعيات والرابط وحركة كوش والحزب النوبي والتجمع النوبي واللجنة الدولية لانقاذ النوبة ومناهضة السدود والهيئة النوبية لتنمية النوبة ومناهضة السدود في المنطقة النوبية ولجان المناهضة في الخرطوم
Quote: اما تكوين جبهة ثورية نوبية فهذه علامة استفهام كبرى .
Quote: بالمناسبة نحن متهمون بحكم السودان دون الاخرين من الحركات الثورية الجهوية.
ما ده المشكلة مع انو نحن برضو مهمشين ومناطقنا فقيرة ولم تسعي اي حكومة في تاريخ السودان لتنميتها تنمية حقيقية...بل نحن مهددون في وجودنا بانشاء السدود وتوطين المصرين في مشاريع زراعية ضخمة تعد لهم سرا ....
Quote: انا ارفض الانضمام الى هذه الجبهة
انت حر.
Quote: وارفض تكوينها .
في دي ما عندك حق لانو اصلا الحركات والكيانات النوبية اعلاه مكونة اذا علمت بها ام لم تعلم بها,,, اما الافراد الغير منضوين في هذه الحركات والكيانات النوبية فلهم كامل الحرية في الانضمام لكيانهم الجامع او رفضها كما قلت. ورفضك لتوحيدها لا تعني شي...
Quote: بشرط الحوار من الصفر لا اجندة مسبقة بعد ان نجتمع ونكون جسم نبدأ فى مناقشة ما بعده بكل ديمقراطية و لو اقرت الاغلبية الموافقة على السدود فعلى لجان المناهضة ان تشرع فى مساعدة الحكومة على بناء السدود
Quote: احترام الاغلبية
نايف مسكاقمي كل الاحزاب النوبية ولجان المناهضة المذكورة في بداية البوست يجمعهم الاتي تنمية المنطقة النوبية من غير سدود. رفض التغول علي الاراضي النوبية. يعني عندنا ارضية مشتركة تجمعنا كلنا وحتي معظم الافراد اذا انضموا للكيان النوبي الموحد بيكونوا ما عندهم اعتراض علي النقاط المذكورة.
اوافق وكما قال من سبقوني بدون اجندة مسبقة وبأهداف واضحة هدفها المنطقة وإنسانها فقط لان التوسع في الأهداف معناه عدم بلوغ أي منها
عزام ضحكتني قلت لي نوبة النيل وبس؟ ذكرتني موقف حصل لي زمان كنت مرضان وست - تاب الله علينا لكن لسة بحن - ومن الشغل طوالي الكوتشينة وكل يوم اجي نص الليل المرة تديني ليك هرشة وشكله اها لمن الكتشينة تنتهي بمسك ليك في ياسين لغاية البيت . اليوم داك لقيت ليك المرة نست الكتشينة وبتقول لي انت ناس جبال النوبة ديل سموهم نوبة لية فرحت مافي شكله الليلة ودة موضوع دسم قلت ليها ديل متسلبطين في اسمنا ساكت - هذة ليست حقيقة - ولكن قلت اجاري المود يمكن ننوم من غير شكل قالت لي في فنانة نوبية في التلفزيون قالت ان اهلها النوبة في الجبال ينتمون لنوبة الشمال فقلت ليها بالله؟ كيف الموضوع؟ انا ما قابلني الكلام دة قبل كدة لكن ممكن نستفتي في الموضوع دة النوبي الأصيل والكاتب المعروف جعفر عباس - ابو الجعافر- لكن الكان بيهمني اليوم داك انو اليوم يعدي بدون خسائر
Quote: المهم ان نتمتع بحكم ذاتي في المستقبل ويكون اللغة الرسمية في مناطقنا لغتنا النوبية وان نمنع التغول علي اراضي المنطقة النوبية وان نمنع اقامة السدود في المنطقة النوبية. وان نقتص لشهداء النوبة. وفي راي ده كلو ممكن ان يتم بسهولة اذا اتفقنا مع الاخرين لاسقاط نظام الحكم في الخرطوم. الاهم ان تتسارع الخطي من اجل مستقبل الامة النوبية.
الاخ مدحت
هل الفكرة هي تكوين جبهة للمحافظة على المنطقة وتراثها من الاغراق ام انه هي لتكوين دولة نوبية مستقلة
السودان كلو على كف عفريت ، اذا اصلا في مبدا اتفاق مع الغير على اسقاط النظام ببقا السؤال ما هي اهمية تكوين دولة نوبية مستقلة بعد ذلك ؟ لانه المسالة ما هي تقسيم كيكة السودان وخلاص
والسؤال الاهم هل النوبيين في حاجة لحكم ذاتي اوحتى لديهم الاستعداد النفسي والامكانية بشكل عام لتكوين حكم ذاتي
Post: #23 Title: Re: دعوة لتكوين جبهة ثورية نوبية Author: عزام حسن فرح Date: 01-08-2012, 04:14 AM Parent: #22
صالح الزبير صالح كيف حالك؟ علك طَيِب
Quote: وشكله اها لمن الكتشينة تنتهي بمسك ليك في ياسين لغاية
غلطان كَوْنك خليت الوِسْت.. لأنو ده كان طريق جَيِد لِدخولك الجنة، معقول تقرأ يسن كُل يوم مِن بيت الكوتشينة لغاية بيتكُم هذا كفيل بأن ترضى عنك السماء يا زول، أوصي بالعَودة إلى الوِست
اذا النوبيين من هذه الكيانات والافراد من خارج الكيانات اتلاقو وقعدو وجه لوجه مع بعض اكيد حيحصل خير وحيعرفوا انو البيجمعهم اكثر بكثير مما يفرقهم... وانسي الكلام الحاصل عبر المنتديات.
Post: #25 Title: Re: دعوة لتكوين جبهة ثورية نوبية Author: Mustafa Muckhtar Date: 01-09-2012, 00:31 AM Parent: #24
الأخ مدحت
أدعم دعوتك بكل ما أقوي عليه
أرجو أن تضم صوتك لصوت الأخ منان في بوسته عن حركة كوش أتمنى أن نتوحد بكل اختلافاتنا..فالتنوع قوة
Post: #26 Title: Re: دعوة لتكوين جبهة ثورية نوبية Author: Mustafa Muckhtar Date: 01-09-2012, 00:36 AM Parent: #25
الخلاف الذى تم عرضه في بوست الأخ منان عن كوش خلاف مؤسف
لأن الخلاف كالكوليسترول.. منه الخبيث القاتل.. و منه الحميد الذي يزيد الجسم قوة و منعة
Post: #27 Title: Re: دعوة لتكوين جبهة ثورية نوبية Author: Mustafa Muckhtar Date: 01-09-2012, 00:49 AM Parent: #26
الثورة هي السلاح في أدني مراتبها
و هي الفكر و الانعتاق في حقيقتها فالثورة الصناعية..و ثورة الاتصالات هي قمم في الثورات الانسانية و ثورات اكتوبر و ابريل هي قمم في الثورات االسودانية
هي ثورات سلمية و فكرية
و كذلك الثورة النويية هي ثورة سلمية و فكرية .. و مسلحة اذا ما دعت الظروف لذلك
Post: #28 Title: Re: دعوة لتكوين جبهة ثورية نوبية Author: Mustafa Muckhtar Date: 01-09-2012, 01:01 AM Parent: #27
النوبة يشكلون ذروة سنام التسامح السوداني
احنا النوبة أصلنا معروفين
نقبل الآخر باختلاف لونه و دينه و لسانه
دائما كنت اعتبر اننا كنوبة محصنين ضد الفايروس السوداني
لماذا أصابنا فايروس الخلاف
شتت جهودنا و نحن في أمس الحاجة لجهد المقل
أتمني أن يكون هذا البوست بداية لانطلاقة موحدة
و وثبة على قدر أهل العزم
Post: #29 Title: Re: دعوة لتكوين جبهة ثورية نوبية Author: Mustafa Muckhtar Date: 01-09-2012, 01:09 AM Parent: #28
الأخ عزمي
تعليقاتك كلها سلبية أتمني أن نتقوي بجهدك لكن دون ذلك ما تبديه من ملاحظات في غيرأوانها و زمانها
Post: #30 Title: Re: دعوة لتكوين جبهة ثورية نوبية Author: نايف محمد حامد Date: 01-09-2012, 01:25 AM Parent: #28
Quote: الثورة هي السلاح في أدني مراتبها
و هي الفكر و الانعتاق في حقيقتها فالثورة الصناعية..و ثورة الاتصالات هي قمم في الثورات الانسانية و ثورات اكتوبر و ابريل هي قمم في الثورات االسودانية
هي ثورات سلمية و فكرية
و كذلك الثورة النويية هي ثورة سلمية و فكرية .. و مسلحة اذا ما دعت الظروف لذلك
Quote: هل الفكرة هي تكوين جبهة للمحافظة على المنطقة وتراثها من الاغراق
وتنميتها ايضا بالاستفادة من موارد المنطقة
Quote: ام انه هي لتكوين دولة نوبية مستقلة
لا.... الهدف هو اقليم مستقل في اطار الدولة السودانية.
Quote: والسؤال الاهم هل النوبيين في حاجة لحكم ذاتي اوحتى لديهم الاستعداد النفسي والامكانية بشكل عام لتكوين حكم ذاتي
نعم النوبيين في حاجة لحكم ذاتي عاجلا لتنمية المنطقة بطرق علمية وسليمة وعدم التفريط في موارد المنطقة والتجارب كثيرة في دول متقدمة مثل كندا او في دول العالم الثالث مثل العراق.. وده ما حيتحقق الا بتكاتف الجميع.
Post: #32 Title: Re: دعوة لتكوين جبهة ثورية نوبية Author: Medhat Osman Date: 01-11-2012, 02:54 AM Parent: #21
Quote: ادعم هذا المسعي بكل قوة على ان تكون اول اولوياته محاسبة من قتل ابنائنا ورفض اقامة اى سدود لتشتت شملنا
لك التحية عمار. محاسبة المجرمين قبل كل شي. ورفضنا للسدود في المنطقة النوبية مبدأ لا تنازل عنه.
Quote: واصل في هذا المسعى وهو ما يحتاجة جيلنا والاجيال النوبية القادمة