ابــــــو السيــــــــــــــد ابو الشبــــــــــاب شـــــكرا

..........

.

النقابى


ابو السيد

الله يسد نيتك

ابو السيد منو كمان

تسلم يا معاوية له الرحمة بقدر ما شال هم الناس ومات نضيف ...لا يملك فى الدنيا الفانية غير رجال ونساء ماسكين الدرب عدل ووحافظين الوصاية..........
تسلم يا صنديد.

يابا مع السلامة......

http://www.facebook.com/photo.php?v=424413747415http://www.facebook.com/photo.php?v=424413747415

Quote: اتلك الترامس وين الصوتو هامس او الصوتو جاهر..عام مضى ..واعوام اخرى ستاتى علينا..وصوتك تحت الثرى..مرقدك الارض التى احببت ..ومرقدك نحن الذين احببت..ارقد عافية يابا الجايات حبابا..ومافت يوم ابدا قسم..خلى بالك من عماد..عمدة البعرف وريدك..راقد فى حضن..سبلنا ماانقطع العشم..وبجى عشم جديد ويوم جديد..لك الحب والرحمة..وياارض ضمتك رفقا بابوالسيد August 12, 2009 at 1:55pm Hagir Elsheikh يا هدهدى المهدود مين هدهدك .. نمت كل الطيور غنت .. منك يجينى سكوت مين الهداك للناس ... See More February 25, 2009 at 2:03pm Hagir Elsheikh ابو السيد ياوجعى وياوجع القصيدة حين تحكيها الانامل..ارقد عافية January 6, 2009 at 10:40pm Hagir Elsheikh ..ماكان احساسك قبل الرحيل؟هل كان بخاطرك كلام اخير..وصية..وداع لى رفيقة دربك..هل طلب اخير.. اتصور كل لحظة ردفعلك لو عرفت انك كنت بتحتضر..هل كان قرار حرمانك من الحقيقة قرار سليم ولا كان الافضل المامك بالمرض..عميقا اعتقد انك كنت عارف واتقويت عشانا..ونوعا ما الشك خلاك متمسك بالفضل..لكنى مليئة بالتساؤل

ود الباوقه ياصفيق

اطلع من البوست دا

جهلك فاضح

ابو السيد دا اشرف من الشرف يافاسق

لعنة الله عليك وعلى نظامك

Quote: ابو السيد منو كمان

سيد احمد ...والد زملاء البورد نجلاء ونجاة


وتابع يا ود الباوقة


الحديث عن ابو الشباب

لك الرحمة بقدر ما قدمت للوطن


ياعفيف ...ياضل الغلابة

اول من يعلم بفكرة زواجى ........ابوالسيد .ابو الشباب

قبل ناس بيتنا....

Quote: ود الباوقه ياصفيق اطلع من البوست دا جهلك فاضح ابو السيد دا اشرف من الشرف يافاسق لعنة الله عليك وعلى نظامك

تسلم الاخ خدر.

بالكتير ياحليلهم..ياحليل الراحوhttp://بالكتير ياحليلهم..ياحليل الراحو

تسلم يا صنديد .

Quote: ماغبت عن ذاكرتى يوما ولكن لطعم ذكرى رحيلك مرارة خاصة..تملا فمى وجوفى....ذكراك ستظل دوما دافعى فوداعا.. وداعا ياابويا ويامشهاد طريقى August 7, 2010 at 11:34pm · Like Rashid Elsheikh هاجر حبابك يمه ما غاب برهة عن الخاطر له الرحمات ولنا من بعده الصبر والاسوة الحسنة إنتى عارفة ميلاد خالد يوم 11 اغسطس ورحيل ابوالسيد يوم 12 أغسطس يوم واحد ما بين ميلاد ورحيل له الرحمات له المجد فى الاعالى August 8, 2010 at 6:09am · Like Najla Elshaikh سلام اولاد امى وابي كم افتقدكم وافتقد دف ابى وصوته الجهور وحبه الدفاق لكل الناس بدون فرز ولم تجف عيونى وعيون صغارى كاننا لم نخبر علقم الفرق من زمان حين فقدنا احباب لنا لكن قد اكون افتكرتك عصيا على الموت بس كان فراقك حقيقة له الرحمة ولنا مرارة فقدة وقساوة الصبر بس ارسل رساله له انك لم تمت انت موجود فى كل التفاصيل الصغيرة والكبيرة فى حياتنا وحياة كل الذين عرفتهم August 10, 2010 at 7:03am · Like Rashid Elsheikh حولان قد مرّا ولاحول لنا بحالٍ حلتْ بنا محالٌ أن نحولَ عن أحوالها سنتان مرتّا على رحيلِ سنام سُدتنا وسيدُ عترتنا ساس شأننا سنينَ سائدةْ وائل للخيرِ باذلٌ للغيرِ صابرٌ فى الضيّرِ شامخٌ ما إستكانَ لنيّرْ أبو العشرة جد الميةٌ ود زهرا، ياحبيبى، كم أفتقدك الآن وقد كانت حياتى بك غنيةً مليئةً كثمرةِ عنب August 10, 2010 at 10:26am · Like

Quote: سنام سُدتنا وسيدُ عترتنا ساس شأننا سنينَ سائدةْ وائل للخيرِ باذلٌ للغيرِ صابرٌ فى الضيّرِ شامخٌ ما إستكانَ لنيّرْ أبو العشرة جد الميةٌ

الراحل المقيم سيد احمد الشيخ (ابو السيد) نقابى صنديد تعرفه سجون ومعتقلات عهد نميرى

ويكفى انه قدم لشعبة نجلاء ونجاة وراشدوهاجروحيدر...شباب يسدوا عين الشمس ..مهمومين
بقضية شعبهم ....ومنزله مفتوح لكل الشباب ....لن ننساك يا ابو راشد ..انت ارثنا النبيل النضيف



لك الرحمة بقدر ما قدمت لشعبك يا ابو الشباب



ويستمر النضال


التحية للصديقة نجلاء وهى تنازل كــــــــــــــلاب الامن
العار لاشباه الرجال والاذناب

لاقيت وعرفت ولدو حيدر ..
بس اول مرة اعرف انو نجاة اخت نجلاء ..
وعارف نجلاء زوجة بخارى ..

..
أسرة ملونة وأجمل ما يكون يا معاوية ..

Quote: أسرة ملونة وأجمل ما يكون يا معاوية ..

ود المشرف يا صديقى ديل اصحاب اصحاب ولى تجبرتى
فى الحياة وسط هولاء ...وياخ فتش حيدر سمح مليان نقاء
مدهش ....ياخ لامن تكون الونسة مع ابو السيد..ما بتمسع
من الشباب ديل الا كلمة ابو السيد تسبق كلمة يابا او ابوى
تحياتى ليو ولنجلاء بت قرافى....يا مشرف

سيد احمد ...والد زملاء البورد نجلاء ونجاة

وهشام ايضا

من حظي اني جلست معه ايام وليالي
ملح وملاح وونسة دقاقة وخشنة
سمعت منه من الفم للاذن قصة عنبر جودة
وسجلتها في ذاكرتي واوراقي وعدت البه مرة اخرى
وصحح واضاف
ثم نشرتها في الشبيبة كاملة

Quote: لك الرحمة بقدر ما قدمت لشعبك يا ابو الشباب

تسلم يا صنديد.

Quote: أسرة ملونة وأجمل ما يكون يا معاوية ..

شكرا محمد حيدر لنا عظيم الشرف ... تسلم.

أمس كنا راجعين من الحاج يوسف قبل مداهمة

المنزل وكنت بحكي لنجلاء بقصص عن ابو السيد

كلها تدور حول فكاهته ومواقف مضحكة .. وكنا

نضحك عاليا وفجأة لاحظت ان نجلاء قد صمتت طويلا

عاينت لقيتها بتبكي .. ادمعت والان ايضا الدموع

تغطي علي الشاشة ولكنني ساكتب وساحكي عن والدي

سيد أحمد الشيخ علي حسون علوب عاش شريفا ورحل من

الدنيا شريفاً ناضل من اجل شعبه وعمل في كل بقاع السودان

مداويا للمرضي بالمستشفيات مطالباً بافضل الاوضاع للقطاع الصحي

رحل ابوي تاركاً سيرة نفاخر بها .. لا شق لا طق

نم هادئاً يا ابو السيد

Quote: رحل ابوي تاركاً سيرة نفاخر بها .. لا شق لا طق نم هادئاً يا ابو السيد

تاركا مناضلين نضاف ...لك الرحمة ابا راشد

وبهم يستمر النضال

Quote: سيد احمد ...والد زملاء البورد نجلاء ونجاة وهشام ايضا من حظي اني جلست معه ايام وليالي ملح وملاح وونسة دقاقة وخشنة سمعت منه من الفم للاذن قصة عنبر جودة وسجلتها في ذاكرتي واوراقي وعدت البه مرة اخرى وصحح واضاف ثم نشرتها في الشبيبة كاملة

ود العبيد نسيت سامى سيد أحمد .....

Quote: ود العبيد نسيت سامى سيد أحمد .....

سامي فردتي ما بتنسي
ذكرت هشام لانو عضو في المنبر
امس شايفو بتاوق



امشي وتعالي قولي لي نسيت شاكر !!

الخلف نجلاء ونجاه ما مات
بوست للاحتفاء بالشريف ابو الشرفاء له واسع الرحمه
اي زول من جماعه الانقاذ وعمرالبشير ونافع
بالله خلف دور ويورينا عرض اكتــــــــــــــــــافو

Quote: ....ومنزله مفتوح لكل الشباب ....لن ننساك يا ابو راشد ..انت ارثنا النبيل النضيف لك الرحمة بقدر ما قدمت لشعبك يا ابو الشباب

رحمه الله واسكنه مع الشهداء بقدر ما قدم للوطن والشعب

للعلم لدى اكثر من 23 صديق مشترك هنا فى البورد بينى وبين ابونا ابو الشباب

بيت ابو السيد محطة تلاقى للرفاق ...وياريت يا خالد عبيد تواصل حكى .......



لك الرحمة ايها الاب المدهش ....انت فى ذاكرة جيل لا يخون


وبارثك سيستمر النضال ...نم بخير يا ضل الغلابة والكادحين

رجل انجب جبالا شوامخ ...

لابتنهد ولابتتهز.....

له الرحمة والمغفرة.!!

Quote: الله يسد نيتك ابو السيد منو كمان

ود الباوقة ...حيرتنا ..

الله يرحمو ويغفر له ..والخلف لم يمت ..

تحياتي لابنائه واسرته ...

اللهم ارحنه وتقبله بقدر ما اعطانا ووطنه من ابناء وتضحية

مشكور اخي معاويه

Quote: رحل ابوي تاركاً سيرة نفاخر بها .. لا شق لا طق نم هادئاً يا ابو السيد

بخارى ياريت تنزل التسجيل عن عنبر جودة...
شكرا يامعاوية يا صنديد أبوى ما مات أبوى حي طالما فى أمثالك حافظين للجميل.

Quote: Quote: الله يسد نيتك ابو السيد منو كمان ود الباوقة ...حيرتنا .. الله يرحمو ويغفر له ..والخلف لم يمت ..

يا احمد تتوقع شنو من واحد هلفوت

وانتحازى مطبل زى ود الباوقة

Quote: لخلف نجلاء ونجاه ما مات بوست للاحتفاء بالشريف ابو الشرفاء له واسع الرحمه اي زول من جماعه الانقاذ وعمرالبشير ونافع بالله خلف دور ويورينا عرض اكتــــــــــــــــــافو

تسلمى يا دوما.. لنا عظيم الشرف بمرورك وبما خط قلمك السنين فى حق الوالد ابو السيد له الرحمة.

Quote: رحمه الله واسكنه مع الشهداء بقدر ما قدم للوطن والشعب

تسلم الاخ ناصر.

Quote: رجل انجب جبالا شوامخ ... لابتنهد ولابتتهز..... له الرحمة والمغفرة.!!

شكرا أخي مجدى ، تسلم

Quote: الله يرحمو ويغفر له ..والخلف لم يمت .. تحياتي لابنائه واسرته ...

ألف تحية ليك الاخ احمد وشكرا للمرور

Quote: . اللهم ارحنه وتقبله بقدر ما اعطانا ووطنه من ابناء وتضحية مشكور اخي معاويه

تسلم الاخ طارق ميرغنى

Quote: لك الرحمة ايها الاب المدهش ....انت فى ذاكرة جيل لا يخون وبارثك سيستمر النضال ...نم بخير يا ضل الغلابة والكادحين

Quote: (يا أبوالسِّيد سلام، يازول يا تمام) (فى ذكرى معلمى الأول سيدأحمد الشيخ أبى وصديقى) للضِّيفان تباشِرْ ولو زادك بلّيلة مِتيّقِن وصابر كان وقعت تقيلة صرامة مع إبتسامة ورقة و إستقامة يا ابشورتن عديلة وصبرك وسُعِ صدرك وصدرك يابا ماهِلْ مُحِيط ما ليه ساحِلْ ياك سِدّرة مُنْتهانا التِحِتْ ضُلّك نقيّلْ ويا مَتَرةْ رَوّانا يا العادِّيكْ مِنيِّلْ بقية الأكرمين ويعسُوب القبيلة. جِيتكْ أداوى وجعك لِقِيت ما عِّندى حِيلة أتاريك كُنتَ عارِفْ (الغرّارة) كِملّتْ وأيامك قليلة ما بين الرياضة والغُبُش المراضى وترتيب الأجندة ثورة وإنتفاضة وتكّرِيبْ النقابة وتنظيم الشبِيبةْ وتسيير المواكب بى دِقة وإحاطة وهموم شعب وأسرة وقلب نفّاج و شارِعْ وبيت مفتُوح مشارِعْ طِيبةْ وحُبّ وسُترة تمانين حُول تصارِعْ هيبة وكون نجاضة. أغفر ليَّا يابا سرقتنى المنافِىّ تِحِتْ قَسّوة مدايِّن وبين وحشة مرافِىّ وإِنتَ دوام تآزر وليل الغُربة جافِىّ رزاز عطفك يهتَّن زى النبعِ صافِىّ تشِّد من عزمِّى دِيمّة بى عفارِمّ عوافِىّ وتسند لى قفايا بالحُبْ المُوافِىّ من خمسين عام وسبعة مشيت درب المشارِق طريق الشعب وحِزبُو الرايّات و البيارِق أغراس العدالة، النُبْلّ، الرّجالة والحُلم البيكبر كيتاً فى البنادِق والناس البكرة تمرُقْ والشِغِيلة تهْتِفْ للعدل البرفّرِف والسِلم البهفهِفْ لامهضُومات حِقُوقه ولا ناشفات حُلُوقه لا همّاها سُونكِى لا بُوت لا مشانِقْ عنبر جوده يحكى وقفات الرُّجُولة (فرّح. كمرات. عساكِر)* أضراس الفُحُولة رسمتَ معا رفاقتك لوحات للبُطُولةْ ثبات عِزة ومَهابة، نقابة مع نقابة بعرض الأرض و طُوله زارع جنبُو عامِل (أرباب لاقى عامِر)* (يُونِس والبلُولّة)* حليلك يارفيقى، يا والدِىّ وصدِيقِى يا( أبوالسِّيد) سلامًا يا إنسان حقِيقِي شكراً للرِبَاية وشكراً للهِدَاية ياك مُشّهاد طرِيقِى أرقد هانِىّ يابا والجايات حبابا كان وشّلّ رشاشا للغُبُشْ التعابى وكان هضلّم وشِيها ورقَلّتْ فى مشِيها ما بنجهل وصيّتك (حبابك دنيا ضِيقى... حبابك دنيا ضِيقى) وداعاً يارفيقى وساعة الجِدّْ صديقى ووداعاً يا إبويا يا مُشّهاد طريقى ويا أبو (السِّيد) سلاماً يا إنسان حقيقى. راشد سيد أحمد الشيخ 17 أغسطس 2008 * 1- (فرح) المناضل فرح عثمان شرفى النقابى المخضرم * 2- (كمرات) المناضل النقابى عبداللطيف بشير (كمرات) * 3- (عساكر) الشهيد الشيخ عساكر رئيس إتحاد مزارعى أم هانى وأحد شهداء عنبر جودة * 4- (أرباب) المناضل الشيوعى أرباب العربى * 5- (عامر) الشيخ المناضل الشيوعى شيخ العبيد عامر من مؤسسى إتحاد المزارعين * 6- (يونس) المثقف والمناضل الشيوعى يونس محمد الحسن الدسوقى * 7- (البلولة) المناضل الشيوعى أحمد البلولة العامل بالنقل النهرى كوستى

Quote: أغفر ليَّا يابا سرقتنى المنافِىّ تِحِتْ قَسّوة مدايِّن وبين وحشة مرافِىّ وإِنتَ دوام تآزر وليل الغُربة جافِىّ رزاز عطفك يهتَّن زى النبعِ صافِىّ تشِّد من عزمِّى دِيمّة بى عفارِمّ عوافِىّ وتسند لى قفايا بالحُبْ المُوافِىّ

Quote: عنبر جوده يحكى وقفات الرُّجُولة (فرّح. كمرات. عساكِر)* أضراس الفُحُولة رسمتَ معا رفاقتك لوحات للبُطُولةْ ثبات عِزة ومَهابة، نقابة مع نقابة بعرض الأرض و طُوله زارع جنبُو عامِل (أرباب لاقى عامِر)* (يُونِس والبلُولّة)*

الارث النبيل للشعب السودانى وسيتمر النضال
يا ابوالسيد ...لهم الرحمة ولك ...انتم ملح الجروف
والتقاوى النابتة ...

Quote: بوست للاحتفاء بالشريف ابو الشرفاء له واسع الرحمه

ياتى الاصدقاء لابو السيد ..للونسة المدهشة التى تضيف
لكل مستمع حزمة نقية وصادقة عن تاريخ القوى الديمقراطية
ومناقشة السلبيات فى التجربة وحوار مقارنة ممتع بين جيله
وجيلنا ..يسرح قليلا .ويعود للحوار مبتسما ...هكذا ابو السيد
يحرص على نقل التجربة بصدق

لك الرحمة يا نبيل


نعود

Quote: سمعت منه من الفم للاذن قصة عنبر جودة وسجلتها في ذاكرتي واوراقي وعدت البه مرة اخرى وصحح واضاف ثم نشرتها في الشبيبة كاملة

خالد يا خ ابحث رغم صعوبة ذلك اتذكر هذا الحوار
العميق ...لاعادة نشره

تحياتى لرقية عبيد والولاد









كك

Quote: خالد يا خ ابحث رغم صعوبة ذلك اتذكر هذا الحوار العميق ...لاعادة نشره

الصنديد حبابك.... ومعاك بنطالب خالد ود العبيد للبحث عن الحوار.
راشد وبخارى برضو معاهم تسجيل صوتى لاحداث جودة.
تسلم يا معاوية وتحياتنا لناس البيت.

كم وكم نحتاجك الان سيدى ...كم يشتاق الاصدقاء ..لك .........


لن نحيد كم تشتهى ..الفقراء.. الوطن ...ارثك زاد..حتى نلتقى

لك الرحمة يا ابو السيد ...نحبك

Quote: كم وكم نحتاجك الان سيدى ...كم يشتاق الاصدقاء ..لك ......... لن نحيد كم تشتهى ..الفقراء.. الوطن ...ارثك زاد..حتى نلتقى لك الرحمة يا ابو السيد ...نحبك

الصنديد سلام ....
فى انتظار خالد العبيد ، بخارى الامين ، راشد سيد أحمد والتوثيق عن عمبر جودة .
تسلم يا وفى.