س: هل يستحق عبد الرحيم محمد حسين قيادة القوات المسلحة؟؟؟

دا سؤءال بالمناسبة جااادي
وياريت الكانو منضويين تحت راية قوات الدفاع عن ارض السودان يدونا تداخلاتهم؟

سين (1) ماهي مؤهلات عبد الرحيم محمد حسين؟
ـ

جيم (1)

اظنو فقط ( الطيّار دا) كان اطوع للبشير ومعاو بكري حسن صالح
اظنهم كانوا اطوع له من بنانو

الله صحي !!



لكنه عوضاً- اي البشير وبصفته قائد عام للقوات المسلحة - اختار عديم الكفاءة والمعرفة مجسمة في عبد الرحيم عشان يقودو من اضانو
وبكدا يقوود معظم الشعب
ـــــ
انتو قايلين ود الخضر والا نافع الضاار وقت يقول الربيع العربي ما بيغشانا عن فرااغ؟
ما لييه لانو ضامنين الجيش في جيبهم

جيش للآن عبد الرحيم محمد حسين ما قادر يرفع ليهو بندقية تمشي ترد اليهود عن الشرق

س : (2)

عاوز اخي والصديق وراق الشفيع عبد الرحمن هنا

فيا الشفيع لو كنت حاضر فقول

نعم
ـــــــ
ونقول ليك عبرك لهم - لماذا بعهدكم اصبحنا ملطشة لأي دولة ( ملطشة للغاشي والماشي )

لما!!!

سوء تدبير ام قُصر نظركم في التقدير ؟؟







غادرونا ان لم تكن لكم مقدرة وحواء السودان ولادة - وعقرت ان تأتي بمثلكم وغيركم !!!

سلامات يا مواطن

زولك ده ما ينفع باك فى دفاع فريق رابطة

مفروض يكون كاتب (معاريض) والسيدح ماسك
ليهو الدواية


تحياتى

Quote: هل يستحق عبد الرحيم محمد حسين قيادة القوات المسلحة؟؟؟

وين القوات المسلحة ؟ رحم الله القوات المسلحة

عبدالرحيم زعيم مليشيات المؤتمر الوطنى

Quote: فيا الشفيع لو كنت حاضر فقول نعم

نعم


تصدق يا الطريفي من شهرين بدخل اقرأ لي بوست بوستين فقط وامرق
وبالصدفة والله اخترت بوستك ده

Quote: س: هل يستحق عبد الرحيم محمد حسين قيادة القوات المسلحة؟؟؟

ج: لا

Quote: عبدالرحيم زعيم مليشيات المؤتمر الوطنى

آآآآآآآي نعم ..نعم

فوين دور القيادات الحقيقة والوطنيين البيراعو لدور قواتنا في الجيش السوداني لحماية الوطن

وين هم!!!
مفروض أول خطوة للتدليل على قوميتهم يقومو بمخارجةمقاس الزيت دا

ــــــ
عبد الرحيم محمد حسين وصالح حسن بكري اعفاءهم هو خطوة بتدل على على حرص القوات المسلحة انها ماشة صااح في سبيل الارض والعرض

وإلا فيسكون افراد هذ القوة مجرد بلطجية يخدمون اهداف حزب معين وواحد

حبابك صديقي الشفيع وراق

Quote: ج: لا

طيب نحن وانتو مقتنعيين عشان مصلحة البلد دي الاسمها سودان
خيارات الرئيس دي في تعيناتو ممكن نتتدخل فيها كيف؟

والمجلس التشريعي دورو شنو بقيادة الطاهر مين كدة ما عارف احمد ابراهيم

وريني تدخلك انتا كمواطن[/red] ممكن يكون وين ؟؟


ـ
العيب في كون انو حتى حتات الاختيار بقت مُسيسة يا الشفيع ودي المحك

حيدر
الاجابه لا يستحق من دخلت في عهده قوات اجنبيه غازيه عاصمتنا ان يبقي يوما واحد مسئولا من طبليه طماطم في السوق المركزي لكنها تقديرات القياده التي ربما اعلى من مستوى تفكيرنا
الرجل في وجه مسحه غباء لا تخطئها العين
يمكن ان نعدد اكثر من عشرين اسم من داخل المؤسسه العسكريه اقدر من عبدالرحيم ولكن للاسف ليس لنا من الامر الا التنفيس عن الاحباط في بورد بكري ابوبكر

ههههه
يا حبيب يا فدياس

سووق الحق وانا اخوك
ههه
ـــــ؟
قلت ى كيف ىههههههه

Quote: فوين دور القيادات الحقيقة والوطنيين البيراعو لدور قواتنا في الجيش السوداني لحماية الوطن

ياخى ديل شالوهم الصالح العام قبل 22 سنة
بتسأل منهم اليوم

سلام لصاحب البوست و ضيوفه

Quote: خيارات الرئيس دي في تعيناتو ممكن نتتدخل فيها كيف؟

حبابك ود الزين
البوست ده ممكن يكون واحد من الاليات
الريس بقرأ سودانيز وممكن تصله الرسالة

طبعا ده هو رايي على المستوى الشخصي
وعلى المستوى الشخصي ايضا عملت احتياطاتي حسب نصيحتك وجهزت الجيم 3 استعدادا لمطالبتهم باخلاء الخرطوم

اذا كان في قوات للشعب بحق وحقيقة




فالاجابة ...................لا لا لا .







.................................حجر.

سلامات يا معاوية عبيد الصايم

Quote: مفروض يكون كاتب (معاريض) والسيدح ماسك ليهو الدواية

السيد(ح) زول اباريـق بس ..
لو مسكوهو إدارة حمام عمومي بالسوق يكونوا ما قصرو معاهو كلو كلو .. تبقي ليهو شغلة وهواية :)

سلامات يا الرفاعي حجر... وكيفك يا حبيب

Quote: اذا كان في قوات للشعب بحق وحقيقة فالاجابة ...................لا لا لا .

اكيد لا توجد قوات للشعب
هي كانت له سابقا من صبيحة 30 يونيو 89 اصبحت لفيئة قليلة جدا وضالة من الشعب


تحياتي ياملك

سلامات حبيبنا الشفيع مرة اخري

Quote: البوست ده ممكن يكون واحد من الاليات الريس بقرأ سودانيز وممكن تصله الرسالة

بالله يا الشفيع انت مصدق المكنة دي؟
ولا قايل كل الناس بالغباء الممكن تشيل فيهم

يازول اسمعها مني ان كنت واعيها ومطنش عنها او كنت غير .. الريس لا يقرأ اي شئ ..والريس ان قرأ لا يستوعب

المشير الذي في عهدة وصلت القات المسلحة لدرك سحيق من التدهور لا يقرأ سوى صحيفة الانتباهـة..
لذا تعول على هذه القرارات الارتجاليـة المُتخذة بناءاً على تقارير جهاز الامن والمخابرات وتخوفهم من دور الاعلام الورقي والالكتروني في فضح الفساد وتعرية المفسدين .. ولحكمة ذلك اليوم كنت احضر في قناة النيل الازرق عندما سمعت خبر تشكيل مفوضية للمتابعة والقراءة ووووو وبقي الكلام دا
فضحكت حتي بانت نواجذي وقلت لجليسي اتحداك لو ما نفتح سودانيز اونلاين هسسسع وتلقي الخبر والفيديو نازل ومنزلو فلان .. وسيكون التبرير ان هنالك متابعة واحترام لخيارات الرأي العام..
في حين انه الواضح وما فاضح انه الموضوع كله بتدبير تم بليل للمزيد من الكتم وكبت الحريات واسكات الافواه وتكميمها وانه لا احد يتحدث عن فساد في وسائل الاعلام .. وانه كل من يتجاوز بالكتابة عن الفساد فسيواجه بمحاكمات وتلتلة .. بدعوى انه لدينا مفوضية وهي المعينة بمتابعة الامر ويجب ان يتوجه لها من يريد الحديث عن الفساد وسيكون الامر مقضي بينهم وهكذا وهكذا الخ الخ ولن يتحدث بعدها احد
واظن انه من هنا ورايح ستقل حتي كتابات الطاهر ساتي الحصيفة والحريصة بهذا الامر
أما السادة بسودانيز اونلاين فلا اظن انه فبركة قصة مفوضية وكلام انه الرئيس بيقرأ ويتابع حا تدخل راس زول الا الموهومـة الطيرة طراجي مصطفي البتفتكر انه حتي حسن الترابي قاعد يخاطبها عبر سودانيز اونلاين :)
ثم يىخي بالله لو جادين ومحمد عطا دا زاااتو جادي معاكم وطابخنها صاح.. يصدر قرار تكوين مفوضية لمتابعة ما يُكتب باالحف والنت بالليل وتاني يوم الصباح محمد عطا يُصرح بانه سيقوم بمعاقبة اي صحفي او صحيفة لا تتجاوب مع خطط جهاز الامن الوطني ومهددات الامن القومي اللي هو نفسه محمد عطا ما سماها فقط اكتفي بانها استقرار الوطن وامنه بدون تفصيل - بما يعني بصورة اخري امن واستقرار نظام الحكم وبس -
مش كدة وبس ولسخرية الاقدار محمد عطا وبعد يوم بس اظنه قام بمصادرة واغلاق صحيفة راي الشعب :)

مُش مسخرة يا الشفيع يا حبيب
وتقول لي اليـة ورئيس ايه كدا ماعارف بيتابع

كدي الرئيس اول شئ اليحل شرطة النظام العام ويعتذر عن جميع من تم جلدهم والحفلات الاتوقفت بسبب الرقص المختلط
او يعتذر ويغتسل ثلاثاص ويدخل الاسلام من جديد بعد ان يتم جلده تعزيراً على ما قام به في رقصه المختلط الشهيــر
اذا كان فعلاً يقرأ او من يقرأ يعكس له الصورة الصحيحة
غير ذلك فنقل للريس

اقرأ فانت ما قرأت


مع تحياتي يا ابو آليــة انت ..^_^

مرحبا عادل حمزة

Quote: ياخى ديل شالوهم الصالح العام قبل 22 سنة بتسأل منهم اليوم

اكيد طبعا انه اهل الانقاذ ليس بمثل ما يبدون عليه من الغباء التي تحكم تصرفاتهم وتغطيسهم لحجر البلد عندما يتعلق الامر بمصلحتهم ومصيرهم.. فعلا الاقل سيعملون بكل قوة لتنظيف كل ما من شأنه انه يعوق استمرارهم .. وفي مقدمة هذا هو احالة اي شخص وطني غيور وصاحب كفاءىة للصالح العام وخاصة في مؤسسة مثل القوات المسلحة السودانية
لذا نجدها بعد احالة الصالح العام لجأت للولاء والانتماء قبل الكفاءة وحتي في بداية التسعينات نجد ان كثير من الضباط الذين دخلوا القوات المسلحة تم الاستغناء عنهم وهم في رتب نقيب وملازم اول ودا فقط لسبب قربهم من المؤتمر الشعبي او انه ترشيحهم جاء عبر ناس ينتمون للمؤتمر الشععبي بعد المفاصلة فتمت ازاحتهم للصالح العام..

الاشكالية في المؤسسة دي للأسف تتمحور حول عدم قوميتها المفترضة وانها مجرد احدي اليات المؤتمر الوطني ودا للأسف تم عبر الفريق عبد الرحيم محمد حسين البيثبت في اي وقت ولحظة انه بعيد عن الوطن وهمه وحماية حدوده من اجل حماية باقي شلة النظام..
القوات المسلحة رمزيتها تتمثل في حياديتها وانها صمام امان ودرع للوطن والمواطن وليس العكس ضد المواطن وتغض الطرف عن انتهاك حدود الوطن من اجل افراد - رغم انه الحكومة الحالية للانقاذ جاءت ونبعت من داخل القوات المسلحة نفسها - لكن لو حسبنا الافراد والضباط الذين شاركو في مسرحية الانقلاب نجدهم لا يصلون لــ0.5% لكن نجاحه كان للاسف يقيف على ارضية فشل الحكومة الديمقراططية في التأمين

تحياتي

سلامات يا ناصر المحسي

Quote: وين القوات المسلحة ؟ رحم الله القوات المسلحة عبدالرحيم زعيم مليشيات المؤتمر الوطنى

المؤتمر الوطني وواهله عاوزين يحولو البلد ومؤسساتها كلها لتكون تابعة للحزب تكون تحديداً تابعة للشلة المسيطرة على الحزب...
لكن سيبقي الوطن وتبقي كل مؤسساته وسيذهب المؤتمر الوطني وعبد الرحيم ونافع وغيرهم لمزبلة التاريــخ
ولن يتبط اسمهم في تاريخ السودان الا بكل ماهو عار وشنار بسبب ما ادخلو فيه البلاد والعباد من ضياع ودمار..
عبد الرحيم وبكري حسن صالح وعمر البشير يظنون بانهم لتحويلهم للقوات المسلحة لمليشيا تتبع للمؤتمر الوطني قد نجحو في خدمة حزبهم وشلتهم لكن ستلاقهم اللعنات احياء واموات ...

تحياتي

السؤال المفروض يكون :
هل يملك السودان قوات مسلحة اصلا ؟؟؟
بعدها ستكون الاجابة على سؤالك سهلة جدا


تحياتى

مرحب يا هشام عباس ..

Quote: السؤال المفروض يكون :

حااااضر يا هشام نغيرو ليك لفرضيتك

س :هل يملك السودان قوات مسلحة اصلا ؟؟؟


اها طيب نسمع منك اجابة للفرضية دي

وبعدها خرم لينا على سؤالي الساهل ..





لك التحية