مدير شرطة مباحث عطبرة جهل وتخلف وعقلية تعيش في العصر الحجري

اسمي الزبير ولدت في حلة الحلب خلف السوق الصغير في حلة الداخلة بعطبرة درست الابتدائي بمدرسة الشمالية الابتدائية أمام نادي الجيل جنوب السوق والمتوسط في الأميرية المتوسطة شرق المدرسة الحكومية الثانوية والثانوي في عطبرة الحكومية الجديدة في شارع الشهداء في الحصايا ، ولعبت كره قدم في نادي العامل والنجوم وأخيرا في النادي الأهلي حتى عام 1985 م وهي السنة التي ذهبت فيها إلي معهد الكليات التكنولوجية طالبا بقسم البنوك والتصدير والدتي المرحومة فتحية فقير عبد الله أرهون من مواليد عطبرة والدي عمل لمدة أربعون عاما في ورشة العمرة بخار في عطبرة حتى تقاعد بعد أن وصل إلي وظيفة ملاحظ ورشة العمرة بخار . سكنت في الداخلة وحي القيقر وحي العمال والحصايا بشارع الشهداء. وتزوجت من مدينة عطبرة من أسرة معروفة وزوجتي كانت تعمل طبيبة في مستشفي عطبرة في وقت كان عدد الأطباء من عطبرة يعدون ومعروفون لدي الجميع ولدي زملاء دراسة أطباء ومهندسين وضباط جيش وشرطة ومحاسبين وفنانين ورسامين وعمال وحرفيين بعضهم مازال بعطبرة وبعضهم داخل مدن السودان الأخري والبقيه فروا خارج الديار لسبب أو لأخر . أتذكر من معلمي المرحلة الابتدائية أستاذ سامي والمرحوم عبد الحي أحمد عارفين وأستاذ محمد عوض والأخير كنا نسكن في منزل واحد فمنزل والدة المرحوم عوض علي صالح ومنزل جدي لوالدتي فقير عبد الله أرهون عبارة عن قطعة أرض واحدة مشيد عليها المنزلان ومن أساتذة المتوسط الناظر هاشم الخليفة ,أستاذ البشاري وأستاذ إبليس – حقيقة طغي اللقب حتى لم أعد أتذكر الاسم الحقيقي وفي المرحلة الثانوية تتلمذت علي يد السر جاز وأستاذي العظيم الدكتور عثمان السيد وأستاذ بحر والكثيرون غيرهم ممن تعلمت علي يديهم من الابتدائي حتى المرحلة الثانوية.
عذرا عزيزي القاري فكل ما سبق لا يهمك في شي فهو تاريخ عادي لشخص عادي تقابل في حياتك العادية مثله المئات يوميا لكن كان لابد من هذه المقدمة لما سيلي من أحداث .

كان لابد من زيارة سريعة للسودان لإنجاز بعض المهام وقدرت لها عشرة أيام ولكنها امتدت لواحد وعشرون يوما لسبب بسيط جدا ألا وهو أن ما مفترض به أن ينتهي في ساعة يأخذ ثلاث أيام وأحيانا بلياليها لينجز ، ما علينا ، كان من الواجب أن أقضي بعض الأيام في عطبرة حيث والدي وأخواني وفعلا قضيت ثلاثة أيام قضيتها من بيت لأخر أداء لواجبات عزا أو مباركة بمولود ولد بعد أخر سفر لي أو تهنئه بزواج أو زيارة لخالات أو عمات أو جيران تباعدت بيننا وبينهم المسافات بفعل التطور الطبيعي في الرحيل من السكن الحكومي بعد التقاعد للمنزل الخاص .لم يعكر صفو هذه الأيام أي شي حتى حان موعد مغادرتي وكان لأبد لي من زيارة خالي محمد سيد والذي يسكن في مزرعته شمال شرق عطبرة – بعد حي المطار وذهبت إلية وحقيقة كانت هي المرة الأولي التي أري فيها ما يعرف بمشروع الأمن الغذائي وانبهرت بالمزارع المتنوعة من مزارع موالح ونخيل إلي مزارع تربي الأبقار والدواجن وقررت من أول لمحة أن أسعي لشراء مزرعة أو أرض أحولها لبستان موالح ونخيل ونظرا لأنة لابد لي من مغادرة عطبرة إلي الخرطوم لارتباطات سابقة فقد قررت أن أعود الأسبوع التالي وكلفت أخي أحمد والذي يملك أيضا مزرعة بها دواجن وأبقار وخالي محمد سيد بالبحث عن قطعة أرض مناسبة لهذا الغرض وبسعر معقول واعدا إياهم بالعودة خلال أسبوع وفعلا غادرت إلي الخرطوم في نفس اليوم.

غادرت الخرطوم بعد العصر متوجها إلي عطبرة بصحبة احد أخوالي ووصت مساءا وأوقفت عربتي في مكانها المعتاد أمام الباب ودخلت وتونست عادي ونمت وصحيت صباحا ووجدت أنني لا أحمل فرشاة أسنان معي وعلية قررت أن أخرج إلي الدكان أول الشارع لشراء واحدة ولما كان الجو باردا فقد لبست جاكت كان معي كنت قد خلعته أمس ليلا وتصادف أن كان مفتاح العربية والجوال في جيبه وعند فتحي للباب الخارجي رن جرس التلفون ولما كنت أعرف المتصل وموضوعه والذي قدرت أنه سيطول والجو بارد مع هواء شديد فقد قررت أن أجلس داخل العربية وفعلا أخذت المحادثة حوالي النصف ساعة وعند قفلي للجوال فتح الباب المجاور لي ليسألني سائل هل أنت فلان - نسيت الاسم ولكني سأرمز له بعادل - وقلت له ببساطة كلا النمرة غلط فأنا لست بعادل ولكنه أصر علي أنني عادل وطلب مني النزول من العربية ونزلت وقلت له من أنت وعند نزولي لاحظت أنة يوجد شخص أخر خلفي وكنت لحظتها أمام باب منزلنا مباشرة فقال لي أنا من شرطة المباحث ولابد لك من الذهاب معي لقسم الشرطة فقلت له مباشرة لا مانع لدي من ذلك شرط أن تعرف أسرتي بذلك وطلبت أن أتصل عليهم لأخبرهم بذلك فرفض فقلت له أنني لن أذهب لأي مكان بدون هذا الاتصال وإذا أصر علي عدم اتصالي فأنني سوف أرفع صوتي صائحا ليخرج جميع من في هذه الحلة فنحن نملك هذا المنزل من عام 1970 م ومعروفين في هذا الحي وقد يحدث لك ما لا يحمد عقباه وعندها أذعن وقمت بالاتصال علي خالي وحدثته بالأمر وخرج متسائلا عن بطاقة العسكري وفعلا أخرج كارنيها وسأله خالي عن المكان الذي سنذهب إلية فقال رئاسة المباحث جوار عاشور وفعلا ذهبت جلس العسكري الأول بجانبي والأخر خلفي مباشرة وتحركنا

, وعند تحركنا قام الشخص الجالس بجانبي بالاتصال علي شخص أخر قدرته أحد رؤسائه - لأنة قال إحنا في الطريق يا سعادتك – ووصلنا رئاسة المباحث ووجدنا عدد من الضباط يجلسون في شمس الشتاء بجانب مكتب الضابط المناوب وطلب مني العسكري الدخول للمكتب بينما قدمت أنا رخصة القيادة ووثيقة ملكيتي للعربية كإثبات لشخصيتي فقد كانا كل ما أملك من أوراق ثبوتيه وفي الحقيقة فقد كانا كافيين كإثبات أولي في إعتقادى حيث أنهما وثيقتان صادرتان من نفس الوزارة التي تطلب إثباتا لشخصي. دخلت مكتب الضابط المناوب لأجد بساطا من البلاستيك يجلس عليه شخص وكرسي يجلس علية شخصا أخر ولا مكان لي وعلية فقد ظللت واقفا لمدة دقيقتين تقريبا وحينها غادر الجالس علي الكرسي الغرفة لأسال الشخص الجالس علي الأرض إن كان في إمكاني الجلوس علي الكرسي فقال لي بكل تأكيد أتفضل وجلست لمدة خمس دقائق لينادي علي شخص من الخارج وطلب مني أن أجلس علي كرسي كان فاضيا لحظتها وقال لي أنهم آسفون للبس قد حصل وأصر علي أن أشرب شاي أو قهوة وطلب مني أن أتصل علي أهلي لأطمئنهم علي ونظرت إلية شاكا في ذلك وأنهم يطلبون أن أتصل بأهلي كي لا يتصرفوا أي تصرف وقد لا يطلقون سراحي ولكنه مد يده لي برخصة القيادة ووثيقة إثبات ملكية سيارتي مما أعطاني مزيدا من الاطمئنان وقمت بالاتصال علي خالي وقلت له أن الموضوع أنتهي وإني سوف أحضر بعد قليل وأتوا لي بكوب قهوة وجلست أتحدث معهم وعرفت منهم أن أحد العساكر قد شك في أنني أحد الهاربين من سجن يدعي الهدي أو الهدا ولهذا قد أحضرني رغم أن هذا الزعم لم يدخل رأسي لسبب بسيط فنحن نسكن في زقاق ولم يمر هذا الشخص من أمامي وأنا جالس في العربية ولابد أنه كان ينتظر خروجي من المنزل ولكني لم أعلق فقد اعتبرت الموضوع خطاء وتم الاعتذار عنه وشربت باقي القهوة واستأذنت منهم وتوجهت صوب باب الخروج وعند وصولي إلي الباب الخارجي للقسم صادفت السيد المبجل العقيد مدير مباحث شرطة عطبرة والذي ما أن راني خارجا حثي أزبد وأرعد طالبا مني الدخول لمكتبة لتبدأ أغرب قصة من الممكن أن يمر بها أي شخص في العصر الحديث

كتب ليك شيك تعويض عن الأذى والمعاناة صادر من حكومة الولاية؟

حلف يدوّر عربية عساكر يوصّلوك البيت؟

حلف عليك بالفطور؟

عمل شنو المخفي دا ... (التحايا يا الزبير وتضامن معاك للطيش)






... المهم ...

Quote: كتب ليك شيك تعويض عن الأذى والمعاناة صادر من حكومة الولاية؟ حلف يدوّر عربية عساكر يوصّلوك البيت؟ حلف عليك بالفطور؟ عمل شنو المخفي دا ... (التحايا يا الزبير وتضامن معاك للطيش) ... المهم

تبارك
التفاؤل عندك
قلت لي شيك
غايتو فطور ما عرضوة علي لكن جابو لي موية سوبا كتر خيرهم

المخفي دة عمل وقال لي حاجات من زمن العصر الحجري


وفعلا المهم........
تقديري

Quote: متابعة لصيقة ..

ابتهاج
نابعي معي
لكن أقول ليك والله العظيم ما حدث معي لن تتخيلية مهما جنح بك الخيال

معليش يا الزبير ... دخلت خطأ بحساب ابتهاج .... أنا من يتابع الموضوع متابعة لصيقة ... قد يكون لي شهادة ...أعتقد أن ابتهاج قد يهمها الموضوع ايضاً ... فهي عطبرواية ....

زهير الزناتي
ولا يهمك
تابع معي وقد يكون ما حدث معي لا يساوي معشار ما حدث لأخرين
لكن الموضوع حارقني من تاريخ حدوثة قبل ثلاث اسابيع تقريبا وحتي الأن
ولو لا الإنشغال لكنت نزلته من السودان ولكني مافضيت

اعترف لكم سادتي أنه رغم التوتر الذي إعتراني من البداية إلا أنني كنت في داخل نفسي ارغب في خوض مغامرة
فقد كنت علي يقين أن هناك خطاء ما وسوف يتضح فهؤلاء يبحثون عن شخص أخر كما إتضح لي من العسكري الذي خاطبني باسم
عادل وهو قطعا ليس اسمي وسوف تتضح الأمور بالتاكيد، والرغبة أعتقد انها كانت نابعة من أنني لم اتعامل مع الشرطة
من قبل كمتهم وجل علاقاتي مع أقسام الشرطة تنحصر في استخراج جواز او تجديدة او لعمل رخصة او لموضوع متعلق بالعربية
من ترخيص أو خلافة أو لزيارة احد الزملاء أو المعارف من منسوبي الشرطة والمرتين التي دخلت فيها القسم شاكيا كانت
تتعلق ببلاغ شيك بدون رصيد حاول احد الأشخاص ان ينصب علي فية والمرة الثانية للتنازل عن بلاغ سرقة اتهمت - الالف فيها ضمه -
فية عاملة منزلية كانت تعمل لدينا
والبلاغين كانا في عام واحد تقريبا وهو عام 1995 م تقريبا

ولكني لم اكن اظن ان الشرطة ما زالت تتعامل بعقلية عفي عنها الزمن

الزبير بجد من حقك تشتكي
دي إسمها حجز غير مشروع
لو فكوك بدون ما يفتحوا ليك بلاغ ولو اشتباه من حقك تشتكي الداخلية
وبجد لو ما عطبرة بعيدة انا كنت بعمل ليك القصة دي




ـــــــــــ
زهير انا كنت قايل ابتهاج خافت .. :)

الحبيب الزبير
تسجيل حضور ومتابعة وايضا نقلت الرابط لبوست دفتر الاحوال عشان كلامك يصل رئاسة الشرطة ويفوت اضانهم بى غادى يا الحبيب

واصل
كامل تضامنى معك
على سرالختم

Quote: الزبير بجد من حقك تشتكي دي إسمها حجز غير مشروع لو فكوك بدون ما يفتحوا ليك بلاغ ولو اشتباه من حقك تشتكي الداخلية وبجد لو ما عطبرة بعيدة انا كنت بعمل ليك القصة دي ـــــــــــ زهير انا كنت قايل ابتهاج خافت .. :)

احمد موسي
وحاتك ما سجلوها حتي في دفتر الحوال - كما قال لي احد الضباط لاحقا
يا زول دة ما بيتكتب مش لانه حاجة كبيرة او صعبة كلا ولكن ما ممكن واحد يكتب كلام غبي يدل علي غبائة
فما حدث كما سياتي لاحقا يدل دلالة قطعية ان مدير مباحث عطبرة لم يتلق دورة تدريبية في حياته تؤهله لهذا العمل
اصبر فستسمع عجبا
تحياتي

الزبير .. كيفنك وكل سنة وانت طيب ..

Quote: اصبر فستسمع عجبا ..

صابرين .. بس عليك الرسول ما تخلينا لباكر معلقين ...

وزي ما بقول ود الصايم ( النجيضة)

ســردك جميل ومشوق ... GO ON

Quote: الحبيب الزبير تسجيل حضور ومتابعة وايضا نقلت الرابط لبوست دفتر الاحوال عشان كلامك يصل رئاسة الشرطة ويفوت اضانهم بى غادى يا الحبيب واصل كامل تضامنى معك على سرالختم

علي سرالختم
تشكرا يا صديق
انت جادي ناس الشرطة ديل قاعدين يقروا وكمان ممكن يراجعوا ويتراجعوا
اتمني ذلك ولكن لو كان الكلام دة صحيح لذهب مثل العقيد مدير شرطة مباحث عطبرة لمنزله
مرفودا قبل ان يصبح ملازم اول مش يبقي عقيد ومسئول عن مدينة كعطبرة
عموما شكرا وتقديري واحترامي

سلامات الزبير بعد غيبة

Quote: ومسئول عن مدينة كعطبرة

عادي يامان
وتحية في هذا المقام للراحل محمد الكنزي مدير شرطة عطبرة الاسبق
الذي استخدمت الحكومة الرسالية منزله بحي المطار كبيت اشباح بعد ان صادرته منه واحالته للصالح العام وطاردته في رزقه الشريف حتى غادر البلد وغادرت روحه السمحاء جسده بعيدا عن اهله ووطنه
شرطة إيه ياحبيب في زمن هؤلا المفلسين والمفسدين والقتلة

الزبير كل سنه وانت طيب وهاك اقرا الخبر ده على بال مانعرف زولك سوى شنو وتحياتى..

Quote: طرد ضابطي شرطة واستقالة 7 وإجراءات ضد 150 في برϳطانϳا بسبب تعلϳقات غϳر مناسبة على «فϳس بوك» اϻربعـاء 10 صفـر 1433 ھـ 4 ﯾناﯾر 2012 العدد 12090 جرﯾدة الشرق اϻوسط الصفحة: أولــــــى 2 لندن: «الشرق اﻷوسط» أعلنت قوات الشرطة البرﯾطانﯿة أن ضابطي شرطة طردا من عملھما بعد أن نشرا صورا أو تعلﯿقات تخدش الحﯿاء على الـ«فﯿس بوك» في السنوات اﻷربع الماضﯿة. كما قدم 7 ضباط شرطة استقالتھم وﯾواجھ 150 ضابطا آخر إجراءات تأدﯾبﯿة ذات عϼقة باستخدام موقع التواصل اϻجتماعي. وتبﯿن أن الضباط ﯾستخدمون «فﯿس بوك»، الذي ﯾستخدمھ أكثر من 30 ملﯿون شخص في برﯾطانﯿا، للتحرش بأشخاص كانت لھم عϼقات في الماضي وزمϼء سابقﯿن، والتعلﯿق على بعض النساء واﻹشارة إلى أنھم اعتدوا بالضرب على الجماھﯿر خϼل الحركات اϻحتجاجﯿة. وأوضحت الشرطة البرﯾطانﯿة أن بعض ضباط الشرطة كشفوا عن تفاصﯿل بعض عملﯿات الشرطة، بﯿنما حاول البعض اﻵخر إقامة عϼقات مع ضحاﯾا الجرﯾمة أو نشرت لھم صور غﯿر مناسبة. وتجدر اﻹشارة إلى أن ھذه المعلومات نشرت بعد أن تقدمت «برﯾس اسوشﯿاشون» وھي وكالة اﻷنباء المحلﯿة البرﯾطانﯿة بطلب طبقا لقانون «حرﯾة المعلومات». وقد تم فصل ضابط شرطة في عام 2009 من دون إنذار لنشر تعلﯿق عنصري على الـ«فﯿس بوك». وتغطي المعلومات 41 قوة شرطة برﯾطانﯿة من إجمالي 43 قوة شرطة في المملكة المتحدة في الفترة ما بﯿن عامي 2008 إلى 2010، إϻ أن ضابطا آخر فصل في العام الحالي أشار في حسابھ على الـ«فﯿس بوك» إلى زمﯿل لھ «جاسوس وكاذب».

تمام الزبير ...


متابعين بي كل التفاصيل ..

متابعين للمرة التانية

اللهم طولك يا روح

وأنا داخل إلي مكتب السيد مدير شرطة مباحث عطبرة تلفت إلي يساري حيث كان ضباط المباحث قد هبوا قياما عند ظهور المدير وسمعت المدير يخاطبهم غاضبا كيف تقولوا لي ما ياهو؟ والنخرة ياها نفس النخرة والأضان كمان علما بأنني قد تطلعت إلي الصورة التي كان يحملها عسكري المباحث في العربية عند ذهابنا إلي قسم المباحث وأقسم بالله الذي لا إله إلا هو أنني لا أشبه هذا الشخص لا من قريب أو بعيد ولو رأي هذه الصورة مطشش وليس شخص سوي كامل المقدرة البصرية لما ساوره شك أننا حتى قد نكون نعرف بعضنا البعض ناهيك عن شبة يجعل البعض يعتقد أنه أنا أو أنني هو . ودلفت إلي المكتب لأجد مكتبا مظلما عبارة عن صالون طويل به صفان من كراسي الجلوس الخشبية في كل صف حوالي العشر كراسي تتصدرهم طاولة مكتب وغرب صف الكراسي وعلي الجدار يوجد صفا من نفس نوعية الكراسي الأولي مسندة علي الجدار الغربي للمكتب . فور دخولي للمكتب وقبل أن يدخل المدير الذي كان خلفي وقتها أخرجت جوالي من جيبي وقفلته وذلك بسبب أن خالي كان يتوقع حضوري في غضون عشر دقائق تقريبا وهي المسافة بين البيت ومكتب المباحث وقدرت أنه لو أتصل علي ولم أرد علية فربما يعتقد أنني نزلت للبقاله مثلا أو كشك الجرائد في طريق عودتي إلي المنزل ولن يكون قلقة مماثل أو يحدث أثرا قويا لدية مثلما يحدثه إغلاق جوالي.
طلب مني السيد العقيد أن أجلس فجلست علي أحد الكراسي بالقرب من طاولة المكتب وهنا خاطبني قائلا يا زول أنت قبيلة شنو فرددت علية قائلا أنا دنقلاوي من منطقتي مشو وبركية ولدي أصول من ناحية والدتي من كرمة البلد بمنطقة المحس. وعندها خاطبني بلهجة تهديد ووعيد يازول في طريقتين عشان تعترف واحدة ساهله والثانية صعبة فقصر علي نفسك التعب.ولما كان الموضوع في نفسي حتى تلك اللحظة رغم لهجة الوعيد أنها إشتباة وإلتباس سوف يزول بالتأكيد فقد قلت له يا سعادتك الفهمتوا أنا من ناسك البرة ديل أنو أنا مشتبه به إنني هارب من السجن وده معناه أن الشخص المطلوب لديه ملف كامل لديكم أليس كذلك فقال لي بالحيل فقلت له إذا الحل موجود شيلوا بصماتي وضاهوها وبالتأكيد حاتعرفوا إنكم غلطانين فقال لي علي الفور أنا ما حا أرفع بصماتك والحل عندي. وطبعا في اللحظة ديك أنا راجعت كل ما قرأته وسمعت به عن التعذيب وبيوت الأشباح وقليع الأظافر بالزردية والعليق في المروحة دة غير البسطونات وصيتان العنج ولكنني لم أتخيل الطريقة أو أتوقع العبقرية الفذة التي لجأ إليها السيد العقيد شرطة مدير شرطة مباحث عطبرة.

Quote: صابرين .. بس عليك الرسول ما تخلينا لباكر معلقين ... وزي ما بقول ود الصايم ( النجيضة) ســردك جميل ومشوق ... GO ON

د. أحمد أمين
والله لباكر دي ماقصدتها فكل كتاباتي سابقا كانت ون قو ولكن
الظروف المرة دي كانت مختلفة فقد كانت البداية ليلا وكان عندي سفر الصباح فعذرا
وبنتهي ليك منها الليلة إنشاء الله

ياخ سليت روحنا ,,
يعني انا قررت سودانيز اونلاين دي ما ادخلها مشارك في سنة الفين وتناشر دي.
تجي انت تغسبني اكتب وماتتم لينا الأُصة ؟
امانة ماتلوَّمت يابلدياتي.

ربنا يصبرنا بس

انا الدخلني هنا شنو يا جماعة

متابعة .....................................................

Quote: في اللحظة ديك أنا راجعت كل ما قرأته وسمعت به عن التعذيب وبيوت الأشباح وقليع الأظافر بالزردية والعليق في المروحة دة غير البسطونات وصيتان العنج

تصدق بالله
انا لما استدعوني للمبنى سيئ الذكر
كنت اسمع في غرفة مجاورة اصوات صادرة من اشخاص يتم تعذيبهم
ده كله عشان اوقع على ورقة مضمونها عدم ممارسة اي نشاط سياسي طول ما انا موجود في عطبرة
لعنهم الله
--------
كل شيئ موثق وله اوانه

مازلت تحت ظلهم

التجاني الزاكي بابكر أحمد

طالب جامعي وعامل فرن

الموردة عطبرة

منذ عشرة سنوات

قبض عليه بواسطة أفراد كعادتهم

ولكنه فقد ولم يعد

لم تظهر له أية أخبار بعدها

أنكروا استضافته

أنكروا حتى معرفته

شكراً يا الزبير على ذكر غرائب القصص في السودان
والله والواحد ما عارف يضحك وللأ يبكي

وياخي شحتفتنا عليك الله كمل القصة

تحياتي وتقديري

*** أتابع باهتمام... وفى هذه الأثناء قمت بالاتصال بأصدقاءنا برئاسة الشرطة لنستوضح من هو العقيد
وطلبت منهم الاطلاع على البوست والاتصال بشرطة عطبرة لمدنا بالمزيد عن الواقعة .

*** سوف أقوم بنشر اسم العقيد بمجرد أن يصلنى .

*** سوف أقوم بنشر كل ما يصلنى عن الواقعة بكل تجرد .

*** سوف أقوم بنشر تعليقاتي وملاحظاتى كاملة فى النهاية .

*** اسم العقيد: عوض المفتاح .

*** وصلتنى التفاصيل من ثلاثة مصادر مختلفة ، سوف أقوم بنشرها
بكل أمانة كما وعدت ،
فقط أنتظر صاحب البوست ليكمل أفاداته حول جهل وتخلف مدير شرطة مباحث عطبرة .

Quote: فقط أنتظر صاحب البوست ليكمل أفاداته حول جهل وتخلف مدير شرطة مباحث عطبرة

شكرا اخونا الطيب

Quote: هاك اقرا الخبر ده على بال مانعرف زولك سوى شنو

دكتور محمد بابكر
ناسك ديل استعملوا الفيس بوك ونشروا صور في الانترنت ودة في حد زاته - رغم الجرم الذي اقترفوة-
دليل علي مواكبتهم للتطور في كل مناحي الحياه ولكن زولي دة يتراجع إلي الخلف باساليبة العتيقة
تقديري

Quote: متابعين للمرة التانية

يا ناذر الحكي في المرة الأولي كان أحلي مش كدة لانه كان بالليل وجنب النيل.

الأخ الزبير تحياتي وسلامات ....

كنت أنتظر منذ أول البارحة أن تكمل القصة حتي لا أتسرع في إبداء رأي في كل الأحوال .... حسبما أعلم أن مدير المباحث في عطبرة هوالعقيد عوض المفتاح نور الهدي وهو خريج الزقازيق ودفعة ورجل في غاية النزاهة والإنضباط ... وهو من أميز وأكفأ ضباط المباحث في السودان .... وهو بوليس بمعني رجل ملتزم بشرف مهنته ... لا أعرف ما هو التصرف الذي بدر منه ... إذا ما كان هو ... حسب معرفتي بعوض المفتاح وهو صديق ودفعة وزميل دراسة إستبعد أن يبدر منه ما يسئ إليك وإذا ما حدث بالتأكيد سيكون هنالك سوء فهم ... وهو مطالب بأن يعتذر لك ولا أعتقد بأنه لن يفعل ... لذا أتمني أن تكمل القصة حتي نستطيع أن نتين ما حدث وأوعدك وعد قاطع بأن إتصل عليه وأأتي لك بإعتذار منه إذا ما أخطأ في حقك بأي شكل من الأشكال .. ولك ودي وفي إنتظارك ....

أعتذر لجنابو الطيب حيث لم أطلع علي رده قبل أن أكتب ردي السابق ... طالما جاء جنابو الطيب فإن الأمر سيتخذ مجراه السليم وكلنا في إنتظارك يا الزبير ....

أخرج السيد العقيد جواله من جيبه وخرج ودقائق قليلة دخل إلي المكتب ومد يده بالجوال لي قائلا كلم الزول دة وفعلا بدأت المحادثة
السلام عليكم
وعليكم السلام
إخبارك كيف؟
والله زفت زول ماشي يشتري فرشة من الدكان يلقي نفسه فس المباحث ممكن يكون كيف؟
طيب ديني سيادة العقيد
مديت التلفون للعقيد الزي تحدث مع الشخص علي الطرف الأخر قائلا
اها؟
بالله؟ إنا زاتي قلت كده يازول دة نفس النخرة والأضان
تمام تمام
وإلتفت إلي سيادة العقيد ما قلنا ليك أنت ياهو نفس الزول بتنكر مالك؟
الزول دة أتعرف علي صوتك وأكد انك عادل.
فقلت له يا سيدي صوت شنو ونخرة شنو إنا عندي ورق من الداخلية يثبت انو إنا الزبير صالح الزبير ما بتعترف بيه ليه فقال لي ورق شنو قلت ليه عندي ديل رخصة القيادة ووثيقة إثبات ملكية السيارة فقال لي ديل ما كفاية فقلت له عندي جوازي الدخلت بيه البلد دي قبل عشرة أيام وهو موجود في البيت رسلوا لناس البيت يجيبوه فقال لي حانشوف الموضوع دة كدي جيب جوالك وحقيقة هذه أكثر اللحظات التي وترتني فجوالي ليس فيه شي ولكن تسلسل الأحداث كانت ذاهبة إلي منحني ليس فيه أي شي من العلمية أو العقلانية فصوتي نفس الصوت وكذلك أضأني ونخرتي وهما فيما يبدو أدلة كافية لتحمل سنوات سجن بديلا عن شخص أخر فقلت للسيد العقيد ياسيد جوالي دة فيه صور لزوجتي وبناتي وفية رسائل خاصة لا أحب لأحد أخر الإطلاع عليهم فقال لي ماحانشوف الصور أنا عاوز الأسماء الفي جهازك وفتحت جوالي المغلق ومددت يدي به عبر الطاولة فأخذة فاحصا وبعد دقائق رماه لي مرة أخري ويبدوا أنه كان يبحث عن شي محدد لم يجده .
مرت دقائق طويلة من الصمت وأنشغل العقيد بأوراق موضوعة علي طاولته وفجاءة دخل أحد الضباط الذين كانوا يتشمسون تحت الشمس وهو يحمل جواز سفري المعلم من الخارج بإستيكر وردي مكتوب علية السفارة الفرنسية بالرياض فصحت بأعلى صوتي ياهو دة جوازي. فقال لي الضابط باسما وهو يمد يده بالجواز للعقيد أهدا يازول مافي عوجة.
تصفح السيد العقيد جوازي وبدأ يسألني
العيال ديل ودي فصلتهم ليه من جوازك؟
والله يا سعادتك العيال ديل كانوا في جواز أمهم وإحتاجت تسافر لامتحان خارج السعودية وما قدرت تسافر بيهم وكان لابد من فصلهم مشيت السفارة السودانية أعمل ليهم جوازات منفصلة ما قدرت لأنة مفروض الأول يكون عندهم جنسيات كما قالوا لي بالسفارة وقمت أضفتهم في جوازي موقتا وبعد داك أخذتهم عملت ليهم جنسيات وجوازات منفصلة وبكده انفصلوا من جوازي .
طيب أنت بتين جيت داخل السودان ؟
جيت تقريبا يوم كده وأول أمبارح القريبة دي مشيت جوازات المغتربين عملت تأشيرة خروج وتلقاها في الجواز دة
أخذ العقيد يقلب في الجواز الممتلي تأشيرات لدول أفريقية وأسيوية وأوربية وأخيرا رماه قرب الرخصة وكرت العربية قائلا يا زول دة كله لا يعني شيئا فنخرتك وأضانك ياهم نفسهم وكمان في زول أتعرف عليك من صوتك وسوف ننتظر في زول حايجي من سجن الهدي عشان هم بيعرفوك .

Quote: اللهم طولك يا روح

ود الباوقه
الناس صابرة عليكم من سنه تسعة وثمانين انت ما قادر تصبر ليك ساعات
روق المنقه

Quote: *** أتابع باهتمام... وفى هذه الأثناء قمت بالاتصال بأصدقاءنا برئاسة الشرطة لنستوضح من هو العقيد وطلبت منهم الاطلاع على البوست والاتصال بشرطة عطبرة لمدنا بالمزيد عن الواقعة . *** سوف أقوم بنشر اسم العقيد بمجرد أن يصلنى . *** سوف أقوم بنشر كل ما يصلنى عن الواقعة بكل تجرد . *** سوف أقوم بنشر تعليقاتي وملاحظاتى كاملة فى النهاية . فقط أنتظر صاحب البوست ليكمل أفاداته حول جهل وتخلف مدير شرطة مباحث عطبرة .

الطيب عثمان يوسف
وعدك بنشر كل مايصلك عن الواقعة دليل علي تشكك في روايتي حتي قبل ان تكتمل
اتمني ان تصلك الوقائع كما قلت من المصدر - كانني لست بمصدر ولست طرفا في هذا الموضوع-
ولن تجد حرفا واحدا فيما كتبتة انا ليس بحقيقة فما ذكرته حدث بالحرف الواحد

Quote: الأخ الزبير تحياتي وسلامات .... كنت أنتظر منذ أول البارحة أن تكمل القصة حتي لا أتسرع في إبداء رأي في كل الأحوال .... حسبما أعلم أن مدير المباحث في عطبرة هوالعقيد عوض المفتاح نور الهدي وهو خريج الزقازيق ودفعة ورجل في غاية النزاهة والإنضباط ... وهو من أميز وأكفأ ضباط المباحث في السودان .... وهو بوليس بمعني رجل ملتزم بشرف مهنته ... لا أعرف ما هو التصرف الذي بدر منه ... إذا ما كان هو ... حسب معرفتي بعوض المفتاح وهو صديق ودفعة وزميل دراسة إستبعد أن يبدر منه ما يسئ إليك وإذا ما حدث بالتأكيد سيكون هنالك سوء فهم ... وهو مطالب بأن يعتذر لك ولا أعتقد بأنه لن يفعل ... لذا أتمني أن تكمل القصة حتي نستطيع أن نتين ما حدث وأوعدك وعد قاطع بأن إتصل عليه وأأتي لك بإعتذار منه إذا ما أخطأ في حقك بأي شكل من الأشكال .. ولك ودي وفي إنتظارك ....

زهير الزناتي
تقديري
كيف يكون رجل في غاية النزاهه والإنضباط وهو لا يعترف بإوراق ثبوتية ويصر علي جعل النخرة والأضان دليلا كافيا ليحتجزني بمكتبه
أنا لست طالبا إعتذار وما كتبت ما كتبته لهذا الغرض ولكن لفضح بعض سلوكيات الشرطة وطرق تفكير البعض منهم وسوء إستغلال سلطاتهم
فليعتذروا لعائلة الدكتور علي فضل وهذا يكفيني

Quote: ياخ سليت روحنا ,, يعني انا قررت سودانيز اونلاين دي ما ادخلها مشارك في سنة الفين وتناشر دي. تجي انت تغسبني اكتب وماتتم لينا الأُصة ؟ امانة ماتلوَّمت يابلدياتي.

عبد العزيز الفاضلابي
يا اخوي 2012 دي فيها المنقة كلها فخليك قريب
والله ما اتلومت لكنها الظروف وكما ذكرت سابقا انا بكتب الحاجات مرة واحدة كعادتي دائما
تقديري واحترامي

!!!

Quote: يا زول دة كله لا يعني شيئا فنخرتك وأضانك

دي شنو قصة النخرة والأضان الماسكين فيها دي !!

غايتو الفرنسيين عندهم أسلوب قديم في التعرف على المشتبه بهم وهو من خلال شكل الأذن ,, بيقولو شكل الاذن .. الأضان يعني مختلف من زول لي زول .. خاصة الزول البيكون متنكر لانو من الصعب عمل تغيير في الاضان عند التنكر بعكس النخرة ..!!

يكون مدير المباحث دا استايلو فرنسي ..!!!
والشي الغتس حجرك يا الزبير هو ديباجة السفارة الفرنسية المغلف بيها جواز سفرك دا ..

أما الأسلوب العطبراوي في التعرف على شخصية المتهمين من شكل مناخيرم فدا ما ادونا ليهو ولا أدوهو للفرنسيين ..!!

Quote: مازلت تحت ظلهم التجاني الزاكي بابكر أحمد طالب جامعي وعامل فرن الموردة عطبرة منذ عشرة سنوات قبض عليه بواسطة أفراد كعادتهم ولكنه فقد ولم يعد لم تظهر له أية أخبار بعدها أنكروا استضافته أنكروا حتى معرفته

المسافر
ما عشان بينكروا دي احنا بنكتب
وعشان مافي واحد يجي يقول بعرفة وقريت معاة
فالكثيرون منهم يعيشون حياة مزدوجة فهم داخل المكاتب وفي بزة الشرطة بوجه وخارجها بوجه اخر
تقديري

Quote: أعتذر لجنابو الطيب حيث لم أطلع علي رده قبل أن أكتب ردي السابق ... طالما جاء جنابو الطيب فإن الأمر سيتخذ مجراه السليم وكلنا في إنتظارك يا الزبير ....

*** الأخ الأكرم الزناتى ... علاما الإعتذار يا رجل ؟ رأيك ومن حقك ، أن تدلو بدلوك . وما علينا إلا
أن نحترمه .

*** ورأيي سوف أكتبه بكل وضوح فى النهاية لو العقيد غلطان حنديهو فى راسو حتى يستقيم ونبصر أخونا الزبير
بكل الوسائل التى تكفل له كافة حقوقه، لأنو التعدي على حقوق وحريات الناس محرم فى القبل الأربعة .
ولو الزبير غلطان معناها (كذاب لا سمح الله) و لن يسلم من سهامنا،
فاتهام برئ بالجهل و التخلف برضو محرم فى القبل الأربعة .
ولن تأخذني لومة لائم فى الإثنين (العقيد و الزبير) ، فالمهنية الشرطة وسام صدري و العدالة وجهتي .

*** مكرر الشكر لك الأخ الزناتى وفى إنتظار الأخ الزبير لنستبين .

Quote: شكراً يا الزبير على ذكر غرائب القصص في السودان والله والواحد ما عارف يضحك وللأ يبكي وياخي شحتفتنا عليك الله كمل القصة تحياتي وتقديري

النذير حجازي
والله ما حدث لي لا يساوي شيئا مما حدث لأخرين وقد كان من الممكن ان يكون خطاء
ويعتذر عنه وننتهي ولكن تدخل العقيد وإصرارة علي إثبات صحة وجه نظرة بطرق بدائية ومتخلفة
هو المحرقني
تقديري

شكراً جنابو الطيب ... هذا ما قصدته من مداخلتي ... أعلم بأنك شخص محترم ونزيه وحقاني ... أما إذا ما كان صديقي عوض المفتاح مخطأ لن أتواني في إنتقاده ومطالبته بالإعتذار ولن أدافع عنه بالباطل قط ... وأعدك أيضاً بأني سأتصل بعوض المفتاح ... وأسمع وجهة نظره في الحادثة بعد أن يكمل الأخ الزبير ما بدأه ... وفي كل الأحوال لك تقديري أنت والأخ الزبير ....

Quote: ا يا زول دة كله لا يعني شيئا فنخرتك وأضانك ياهم نفسهم

كاميرا خفيه بس...

Quote: كاميرا خفيه بس...

د محمد بابكر
تعرف الموضوع FUNNY أكثر منه مؤلم ومحرج
ودليل علي ان الشرطة مازالت تراوح مكانها أو علي الأقل البعض منها
ما زال يعيش بعقلية العصر الحجري
المحيرني الميزانية كلها جيش وشرطة طيب القروش دي قاعدة تمشي وين
ولية ما يرفعوا مستوي الأفراد والضباط وتعليمهم أنو في بصمات و DNA
والبصمة الحيوية
مودتي

Quote: الطيب عثمان يوسف وعدك بنشر كل مايصلك عن الواقعة دليل علي تشكك في روايتي حتي قبل ان تكتمل اتمني ان تصلك الوقائع كما قلت من المصدر - كانني لست بمصدر ولست طرفا في هذا الموضوع- ولن تجد حرفا واحدا فيما كتبتة انا ليس بحقيقة فما ذكرته حدث بالحرف الواحد

*** الأخ الزبير ..

أتشكك فيك فى شنو ياخوي ؟
وأؤكد لك أنك طرف أصيل فى الموضوع وكذلك العقيد .
وتأكد أن المسافة التى بيني و بينك هى نفس المسافة التى بيني وبين العقيد إن لم تكن أنت الأقرب
بحكم أنه صاحب سلطة .
ولك العتبى حتى تكمل .

فلنترك العقيد يجلس مع ضباطه تحت أشعة الشمس الشتوية اللذيذة وأنا داخل المكتب المظلم ونرجع فلاش باك ليستقيم الحكي بمعرفة الملابسات التي أدت إلي الشكك بكوني هاربا من السجن كما جمعتها بعد ذلك
الذي حدث أن أحد أفراد المباحث صادفني في زيارتي الأولي لعطبرة واشتبه بأنني الشخص المطلوب ولكن مغادرتي لعطبرة فجاءه حال دون القبض علي واستمرت المراقبة حول المنزل وكما ذكر أحد الأشخاص أن من قبضوا علي كانوا يراقبون منزلنا من عدة أيام من أمام مبني المعاشات بجوار منزلنا وعندما شوهدت عربتي تدخل الكبري مساء تم إبلاغ المباحث التي كلفت اثنان من عساكرها بالقبض علي وعند خروجي صباحا حدث ما حدث. والسؤال الذي جعلني إصر علي عنوان هذا البوست ونعتي لمدير المباحث بالجهل واستخدام أساليب العصر الحجري هو ما دامت المعلومة كأمله بتحدد شخص محدد بأنه موجود بالمكان الفلاني لماذا لم تقم المباحث ببذل مجهود إضافي للتأكد من المعلومة لأن القبض علي تم من بيتنا وأنا كما ذكرت في صدر هذا البوست مولود في عطبرة وبالتاكيد من يعرفني كثر والبيت دة بيتنا من سنة سبعين ميلادي يعني المعلومة التي تقول من أنا موجودة بكثرة وتفتح صدرها لمن يرغب ولكن التعنت والرغبة في سلوك الطريق القصير وعدم المهنية وعدم الرغبة في الإبداع في مجال العمل كلها أدت إلي الوضع الذي وجدت نفسي فيه

Quote: *** وصلتنى التفاصيل من ثلاثة مصادر مختلفة ، سوف أقوم بنشرها بكل أمانة كما وعدت ، فقط أنتظر صاحب البوست ليكمل أفاداته حول جهل وتخلف مدير شرطة مباحث عطبرة .

Quote: أتشكك فيك فى شنو ياخوي ؟ وأؤكد لك أنك طرف أصيل فى الموضوع وكذلك العقيد . وتأكد أن المسافة التى بيني و بينك هى نفس المسافة التى بيني وبين العقيد إن لم تكن أنت الأقرب بحكم أنه صاحب سلطة . ولك العتبى حتى تكمل

الطيب عثمان
اتمني أن تكون المسافة بيني وبينك وبين مدير المباحث متساوية والإفادة التالية لي ستكون الأخيرة
فيما يختص بالجزء الخاص بمدينه عطبرة لأن القصة تتبعتني حتي الخرطوم بل حتي لحظة سفري مغادرا البلاد في المطار
فارجو أن تبدأ بسرد ما وصلتك من معلومات
تقديري واحترامي

طولت الموضوع زيادة عن اللزوم يا عمكـ ..

أكتر من كده الناس حتمل و ما حتدخل البوست تاني

وأنا جالس في المكتب بعد حوالي النصف ساعة دخل المكتب أحد جيراننا وقرايبنا وخاطبني قائلا يا الزبير قوم شيل حاجاتك دي وأرحك وقمت شلت جوازي ورخصتي وكرت العربية وخرجت من المكتب وخطونا أربعة خطوات نحو الغرب حيث يجلس العقيد مع ضباطه وخاطبني العقيد قائلا يا زول معليش ممكن تمشي وغادرت مبني المباحث وذهبت للبيت وبعد ساعة اتصلت علي نفس الشخص وقلت له أنا عاوز أعرف الموضوع دة إنتهي ولا لسه فيه باقي وقال لي تعال في المكان الفلاني نمشي المباحث تاني لو عاوز لكن الموضوع دة كانت غلطة وانتهت وفعلا قابلته وذهبنا لمبني المباحث ولم نجد السيد العقيد وقابلنا ملازم متدرج من الصف والذي أكد لي أن هذا الموضوع قد انتهي بالنسبة لهم وألا أشيل هم كما قال

Quote: طولت الموضوع زيادة عن اللزوم يا عمكـ .. أكتر من كده الناس حتمل و ما حتدخل البوست تاني

خالد عبد الله محمود
التأخير ليس سببه الإثارة ولكن ظروف العمل والسفر بالإضافة لشي مهم جدا وهو أنا بكتب من الذاكرة
وكثيرا وبعد بذل جهد لساعة وأكثر في الكتابة أجد نفسي قد كتبت رأي الشخصي وليس وقائع ولأنني أرغب في ذكر الحقائق فقط
فكثيرا ماامسح ما كتبتة قبل إنزاله في البوست لان السيد العقيد بالتاكيد سوداني ولدية معارف - كما تأكدت - وسوف
يقوم بتكذيب أي استنتاج ولهذا كنت مصرا علي تسلسل الأحداث وأن تكون أرائي فيما حصل موجزة حتي لا أتهم بالكذب.
فتقديري واحترامي

أسئلة
• لماذا لم تقم المباحث بتعميق التحريات قبل القبض علي؟
• لماذا لم يقم مدير مباحث عطبرة بالتشاور مع ضباطه الذين قرروا الإفراج عني
عن الأرضية التي بنوا عليها قرارهم وهل هي مقنعة أم لا قبل أن يقوم باستجوابي بنفسه؟
• الأذان والأنف قد تكون قرينة استدلالية ولكن هل تنفي أو تقوم مقام الأوراق الثبوتيه التي تصدرها وزارة الداخلية التي تتبع لها إدارة المباحث؟

الموضوع قد يكون أنتهي من ناحيتهم يا الزبير لكن لا تتركـ هذا الأمر ينتهي من ناحيتكـ ..
أعمل فيهم بلاغ و وكل أي محامي في السودان لهذه القضية ثم عد لمقر عملكـ


أهلنا قالو سهر الجداد و لا نومو .

Quote: الموضوع قد يكون أنتهي من ناحيتهم يا الزبير لكن لا تتركـ هذا الأمر ينتهي من ناحيتكـ .. أعمل فيهم بلاغ و وكل أي محامي في السودان لهذه القضية ثم عد لمقر عملكـ أهلنا قالو سهر الجداد و لا نومو .

خالد عبد الله محمود
تحياتي
الأنتهي دة الجزء الأول لأن الموضوع دة باراني للخرطوم بل حتي لحظة سفري مغادرا للسودان
خلاني اعيش في وهم وقلق وتعب
قلت لي اشتكيهم انور السادات قال قبل كدة للنميري شفت ليك حكومة قبل كدة دخلوها السجن
اشتكي منو ولي منو
يا اخوي خليك من وقتي الضيعوة لي ، ناس المناصير ديل الغرقوا ارضهم وزرعهم مادايرين يدوهم حقهم
تقول لي اشتكي؟

Quote: أما الأسلوب العطبراوي في التعرف على شخصية المتهمين من شكل مناخيرم فدا ما ادونا ليهو ولا أدوهو للفرنسيين ..!!

دة إختراع عطبراوي خالص وحقوق الملكية الأدبية والمادية محفوظة للسيد مدير شرطة مباحث عطبرة
انت بالجد كدة ناس المباحث ديل سموهم مباحث لية مش لانهم بيبحثوا وطيب ماهم قاعدين يبحثوا
عن اساليب جديدة واكيد ما ادوكم ليها ولا للفرنسيين زاتم

!!!!

Quote: ولكن التعنت والرغبة في سلوك الطريق القصير وعدم المهنية وعدم الرغبة في الإبداع في مجال العمل كلها أدت إلي الوضع الذي وجدت نفسي فيها

نقطة جيدة ..

بصفتي كنت متابعا مع الأخ الزبير هنا في الخرطوم فأنا اشهد بأن كل ما ذكره صحيح .. لا اريد ان افسد على الزبير سرده ولكن تأكيدي بصحة ما ذكره لم يأت من فراغ حيش شاركت بنفسي في الجزء الثاني من روايته والمتعلق بما حدث له في الخرطوم بعد حضوره من عطبرة واتصاله بي في ساعة متأخرة من أحد أقسام شرطة الخرطوم حيث ذهبت إليه وقابلنا الضابط المسئول وشهدت بعض الاجراءات المتعلقة بهذا الموضوع ..


أكمل يا الزبير ..

Quote: أكمل يا الزبير ..

ناذر

انت الظاهر زمان لما تخش سينما جنوب

ما بتتطلع من السينما الى يكتبوا النهاية

يكمل شنو تاني

الزول هس رجع من الاجازة و شغال في السعودية

شكرا ناذر

يعني في النهايـــة سيادة العقيـد ختاهــــا فـــي الاضنين
حكمــة واللــه وحكايـة !!!

سؤال لاهــــل القانون --- ماحكم القبض علي شخص لمجرد الاشتبــاه ؟

حمــدا لله علي السلامـــة أخي الزبير
في انتظار بقية (المغامرون الثلاثــة )

غادرت عطبرة متوجها صوب الخرطوم وأنا علي عجل لإنجاز ما تبقي لي من أشياء بأسرع ما يمكن حتى أغادر البلاد وقصة ذهابي لإدارة مباحث عطبرة تراوح مكانها في مخيلتي وعند محاولتي عبور كبري عطبرة لاحظت وجود سيارة أكسنت جياد تتحرك ببط بعد الكبرى مباشرة فتجاوزتها ولفت نظري شيئا واحدا بالإضافة لأثنين يجلسان داخلها أن هناك علما يرفرف داخل العربية ملصق بالزجاج الأمامي بعصا بلاستيكية ولأن نظرية المؤامرة اجتاحت رأسي فقد خففت سرعتي حتى تجاوزتني ولم أشاهدها بعد ذلك حتى وصلت الخرطوم وتوجهت لمنزل أخي بحي المهندسين وفي الصباح خرجت من البيت متوجها شرقا للشارع الرئيسي غرب سلاح المهندسين وعند وصولي للشارع لاحظت وجود عربة أكسنت جياد يرفرف داخلها نفس علم سيارة كبرى عطبرة وجاطت في راسي كل الأشياء لحظتها ولما كانت العربة خلفي فقد تتبعتها بالمراية الداخلية وعند كبري الفتيحاب لاحظت أن الأكسنت تتقهقر محاوله إفساح المجال لسيارة تايوتا بوكس موديل ثمانين كما قدرتها من الشريط وعند صعودي للكبرى لم أشاهد أي من السيارتين بطول شارع الغابة وحتى أبو حمامة مرورا بالشارع المتجه جنوبا غرب ميدان الفروسية حتى وصلت شارع جبرة وتوجهت جنوبا حتى تقاطع الببسي ووقفت في الإشارة لأشاهد نفس السيارة البوكس بنفس سائقها يقف يساري ، طبعا يا جماعه في اللحظة الفتحت فيها الإشارة لم استطيع أن أرفع رجلي من الكلتش وأحسست أنها لا تتحرك وبعد جهد حركت العربية والله كيف حتى الآن لا أتذكر وذهبت لمنزلي بجبرة وعند ملاحظتي للبوكس وأنا أدلف لشارع منزلي أستمر البوكس متجها شمالا . جلست أمام البيت وهو بالمناسبة بدون حائط خارجي – يعني مافية سور حوش – وتضاربت في رأسي كل الاحتمالات بدون فائدة حتى بدأ رأسي يصدع وأحسست أنة سوف ينفجر ما هذا الذي يحصل ؟ وكيف أتصرف لأضع حدا لكل هذا؟ وهداني تفكيري للاتصال بأحد زملاء الدراسة ونسيبي في نفس الوقت ويحمل رتبة عقيد في الشرطة وفعلا اتصلت علية وشرحت له كل ما حصل معي ابتدأ مما حصل في مباحث عطبرة وقصة عربية كبري عطبرة وموضوع عربية شارع المهندسين وما حصل في كبري الفتيحاب وقال لي أنه سيعمل اتصالاته ويبلغني بعد ساعة ومرت ساعة وبعدها ساعة ولم يتصل علي وقمت أنا بالاتصال علية ولم يرد وحاولت مرة وثانية وثالثة ولم أجد ردا ولعب الفأر في عبي كما يقول المصريين . في تلك اللحظة أتتني زوجه غفير المنزل تسألني إن كنت سأجلس قليلا أم سأذهب فاستفسرت منها عن السبب فقالت لي أنها تريد الذهاب لمجمع الحدادين جوار السوق المركزي فإن كنت سأجلس فيمكنها الذهاب وإن كنت سأذهب فستجلس لأن زوجها غير موجود وهي لا تستطيع ترك المنزل دون رقابه خاصة وإن به مواد بناء يمكن سرقتها ولما كانت حديثة عهد بالولادة ولديها طفل صغير فقد شفقت عليها وقلت لها أنا بوديكي أركبي وربع ساعة ما بتحصل حاجة وذهبنا وكانت هناك زى دلالة عربات وزحمة شديدة وقلت لها أنا سأركن العربية في الشارع الخلفي ولمن تنتهي تعالي بهناك وذهبت للشارع الخلفي لأجد العربة الأكسنت تقف هناك وبداخلها شخصان والعلم بداخلها ومن شدة ارتباكي لم أتمعن في الشخصان الواقفان بجانبها وانتظرت حتى أتت المرأة وهي لم تتأخر أكثر من خمس دقائق وذهبنا للبيت ورأسي يفور وربطت بين عدم رد صديقي ونسيبي علي وبين هذه المطاردة وقلت بالتأكيد هو اتصل وعرف أخبارا لا تسر ولا يريد أن يرد علي وجلست ساعات أفكر وأدبر حتى هداني تفكيري بالاتصال بشخص أخر صديق طفولة وهو أيضا ضابطا بالشرطة ولكنه خارج ولاية الخرطوم واتصلت وقصصت علية كل ما حصل حتى هذه اللحظة وضحك قائلا شوف ناس المباحث ديل ما كانوا خلوك طلعت من عطبرة لو في شي معلق معك والناس المبارينك ديل ما عندهم علاقة بالشرطة لكن بتعرف قسم شرطة الصحافة وين فقلت له نعم فقال لي أذهب وقف أمام القسم وفعلا كنت هناك وعند وقوفي جاءني من الداخل شخص يسألني أنت تبع العقيد فلان فأجبته إيجابا فقال لي تفضل وأخذني لملازم وقال له أن السيد مدير القسم قد اتصل وقال إن الشخص دة قريب العقيد فلان وتشوف قصته شنو وشرحت للملازم كل الحصل وأكد لي مرة أخري أن الشرطة لا علاقة لها بهذه العربات وسألني إن كنت أحمل مبالغ مالية معي فقلت له بالتأكيد أساسا أنا أتيت للسودان لتقضية بعض الأغراض وأنا صرفت مبلغ من بنك الخرطوم وسافرت به لعطبرة وهو معي هنا في جيوبي فقال لي أن هناك عصابات تعرف بعصابات المطاردة وهي تتابع من يخرجون من البنوك ومعهم أموال بغرض السرقة فقلت له يتابعوني لغاية عطبرة فقال لي وأكثر من ذلك عموما أنا برسل معاك بعض الأفراد لأخر مكان شاهدت فيه العربية وفعلا ركب معي اثنان وذهبنا للسوق المركزي وبالتأكيد لم نجدهم ورجعنا القسم مرة أخري وتم فتح بلاغ ودونت فيه جميع ماحدث ونصحني الملازم أن أدون رقم العربة إن شاهدتها مرة أخري وطلب مني الاتصال علي القسم في حاله حدوث أي شي ودونت علي جوالي رقم للاتصال ونصحني بعدم التحرك بمبالغ زيادة في الاحتياط وهنا قمت بالاتصال بالأخ ناذر الخليفة عضو المنبر للحضور للقسم وغادرنا معا بعد أن شرحت تطورات الأحداث فقد سبق لي أن أخبرته بموضوع عطبرة وعند خروجي أتصل علي صديقي ونسيبي عقيد الشرطة الذي لم يرد علي وأعتذر بأنه قام باتصالاته ولكنه أنشغل حتى نام وعند صحيانه وجد مكالماتي وأكد لي أنه لا يوجد لدي مباحث شرطة عطبرة شي ضدي وإن ما حصل مجرد خطا وذكرت له كل ما حصل معي وما فعلته نتيجة لعدم ردة علي وإنني قد ظننت أن عدم ردة يعني كارثة وإنني ذهبت للقسم وفتحت بلاغ وشكرته وأقفلت الخط. في اليوم التالي وجوار الإشارة جنوب مستشفي أبن سينا شاهدت العربة الأكسنت يساري وبها نفس العلم بداخلها علي الزجاج الأمامي وتحركت العربية شرقا في حين اتجهت أنا جنوبا وهذه المرة دونت رقمها في جوالي وفي نيتي التوجه لقسم الشرطة ولكن بعد خمس دقائق لاحظت يميني سيارة أكسنت بها نفس العلم وعندما لاحظت للرقم وجدت رقما مختلفا وهنا بدأت أفكر بطريقة مختلفة وعدلت اتجاهي من القسم لمنزلي بجبرة وجلست أفكر يمكن أنها الصدفة التي تتكرر كثيرا فخيرا لي أن أتريث وفعلا في المساء وفي شارع جبرة وعند تقاطع أحد الإشارات وجدت عربة أمجاد بها نفس العلم وسألت السائق عن مصدر العلم فقال لي يمكن تجده في أي دكان زينه للسيارات بجنية أو بجنيه ونصف لكن ناس الجيش قاعدين يوزعوه مجانا بمناسبة يوم الجيش ومن تلك اللحظة وجدت نفس العلم في أي عربية تقريبا وناقشني الأخ ناذر مبتسما ألم تتطور نظرية المؤامرة لديك وتوحي لك بأن الأكسنت هي نفسها ويتم تغيير أرقامها فقلت له ليس لهذه الدرجة لأن الشرطة إن أرادت القبض علي لما كان هناك حائلا وليس هناك سبب لكل هذا وإن كل ما حصل عبارة عن أوهام وتخيلات كان من الممكن ألا تكون لو أتبع السيد العقيد في عطبرة القواعد وعمق تحرياته قبل أن يأمر رجاله بالقبض علي. وصادفت طوال الأيام التالية سيارات أكسنت جياد وبيضاء وبها نفس العلم ولكن جميع أرقام السيارات مختلفة عن بعضها البعض فبدأت أطمئن قليلا قليلا حتى يوم مغادرتي فقمت بالاتصال علي أصدقائي بأنني مسافر في اليوم الفلاني صباحا وعليهم ترك جوالاتهم بالقرب منهم ذالك اليوم تحسبا لأي طاري وذهبت للمطار وأكملت إجراءاتي عادي وركبنا الباص متوجهين للطائرة وركبت الطائرة وربكت الحزام وبدأت الطائرة في مناورتها لبداية المدرج وفجاءة توقفت الطائرة عن المشي دقيقة ودقيقة أخرى ثم خمس دقائق وتمت الدقائق عشرة وعندها رجعت الحمي لرأسي وقلت في نفسي بالتأكيد سوف تفتح الطائرة أبوابها وسوف اسمع اسمي في مايكروفون الطائرة تدعوني للخروج وعند تلك الفكرة أخرجت ورقة قطعتها من جريدة كانت في يدي وكتبت عليها أرقام تلفونات وأسماء وطلبت من الجالس بجواري أن يتصل علي أي من هذه الأرقام ويذكر لهم أن فلان تم إنزاله من الطائرة ولكن بعد دقائق أخري دارت ماكينات الطائرة وعندما بارحت كفرات الطائرة مدرج المطار أخذت الورقة من جاري وأسندت رأسي للمقعد ونمت.
كانت عندي رغبات كثيرة لفعلها في الخرطوم مثل الذهاب لسوق الموردة لأكل السمك والذهاب لسوق قندهار وأشياء أخري كثيرة ولكن لم يكن لدي نفس لكل هذا بفعل الأوهام التي عشعشت في رأسي.
السؤال هل كان من الممكن تجنب كل هذا؟
ألم يكن من واجب شرطة عطبرة أن تتعمق في تحرياتها قبل القبض علي؟

Quote: الزول هس رجع من الاجازة و شغال في السعودية

انت يا ود الباوقة كنت عاوزني ما أرجع كمان ولا شنو
دة كل الطلعت بيه انو انا رجعت ودة في حد زاته كفاية أليس كذلك؟
لا يهمك شخص بري أخذوتة الشرطة من منزله لأنهم يعتقدونة شخصا أخر
وقعد يعيد في قصة حياته من ما ولدوة
وشخص غريب يفتش جوالة ويطلع علي حاجاته الخاصة فقط لان في شخص أخر أهمل
ولم يتقن عمله الذي أوتمن علية
عالم لا تخاف ولا تختشي
لعنة الله عليك وعلي امثالك

*** الوقائع كما وصلتنى :

* هناك تعميم وصل الى العقيد المعنى من مباحث السجون يفيد بهروب سجين

اسمه الزبير صالح الزبير مرفق معه صوره للمتهم مرفق مع التعميم بعض المعلومات عن المتهم.

من ضمنها أنه كان يقيم خارج السودان ومتزوج من دكتورة تقيم ببريطانيا. ولدية سياره فلوكسفاجن .

* تم توزيع التعميم على أفراد المباحث الذين توصلوا بدورهم لصاحب البوست والذي كان يقود
سيارة Passat ، وتمت مراقبة منزله واتضح أنه سافر الى الخرطوم فعلا ،
فتم ضبطه بعد عودته الى عطبرة.

* تم استجوابه شفاهة وتأكد لهم أنه يحمل نفس الإسم ( الثلاثي ) وأنه مقيم خارج السودان وأحضر
جواز سفره وتم التعرف على سفر زوجته لبريطانيا من خلال فصل الأولاد عن الجواز ووفقا لإفادته هو
شخصيا . وأفادهم بأنها تعمل دكتورة . تمت مراجعة حركة دخوله وخروجه من خلال الجواز واتضح أنه
عندما تم فتح بلاغ الهروب كان صاحب البوست خارج السودان مما يؤكد أنه ليس الشخص المعنى رغم تطابق
المعلومات .
* حضر أحد أقرباء صاحب البوست ويدعى سيف الدين ويعمل مهندسا بهيئة الماء والكهرباء وهو شخص معروف لدى
العقيد وضباط القسم وأكد لهم أنه يعرف صاحب البوست حق المعرفة تربطه به صلة قرابة وهو ليس
الشخص المعنى ويمكنه أن يضمن صاحب البوست ويمكنه أن يحضره متى ماطلب منه ذلك .
* تأكد العقيد بما لا يدع مجالا للشك بأن صاحب البوست ليس الشخص المعنى
فأطلق سراحه واعتذر له وشرح
له شرحا كافيا الظروف التى دعت لجلبه للقسم .
* معلومة مهمة : كل هذا الاستحواب لم يتجاوز ال (20 دقيقة )
* معلومة مهمة أخرى : كان هناك فرق فى صورة السجين الهارب فطلب من صاحب البوست أن يلتفت
أكثر من مره لجهة اليمين و لجهةاليسار لمقارنته مع وضع السجين فى الصورة (قبل إحضار الجواز) .
دار بعض الحديث بين أفراد المباحث فيما بينهم حول وجود تشابه بين صاحب البوست و السجين الهارب
عندما ينظر لوجه صاحب البوست من الجنب .
*الواقعة حصلت قبل حوالى الشهر بقسم المباحث بمدينة عطبرة .
* لم يتعرض صاحب البوست لأي نوع من الإهانة أو التهديد أو المعاملة غير الكريمة بل طلب قبل
الاستجواب ( شوية موية من الزير ) فأصر العقيد أن يؤتى له بموية معدنية من الدكان .
* لم يتقدم صاحب البوست بأى شكوى أوبلاغ لأى جهة تفيد بتعرضه
لأى تصرف سيئ بدر من العقيد أو غيرة إلا فى منبر سودانيز أون لاين .

*** هذا ما وصلنى من معلومات من صديقي ودفعتى ( على )
الذي يعمل بالخرطوم و دفعتى العقيد أحمد الذي يعمل بعطبرة .

*** معلومات غاية فى الأهمية :

1/ علم المهندس سيف الدين (قريب صاحب البوست) بما جاء على لسان
صاحب البوست واستنكره بشده وتعجب ،واعتذر بشدة للعقيد المفتاح ، وهذا رقم تلفونه ( 00249919023086 )
وهو على أتم الاستعداد للتواصل مع أى شخص يريد أن يعرف الحقيقة .

2/ اتصل بى العقيد عوض المفتاح وهو فى غاية الإندهاش من تصرف صاحب البوست
وطلب منى أن أضع رقم هاتفه على البوست وهو على أتم الإستعداد لتوضيح الحقائق
كاملة لكل من يريد وهو على أتم الاستعداد للخضوع لأى تحقيق جنائي أو إدارى إذا
رغب صاحب البوست فى تحريك أي إجراءات قانونية ضده .
ورقم هاتفه هو( 00249912374868 )

قرأت البوست كلمه كلمه..على أتأكد من ذلك العقيد حتى بان
فهو أخى وإبن عمى وصديقى عوض المفتاح وهو أشطر
ضابط مباحث فى السودان وهو عالى المهنيه وعالى الإنسانيه
وهو الذى كتبت فيه سحر ميسره الياس
إسلم لى عوض الليله
وتغنت بها ندى القلعه ورقص على أنغامها السودان
فهو رجل شهم وشجاع وشاطر
وأنه لا يخرج عن المهنيه وإن تعرفت عليه فسوف تتعرف على رجل
وهو ليس بجاهل تخرج من إعلام الزقازيق ونال ماجستيرا فى العلوم
الإنسانيه وهو من أفصح أبناء جيله وأكثرهم قدرة على التعبير
وهو شاعر وأديب وإنسان ساقه القدر لتلك المهنه فهو من أميز
ضباط التحرى وشارك فى أكثر القضايا تعقيدا فقد مارس
مهنته معك وتركك حين بان له غير ما أعتقد وفقا للتقارير
البوليسيه عن ذلك الهارب وفى ذلك حفاظا للمجتمع فالشرطه
هى التى أعادت لك الأطمئنان فلا داعى للسب والزجر والإساءه
ومليح أن وصلت إلى دار إستقرارك ولو رجعت ثانية فأسأل عن عوض
ولك السلام.





منصور

يعني كشفت المخفي دا ... ياخي ناس المباحث ديل شغلهم بيعتمد على إخفاء هويتهم ... تخلّي الجماعي يجرّوا ليك تاريخ الراجل من ما اتولد ...

وطلعت خايف من علم "يوزع مجاناً" ... بعدين الجرائم الفيها مباحث عادةً بيكون فيها تلاعب في الهوية واثبات الشخصية ... الرخصة واستمارة العربية ما كفاية .... مقارنة البصمات عن طريق المعمل الجنائي ممكنة ... لاكين اجرائياً لفة طويلة أقصر منها يجيبوا جوازك من البيت ويتحرّوا معاك بغرض التحقق من عدم وجود أي احتمال تزييف .. لو قلت حاجة مشككة بعد داك ممكن يلجأوا للبصمات والحاجات التانية .. اساليب العصر الحجري لا زالت ناجعة مهنياً ...

يا زول حمدلله على السلامة ...




... المهم ....

*** رأينابكل وضوح :

( مدير شرطة مباحث عطبرة جهل وتخلف وعقلية تعيش في العصر الحجري )

1/ العقيد المفتاح :

* أحد ضباط الشرطة الذين يحسبون على نظام الإنقاذ ولا أشك فى ذلك بحكم إنتمائه
للدفعة 61 وإن كان لديه أى لون سياسي فهو حر فيه كما نحن أحرار فى اختيار توجهاتنا
السياسية أو الرياضية أو أيا من حقوقنا التى تكفلها لنا الشرائع ونصبح أو يصبح العقيد
المفتاح فاسدا إذا استغل وظيفة العامة فى خدمة أجندته السياسية .

* السؤال المهم :
هل كان لدى العقيد المفتاح ما يكفى لحمله على الاعتقاد أن صاحب البوست
يحتمل أن يكون السجين الهارب ؟ و هل هناك سند قانونى كاف لدى العقيد المفتاح ؟
الإجابة بكل تأكيد نعم ( الاسم الثلاثى بالإضافة الى المعلومات الإخرى التى وردته والتى تمت
الإشارةاليها سابقا ) بالإضافة الى حق الشرطة المكفول قانونا فى الاستدعاء والضبط لمدة 24 ساعة
وفقا لقانون الإجراءات الجنائية .
السؤال الأهم: هل تم التوصل الى أن صاحب البوست هو ليس بالشخص
المعنى بطرق معقولة وفى الوقت المناسب ؟
الإجابة بالتأكيد نعم وفق ما ورد أمامى من معلومات وحسب الوقت الذي لم يعترض عليه كاتب
البوست .
* السؤال الأكثر أهمية :
أين مظاهر الجهل والتخلف ومظاهر تلكم العقلية التى تعيش
ضمن عوالم العصر الحجرى ؟
الإجابة :
واضح أنها فى الآكسنت والأتوس و الأمجاد المركبة علم على قائم بلاستيكى
فى الزجاج الأمامي .


*** صاحب البوست :

* لمصلحة من تصب شهادة قريبك المهندس سيف الدين ؟ وهنا يجدر بكل الباحثين
عن الحقيقة وأنا أولكم أن أنزل قبعتى عرفانا له وتقديرا لموقفة النبيل .

* إن كنت تبحث عن بطولات وادعاءات زائفة ؟ تأكد أنك لن تجد ضالتك عبر رمي
الأبرياء بما ليس فيهم ،
وتجد أقل سهامنا ترميك ( بالكذاب ) نحو الزبالة وحثالة المنبر بالدليل المبين .
* وإن أردت أن تعبر عن سخطك وكرهك للإنقاذ تجدنا لها أشد الكارهين ولكنك ضللت الطريق .
* ما هكذا توردالإبل ياأسد الكرتون .
* كلام لا يصدق ،،، كلام لا يعقل ،،، قال آكسنت وشخصين وعلم فى الزجاج الأمامى متابعنى من
عطبرة للخرطوم وتلاتة يوم فى جبرة وحيطة مبنية و التانية مكسورة ومرة الغفير قالت لى
وقلت ليها وخالى عندو مزرعة وأخوي كمان ودواجن ودرسنى أستاذ فلان و علمنى علتكان وكان
ساكن مع حبوبتى فى نص قطعة ( دلالية إنت ؟ ) ولعبت ( دسوسية) فى فريق أهلى الحصايا
وفى السودنة لعبنا كمبلت وأبوي 50 سنة فى العمرة بخار وجدى ضرب السما جير والنجوم منكير
... دا كلوا وفى النهايةطلعت ( آكسنت وبها علم على قائم بلاستيكى فى الزجاج الأمامي ) !!!

*** أظنك الآن عرفت مظبوط أين مظاهر الجهل والتخلف يا حجرى إنت .

*** النجيضة :

* المفتاح :
1/ رغم اختلافنا، أقدر جدا مهنيتك فى عملك وشجاعتك .
2/ أنصحك بإتخاذ كافة الإجراءات القانوينة صيانة لوصفك بالتخلف و الجهل وتحجر العقل

* سيد البوست :
خليك موضوعي وقوم لف

Quote: *** معلومات غاية فى الأهمية : 1/ علم المهندس سيف الدين (قريب صاحب البوست) بما جاء على لسان صاحب البوست واستنكره بشده وتعجب ،واعتذر بشدة للعقيد المفتاح ، وهذا رقم تلفونه ( 00249919023086 ) وهو على أتم الاستعداد للتواصل مع أى شخص يريد أن يعرف الحقيقة . 2/ اتصل بى العقيد عوض المفتاح وهو فى غاية الإندهاش من تصرف صاحب البوست وطلب منى أن أضع رقم هاتفه على البوست وهو على أتم الإستعداد لتوضيح الحقائق كاملة لكل من يريد وهو على أتم الاستعداد للخضوع لأى تحقيق جنائي أو إدارى إذا رغب صاحب البوست فى تحريك أي إجراءات قانونية ضده . ورقم هاتفه هو( 00249912374868 )

جنابو. الطيب في كل كلمة تكتبها في هذا المنبر تثبت مهنية عالية
وشفافية اعلى
حرام شرطة بلادنا تفقد امثالك
ومهما كان الاختلاف فيجب ان نكون منصفين
اقول ومن خلال ما اتضح من وقائع
ان ما اتخذه العقيد من اجراءات كان له سبب كافي ومعقول
وانه لم يخرج من اطار القانون والصلاحيات المخولة له

Quote: لعنة الله عليك وعلي امثالك

Quote: إن كنت تبحث عن بطولات وادعاءات زائفة ؟ تأكد أنك لن تجد ضالتك عبر رمي الأبرياء بما ليس فيهم ، وتجد أقل سهامنا ترميك ( بالكذاب ) نحو الزبالة وحثالة المنبر بالدليل المبين

Quote: ما هكذا توردالإبل ياأسد الكرتون .

Quote: أظنك الآن عرفت مظبوط أين مظاهر الجهل والتخلف يا حجرى إنت .

يلا يا شباب كا زول يقوم يشوف شغلو

وشكرا

Quote: قرأت البوست كلمه كلمه..على أتأكد من ذلك العقيد حتى بان فهو أخى وإبن عمى وصديقى عوض المفتاح وهو أشطر ضابط مباحث فى السودان وهو عالى المهنيه وعالى الإنسانيه وهو الذى كتبت فيه سحر ميسره الياس إسلم لى عوض الليله وتغنت بها ندى القلعه ورقص على أنغامها السودان فهو رجل شهم وشجاع وشاطر وأنه لا يخرج عن المهنيه وإن تعرفت عليه فسوف تتعرف على رجل وهو ليس بجاهل تخرج من إعلام الزقازيق ونال ماجستيرا فى العلوم الإنسانيه وهو من أفصح أبناء جيله وأكثرهم قدرة على التعبير وهو شاعر وأديب وإنسان ساقه القدر لتلك المهنه فهو من أميز ضباط التحرى وشارك فى أكثر القضايا تعقيدا فقد مارس مهنته معك وتركك حين بان له غير ما أعتقد وفقا للتقارير البوليسيه عن ذلك الهارب وفى ذلك حفاظا للمجتمع فالشرطه هى التى أعادت لك الأطمئنان فلا داعى للسب والزجر والإساءه ومليح أن وصلت إلى دار إستقرارك ولو رجعت ثانية فأسأل عن عوض ولك السلام.

اشهد على ذلك لعلاقة صداقة دامت 20 عاما

لا اقول عنه الا ما قال المتنبي في مدح سيف الدولة

عَـلَى قَـدرِ أَهـلِ العَـزمِ تَأتِي العَزائِمُ ............ وتَــأتِي عَـلَى قَـدرِ الكِـرامِ المَكـارِم
وتَعظُـم فـي عَيـنِ الصّغِـيرِ صِغارُها ............... وتَصغُـر فـي عَيـنِ العَظِيـمِ العَظـائِمُ
وقفت وما في الموت شكٌّ لواقف ................... كأنك في جفن الرَّدى وهو نائم
تمـر بك الأبطال كَلْمَى هزيمـةً .................... ووجهك وضاحٌ، وثغرُكَ باسم
تجاوزت مقدار الشجاعة والنهى ................... إلى قول قومٍ أنت بالغيب عالم

التحية لصديقي ودفعتي في كلية الشرطة العقيد عوض المفتاح

Quote: هناك تعميم وصل الى العقيد المعنى من مباحث السجون يفيد بهروب سجين اسمه الزبير صالح الزبير مرفق معه صوره للمتهم مرفق مع التعميم بعض المعلومات عن المتهم. من ضمنها أنه كان يقيم خارج السودان

Quote: ند قفلي للجوال فتح الباب المجاور لي ليسألني سائل هل أنت فلان - نسيت الاسم ولكني سأرمز له بعادل

???????????????

سلام يا شباب

يا جنابو الطيب شكراً على العمل المهني المتقدم
بس يا جنابو قسوت شوية على الزبير، فالبعض
يا جنابو مسالم وما متعود على أقسام الشرطة
ومطاردة المباحث، وأنا هنا أتحدث عن الأثر
النفسي للمتهم، فالزبير قد تعرض بسبب الاستجواب
لصدمة نفسية وأدخلت فيهو حالة من الرعب من رجال
المباحث أو المباحثفوبيا أرجو أن تنظر إليه
من هذه الزواية.

وتحياتي للجميع

اطالب صاحب البوست بالاعتذار للخلوق عوض المفتاح

الاخ الزبير
ينوبك إعتذارللشرطة في شخص الاخ والصديق عوض المفتاح نور الهدى
لم اكن اعلم إنه المعنى بالبوست
عوض زميل دراسة .. خريج كلية الإعلام .. جامعة الزقازيق
خلوق وفي قمة التهذيب
وكمان شاعر مجيد وكاتب حصيف
له مني ألف تحية

اصلو ما ممكن يكون في زولين اسمهم الزبير صالح الزبير من عطبرة و عايشين برة السودان و متزوجين طبيبات يتخصصن
في بيريطانيا..غايتو ده لو حاصل يكون من عجائب الدنيا .
اعتقد أن كل من مر بتجربة السيد الزبير من حقه أن يشعر بالحنق و الضيق، ليه زول ماشي اجازة تتم جرجرته في اقسام
الشرطة و اتهامه و تماما كما قال الزبير هو ضحية أن شخص أو اشخاص لم يقوموا بعملهم كما يجب.
و بعدين الاخ يوسف الطيب يوسف ده هل هو الناطق الرسمي باسم الشرطة في المنبر و للا الحكاية شنو بالضبط؟
و ياتو مهنية دي الجايين تهنوه بيها و كل العملوا انو اتصل على ناس اصحابو و هم بدورهم حكوا ليهو قصة قد
تكون صحيحة و قد لا تكون فلماذا يقوم بالاساءة لصاحب البوست و المبادرة بشتمه ؟ و ما هي مصلحته في ذلك؟
و شرطة شنو و مباحث شنو الجايي يسوقها لينا هنا في منبر من لا منبر له؟ إن كان حريصا على الشرطة و سمعتها
فالاجدى أن يذهب اليهم هناك في مقارهم ليعرض عليهم خدماته و يسهم في ترقية اداءهم السيئ و غير الاحترافي.
الشرطة السودانية ادمنت امتهان كرامة السودانيين و اهانتهم و يجب عليهم أن يتذكروا ما حدث لاخوانهم في مصر
و يجعلوه عظة و عبرة لهم.
و عوض المفتاح انا ذاتي زاملتو في الزقازيق و هو كان زول تمام الوكت داك ..لكن حصل ليهو شنو بعد معاشرة
ناس الشرطة و المباحث طيلة هذه الفترة فهذا مما لا اجزم به.

اولاً شكراً لجنابو الطيب عثمان يوسف لما بذله من جهد لتبيان الأمر من كل النواحي .. ووفقاً لشهادته المهمة وشهادة المهندس سيف وحديث صاحب البوست نفسه أعتقد وأجزم بأن العقيد عوض المفتاح لم يتجاوز صلاحياته المنصوص عليها في القانون وما قام به وفقاً لما أمامه من معطيات أمر طبيعي .... لم ينتهك فيها أي من حقوقك القانونية يا أخ الزبير ولم يسئ معاملتك بأي شكل من أشكال المعاملة المحطة لكرامتك الإنسانية ، وكما قال ليك تبارك كان يمكن أن يحتجزك ويضاهي البصمات وغيرها من الإجراءات التي قد تهدر وقتك الذي أنت في أشد الحاجة إليه.... أما عن وصفك له بالجهل والتخلف وبأنه عقلية تعيش في العصر الحجري فهو وصف أعتقد بأن فيه تجني علي شخص الصديق عوض المفتاح .... بما عرفناه عنه من ذكاء ونفاذ بصيرة .. لأني أعرف عوض منذ عام 1986م ورجل مؤهل تأهيل عالي وفقاً لشهادة قريبه منصور المفتاح ... وعليه أعتقد أن صاحب البوست أمامه خياران لا ثالث لهما .... إما توكيل محامي إذا ما كان لا زال يري بأن حقوقه أهدرت أو الأعتذار للأخ عوض المفتاح لوصفه له بهذه الأوصاف القاسية إذا ما وضح له الأمر كما نراه نحن .... ولا بد من تحية الصديق عوض المفتاح لشجاعته وإستعداده لأي شكل من أشكال التحقيق الجنائي أو الإداري .... وهو أمر نادر الحدوث في هذه الأيام وإن دل علي شئ إنما يدل علي ثقة العقيد من نفسه .... مرة أخري أؤكد علي أمر غاية في الأهمية إذا ماكان العقيد عوض قد تجاوز أي من القوانين أو الأعرافلن لن نجعل صداقتنا تقف حائل دون أن نقول رأينا بكل صراحة وإنتقاده .... وحسب ما أعرف عن عوض فهو شخض غير مسيس بل رجل مهني ومعروف عنه كثير من الإنجازات المهنية ... في كل الأحوال أري بأن هذا البوست فيه كثير من الفائدة للأخ عوض بحيث يحرص علي مراعاة القانون وضميره وألا يتجاوز صلاحياته مهما كانت الظروف .... ويعلم بأن هنالك من سيحاسبه حتي من اقرب الأقربين ... والتحية للجميع صاحب البوست الاخ عوض وجنابو الطيب والجميع ....

اتفق معك ياسيف ان الشرطة جزء لايتجزاء من النظام الفاسد القائم هناك
اصبحت حكرا على الموالين لها في اغلب سنوات الحكم المستمرة وبدليل كلام الطيب نفسه عن دفعة عوض المفتاح
ماحصل للاخ الزبير بحسب كلامه شكل له هاجس متعب لازمه في كل لحظة قضاها بالسودان ربما لكونه اول مرة يمر بمثل هذه التجربة
طريقة سرده الطويلة تعكس الحالة النفسية التي اعترته وقد يكون شابها بعض التوهمات ايضا خاصة بعد افادة الشرطة بعطبرة ان التحقيق استغرق 20 دقيقة فقط
كان بالامكان طرح الموضوع دون دمغهم بالتحجر وخلافه ...
ليس بالضرورة ان تكون شهادة الشرطة صحيحة مئة بالمئة
وكذلك افادة الزبير نفسه التي ستضح اكثر بعد الافادات التي تواترت اعلاه

سيف النصر سلامات ....اعتقد أنه التوفيق لم يحالفك في مداخلتك ...... أولاً بخصوص جنابو الطيب .... أعتقد أن هذا الأمر يحسب له وليس عليه .... شخص حريص علي مهنية الشرطة وحيادها يجب أن نشد من ازره .... ثانياً الشرطة ملك للشعب السوداني وليس للإنقاذ ويجب أن ندفع في هذا الأتجاه وليس الإتجاه المعاكس .... ثالثاً عوض المفتاح حسب معرفتي به لا زال هو عوض المفتاح بتاع الزقازيق ليس هناك ما جد في شخصيته .... ويعرف عن عوض بأنه شخص خدوم وحلال مشاكل ومبادر .. كما يعرف وسط زملائه من ضباط الشرطة بأنه شخص مهني وضابط متميز في قضايا البحث الجنائي وتوكل له عادة القضايا الأكثر غموضاً أما إذا ما كانت هنالك تجاوزات ثق تماماً سنقف ضدها قبل الآخرين ... رابعاً : أتفق معك في أن الشرطة السودانية بها الكثير من التجاوزات التي يشيب لها الرأس... والكثير منها شاهدته بأم عيني ولي شهودي وإثباتاتي .... وإن كان لي ملاحظة أن العمل في الأقسام الجنائية حدث به بعض التطور علي مستوي البنيات وعلي مستوي المهنية ... .... لاحظ (لعبارتي ... بعض التطور - والأقسام الجنائية) .... وذلك لأنه لا يرقي للمعايير المطلوبة ولكن يجب أن ندفع هذا الأتجاه ... أما الأقسام الأخري فأنا أعني بعض وحدات الشرطة التي ملأها النظام بأعوانه وذلك من أجل تصفية حساباته السياسية مع معارضيه مثل تلك القوات التي تتصدي للمظاهرات أو تلك القوات التي تعيث فساداً في كثير من مناطق السودان .... لذا يجب أن ننظر للأمر بدقة دون أن نعمم أحكامنا حتي لا نترك مؤسسات الدولة نهباً لمجرمي الإنقاذ فهي ملكاً للشعب السوداني .. وسأعود لأفصل وجهة نظري حتي تكون أكثر وضوحاً ....

مهلا يا شباب
فالمعلومة التي بنيت عليها كل الأراء كاذبة من الأساس فالشخص الذي خاطبني به العسكري أمام منزلي ليس الزبير صالح الزبير
بل اسم أخر مختلف تماما وأنا حقيقة لا اتذكرة
ثانيا أنا لم أقل إطلاقا أنني تعرضت لتهديد أو تعذيب سوي الجزئية التي خاطبني بها السيد العقيد أن هناك طريقين لتبيان الأمر
أنا من ذكرت بأنهم أحضروا لي مياة معدنية واعتقد أنني حددت أسمها كمان وقد شربت قهوة كما ذكرت
بخصوص صورة الشخص المطلوب ووجه الشبه بيني وبينها فالواضح سادتي ان صاحب الصورة شخص ممتلي الوجه وانا شخص بالمعدل المعروف دون الوزن المطلوب
مما ينفي أي وجه شبه.
السؤال الجوهري ماهي المهنية التي إتبعها السيد العقيد وأنا من طلبت منه رفع بصماتي للتأكد وقد رفض قائلا ما حا ارفع بصماتك ودعاني للحديث مع شخص أخر ليتأكد من مطابقة صوتي
تكم تحديد أنني ليس الشخص المطلوب من قبل ضباط القسم قبل حضور السيد العقيد وفي ظرف دقائق قليلة وطلبوا مني المغادرة إن أردت وهو ما رفضة السيد العقيد عند مقابلتي له بالضبط علي بعد خطوتين من باب القسم الخارجي يعني عمليا أنا كنت مطلق السراح تلك اللحظة.
وإذا افترضنا ان هذا الحديث صحيحا وهو أن المطلوب اسمة الزبير صالح الزبير - وهذا غير صحيح بالمرة - وتم تحديد منزلي هل تأكدت المباحث أن الشخص المطلوب تسكن اسرته هذا المنزل ام تم تجاوز هذة النقطة ؟
للشرطة الحق في التحري والقبض علي المواطنين بالإشتباه لمدة أربع وعشرون ساعة ولكن هل هذا الحق مطلق أم مقيد بأرضية معقوله؟
نعم تقبل العقيد معرفة أحد أقربائي ورفض أن يقبل بصماتي كبينه قطعية علي انني ليس الشخص المطلوب
وقبل حضور الأخ سيف طالبني العقيد بذكر اسماء لأشخاص يعرفهم هو وذكرت له خالي الطبيب أحمد محمد علي - أحمد هلول- وطالبت بإحضارة وكررت ذلك عدة مرات حتي سالني العقيد لماذا انت مصر علية فقلت له لآنه شخص معروف في عطبرة من اربعون عاما ورفض
أخيرا أكرر بأنني لم أدعي إطلاقا تعرضي لأي معامله غير كريمة غير الإحتجاز الغير مبرر من الإطلاق لو اتبعت الشرطة المهنية المطلوبة وعمقت التحريات قليلا قبل الإقدام علي خطوة القبض علي
أما من قام بالدفاع عن السيد العقيد بدعوي المعرفة المسبقة به إيمانهم بمهنيته فأقول لهم خاب ظنكم سادتي فأنا من عاش هذة اللحظات وأنا من أقرر
ختاما سادتي يا من تدعون أن ما حدث لم يأخذ أكثر من عشرون دقيقة - وهذا ليس بصحيح - هل قلة الوقت دليل علي مهنية الشرطة
وسأعود لكل من علق واحدا واحدا ما عدا النكرة ود الباوقة

Quote: وسأعود لكل من علق واحدا واحدا ما عدا النكرة ود الباوقة

يا زول تاني في شنو كمان

خلاص المسالة بقت واضحة لملم عدتك دي واتخارج

قال سيارتان متباريتان من عطبرة للخرطوم

صدق يا الزبير انت مشروع جاهز لكاتب قصة قصيرة

يا اخ قوم لف ..

Quote: *** الوقائع كما وصلتنى : * هناك تعميم وصل الى العقيد المعنى من مباحث السجون يفيد بهروب سجين اسمه الزبير صالح الزبير مرفق معه صوره للمتهم مرفق مع التعميم بعض المعلومات عن المتهم. من ضمنها أنه كان يقيم خارج السودان ومتزوج من دكتورة تقيم ببريطانيا. ولدية سياره فلوكسفاجن .

الأخ الطيب عثمان يوسف
أو شكرا علي بذلك جهدا وبذلك وقتا لمتابعة هذة القضية وهو ما أحمدك اياه
المصادفات كثيرة ولكن السؤال كيف عرفت الشرطة أن إسمي الزبير صالح الزبير وكيف عرفت أن زوجتي طبيبة وكانت ببريطانيا
قبل أن أحدثهم أنا بذلك عند استجوابي وهل تم الإشتباه بي لان اسمي مطابق ام لان صورتي تتطابق

Quote: تمت مراجعة حركة دخوله وخروجه من خلال الجواز واتضح أنه عندما تم فتح بلاغ الهروب كان صاحب البوست خارج السودان مما يؤكد أنه ليس الشخص المعنى رغم تطابق

وعندما تأكد لهم أنني ليس الشخص المعني ما الذي دعاهم لإبقائي بعد ذلك؟وما الداعي لأن يتعرف علي شخص من اقربائي أو معارفي ماداموا تأكدوا أنني لست الشخص المطلوب

Quote: * تأكد العقيد بما لا يدع مجالا للشك بأن صاحب البوست ليس الشخص المعنى فأطلق سراحه واعتذر له وشرح له شرحا كافيا الظروف التى دعت لجلبه للقسم .

جزئية أنه شرح لي شرحا كافيا ليس حقيقة إلا إذا كان قولة يازول احنا اسفين ممكن تمشي شرحا كافيا في نظرك

Quote: لم يتعرض صاحب البوست لأي نوع من الإهانة أو التهديد أو المعاملة غير الكريمة بل طلب قبل الاستجواب ( شوية موية من الزير ) فأصر العقيد أن يؤتى له بموية معدنية من الدكان

لم أذكر في أي جزء تعرضي لإهانه وإن كان القبض علي في حد ذاته إهانه لعدم وجود أرضية أو سبب مقنع سوي عدم مهنية الشرطة
اما موضوع الماء فقد قلت مافية الكفاية- راجع البوست مرة أخري من البداية

Quote: * لم يتقدم صاحب البوست بأى شكوى أوبلاغ لأى جهة تفيد بتعرضه لأى تصرف سيئ بدر من العقيد أو غيرة إلا فى منبر سودانيز أون لاين .

لم تأت بجديد فأنا لم أذكر أنني تقدمت بشكوي لأي جهه وذلك لسبب بسيط وهو أنو أنا ماعندي وقت أضيعة دون طائل
وليس لأنني ليس بصاحب حق

Quote: دار بعض الحديث بين أفراد المباحث فيما بينهم حول وجود تشابه بين صاحب البوست و السجين الهارب عندما ينظر لوجه صاحب البوست من الجنب .

يمكنني القول وأنا مطمئن بأن هذا الحديث غير صحيح بالمرة والدليل أن أفراد وضباط المباحث أطلقوا صراحي في غضون أقل من سبع دقائق
وهو ما يفرض عدم شكهم إطلاقا في شخصيتي ويدعم قولي بأن الشخص المطلوب ليس اسمة الزبير ولا يحزنون

Quote: بعدين الجرائم الفيها مباحث عادةً بيكون فيها تلاعب في الهوية واثبات الشخصية ... الرخصة واستمارة العربية ما كفاية .... مقارنة البصمات عن طريق المعمل الجنائي ممكنة ... لاكين اجرائياً لفة طويلة أقصر منها يجيبوا جوازك من البيت ويتحرّوا معاك بغرض التحقق من عدم وجود أي احتمال تزييف .. لو قلت حاجة مشككة بعد داك ممكن يلجأوا للبصمات والحاجات التانية .. اساليب العصر الحجري لا زالت ناجعة مهنياً ...

انا قلت ان الرخصة عبارة عن دليل أولي فقط لكن قبل داك ألم يكن ممكنا تعميق التحريات قليلا ولا دي ما شغلتهم

Quote: أحد ضباط الشرطة الذين يحسبون على نظام الإنقاذ ولا أشك فى ذلك بحكم إنتمائه للدفعة 61 وإن كان لديه أى لون سياسي فهو حر فيه كما نحن أحرار فى اختيار توجهاتنا السياسية أو الرياضية أو أيا من حقوقنا التى تكفلها لنا الشرائع ونصبح أو يصبح العقيد المفتاح فاسدا إذا استغل وظيفة العامة فى خدمة أجندته السياسية . * السؤال المهم : هل كان لدى العقيد المفتاح ما يكفى لحمله على الاعتقاد أن صاحب البوست يحتمل أن يكون السجين الهارب ؟ و هل هناك سند قانونى كاف لدى العقيد المفتاح ؟ الإجابة بكل تأكيد نعم ( الاسم الثلاثى بالإضافة الى المعلومات الإخرى التى وردته والتى تمت الإشارةاليها سابقا ) بالإضافة الى حق الشرطة المكفول قانونا فى الاستدعاء والضبط لمدة 24 ساعة وفقا لقانون الإجراءات الجنائية . السؤال الأهم: هل تم التوصل الى أن صاحب البوست هو ليس بالشخص المعنى بطرق معقولة وفى الوقت المناسب ؟ الإجابة بالتأكيد نعم وفق ما ورد أمامى من معلومات وحسب الوقت الذي لم يعترض عليه كاتب

انت بنيت تحليلك علي فرضية ان الشخص المطلوب اسمة يطابق اسمي وهي فرضية خاطئية تماما فطول هذة الاحداث وعند جلوسي مع الضباط تحت الشمس لم ترد هذة المعلومة بل أنها نجرت نجرا وزج بها عند تمليكك الحقائق ليبدو ان هناك أرضية صلبة لكل ما حدث.
اما الطرق المعقوله والوقت المناسب للوصول للحقيقة فأتركة لك عند إجابتك للسؤال التالي
لماذا لجأءت الشرطة لوجه الشبه في الأنف والاذان والتعرف علي عن طريق أحد أقربائي وترك ما طالبتهم به من الأول بأخذ بصماتي؟
قد تقول هم لهم طرقهم وقد أتقبل ذلك

Quote: لسؤال الأكثر أهمية : أين مظاهر الجهل والتخلف ومظاهر تلكم العقلية التى تعيش ضمن عوالم العصر الحجرى ؟ الإجابة : واضح أنها فى الآكسنت والأتوس و الأمجاد المركبة علم على قائم بلاستيكى فى الزجاج الأمامي

مظاهر الجهل والتخلف تتمثل في التالي إن فات عليك معرفتها بنفسك
* لم تبذل المباحث أي جهد يذكر لمعرفة الحقيقة قبل القبض علي ومن روايتك أعتقد ان الشبة الوحيد بين المشتبة بة وانا هو نوعية العربة
وإلا لو عرفت الشرطة اسمي وموقع سكني فكان الأولي معرفة انني ليس الشخص المعني بحكم المعلومات الاخري والتي كانت متاحة لمن يرغب
موضوع العلم والتهكم علية يدل علي عدم الموضوعية فأنا اردت تبيان تأثير الدقائق العشرون علي - كما زعمت انت - ويبدو ان معايشتك الإثارة وسط المجرمين ومجتمع الشرطة يجعلك تستهين بما لا يستهان به لدي الأخرين فطب نفسا واعلم ان هناك من يفزعة صوت الرعد وهناك من ينام وضرب الدانات يصم الأذان
اساليب العصر الحجري تتمثل في إصرارة علي مقارنة أوجه شبه ممكن تتطابق بين الآلاف وإلا كان لكل ضابط شرطة


اسرائيلي هرب منه مجرم ان يقبض علي اول شخص يصادفة أليس كل أنوفهم معقوقة؟

Quote: * إن كنت تبحث عن بطولات وادعاءات زائفة ؟ تأكد أنك لن تجد ضالتك عبر رمي الأبرياء بما ليس فيهم ، وتجد أقل سهامنا ترميك ( بالكذاب ) نحو الزبالة وحثالة المنبر بالدليل المبين . * وإن أردت أن تعبر عن سخطك وكرهك للإنقاذ تجدنا لها أشد الكارهين ولكنك ضللت الطريق . * ما هكذا توردالإبل ياأسد الكرتون

سهامك ترميني بالكذاب وأنت غير متيقن لأن كلامك يعتمد علي معلومة منقوله من شخص أخر وانا أترفع عن وصفك بالكذاب وأنت تورد معلومة خاطئة تماما وهي أن الشخص المطلوب اسمة مطابق لاسمي وهو ما بنيت علية أقوالك .
أما البطوله الزائفة والإدعات الكاذبة التي تعتقدها فهي إن وجدت فمكانها مخيلتك المريضة وكرهنا للإنقاذ نعبر عنه بوضوح وليس خلف ساتر أما سهامك فهي من وهم وعشر وظلال لا تجرح أحدا ولا تخيف وأنت من ضللت الطريق بإعتمادك وقائع ليست صحيحة فهي لم تقابلني إلا علي لسانك فراجع من أعطاك المعلومة فقد كذبك

سلام تاني ياشباب

يا جنابو الطيب، بعد المستجدات في كلام د. سيف النصر أعلاه
وكلام الزبير، بأنه لا يُعقل بأن تحدث مصادفة في مدينة عطبرة
الصغيرة عن تطابق الاسم الثلاثي ومهنة الزوجة والعيش خارج
السودان في مشتبهين، وعليه الحلقة المفقودة هي التأكد لنا
عن ملف المجرم الهارب بالدليل القاطع بأن الهارب اسمه الزبير
صالح الزبير لقفل هذا الملف.

ويا د. سيف بالجد ماقام به جنابو الطيب عمل مهني متقدم وفي
ظرف وجيز وعمل في غاية الشفافية والله دا في أمريكا ما يحصل، ناهيك
عن بلدنا التعبانة دي، وبرضو يا د. سيف بالجد مؤسسة الشرطة السودانية
مؤسسة محترمة جداً، عند مقارنتها بالمؤسسة التعليمية، أحكي ليك
دي عن نفسي، أنا من ما قمت شافع صغير كان جني مشاكل في الحلة
وبسبب المشاكل وشي كلو مخربش، بكون لاقوك نوع الشفع الزي ديل
كتير في السودان بالإضافة إلى إنو لمن كنت صغير لوني كان فاتح
مما يظهر هذه الخربشات في وجهي، المهم بسبب هذه الخربشة، كان
لمن تحصل أي كفوة في المدرسة والأساتذة ما يعرفو الفاعل منو
بقوموا بلمو الشُفع المخربشين في وشهم وبجلدونا بدون سبب لدرجة
إنو إتعودت إني إتظلم وبقيت ما شغال بالفارغة، المهم لمن كبرت
برضو الكفاوي والمشاكل متابعاني، ولمن الموضوع يصل للشرطة بطلع
براءة في زمن وجيز يعني لقيتهم ناس تفاتيح وما إنطباعيين زي
الأساتذة وبالجد أنا بحترم الشرطةالسودانية جداً لمهنيتها العالية
وبحتقر المؤسسات التعليميةاللي بتجيب لينا أساتذة كرور بنصبوا
نفسهم قضاة على الأطفال وبحرموهم من أبسط حقوقهم في الدفاع عن
أنفسهم.

تحياتي للجميع

سلام يا الزبير

لاعليك فهذا هو السودان كل من يسعى الى الحقيقة المجردة هو فى الأصل يسعى لما يخدم دفعته فى الجامعة أو زميل مهنته..

ماقاله الطيب عن تطابق الإسم والزوجة ومهنتها ومكان إقامتها حاليا يدل دلالة قاطعة على أنه أعطى معلومات منافية للواقعة وصدقها لأن له استعداد مسبق لتكذيبك ووتصديقهم..

أنت ذكرت أنهم قالوا لك إسم لاتتذكره ورمزت له بعادل
فليس هناك مايضرك فى إخفاء أن إسمك مشابه لاسم الهارب
وبديهى أنك لن تنسى الإسم الذى ذكره لك شرطى المباحث إن كان مطابق لإسمك..

كلام الطيب مافيه أى معلومة منطقية غير أنه وارد من طرف أدرك خطأه وصدقه الطيب بحكم حميته على الشرطة..

أما عنوانك فهو عبارة عن وصف مجازى أملته المرارة التى أحسست بها من هذا الإجراء التعسفى!

سلام الزبير...الف حمد على السلامة....النكته التالية توضح الموقف:


سوداني لقوا في الحدود مع اثوبيا جاري سالوا يا زول مالك في شنو؟ قال ليهم ناس الامن قالوا اي زول عندو تلاتة اضنين بقطعو ليهو واحده... قالوا ليو انت انت عندك اتنين بس جاري ليه؟ قال ليهم لالالالا هم بقطعوا اول وبعد داك بعدو

Quote: إن كنت تبحث عن بطولات وادعاءات زائفة ؟ تأكد أنك لن تجد ضالتك عبر رمي الأبرياء بما ليس فيهم ، وتجد أقل سهامنا ترميك ( بالكذاب ) نحو الزبالة وحثالة المنبر بالدليل المبين . * وإن أردت أن تعبر عن سخطك وكرهك للإنقاذ تجدنا لها أشد الكارهين ولكنك ضللت الطريق . * ما هكذا توردالإبل ياأسد الكرتون

الاخ الطيب
اقدر لك غيرتك للمهنة وحرصك على الدفاع عن سمعتها
في اعتقادي كلماتك المقتبسة بأعلاه في حق المتظلم الزبير لاتليق بالجهد الذي بذلته في هذا البوست
ياريت تعتذر برضو لانك هنا ليس ناطق بإسم الشرطة او الاخ عوض

Quote: الاخ الطيب اقدر لك غيرتك للمهنة وحرصك على الدفاع عن سمعتها في اعتقادي كلماتك المقتبسة بأعلاه في حق المتظلم الزبير لاتليق بالجهد الذي بذلته في هذا البوست ياريت تعتذر برضو لانك هنا ليس ناطق بإسم الشرطة او الاخ عوض

شخصيا اميل إلى تصديق صاحب البوست إلى ان يثبت الطرف الاخر ان الهارب اسمه متطابق ثلاثيا مع المتضرر وإلا سيكون ما افادوا به الاخ الطيب محاولة خروج من المأزق ليس إلا.

*** ياأخوناكلامى دا كلو خلوا . دا تلفون الباشمهندس سيف الدين
قريب (المجنى عليه) أسألوا ( 00249919023086 ) وتعالوا ولكل حادث حديث .

* وأمامسألة إنحيازى للعقيد أو معرفتى به أو جاهزيتى للوقوف لجانبه ،
فهى أقل من أن أتوقف عندها .

سلام يا جنابو الطيب ..

داير أقول حاجة ..

طبعا البوست دا بيتكلم عن مهنية الشرطة وطريقة تعاملا مع الاحداث والقضايا الزي دي ..

بما إنو علاقاتك واصلة وتلفوناتك لاحقة وقلبك على مهنية الشرطة وكدة ..

رايك شنو تعمل إتصالاتك وتشوف لينا الموضوع دا :

Quote: قبل تلاتة اسابيع تقريباُ ناس حلتنا صحوا الصباح لقوا في عربية صالون بيضاء واقفة قدام واحدة من البيوت ..كانت واقفة بي طريقة مريبة وغريبة .. ناس البيت القدامو العربية ما شكوا في حاجة قالوا إحتمال تكون إتعطلت بالليل وصاحبا وقفا هنا .. مر يوم ويومين والعربية واقفة في محلها .. أول الشارع فيهو بقالة وعندنا أطفال في البيت لمن يترسلوا للبقالة بيمروا بي قدام العربية المشبوهة دي .. ناس الحلة بدوا يسألو عن قصة العربية وصاحبا وما إتوصلوا لي حاجة .. جيت للناس القاعدين في البيت قلت ليهم يا جماعة صاحب العربية دا ما قال ليكم حاجة ؟ . كدي إتذكروا يمكن ختى وصية عن واحد فيكم وسافر مع بضايعو (البيت القدامو العربية مستاجراو شركة شحن لنقل البضائع للولايات) .. الجماعة قالوا ما بيعرفو صاحب العربية وما في زول وصاهم ..! بعد خمسة أو ستة أيام .. بعد ما قنعنا من ظهور صاحب العربية ، تفكيري وتفكير ناس الحلة مشى لي حتة إنو العربية دي إحتمال تكون مسروقة .. أو الإحتمال الأكبر إنها استخدمت لي جريمة أو مصيبة زمان .. أو إحتمال شايلة ممنوعات او حتى أسلحة او أي مصيبة زمان .. طبعا العربية واقفة ومقفلة وما عارفين الجواها شنو .. قلت لي ناس البيت القدامو العربية يا جماعة أنا بشوف احسن نبلغ البوليس عشان لو في جريمة أو العربية مسروقة الأمور تتضح بي سرعة .. قالوا لي إتصل بيهم إنت .. طوالي من تلفوني إتصلت بالنجدة وبلغتهم الحاصل وشالوا مني الوصف والتفاصيل وقالوا حا يرسلوا دورية للمكان .. لحدي هنا مهمتي (دا اذا كانت دي مهمتي أصلاً) إنتهت مش ؟! أبدا .. تابعوا معاي الحصل شنو ..!! بعد حوالي ربع ساعة جات عربية الدورية .. نزلوا منها تلاتة افراد سالوا عن الحاصل واخدوا نمرة العربية وقالوا ماشين المرور يشوفوا صاحبا منو ويشوفوا لو فيها بلاغ أو كدة .. وقاموا نزلوا واحد من العربية شايل ليهو رشاش يقعد يحرس العربية ودوروا مشوا ..! وانا زاتي مشيت شغلي ..! بعد زي نص ساعة كدة واحد من أولاد الحلة ضرب لي تلفون وقال لي ناس البوليس دايرنك ؟! قلت ليهو دايرين بي شنو ؟انا بلغتهم بالحاصل وبعد داك هم يتصرفوا .. قال لي هم منتظرينك جمب العربية تعال شوفم مالم .. إضطريت رجعت من الشغل .. جيت لقيت الجماعة منتظريني قلت ليهم خير إنشاء الله .. قالوا لي إتفضل معانا على القسم عشان سعادة الرائد دايرك !! قلت ليهم داير بي شنو ؟ قالوا لي إنت بس إتحرك معانا .. المهم مشيت معاهم القسم ودخلوني على رائد شرطة ز قالوا ليهو دا دا بتاع البلاغ بتاع العربية ..! يمين بالله الرائد دا عاين لي كدة .. أنا قلت حا يديني شلوت في بطني !! قال لي إنت منو ؟ قلت ليهو ناذر محمد الخليفة .. شغال شنو يا زول ؟ قلت ليهو شغال صحفي .. عاين لي من تحت لي فوق كأنو ما مصدق ..! (طبعا ليهو حق لأني جاي من الشغل وهدومي كلها اسمنت ورملة وغبار وحالتي صعبة) .. قال لي شغال في ياتو جريدة ؟ قلت ليهو : جريدة ....... لكن حاليا متفرغ لي عمل خاص ..! قال لي العربية دي مشكلتك معاها شنو ؟ قلت ليهو انا شاكي في العربية دي لأنو ليها كم يوم واقفة وقفة مريبة وسيدا ما ظهر .. قال لي إنت مضايقاك في شنو ؟ طبعا السؤال غريب جدا لكن قلت ليو : أنا بيتي تاني بيت من العربية طوالي وعندنا في البيت اولاد صغار بيمروا قدام العربية دي يوميا وإحتمال العربية دي حصلت فيها جريمة ولا حاجة ..! قال لي العربية دي واقفة ليها كم يوم ..؟ قلت ليهو : قالو زي ... قاطعني بي إستنكار : قالوا !!!! يعني إنت ما متأكد ؟! قلت ليهو أنا سألت الناس القدام بيتم العربية لانهم أكيد بيعرفوا احسن مني وإحتمال انا اكون لاحظتها متأخر ..! قال لي : شوف .. في بلاغات كتيرة بتاعت عربات واقفة جاتنا من منطقتكم دي وبعد ما نبدا في اجراءاتنا بيظهر صاحب العربية وبيكون موقفا لأنها خسرانة ومرات بيوصي زول يحرسا والزول بيمشي يخليها ..! قلت ليهو طيب هسي البيحصل شنو ؟! قال لي تمشي تفتح بلاغ في النيابة وتعمل عريضة .. قلت ليهو طيب لو ظهر صاحب العربية ؟ قال لي بنفتح فيك بلاغ إزعاج للسلطات لأنو دا ما أول بلاغ يجينا !! قلت ليهو كان كدا البلاغ خليهو وانا زاتي إنسحبت من الموضوع دا.. قال لي اسمع إنت في حاجات ما عارفا .. انا أمشي أصلي الضهر وإنت أنتظرني لحدي ما أجي أوريك الحاصل .. قلت ليهو هسي أنا مستعجل وقدامي مشاوير لكن بجيك بعد ساعة أو ساعتين .. قال لي خلاص بنتظرك .. وطلعت من القسم ..!! جيتو القسم بعد ساعتين وقابلتو .. قعد يحكي لي عن معاناتم مع البلاغات بتاعت العربات الواقفة وإنو أكترية البلاغات جاية من منطقتنا وإنو في النهاية بيظهر سيدا .. قام سألني قال لي : قلت لي العربية واقفة قدام شنو ؟ قلت ليهو قدام محل ترحيلات .. الضابط فرح وقال لي بسسسسسسسسسسس !! من جبيل ما تقول لي كدة !! صاحب العربية أكيد واحد من البيرحلوا البضائع وإحتمال سافر مع بضاعتو وخلى العربية ..! طيب ليه ما ورى ناس الشركة ؟ قال بيكون وراهم أو ورى واحد منهم لكن داك بيكون برضو اتحرك مع بضاعة أو نسى يوري الباقين ..! قلت ليهو طيب هسي يعني إذا بلغت وظهر سيد العربية حا تفتحوا فيني بلاغ إزعاج سلطات ؟! (أنا طبعا قصدت أركز على دي تحديدا ) .. قال لي : هسي أنحنا فتحنا فيك بلاغ ؟ قام شال موبايلو وضرب لي رقم عرفت بعد داك إنو ضرب لي زول في مكافحة سرقة السيارات .. وراهو الحاصل ولون العربية بعد شوية سألني : إنت العربية نمرتا كم ؟! قلت ليهو ما عارفا .. قال لي خلاص شيل رقم تلفوني دا وامشي جمب العربية ومليني رقما ..! طلعت منو وأنا زهجان وقافلا معاي ..! أنا وراي مشاوير وحاجات مهمة والضابط دا بدل يرسل واحد من العساكر بتاعينو يقوم يرسلني أنا .. انا ذنبي شنو ؟! قبل ما أطلع من القسم الضابط قال لي أنا بتصل بيك لو طلعت العربية دي مسروقة أو ما مسروقة .. قلت ليهو سمح ..!! جيت جمب العربية وضربت للضابط مليتو رقم العربية وقفلت الخط .. الضابط لي يوم الليلة ما رجع لي .. تاني يوم العربية في محلها ... تالت يوم برضو في محلها .. رابع يوم ناس مكافحة السيارات جو وفتحوها وحاولوا يحركوها لقوا الدركسون مأمن .. خامس يوم أنا جاي من الشغل شايف العربية مفتوحة وفي زول جمبها وفي مكنيكي بيهبش فيها .. يا زول الحاصل شنو ؟! دي عربيتك ؟ مالك ؟ مالا العربية ؟! الزول حكى لي القصة قال إنو العربية باظت بيهو بالليل داك وقام وقفا هنا ..! طيب إنت كنت وين الفترة دي كلها ؟ وليه ما جيت تاني يوم ؟! قال جا كم مرة ماري بالشارع وإطمن على العربية من بعيد .. قلت ليهو العربية دي جننتنا جن وبي سببك قربوا يدوني شلوت في بطني ويفتحوا فيني بلاغ إزعاج سلطات ..! المهم حق الله بق الله المكنيكي كابس العربية مشيت مع الزول عشان يشحن البطارية النايمة الجماعة دوروا إتخارجو ..! ومن ديك أتا تاني حلفت ما أبلغ عن أي شي مشبوه أو غريب ألقاهو قدا

وهاك أقرا الموضوع وتداعياتو في الرابط دا :

نصيحة لله والرسول : لو شفتو زول قدامكم بيضبحوهو شخخخ ما تبلغوا الشرطة!

وبعد داك ورينا رايك في الشرطة البتغتال الحس الامني عند المواطنين ..!
إغتيال بمهنية عالية ..!!

Quote: سلام يا الزبير لاعليك فهذا هو السودان كل من يسعى الى الحقيقة المجردة هو فى الأصل يسعى لما يخدم دفعته فى الجامعة أو زميل مهنته.. ماقاله الطيب عن تطابق الإسم والزوجة ومهنتها ومكان إقامتها حاليا يدل دلالة قاطعة على أنه أعطى معلومات منافية للواقعة وصدقها لأن له استعداد مسبق لتكذيبك ووتصديقهم.. أنت ذكرت أنهم قالوا لك إسم لاتتذكره ورمزت له بعادل فليس هناك مايضرك فى إخفاء أن إسمك مشابه لاسم الهارب وبديهى أنك لن تنسى الإسم الذى ذكره لك شرطى المباحث إن كان مطابق لإسمك.. كلام الطيب مافيه أى معلومة منطقية غير أنه وارد من طرف أدرك خطأه وصدقه الطيب بحكم حميته على الشرطة.. أما عنوانك فهو عبارة عن وصف مجازى أملته المرارة التى أحسست بها من هذا الإجراء التعسفى!

د.بلة
لا فض فوك

Quote: ياأخوناكلامى دا كلو خلوا . دا تلفون الباشمهندس سيف الدين قريب (المجنى عليه) أسألوا ( 00249919023086 ) وتعالوا ولكل حادث حديث .

واضح أن المهندس مصلحتو فى مدير المباحث أكبر من مصلحتو فى قريبو الزبير
وعلى أى حال بقول انا عملت العلى وخارجت الزبير ومافى داعى أخسر العقيد..

لو ما مصلحة شنو العلاقة بين مهندس ومدير مباحث؟

شكرا لكل من مر هنا وسطر كلمه شاجبا موقفي أو موقف الطرف الأخر
وأقول أنني لم أذكر إطلاقا أن سبب القبض علي هو مشاركتي في مظاهرة أو في مخطط لقلب نظام الحكم
او لأي سبب سياسي ولم أدع بطوله زائفة كانت أم حقيقية وكل ماذكرته صحيح مائة بالمائة رغم انوف من درسوا معة
أو من اقاربه وأكرر وأشدد علي أن أسم المطلوب الزبير لم يرد إطلاقا طيله الفترة التي قضيتها في المباحث ولم أسمع بها إطلاقا إلا في هذا المنبر
ويستحيل أن تكون هناك مصادفة من هذا النوع واكرر بأن ما حصل لي وجعلني فاقدا للتوازن النفسي هو ان هناك شخصا لم يقم بواجبه المهني علي الوجه المطلوب وأنه قصر في عمله بل تعنت ورفض تحقيق زملائة وإقرارهم بأنني ليس الشخص المطلوب واصر علي إتباع أساليب غير مهنية معي بمحاولته مطابقة الصوت وأكرر ايضا أن صورة الشخص المطلوب لا تشبهني في أي شي إطلاقا لإنني تمعنت فيها عن قرب.وأن المكان الذي أعتقلوني فية منزلنا وكان يمكن للشرطة أن تتوسع في تحرياتها لتجنبني هذا الألم وقد قصدت بالمقدمة الطويلة التي ذكرتها في صدر هذا البوست عن مكان ميلادي ونشأتي لكي يفهم أي قاري بانني - رغم عدم شهرتي في أي مجال - إلا أنني ليس أيضا نكرة ولو تم القبض علي في أي مدينه أخري في السودان لما كان له نفس الأثر.
ختاما شكرا لكل من وقف معي والشكر أيضا لكل من عنفني سواء أكان منطلقا من تفكير سوي وإقتناع بخطل موقفي أو من إنطلق من حمية عصبية أو صلات دم وقرابة أو معرفة أو جيرة وكذلك من كانت أرضيته التي إنطلق منها هي الدفاع الأعمي عن زملاء دراسة أو عمل
وانا علي استعداد للإعتذار للضابط المشار إلية وتقبل هذة الصدفة عن طيب خاطر بل وعلي استعداد للذهاب للسودان بنفسي وتقديم هذا الاعتذار إن اثبت أي شخص من جهه مستقله - مصلحة السجون - أن هناك مسجون هارب من سجن يدعي الهدي أو الهدا اسمه مطابق لأسمي وتعمل زوجتة طبيبة وتدرس بانجلترا ولدية سيارة فلوكس واجن - بيضاء وهذة الاخيرة هي فقط ما تطابق بيننا وانطلقت منها المباحث والله المستعان

Quote: * هناك تعميم وصل الى العقيد المعنى من مباحث السجون يفيد بهروب سجين اسمه الزبير صالح الزبير مرفق معه صوره للمتهم مرفق مع التعميم بعض المعلومات عن المتهم. من ضمنها أنه كان يقيم خارج السودان ومتزوج من دكتورة تقيم ببريطانيا. ولدية سياره فلوكسفاجن . * تم توزيع التعميم على أفراد المباحث الذين توصلوا بدورهم لصاحب البوست والذي كان يقود سيارة Passat ، وتمت مراقبة منزله واتضح أنه سافر الى الخرطوم فعلا ، فتم ضبطه بعد عودته الى عطبرة.

تحياتي لصاحب البوست والمتداخلين، جنابو الطيب أشهد لك أنك من الصديقين إن كنت صدقت هذا دون شك وتوقعت أن يصدقه الجميع، لا أظن أن علم الإحصاء وحساب الاحتمالات لايدرس في كلية الشرطة، وعليه فكونك صدقت أن معلومات شخصين تطابقت لهذه الدرجة المذهلة تجعلني أشهد لك أنك من الصديقين، وليأت أحد أهل الإحصاء وليحسب لنا هذا الاحتمال كم يكون!

هناك صدفة غريبة جدا للتوأمين الأمريكيين الذين فصلا وهما رضيعان وتبنت كل منهما عائلة منفصلة ولم يلتقيا إلا بعد أن كانا رجلين، يجدا أن كل منهما تزوج امرأة بنفس الاسم وطلقها ولديهما ######ان بنفس الاسم و الكثير جدا من التطابقات فكانت تلك من أغرب الصدف، وأظن صدفتك هذه تفوقت عليها لأن الزبيرين ليسا بتوأمين!

Quote: طارق والطيب بعد غيبة *** الناس الأقدم منى ودفعتى : سلامات وتحيات مباركات وعطرات أما باقى الكرور ناس مشرف وعادل وصلاح بابكر وأمين نور الدايم والكفش و أسامى الاسبيرات ديل خليكم واقفين إنتباه لغاية ما أرجع تانى . *** رشيت ليكم واحد رشة الليلة !!! بتلقوها فى البوست دا : مدير شرطة مباحث عطبرة جهل وتخلف وعقلية تعيش في العصر الحجري *** سلام مكرر للجميع

الكلام دة للطيب عثمان يوسف في بوست دفتر احوال الشرطة المناوب
والبعرة تدل علي البعير

دفتر احوال ضابط الشرطة المناوب 2012 {توجد صور}

Quote: رشيت ليكم واحد رشة الليلة !!! بتلقوها فى البوست دا

فعلا امرك غريب يالطيب
نرجسيتك فايتة الحد بالجد
طلعت زول تعبان شديد
العملتو ده كلو بتعتبرو" رش"
وكمان فرحان شايل رابط البوست وجاري لهناك
الواحد بيأسف انو قال فيك كلمة طيبة

جنابو الطيب تحيات زاكيات

اعتقد ان القصة يادوب ابتدت من كلام اخونا الزبير ادناه

Quote: وانا علي استعداد للإعتذار للضابط المشار إلية وتقبل هذة الصدفة عن طيب خاطر بل وعلي استعداد للذهاب للسودان بنفسي وتقديم هذا الاعتذار إن اثبت أي شخص من جهه مستقله - مصلحة السجون - أن هناك مسجون هارب من سجن يدعي الهدي أو الهدا اسمه مطابق لأسمي وتعمل زوجتة طبيبة وتدرس بانجلترا ولدية سيارة فلوكس واجن - بيضاء وهذة الاخيرة هي فقط ما تطابق بيننا وانطلقت منها المباحث والله المستعان

واعتقد انك تسرعت بإتهام الرجل بالكذب فقد روى روايته ورى العقيد روايته وما يهم المتابعين هنا الحقيقة ,,والفيصل هو ان تأتونا بما يفيد ان هنالك مجرم هارب تتطابق بياناته مع الاخ الزبير على قول العقيد فإن لم يحدث فإن السيد العقيد اجتهد في عمله وأخطأ وعليه الاعتذار لصاحب البوست ولو عبركم...وإن جاء بما يفيد اقواله فهو ادى عمله كما ينبغي مع الاخذ عليه عدم اخطار المشتبه به بتطابق بياناته مع بيانات مجرم هارب واكيد كان سيقدر هذه الجزئية ويتحمل بصبر سلحفائية اجراءاتنا السودانية..


وفي النهاية ما يجمعكما انتم الاثنين اكثر مما يفرقكما او فالنقل هو عشم جميل من الجميع فالصلح خير ..وباركوها يا اخوانا

هانت الزلابية يا وطن!

زول زميلينا يجي يكتب قصة تعرضه للإرهاب بإستدعائه لقسم الشرطة (المباحث) في منبر من لا منبر له.. فيتعرض فيه أيضاً لإرهاب فكري بسبب كشفه لطريقة الشرطة في التعامل مع المشتبه فيهم. أستغرب أن يأتي أحدهم هاهنا ليدافع عن (عقيد) شرطة فقط لمعرفته الشخصية به.. ودون أن يكون له علاقة بهذة الحادثة المعنية عن قرب أو بعيد! وأستغرب أن يأتي بعض هذا الإرهاب من عزيز لدينا عُرف بأنه من أكفاء ضباط الشرطة السودانية والذين تخلت عنهم هذا العصبة الحاكمة لعدم إنتمائه لهم.. في الوقت الذي تحتفظ فيه بمنصباً لذلك العقيد لإنتمائه السياسي أو العقائدي لهم!

ربما شيئ عادي للشرطة أن تستدعي التي تؤمن الملايين أحدهم للإشتباه فيه.. ولكنه ليس بالشيئ العادي لهذا المشتبه فيه أو لإسرته، فهو لا يستدعى كل يوم. وفي العادة يسبب هذا الإستدعاء (أو) القبض أحياناً مأسي نفسية تمكث معهم لسنوات، ولربما سببت لهم أيضاً (عقدة) الخوف من الشرطة، والمعروف عنها قمعها وعدم إكتراثها بما يسببه هذا الأمر من ملحقات.. والدليل أن صاحب البوست والمتضرر ذكر أن (عقيد) المباحث كان جالساً متمتعاً بشمس الشتاء وبكل بساطة قال له ممكن تمشي، في الوقت الذي كان يعاني فيه متهم بريء تم التحقيق معه على إعتبار أنه مجرم هارب.

الشرطة مارست حقها بموجب القانون في إستدعائه.. ولكنها فشلت في إثبات أنه هو الشخص المعني وعليه كان عليها أولاً أن تتأكد عبر تحرياتها الدقيقة عنه قبل إستدعائه.. وأن تعتذر له رسمياً عن أي خطأ (قاسي) أو (بسيط) سببوه له أو لأسرته الكريمة. وأن يتم تعريفه بحقوقه القانونية.. ولكنهم لم يفعلوا؟

لقد عهدنا أن نقرأ روايات الشرطة في الاونة الإنقاذية.. وعرفنا مستوى الفبركات والتضليل وخـداع الراي العام عندما يتعلق الأمر بأخفاء الحقائق.. والامر هنا عادي ونسمعه منهم ونحن نضحك في زمن الكوميديا السوداء.. ولكن نستغرب ونتعجب عندما يأتي أحد ضحايا الحكم والإنقاذ ليدافع عن شخص تسبب باذى نفسي عبر منصبه الرسمي دون إكتراث.. ويذيد عليه بتهديد وتنكيل فكري وإتهام بالكذب في واقعة تحرى عنها هو شخصياً (متطوعاً) وعرف وقوعها.

هي مجرد 20 دقيقة!

هل هي فعلاً 20 دقيقة من التحري؟ أشك في ذلك.

ودون تدخل في أسرار التحري.. هل هناك سجين هارب فعلاً مطابق للأسم الثلاثي لصاحب البوست ويشاركه في هذة الأوصاف في الهيئة وعناوينه المختلفة وسفره وترحاله ومهنة زوجته؟
ومنذ متى نحقق في شخصية الرجل أو نتحقق من هويته بمهنة زوجته أو ترحالها؟
هل هي متهمة أيضاً؟ أو لها علاقة بهذة القضية؟

الرجل طالبهم (متبرعاً) بالتحقق من شخصيته عبر إجراء رفع بصماته.. ولكنهم رفضوا
وأحمد عليه أنه لم يحرجهم بأخذ الــ DNA لمضاهاته بما لديهم من المتهم الهارب!

لكن ولجهلهم وتحجرهم طلبوا منه التحدث بالهاتف مع شخص آخر لمضاهاة البصمة الصوتية، فهي أسهل وأرخص!
بمن إتصل.. ولماذا إتصل؟ وهل هذا إجراء قانوني؟ وهي المُتَصَل به خبير (قانوني) في البصمة الصوتية؟

صاحب البوست حالياً مطالب بالإعتذار؟؟؟!!!

كلا يا الزبير.. نحن ندين لك (أولاً) بالشكر والعرفان على صراحتك.. ونقلك للأمر المؤلم هذا هنا.
و(ثانياً) نقول أنك غير مُطالب بالإعتذار لأياً كان.. فأنت الضحية والجاني في حقك هو المطالب بأعتذار.
وقصة الخوف من المتابعة أو الملاحقة خير مثال لبقاء هذة الحادثة في عقلك.. وهي لا تُحسب ضدك.

أما (ثالثاً) فاتمنى من كل من تبرع بالتحري في هذة القضية، مع تقديرنا لجهدهم، أن يأتونا بتقارير تحرياتهم الخاصة هذة، والمفيدة عند نقلها للرأي العام. فقط.. نرجوهم أن يلتزموا الحياد وأن يبتعدوا عن شكر أو ذم لاياً كان وبطبيعة الأمر أن يبتعدوا عن نقل رسائل التهديد أو الوعيد. فمثل هذة الرسائل ستمنع كل متضرر ساكت عن نقل قضيته إلى هذا المكان خوفاً من أن يتلقى ما تلقاه الأخ الزبير.. فتضيع الحقوق مرة أخرى بعد أن ضاعت في أقسام الشرطة.

الشرطة السودانية أضحت جهاز قمعي يتم إستخدامه للقتل والتكيل.. وهي تجاوزت كل صلاحياتها القانونية.. ولقد تم تطهير أفضل ظباطها وجنودها ليتم إستخدام البقية الباقية في سحل وضرب وإرهاب الشعب السوداني. نعم.. هناك قلة من الشرفاء ولكن ليسأل كلٌ منهم نفسه: "ماذا قدمت أنا رجل الشرطة النزيه والشريف للشعب السوداني؟".


ودمتم...

Quote: الشرطة السودانية أضحت جهاز قمعي يتم إستخدامه للقتل والتكيل.. وهي تجاوزت كل صلاحياتها القانونية.. ولقد تم تطهير أفضل ظباطها وجنودها ليتم إستخدام البقية الباقية في سحل وضرب وإرهاب الشعب السوداني. نعم.. هناك قلة من الشرفاء ولكن ليسأل كلٌ منهم نفسه: "ماذا قدمت أنا رجل الشرطة النزيه والشريف للشعب السوداني؟".

شكرا الزبير لايصالنا لصوتك ولشجاعتك وتميزك بالدقة في الحكي كما جرى لك وكما احسست بالأمر من بعد.

على الاخ الطيب او العقيد المعني او الاخ زهير الزناتي او اي من وقف ضد الاخ الزبير - وهو الضحية هنا - ان يأتو لنا بأسكان -صورة ضوئية - للتعميم المزعوم وفيه بيانات المتهم الهارب والتي تطابق معلومات الاخ الزبير وكأنه قرينه .

الرواية التي اتت من طرف الاخ الطيب هي عندي اكبر مثال على العذر الأقبح من الذنب؛ ولن نحتاج لابي نواس بعد اليوم لنشرح للناس ما هو العذر الاقبح من الذنب.

Quote: سلام يا الزبير لاعليك فهذا هو السودان كل من يسعى الى الحقيقة المجردة هو فى الأصل يسعى لما يخدم دفعته فى الجامعة أو زميل مهنته.. ماقاله الطيب عن تطابق الإسم والزوجة ومهنتها ومكان إقامتها حاليا يدل دلالة قاطعة على أنه أعطى معلومات منافية للواقعة وصدقها لأن له استعداد مسبق لتكذيبك ووتصديقهم.. أنت ذكرت أنهم قالوا لك إسم لاتتذكره ورمزت له بعادل فليس هناك مايضرك فى إخفاء أن إسمك مشابه لاسم الهارب وبديهى أنك لن تنسى الإسم الذى ذكره لك شرطى المباحث إن كان مطابق لإسمك.. كلام الطيب مافيه أى معلومة منطقية غير أنه وارد من طرف أدرك خطأه وصدقه الطيب بحكم حميته على الشرطة.. أما عنوانك فهو عبارة عن وصف مجازى أملته المرارة التى أحسست بها من هذا الإجراء التعسفى!

خلاصة الخلاصة .. والشكر للدكتورين سيف وبله لكلامهما العقلاني..

تحياتي للجميع..

Quote: فعلا امرك غريب يالطيب نرجسيتك فايتة الحد بالجد طلعت زول تعبان شديد العملتو ده كلو بتعتبرو" رش" وكمان فرحان شايل رابط البوست وجاري لهناك الواحد بيأسف انو قال فيك كلمة طيبة

*** يا حيدر
ما قلته سابقا وما سقته الآن هى آراءك .
وما علينا إلا احترامها .

Quote: وأستغرب أن يأتي بعض هذا الإرهاب من عزيز لدينا عُرف بأنه من أكفاء ضباط الشرطة السودانية والذين تخلت عنهم هذا العصبة الحاكمة لعدم إنتمائه لهم

*** الأخ محمد يس خليفة :

* سلامات

جراحات الإنقاذ لا تزال تتوالى على أجساد وطن نظل جزءا منه ما دمنا فوق الأرض ، ولكن ذلك
لا يعنى أن نرمى _ المهنية _ بالجهل و التخلف ، وإلا صرنا منهم .

* صديقي : لا زلت أعتقد أننى على الصواب ، ولازلت أعتقد أنك على الصواب مع تقديري لرأيك .

* دم بخير

Quote: يا جنابو الطيب، بعد المستجدات في كلام د. سيف النصر أعلاه وكلام الزبير، بأنه لا يُعقل بأن تحدث مصادفة في مدينة عطبرة الصغيرة عن تطابق الاسم الثلاثي ومهنة الزوجة والعيش خارج السودان في مشتبهين، وعليه الحلقة المفقودة هي التأكد لنا عن ملف المجرم الهارب بالدليل القاطع بأن الهارب اسمه الزبير صالح الزبير لقفل هذا الملف.

*** الأخ النزير ... سلامات

* هذا ما وصلنى من معلومات ونشرته دون أى زيادة أو نقصان ، كما وعدت .
أما مسألة أن أحضر الأدلة و المستندات ، فلم يكن وعدى ولا أعتقد أنه
من الممكن عمليا أن يتم ذلك .

* و الأهم من ذلك هو أننى علمت من العقيد عوض المفتاح والذي لم أعرفه إلا من
خلال هذا البوست أنه تم جمع ملف متكامل به كل التقارير التى تم جمعها حول
الموضوع وتم توثيق خطاب إدارة السجون لفتح بلاغ جنائي ، وهذا بدوره قد يعيق
تداول المستندات .

* شكرا .

Quote: * و الأهم من ذلك هو أننى علمت من العقيد عوض المفتاح والذي لم أعرفه إلا من خلال هذا البوست أنه تم جمع ملف متكامل به كل التقارير التى تم جمعها حول الموضوع وتم توثيق خطاب إدارة السجون لفتح بلاغ جنائي ، وهذا بدوره قد يعيق تداول المستندات .

فتح بلاغ جنائي ضد منو ؟؟ اوعى يكون ضد الزبير ؟؟ دي ستكون الطامة الكبرى على العقيد لو لم يدر

اها ما تجي تقول لي البلاغ ضد المسجون الهارب .. ما هو اصلا محكومووفي تعميم بالقبض عليه؛ يفتحو بلاغ تاني ضدو ليه؟

اها زول محكوم وهارب وفي تعميم ضدو ؛ انشروهو يمكن زول من التعميم دا يتعرف عليهو ويساعد الشرطة .


من هذا الموقع اتهم مروجي الرواية ان السجين الهارب اسمه الزبير صالح الزبير انهم مجرد كذبة ويريدون خداع الرأي العام لتبرير خطئهم الفظيع بخطأ اكبر !!

قلت لي يا الطيب رشيت واحد رش ؟!!

طيب بعد ما رشيت ..

دور تلفوناتك وعلاقاتك وشوف لي موضوعي الفوق داك ..

عشان بعد يوم يومين تمشي بوستك داك تكتب ليهم : وكمان الليلة رشيت ليكم واحد تاني ..

بس ما تنسى لمن تكتب كدة تضيف كلمة : والله صحي !!

Quote: طلب مني السيد العقيد أن أجلس فجلست علي أحد الكراسي بالقرب من طاولة المكتب وهنا خاطبني قائلا يا زول أنت قبيلة شنو فرددت علية قائلا أنا دنقلاوي من منطقتي مشو وبركية ولدي أصول من ناحية والدتي من كرمة البلد بمنطقة المحس. وعندها خاطبني بلهجة تهديد ووعيد يازول في طريقتين عشان تعترف واحدة ساهله والثانية صعبة فقصر علي نفسك التعب

الاخ الزبير
تحياتي

جميل ان اشركتنا في محنتك، مالفت نظري في كل هذا البوست هي هذه العبارات...
سؤال عن القبيلة ............................................؟ شوف ليك تحري
وعن الطريقتين: 1) اعتراف، 2) او اعتراف بالتعذيب (كما لمح)

انا مستغرب ان بعض الزملاء هنا يدافعون عن هذا الضابط بانه افضل رجل مباحث وتحري ...........الخ
لو كان كذلك هذه مصيبه!!!!!
ماهو الاختلاف الذي بينه اسلوبه المذكور اعلاه عن الذي نعرف انه يتم في كل مراكز الشرطه في السودان؟
وبسببه دخل كثير من الابرياء السجون....
لو كان هذا اسلوب افضل رجل مباحث كما تقولون، في راي أن اي عنقالي عصبجي من الشارع سوف يجيد هذه الصنعه بجدارة
بل هو اسلوب تنتهجه العصابات -مافيا- الخ مش بوليس تحري...
كلية البوليس دي فيها كورسين شكلها كده (اعترف خلاص، ماتعترف تنضرب)
مسلسلات كولومبو ساكت مابتتفرج فيها يا سعادة العقيد والله محن............ولا معجب (بالعراب)

Quote: * و الأهم من ذلك هو أننى علمت من العقيد عوض المفتاح والذي لم أعرفه إلا من خلال هذا البوست أنه تم جمع ملف متكامل به كل التقارير التى تم جمعها حول الموضوع وتم توثيق خطاب إدارة السجون لفتح بلاغ جنائي ، وهذا بدوره قد يعيق تداول المستندات

الطيب
في سؤال مهم جدا
كيف عرفت الشرطة ان اسمي هو من يطلبونة وهل دخلت عطبرة لاصقا علي جبهتي اسمي ام كانت الكتابة علي السيارة
وبقية المعلومات بخصوص زوجتي كيف عرفوا أنها متطابقة مع معلومات زوجة المطلوب؟ومن اين اتتهم؟
ثانيا اذا كانت للشرطة الكفاءة المهنية لمعرفة كل ذلك في يومين لماذا لم تعرف أنني لست الشخص المطلوب ويوفروا علي وعلي انفسهم
العنت والرهق
كل أوجه الشبه بيني وبين معلومات المطلوب هو نوعية السيارة التي رصدت إبان زيارتي الأولي ليتم القبض علي في الزيارة الثانية.
عارف لية انا بقول الكلام دة
عشان انا لمن اقول اسمي ثلاثيا لأي شخص سوداني بيكون سؤالة التالي مباشرة انت دنقلاوي فأجيب بنعم والمفترض ان الزبير الثاني هو ايضا بالضرورة دنقلاوي

وخليك مني انا لو في زول اسمة مطابق لاسم والدي ودنقلاوي - أي من منطقة واحدة - تفتكر ابوي ما يعرفوا خاصة وانهم إفتراضا منحدرين من منطقة واحدة وعايشين في مدينة واحدة صغيرونة زي عطبرة وتعال هنا انا اصوا طيله حياتي في عطبرة ما صادفتو حتي عن طريق زوجته التي أعرف الكثيرين والكثيرات ممن جمعتهم المهنة يا اخي خليك من دة كله اصوا ما اتقابلنا عند ميكانيكي بحكم وحدة نوعية السيارة

علي بالطلاق بالثلاثة لو في صدفة زي دي نذرا علي أحج لي حجه تكفيرا عن سوء ظني بجهاز شرطة

الزبير ..

إنت كلامك دا بتوجهوا لي منو ؟!! لي الطيب ؟!!

يا اخوي وفر كلامك وإنت ما محتاج تشرح وتبرر والمتداخلين عرفوا الحاصل شنو .. الطيب غرضوا من الأول يقشر بالموضوع ويورينا اتصالاتو وعلاقاتو وحركاتو .. الناس هنا كتبت إنو تعامل بي مهنية وكبرت ليو راسو ساي ..

إنت حكين رواية وناس الشرطة حكوا ليهو رواية .. لو في مهنية هنا على الأقل لمن كتب رواية الشرطة الأدوها ليهو كان ينتظر تعقيبك .. مش طوالي ينزل فيك اساءات وكلام فارغ وزبالة المنبر ومش عارف إيه..!

ودا كلو عشان شنو ؟! عشان يمشي البوست بتاع الميز بي هناك ويكتب (رشيت ليكم واحد بي هناك) .!

يا خي أي زول أمي بتاع أجاويد أو عمدة قبيلة في اجعص قرية في السودان لود داير يحكم على مختصمين بيستمع لي كل طرف وينتظر تعقيب الطرف التاني وبعد ما يسمع كل الجوانب بيحكم وبيدي رايو .!!

دي قاعدة بيعمل بيها أي أمي أو جاهل .. يعني مهنية طبيعية بدون مذاكرة وبدون تدريس ..!

هسي العملو الطيب دا هنا مهنية ؟ يعني لو كان سمع القصة دي من طرف مباحث عطبرة في الأول وجا سمع تعقيب الزبير التاني كان طوالي حا يحكم للزبير بدون ما يسمع تعقيب المباحث على رد الزبير ..!!

والأدهى وأمر كان حا يمشي لي بوست المعسكر بي هناك ويكتب ليهم : الليلة رشيت ليكم مباحث عطبرة ..!!


بالله يا الطيب لمن تكتب كدة ما تنسى تضيف بعد جملتك دي عبارة : والله صحي .!!


أنا جادي معاك .. والله صحي ..!!!

انت يا الزبير ما الزول اب شلاضيم الهرب من السجن زماااان وسافر من السودان وعرس الدكتورة وضعف وملامحو اتغيرت وجا راجع سايق فلكسواجن؟

لأنو احتمال وارد ...









... المهم .....

تبارك يا بتاع الفلكسواجن ..

العربية قالولك باسات .. اي نعم الباسات هي ماركة من الفلكسواجن ..

لكن خلينا في باسات أحسن ليستقيم المعنى ..

لأنو أول مرة أشوف لي زول بيشتبهوا فيهو عشان ماركة عربيتو ..!

هسي الفلكسواجن ذنبها شنو جبتوا ليها الشبهة ..!

Quote: الطيب في سؤال مهم جدا كيف عرفت الشرطة ان اسمي هو من يطلبونة وهل دخلت عطبرة لاصقا علي جبهتي اسمي ام كانت الكتابة علي السيارة وبقية المعلومات بخصوص زوجتي كيف عرفوا أنها متطابقة مع معلومات زوجة المطلوب؟ومن اين اتتهم؟ ثانيا اذا كانت للشرطة الكفاءة المهنية لمعرفة كل ذلك في يومين لماذا لم تعرف أنني لست الشخص المطلوب ويوفروا علي وعلي انفسهم العنت والرهق

تحياتى للأخ الزبير وللأخ الطيب وللجميع

أعتقد أن السؤال عاليه فى مكانه

وعادةً رجال المباحث يعرفون منطقتهم بشكل جيد

حتى الأشخاص والشوارع والأزقه والبيوت وأصحابها

ولم يكن من العسير التأكد من شخصية المعنى قبل القبض عليه

ولكن مباحث عطبره سلكت الطريق السهل . القبض أولاً .. مع أن الطريق الثانى لم يكن صعباً إطلاقاً

القبض والجرجره للقسم وإن كانت خمس دقائق هى فى عُرف المواطن دهراً وذكرى مؤلمه .. وهذا ما لا يأبه له رجال الشرطه

التهديد بالضرب أو بإستعمال الطريق الصعب للإعتراف لا يختلف كثيراً عن الضرب أو التعذيب

فكلاهما إهانه للإنسان

أنا لا أعتقد أن للزبير مصلحه فى أن يُكذِب .. وهو هنا لم يدعِ بطوله أو مقاومه

وإنما عبَر عن خوفه وألمه .. رغم عباراته القاسيه لمدير مباحث عطبره

ولا يستطيع أحد أن يدعى أن الشرطه فى السودان هى ملاك .. ولا حتى فى أغلب دول العالم

ورغم ماحدث فإن الأخ الزبير نفسه يعلم بأن الشرطه عندنا أفضل مما هى حيثُ يقيم

وهذا لا يعنى مدحاً للشرطه السودانيه إطلاقاً

مع العلم بأنى لا أعرف مدير مباحث عطبره أو الأخ الزبير ولم ألتق بأى منهم سابقاً

Quote: هسي الفلكسواجن ذنبها شنو جبتوا ليها الشبهة ..!

وإنت بتقول فيها يا ناذر .. والله تاني أي فلوكسواجن ولا (باسات) تدخل عطبرة
ناس المباحث يعاينو ليها عشرة عشرة ....

ويالزبير نأسف لكل الحصل ليك ده .. بس يا حبيب ما تأمل في السودان كتير
من حيث المهنية والحاجات الزي ده .. الحكاية ماشه باليركة في بلدنا ...


إحترامي

Quote: لأنو أول مرة أشوف لي زول بيشتبهوا فيهو عشان ماركة عربيتو ..! هسي الفلكسواجن ذنبها شنو جبتوا ليها الشبهة ..!

لا تعليق ... الراجل فوق الشبهات والحمد لله ... ربنا يستر على عرباتنا ... زي ما قال دكتور امين ... تاني الباسات دي يشوفوها عشرة عشرة ...







... المهم ....

Quote: * سيد البوست : خليك موضوعي وقوم لف

سيد البوست
خليك ثابت وما تخاف

فقد تعرضت لظروف ربما تتطلب علاج نفسي فلا تضن على نفسك نأمل أن تتاح لك الفرصة لمقابلة الأخصائي وبدء العلاج

قلت لك مازلت في ظلهم وكاد أن يلفك الغيم

أعرف أنك مثل إخوانك الذين يتم استدراجهم لأقل الأسباب وتبذر بذرة الخوف في أحشائهم ..

ولا تتردد في أن تكتب عن كافة مشاعرك ... حتى الأحلام التي كانت تراودك بالاستقرار وشراء مزرعة أو العودة لقضاء وقت مع الأصدقاء والأقرباء دون خوف من طنين البعوض وفقدان السوائل...

من هو الشخص الذي أضطرك للتحدث معك لكي يثبت أن الصوت صوتك...
ألم تشعر بأن صوته معروف لديك كما تعرف هو على صوتك..
ذلك الشخص الذي قال له أها كيف؟

كل المخادعين لديهم زملاء دراسة يقرون بأنهم كانوا من أهل إنجلترا الأصليين ( طبعا أغلب من كانوا مع كتشنر جاءوا من أرض الملائكة )...

عد وأكتب لهم أنك في وسواسك كنت قد طلبت الهداية ممن لديهم ( الخبر اليقين ) وهم نفسهم في وظيفة من وضعوا توقيعهم على صفحة وساويسك...

عد وأكتب وقل لهم إن جزيرة العجائب هذه فيها الحال يبقى على طول ما بين الشجرة والبقرة ...

دعوني أحاول أن أعيد سرد القصة متسلحا بما استجد من معلومات في البوست لم تكن متوافرة لدي وقتها وسأحاول أن أفند في سياق القصة الدفوعات التي ساقها البعض علي لسان الشرطة لنري هل تستقيم قصتي أم هناك ثغرات بها ولتبيان السبب الذي جعلني حانقا ناقما.
تم تمرير معلومة من مباحث السجون للمباحث العامة عن شخص هارب من السجن بها معلومة عن عربه الشخص المطلوب مطابقة لعربتي وتم رصد عربيتي ومكان إقامتي ولكن لسبب أو لأخر لم تتوصل المباحث لي قبل مغادرتي عطبرة وهنا يبرز السؤال الأول بما أن الشرطة عرفت مكان إقامتي لماذا لم تتحري الشرطة عن مالك هذا المنزل وسكانه؟ ،وبالتأكيد الشرطة قد تعمقت في تحرياتها فمهنية الشرطة وكفاءتها ووفرة مصادرها في كل مكان بالمدينة تفترض أن معلومات كاملة بما فيها الاسم والتاريخ لكل أفراد المنزل لابد أن تكون قد توفرت وبالضرورة اسم رب الأسرة وعلية بما أن النشرة الصادرة من مباحث السجون تحتوي حتى تاريخ الزوجة فبالضرورة أن تحتوي علي مكان إقامة أسره المتهم الهارب بالتفصيل وعلية لماذا لم تلفت هذه المعلومة وتضاربها مع المعلومات الواردة للمباحث نظر أي من أفرادها وضباطها؟هذا بافتراض أن اسمينا أنا والمتهم الهارب متطابقين.ألا يدل هذا علي عدم تعامل المباحث بمهنية؟
لندع هذا ونعبر ولنصل مرحله القبض علي من أمام المنزل بافتراض أن الشخص الهارب يحمل نفس اسمي لماذا لم يخاطبني فرد المباحث به وخاطبني باسم أخر ؟ ألا يدل هذا علي أن من أورد هذه المعلومة في البورد بالضرورة قد كذب أو في أحسن الحالات قد أملي عليه معلومة خاطئة وقام بتمريرها هنا سواء أكان جاهلا بعدم بصحتها أم عالما وقاصدا لتكون طوق نجاه لمن مرر له المعلومة.
عند وصولي للقسم لم تجر معي أي نوع من التحريات أو الاستجواب وكل الذي حصل أنني قدمت رخصة قيادتي ووثيقة ملكية العربية وهي بالمناسبة ليست باسات بل بورا والشرطة كما قال أحد منسوبيها السابقين هنا أكدت أنها باسات مما يدل علي أن الشرطة لم تبذل مجهود للتحقق من نوعية السيارة بل أكتفت بماركة العربية بأنها فلوكسواجن سواء أكانت باسات أم بورا - وكله عربيات - وانتظرت لدقائق في مكتب الضابط المناوب ونودي علي وتسليمي أوراقي وطلبوا مني المغادرة . والذي حصل من وجه نظري أن الصورة لم تتطابق معي من أول وهلة مما دعاهم لإطلاق سراحي وهنا يبرز سؤال هل كانت الشرطة ستطلق سراحي بهذه البساطة أم ستتعمق أكثر في التحريات لو كانت هناك معلومات إضافية متطابقة سواء أكان الاسم أو عمل الزوجة والتي حتي هذه اللحظة لم يسألني عنها أي حد مما يدل دلالة قطعية علي أن موضوع تطابق الاسم وعمل الزوجة وموضوع دراستها في بريطانيا لم يكن مطروحا حتى تلك اللحظة.
تم إحضار قهوة لي وجلست مع الضباط نتسامر واستأذنت وخرجت - في هذه اللحظة أنا مطلق السراح رسميا – وقبل خطوتين من الباب الرئيسي وعلي بعد خمسة عشر خطوة من مكان جلوسنا تحت الشمس قابلت السيد مدير المباحث وهو كان عالما بقرار ضباطه بالإفراج علي وهذا واضح من عدم مفاجأته بوجودي مغادرا المبني.
ذكر السيد مدير المباحث أن هناك تطابقا بين أنفي وأذني بالمتهم الهارب ولم يذكر تطابق الاسم مما يدل مرة أخري علي عدم ورود هذه الجزئية حتى هذه المرحلة وذكرت للضابط أنني أحمل أوراقا تدل علي شخصيتي وقدمت له رخصة القيادة ورفض اعتمادها فطلبت أن يقوم برفع بصماتي للمطابقة فهي بالتأكيد ستختلف عن بصمات المتهم الهارب والتي بالضرورة موجودة في نشرة مباحث السجون مع المعلومات الأخرى من الاسم وعمل الزوجة ومكان دراستها ومكان إقامة أسرة المتهم الهارب والتي بالضرورة أيضا تختلف عن مكان إقامة أسرتي ولكنه رفض وقال لي بالحرف الواحد – ما حا أرفع بصماتك - وطلب مني التحدث مع شخص أخر وأكد لي أن الشخص علي الطرف الأخر أكد شخصيتي بأنها للشخص الهارب .طلبت إرسال شخص لإحضار جواز سفري من المنزل وأحضره خالي وتصفحه مدير المباحث وفي هذه اللحظة بدأ الحديث عن سفر زوجتي لبريطانيا بسبب سؤاله عن أسباب إضافة وفصل عيالي من جوازي ولكنه لم يجر أي حديث عن تطابق مكان دراسة الزوجات أو مكان إقامتهم مما يدل علي عدم وردة لعلم المباحث حتى تلك اللحظة ولكنه رفض أيضا اعتماد الجواز كوثيقة إثبات لشخصيتي وقال لي أن هناك مندوب من السجن سوف يحضر وتركني وخرج وجلس مع زملائه نحت الشمس حتى حضر أحد أقاربي وأوضح لهم أنني ليس الشخص المطلوب فتم إطلاق سراحي.
هنا تبرز عده أسئلة : هل إعادة استجوابي من قبل مدير المباحث بعد أن أكد له ضباطه أنني ليس الشخص المطلوب وإطلاق سراحي فعليا هو إفراط في استخدام قوة القانون أم لا؟
هل يجوز للشرطة قانونا القبض علي شخص للاشتباه فيه في موضوع معين ثم إطلاق سراحه ثم إعادة القبض علية مرة أخري في نفس اليوم لنفس الموضوع بدون ان تكون هناك معلومات جديدة قد استبانت أو تفاصيل جديدة قد وصلت لعلم الشرطة تبرر إعادة القبض علي المشتبه به؟
لماذا لم يقم مدير المباحث باعتماد جواز سفري كدليل علي أنني ليس الشخص المطلوب رغم ثبوت أنني كنت طيلة السنوات السبعة عشر الماضية خارج البلاد إلا لفترات لا تتجاوز الشهر كل عام وأنتظر حتى حضور قريبي ليبين له أنني ليس الشخص المطلوب أليس هذا نوع من التعسف؟
تسلحت الشرطة بالقانون في تبرير القبض علي والذي أجاز للشرطة القبض والتحري لمدة أربع وعشرون ساعة للمشتبه بهم – حسب إفادة البعض هنا – ولكن المشرع وضع هذه المادة في القانون لحماية المجتمع وليس لإرهاب إفراده وأنا وحسب ما جري من وقائع تم القبض علي من منزلنا وهو في حد زاتة يزيل ولو جزئيا وضع الاشتباه عن وضعي لو بذلت المباحث مجهودا قليلا ولا أقول تعمقت فكل المعلومات عني كانت متاحة إلا لمن أبي والشرطة هنا أبت وسلكت أقصر الطرق – جيبوة أول وبعدين نشوف يا هو ولا ما يا هو -
طالبت إحضار خالي الدكتور أحمد محمد علي – احمد هلول - عدة مرات لتوضيح شخصيتي ورفض مدير المباحث رغم أنة شخص معروف وله مكانته في مجتمع عطبره ورفض فإذا كان التعرف علي من قبل طرف ثالث مقبول لدي المباحث وكانت تسعي للتعرف علي الحقيقة فقط هل أنا الشخص المطلوب أم لا لماذا لم تقم باستدعائه علي الفور للفصل في الأمر.

التحية لصاحب البوست
لكن يا الطيب بقت عليك حكاية جيت ارش واترشيت
ياخ معقولة يا الطيب انت طيب للدرجة دى
زول يقول اسم المتهم نفس اسم صاحب البوست وبشترك معاهو فى اسم الزوجة ووظيفتها وشنو ما عارف تقوم تصدقو طوالى كدة؟؟
لكن انت زول صديق خلاص
ياخ اسم محمد احمد محمد صعب انو يتطابق فى منطقة واحدة خليك من اسم الزبير
اقل حاجة يا الطيب مفروض تعتذر للراجل دة
تحياتى

الكـــرة الان فـــي ملعــب عطـــبرة والاخ الطيب
عليهــم ابــراز الدليــــل الذي يؤكـــــــد
أن اخــونا الزبيــر ضحيــة الاشتباه الغلــــط
هــو نفس الزبير الهارب مـن السجــن (نسيب الخواجات )
والا علي الاقــل يشكـــر الاخ الزبير علــي تنبيـــه
السلطــات الرسمية علي هذه الاخطاء الكبيرة .

تحياتي لجميع المتداخلين

أولا لا ألوم الشرطه في الاشتباه باي مواطن بانه السجين الهارب فلان إبن فلان ...
لكني الوم الشرطه وبشده أن لاتعترف بمستندات صادره عن وزارة الداخليه المرجعيه العليا للشرطه ...
يعني ببساطه أنا لو كنت مكان العقيد كان عملت الآتي عند مقابلتي للزبير عند الباب :
-----يازول ماشي وين؟
ماشي البيت حصل خطأ وانا ما الشخص المعني ..
---طيب دقيقه ..يا الملازم فلان ،شنو الحكايه ؟؟
والله ياسعادتك الزول ده عندو رخصه وشهادة ملكية سياره صادره من وزارة داخلية جمهورية السودان..
---طيب يا الزبير مع السلامه وآسفين للخلط ؛
باي ...باي

وما افتكر كان في أي داعي لدخول الزبير لمكتب العقيد من أساسو...

-----------------------
تحياتي للزقازيقي عوض المفتاح ...ولو كلام الزبير ده صاح ..ياخ إتلومتو تب في الزول ده ...

الأخ الزبير وضيوف مدير مباحث عطبرة . تحياتي
أتفق تماما مع مداخلة الزميل أسامة الكرور ... لماذا لم يختار مدير مباحث عطبرة وبمهنية عالية عدم التعرض للأخ الزبير ؟ لا سيما وأن هناك تحريات تمت قبل وبعد دخول الزبير للسودان أو عطبرة أهمها الاسم ، العمر ، القبيلة ، السكن ، المهنة ألخ ..
كن بخير أخي الزبير ونشاطركم عذابات تلك الدقائق مهما كان عددها فهي بالضرور تترك آثارا سالبة في شخصكم بما فيها الأثر النفسي والمعنوي ..
الشفيع إبراهيم

الاخ العزيز الزبير
الشرطة والمباحث و المرور

اكثر اجهزة الدولة فسادا
وبتكتب عنها الجرايد يوميا

وبحاولوا يتلبطوا في اي زول منه كده

يا حبيب حمد لله على السلامه
والحمد لله جات علي كده

دكتور أحمد أمين كيفك ..

Quote: وإنت بتقول فيها يا ناذر .. والله تاني أي فلوكسواجن ولا (باسات) تدخل عطبرة ناس المباحث يعاينو ليها عشرة عشرة ....

الزبير زاتو غلطان هسي لو كان مشى باالمواصلات الجماعة كانو ما بيلموا فيهو ..!!

تبارك يا تبارك ..!!!

ها الغبيان دا .. انا ما قصدت كدي ..!!

اها ...

الطيب ..!! يا الطيب ..!!

الطيب ..!!

عملت لي شنو في موضوعي ؟!!

ناذر
سأحكي عن غباء ضابط في نقطة حلفا القديمة تصرف معاي بعقلية حجرية في موضوع لايحتاج لشطارة ( قسما بالله طلب مني املأ الزير بكوز موية والمسافة بين الزير والماسورة كانت كبيرة)
بوريك السبب في المداخلة القادمة وان شاء الله الطيب يجتهد كمان في الحكاية دي ويطلعني ملوص

أها ياحيدر أوعك تكون مليت الزير ؟؟؟

نهاية الثمانينات كنت برفقة اخونا الانصاري موسى ابوشنب حين دخلنا على ضابط جوازات ذو شارب كثيف لا ادري إسمه بغرض انهاء إجراءات الخروج للسفر لمصر
وجدنا أسرة مكونة من 4 افراد (اب وام وبنتين) منتظرين انهاء معاملاتهم مع الضابط .. طلب منا الإنتظار قليلا خارج المكتب ففعلنا .. لم تمض عدة دقائق حتى طلب منا الدخول للمكتب .. ناولناه الجوازات وبطاقة الجامعة ...
اول حاجة عملها فتح درج الطربيزة التي يجلس عليها وتناول ورقة فيها قائمة اسماء طويلة .. راجع الاسماء في الجواز مرة اخرى .. وسأالنا .. ليه ما أنهيتوا إجراءات الخروج من وزارة الداخلية في الخرطوم?
عن نفسي رديت بأني من عطبرة .. وأعتقد يحق لي اعمل الإجراءات دي في حلفا بدل الرجوع للخرطوم .. بعدين جوازي يشهد بذلك وماحصل مشيت الخرطوم لعمل الخروج ..
قام من كرسيه و (قبقبني) بطريقة عصبية جدا وقال لي انت عاوز توريني شغلي .. جوازك ده الا ترجع بيهو الخرطوم انا ما بختمو ليك نهائي.
سألته عن العلاقة بين إسمي والاسماء الواردة في القائمة الطويلة دي
لم يرد .. نادى على شرطي إسمه عبود وطلب منه ان يأخذني لمكان الزير حتى اقوم بالمهمة التأديبية بتاعتو دي ... قال لي ... قبل موعد الفطور لازم تملا الزير ده ...

...
أواصل

أواصل....

يا حيدر ياخ بالله عليك لاتواصل في هذا البوست،،،أفتح بوست تاني ياخ

يا حيدر سلام ..

أنا مع دكتور الصادق .. أفتح ليك بوست تاني عشان الناس كلها تنتبه للقصة دي وتتداخل معاك ..

وبالمرة الطيب السماني يضرب لي الضابط دل ويتحقق من كلامك ..

الطيب ..!! يا الطيب ..!!

غايتو ربنا يعينك عندك موضوعين تعال شوف لينا الحاصل فيهم شنو ..!!


يا حيدر ..

الطيب دا لو رشاك بعدين ما تلومني ..

والله صحي ..!!!

سلام يا شباب

أتمنى إنو جنابو الطيب والزبير يتصافو الموضوع ما بستاهل
والاتنين أخوين عزيزين علينا في المنبر دا، ولو كان كلام
جنابو الطيب فيه القساوة شوية، فكلام جنابو أسامة الكرور
نزل برداً وسلاماً على الزبير.

ويا حيدر ما تسمع كلام ناذر، ناذر دا بحب الشحتفة هاهاها
والله شحتفتنا عليك الله كمل هنا

تحياتي للجميع

يا ناس الشرطة عشان تكونوا حريصين على حقوق المواطنين .. من فضلكم عند مناطق العبور والتفتيش يجب ان يكون الشرطي المفتش لابس رسمي حتى عندما يسأل عن الهوية يكون سؤاله قانوني ..
انا جايي من كسلا في الطريق البص وقف .. لم يسألوا اى شخص غيري .. اين بطاقتك ؟ نظرت في الشخص الذي يسالني لم يساورني ادنى شك في انه بائع متجول !!

مصعب ...

يعملوا ليك شنو اذا كنت بتشبه ناس تسفاي ؟!!


النذير سلام ..

Quote: ويا حيدر ما تسمع كلام ناذر، ناذر دا بحب الشحتفة هاهاها والله شحتفتنا عليك الله كمل هنا

القصة ما قصة تصافي بين الزبير والطيب .. القصة إنو الطيب مارس ابشع أنواع الارهاب النفسي على مواطن بسيط لمجرد انو حكى مشكلتو .. تحيز الطيب فب الموضوع دا كان واضح وفي النهاية قشر بالقصة وكمات بيفتخر إنو (رشيت ليكم الزبير) ..

الخلاصة في نظري أي زول قرا البوست دا وشاف تعامل الطيب مع القصة دي ومبادرتو بالشتم والاساءة بدون ما يتبين التفاصيل كويس تاني حا يعمل ألف حساب يحكي مظلمتو أو قضيتو هناأو في اية حتة تانية ..!!!

لوم الضحية عمل ما اخلاقي ولا انساني ولا يمت للمهنية بصلة .. في النهاية الزبير ضحية .. الطيب مش لام الضحية بس .. الطيب بيحاول يرهب الضحية بالتلميحات والاساءات ..

انا شخصيا صنفت نوع الطيب دا كويس .. الطيب عندو إشكالية نفسية بيحاول فشها في شخص الزبير إشكالية نقص من ايامو في الشرطة وامكن قبليها وبعتقد دخولو للشرطة كان عشان يشبع الحتة دي تحديدا في نفسو ..
الطيب من نوع الضباط البيقعدوا قدام الأقسام بالليل وبينتظروا اي مواطن يجي ماري عشان يوقفوهو من غير سبب لمجرد الاشتباه وتمضية الوقت دون مراعاة لعوامل كتيرة ..

نوع الطيب دا الحمد لله الشرطة لفظتو من رتبة رائد .. غايتو لو كان وصل عقيد ولا لواء أكيد كان حا يضبح المواطنين ضبح في ردهات الأقسام ..!

الطيب السماني من تعاملو مع القضية دي بيخليني متيقن إنو في اثناء خدمتو انتهكت حقوق الكثير من المواطنين الأوقعم حظهم العاثر في يدينو .. لأنو تعاملوا معاهم كان زي تعامل الضابط اللئيم الفي قصة الجريو يا النذير .. الضابط الـ لمن جاهو سيف بيشتكي من مظلمة الضابط ارهبو وهددوا يرميهو في الحراسة وسيف المسكين جاي القسم عشان الشرطة تنصفوا .!!


يا الطيب أنا شخصيا بصفتي معاصر قصة الزبير دي هنا وعايشت نفسيات الزبير وإضطرابو من الحصل ليهو .. وجيت تاني عايشت قصة الزبير وهو بيحكيها هنا واساءتك ليهو ما في يدي شي غير اقول للزبير : اذا البشرية دي ما انصفتك فرب العالمين بينصفك وما بيخذلك .. أدعو ربك على كل ظالم وكل من ساعد في ترسيخ الظلم والترويج له وكل من اساء ليك وإنشاء الله ربنا يستجيب لي دعاءك ..!!

أكرر كون إنك تلوم الضحية دا شي ما اخلاقي ولا انساني منك مهما بدر من الضحية طالما الضحية بيحكي بي تجرد ونزاهة كل الحصل ليهو وانت من غير تكليف نصبت نفسك ناطق بأسم الشرطة ومتحدث بأسمها وهسي بي العملتو دا غير أسئت للشرطة وضباطا ما عملت حاجة ..

يا خي إنت مش رشيت الزبير .. إنت رشيت الشرطة وطعنت في مهنيتا رش السنين !!

يا سلام عليك يا ناذر لمن تتجلى

Quote: القصة ما قصة تصافي بين الزبير والطيب .. القصة إنو الطيب مارس ابشع أنواع الارهاب النفسي على مواطن بسيط لمجرد انو حكى مشكلتو .. تحيز الطيب فب الموضوع دا كان واضح وفي النهاية قشر بالقصة وكمات بيفتخر إنو (رشيت ليكم الزبير) .. الخلاصة في نظري أي زول قرا البوست دا وشاف تعامل الطيب مع القصة دي ومبادرتو بالشتم والاساءة بدون ما يتبين التفاصيل كويس تاني حا يعمل ألف حساب يحكي مظلمتو أو قضيتو هناأو في اية حتة تانية ..!!! لوم الضحية عمل ما اخلاقي ولا انساني ولا يمت للمهنية بصلة .. في النهاية الزبير ضحية .. الطيب مش لام الضحية بس .. الطيب بيحاول يرهب الضحية بالتلميحات والاساءات .. انا شخصيا صنفت نوع الطيب دا كويس .. الطيب عندو إشكالية نفسية بيحاول فشها في شخص الزبير إشكالية نقص من ايامو في الشرطة وامكن قبليها وبعتقد دخولو للشرطة كان عشان يشبع الحتة دي تحديدا في نفسو .. الطيب من نوع الضباط البيقعدوا قدام الأقسام بالليل وبينتظروا اي مواطن يجي ماري عشان يوقفوهو من غير سبب لمجرد الاشتباه وتمضية الوقت دون مراعاة لعوامل كتيرة .. نوع الطيب دا الحمد لله الشرطة لفظتو من رتبة رائد .. غايتو لو كان وصل عقيد ولا لواء أكيد كان حا يضبح المواطنين ضبح في ردهات الأقسام ..! الطيب السماني من تعاملو مع القضية دي بيخليني متيقن إنو في اثناء خدمتو انتهكت حقوق الكثير من المواطنين الأوقعم حظهم العاثر في يدينو .. لأنو تعاملوا معاهم كان زي تعامل الضابط اللئيم الفي قصة الجريو يا النذير .. الضابط الـ لمن جاهو سيف بيشتكي من مظلمة الضابط ارهبو وهددوا يرميهو في الحراسة وسيف المسكين جاي القسم عشان الشرطة تنصفوا .!! يا الطيب أنا شخصيا بصفتي معاصر قصة الزبير دي هنا وعايشت نفسيات الزبير وإضطرابو من الحصل ليهو .. وجيت تاني عايشت قصة الزبير وهو بيحكيها هنا واساءتك ليهو ما في يدي شي غير اقول للزبير : اذا البشرية دي ما انصفتك فرب العالمين بينصفك وما بيخذلك .. أدعو ربك على كل ظالم وكل من ساعد في ترسيخ الظلم والترويج له وكل من اساء ليك وإنشاء الله ربنا يستجيب لي دعاءك ..!! أكرر كون إنك تلوم الضحية دا شي ما اخلاقي ولا انساني منك مهما بدر من الضحية طالما الضحية بيحكي بي تجرد ونزاهة كل الحصل ليهو وانت من غير تكليف نصبت نفسك ناطق بأسم الشرطة ومتحدث بأسمها وهسي بي العملتو دا غير أسئت للشرطة وضباطا ما عملت حاجة .. يا خي إنت مش رشيت الزبير .. إنت رشيت الشرطة وطعنت في مهنيتا رش السنين !!

الطيب السماني شال وش القباحة ومن زودوه بالمعلومات كاذبين ويريدون مواصلة الارهاب او التعتيم بالحديث عن بلاغ جنائي ..

Quote: هسي الفلكسواجن ذنبها شنو جبتوا ليها الشبهة ..!

ماعندها ذنب والله

Quote: عشان يمشي البوست بتاع الميز بي هناك ويكتب

هسة بوستى ذنبو شنو جبت ليهو الشبهة ياناذر ياخى

you owe me an apology ya man

حبيبنا علي ..

Quote: هسة بوستى ذنبو شنو جبت ليهو الشبهة ياناذر ياخى you owe me an apology ya man

منبر نا دا النظام فيهو غريب شوية ..

لازم لمن تجي ترش زول ترشو هو وجماعتو ..

يعني اتشاكلت في المنبر دا مع صحفي .. ما تشاكلو براهو .. تنبذ الصحافة السودانية والصحفيين العرب والأفارقة وإتحاد الصحفيين والناشرين والمطابع وتنعل سنسفيل جدهم .!!

اتشاكلت مع ضابط سابق أو حالي تبدا من وزارة الداخلية وإنت طالع لي فوق ونازل لي تحت في نفس الوقت .. ما تريح لا كلية شرطة لا قسم شرطة لا شرطة مرور زاتو وبرضو النبذ لا زم يصل لي جمعية أصدقاء الشرطة ولي كل العاملين بي دار الشرطة ومسرح الشرطة ..!!

إنت القاعدة بتاعت الخير يعم والشر بيخص جبناها من وين . ما منكم إنتو زاتكم

بالنسبة للأبولوجي فدا ما بيحصل إلا ناس الميز كلللهم جتتتتت يجوا يعتذروا للزبير دا بالجلطوا زولم دا

المهم طلعت مع العسكري عبود .. وجدت مزيرة فيها 3 ازيار قناوي ومافكرت للحظة اني سأنفذ اوامر الضابط ده .. فجأة سألني عبود .. إنت من وين ياخينا .. قلت له من عطبرة .. جنسك شنو .. محسي ..
ياخينا ماتشيل هم امورك كلها ومعاك صاحبك التاني ده حاتنقضي بكرة بكل سهولة بس حاول تطاوع الضابط ده لحدي نهاية الدوام من غير ماتنرفزو .
جلست لفترة قصيرة بين الازيار اتأمل في وجوه البشر الذين دفعهم العطش للمزيرة .. خطر ببالي ان اسأل هذا العبود عن ماقاله لي قبل مغادرة المكان لكن في تلك اللحظة أرخيت 'أضاني" لحديث جرى بين مندوب وكالة سفر واحد المسافرين بالقرب من المزيرة .. علاقة الحديث بالضابط المعني جعلني اهتم بمتابعته للنهاية وعرفت في نهاية الامر ان الضابط سيغادر مكتبه بعد الفطور ولن يعود لارتباطه بعمل في الباخرة القادمة من مصر ..
بحثت عن عبود ووجدته يحمل جوازات من مكتب الضابط لمكتب اخر .. طلبت منه ان يوضح لي اكثر عن يوم بكرة ده .. قال لي الضابط المسؤول عن المركز وصل الصباح بعد قضاء اجازة قصيرة في منطقته وسيداوم بكرة .. وهو على فكرة محسي برضو وزول حقاني وعلى اعتاب المعاش

يا ناذر سلامات
ياخ ارفع رجلك من الابنص شوية
الموضوع دة بعد كدة بجيب ليهو فليق بالطوب

عارف يا حيدر .. ذكرتني حاجة ..

يا خي في عسكري ثقيل ومتخلف شغال في ميناء وادي حلفا .. يا خي دا فضيحة أنا ما عارفو شغلوهو هناك كيفن .. العسكري دا اسمو عوض ولي هسي شغال هناك ..

قبل فترة جيت من مصر بالباخرة .. طبعا تعب السفر والصقط متملك الناس كلها .. عوض دا شغال نهير وكوراك في الجماعة لا راعى صغير لا كبير لا أجنبي .. في الباخرة اتعرفت على مصريين كبار شوية في السن أول مرة يجو السودان .. أتشوبرت وأتشالقت قعدت احكي ليهم عن طيبة السودانيين وكرمم وترحيبم بالضيوف ونحنا بلدنا واحدة وابناء النيل والحنك بتاع الاعلام دا ..

انا لو كنت عارف إنو وادي حلفا فيها عسكري زي عوض دا باقيلك كنت بفتح خشمي ؟!!

عوض دا وقف الناس دي صفوف عشان اجراءات الجمارك والذي منو .. الوقفة طولت وواحد من أعمامنا المصريين ديل ما استحمل الوقفة طلع من الصف ومشى لي عوض عشان يستاذنو يمشيهو أو يقعد أو أي حاجة ؟ بالله ما لحق يتم كلامو .. عوض دا قبقبوا ليك من قميصو ؟ المطلعك من الصف شنو ؟ عوض دا شوف عيني يلزلز في عمك دا بي يدو الشمال ورافع ليهو يدو اليمين يعني نظام داير يديهو بونية !!

عمك قال لي عوض : يا ابني أنا راجل كبير وما قادر أقيف ؟! عوض جاريهو من قميصو وبيلزلز فيهو بدون أي احترام لي فارق السن أو لي أنو الزول ضيف وشبكوا ليك : تعبان ليها شنو ؟ جاي ليك يومين في الباخرة من مصر غالبك تقيف هنا شوية ؟!

غايتو لؤم وصفاقة قدام كل الحضور زول اتكلم ما في ..!!

عمك المصري رجع جمبي في الصف مكسور الخاطر من الاهانة والتعامل اللقاهو .. أنا اتحرجت جدا .. كلامي القلتو جبيل فكرت في طريقة ابلعوا زاتو ما قدرت .. قلت ليهو معليش امسحا لي في وشي والعسكري دا بيكون بس زهجان ولا حاجة .. عمك تمتم لي بي كلام ما مفهوم وسكت ..

والله الخجل أكلني عدييل ..!!!

قلت في نفسي يا ربي العساكر ديل ما في جهة تدربم أو توجهم يتعاملوا كيف مع الناس ؟!



















الطيب ..!! الطيب ..

يا الطيب ..!!

والله أنت زول مبروك خلاص أها لقيت ليك شغلانية تالتة ..!!

كدي أعمل أتصالاتك وفاكساتك جيب لينا خبر عوض دا .. ما أظن في شرطة المينا في أكتر من عوض .. ولو لقيت كم عوض رسل لي صورم وأنا بفرز ليك عوض هولي ..!!


أها يا حيدر واصل ..

أمجد الزين سلام

Quote: الموضوع دة بعد كدة بجيب ليهو فليق بالطوب

غايتو المنبر دا الواحد راسو بقى عامل زي حصحاص أدروب بتاع السلات من كترة الفليق ..!!

يعني متعودين من الناحية دي إطمن ...!

من غير ما أفكر في أي عاقبة قد تطالني اذا لم أذعن لروعنة هذا الضابظ غادرت المركز وقضيت يومي في المسافة الفاصلة بين رواكيب السمك والمحطة حتى مغيب الشمس .
كنا نتسامر قبل ان نلقي بأجسادنا على الرمال للنوم ملتفحين السماء .. ليلتها لم أحس بأي طعم للسمر
شكل الازيار وكوز النيكل الجديد كان محور هواجسي.
المهم .. صليت الفجر ورددت بعض الدعاء .. ذهبت وصديقي موسى لناحية المركز قبل بداية الدوام بساعة .. إستقبلنا عبود وإستحسن بقائنا في المزيرة حتى لايرانا الضابط الذي جهجه اجراءات سفرنا .. عاد بعد فترة وقال انه تحدث مع مسؤول القسم الذي وصل للتوء وطلب منه مقابلتنا .. بالفعل استقبلنا الرجل خير استقبال وطلب منا شرح مفصل لما جري بيننا وبين هذا الضابط ففعلنا .. وسأل عن اصلنا وفصلنا ... احضر لنا شاي واخرج تمرات وقرقوش لحسناهم مع الشاي .. كالمعتاد الضابط دخل للسلام على رئيسه وتفاجأ بوجودنا .. بعد السلام والذي منه
رئيس القسم طلب منه تنوير بمشكلتنا دي .. الضابط طلب مننا ان نخرج من المكتب بعد استئذانه من مرؤوسه حتى يتسنى له سردها .. لكنه فوجئ برفض طلبه ..
قال انه استلم كشف بأسماء بعض الطلاب الذين يتطلب مراجعتهم وزارة الداخلية من خلال عمل اجراءات الخروج قبل سفرهم لمصر ولم يحدد الجهة التي ارسلت له هذا الكشف علما بانني لاحظت شعار الاتحاد العام للطلاب السودانيين بمصر اعلى الورقة ...
إستفسر رئيس القسم عن الاسباب .. فرد الضابط بأننا ضمن مجموعة تثير الشغب وتقود تظاهرات امام السفارة مناهضة للانقاذ ... عندها شعرت برغبة في التداخل بالكلام ففعلت واشرت الى ان هذه القائمة مرسلة من الاتحاد العام للطلاب وليس من وزارة الداخلية .. وان الضابط مسؤول جوازات لايتلقى تعليمات من اتحاد طلبة .. واننا في النهاية لم نخالف القوانين المتبعة في اجراءات الخروج ووو.
رئيس القسم وإسمه محمد او احمد عيبر على ما اعتقد اختصر الجوطة دي بطلبه للضابط إنهاء اجراءات جوازاتنا دون دفع اي رسوم وانه سيتحمل كافة تبعات تصرفه هذا وفوق ده كله اخرج مبلغ من المال وناولنا إياه بعد الحاح شديد منه لاننا رفضنا بأدب شديد استلامه في بادئ الامر .. قال ده حق الضرر المادي الذي اصابنا جراء تعطيلنا من السفر
شكرناه شديد على حسن تعامله ورقيه وودعنا بمثل الحفاوة التي استقبلنا بها ..

شكــراً يا حيدر.. جهاز الشرطة فعلاً لحم رأس
فيهو الصالح وفيهو الطالح.. إلع حسع الطالح بقى الأكتر

________

يا ناذر الطيب ده إنتا ما بتعرفوا.. أنا بعرفوا من كان طالب شرطة
وهو من دون الناس ما دخل البوليس عشان عندو عقدة سلطة أو تسلط.
الزول ده إتربى في أسرة بوليسية من الزمن السمح الكان فيهو البوليس
وعشان كده إستغربت من مداخلته بعد ما إتصل وإستفسر عن الموضوع!
الطيب لمن ترك البوليس.. البوليس كان أكثر نذاهة، وفيهو بعض الشفافية
وأنت تدري بالحالة التي وصل ليها الآن.. وموش البوليس بس، البلد كلها.
وأكيد الطيب صاحبي ده خدعوه بتقرير ملفق من إياهم الإنتا بتعرفهم

يا اخي أنا ما برضى إنك تذيد العيار أكتر من اللازم
لو الطيب غلط، ياخد حقو في غلتطو.. بلا ذيادة ولا نقصان
أما كونك تواصل بالطريقة دي.. فده غير مقبول أبداً.

ودمتم بعافية...

حيدر يا حنين ..... سلامات

أذكر ايضاً انا وانت تم القبض علينا ونحن نبحث عن شقة الزميل مجدي النعيم بالمعادي الساعة الثالثة صباحاً من قبل دورية شرطة دون ذنب بل بعد أن ساعدناهم في (دفر) عربتهم الخردة ... رايك شنو تفتح بوست وكل زول يحكي قصته مع الشرطة ... أعتقد أن هذا البوست لا زال به الكثير وعشان ما نبوظ البوست لاخونا الزبير وولا زال لي مداخلات في الموضوع أعلاه .... موضوع الأخ الزبير وكلام جنابو الطيب المستفز ببوست ناس الشرطة .....

الاخ زهير سلامات واحترام

Quote: موضوع الأخ الزبير وكلام جنابو الطيب المستفز ببوست ناس الشرطة .....

وشتيمة الطيب للأخ الزبير هنا ما شفتها ؟

الا ان الموضوع الاخطر هو محاولة التزوير وادعاء ان هناك زبير اخر مطلوب مطابق اسمو وعمل زوجتو وشكلو وعربيتو لمعلومات الاخ الزبير ..


الناس دا قايلا عندنا قنابير ؟؟

عادل سلامات وتحياتي ....

بالتأكيد كلام جنابو الطيب غير مقبول وأتمني أن يعتذر للأخ الزبير ... إختلاف الآراء أو المواقف لا يبرر العنف اللفظي .... ولغة الطيب بالنسبة لي مرفوضة مهما كانت المبررات .... اعي تماماً حرصه علي الشرطة كأحد منتسبيها السابقين .... وسعيه الدؤوب علي أن تكون أفضل المؤسسات ... وهو ما نتمناه للشرطة .... والتي أعتقد جازماً بأني ليس في موقع عداء لها ..... رغم الكثير والكثير جداً من التجاوزات والتي كنت أحد ضحاياها .... إلا أنها ملك للشعب السوداني ويجب أن نسعي لإصلاحه... لك وللزبير وللطيب تحياتي

ماهي طلباتي وغرضي من هذا البوست
الغرض الأساسي من هذا السرد هو التوضيح للجميع ما حصل معي بالتفصيل والتداعيات التي تلت ذلك من أثار نفسية وعصبيه دون زيادة أو نقصان وحتي تفاصيل ما حدث بالخرطوم بعد ذلك والتي حاول البعض أن يسرجها ليمتطي عليها ويهمزني بها أصررت عليها حتي تكتمل صورة حالتي وقتها. لست طالبا إعتذار من أي جهه كانت وخاصة الطيب لآنه أثبت أنة طيب فعلا - طيب مترادفة لكلمه عبيط في بعض المجتمعات - بمحاولته إرهابي وقبوله بتمرير تهديدات جلية ومستترة عن طريقة مع الأخذ في الإعتبار أنه كان مسئولا يوما ما عن رد الحقوق وحفظها وصيانتها.
أطالب رئاسة الشرطة بفتح تحقيق إداري داخلي تحت إشراف مدير عام الشرطة شخصيا لتوضيح ما حصل وهل تجاوزت الشرطة روح ونص القانون في التعامل معي وهل فعلا اتبعت المباحث وبذلت جهدا معقولا قبل القبض علي لتتأكد من شخصيتي وهل كان يمكن تفادي كل ذلك ببذل مجهود إضافي معقول وهل كانت المعلومات عن شخصيتي متاحة وكان يمكن للمباحث الوصول إليها دون عناء وإحقاق الحق سواء أكان لي أو علي وأنا علي إستعداد للحضور للتحقيق إذا كانت هناك ضمانات بنزاهه التحقيق وأنه لن يمارس معي أي نوع من الإرهاب فخصمي شخص ذو سلطة والقانون يعطية الحق في القبض للإشتباة لمدة أربع وعشرون ساعة وهو في رأي قد تعسف في إستخدام هذا الحق معي في المرة الأولي وليس هناك ما يمنعة من استخدامة نفس المادة أو أي مادة أخري قد تكون أخطر في أي وقت .

محمد ياسين ..!!

Quote: وهو من دون الناس ما دخل البوليس عشان عندو عقدة سلطة أو تسلط. الزول ده إتربى في أسرة بوليسية

تربى في اسرة بوليسية دي ذكرتني واحد جارنا رقيب في الشرطة .. مشهور أنو كل اخوانو وأعمامو وأبوهو زمان كانوا في الشرطة ... عندو اولادو إتنين في سابعة وتامنة اساس .. مستواهم الاكاديمي سيء جدا .. يوم النتائج جو البيت أبوهم سأل الأول : جيت الكم يا ولد ؟ الولد قال ليهو : جيت الستة وأربعين يا ابوي ..! عاين للتاني : وإنت ؟. قال ليهو جيت الاربعين يا ابوي احسن من أخوي دا .!!

عاين ليهم الإتنين كدة وقال ليهم : حا أدفسكم في البوليس دفس .!!

تتصور دفسم وهسي الأتنين عساكر معاهو في القسم ..!!!

Quote: يا اخي أنا ما برضى إنك تذيد العيار أكتر من اللازم لو الطيب غلط، ياخد حقو في غلتطو.. بلا ذيادة ولا نقصان أما كونك تواصل بالطريقة دي.. فده غير مقبول أبداً.

يا محمد يا سين أنا ما زودت العيار ولا حبتين وإن كان من حقي أرد الصاع صاعين .. أنا بحاول أعمل معادلة للضرر الجا للزبير بسبب تصرفات الطيب دا .. الزبير متضرر ما في ذلك شك .. والضرر بسبب الطيب ومعلوماتو الضللوهو بيها وكمان مبادرتو بالاساءة والشتم لي زول متضرر وضحية من قبل مباحث عطبرة .. اختلفنا او اتفقنا في تقييم الضرر المهم هنا هو ضحية ..

اذا كان الطيب نصب نفسو ناطق بأسم الشرطة هنا .. أنا كمان نصبت نفسي ناطق بأسم الزبير هنا !

أي مردود سالب بيصيبني أنا أو الزبير قبلانين بيهو لكن اي مردود جا للطيب حا يصيب الشرطة كلها بصفتو واحد من منسوبيها السابقين .


مشكور يا محمد ياسين .!!

Quote: يا ناذر الطيب ده إنتا ما بتعرفوا.. وأكيد الطيب صاحبي ده خدعوه بتقرير ملفق من إياهم الإنتا بتعرفهم

*** الأخ محمد يس خليفة : تحياتى

* شكرا ، وتأكد أن علو الكعب سياسة تفرضها علينا الجلبةالتى تحدثها الطبول الفارغة.


** وقد تكون هذه المعلومات تم جمعها عبر مباحث السجون - وهذا ما أعتقد أنه الاحتمال الأرجح -
واحتمال تكون مباحث السجون قد جمعت المعلومات عن صاحب البوست نفسه دون الاستوثاق الكافي
وقامت بتحويل المعلومات لجهات الضبط و التى من ضمنها المباحث ، وانا شخصيا
أرجح هذا الاحتمال لحداثة عهد عمل مباحث السجون بحكم أنها
كيانات جديدة بإدارات السجون ولأول مرة أسمع بها كذلك عدم تمتعها بميزة الخبرات المتراكمة .
وإذا صح هذا الاحتمال يكون العقيد قد قدم خدمة بمهنية (أعلى) . لأنه لو خلا تقرير المعلومات المحال
من إدارة السجون - بافتراض أن التقرير محال من مباحث السجون - لو خلا من رقم الجواز فبإمكانه إحالت
صاحب البوست مخفورا بالاعتماد على تطابق الاسم وتطابق المعلومات الأخرى رغم اختلاف الصورة وبذلك يتم
التأكد من أنه ليس الشخص المعنى داخل إدارةالسجون .

* لك الود

Quote: Quote: يا ناذر الطيب ده إنتا ما بتعرفوا.. وأكيد الطيب صاحبي ده خدعوه بتقرير ملفق من إياهم الإنتا بتعرفهم *** الأخ محمد يس خليفة : تحياتى * شكرا ، وتأكد أن علو الكعب سياسة تفرضها علينا الجلبةالتى تحدثها الطبول الفارغة. ** وقد تكون هذه المعلومات تم جمعها عبر مباحث السجون - وهذا ما أعتقد أنه الاحتمال الأرجح - واحتمال تكون مباحث السجون قد جمعت المعلومات عن صاحب البوست نفسه دون الاستوثاق الكافي وقامت بتحويل المعلومات لجهات الضبط و التى من ضمنها المباحث ، وانا شخصيا أرجح هذا الاحتمال لحداثة عهد عمل مباحث السجون بحكم أنها كيانات جديدة بإدارات السجون ولأول مرة أسمع بها كذلك عدم تمتعها بميزة الخبرات المتراكمة . وإذا صح هذا الاحتمال يكون العقيد قد قدم خدمة بمهنية (أعلى) . لأنه لو خلا تقرير المعلومات المحال من إدارة السجون - بافتراض أن التقرير محال من مباحث السجون - لو خلا من رقم الجواز فبإمكانه إحالت صاحب البوست مخفورا بالاعتماد على تطابق الاسم وتطابق المعلومات الأخرى رغم اختلاف الصورة وبذلك يتم التأكد من أنه ليس الشخص المعنى داخل إدارةالسجون .

وشهد شاهدا من اهلها احنا من قبيل نفسنا قائم وقاعد فوق شنو ما فوق النقطة دي تحديد
انت قائل انو كانت مشكلتنا العشرين دقيقة الانت قلت عليها ما انا وصاحبي ناذر دة كل يوم
قاعدين ما عارفين الوقت الكتير العندنا دة نضيعة كيف
انت جبت النجيضة ان هناك من اهمل في أداء واجبة
والسلام عليكم ورحمة الله وبركاته

في فترة مايو تولت مباحث التموين مهمة مرمطة التجار وذلتهم والتعسف تجاههم وذلك ضمن الهجمة النميرية على مدينة عطبرها لمسحها من خريطة المدن وإلحاقها بقاع الخرابات...

أصبحت المتاجر في سوق عطبرة العتديد أرفف خالية من السلع وكنت قد تحدثت مع أحد التجار عن أسباب خلو دكانه من السلع فقال لي دكاني أنا فقط بل كل الدكاكين في هذا السوق والأسواق الفرعية ستجدها فارغة ... بل أغلبها أقفل وأصحابها تركوا التجارة خشية من مرمطة آخر العمر... قال لي هنا حتى الملح أصبح سلعة تموينية ... والفاصوليا والفول والفيتريتة ... كلها أدخلت في التموين ... وإذا وصلت أية من اللواري تحمل أية سلعة يتابعها أفراد مباحث التموين ... ولو بدأت بإنزال أي من السلع داخل الدكان ... يهب إليها الأشاوش من قريب وتنتزع معروضات ويساق التاجر صاحب الدكان ... ويحبس ويحقق معه مع كأنه من المجرمين المطلوبين للعدالة...

مباحث الشرطة كان آمناً من الأغراض عندما كان يعمل بإحترافية تتعلق بالجنايات والقضايا الجنائية ... ولكن بعد أن أصبحت الأذرع تتشابك أصبح هذا الفرع مخلب يرفع في الوجوه بواسطة جهات متعددة وعانت عطبرة المدينة في فترة ما من هذه الجهات التي وجهت ضدها بأوامر نميرية لإرهاب سكانها فأصبح الخوف وبذرته في متناول الذراع المتعجلين على الحصاد البكري وبعد إن كانت الإشلاقات جزء من نسيج المدينة ظهرت فيها عيون آلفت ظلام الحواري ممسكة بالمقامع والنبابيت وحتى جال بخاطر من يريد أن يرهب الناس بأن يقول لهم بأنه سوف يجرجرهم ظلما بين المراكز والمباحث والمخافر ظالمين أو مظلومين ...

!!!!

Quote: * شكرا ، وتأكد أن علو الكعب سياسة تفرضها علينا الجلبةالتى تحدثها الطبول الفارغة.

علو الكعب دا كان وين لمن شتمت الزبير بعبارات زي زبالة المنبر ورشيتو ليكم وبطيخ ؟!!

انت بتتكلم عن كعب عالي ولا ياتو كعب ؟!!

..!!

Quote: وقد تكون هذه المعلومات تم جمعها عبر مباحث السجون - وهذا ما أعتقد أنه الاحتمال الأرجح - واحتمال تكون مباحث السجون قد جمعت المعلومات عن صاحب البوست نفسه دون الاستوثاق الكافي وقامت بتحويل المعلومات لجهات الضبط و التى من ضمنها المباحث ، وانا شخصيا أرجح هذا الاحتمال لحداثة عهد عمل مباحث السجون بحكم أنها

برافو المفتش سرور .!!

يا خي إنت يا دوبك بترجح ؟!!

طيب أنحنا من كم يوم بنقول شنو ؟ ما قلنا في جهة أهملت في واجبا وما استوثقت من القصة والزبير دا هو الضحية !!
الكلام دا ما كتبوا الزبير زمااااااااااان في الصفحة الأولى ..!

مباحث عطبرة ، مباحث السجون ، الشرطة الشعبية .. دا كلو ما بيهم ,,

المهم انو في جهة فشلت في جمع المعلومات وكان من نتيجتا الضرر النفسي الحصل للزبير دا ..!!

هسي عليك الله يا الطيب كلامك القلتو دا مش ياهو كلامنا في الأول ..؟!

شابكنا رشيتو ليكم ومش عارف إيه ..!

كدي قبل ما أطلع من هنا النسألك ؟!

التحليل العبقري دا جبتو من وين والرسلو ليك منو ؟ عملتها كيف دي بالله عليك ؟!!

بلا كعب عالي بلا دكتور شول معاك ..!!

عذرا
مداخلة ضلت طريقها

!!!

Quote: عذرا مداخلة ضلت طريقها

ضلت طريقا كيف يعني يا حمد ؟!!!

Quote: التحليل العبقري دا جبتو من وين والرسلو ليك منو ؟ عملتها كيف دي بالله عليك ؟!!

يا ناذر تحليل شنو وعبقرية بتاعة الساعه كم
دي بديهيات لكن سعادة الرائد سابقا كان طاشي منها مع سبق الإصرار والترصد ( هو الكان قاصد يطش منها ويتجاهلها لشي في نفس يعقوب)
ياأخوي الإنقاذ دي ما كلها مساؤي عندها محاسن مخفية بتظهر مرة مرة
بالله عليك الإنقاذ الأنقذت الشرطة والشعب السوداني من زول زي دة وفصلتة للصالح العام ما برافو عليها وتستحق نجمه؟
اول مرة يتطابق لفظ الصالح العام مع الفعل وبالفعل إحاله هذا الشخص للتقاعد كان فعلا للصالح العام

!!!!!

Quote: اول مرة يتطابق لفظ الصالح العام مع الفعل وبالفعل إحاله هذا الشخص للتقاعد كان فعلا للصالح العام

Quote: أرجح هذا الاحتمال لحداثة عهد عمل مباحث السجون بحكم أنها كيانات جديدة بإدارات السجون ولأول مرة أسمع بها كذلك عدم تمتعها بميزة الخبرات المتراكمة

وما لقو غير راسي أنا يتعلموا فية الحلاقة
مفروض يدوني حاجة عشان هم بيتعلموا فيني
مش الناس البيدوهم أدوية تحت التجربة شركات الأدوية بتدفع ليهم
والله المداخله دي دسمه وفيها نقاط كتيرة عاوزة بحث وتمحيص

ر
أبدي دهشة لمن قللوا من تأثير هذه الحادثة ـ زول تأخدوا سيارة شرطة بها بعض أفراد من شرطة المباحث من أمام منزله وفي الصباح الباكر ـ ألا يكون ذلك مدعاة للشبهات في مجتمع غارق حتى الأذنين في الفضول و(الشمارات) البضيفوا اليها بهارات وتوابع

سؤال موجه للجميع ولهم صلة بالشرطة على وجه الخصوص :
الم يكن بإمكان هذا الضابط إتخاذ إجراء بسيط للتحقق من أن الرجل الذي يقف أمامه هو السجين الهارب أم لا ـ حيث يقع منزلهم على مسافة قريبة جداً من مركز الشرطة ـ مش كان ممكن يستعين ببعض الشهود ممن يسكنون على مقربة من دار هذا المشتبه (الزبير) ويسألهم إن كانوا يعرفوا هذا الرجل أم ، ومزيد من الأسئلة الكفيلة بحسم الموضوع ـ هل هذا الإجراء مخالف لقوانين الشرطة وأعرافها ؟

دبوس أخير :
في شهر سبتمبر 2006 م في عشرينات رمضان ـ كنا في رحلة ببص سياحي من مدني لبورتسودان ـ الجو حار جداً ـ لسؤ الحظ تعطل تكييف البص عقب تجاوزنا لكسلا ـ غالبية ركاب البص مسافرون للسعودية على متن البواخر في أقرب سفرية أما للعمرة أو لأي أغرض أخرى قبل وصولنا لدورديب تقريباً ـ فوجئنا بسيارة شرطة مرور تعترض البص ، وطلب السائق الوقوف على جنب ، كان على متن السيارة ضابط مرور برتبة نقيب ومعه عسكري ، توقف البص لفترة قاربت الربع ساعة ، ومن ثم طلب من السائق مرافقته لنقطة تفتيش تابعة لهم على نفس الشارع على بعد بضع كيلومترات ، هناك حرر الضابط مخالفة لسائق البص بتجاوز خاطئ ، حتى الأن والأمر عادي ، رغم أننا لم نحس بأي مخالفة للسائق ـ ولكن فاجأة الضابط الجميع بأن البص غير مسموح له بالتحرك بدون تسديد مبلغ المخالفة البالغ 200 الف ج فوراً ـ طلب السائق من الضابط أن يمهله في تسديد المخالفة ليحين عودته من بورتسودان لأن المبلغ الذي بحوزته الأن قليل ، ولا يغطي قيمة المخالفة ، رفض الضابط وأصر على التسديد الفوري ، أقترح السائق على الضابط أن تحصل المخالفة من مكتب الشركة ببورتسودان أو مدني فرفض أيضاً ، وعرض عليه أن يترك معه رخصته وأي أوراق ثبوتية أخرى لتكون ضمان للتسديد في وقت لاحق ، فرفض أيضاً

ظل جميع ركاب البص متوجسون من هذا الموقف ـ مر أكثر من ساعة وجميع الركاب في غاية الضجر لهذا الموقف ، وبدأ الجميع يتوسلون للنقيب لكي يفرج عن البص ، منهم من أبرز جواز سفره بأن عدم سفره في رحلة الغد بباخرة جدة سيعني إنتهاء تأشيرته ، ومنهم من أفاد الضابط أن ظروفه الصحية تجعله لا يحتمل هذه المعاناة ، بل كان فوج من الأمهات كبيرات السن توسلن لهذا الضابط وهو في سن أحفادهن كل ذلك دون جدوى ، بل كان يزجر كل من دخل عليه متوسلاً بما في ذلك هؤلاء الحبوبات ،

أخيراً وبعد توقف البص لأكثر من ساعتين لم نجد بدٍ من الدفع ، فأضررنا لعمل (شيرنق ) بين كل ركاب البص كل حسب إستطاعته ، من دفع 30 الف ، ومن دفع 20 ومن دفع 10 حتى جمعنا مبلغ الـ200 الف ـ ولم تشفع كل توسلات المرضى والحبوبات ، والمسافرين لسعادة النقيب ، ولم يتم الفرج إلا بعد دفع 200 الف كاش داون

هذه الشرطة صديقة الشعب

Quote: اطالب صاحب البوست بالاعتذار للخلوق عوض المفتاح

سعادة الدكتور محمد علي المشرف
بعد كل هذة المستجدات هل مازلت تطالبني بالإعتذار؟

Quote: بعد كل هذة المستجدات هل مازلت تطالبني بالإعتذار؟

الاخ الزبير
عن نفسي انا سحبت طلب الاعتذار

الاخ حيدر حسن ميرغني

Quote: عن نفسي انا سحبت طلب الاعتذار

أشكرك وصدقني لم أخاطبك واسالك لأن مداخلة سابقة لك بعد موضوع - رشيته ليكم رشة - عرفتني أنك لا تطالبني بأي إعتذار
شكرا لك مرة أخري علي كل شي ومواقفك معي.

طشت يعني يا ناذر
بقيت زرزار خلاص
كتا فاتح رد عايز اكفر لي الزبير و فاتح بوست سعد الدين عايز ابارك ليه

باركت للزبير في بوست سعد الدين اقصد لي سعد الدين في بوست الزبير و ما كفرت للزبير في بوست سعد الدين اقصد هنا و الحصل لقيت الحاجات جاطت و انشغلتا في الشغ لا كفرت للزبير و لا باركتا لي سعد الدين

اسه كمان كمان كفارة يا الزبير و الجاتك في اجازك سامحتك
و كفارة علي الرش البي موية الحمام الفي الصفحة الاولي ديك


و عليك الله خليني امش الحق بوست سعد الدين مااكون كفرتا فيهو للزبير و لا شئ

Quote: طارق والطيب بعد غيبة *** الناس الأقدم منى ودفعتى : سلامات وتحيات مباركات وعطرات أما باقى الكرور ناس مشرف وعادل وصلاح بابكر وأمين نور الدايم والكفش و أسامى الاسبيرات ديل خليكم واقفين إنتباه لغاية ما أرجع تانى . *** رشيت ليكم واحد رشة الليلة !!! بتلقوها فى البوست دا : مدير شرطة مباحث عطبرة جهل وتخلف وعقلية تعيش في العصر الحجري *** سلام مكرر للجميع

Quote: طارق والطيب بعد غيبة

الطيّب غاب وجاب.
والله صحي.
والله العظيم يا الطيّب لمان لقيتك في البوست وأنت تتصدى لمشكلة أخونا الزبير.
قلت الحمد لله، قطعاً سيبين الحق، لكن يا الحبيب بمدآخلتك دي علي اليمين
رشيتنا كلنا مُش الزبير وبس.

Quote: *** الأخ محمد يس خليفة : * سلامات جراحات الإنقاذ لا تزال تتوالى على أجساد وطن نظل جزءا منه ما دمنا فوق الأرض ، ولكن ذلك لا يعنى أن نرمى _ المهنية _ بالجهل و التخلف ، وإلا صرنا منهم . * صديقي : لا زلت أعتقد أننى على الصواب ، ولازلت أعتقد أنك على الصواب مع تقديري لرأيك . * دم بخير

عن ايّ صوآب تتحدث يا الطيّب ؟؟؟
والله يا الطيّب أخوي جراحات الوطن زادت بجريك للبوست التاني مُبشراً زُملآك برشك للزبير!!!
وين المِهنية في تصرفك هذا يا الطيّب ؟؟؟
يا أخي أنسى البوست دا كلوا، وأبسط شئ كان ممكن تعملوا إنّك تعتذر للأخ الزبير، ولجميع
المشاركين في هذا البوست حتي ترجع لمكانك الطبيعي بعد هذه الكبوة.
قسم بالله العظيم يا الطيّب لو حككت بيافوخك عنان السماء لن، ولم تعلوا علي الإعتذار الذي
ينوبك للأخ الزبير. أما المهنية التي تطالب بالإعتذار لها، فقد أسأت لها بتصرفك هذا...

تحياتي لك وللجمع الذي في هذا البوست...

Quote: سؤال موجه للجميع ولهم صلة بالشرطة على وجه الخصوص : الم يكن بإمكان هذا الضابط إتخاذ إجراء بسيط للتحقق من أن الرجل الذي يقف أمامه هو السجين الهارب أم لا ـ حيث يقع منزلهم على مسافة قريبة جداً من مركز الشرطة ـ مش كان ممكن يستعين ببعض الشهود ممن يسكنون على مقربة من دار هذا المشتبه (الزبير) ويسألهم إن كانوا يعرفوا هذا الرجل أم ، ومزيد من الأسئلة الكفيلة بحسم الموضوع ـ هل هذا الإجراء مخالف لقوانين الشرطة وأعرافها ؟

سلآمات يا ود البصير.
يا أخي معرفة هوية أخونا الزبير ده ما دايرالآ رفع ضو. خاسةً وهو من اتبرا، ومولود في الدآخلة،
ويسكن من سنة 70 في الحصايا.
المهنية بتبدأ من نقل الضابط أو النقيب أو اياً كانت رتبتو من منطقة لمنطقة، وصدقني يا البصير، المفتاح
دا لو درس مجتمع عطبرة، والعلآقات الإجتماعية التي تشتهر بها المدينة ما كان الحصل حصل نسبةً لأنّ
مجتمع عطبرة كتاب مفتوح، وكان ممكن 60 يجعلوهو يستوثق من هوية الزبير من حي أُم بكول خليك من
الحصايا. يا أخي الحصل ده ما فيهو ايّ مِهنية. دا شغُل عشوائ 100%، وإرتجالي كمان. آيه يعني خاتين
جماعة يراقبوا في زول عشان لمان يطلع من بيتو يختفوهو وعلي قسم الشرطة للتحقيق والتأكد من هويتو،
وهو ساكن في عطبرة من سنة 70 وفي الحصايا كمان!!!؟؟؟، والله العظيم أنا هسّع أضرب تلفون من كندا
لأهلنا في السيالة يمدوني بما اقلّ من 30 شخص بيعرفوا أخونا الزبير دا.
نفسي أعرف المهنية وين في الحصل للزبير؟؟؟

Quote: ها الغبيان دا .. انا ما قصدت كدي ..!!

اضحك الله سنك ياود الخليفة ....ياخى تبارك ده زول برئ ياخى

Quote: ولو لقيت كم عوض رسل لي صورم وأنا بفرز ليك عوض هولي ..!!

يافردة
حاتفرزو كيف بى اضانو ولا بى نخرتو ؟؟عامل استايلك الفرنسى ده

والعجب لو طلع عندو عربية فلكسواجن والله يجهجه باكاتك لمّن تآمن ذاتو..

انا شخصيا تضامنت مع الاخ الزبير منذ البداية ومداخلتى فى الصفحة الاولى من هذا البوست دليلى على ذلك
واهم الاسباب انه الاخ الزبير بيحكى عن تجربة مريرة مرّت به شخصيا ومافى سبب يخليهو يكذب
وحسب علمى ايضا اختلفت الشرطة وتغيرت الاشياء ولم تعد هى الاشياء واختلطت بالسجون والمطافى وحرس الصيد والجمارك واختلط الحابل بالنابل
وتضاربت الاختصاصات..
والتعيينات للولاءات الحزبية والترضيات السياسية وهلّم جرا...

ياخى سمعنا تحت تحت انك لو بتعرف مبطلات الوضوء ومايخرج من السبيلين وما ادراك ممكن تلقى نفسك فريق شرطة ولا مستشار زى الورد



وتانى برررررضو كامل تضامنى معك يا اخ الزبير ومحل رهيفة التنقد

تحياتى

كتب الأخ محمد على البصير

Quote: سؤال موجه للجميع ولهم صلة بالشرطة على وجه الخصوص : الم يكن بإمكان هذا الضابط إتخاذ إجراء بسيط للتحقق من أن الرجل الذي يقف أمامه هو السجين الهارب أم لا ـ حيث يقع منزلهم على مسافة قريبة جداً من مركز الشرطة ـ مش كان ممكن يستعين ببعض الشهود ممن يسكنون على مقربة من دار هذا المشتبه (الزبير) ويسألهم إن كانوا يعرفوا هذا الرجل أم ، ومزيد من الأسئلة الكفيلة بحسم الموضوع ـ هل هذا الإجراء مخالف لقوانين الشرطة وأعرافها ؟

وكنت قد كتبت فى مداخله سابقه فى هذا البوست مايلى

Quote: تحياتى للأخ الزبير وللأخ الطيب وللجميع أعتقد أن السؤال عاليه فى مكانه وعادةً رجال المباحث يعرفون منطقتهم بشكل جيد حتى الأشخاص والشوارع والأزقه والبيوت وأصحابها ولم يكن من العسير التأكد من شخصية المعنى قبل القبض عليه ولكن مباحث عطبره سلكت الطريق السهل . القبض أولاً .. مع أن الطريق الثانى لم يكن صعباً إطلاقاً القبض والجرجره للقسم وإن كانت خمس دقائق هى فى عُرف المواطن دهراً وذكرى مؤلمه .. وهذا ما لا يأبه له رجال الشرطه التهديد بالضرب أو بإستعمال الطريق الصعب للإعتراف لا يختلف كثيراً عن الضرب أو التعذيب فكلاهما إهانه للإنسان

أما ما حدث لكم فى رحلة بورتسودان التى ذكرتها فهو شىء يندى له الجبين

وتصرف ينبىء عن تربية البيت لا تربية الشرطه ..

وحُسن التصرف صفه ملازمه للإنسان فى طبيعته لاتبتدىء معه بعمله ولا تنتهى بنهايته

أياً كان هذا العمل..

وصدقنى لا أحد من قادتك يُؤنبك على حُسن تصرف فى موقف معين حتى لو خالف هذا التصرف القانون

وحتى لو تعرضت لتأنيب قادتك .. فيكفى أن ضميرك إرتاح للتصرف الذى رأيته سليماً وإنسانياً

تحياتى لصاحب البوست وضيوفه الكرام , اطلعت على هذا البوست منذ بداياته وبكثير من
التأنى والتمحيص , الاخ الزبير تحدث بكثير من المرارة والحزن عما حاق به جراء اجراءات
شرطية عقيمة لم يراعى من اشرف عليها حساسية مثل هذه القضايا وحتمية التعامل مع هذه الحالة
بما تستحق من تأنى وتروى خصوصا ان المسالة مسالة اشتباه فقط قد يكون اشتباه مصيب وقد يكون
خاطئ , ففى هذه الحالة فأننى اتفق تماما مع راى الصديق اسامة الكرور القائل بان تقوم المباحث
بجمع المعلومات الكافية عن الاخ الزبير ومضاهاتها بما وفرته مباحث السجون كما ورد , فان تطابقت
وجب الضبط واخذ البصمات لمضاهاتها ببصمات الشخص الهارب , لكن ان يتم القبض اولا فهذا يعبر عن كسل مهنى
غير مبرر , نعم من حق الضابط المشرف ضبط الشخص المشتبه فيه وبدء الاجراءات الكفيلة بالتحقق من شخصيته
لكن اين هنا مهنية الشرطة واين ما ظل يردده المعلمون فى كلية الشرطة عن حتمية اقامة علاقات طيبة مع كل فئات
الشعب السودانى , وكيف للشرطة ان تطلع بمهامها عندما تستعدى قطاعات واسعة من ابناء السودان بمثل هذه الممارسات
التى رغم قانونيتها فأنها مضرة ولا تناسب المزاج السودانى , الخلاصة فى مقدور الشرطى ان يؤدى واجبه بجلافة لا غبار
عليها من ناحية قانونية , وفى مقدوره ان يؤدى واجبه بمنتهى اللطف ودون ان يتجاوز القانون .
الاخ العزيز الطيب وجب عليك الاعتذار للاخ الزبير عن الاساءة التى وجهتها له .
فى ملاحظة صغيرونة شايفك اخى الزبير قد طالبت باخذ بصماتك لمضاهاتها ببصمة الشخص الهارب , تعرف يا عزيزى هناك حالات
نادرة جدا تتطابق تتطابق فيها البصمات , يعنى فى كل مليون شخص ممكن تكون فى بصمة شخص تطابق بصمة شخص آخر , وانت ب حظك الشايفو
انا ده جايز بصمتك تطابق بصمة الزول الهارب , انا طبعا بهظر , بالمناسبة انا عملت فى قسم تحقيق الشخصية ودرست علم البصمة
فى معهد علوم الادلة الجنائية بقاهرة المعز.
فى ختام مداخلتى اتمنى ان يتجاوز اخى الزبير هذه التجربة القاسية ويدعو معنا ان يكون هذا العام عام يتحرر فيه السودان
واهله من ظلم هذا النظام الباغى وتعود لاجهزة الدولة مهنيتها وحيادها .

Quote: رئيس القسم وإسمه محمد او احمد عيبر على ما اعتقد اختصر الجوطة دي بطلبه للضابط إنهاء اجراءات جوازاتنا دون دفع اي رسوم وانه سيتحمل كافة تبعات تصرفه هذا وفوق ده كله اخرج مبلغ من المال وناولنا إياه بعد الحاح شديد منه لاننا رفضنا بأدب شديد استلامه في بادئ الامر .. قال ده حق الضرر المادي الذي اصابنا جراء تعطيلنا من السفر شكرناه شديد على حسن تعامله ورقيه وودعنا بمثل الحفاوة التي استقبلنا بها

رئيس القسم كان قريبي محمد سيد أحمد عيبر من ابناء (عبري) وكان من الضباط الذين لا يخشون في الحق لومة لائم
ونصيرا دائما للطلاب القادمين والمغادرين الى مصر. والآن بالمعاش فله التحية

الاخ ترهاقا
سلامات
شكرا لك على تأكيد إسم العم عيبر
بالفعل إنسان حقاني جدا .. ربنا يحفظه .. كان من جملة ماقاله لهذا الضابط " ديل طلبة مساكين ينتظرهم اهلهم عشان يساعدوهم .. كيف تعطل سفرهم عشان حاجة انت مامسؤول عنها"
الانسان الجميل الذي تلتقيه - ولو لقاء عابر - يعلق إسمه في الذاكرة لانك بتكون حفرت ليهو في وجدانك عميقا
أما نقيضه فلا أثر له.

*** إعلان رسمي بخطأ وتجاوز

* بهذا أعلن وأقر بخطأئي وتجاوز حدود اللياقة وعدم التوفيق فيما جاء بمداخلتى أدناه :

Quote: *** رشيت ليكم واحد رشة الليلة !!! بتلقوها فى البوست دا :

وأتقدم بالاعتذار لكل من مسه منها أى مساس ، لصاحب البوست أو غيره من الأعضاء أو القراء
وكذلك الأخوة زملاء دفتر الأحوال ،
حامدا لله أنها كانت الأولى و أسأله أن تكون الأخيرة . مؤكدا أن هذه المداخلة لم أوفق فيها
أبدا والواضح أننى بها تجاوزت الحدود .
فقط أشير إلى أن هذا الاعتذار ينطبق على ما ورد بالمداخلة أعلاه ،
وتظل آرائي محلها مع التقليل من القسوةالتى صاحبتها تجاه صاحب البوست لإيمانى التام بصحة
الإجراءات التى تمت من قبل العقيد تجاه صاحب البوست وخطأ صاحب البوست فى اتهام العقيد بالجهل
و التخلف مع إيمانى التام باحترام وجهات النظر (الموضوعية)المخالفة ، وما دونها
لن تجد منا مجرد الالتفات .

Quote: حامدا لله أنها كانت الأولى و أسأله أن تكون الأخيرة . مؤكدا أن هذه المداخلة لم أوفق فيها أبدا والواضح أننى بها تجاوزت الحدود .

سلآمات أخي الطيّب.
قطعاً هي الأُولى، وليس هنالك ادنى شك من أنها ستكون الآخيرة بعون الله
سبحانه وتعالى، فما هكذا عهدناك أخي الطيّب، ولكل جوادٍ كبوة.
لك عاطر التحايا،
وألف تعظيم سلآم...

Quote: * بهذا أعلن وأقر بخطأئي وتجاوز حدود اللياقة وعدم التوفيق فيما جاء بمداخلتى أدناه : Quote: *** رشيت ليكم واحد رشة الليلة !!! بتلقوها فى البوست دا : وأتقدم بالاعتذار لكل من مسه منها أى مساس ، لصاحب البوست أو غيره من الأعضاء أو القراء وكذلك الأخوة زملاء دفتر الأحوال ، حامدا لله أنها كانت الأولى و أسأله أن تكون الأخيرة . مؤكدا أن هذه المداخلة لم أوفق فيها أبدا والواضح أننى بها تجاوزت الحدود .

شكراً الأخ الطيب على الإعتذار

ويبقى رأيك فيما حدث محل إختلاف .. مع إحترامنا لتحليلك

Quote: سلآمات يا ود البصير. يا أخي معرفة هوية أخونا الزبير ده ما دايرالآ رفع ضو. خاسةً وهو من اتبرا، ومولود في الدآخلة، ويسكن من سنة 70 في الحصايا. المهنية بتبدأ من نقل الضابط أو النقيب أو اياً كانت رتبتو من منطقة لمنطقة، وصدقني يا البصير، المفتاح دا لو درس مجتمع عطبرة، والعلآقات الإجتماعية التي تشتهر بها المدينة ما كان الحصل حصل نسبةً لأنّ مجتمع عطبرة كتاب مفتوح، وكان ممكن 60 يجعلوهو يستوثق من هوية الزبير من حي أُم بكول خليك من الحصايا. يا أخي الحصل ده ما فيهو ايّ مِهنية. دا شغُل عشوائ 100%، وإرتجالي كمان. آيه يعني خاتين جماعة يراقبوا في زول عشان لمان يطلع من بيتو يختفوهو وعلي قسم الشرطة للتحقيق والتأكد من هويتو، وهو ساكن في عطبرة من سنة 70 وفي الحصايا كمان!!!؟؟؟، والله العظيم أنا هسّع أضرب تلفون من كندا لأهلنا في السيالة يمدوني بما اقلّ من 30 شخص بيعرفوا أخونا الزبير دا. نفسي أعرف المهنية وين في الحصل للزبير؟؟؟

أستاذ معاوية المدير ـ تسلم يا حبيب ـ في تقديري العقيد المفتاح لم يحسن التصرف ، رغم أن ما قام به إجراء قانوني ، لان هناك خيارات عديدة يمكن توصلك للنتيجة التي تريد الوصول لها ، وبعض هذه الخيارات يمكن القيام به دون أن تلحق الضرر بهذا المشتبه ـ

فالمشتبه حينما يتهم يكون هناك إحتمالان ـ إما أن يكون مذنب أو برئ من التهمة ـ فأرى أن يرجح المحقق الإحتمال الثاني حينما يشرع في الوصول للنتيجة

كان بامكان العقيد المفتاح أن يصل لغاياته دون الحاق الضرر بأي شخص

Quote: تحياتى كتب الأخ محمد على البصير Quote: سؤال موجه للجميع ولهم صلة بالشرطة على وجه الخصوص : الم يكن بإمكان هذا الضابط إتخاذ إجراء بسيط للتحقق من أن الرجل الذي يقف أمامه هو السجين الهارب أم لا ـ حيث يقع منزلهم على مسافة قريبة جداً من مركز الشرطة ـ مش كان ممكن يستعين ببعض الشهود ممن يسكنون على مقربة من دار هذا المشتبه (الزبير) ويسألهم إن كانوا يعرفوا هذا الرجل أم ، ومزيد من الأسئلة الكفيلة بحسم الموضوع ـ هل هذا الإجراء مخالف لقوانين الشرطة وأعرافها ؟ وكنت قد كتبت فى مداخله سابقه فى هذا البوست مايلى Quote: تحياتى للأخ الزبير وللأخ الطيب وللجميع أعتقد أن السؤال عاليه فى مكانه وعادةً رجال المباحث يعرفون منطقتهم بشكل جيد حتى الأشخاص والشوارع والأزقه والبيوت وأصحابها ولم يكن من العسير التأكد من شخصية المعنى قبل القبض عليه ولكن مباحث عطبره سلكت الطريق السهل . القبض أولاً .. مع أن الطريق الثانى لم يكن صعباً إطلاقاً القبض والجرجره للقسم وإن كانت خمس دقائق هى فى عُرف المواطن دهراً وذكرى مؤلمه .. وهذا ما لا يأبه له رجال الشرطه التهديد بالضرب أو بإستعمال الطريق الصعب للإعتراف لا يختلف كثيراً عن الضرب أو التعذيب فكلاهما إهانه للإنسان أما ما حدث لكم فى رحلة بورتسودان التى ذكرتها فهو شىء يندى له الجبين وتصرف ينبىء عن تربية البيت لا تربية الشرطه .. وحُسن التصرف صفه ملازمه للإنسان فى طبيعته لاتبتدىء معه بعمله ولا تنتهى بنهايته أياً كان هذا العمل.. وصدقنى لا أحد من قادتك يُؤنبك على حُسن تصرف فى موقف معين حتى لو خالف هذا التصرف القانون وحتى لو تعرضت لتأنيب قادتك .. فيكفى أن ضميرك إرتاح للتصرف الذى رأيته سليماً وإنسانياً

جنابو أسمة الكرور ـ أشكرك كثيراً على تفضلك بالرد على إستفساري المتضمن إمكانية قيام العقيد المفتاح بإجراء بديل كان بالإمكان أن يكفي المؤمينين شر القتال

وذكلك حرصك على التعقيب على حول ما قام به نقيب المرور تجاه رحلة البص السياحي

حقيقة أشعر بالحسرة على أن أمثالكم ترجلوا عن العمل الشرطي ،

دي مداخلة الطيب في الصفحة الأولى ..
علما أنه هنا يعتذر عن مداخلته في بوست دفتر الأحوال :

Quote: وتجد أقل سهامنا ترميك ( بالكذاب ) نحو الزبالة وحثالة المنبر بالدليل المبين . * وإن أردت أن تعبر عن سخطك وكرهك للإنقاذ تجدنا لها أشد الكارهين ولكنك ضللت الطريق . * ما هكذا توردالإبل ياأسد الكرتون . * كلام لا يصدق ،،، كلام لا يعقل ،،، قال آكسنت وشخصين وعلم فى الزجاج الأمامى متابعنى من عطبرة للخرطوم وتلاتة يوم فى جبرة وحيطة مبنية و التانية مكسورة ومرة الغفير قالت لى وقلت ليها وخالى عندو مزرعة وأخوي كمان ودواجن ودرسنى أستاذ فلان و علمنى علتكان وكان ساكن مع حبوبتى فى نص قطعة ( دلالية إنت ؟ ) ولعبت ( دسوسية) فى فريق أهلى الحصايا وفى السودنة لعبنا كمبلت وأبوي 50 سنة فى العمرة بخار وجدى ضرب السما جير والنجوم منكير ... دا كلوا وفى النهايةطلعت ( آكسنت وبها علم على قائم بلاستيكى فى الزجاج الأمامي ) !!! *** أظنك الآن عرفت مظبوط أين مظاهر الجهل والتخلف يا حجرى إنت . *** النجيضة : * المفتاح : 1/ رغم اختلافنا، أقدر جدا مهنيتك فى عملك وشجاعتك . 2/ أنصحك بإتخاذ كافة الإجراءات القانوينة صيانة لوصفك بالتخلف و الجهل وتحجر العقل * سيد البوست : خليك موضوعي وقوم لف

شوفوا ديل :

Quote: وتجد أقل سهامنا ترميك ( بالكذاب ) نحو الزبالة وحثالة المنبر

Quote: ما هكذا توردالإبل ياأسد الكرتون .

Quote: ساكن مع حبوبتى فى نص قطعة ( دلالية إنت ؟ )

Quote: سيد البوست : خليك موضوعي وقوم لف

كل هذه العبارات والاساءات يرى الطيب أنها لا تستحق الإعتذار !!!

Quote: كل هذه العبارات والاساءات يرى الطيب أنها لا تستحق الإعتذار !!!

Quote: وتظل آرائي محلها مع التقليل من القسوةالتى صاحبتها تجاه صاحب البوست لإيمانى التام بصحة الإجراءات

سلآمات يا ناذر.
أخبارك ؟
عليك الله حاول ان تجد لأخوك الطيّب 70 عذر، والمدآخلة التي إقتبستها من بداية البوست مع التقاطيع
الصغار، صغار ديل أفتح خشم (التقليل من القسوة) واكمُدن جواهو ثمّ ضعهن في جوف الإعتذار.
يا ناذر العرب قالوا: إنّ البعرة لتدل علي البعير، والأتر يدل علي المسير، وما دلني علي الطيّب غير
مشاركاته في المنبر. الزول انا ما بعرفوا إلا من خلآل البورد، لذلك إستغربت حد الإستغراب علي
ما بدر منه مع قناعتي التامة بأنه سوف يأتي ويعتذر، والزول المُو الطيّب الناس ما بيردوهوا من
غير يقبلوا عذروا، خليّك من يكون المعتذر الطيّب، ويا ناذر أكان ما قبلت إنت عذر الطيّب عاد
الداير يقبلوا منو ؟؟؟، فأنت أهل لهذا وأنا كلي ثقة في شخصك.
يا زول ليك وللطيّب ألف تحيّة وإحترام...

Quote: وتظل آرائي محلها مع التقليل من القسوةالتى صاحبتها تجاه صاحب البوست لإيمانى التام بصحة الإجراءات التى تمت من قبل العقيد تجاه صاحب البوست وخطأ صاحب البوست فى اتهام العقيد بالجهل و التخلف مع إيمانى التام باحترام وجهات النظر (الموضوعية)المخالفة ، وما دونها لن تجد منا مجرد الالتفات .

يا الطيب ، سلام ..

آراءك تم نسفها من قبل بعض المتداخلين الذين لا علاقة لهم بالعمل الشرطي
وعّلموا العقيد ما كان يجب عليه القيام به.. هذا أولاً..
ثانياً، قسوتك نفسها- وقبل أن تقللها - راحت شمار في مرقة ونُسِفت ، ولحقت آراءك ..
ثالثاً، صحة الإجراءات التي اتخذها العقيد تتناقض مع قيام ضباط أقل رتبة بالسماح للاخ الزبير
بحرية الذهاب قبل أن يلتقيه العقيد ويرجعو مرة تانية.. يعني الضباط الصغار أفهم من العقيد!!!
وهذا يعني خطأ إجراءات العقيد، والدليل أنه سمح - أخيراً - للاخ الزبير بالذهاب ، بغض النظر عن وهمة
الاتصال التلفوني ، ومعرفة الصوت..
رابعاً ، اعتذارك ناقص ، وهو - في رأيي - غير مقبول ، حيث أنه متعلق بتباهيك (بالرش) وفي
بوست مختلف لا علاقة للزبير به.
وإذا كان ليس من الاعتذار بُد، فيجب أن تعتذر عن كل كلمة
بدرت منك في حق الأخ الزبير في هذا البوست..

أخشى أن نظرة الناس لك الآن ستختلف عن ذي قبل..
إنت أصلاً ما تابع للشرطة السودانية وليست لك علاقة رسمية بها، بتجمل في القُبح ليه؟؟
ونحن عارفين الشرطة (وسلوك) كثير من المنتسبين اليها..




أخيراً، بتعرف ( بول جمل ) يعني شنو في رندوك الشرطة؟؟

Quote: علو الكعب دا كان وين لمن شتمت الزبير بعبارات زي زبالة المنبر ورشيتو ليكم وبطيخ ؟!! انت بتتكلم عن كعب عالي ولا ياتو كعب ؟!!

ناذر الخليفة

الطيب بيقصد التكبر والتعالى على بعض أعضاء المنبر!!

بس قلنا نساعدك بالشرح وكدا!!

سلام يا معاوية المدير .. نعلك طيب !؟

Quote: ويا ناذر أكان ما قبلت إنت عذر الطيّب عاد الداير يقبلوا منو ؟؟؟، فأنت أهل لهذا وأنا كلي ثقة في شخصك.

يا صديقي أنا أقبل الأعتذار من اي شخص مهما كان حجم الضرر أو الجرم الذي ارتكبه ولكن على أن يكون الاعتذار كاملا غير مجزأ لا يمكن للأخ الطيب أن يعتذر عن بعض سوء ويترك البعض الأخر ..

وانا شعرت هنا أن اعتذاره بالأساس موجه لزملائه السابقين في بوست دفتر الشرطة المناوب والا لكان قد إعتذر إعتذارا واضحا للزبير بكتابته لكل العبارات المسيئة في الاقتباسات أعلاه ، ولكنه حدد و بصريح العبارة مدى اعتذاره ..

أوكي يا المدير نفتح خشم التقليل من القسوة ونخت الاقتباسات دي جواها وننتهي من الموضوع ..

يبقى السؤال الأهم : هل سيعتذر العقيد المفتاح للسيد الزبير على الضرر النفسي والمعنوي الذي تسبب به ؟! هل ستعتذر مباحث السجون او ايا كان أسمها على ما قامت به ؟ هل ستعتذر المباحث العامة على الخلط - ان كان هنالك فعلا خلط - الذي حدث ؟!

أخشى ما أخشاه أن يتصدى الطيب لهذه المهمة وينصب نفسه ناطقا رسميا ويعتذر إنابة عن تلك الجهات ..!!!

سلام يا دكتور ..

Quote: الطيب بيقصد التكبر والتعالى على بعض أعضاء المنبر!! بس قلنا نساعدك بالشرح وكدا!!

بارك الله فيك وما قصرت .. تشابهت علي الكعوب والأكعاب ..!!

البوردابي (سفير الشرطة السودانية) يحقق تفوق جديد

Quote: زميل المنبر (سفير الشرطة السودانية)

مبروك للطيب عثمان يوسف .. وإن كنت أعترض على عبارة (سفير الشرطة السودانية الواردة في بوست عمر عثمان أعلاه)

لعلمي التام واليقين أن الشرطة السودانية لم تعين أي من منسوبيها سفيراً لها في أي دولة في العالم ،

ويا جنابو عمر عثمان لماذا لم تضع إسمه في عنوان بوستك أم هو الـ .......!

Quote: سلآمات أخي الطيّب. قطعاً هي الأُولى، وليس هنالك ادنى شك من أنها ستكون الآخيرة بعون الله سبحانه وتعالى، فما هكذا عهدناك أخي الطيّب، ولكل جوادٍ كبوة. لك عاطر التحايا،

*** شكرا مقدر الأخ ود المدير ،،، ولك عاطر التحايا أيضا

للتوضيح ، وحتى لا يُساء فهمي وفهم المصطلح
فمصطلح (بول جمل) عند ضباط الشرطة يطلق على الضباط الجامعيين
يعني الما دخلوا كلية الشرطة بعد إكمال الثانوية ثم تخرجوا ضباط
ويبدو من المصطلح إنو الجماعة عندهم رأي في البيبقوا ضباط بعد
ما يقضوا سنوات في في مقاعد الدراسة (ملكية).

عندما تداخل معي الطيب لأول مرة في هذا البوست كان حادا حتى أنني سألته لماذا يتشكك في روايتي قبل أن تكتمل ولكنه أنكر ذلك ولم أصدقة حتى اثبت لي في قابل مداخلاته أنني كنت علي حق وعندما شتمني لم يؤلمني حقيقة لأنها أتت من غير ذي أهلية أو أهميه .
عندما أحضرت اقتباسا لمداخلته في بوست دفتر الأحوال كنت أظن أنني أطلقت علية رصاصة رحمة ولكن يبدو أن سمك جلدة مازالت به مساحات للتحمل والتبجح والمكابرة .
الطيب يا من قبلتم اعتذاره حقيقة هو ليس بقاصد ما فهمتموه من ندم كل الذي عناه هو إنقاذ ما تبقي من ماء وجهه وأنا علي يقين بأنه عند سقوطه قد أحدث دويا هائلا وجلبة صكت أذان كل من يعرفه وانه سقط في أعين الكثيرين سقطه لن يرتفع بعدها لأنه قد دلل وبرهن علي نرجسية والكثير من العبط داخل نفسه وأن الكثيرين من الذين حاول أن يضحك عليهم بقصة لا تستقيم عقلا ولا منطقا وبتنصيب نفسه ناطقا باسم الشرطة ومحاولته ألتماس العذر لهم قد أدركوا أن تصنيفهم السابق له لابد له من المراجعة وإعادة النظر.
يكاد خيالي يسمع صوت يديه وهي تفرك بعضها بعضا في حبور وفرح ولسان حاله يقول - والله الليلة رشيت ليكم ناس المنبر ديل جت جنس رشه - بعد أن أورد القصة التي لا تنطلي علي أطفالا ما زالوا يحبون بخصوص الشبه بيني والمتهم المطلوب في الاسم وباقي التفاصيل التي تعرفونها فهو ككل الطيبين يظنون الآخرين أغبياء بلهاء يمكن خداعهم وأنهم هم الوحيدين الأذكياء.
إن الطيب سادتي لم يعتذر ليعتذر بل هو قدر وفكر بأن هذا هو الباب الوحيد الذي يستطيع الولوج منه بعد إحراقه لنفسه جهارا نهارا بيده وهو هنا قد راهن علي سعة الصدر وتقبل السودانيين الفطري للعفو من المعتذر وكان له ما أراد فقد فرح البعض بهذا الاعتذار ولكن الطيب هنا قد أخطاء مرة أخرى بسبب فصله بين الإساءة الأولي والثانية فهو من وجهه نظرة غير مطالب بالاعتذار إلا عن الخطأ الذي أرتكبه في دفتر أحوال الشرطة بل يكابر ويصر علي أنه لم يخطي في المرة الأولي وأطالبك عزيزي القاري أن ترجع للبوست من الأول لتحكم بنفسك هل أخطأ أم لم يخطي قبل أن تقرر قبول عذره من عدمه.
هل تدرون لماذا أيها السادة قرر الطيب – الطيب – أن يعتذر لما ورد منه في بوست الشرطة ، السبب بسيط فهو يكن التقدير في قراره نفسه لمجتمع الشرطة بسبب انتمائه له ولكنه في نفس الوقت يحتقر كل من هو خارج هذا النطاق ويظن انه حتى لو أخطأ في حقه فهو غير مدين له باعتذار لأنهم لا يستحقون.
يقول الطيب أن وجهه نظرة تظل كما هي مع التقليل من القسوة التي طالت صاحب البوست ونقول له لماذا تقلل منها وأنت متأكد من صواب موقفك أهذا نوع من التنازل أم أنها جزء من إستراتيجية الاعتذار التي سلكتها؟
ويا أيها الطيب – الطيب - اعتذارك مرفوض جمله وتفصيلا ليس لأنه ناقص كما ذكر الأخ ناذر بل لأنها كلمه حق أريد بها باطلا.
إنني لن أعود مرة أخرى للطيب – ما عدا عودتي للمداخلة الدسمة التي جلط فيها بتبيانه أن تحريات الشرطة قد تكون غير مستوفاة وغير متكاملة بسبب قله خبرة القسم الذي قام بها - لأنه موضوع متفرع من الموضوع الأصلي بل قد يكون قد زج به تعمدا لتحريف مساره وأنا ليس لدي الوقت والجهد لأمثال هؤلاء ولن أعود إلا إذا عاد وأنصحه ألا يفعل.

الأخ الزبير اسفي الشديد لك فأنا لن اعلق على قصتك فهي قصه عاديه تحدث يوميا - فهناك من يعتقد انه ملك الأرض ومن عليها بلبسه للميري

ما أعجبني في هذا البوست قصه الأخ حيدر وما فيها من عبره اتمنى ان يستفيد منها كل من اوتي سلطه

Quote: : رئيس القسم وإسمه محمد او احمد عيبر على ما اعتقد اختصر الجوطة دي بطلبه للضابط إنهاء اجراءات جوازاتنا دون دفع اي رسوم وانه سيتحمل كافة تبعات تصرفه هذا وفوق ده كله اخرج مبلغ من المال وناولنا إياه بعد الحاح شديد منه لاننا رفضنا بأدب شديد استلامه في بادئ الامر .. قال ده حق الضرر المادي الذي اصابنا جراء تعطيلنا من السفر شكرناه شديد على حسن تعامله ورقيه وودعنا بمثل الحفاوة التي استقبلنا بها رئيس القسم كان قريبي محمد سيد أحمد عيبر من ابناء (عبري) وكان من الضباط الذين لا يخشون في الحق لومة لائم ونصيرا دائما للطلاب القادمين والمغادرين الى مصر. والآن بالمعاش فله التحية

Quote: الاخ ترهاقا سلامات شكرا لك على تأكيد إسم العم عيبر بالفعل إنسان حقاني جدا .. ربنا يحفظه .. كان من جملة ماقاله لهذا الضابط " ديل طلبة مساكين ينتظرهم اهلهم عشان يساعدوهم .. كيف تعطل سفرهم عشان حاجة انت مامسؤول عنها" الانسان الجميل الذي تلتقيه - ولو لقاء عابر - يعلق إسمه في الذاكرة لانك بتكون حفرت ليهو في وجدانك عميقا أما نقيضه فلا أثر له.

فإن كنت ضابطا فتذكر ان سيأتي يوما بعد عشرين عام و هناك من ظلمته لازال يحمل الم ظلمك له وانت الان تجلس بالمعاش لم تحمل من سلطاتك شيء سوى اللعنات
وتذكر ان هناك من سيذكرك بالخير حتى ولو بعد عشرين سنه وانت لا ترجو في الدنيا سوى الدعاء بالخير

Quote: هسي الفلكسواجن ذنبها شنو جبتوا ليها الشبهة ..!

يا ناذر الفلكس مشبوهة من يومها ما تدرعها في البوست دا ساي
ياخي يكفيها انها الوحيدة وسط اخواتها المكنتها ورا

ســلام وتحية ودالبشرى ...عساك بخير

Quote: ياخي يكفيها انها الوحيدة وسط اخواتها المكنتها ورا

كان زمان يا حبيب ... هسع بقت سيييييدا

Quote: ويا أيها الطيب – الطيب - اعتذارك مرفوض جمله وتفصيلا ليس لأنه ناقص كما ذكر الأخ ناذر بل لأنها كلمه حق أريد بها باطلا.

الطيب شتم الاخ الزبير هنا شتائم واضحة وقال ما بيعتذر ؛ وجاب رواية خرافية عن شخص اخر متطابق في الاسم وعمل الزوجة وسفرها الخ ؛ لا يصدقها حتى طفل ؛ وهو لا يزال متمسكا بها؛ وردوده تكشف عن غرور وتعالي وتنطع لا حد له

حتى اعتذار اتلطيب المزعوةم كنت اظنه قد ُخدع ؛ ولكني الان متاكد انه مشارك في المؤامرة باختياره وعن قصد .

هناك موضوعان لن يهدآن وارجو يا اخ الزبير مخاطبة مدير عام الشرطة ومنظمات حقوق الانسان فيهما:
1- مخوضوع الزعم ان هناك زبير اخر تتطابق كل معلوماته معك؛ فلو صحت هذه المعلومة فهذا الشخص قد يدخلك في مصائب في المستقبل وهو مدان وهارب؛ وان كذبت يجب التحقق من هو الكذاب: هل هو الطيب ام ان هناك جهات اخرةى في الشرطة نقلت له الكذبة؛ وعندها يكون الموضوع خطير لان الشرطة اذا كذبت ولفقت فوداعا للقانون ويجب ان نخاف على كل اهلنا في عطبرة في وجود امثال هؤلاء المجرمين - لان التزوير جريمة - في شرطتها.

2- موضوع البلاغ الذي قال الطيب انهم بصدد فتحه؛ لانه لا يعقل ان يفتح بلاغ في قضية الزول الهارب ما دام هناك تعميم بالقبض عليه؛ اذن المقصود بالبلاغ انت وغالبا هو بيلاغ قتحه مدير اتلمباحث تحت تهمة اشانة السمعة على اساس هذا البوست؛ وهذا امر لو تركته سيرتد عليك لان هؤلاء الناس سيحاولون الانتقام منك في المستقبل على اساس هذا البلاغ؛ وقد راينا نماذج عقلياتهم في ردود المدعو الطيب هنا .

اخيالزبير لن نتركك وحدك؛ ونقول لكل من يرغب في ارهابك اننا لا نخاف كل النظام فهل نخشى ضباط شرطة غير مهنيين يترنحون من خطأ الى اخر ؟؟ ومن هنا اضع نفسي تحت تصرفك في هذه القضية وحتى اخر المشوار ؛ ويمكنك التواصل معي على الايميل او ارسال رقم تلفونك لي وساقوم بالاتصال ...

لك الود

عادل عبد العاطي
مواطن عطبراوي

Quote: 2- موضوع البلاغ الذي قال الطيب انهم بصدد فتحه؛ لانه لا يعقل ان يفتح بلاغ في قضية الزول الهارب ما دام هناك تعميم بالقبض عليه؛ اذن المقصود بالبلاغ انت وغالبا هو بيلاغ قتحه مدير اتلمباحث تحت تهمة اشانة السمعة على اساس هذا البوست؛ وهذا امر لو تركته سيرتد عليك لان هؤلاء الناس سيحاولون الانتقام منك في المستقبل على اساس هذا البلاغ؛ وقد راينا نماذج عقلياتهم في ردود المدعو الطيب هنا

الاخ عادل تحياتي وتقديري
موضوع ان السيد مدير المباحث بصدد فتح بلاغ ضدي كما نبهني او هددني المدعو الطيب لم اعلق علية لانه حقه الذي كفله له القانون
وانا اطالب بسيادة القانون وعلية لن اعترض ولكن ايضا لن اخاف وانا علي استعداد له ومن اللحظة الاولي التي فكرت فيها يإثارة هذا الموضوع
هنا قد تحسبت وقدرت كل ما قد يطرا وكل تبعاته ومن بينها ماقد يظنة البعض وما همسوا به في اذني وما نقلته لي الهواتف من السودان بانة
قد يترصدني ولكن كل هذا لم يعيقني كل شي محسوب وعندها لكل حادثه حديث رغم ان العرقله قد تكون قانونية بالمسطرة ويمكن استخدام
نفس المادة - الاشتباه ومن ثم القبض لمدة 24 ساعة او اي مادة اخري تكون اخطر .

Quote: اخيالزبير لن نتركك وحدك؛ ونقول لكل من يرغب في ارهابك اننا لا نخاف

هذة النقطة بالذات هي احدي خطوط دفاعاتي
بالمناسبه إعتقد أن إحدي أخواتك قد درست زوجتي في مدرسة عطبرة بنات اول الثمانينات
فلك ودي وتقديري