أولاً وأهماً... محتاجة تسجيل للسلام الجمهوري (نشيد العلم) محفوظ بصيغة MP3 بس على شرط لحن وكلام في نفس الوكت موش اللحن بس (واذا لقيتوهو لو ممكن ختو لي لنك الحفظ بصورة ساهلة لانو انا امية في الحاجات دي)....
ثانياً وأقل مهماً... محتاجة زول يخش لي واسطة عند بكري يغير لي اليوزرنيم حقي لإسمي الحقيقي لانو كلمتو دشليومية مرة وعامل أضان الحامل طرشة...
Post: #2 Title: Re: ياخوانا محتاجة مساعدتييييييين عاجلااااات Author: احمد محمد بشير Date: 01-03-2012, 09:23 AM Parent: #1
إنتِ عارفة يا ايمان لو غيرو ليك اليوزرنيم حقيك ده حا تتسجلي بي تاريخ جديد (حسب برمجة المنبر, يعني لمن يغيروا ليك تاريخ تسجيل ما حا يكون 2002 وعدادك حا يبدأ من الصفر), يعني تاريخ تسجيلك حا يكون 2012... فــ احسن ليك تخليهو كده , الاسماء القديمة بتاعة ناس 2002 دي حلوة......> اذا ما عايزة اسمك ده ممكن تبدليني, اديني ليهو واعملي واحد جديد :)
بالنسبة للام بي 3 , حا اشوفليك طلبك ان شاء الله .
Post: #3 Title: Re: ياخوانا محتاجة مساعدتييييييين عاجلااااات Author: احمد محمد بشير Date: 01-03-2012, 09:27 AM Parent: #2
ده النص ... اصبري كده لحدي الاخوة يجيبو الام بي 3
كلمات : الشاعر احمد محمد صالح ألحان: العقيد احمد مرجان المكان: سلاح الموسيقى و ذلك في العام 1958
نحن جند الله جند الوطن إن دعا داع الفدا لن نخن نتحدى الموت عند المحن نشتري المجد بأغلى ثمن هذه الأرض لنا فليعش سوداننا علماً بين الأمم يا بني السودان هذا رمزكم يحمل العبء ويحمي أرضكم...
Post: #4 Title: Re: ياخوانا محتاجة مساعدتييييييين عاجلااااات Author: احمد محمد بشير Date: 01-03-2012, 09:32 AM Parent: #3
ده فيديو نشيد الوطن مع الكلمات
دقايق نفصل ليك الصوت MP3 من الصورة
Post: #5 Title: Re: ياخوانا محتاجة مساعدتييييييين عاجلااااات Author: احمد محمد بشير Date: 01-03-2012, 09:40 AM Parent: #4
عارف يا أحمد كلامك صح دشليومية مييييييية المية، بس لو تعرف كمية المعاناة القاعدة اعانيها بسبب الإسم دة والماسنجرات والشكل البشاكلوني ليهو وانا لا ايدي لا كراعي بتقدر تقدر الوضع، بس نقول شنو غير الله كريم...
وشاكرة ليك كتييييييير اجتهاداتك المقدرة في نشيد العلم انشالله نقدر نردها ليك في فرحك يارب...
Quote: بس لو تعرف كمية المعاناة القاعدة اعانيها بسبب الإسم دة والماسنجرات والشكل البشاكلوني ليهو وانا لا ايدي لا كراعي بتقدر تقدر الوضع، بس نقول شنو غير الله كريم...
بس ما اكون انا المقصودة يا استاذة ميادة يعني قايلنك انا ميادة كمال والله دا يكون زول متخلف
Post: #10 Title: Re: ياخوانا محتاجة مساعدتييييييين عاجلااااات Author: احمد محمد بشير Date: 01-04-2012, 10:30 PM Parent: #9
Quote: بس ما اكون انا المقصودة يا استاذة ميادة يعني قايلنك انا ميادة كمال والله دا يكون زول متخلف
المسخوطة ميادة كمال إنت الحشرك شنو في البوسطي دة هههه ايوة انت 100% المقصودة اصلا ما في زول غيرك بيجيب كفوة في البورد ده
