Post: #1
Title: الحضنة ... القاتلة
Author: HAYDER GASIM
Date: 01-02-2012, 07:01 PM
ذهب مواطن كندي الأسبوع الماضي في رحلة سياحية لجزيرة قرينادا, وهو أصلا من هناك. وقرينادا أحدى جزر الكاريبي وتتمتع بخصائص سياحية جيدة. في المطار وجد ضمن الطاقم الرسمي, ضابط بوليس إمراة بحضور عدد آخر من الضباط الرجال. توهم الزائر { المسكين } أن ضابطة البوليس هذه إحدى معارفه أو أصدقائه لا أعلم, فذهب نحوها وحضنها بشدة حتى قلاها من الواطة.
|
Post: #2
Title: Re: الحضنة ... القاتلة
Author: HAYDER GASIM
Date: 01-02-2012, 07:02 PM
Parent: #1
كانت بالطبع هذه آخر لحظات حياته, وآخر { حضنة } بالضرورة. إذ هجم عليه خمسة من ضباط البوليس وأوسعوه ضربا حتى فارق الحياة.
مسرحية سريعة في مسرح حكومي, بدأت بإعتقاد خاطئ ... وإنتهت بجنازة.
... إتخيلو
|
Post: #3
Title: Re: الحضنة ... القاتلة
Author: HAYDER GASIM
Date: 01-03-2012, 04:49 AM
Parent: #2
طالع رئيس وزراء قرينادا أجهزة الإعلام العالمية,
بعجالة تشي بكون للحادثة أثر بالغ في تخفيض وضع بلده
لجهة السياحة وما يتصل. وأكد أنها حادثة { معزولة } وأن
قرينادا ما تزال الآمن والأخير للسواح من كل مناطق
الكاريبي الأخرى.
|
Post: #4
Title: Re: الحضنة ... القاتلة
Author: الفاتح ميرغني
Date: 01-03-2012, 05:27 AM
Parent: #3
| Quote: وحضنها بشدة حتى قلاها من الواطة. |
ما دام هو أصلا من قرنادة فعلى الأرجح شبهها بواحدة من قرايبو او إنسانة عزيزة عليهو. بعدين ياخي العساكر ديل كان يتعاملو مع الشغلانة دي من منطلق المثل الكاريبي المعروف" حضة تروح ولا حد يموت"، لأنو ناس الكاريبي ديل اكتر ناس بسلموا بالاحضان.
كل سنة وأنت والأسرة بالف خير.
محبتي
|
Post: #5
Title: Re: الحضنة ... القاتلة
Author: HAYDER GASIM
Date: 01-04-2012, 04:07 AM
Parent: #4
Quote: لأنو ناس الكاريبي ديل اكتر ناس بسلموا بالاحضان.
|
الأحضان ... عرفان ... ومحبة ... ومترع أشواق,
بعدين لو عندهم { شريعة } كنا نقول فيها إنة.
غايتو ... جنس نصايب
فهذه { الحضة } خالفت كل التراث الكاريبي,
وبدل ما تفوت ... حد مات.
شكرا { أخي الصغير } ... الفاتح ميرغني,
وبالمناسبة عندي شقيقي برضو إسمو الفاتح,
وأصحابو بنادهو { قميحة } برررررضو, فما في
ليك طريقة ... سيك ميك معلق فيك.
بالمناسبة تاني ... عمك صديق الموج عامل كيف
{ وجه غامز }
|
Post: #6
Title: Re: الحضنة ... القاتلة
Author: محمد عبد الماجد الصايم
Date: 01-04-2012, 09:30 AM
Parent: #5
يا عمكـ .. ماف صور؟
إن شاء الله صورة مسدس ياخ!!
|
Post: #7
Title: Re: الحضنة ... القاتلة
Author: عبد الدائم سيد أحمد
Date: 01-04-2012, 09:52 AM
Parent: #6
حيدر اخو قميحة
والله ليك وحشة وشوق شديد
عام سعيد وكل سنة وانت حاضن
|
Post: #8
Title: Re: الحضنة ... القاتلة
Author: عبدالله احيمر
Date: 01-04-2012, 10:24 AM
Parent: #7
| Quote: إذ هجم عليه خمسة من ضباط البوليس وأوسعوه ضربا حتى فارق الحياة. |
يا حيدر الضابط المحضـون عمل شــنو ؟
ضرب مع الجماعة , ولا وقف يتفـرج مشـــدوها
|
Post: #9
Title: Re: الحضنة ... القاتلة
Author: الفاتح ميرغني
Date: 01-04-2012, 02:19 PM
Parent: #8
يا عمكـ .. ماف صور؟
إن شاء الله صورة مسدس ياخ!!
محب للشمار والتوابل!
كل سنة وأنت طيب يا حبيبنا
|
Post: #10
Title: Re: الحضنة ... القاتلة
Author: عبدالله ود البوش
Date: 01-04-2012, 02:37 PM
Parent: #9
| Quote: وحضنها بشدة حتى قلاها من الواطة. |
تعبير يغني عن التصوير
وياريت لو مكان حتى لمن
.
.
شكرا حيدر بان جعلت عاميتنا في الوصف ما بتتصاقع كلوكلو
-------------------------------------------
وكرعيها هون واتدلدلن مسافة كتيرة يا حيدر ؟
|
Post: #11
Title: Re: الحضنة ... القاتلة
Author: قيقراوي
Date: 01-04-2012, 02:46 PM
Parent: #10
يا اخوانا الدنيا دي حصل فيها شنو
مالا الاحوال اتقلبت كدي!؟
تبقى مصيبة ان كان الخوة انعدمت بين الناس
تبقى مصيبة ان كان الحضنة انعدمت بين الناس
|
Post: #12
Title: Re: الحضنة ... القاتلة
Author: محمد على طه الملك
Date: 01-04-2012, 03:43 PM
Parent: #11
شايفين ..
اهي دى الخطورة لما الواحد يحب الرسميين ..
حد يصحي ود الباوقا..
مشتاقين يا حيدر ..
عام مبارك على الجميع.
|
Post: #13
Title: Re: الحضنة ... القاتلة
Author: الفاتح ميرغني
Date: 01-04-2012, 05:20 PM
Parent: #12
Quote: يا عمكـ .. ماف صور؟
إن شاء الله صورة مسدس ياخ!! |
محب للشمار والتوابل!
كل سنة وأنت طيب يا حبيبنا
---
معذرة نسيت اعمل إقتباس لكلام حبيبنا ود الصايم
محبتي
|
Post: #14
Title: Re: الحضنة ... القاتلة
Author: Gaafar Ismail
Date: 01-05-2012, 02:08 AM
Parent: #13
مولاي حيدر قاسم
كل سنة وانت بألف خير
طولنا يا أخي من مواضيعك الطاعمة
قال الشاعر إبراهيم ناجي في قصيدته الرقيقة الرائعة (الغد) :
أشتهي ضمك حتى أشتفي
فكأني ظامئ آخذ ثاري
غير أني كلما امتدت يدي
لعناق خِفتُ أن تؤذيك ناري
----------
صاحبكم حضنته ودته في ستين داهية ..مسكين
تحياتي ومودتي
|
Post: #15
Title: Re: الحضنة ... القاتلة
Author: HAYDER GASIM
Date: 01-05-2012, 02:32 AM
Parent: #14
Wow ... كترة متداخلين وقراء, سأبذل لهم
قلمي ردا وقلبي متسعا, فشكرا لكم حباني,
جاييكم واحد واحد ... أما الصور ... فكما يتيسر.
|
Post: #17
Title: Re: الحضنة ... القاتلة
Author: HAYDER GASIM
Date: 01-06-2012, 04:52 AM
Parent: #16
Quote: يا عمكـ .. ماف صور؟
إن شاء الله صورة مسدس ياخ!! |
ود الصايم ... تسلم
ياخي في عالم اليوم, الحكاية بقت لفح
بس, يعنى بعض كلمات من رأس الموضوع تشيلم
وتقدل بيهم على عمك قوقل... وهاك يا معلومات
وصور لامن تآمن.
كدي هاك الرابط ده, وننتظر حضورك البهي
ومشاركتك ذات الطعم الفكه المائز.
http://www.google.ca/url?sa=t&rct=j&q=canadia...w-9SJcYCwGKtJfwaaS1g
|
Post: #18
Title: Re: الحضنة ... القاتلة
Author: HAYDER GASIM
Date: 01-06-2012, 05:00 AM
Parent: #17
Quote: حيدر اخو قميحة
والله ليك وحشة وشوق شديد
عام سعيد وكل سنة وانت حاضن |
عبدالدائم ... تطيب
يا حليلك يابا, وييين الحي بيك.
لاحظ أنت من نوار الصحافة الذي
ينبغي وأن يكون مشرقا ونديا دوما.
فما تنقطع كدا.
بس بدل كل سنة, مالو لو كل يوم.
... ولك إمتناني وودي
|
Post: #19
Title: Re: الحضنة ... القاتلة
Author: HAYDER GASIM
Date: 01-06-2012, 05:07 AM
Parent: #18
Quote: يا حيدر الضابط المحضـون عمل شــنو ؟
ضرب مع الجماعة , ولا وقف يتفـرج مشـــدوها |
طبعا هي { ضابطة } ... وتاء التأنيث ومفعولها الذي
كان, هو محرك الجريمة, لكونه بعث في الراحل شجون الغربة
مقرونة بلقاء عزيز على الأرض ... يا ريتا لو كانت { ضابطة
إيقاع } ياخ.
ما عارفا عملت شنو؟ ... لكن كفاية العملتو.
أخي إحيمر ... شكري على الحضور وإديك العافية
|
Post: #20
Title: Re: الحضنة ... القاتلة
Author: HAYDER GASIM
Date: 01-06-2012, 05:21 AM
Parent: #19
عزيزي عبدالله ودالبوش ... تسلم
مشكور بشدة على المرور من هنا,
وياهو عربينا مخلوط مع بلدينا
ويانا كده ... وحانبقى كده.
القلة من الواطة في الحادثة المعنية,
تعتمد على عاملين, عامل الحماسة مقرونا
بالقوة لدى الراحل, وهذا عامل يزيد في
إرتفاع الأقدام عن الأرض. يقابله عامل
الإستغراب والفجاءة لدى الضابطة, وهذا
يزيد إلتصاق الأقدام بالأرض. بعد داك
حصل الحصل... وقيس براااك.
خليتك بعافية ... وما تنقطع
|
Post: #21
Title: Re: الحضنة ... القاتلة
Author: HAYDER GASIM
Date: 01-09-2012, 01:18 AM
Parent: #20
Quote: يا اخوانا الدنيا دي حصل فيها شنو
مالا الاحوال اتقلبت كدي!؟
تبقى مصيبة ان كان الخوة انعدمت بين الناس
تبقى مصيبة ان كان الحضنة انعدمت بين الناس |
قيقراوي ... تسلم يابا,
المصيبة الأكبر أن تتحول حضنة, كدلالة شوق ومعزة
{ ولو بالغلط } إلى مدية تنهي حياة إنسان هكذا.
طبعا في يوم في العالم ده, إسمو يوم الحضن العالمي.
وهو مشروع للتآخي والتسامح, يحدث فقط في بعض الدول
الغربية. وقد شهدت بعضا من مناظره على شاشة الأخبار
الكندية ذات يوم لا أذكره. لزعمهم أن ذلك ربما يقرب
المسافات بيننا كآدمينن في هذه الدنيا, وبإعتبار
أن ما عجز عنه الفكر والسياسية إمكن تعملو الأجساد
وهي تعبر عن لحمتها الرمزية, الموصولة بالضرورة
بوحدة حياتها ومصيرها.
|
Post: #22
Title: Re: الحضنة ... القاتلة
Author: HAYDER GASIM
Date: 01-09-2012, 03:35 AM
Parent: #21
Quote: شايفين ..
اهي دى الخطورة لما الواحد يحب الرسميين ..
حد يصحي ود الباوقا..
مشتاقين يا حيدر ..
عام مبارك على الجميع. |
عزيزي ... محمد على طه الملك ... تطيب,
ود الباوقة أهو شايف العالم والحاصل فيهو,
وأظنه يسبح عكس التيار, مع إنو زول كويس
وذو سريرة محبة للناس ومستعطفة لهمومهم. بس
مسيطرة عليهو شخصية البشير { الباهتة الشريرة }
وهذا بالطبع يخصم من صمامة وجدانه . لكنه
مخير فيما يختار.
ومشتاقين بالأكتر ... يا حبيب
|
Post: #23
Title: Re: الحضنة ... القاتلة
Author: HAYDER GASIM
Date: 01-09-2012, 03:48 AM
Parent: #22
Quote: مولاي حيدر قاسم
كل سنة وانت بألف خير
طولنا يا أخي من مواضيعك الطاعمة
قال الشاعر إبراهيم ناجي في قصيدته الرقيقة الرائعة (الغد) :
أشتهي ضمك حتى أشتفي
فكأني ظامئ آخذ ثاري
غير أني كلما امتدت يدي
لعناق خِفتُ أن تؤذيك ناري
----------
صاحبكم حضنته ودته في ستين داهية ..مسكين
تحياتي ومودتي |
ومولاي ... جعفر اسماعيل ... تسلم,
إبراهيم ناجي ... يناجي على طريقته
الدافقة في مستودع المحبة الآصلة, وهو
يكتب هكذا ... فإنه يصرح بكامل إنتمائه
للوجدان الإنساني في ترواده الطبيعي جدا.
فلهو أجر التفعيل ولنا ذنب التهليل, في
هذا الزمن المقولب.
... وأبقى طيب يابا
|
Post: #24
Title: Re: الحضنة ... القاتلة
Author: HAYDER GASIM
Date: 01-11-2012, 03:07 AM
Parent: #23
Quote: محب للشمار والتوابل!
|
ياخ هو ودالصايم, المفروض إفطر بي بلحة,
تقول لي شمار وتوابل...
الفاتح ميرغني ... شكرا على الحضور والمتابعة.
ويا ود الصايم حدد موقفك, مع البطل ول مع الخيانة.
|
|