Post: #1
Title: المهدي: "عشان مافى زول يتفنقل على قفاه ويقول بعد 24 ساعة سيسقط النظام"
Author: Wasil Ali
Date: 01-01-2012, 11:35 PM
Parent: #0
وقال الصادق المهدي فى خطاب امام المئات من انصاره بمناسبة ذكرى استقلال السودان
| Quote: وهاجم المهدى حلفائه فى التحالف المعارض الذين اعلنوا صراحة الاتجاه للعمل على اسقاط النظام وقطع بان الجهاد المدنى هو الطريق الذى يقره حزبه ودعا الذين لايتفقون معه للبحث عن طريق اخر واضاف " عشان مافى زول يتفنقل على قفاه ويقول بعد 24 ساعة سيسقط النظام " وزاد " الخطاب ده لناس عندهم قنابير ونحن عندنا عمم " |
| Quote: ونبه الى ان تدهور العلاقات بين الشمال والجنوب دفع برئيس دولة الجنوب سلفاكير ميارديت لزيارة اسرائيل وقال "سلفاكير جاب ود ام بعلو فى المنطقة" وابدى اسفه على حال البلد بعد الاستقلال قائلا "صحن الازهرى للاسف الشديد بقى مشقق ومقدد وو س خ ا ن" |
| Quote: وارتفعت وتيرة الاعتراض على حديث المهدى حين ابدى رغبته فى محاورة النظام وصولا الى اتفاق هيكلى تتحول على اساسه من دولة الحزب الى دولة الوطن وفق تعبيره |
|
Post: #2
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: Khalid Kodi
Date: 01-01-2012, 11:50 PM
Parent: #1
الاستاذ العزيز فاروق ابو عيسى رئيس هيئة قوى الإجماع الوطنى
السيدات والسادة اعضاء الهيئة وممثلى القوى السياسية والنقابات و منظمات المجتمع المدنى .
تحية طيبة وبعد
يطيب لنا فى اللجنة السياسية العليا للجبهة الثورية السودانية توجيه هذه الرسالة فاتحة لحوار رسمى بين قوتيين من قوى التغيير الديمقراطى ووصلاً للعمل المشترك بين كافة قوى شعبنا التى تناضل من اجل التغيير لإسقاط نظام الإنقاذ بالمزاوجة بين كافة اشكال النضال المتاحة لشعبنا والتى خبرها عبر تجربته التاريخية لاسيما العمل السلمى المدنى لقوى الإنتفاضة والكفاح المسلح الجماهيرى المسنود بدماء وتضحيات بنات وابناء شعبنا فى الريف والمدن ودلت خبرة شعبنا التاريخية فى اكتوبر 1964 وابريل 1985 ان العمل المسلح الجماهيرى هو سند وعضدد لجماهير الإنتفاضة كما انه معلوم لديكم ان القوى المكونة للجبهة الثورية السودانية ذات جذور وسند وجماهير فى المدن والريف ونحن نؤمن بتكامل وتلاحم اشكال واساليب وادوات العمل الجماهيرى من اجل إسقاط النظام ونود ان نثمن مجهوداتكم فى إعلاء آليات النضال ضد الدكتاتورية والشمولية.
ولانحتاج للتاكيد بان هنالك لحظة تاريخية فاصلة تمر امام اعيننا ، ويجب ان يغتنمها شعبنا لإسقاط النظام الذى غابت شمسه وإضمحلت قوته واضحى صوت من الماضى الشمولى الديكتاتورى يحاصره غضب ولعنات شعبنا بعد ان قسم البلاد واهان العباد وعجز عن تقديم لقمة العيش الكريم لشعبنا ومن حولنا إنتفاضات الشعوب وإرتفاع رايات الحرية والديمقراطية شامخة بداءً من جيراننا الاقربين .
السيدات والسادة قوى الإجماع:
إن بلادنا تشهد نهوضاً واسعاً فى الريف والمدن لاسيما فى اوساط الشباب والنساء والمهمشين فى الريف وفقراء المدن ولن يغفر شعبنا اى تراجع او نكوص وتشويش وإشاعة للفرقة وتبديد لامكانيات توحيد قوى التغيير تحت اى دعاوى ونود ان نؤكد على الاتى :
اولاً:
الجبهة الثورية السودانية على إستعداد للعمل المشترك للوصول الى إجماع وطنى لإسقاط النظام بإعتماد طريقى الإنتفاضة الشعبية والعمل المسلح الجماهيرى بتكامل وإنسجام وتنسيق بعيداً عن دعاوى الحوار مع النظام والإصلاحات الدستورية وإشاعة البلبلة فى صفوف المعارضة بدعوى إتخاذ طريق ثالث غير طريق إسقاط النظام وفى ذلك لابد لنا جميعاً من طرح شعارات واضحة وبينة لا لبس فيها حول هدفنا النهائى وهو إسقاط النظام ولتعملون لذلك عبر العمل السلمى المدنى وستجدون سندنا ومشاركة جماهيرنا بفاعلية وسوف نواصل نحن كفاحنا المسلح دون هوادة او مهادنة او إتفاقيات ثنائية ثبت فشلها .
ثانياً:
الجبهة الثورية السودانية تنظيم ديمقراطى اهدافه معلنة فى إعادة هيكلة الدولة السودانية وإرساء دعائم دولة المواطنة والديمقراطية والعدالة الاجتماعية والحديث عن التكوين الاثنى للجبهة الثورية فى حد ذاته بضاعة إثنية عتيقة وان اكبر مؤسسة إثنية هى نظام الخرطوم . وطريق شعبنا هو طريق العمل المشترك لإرساء ركائز الإجماع الوطنى ومن هنا تاتى مخاطبتنا لكم .
ثالثاً:
إن إستمرار نظام الإنقاذ سيؤدى الى تقسييم ما تبقى من السودان و الحرص على وحدة السودان يكمن فى إزالة النظام لا التعامل معه وقد ثبت بما لايدع مجال للشك ان برنامج النظام الحالى قد قسم حتى الحركة الإسلامية نفسها دعك عن تقسيم السودان والذى هو واقع معاش.
رابعاً:
إيجاد علاقة إستراتيجية راسخة بين دولتى السودان وجنوب السودان لايتاتى إلا بإسقاط النظام وإيجاد بديل ديمقراطى تكمن مصلحته فى التعايش السلمى مع كافة دول الجوار والمجتمع الدولى عبر إحترام مصالح كافة الاطراف .
خامسا:
مرسل الى سيادتكم الوثائق التى تمت إجازتها من اطراف الجبهة الثورية السودانية ونتطلع الى حوار ديمقراطى مهموم بقضايا الوطن والمواطن يؤسس الى إتفاق بين كافة قوى التغيير لمرحلة مابعد نظام الإنقاذ .
سادساً واخيراً:
الجبهة الثورية السودانية شرعت فى حوار مع قوى سياسية سودانية مهمة رحبت بتاسيس الجبهة ويرغب بعضها فى الإنضمام للجبهة الثورية السودانية كل ذلك يصب فى خدمة قوى التغيير كما اننا على اعتاب عقد المؤتمر الاول للجبهة الثورية السودانية الذى سيكون حدثا تاريخيا مهما لنضالات قوى التغيير والهامش وإعادة هيكلة مركز الدولة السودانية ونود ان نؤكد ان هدفنا النهائى ليس تبادل مقاعد الحكم فى النظام القديم بل هو الإتفاق على كيفية حكم السودان وفق برنامج وطنى جديد لبناء الدولة السودانية وإعادة هيكلتها لمصلحة جميع المهمشين من كافة القوميات وفى مقدمتهم النساء .
مع فائق الإحترام والتقدير
اللجنة السياسية العليا
1/ د.الريح محمود جمعة
2/ ابو القاسم إمام
3/ احمد تقد لسان
4/ ياسرعرمان
عن الجبهة الثورية السودانية
21/12/2011
|
Post: #3
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: Elbagir Osman
Date: 01-02-2012, 00:42 AM
Parent: #2
شكرا خالد
فهذه وثيقة تاريخية
تضع الجميع أمام مسئولياتهم التاريخية
وتنهي الضبابية
الباقر موسى
|
Post: #4
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: Abdelmuhsin Said
Date: 01-02-2012, 00:45 AM
Parent: #2
| Quote: وهاجم المهدى حلفائه فى التحالف المعارض الذين اعلنوا صراحة الاتجاه للعمل على اسقاط النظام وقطع بان الجهاد المدنى هو الطريق الذى يقره حزبه ودعا الذين لايتفقون معه للبحث عن طريق اخر |
يا جماعة سمعتو؟ الكلام بالعربي ما باللاوندي. قال المابتفق معاي يبحث عن (طريق آخر) ..
المشكلة ان الذين لا يتفقون مع ود المهدي بدل ان يبحثوا عن طريق آخر كما نصحهم حيجوا يلفوا ويدوروا حول الامام واولاده ويدقوا الطار .. ليل ونهار..
يا جماعة كلام ود المهدي كلام واضح .. والواضح ما فاضح ..
ود المهدي صاحب اكبر كتلة برلمانية ورئيس الوزراء الشرعي قبل انقلاب الانقاذ ورئيس اكبر حزب في البلد. العاجبو الكلام خلاص. والما عاجبو يمشي يشوف ليهو (طريق آخر) ...
للعلم: الشتائم والاساءات والتطاول والعنتريات وادعاء البطولات ليست (طريق آخر) ..
|
Post: #5
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: عاطف مكاوى
Date: 01-02-2012, 00:54 AM
Parent: #4
أرجو من الأخ العزيز د. خالد كودى
إفتراع بوست خاص برسالة اللجنة السياسية العليا للجبهة الثورية التي تم توجيهها لقوى الإجماع الوطني
لعلم الجميع بهذه الخطوة الهامة التي خطتها الجبهة الثورية.
وكما قال الأخ عبدالمحسن فقد قال السيد الصادق قوله (الواضح) .... ولنسمع من الآخرين !
|
Post: #7
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: Tragie Mustafa
Date: 01-02-2012, 02:07 AM
Parent: #5
شكرا واصل وقلناها قديما للامام البرقص ما بغطي دقنه!!
كثر خيره قد اعنلها علني انه يرقص التانجو و الفالس مع الانقاذ!!
نحن عارفينه من اول يوم النوش انصاره واعضاء حزبه العاملين ما شايفين.
السيد ود ملاح انت عامل فيها ناطق رسمي للمهدي؟! ما بنته قاعده
رباح الصادق المهدي بباس ورد عمر فضل المولى بقى ما مكفيهم
ولا شنو محتاجين لك انت برضو تفسر كلام الامام؟!
Quote:
يا جماعة سمعتو؟ الكلام بالعربي ما باللاوندي.
قال المابتفق معاي يبحث عن (طريق آخر) ..
المشكلة ان الذين لا يتفقون مع ود المهدي بدل ان يبحثوا
عن طريق آخر كما نصحهم حيجوا يلفوا ويدوروا حول الامام
واولاده ويدقوا الطار .. ليل ونهار..
يا جماعة كلام ود المهدي كلام واضح .. والواضح ما فاضح ..
ود المهدي صاحب اكبر كتلة برلمانية ورئيس الوزراء الشرعي
قبل انقلاب الانقاذ ورئيس اكبر حزب في البلد. العاجبو الكلام خلاص.
والما عاجبو يمشي يشوف ليهو (طريق آخر) ...
|
بعدين صاحب اكبر كتله ولا اكبر كوم
انت عارف ود المهدي بتاعك ده عارف ومبطبط انه كتلته دي (خلاص ببح)!!
وقول له نحن المافي قنابير فوق راسنا....انت وقت عرفته انه ثاني دوائر دارفور
تشمها قدحه بالديمقراطيه قررت تركب قطار الانقاذ....لكن يمين الله نحن مبسوطين
جنس بسط من قرارك ده مبسوطين لامن محتفلين كمان لعلمك!لانه شوتتكم معا بضربه واحده اسهل!
بس انت الاركز ولم بناتك مننا خلي مستهبل ومطبع مع الانقاذ وفاكر
بتغشنا وببناتك عامل معارضه!!
|
Post: #6
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: طارق الجبلابى
Date: 01-02-2012, 02:06 AM
Parent: #4
Quote: يا جماعة سمعتو؟ الكلام بالعربي ما باللاوندي. قال المابتفق معاي يبحث عن (طريق آخر) ..
المشكلة ان الذين لا يتفقون مع ود المهدي بدل ان يبحثوا عن طريق آخر كما نصحهم حيجوا يلفوا ويدوروا حول الامام واولاده ويدقوا الطار .. ليل ونهار..
يا جماعة كلام ود المهدي كلام واضح .. والواضح ما فاضح ..
ود المهدي صاحب اكبر كتلة برلمانية ورئيس الوزراء الشرعي قبل انقلاب الانقاذ ورئيس اكبر حزب في البلد. العاجبو الكلام خلاص. والما عاجبو يمشي يشوف ليهو (طريق آخر) ...
للعلم: الشتائم والاساءات والتطاول والعنتريات وادعاء البطولات ليست (طريق آخر) |
لم يكن يتحدث بالعربى...ولا انت من متحدثي العربي...إ
ان كان عربى...لقال بلسانه قح...
انا مع ارباب نعمتى ظاهرا...وبطينى...
والا...لما كان فلذتى رهان مقبوض....إإ
انا مع الانقاذ...
بسيفى...ونعمتى....وعفة حرائرى...
و...لمثلك...
ولمن اتبعنى...بقدسيتى...
اريكم ما ارى...
ثم لا يكون.....الا ما أرى...إ
ان كنت تعى عربى....
فالمشهد....
لك...والموالى..
ان جهادى المدنى......هو..
ماورثت....انا
من نبؤة حكمتى...من طهر فيض الغيب
ان الانقاذ....
لوح ثلج ..ذائب...
و يستدير الزمان...كهئيته يوم البعث
وامثالك والقوم التبع..
لكم الجزاء الاوفى فى التأنى...االتروى...والترجى
فى اعياد الامام....إإإ
هى ترجمة حرفية..لمن ابتغى ان يعى باختياره.
انت يا من تتحدث العربية....
قل لى عن مدنية جهاد...ربك..إإ
حتى اتبعه راضيا مرضيا...
وليطمئن قلبى...
انه ربكم...
المشفق ...والمبتلئ...يصلى
ليخرجكم
من رهق الى....
عنت
واثابكم غم..بغم.
|
Post: #8
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: Abdelmuhsin Said
Date: 01-02-2012, 02:53 AM
Parent: #6
| Quote: لكن يمين الله نحن مبسوطين جنس بسط من قرارك ده مبسوطين لامن محتفلين كمان لعلمك! لانه شوتتكم معا بضربه واحده اسهل |
عرضنا مقولة تراجي اعلاه علي المناضل الكبير حسن موسي فعلق قائلا: يا النبي نوح!
| Quote: السيد ود ملاح انت عامل فيها ناطق رسمي للمهدي؟! ما بنته قاعده رباح الصادق المهدي بباس ورد عمر فضل المولى |
يا ريت يا تراجي يا اختي لو الموضوع وقف علي كده. انتي بس ما عارفة الحاصل عليّ. بعد ما رباح صادرت باسويرد عمر فضل المولي قام اخوها العقيد عبدالرحمن الصادق المهدي صادر باسويردي انا ذاتي. عمرك شفتيني يا تراجي بدافع عن حزب الامة؟ عشان تعرفي انو البكتب ده والشوّه صورتي وسط المناضلين ده ياهو عبد الرحمن.. ربنا لا تاجره دنيا وآخرة
Quote:
لم يكن يتحدث بالعربى...ولا انت من متحدثي العربي...إ
ان كان عربى...لقال بلسانه قح...
انا مع ارباب نعمتى ظاهرا...وبطينى...
والا...لما كان فلذتى رهان مقبوض....إإ
انا مع الانقاذ...
بسيفى...ونعمتى....وعفة حرائرى...
و...لمثلك...
ولمن اتبعنى...بقدسيتى...
اريكم ما ارى...
ثم لا يكون.....الا ما أرى...إ
ان كنت تعى عربى....
فالمشهد....
لك...والموالى..
ان جهادى المدنى......هو..
ماورثت....انا
من نبؤة حكمتى...من طهر فيض الغيب
ان الانقاذ....
لوح ثلج ..ذائب...
و يستدير الزمان...كهئيته يوم البعث
وامثالك والقوم التبع..
لكم الجزاء الاوفى فى التأنى...االتروى...والترجى
فى اعياد الامام....إإإ
هى ترجمة حرفية..لمن ابتغى ان يعى باختياره
انت يا من تتحدث العربية....
قل لى عن مدنية جهاد...ربك..إإ
حتى اتبعه راضيا مرضيا...
وليطمئن قلبى...
انه ربكم...
المشفق ...والمبتلئ...يصلى
ليخرجكم
من رهق الى....
عنت
واثابكم غم..بغم |
يا طارق الجبلابي .. والله انت راجل موهوب. لكين بدل ما كنت تضيع الزمن والطاقة دي كلها فى عمل ابداعي مثل هذا تخصصه بكامله لذم ود المهدي. كان احسن تسمع كلامو وتمشي تشوف ليك (طريق آخر) وعليك يسهّل وعلي الامام يمهل. كان حسّا دي قطعت نص المسافة، بدل ما واقف تردح لي كدة زي الرداحة فى نص طريق الامام الاصلي .. الردحي ده حيوصلك وين؟ يا جماعة تاني ما تقيفوا وتردحوا في طريق الامام .. كل زول يشق طريقو الاخر بطريقته!!!
|
Post: #9
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: طارق الجبلابى
Date: 01-02-2012, 02:57 AM
Parent: #6
واقول بملء ...حلقومى..
ان عدو الاول للشعب...
هو الامام..صاحب الزمان
وليترك الثوار المداوسة مؤقتا..
...
الى حين..حتى الانتهاء من الجهاد الاكبر
وذلك تامينا ...للشعب والامة...
وليدع الانقاذ...
تذوب بضئ الهجيرة...
|
Post: #10
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: طارق الجبلابى
Date: 01-02-2012, 03:13 AM
Parent: #9
| Quote: يا طارق الجبلابي .. والله انت راجل موهوب. لكين بدل ما كنت تضيع الزمن والطاقة دي كلها فى عمل ابداعي مثل هذا تخصصه بكامله لذم ود المهدي. كان احسن تسمع كلامو وتمشي تشوف ليك (طريق آخر) وعليك يسهّل وعلي الامام يمهل. كان حسّا دي قطعت نص المسافة، بدل ما واقف تردح لي كدة زي الرداحة فى نص طريق الامام الاصلي .. الردحي ده حيوصلك وين؟ يا جماعة تاني ما تقيفوا وتردحوا في طريق الامام .. كل زول يشق طريقو الاخر بطريقته!!! |
اها...يالعربى
تصدقنى...؟
الطريق الآخر....
قدر لا تستطع منه فكاك...
وهو كائن ..بقول الحق...من قبل ان نبرأها..
والردحى دا...للناطقين بها..
عشان بعدين...
وقت الميعاد...لا نجتر مواعظ حقوق الانسان فى...
القذافى...
...
تغمده بعفو...وهى المشيئة.
|
Post: #11
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: طارق الجبلابى
Date: 01-02-2012, 04:25 AM
Parent: #10
يالعربى..جيتك تارى..
نص المسافة القلتها.... دى
مترتها كيفن ؟
الحكمة ...فى لغة الاعراب...إ
|
Post: #12
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: jini
Date: 01-02-2012, 04:40 AM
Parent: #11
وماذا يمنع ان يكون تحت العمة قنبور كبير!
ود المهدي داخل صندوق الحكومة بي صرفة عبدالرحمن
ود المهدي بلغ من الكبر عتيا والشعب السوداني يقدر له نضالاته السابقة ولن يلومه احد
ود المهدي يعرف تماماً ان احد أساليب الجهاد المدني هى العصيان المدني ولكنه لا يستطيع ان يدعو الي ذلك
جني
|
Post: #13
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: تبارك شيخ الدين جبريل
Date: 01-02-2012, 04:51 AM
Parent: #12
انا غايتو اتعودت على قصة السودانيين المتخصصين البيحتاجوا يمشوا يراجعوا تخصصاتهم دي .... لاكين لامن جات للثوريين بقت ليّ قاسية ...
أها .... النقولها ليكم ... يا الثوريين ... امشوا راجعوا مفاهيمكم الثورية ... واضبطوا معاييركم الثورية ...
جبتوا لينا وجع الكلى ... ما معقولة كوم ناس محرّقاها روحها وما عارفين هم ثايرين على شنو ودايرين شنو ...
... المهم ....
|
Post: #14
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: طارق الجبلابى
Date: 01-02-2012, 05:07 AM
Parent: #13
Quote: انا غايتو اتعودت على قصة السودانيين المتخصصين البيحتاجوا يمشوا يراجعوا تخصصاتهم دي .... لاكين لامن جات للثوريين بقت ليّ قاسية ...
أها .... النقولها ليكم ... يا الثوريين ... امشوا راجعوا مفاهيمكم الثورية ... واضبطوا معاييركم الثورية ...
جبتوا لينا وجع الكلى ... ما معقولة كوم ناس محرّقاها روحها وما عارفين هم ثايرين على شنو ودايرين شنو ... |
من قال لا ادرى...قد استمسك ....
تانى...
علم الجفر ....هل من حاسب .....؟
لك العتب
....
|
Post: #15
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: دينا خالد
Date: 01-02-2012, 06:08 AM
Parent: #14
هذا فى شأن (المتفنقلين على قفاهم) ...
حسنا ...
ماذا اذا فى شأن (الواقفين على حيلهم) بى عمم وسيوف !!
هل هم اولا :: يريدون اسقاط النظام ؟؟؟
ان كان ذلك كذلك .. لا بأس
ماهى الروشته اذنـــــــــــــ ...
ـــــــــــــــــــــ
فالجهاد المدنى كلمة مبهمة .. ان ادركها المثقفاتية
هنا فهى غير معروفه لدى اعمامنا (الانصار) فالجهاد البعرفوهو
واااااحد ما بفهموا ولا بعرفوا غيرو اها كيف الدبارة ؟؟
مشكلة الامام اذن ما مشكلة (المتفنقلين على قفاهم) من الرجرجة
والدهماء من السياسيين بل مشكلتو الاعظم مع انصاره الواقفين على
حيلهم بى عمم ديل !! كيف يقنعهم (بالتفنقل على قفاهم) والتشدق
بهذا المسمى (الجهاد المدنى ) ؟؟
|
Post: #16
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: طارق الجبلابى
Date: 01-02-2012, 06:26 AM
Parent: #15
| Quote: ود المهدي داخل صندوق الحكومة بي صرفة عبدالرحمن |
والله يا جنى...
دى اوضح من ...رهان مقبوض.
|
Post: #17
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: Mohamed Yassin Khalifa
Date: 01-02-2012, 06:32 AM
Parent: #16
| Quote: ود المهدي يعرف تماماً ان احد أساليب الجهاد المدني هى العصيان المدني ولكنه لا يستطيع ان يدعو الي ذلك |
والله يا حيدر لو بقى فعلاً ود المهدي لدعى للعصيان المدني ولسقط النظام الكرتوني ده في 24 ساعة
|
Post: #18
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: طارق الجبلابى
Date: 01-02-2012, 06:47 AM
Parent: #17
| Quote: فالجهاد المدنى كلمة مبهمة |
لو تزكرى نكتة عريبى الحلة مع الانجليزى...
......
فحواريه ...الان كلهم..او جلهم..من متحدثى منطق السندكالية....إإ
وهى تقريبا..ذات قربى من تخريجات..تركيبة الراتب...إإ
تحياتى
|
Post: #20
Title: الفاره دقس وإتلحس
Author: معاوية عوض الكريم
Date: 01-02-2012, 07:05 AM
Parent: #18
بس انا عجبتني كلمة متفنقلين دي
قلت اجي أحيي صاحب البوست .
والله فنقلت الانصار زاتو ..
|
Post: #19
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: محمد عبد الماجد الصايم
Date: 01-02-2012, 06:56 AM
Parent: #17
أنصح الكونت باتخاذ (الطريق الدائري الجنوبي)!!
|
Post: #21
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: ود الباوقة
Date: 01-02-2012, 07:12 AM
Parent: #19
يا اخ دا تعبير من بيت الكلاوي
يتفنقلون
ويتبربرون
|
Post: #22
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: Abdelmuhsin Said
Date: 01-02-2012, 07:33 AM
Parent: #21
| Quote: بل مشكلتو الاعظم مع انصاره الواقفين على حيلهم بى عمم ديل !! |
يا ست دينا .. أديكي قلتيها بعضمة لسانك (مشكلتو) مع (انصاره) ...
يعني مشكلتو هو .. ما مشكلتك انتي .. مع انصارو هو .. ما انصارك انتي ..
طيب انتي مالك ومالو؟ ود المهدي اشتكي ليكي .. ولاّ انصارو جو اشتكو ليكي؟
أما أمركم عجيب والله يا مناضلين سوق بكري ..
الراجل قال ليكم كل واحد يعرف حجمو ويرعي بي قيدو .. ويشق طريقو (الاخر) براهو. يعني كل واحد عقلو في راسو يعرف خلاصو .. طيب بدل ما تسمعوا الكلام واقفين لي زي رداحات بيت البكا تردحوا قدام باب سيدي الامام ليه؟
|
Post: #23
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: مني التجاني
Date: 01-02-2012, 08:36 AM
Parent: #19
و ان سئل الامام عن اسباب الفنقله .....
اجاب:
اسالوا المتنفقلين !!!
ما يسمي بالجهاد المدني...
دعوة حق اريد بها باطل ادي في نهاية
المطاف الي فنقلة الجميع .... عدا الانقاذ
تبت يدي .... وتب
ما اغني عنه جهاده وما كذب
سيصلي نارا ذات لهب
وامراته ... حمالة الحطب
ستتفنقل من جر حبل المدد
|
Post: #24
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: عصام دهب
Date: 01-02-2012, 09:35 AM
Parent: #23
Quote: تبت يدي .... وتب
ما اغني عنه جهاده وما كذب
سيصلي نارا ذات لهب
وامراته ... حمالة الحطب
ستتفنقل من جر حبل المدد |
الأخت / منى التجاني
السلام عليكم ..
هذا الكلام لا يليق بعظمة القران الكريم ، حتى و إن كان بحسن نية ..
آمل منك مسح هذه المداخلةفهي تسئ إليك أولاً ..
و أستغفر الله العظيم لي و لك و لسائر المسلمين ..
|
Post: #25
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: Hisham Ibrahim
Date: 01-02-2012, 10:55 AM
Parent: #24
واحده من مشاكل السودان الكبيره زي الحروب
إنو السيد / الصادق المهدي ، ما بعرف يشتغل غير رئيس وزراء ..!
الجهاد المدني دي ناس حزب الامه كلهم ما عارفنها الا
مبارك الفاضل وابراهيم علي بثـــ ...
|
Post: #26
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: طارق الجبلابى
Date: 01-02-2012, 06:02 PM
Parent: #25
Quote: يا ست دينا .. أديكي قلتيها بعضمة لسانك (مشكلتو) مع (انصاره) ...
يعني مشكلتو هو .. ما مشكلتك انتي .. مع انصارو هو .. ما انصارك انتي ..
طيب انتي مالك ومالو؟ ود المهدي اشتكي ليكي .. ولاّ انصارو جو اشتكو ليكي؟
أما أمركم عجيب والله يا مناضلين سوق بكري ..
الراجل قال ليكم كل واحد يعرف حجمو ويرعي بي قيدو .. ويشق طريقو (الاخر) براهو. يعني كل واحد عقلو في راسو يعرف خلاصو .. طيب بدل ما تسمعوا الكلام واقفين لي زي رداحات بيت البكا تردحوا قدام باب سيدي الامام ليه؟ |
لا حولة..ولا مغفرة
انت درويش..؟
الامام...وقومه لا يتجرعون سياسة فولتا العليا....إ
وهو ..الامام...
لم يتصدى لجبهة انقاذ الجزائر...إ
قد تمثل سودان دارفور..كردفان والنيل.....الاحمر.إإ
وانصاره ..هم والدى واعمامى ..وابناء خؤلتى
.....
ان لم تفقه ذلك ...
فتفقه فى سياحة بشر الحافى...سيدى
اوالتزم شجرة فى عوالى صخر...
وتكون اوفيت قول الرسول....
واعتزلت ....الفتنة...إإ
وقولة اخيرة...
من اى الاعراب ...تناسلت..؟
|
Post: #27
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: Deng
Date: 01-02-2012, 06:10 PM
Parent: #26
أنتوا لسه بترموا في المقدود؟
|
Post: #28
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: عبدالمجيد الكونت
Date: 01-02-2012, 06:29 PM
Parent: #27
Quote: أنصح الكونت باتخاذ (الطريق الدائري الجنوبي)!!
|
عدد  انا ماسك طريق الدمام بي برة يازول
____________________
حزب الامة له منهج واضح وصريح من اجل العمل على تغيير النظام ... بعض الاحيان قد تصاحب مسيرتنا بعض السلبيات ويسقط في الطريق بعض المنهزمين ولكننا نؤمن بمقدرتنا على الوصول الى ما نريد ...ولو كنا نهتم بمثل هرطقة المتنوضلين اعلاه لما لشاركنا الحكومة منذ اتفاق جيبوتي ...الذين يقدمون نقدا لحزب الامة ومواقفه عليهم ان يصلحوا بنيانهم الداخلي فقط وليس قذف بنيان الاخرين ......
باستثناء دينا وواصل وجني ...(لا اعرف لهم انتماء تنظيمي) من من الذين انتقدوا الامام اعلاه لم يكن يوما جزء اساسي من هذه الانقاذ ....جميعهم شاركوا الانقاذ جرمها في حق الشعب السوداني في فترة ما ...ولكنهم يتصورون انهم بمثل هذا الهجوم سيخفى عورة مشاركاتهم الدنيئة سابقا
|
Post: #29
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: Frankly
Date: 01-02-2012, 06:37 PM
Parent: #28
| Quote: .الذين يقدمون نقدا لحزب الامة ومواقفه عليهم ان يصلحوا بنيانهم الداخلي فقط |
loooooooool
look who's talking
هل هذا هو الكونت الذي انقد حزب الأمةّ القومي قبل أيّام ونصحناه أن يسلك طريقاً أخر كما نصحه الأمام الأن ولكنه يأبى إلا التبعية العمياء حتى وإن خالفت تطلعاته وأمنياته ورؤاه
|
Post: #31
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: عبدالمجيد الكونت
Date: 01-02-2012, 06:45 PM
Parent: #29
| Quote: هل هذا هو الكونت الذي انقد حزب الأمةّ القومي قبل أيّام ونصحناه أن يسلك طريقاً أخر كما نصحه الأمام الأن ولكنه يأبى إلا التبعية العمياء حتى وإن خالفت تطلعاته وأمنياته ورؤاه |
كمال فرانكلي ...يا دايش
انا انتقد حزب الامة وانتقد رئيس حزب الامة ... بالطريقة التي اريدها وفي الزمان والمكان الذي اريدهم ...ببساطة شديدة لانني جزء من المنظومة وجزء من ادائها الجماعي احاسب على الاخفاق والنجاح .... لكن انت لا تستطيع ان تستوعب ذلك
لا يحق لشيوعي او حركة شعبية او اتحادي او منتسبة لحركة مناوي ان يتحدث عن اسقاط الجبهة الاسلامية كواجب على حزب الامة وينسى انه كان شريكا لها في فترة من الفترات .... هذا ان كنت تفهم ما قلته
هل رأيت يوما احد عضوية حزب الامة يسئ لقيادات الشيوعي او الحركة الشعبية .. مثل ما يفعل بعض منتسبيهم هنا
تحديدا دينق وعاطف مكاوي ...... والدايشة مثلك تراجي
|
Post: #32
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: طارق الجبلابى
Date: 01-02-2012, 06:48 PM
Parent: #29
| Quote: باستثناء دينا وواصل وجني ...(لا اعرف لهم انتماء تنظيمي) من من الذين انتقدوا الامام اعلاه لم يكن يوما جزء اساسي من هذه الانقاذ ....جميعهم شاركوا الانقاذ جرمها في حق الشعب السوداني في فترة ما ...ولكنهم يتصورون انهم بمثل هذا الهجوم سيخفى عورة مشاركاتهم الدنيئة سابقا |
والله احلوت...يا جدعان..إإ
هى عملة....لا تصلح للتدوال.
ولكن ....ربما توحى ببعض التعويض..النفسى
...ابطال دون كيشوت...إإ
مرحى...
قنبو طولة
|
Post: #30
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: ABDALLAH ABDALLAH
Date: 01-02-2012, 06:40 PM
Parent: #27
Quote:
و ان سئل الامام عن اسباب الفنقله .....
اجاب:
اسالوا المتنفقلين !!!
ما يسمي بالجهاد المدني...
دعوة حق اريد بها باطل ادي في نهاية
المطاف الي فنقلة الجميع .... عدا الانقاذ
تبت يدي .... وتب
ما اغني عنه جهاده وما كذب
سيصلي نارا ذات لهب
وامراته ... حمالة الحطب
ستتفنقل من جر حبل المدد |
واستمرأ البعض السخريه والإستهزاء بالسيد الإمام رئيس حزب الأمه
الى تناول الآيات القرءآنيه بطريقه ساخره وغير مقبوله على الإطلاق.
الأخت منى التيجانى
أعتقد ما كتبتيه غير لائق
من حقك إنتقاد ممارسات السيد الصادق السياسيه دون الإستخفاف بتناول
الآيات القرءآنيه الكريمه.
|
Post: #33
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: عبدالمجيد الكونت
Date: 01-02-2012, 06:51 PM
Parent: #30
Quote: الأخت منى التيجانى
أعتقد ما كتبتيه غير لائق |
وماذا تنتظر من مثل هؤلاء الذين صنعت لهم الجبهة الاسلامية اليات النضال الكيبوردي وعلمتهم الاساءة لكل شئ من وراء كمبيوتر ...... هؤلاء يمثلون اكبر نجاح للجبهة الاسلامية في تشويهها لاخلاق الشعب السوداني وللعلم هم الان عقبة مثل عقبة الجبهة الاسلامية تجاه التغيير الذي ننشده لبلادنا ...سنعمل في كل الاتجاهات من اجل العودة بوطننا الى مكانته القديمة ...رغم عن انف الجبهة الاسلامية وغوغائية ما يسمون انفسهم بالمعارضين (او المتعارضين )
|
Post: #34
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: نيازي مصطفى
Date: 01-02-2012, 07:15 PM
Parent: #30
الغريبة ان معظم هولاء السبابين والمنتقدين ينتمون لاحزاب شاركت الانقاذ وكانت الى وقت قريب (تلهط) في موائدها البرلمانية والحكومية .
حقا ان لم تستح فافعل ما تشاء .
وبعدين واحد قاعد في سقط لقط وكل حشه من اجل اسقاط النظام نقرات كيبورد والمصيبة انها حتى هذه الكليمات كل من يقرأها يشعر بأن
البديل اخير منو المتعوس الموجود.
|
Post: #35
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: عوض محمد احمد
Date: 01-02-2012, 07:43 PM
Parent: #34
Quote: الغريبة ان معظم هولاء السبابين والمنتقدين ينتمون لاحزاب شاركت الانقاذ وكانت الى وقت قريب (تلهط) في موائدها البرلمانية والحكومية .
حقا ان لم تستح فافعل ما تشاء .
وبعدين واحد قاعد في سقط لقط وكل حشه من اجل اسقاط النظام نقرات كيبورد والمصيبة انها حتى هذه الكليمات كل من يقرأها يشعر بأن
البديل اخير منو المتعوس الموجود. |
الاخ نيازى
سلام
امر مؤلم ان يتم الدفاع عن كلام الامام بمنطق ان الاخرين سييئن
و ماذا تقولون لمن هم غير منتمين لاى احزاب و هم غالبية الشعب السودانى
|
Post: #36
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: عاطف مكاوى
Date: 01-02-2012, 07:56 PM
Parent: #35
راجعت هذا البوست من أوله لآخر مداخلة للدكتور عوض محمد أحمد
فوجدت أنني تداخلت بمداخلة واحدة فقط وهي :
Quote:
أرجو من الأخ العزيز د. خالد كودى
إفتراع بوست خاص برسالة اللجنة السياسية العليا للجبهة الثورية التي تم توجيهها لقوى الإجماع الوطني
لعلم الجميع بهذه الخطوة الهامة التي خطتها الجبهة الثورية.
وكما قال الأخ عبدالمحسن فقد قال السيد الصادق قوله (الواضح) .... ولنسمع من الآخرين ! |
فيا قراء ويا أعضاء سودانيزأونلاين ... بربكم أين الإساءة في مداخلتي أعلاه ؟
|
Post: #37
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: نيازي مصطفى
Date: 01-02-2012, 08:39 PM
Parent: #36
Quote: امر مؤلم ان يتم الدفاع عن كلام الامام بمنطق ان الاخرين سييئن
و ماذا تقولون لمن هم غير منتمين لاى احزاب و هم غالبية الشعب السودانى |
وعليكم السلام الاخ عوض
بالعكس يا اخي اعتقد ان الامام لم يقل ما يستوجب الدفاع عنه فكلماته تدافع عن نفسها واعتقد انها تعبر
عن مخاوف معظم قطاعات الشعب السوداني في ان تنزلق البلاد الى اسوأ مما هي عليه الان اذا نجحت
مساعي النظام المتهاوي اصلا في جر البلاد الى صراع مسلح شامل لتثبيت اركانه مستعينا لتحقيق ذلك ببعض المغامرين
ومن خلفهم (حكامات) لا يهمها الا ان يتواصل تعاطف المنظمات الدولية الخيرية معها.
الحل هو ان يجلس جميع الحادبين معا من اجل ايجاد وسيلة مدنية سلمية تجنب البلاد شرور الصراع المسلح
وهذا ممكن اذا استفدنا من تجاربنا القديمة في التغيير السلمي واضعين نصب اعيننا تجارب دول قريبة منا
اسلمت مصيرها الى صراع مسلح افضى الى دمارها دمار لم تتعافى منه منذ التسعينات .
|
Post: #38
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: محمد حسن العمدة
Date: 01-02-2012, 08:52 PM
Parent: #37
| Quote: حزب الامة له منهج واضح وصريح من اجل العمل على تغيير النظام |
كدي عيني في عينك كدا ؟!!
زمان كان لكن حسع ما عارفين كيف يكون زول عضو في حزب الامة ومشارك للنظام
يا كونت الشغلة فكت ساي حقو الواحد يمشي يخمش ليهو خمشة من الفاسدين ديل ويجيكم راجع جبيو مليان وياخد البيعة !!!!!!!!!!
البحصل في حزب الامة الان جريمة كبرى تجاه الحزب وتجاه الوطن الاتبنى بدم الانصار مافي حزب مسئول عن السودان قدر حزب الامة ابدا والتاريخ ح يسجل كل ما يحدث الان والامام باعتباروا رئيس الحزب وامام الانصار ليهو النصيب الاكبر .. لو كان الرسول صلى الله عليه وسلم قعد وقال لكفار قريش يا تامنوا يا انا وريتكم وانذرتكم ما كان في دين اسمو الاسلام ولو كان الامام محمد المهدي عليه السلام قعد في لبب وقال انا المهدي تعالوا بايعوني ويا الاتراك اخير ليكم تحولو مؤسسات الدولة لقومية وتطلعوا من السودان ما كان في سودان اليوم ...
الصفات الاساسية للانصارية معدومة تماما الان ... الحزم والعزم والحسم والزهد والتوكل على الله ان الله لا يغير ما بقوم حتى يغيروا ما بانفسهم
لكن واحدين في دار الندوة واخوانهم في دار الارقم ما بتجي ابدا
البت الاسمها منى دي قليلة ادب ليس الا ..
|
Post: #39
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: تبارك شيخ الدين جبريل
Date: 01-02-2012, 11:01 PM
Parent: #38
انتو يا اخواننا اضبطوا لينا مصطلح تغيير النظام دا ... دايرين تستلموا السلطة من الكيزان وتحكموا بالنظام الديموقراطي الدستوري المؤسسي الحالي دا؟ ولاّ دايرين تعملوا "مملكة السودان الجديد" ولاّ "شمولية هلال-مريخ" ولاّ طارحين شنو بالضبط؟
عشان نحن زاتنا نعرف نحن "مع" تغيير النظام ولاّ "ضد" تغيير النظام ...
هل مقصود بالنظام الحزب الحاكم خلال "النظام" الحالي؟ ولاّ مقصود النظام النظام ... لأنو تغيير نظام زي دا ممكن الكيزان يشاركوا فيهو مشاركة فعالة ... خصوصاً انو عندهم قروش كتيرة وكادر منضبط وشبكة عالمية ... يعني فوزهم في انتخابات مصر وتونس وانتظام عملهم في ليبيا وسوريا بيوري ...
بس بالأول فهمونا الفرق بين "تغيير النظام" أو "إسقاط النظام" وبين تغيير/إسقاط الكيزان ... شيلو الكيزان خلّو النظام في محلّو ...
"إعادة هيكلة" البيردد فيها الإمام المهدي وتحالف كاودا دي ما مريحاني وبتذكّرني تجارب اختطاف ثورات اكتوبر وأبريل والماسورة المسكناها بعدهم ...
لا للمؤتمر الوطني ... نعم للدستور والديموقراطية وسيادة حكم القانون والعدل والمساواة والسلام ... ياهو دي حملة انتخابية جاهزة ... ومافي زول يجيب سيرة النظام ... خليكم في اجندة استبدال الحزب الحاكم بس ...
يعني قذافي ومبارك
مفنقلين كلكم جهجهتوا النظام ظاطو ....
... المهم ....
|
Post: #40
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: Abdelmuhsin Said
Date: 01-02-2012, 11:19 PM
Parent: #39
أبدا والله. يا ريتني كنت درويش. الدراويش مالهم؟
| Quote: الامام...وقومه لا يتجرعون سياسة فولتا العليا.. |
انت من زمن فولتا العليا؟ فولتا العليا دي اعادوا تسميتها قبل خمسمائة سنة .. سموها بوركينا فاسو ..
الاجابة علي سؤالك هي .. نعم .. الامام لا يتعاطي سياسة فولتا العليا. بل سياسة السودان. وفي سياسة السودان الامام حدد طريقه وقال هذا هو طريقي وهذا هو منهجي والعاجبو عاجبو والماعاجبو يمشي يشرب من البحر .. تجوا انتو تقولو ليهو انت بالطريقة دي حتواجه مشكلة مع انصارك؟ انتو مالكم ومال انصارو؟ !! بالله شوف الثقيلين ديل ..
|
Post: #41
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: تبارك شيخ الدين جبريل
Date: 01-02-2012, 11:39 PM
Parent: #40
| Quote: البت الاسمها منى دي قليلة ادب ليس الا .. |
ليه كدا يا محمد حسن العمدة؟
(النص دا لو عندو حقوق طبع، صاحب النص يمشي يشتكيها في المحكمة، كمان حا نتشاتم ونتعاور عشان تلاعبت بنص؟)
... المهم ...
|
Post: #42
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: أمير عثمان
Date: 01-03-2012, 05:43 AM
Parent: #41
| Quote: (النص دا لو عندو حقوق طبع، صاحب النص يمشي يشتكيها في المحكمة، كمان حا نتشاتم ونتعاور عشان تلاعبت بنص؟) |
شاااااااطر ...
|
Post: #43
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: عوض محمد احمد
Date: 01-03-2012, 06:20 AM
Parent: #42
| Quote: الاجابة علي سؤالك هي .. نعم .. الامام لا يتعاطي سياسة فولتا العليا. بل سياسة السودان. وفي سياسة السودان الامام حدد طريقه وقال هذا هو طريقي وهذا هو منهجي والعاجبو عاجبو والماعاجبو يمشي يشرب من البحر |
ود ملاح
يا حبيب
المهدى بتصريحاته موضوع هذا البوست يكاد يختط نهجا جديدا فى سياسته نحو الانقاذ
ما يحصل هنا هو مجرد تعليقات من البعض تجاه هذه السياسات
هل هناك حصانة لسياسات المهدى من سهام النقد
المهدى و حزبه من اللاعبين الاساسيين ان لم يكن الاهم فى السياسة السودانية
و ما يقولونه او يفعلونه تتاثر به البلد من الدمازين الى حلفا القديمة
لهذا يهتم الناس بالحزب و بمواقفه
ما فى زول حا (يقبقب) الامام او يرفع ليه (عكاز)
مجرد مواقف تسجل كتابيايهدف اصحابها لتبيان مواقفهم و خلق راى عام ضاغط لحصر اى ضرر محتمل من تصريحات المهدى
و اهو شفت براك واحد من اشد انصار حزب الامة فى هذا البوست يسجل موقفا ضد تصريحات الامام
اما حكاية الماعاجبو يشرب من البحر فدى نقبلا من سيد كنتين يريد تغيير طلاء متجره او ست بيت تريد تغيير وضع
اثاث بيتها. اما الامام الصادق الذى حكمنا مرتين و طارح نفسو يحكمنا ثالثة فلا حق له فى مثل هذا القول الغليظ
الذى لا يشبه ادبه و تهذيبه.
|
Post: #44
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: تبارك شيخ الدين جبريل
Date: 01-03-2012, 06:23 AM
Parent: #42
وانت يا امير عثمان عندك راي غير؟
ولاّ داير تظهر وخلاس؟
... المهم ...
|
Post: #46
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: ABDALLAH ABDALLAH
Date: 01-03-2012, 07:41 AM
Parent: #44
Quote: و اهو شفت براك واحد من اشد انصار حزب الامة فى هذا البوست يسجل موقفا ضد تصريحات الامام
اما حكاية الماعاجبو يشرب من البحر فدى نقبلا من سيد كنتين يريد تغيير طلاء متجره او ست بيت تريد تغيير وضع
اثاث بيتها. اما الامام الصادق الذى حكمنا مرتين و طارح نفسو يحكمنا ثالثة فلا حق له فى مثل هذا القول الغليظ
الذى لا يشبه ادبه و تهذيبه.
|
الأخ عوض محمد أحمد , تحياتى وسلام
نحن فى حزب الأمه عادة نطرح وجهة نظرنا على قيادة الحزب وعلى السيد الصادق وكثيراً ما
اعترضنا على تصريحاته ومواقفه , وكدليل الموقف من الإنتخابات الأخيره والتى كان من رأى السيد
الصادق أن يخوضهاحتى النهايه , بينما غالبية قواعد حزب الأمه كانت لها نظره مغايره عن الإنتخابات
إنصاع لها السيد الصادق فى النهايه متخليَاً عن وجهة نظره.
أقول نحن فى حزب الأمه كثيراً ما نعارض خطوات السيد الصادق عندما نجتمع به أو نراسله
أو نهاتفه , لكن بكل تأكيد لن نرضى بالإساءةِ له أوتحقيره أو بالإستهزاء أو بالإستخفاف
به أو بأى أحد من قيادات الحزب.
نرحب بالنقد والإعتراض المبدأى
ونرفض محاولات إغتيال الشخصيه والإساءه والإستصغار.
|
Post: #48
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: أمير عثمان
Date: 01-03-2012, 01:38 PM
Parent: #44
Quote: Quote: شاااااااطر ...
وانت يا امير عثمان عندك راي غير؟
ولاّ داير تظهر وخلاس؟
|
يااااااا تبارك .. سلامات
لقد إنتفضتَ ...
وعنفتَ الأخ محمد حسن العمدة لأنه تخاشن مع الأخت منى ...
وفى طيات ذات الإنتفاضة تخاشنتَ أنت مع أمة بكاملها ...
هذا رأيى ... إن كنتً صائبا فيما فهمتُ ... وإلا ... فلك العتبى حتى ترضى ...
وبرضه فرصة للظهور .... أههُ إنتَ رديت على!!!!!
وسلامات مرة تانية ...
|
Post: #45
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: عبدالمجيد الكونت
Date: 01-03-2012, 07:01 AM
Parent: #38
Quote: كدي عيني في عينك كدا ؟!!
زمان كان لكن حسع ما عارفين كيف يكون زول عضو في حزب الامة ومشارك للنظام
يا كونت الشغلة فكت ساي حقو الواحد يمشي يخمش ليهو خمشة من الفاسدين ديل ويجيكم راجع جبيو مليان وياخد البيعة !!!!!!!!!!
البحصل في حزب الامة الان جريمة كبرى تجاه الحزب وتجاه الوطن الاتبنى بدم الانصار مافي حزب مسئول عن السودان قدر حزب الامة ابدا والتاريخ ح يسجل كل ما يحدث الان والامام باعتباروا رئيس الحزب وامام الانصار ليهو النصيب الاكبر .. لو كان الرسول صلى الله عليه وسلم قعد وقال لكفار قريش يا تامنوا يا انا وريتكم وانذرتكم ما كان في دين اسمو الاسلام ولو كان الامام محمد المهدي عليه السلام قعد في لبب وقال انا المهدي تعالوا بايعوني ويا الاتراك اخير ليكم تحولو مؤسسات الدولة لقومية وتطلعوا من السودان ما كان في سودان اليوم ...
الصفات الاساسية للانصارية معدومة تماما الان ... الحزم والعزم والحسم والزهد والتوكل على الله ان الله لا يغير ما بقوم حتى يغيروا ما بانفسهم
لكن واحدين في دار الندوة واخوانهم في دار الارقم ما بتجي ابدا |
ياعمدة كدي راجع مداخلتي الفوق دي ...نفس كلامك ده هو الانا قلته وحزب الامة محتاج اعادة ترتيب من جديد ومحتاجين نعمل وبقوة لأجل ان نغير هذا الوضع الغير مقبول (لنا) اطلاقا ولأننا جبلنا على قول الحق ولو على انفسنا فان تغيير الوضع يكمن في تغيير كل المؤسسات والطاقم القيادي الموجود حاليا بما فيهم السيد رئيس الحزب فعليه ان يترجل الان ويترك القيادة لمن هم قادرين على تبنى خط اكثر مصادمة مع الانقاذ
ولكن الذي يحدث في هذا البوست ليس نقدا لحزب الامة او نقدا لتصريحات رئيس الحزب ...الذي يحدث هنا هو اساءة متعمدة ومتكررة من اوجه اصبح لا هم لها الا كيل السباب والشتم للاخرين
|
Post: #47
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: عوض محمد احمد
Date: 01-03-2012, 09:47 AM
Parent: #45
Quote: أقول نحن فى حزب الأمه كثيراً ما نعارض خطوات السيد الصادق عندما نجتمع به أو نراسله
أو نهاتفه , لكن بكل تأكيد لن نرضى بالإساءةِ له أوتحقيره أو بالإستهزاء أو بالإستخفاف
به أو بأى أحد من قيادات الحزب.
نرحب بالنقد والإعتراض المبدأى
ونرفض محاولات إغتيال الشخصيه والإساءه والإستصغار |
الاخ عبد الله عبد الله
سلام
الامام الصادق محل احترام كل اكرر كل السودانيين لعلمه و ثاقب فكره و حسن خلقه و كونه حفيد
الامام المهدى عليه السلام
و بقدر هذا الحب و العشم تاتى ردود افعال الناس اذا احسوا شئيا من الخذلان فى قول او فعل منسوب له
فلمكانته عند السودانيين فهم يرجون عنده ما لا يرجون عند غيره من الساسة
بقدر العشم ياتى العتاب
راجعت مداخلات البوست فوجدتها كلها موضوعية و تلزم جانب توقير الامام الا مداخلة او مداخلتين لا تخلوان من الشطط
فتتركون كل المداخلات و (تحردون) من اجل مداخلة او مداخلتين. فحتى الرسول الاعظم وجد من يشتمه و يتقول عليه
ارجو ان نسمع رائكم فى ما قاله الامام و الرد على الاغلبية هنا التى قالت رائها بكل احترام
|
Post: #49
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: تبارك شيخ الدين جبريل
Date: 01-03-2012, 02:18 PM
Parent: #47
| Quote: تخاشنتَ أنت مع أمة بكاملها ... |
يا زول؟ ...
ها أنت تتخاشن مع دولتين ونادي كروي في دولة ثالثة ...
(نحن لامن حظرنا "الديباجات" انت كنت وين؟ بالمرة راجع ليّ التعداد بتاع الأمة، احتمال تكون ما "بكاملها")
... المهم ....
|
Post: #50
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: متوكل الحسين
Date: 01-03-2012, 03:07 PM
Parent: #49
Quote: فالجهاد المدنى كلمة مبهمة .. ان ادركها المثقفاتية
هنا فهى غير معروفه لدى اعمامنا (الانصار) فالجهاد البعرفوهو
واااااحد ما بفهموا ولا بعرفوا غيرو اها كيف الدبارة ؟؟
مشكلة الامام اذن ما مشكلة (المتفنقلين على قفاهم) من الرجرجة
والدهماء من السياسيين بل مشكلتو الاعظم مع انصاره الواقفين على
حيلهم بى عمم ديل !! كيف يقنعهم (بالتفنقل على قفاهم) والتشدق
بهذا المسمى (الجهاد المدنى ) ؟؟ |
دينا خالد أتاريك ما ساهلة . الصادق المهدي لا يمكن أن يخدع كل الناس ، كما أنه لا يمكنه خداع بقيتهم أبد العمر ..
شكرا أستاذ واصل ، فأنت من صار دوما ، صلتنا بالسودان ..
|
Post: #51
Title: Re: المهدي: "عشان مافى زول يتفنقل على قفاه ويقول بعد 24 ساعة سيسق
Author: ABDALLAH ABDALLAH
Date: 01-04-2012, 02:36 AM
Parent: #50
Quote: راجعت مداخلات البوست فوجدتها كلها موضوعية و تلزم جانب توقير الامام الا مداخلة او مداخلتين لا تخلوان من الشطط
فتتركون كل المداخلات و (تحردون) من اجل مداخلة او مداخلتين. فحتى الرسول الاعظم وجد من يشتمه و يتقول عليه
ارجو ان نسمع رائكم فى ما قاله الامام و الرد على الاغلبية هنا التى قالت رائها بكل احترام |
وعليكم السلام أخى العزيز , عوض محمد أحمد
السيد الصادق المهدى صرح كثيراً حتى فى زيارته الأخيره لنا فى واشنطن أن مواجهته مع الأنقاذ تعتمد
فى المقام الأول على الجهاد المدنى متتبع لنفس خطرات الكفاح المدنى السلمى الذى إنتهجه الرئيس ولسون
مانديلا مع حكومة التمييز العنصرى فى جنوب أفريقيا وصبر على كل ما أصابه من أذى وسجن وإضطهاد لكنه فى
النهايه أوصل بلاده الى مايهدف اليه بنهجه السلمى الذى إرتضاه.
السيد الصادق قال هذا نهجى من أراد مساندتى والوفوف معى فمرحب , ومن أراد أن يحمل السلاح ليقاتل فليقاتل
لكن الهدف أن نصل ببلادنا الى بر الأمان بأقل الخسائر.
وبما أننى من المعجبين بالرئيس ولسون مانديلا فإننى وبدون تحفظ أساند السيد الصادق فى هذا التوجه.
|
|