رحاب خليفة..ختي الرحمن في قلبك يا بتي..(فيديو)

Post: #1
Title: رحاب خليفة..ختي الرحمن في قلبك يا بتي..(فيديو)
Author: Mahmoud Mustafa Mahmoud
Date: 01-01-2012, 07:40 PM
Parent: #0

Post: #2
Title: Re: رحاب خليفة..ختي الرحمن في قلبك يا بتي..(فيديو)
Author: Mahmoud Mustafa Mahmoud
Date: 01-01-2012, 07:44 PM
Parent: #1

إمكانياتك الصوتية والأدائية مدهشة فعلاً..

أبداً ما محتاجة تكوني "هاجر كباشي"...

ولا محتاجة تكون أي زولة غير نفسك..

كوني رحاب خليفة فقط..وهذا يكفي..

يا سلام على صوتك وعلى روعة الأداء رغم تواضع العمل...

...على استعداد تام لمنحك بعض الأعمال الجاهزة...

وكمان على استعداد لتلقي تعليقات ومداخلات القراء من خارج المنبر

على الإيميل[email protected]

أرح..

..

Post: #3
Title: Re: رحاب خليفة..ختي الرحمن في قلبك يا بتي..(فيديو)
Author: Mahmoud Mustafa Mahmoud
Date: 01-02-2012, 09:15 AM
Parent: #2

جادي والله...

ما لم تكوني اعتزلتي الغناء..

أرح

..

Post: #4
Title: Re: رحاب خليفة..ختي الرحمن في قلبك يا بتي..(فيديو)
Author: وليد عبد اللطيف
Date: 01-02-2012, 09:30 AM
Parent: #3

مصطفى كل سنة وانت طيب
اول حاجة هي رحاب خليفة ولا رشا خليفة
دخلت وافتركتها دكتورة رحاب خليفة زميلتنا هنا في المنبر بت السناهير
.
.
مصطفي ياريت تكتب لينا هنا كلمات الاغنية للنقاش وعمل مقارنة
انا عن نفسي عجبتني شديد ودي اشياء بسيطة وتصل احساس المتلقي بكل سهولة
ما عارف ليه انت وصفت هذا العمل بمتواضع جدا
هل عشان المؤدية بنت ولا حاجة تانية

Post: #5
Title: Re: رحاب خليفة..ختي الرحمن في قلبك يا بتي..(فيديو)
Author: Mahmoud Mustafa Mahmoud
Date: 01-02-2012, 12:30 PM
Parent: #4

هوووووووووووي يا وليد ود عبد اللطيف..

عاين هنا..فتِّح عينك قدر الريال بتاعنا الزمان داك..

Quote:
ما عارف ليه انت وصفت هذا العمل بمتواضع جدا

كمان جابت ليها "جداً"؟؟

أنا عاد ياخوي ما قلت كدا..

أنا قلت إنه البت دي إمكانياتا وأداءها مدهش

برغم "تواضع العمل"..

يعني يفهم من كدا إنه البت تستاهل تغني أعمال أكبر من كدا..

يعني بالعدم خالص ممكن تخمش ليها أي نص من "حداثيات الشعر الحر"

بتاع عمر الفاروق دا.. والله حرام ياخ..

ثم إنه يا ولي..المؤدية بنت دي أهم ميزات العمل دا..

وهذه الفنانة بالمناسبة صوتها في حاجات سمحة خالص

ياخي عليها "حلاة" فايبريشن من النوع الأصلي داك..يا الله..

يدك معانا بالله يا ولي..بدل تقعد "تقولني" كلام ما حقي ياخي..

تحياتي يا زول يا جميل..وكل سنة وإنت بخير..

محمود محمود محمود محمود العربي..

..

.

Post: #6
Title: Re: رحاب خليفة..ختي الرحمن في قلبك يا بتي..(فيديو)
Author: وليد عبد اللطيف
Date: 01-02-2012, 01:14 PM
Parent: #5

Quote: كمان جابت ليها "جداً"؟؟

أنا عاد ياخوي ما قلت كدا..

أنا قلت إنه البت دي إمكانياتا وأداءها مدهش

برغم "تواضع العمل"..

ههههههههه
تهرش يامحمود مصطفى خلاص شيل جدا منها
وخلينا نمسك في تواضع العمل ولا اقول ليك خلينا حتى من تواضع العمل
طبعا يامحمود معليش مفروض اقول ليك استاذ واقدمها قبل الاسم
لانك زول راقي وفنان
نقوم نتكلم في العمل
طبعا لما سمعت العمل دا اتكيفت جدا رغم اختلاف كلام زمان وكيف تتعامل الحبيبة
مع حبيبها بين الامس واليوم من خلال المفردات
اها شوف بنات زمان بقولو
اعذرني ما بقدر اعيد قصة غرام بالشوق مضت رحلة عذاب دابها انتهت
فيها رجاء وفيها احترام رغم الشاكوش الذي طرق راسها وجعلها مبعثرة
لكن تعال شوف كلام الحبيبة اليوم
عادي ممكن تقول ليك
والله ما من حقك تشيل افراحي مني ... منو القاليك بريدك يالا يالا فارقني
وكانك لم تمثل لها شيء في يوم من الايام
بنات الزمن دا عفيت منهن اقلاها ممكن تسمع ( ياكــــــــــلب فك لي توبي جاري بوراي مالك )
زمان البت يدوها ليك شاكوش بس انسان وماشي من غير روح
بالله شوفو الزمن ميل كيف حتى في الاغاني
شايف هنا التحدي كيف
لو قايلني بنسى السويتو فيني ... تكون غلطان وواهم لو قلبك دليلك
زمان خليتو ريدك
وحلفت اشق طريقي واتحاشاهو ريدك

البت صوتها سمح وسمح شديد وفيها طبعا حاجة من هاجر كباشي
ومن الاصوات النسائية الجميلة امثال هاجر كباشي وانصاف مدني وندى القلعة وزهرمان ووجدان بحري
والبت دي تستاهل تغني يامحمود وياريت تستفيد منك لو حصل بينكم عمل
لان طبعا مافي اتنين ممكن يختلفو في امكانياتك الفنية

Quote: هوووووووووووي يا وليد ود عبد اللطيف..

عاين هنا..فتِّح عينك قدر الريال بتاعنا الزمان داك..

اسمو الريال ابو عشرة

بجيك تاني بس ما تهرشني

Post: #7
Title: Re: رحاب خليفة..ختي الرحمن في قلبك يا بتي..(فيديو)
Author: نجلاء قرافي
Date: 01-02-2012, 01:31 PM
Parent: #6

رشـــــــا خليفة

حقيقي صوتها حلو وطروب
والاغنية في المجمل لطيفة وبسيطة .

ماسمعت ليها غير الاغنية اليتيمة دي / ولفتت نظري من زمن .

Post: #8
Title: Re: رحاب خليفة..ختي الرحمن في قلبك يا بتي..(فيديو)
Author: قيقراوي
Date: 01-02-2012, 02:41 PM
Parent: #7

Quote:
اول حاجة هي رحاب خليفة ولا رشا خليفة
دخلت وافتركتها دكتورة رحاب خليفة زميلتنا هنا في المنبر بت السناهير

Post: #10
Title: Re: رحاب خليفة..ختي الرحمن في قلبك يا بتي..(فيديو)
Author: Mahmoud Mustafa Mahmoud
Date: 01-02-2012, 05:38 PM

غايتو يا فتحي...

ياخ عادي...رحاب خليفة..رشا خليفة..

الراجح عندي إنها رحاب كما أوردها صديقنا صاحب الرصيد التوثيقي الأوفر في اليوتيوب والأسافير "سيمباتيكو"..

والروايات الأوردت الإسم رشا....سندها ضعيف..

الموضوع دا كلو ..ديته صورة من الباسبورت...

المافي شنو على قولك..

..
.

Post: #9
Title: Re: رحاب خليفة..ختي الرحمن في قلبك يا بتي..(فيديو)
Author: Mahmoud Mustafa Mahmoud
Date: 01-02-2012, 05:34 PM
Parent: #7

Quote:
حقيقي صوتها حلو وطروب
والاغنية في المجمل لطيفة وبسيطة .

العزيزة نجلاء قرافي

حبابك...

وكلك ذوق والله..البت غناية شديد..

بساطة الأغنية إحدى مكامن جمالها..

لكن كما ما لدرجة "إتوكل شوف مصالحك"..

يبدو إنه البنية الموهوبة دي لم تجد الدعم والتشجيع الكافي..

فشنو...يدك معانا بالله..

..

تسلمي..

..

Post: #11
Title: Re: رحاب خليفة..ختي الرحمن في قلبك يا بتي..(فيديو)
Author: Mahmoud Mustafa Mahmoud
Date: 01-03-2012, 02:31 AM
Parent: #6

Quote:
بجيك تاني بس ما تهرشني

النبي فيك عاد يا وليد .. ماااااااا تتأخر...

والله كان "أستاذ" ما عارف..

إنت جادي على قول النبيلة آمنة مختار..

تحياتي يا حبيب..

..

Post: #12
Title: Re: رحاب خليفة..ختي الرحمن في قلبك يا بتي..(فيديو)
Author: Rihab Khalifa
Date: 01-14-2012, 05:43 AM
Parent: #11

طبعا يا محمود، الفي بطنة حرقص براهو يرقص فعلا :)
انا شفت اسم البوست من هنا و تيقنت انه في زول من ناس المنبر شال من رشا كشان فيديوهات لما كنا بنطط و نغني في قاعة الصداقة و قاعة الشارقة ولا اسمها شنو ديك
كان عندنا جمعية اسمها فلسطين الثورة

يا وليد و قيقا، من رحمة الله انه محمود نزل الفيديو مباشرة، و الا كنت جيت و اعترفت علي بياض