رسالة من طفلة سورية إلى أبيها ... إلى من له قلب وإحساس

إلى من له قلب و إحساس ...


جابوا جثة علي بيتنا ... يعني واحد ميت .. هو صحيح بيشبهك ولابس نفس تيابك .. بس ... غرقان بالدم .. مو معقول شو بيشبهك يا بابا .. ما بتصدق .. بس أنت أحلى منو بكتييييير .. أصلاً هو مو مبينة ملامح وجهه منيح .. بس أنا متأكدة إنو مو أنت مستحيل تكون أنت ...
أنا ... أنا ما بكيت .. ضليت أتطلع فيهون وقلهم إنتو غلطانيين .. إنتو أكيد مخربطين .. إجو الكل قرايبينا والجيران .. كان الكل عم يبكي وأنا قلهم وأنا عم اضحك : لك شبكم هادا مو بابا !!!!
صاروا يقرأوا علي المعوذات ويضموني ويبكوا ..
بابا طيب بدي اسألك سؤال وبس لترجع بتجاوبني عليه .. هلأ اللي بيموت معقول يتغير شكله هيك ويصير مو حلو قبل ما يروح لعند الله ويفوت عالجنة ؟؟؟ أكيد لأ ....
ملاحظة : آنستي شافت هي الرسالة كنت لسه ماشقيتها من الدفتر ضمتني وغرقتني بالدموع ...
بابا بصراحة خايفة كتير تكون أنت ...
بس أنت حباب وبعمرك ما أذيت حدا أو تخانقت مع حدا حتى يأذيك بقى كيف لحتى يقتلك ويعمل فيك هيك ... ما بصدّق ...
والله رح نصير أنا و أخي عاقلين منشان ما تضوج وتعصّب وتزعل منا ... وخلص عنجد وقت تجي تنام بعد الغدا ما حنطالع صوت أبداً ... رح ننام معك ...
بابا عم أستناك ... كلنا عم نستناك ...
هلأ أنت ولا يهمك إذا بدك تأخر شوي بس لازم تجي بالآخر ...
إذا مو منشاني منشان ماما وأخي مشتاقينلك كتير كتير ... وبتعرف شو كمان .... منشان مايقولوا عني كذابة ....
باي بابا ...

إنها حطت على بريدي الإلكتروني ... بعنوان ... بقعة ضوء

وبدون تفاصيل تساعد على الذهاب لمعرفة الراسل.

لكن ما مهم ... المهم هو فداحة الموقف الإنساني هناك.


... وفي معرض الفداحات يصب دم واحد ... هو دم البرئ
عندما يتشنج الظالم ... رسالة متحدة في محتواها وفي
مشاعرها عندنا في السودان ... وهناك في سورية.

... كل الحرية للشعوب

وهي رسالة للدابي ... القال ما شاف حاجة مخيفة في سوريا

هي رسالة ذات مضمون فاجع يغشى كل من يرفع راية
الخلاص من حكم ديكتاتور. لهذا سوف تتكرر هذه الرسالة
في مواقع مختلفة ودول مختلفة وبين شعوب مختلفة, حتى
تكون الحرية وحتى يبذغ فجر الخلاص.

المضنى الأليم ... هو إشراك الأطفال في تفاصيل موت
آبائهم وذويهم. ما الذي يجعل طفلة تشاهد أبيها ميتا؟
أليس هذا أكثر من محمول تلك الطفلة وأكبر من عمرها
وأدهم لحياتها البريئة. كيف ينام بشار الأسد { ويشخر }
لو قرأ هذه الرسالة. وإن كان لديه طفلة في عمرها, فهل
له مجرد أن يستعين بخياله, ويحول المعادلة من كون القتيل
هو نفسه, وأن من تراه مضرجا بالدماء هي طفلته, وأن من
كتب تلك الرسالة هي بنته الصغيرة, وأنها سوف تعيش باقي
عمرها في صورة أبيها مثخن بالدماء. أليس هذا كفيل بتغيير
كل المعادلات التي يستند عليها في إستمراره في الحكم. أليس
هذا كفيل بقلب طاولة الآيدلوجيا والبعث والتماهي الآيراني
وحب الإستفراد بالسلطة. أليس هذا حريا بأن يوقظ ضمير الأبوة
فيه, ويعتزل سياسة مهرها إحزان الأطفال وهد كينونتهم.

فلا حول ولا قوة إلا بالله

ثم ...

لنوسع خيالنا... لنوقع عليه, كم طفلة
عندهم رأت أبيها مضرجا بالدماء, وكم
طفلة فقدت أب أو أم ليستمر بشار في
الحكم, وكم طفلة أطاحت المجازر بطفولتها
وحولت كراساتها إلى ملاءآت مدمومة, ولعبها
إلى ذخيرة حية وآمالها في حياة حلوة إلى
موت وذعر ودم مدشور.

فلا حول ولا قوة إلا بالله