اين الزملاء الذين هللوا لديمقراية د. نافع مقابل محمد حسن عالم(بوشي)؟؟

رسالةاوجهها لزملاء المنبرمن منسوبي المؤتمر الوطني الذين هللو وكبروا ودبجو المقالات وأسالوا الأحبار وافترعوا البوستات بخصوص ديمقراطية الدكتور نافع علي التي جعلت المهندس محمد حسن عالم(بوشي) والذي أخرج كل ما في جعبته وما يعتمل بصدره من الم وغل تجاه حكومة الأنقاذ ثم لا يتم مساءلته أواستجوابه أو اعتقاله .
ومن سذاجتنا فرحنا كلنابأننا مقبلون على عهد جديد يفتح فيه صقور الأنقاذ صدورهم للنقداللاذع ويقارعون الحجة بالحجة والكلمة بما يماثلها.
ولكن خاب الأمل وتبددت الأحلام بعد سماعنا أعتقال المهندس -مع وقف التنفيذ- بوشي في وضح النهارمن مجموعة غير معروفةحتى لجهاز الأمن المعروف!
حتى اللحظة لم اسمع لزملاء المنبر أعلاه تعليق أو أدانه أو حتى تداخل لأدانة الأعتقال الذي صفقوالعدم حدوثه.
أم ينتظروا اشارة من جهة معينةأو تبرير ما لما حدث حتى نرى اقلامهم؟ـــــــــــــــــــــــــــــــــــــــ
مع وقف التنفيذ: اشارة للمهندس العاطل وليس للأعتقال

اين الزملاء عمر صديق
عبود عبد الرحيم
وود الباوقة
وعلاء الدين يوسف
الذين اعرف انتماءهم للمؤتمر الوطني
والكثير من المتعاطفين
فرانكلي
د.احمد بشير
د.عبد الملك
كبسور المحامي
والكثير من اخواننا في هذا الحوش

والله انا في انتظار أن أسمع منكم
لأن ادانة مثل هذه الأفعال ترفع اسهمكم أمام معارضيكم وتعطينا بصيص من الأمل بأن هناك "أمل".!

كتب الزميل عبود عبد الرحيم

Quote: الصبر على الاستماع لرأي الطالب وهو في قمة انفعاله حتى اكمل حديثه دون مقاطعة قمة الديمقراطية التي ينادي بها البعض ولا يعملون بها ،،، تخيل فقط لو تعامل الأخوة (أنصار) التيار الاسلامي مع هذا الطالب بذات المستوى الذي تعامل به (أنصار) دار حزب الامة مع بروفيسور غندور ،، ماذا كان سيحدث ؟ شكراً د.نافع وانت تستمع بسعة صدر لكل ما قال به هذا الطالب شكراً د.نافع وانت تقدم درساً عملياً لبعض دعاة الديمقراطية كنت اتمنى من الذين رفعوا هذا المقطع في الانترنت ان يكونوا ديمقراطيين يمتلكون الشجاعة لرفع مقطع ردود الدكتور نافع ،،، حتى تكتمل الصورة

ورد عليه ابن الحاج يوسف الزميل علاء:

Quote: الحبيب الاستاذ عبود سلامات ياخي طبعا بيني وبينك دكتور نافع وزي ماك عارف قدرته على معالجة مثل هذه الأفعال بكون رد عليهم رد خجلانين يجيبوهو التحية للدكتور نافع وهو مغروسا شوكة حوت في حلاقيم المتنوضلين لم يمنعه الفعل الصبياني في لندن من مواصلة ما يود قوله ولم يمنع أعوانه متحدث البعث من إكمال حديثه والتحية لبروفسور غندور وهو يتعرض للاعتداء من مستضيفيه ويقوم بإيصال رسالته بالصوت العالي والتحية للإنقاذ التي جعلت من كل هذا ممكنا

اخونا علاء يعتقد أن الرد قد تم في وقته من د. نافع وتستر عليه المعارضون.
اها يا اخوي علاء الرد جاء بعد اسبوعين كاملين نسمع رأيك وانت من ابناء نفس الحي الذي يسكن فيه بوشي وود الشيخ

كتب الدكتور عبد الملك:

Quote: هذه الشاب الهائج المائج ليس فارسا مجرد شخص اقل من عادي وبعثي موتور وجد الهواء فضرى عيشه الفراسة كانت زمان عندما كانت الجامعة محاصرة بالجيش والطلاب يؤخذون من غرفهم الى سجن كوبر هذا مجرد رأي اخر في غمرة الحماس واضيف على هذا الرد على هذا البعثي صاحب الرسالة الخالدة هل كان لاي فارس في العالم ان يقول ذلك الكلام لصدام حسين اله البعث المؤود ام سيقتله قصي بعصاته

الخطوط من عندي تحت الجمل
هل عرفت يادكتور ان لافرق بين قصي ونافع؟؟

أمااخانا العزيز عمر صديق فقد عبر عنه الأخ عبود واكتفي بتكويت كلام عبود الأول وأمن عليه

لنسمع؟
فلتبرروا؟
أبحثوا عن حجة سريعة وتعالوا
فقط اسألوا أهل الذكر ان كنتم
أو قوموا لصلاة غائبكم دون حياء
أو
لعلكم تسوفوا

Quote: لنسمع؟ فلتبرروا؟ أبحثوا عن حجة سريعة وتعالوا فقط اسألوا أهل الذكر ان كنتم أو قوموا لصلاة غائبكم دون حياء أو لعلكم تسوفوا

اهلا قصي
نحن نريد ان نسمع اي تبرير
اصلو اي مكنة بقت تمشي فينا

يا استاذنا هم في حاجات بحاولوا إتناسوها عشان ضميرهم يرتاح..
الواحد فيهم لو بقيم للمنطق وزن بسيط بعرف انو البعملوا فيهو ده غير أخلاقي بالمرة
ولا يمكن تبريره الا لذهن ملتبس وملتوي
(الذين ضل سعيهم في الحياة الدنيا وهم يحسبون أنهم يحسنون صنعا)

العزيز/ محمد الشيخ

سلام

على مر التاريخ برع الطغاة ومحبي السلطة في زجر وضرب معارضيهم بصور عديدة اذا كانت تقديراتهم للموقف لا تصب في عملية الانتقام المباشر..
فمنهم من سمموه..
ومنهم من سببوا له حادث مروري..
ومنهم من ارسلت له البلطجية لينالوا منه ضربا وتقريحا..

فكنا لا نرى ولا نصدق ان يمر هذا الحادث مع هبنقة النظام دون رد فعلي قوي..
ورغم أن البوشي صرح وقال انه طليق وكذب الاشاعات..
لكن الحكاية كانت مطبوخة لحينها..

هؤلاء لا يعرفون معنى الآخر
لا يعرفون الحرية


تحياتي

Quote: : اين الزملاء الذين هللوا لديمقراية د. نافع مقابل محمد حسن عالم(بوشي

لاكين ما عصرت عليهم شديد يا ود الشيخ !
ما تبالغ كمان الشينة منكوبة!
دايرهم يمدوا راسهم!
يا خ بوشي فشل نافع ونافع فشلهم!
جني

الأخ عبد العزيز
لك تحياتي ومازلنا في انتظار البترول!!!!!

Quote: لاكين ما عصرت عليهم شديد يا ود الشيخ ! ما تبالغ كمان الشينة منكوبة! دايرهم يمدوا راسهم! يا خ بوشي فشل نافع ونافع فشلهم! جني

كيفك يا جني
بالله لولقيت اي استفسارحايم في الأسافير دي عن سبب اعتقال بوشي من زملاء البورد دا المذكورين اعلاه او من ينوب عنهم
جيبو لينا هنا

لم يكن يملك الا صوته ..
ولصوت الحق زلزلة لو تعلمون ..
أولم تروا كيف تزلزل الطاغية !!!


الحرية للمهندس محمد حسن عالم ..
وشكرا محمدالشيخ

الأخ ود الشيخ

أهلنا قالوا أخوك أسأل من صحته وما تسأل من نافلته . يعني الطبع يغلب التطبع. وحسابات الأجهزة الأمنية غير تلك التي تجربه بها الأسافير يا ود الشيخ .

وملفات جهاز الأمن تحفل بكثير من التفاصيل يتم تقديمها عند الضوروة .

الحرية لمحمد حسن عالم .

بحيراوي

Quote: د.احمد بشير

ممكن تقول وين هللت للديمقراطية في حادثة نافع؟

_________

تحياتي

كيزان جامعة الخرطوم طلعتوا اي كلام ...!!!

سلام يا ود الشيخ
نسيت بدر الدين اسحاق احمد
A tiger can't change its stripes
الانقاذ هي الانقاذ ونافع هو نافع
عصابه فاشه فاسده تستاسد علي العزل بقوه اجهزتها القمعيه .
قال ديمقراطيه قال !!

والمجد لمحمد حسن عالم
من قالها بثبات لنافع علي نافع
انت اسواء من وطئت قدماه الثري

الدكتور بشير أحمد وليس أحمد بشير

سلام مربع

أولا يا أخ بشير أنا أوردت هذه الأسماء وأشرت للذين ينتمون والذين يتعاطفون ولم أضعك مع المنتمين إذ استطيع تمييز تعاطفك الواضح مع المؤتمر الوطني وان لم تهلل لديمقراطية السيد نافع وذكرتك مع بقية الأخوة فذلك لأني كنت اكتب من الذاكرة حيث كتبت اسمك خطأ.
وأرجو قبول عذري.
وأشكرك على مرورك الكريم

Quote: وان لم تهلل لديمقراطية السيد نافع وذكرتك مع بقية الأخوة فذلك لأني كنت اكتب من الذاكرة حيث كتبت اسمك خطأ.

يا ود الشيخ
Vet .Basheer Ahmed regretted that the Islamists have not dealt with M.H. El3alim as required instantly
غايتوا يا بشير احمد الله ما يديك سلطه اكتر من مهنتك الفي جده دي .

Quote: غايتوا يا بشير احمد الله ما يديك سلطه اكتر من مهنتك الفي جده دي .

كل انسان مُسخّر لحاجات محدده؛
وانا اقول يادوما نحمدالله سبحانه وتعالي انو ماسلطكم علينا؛


قال ديمقراطية قال.

Quote: كل انسان مُسخّر لحاجات محدده؛ وانا اقول يادوما نحمدالله سبحانه وتعالي انو ماسلطكم علينا؛ قال ديمقراطية قال.

والله بس ياها قوه العين البتاكل لحم الصدقه يا بشير احمد
انت بالذات ما تتكلم عن الديمقراطيه نهائي
ولا ديمقراطيتك دي اتجاه واحد ؟؟؟
الست انت صاحب التعليق اعلاه
بتاع يا كيزان جامعه الخرطوم طلعتوا اي كلام ؟؟؟
عندما اتحيت الفرصه لبوشي وقالها لنافع علي نافع بملئ فيه
ماذا كان يعني كلامك؟؟

. فكيف لرجل مثلك يتحسر علي انحسار العنف عند كيزان جامعه الخرطوم ضد مخالفيهم ان يتحدث عن الديمفراطيه؟؟؟ّ!!!!
ام استعمال العنف ضد الرائ المخالف في قاموسك المعرفي من اركان الديمقراطيه ؟؟؟

بعدين هو انتوا من سعد حالكم عشان يولونا نحن عليكم !!!!!
فكيفما تكونوا يولي عليكم

Quote: انت بالذات ما تتكلم عن الديمقراطيه نهائي ولا ديمقراطيتك دي اتجاه واحد ؟؟؟ الست انت صاحب التعليق اعلاه

دوما
انا اصلاً الديمقراطية في قاموسي مافي
ولا ينبغي لها ان تكون؛

لمّن الناس تعرف الديمقراطية وممارستها علي ارض الواقع؛

يمكن اغير راي فيها.
ديقراطية بتاعة الساعة كم؟

Quote: دوما انا اصلاً الديمقراطية في قاموسي مافي ولا ينبغي لها ان تكون؛لمّن الناس تعرف الديمقراطية وممارستها علي ارض الواقع؛ يمكن اغير راي فيها. ديقراطية بتاعة الساعة كم؟

بشير احمد
قيم الديمقراطيه لازم الانسان يكون اتربى عليها منذ نعومه اظفاره ومارسها في حياته وعرف قيمتها
فمن اين لك انت تعرف مذاق الشئ ان لم تجربه ؟؟!!!!
. ومن الطبيعي ان يتماهى من لم يذق العيش في اجواء ديمفراطيه بداءا من بيته ومجتمعه
مع الدكتاتوريه .
لان هذا هو مبلغ علمه وتجربته في الحياه وبالتالي ممارسته الشخصيه .

Quote: ومن الطبيعي ان يتماهى من لم يذق العيش في اجواء ديمفراطيه بداءا من بيته ومجتمعه مع الدكتاتوريه .

لا خلاص يا دوما ؛انت ذقتِ العيش في اجواء ديمقراطية
بداء من البيت والمجتمع.

_________

خليك في موضوع البوست يادوما وماتمشي البيوت.

Quote: لا خلاص يا دوما ؛انت ذقتِ العيش في اجواء ديمقراطية بداء من البيت والمجتمع. _________ خليك في موضوع البوست يادوما وماتمشي البيوت.

كلام التنشئه الفيها حريه الرائ ورفض القرارات الفوقيه
ابدا ما كلام بيعني بيت زول معين يا بشير احمد
ويظل كلامي ساريا ان التربيه لها دور كبيرفي قبول الانسان للدكتاتوريه
والتربيه دي ما بتم في الشارع بس بتم في بيت اي فرد منا اولا .

Quote: سلام يا ود الشيخ نسيت بدر الدين اسحاق احمد A tiger can't change its stripes الانقاذ هي الانقاذ ونافع هو نافع عصابه فاشه فاسده تستاسد علي العزل بقوه اجهزتها القمعيه . قال ديمقراطيه قال !! والمجد لمحمد حسن عالم من قالها بثبات لنافع علي نافع انت اسواء من وطئت قدماه الثري

الأستاذ دومة
سلام كتير لشخصك الكريم

انا لم انس الأخ بدر وأعتقد أن لديه رأي واضح ضد اعتقال بوشي أورده في بوست خاص به.
وبالمناسبة التقيت هذا الرجل في رمضان السابق وأصدقك القول ان وجد مؤتمرجي واحد ليبرالي في السودان ممكن يكون بدر الدين اسحاق
هو انسان محترم بحق وحقيقة!
بس استكترتو على الكيزان!!!هههه

نعم قد رايت البوست بع ان كتبت تعليقي هذا
ولو ما اخاف الكضب انه كان من المزهويين بالديمقراطيه التي تنزلت فجأه علي جماعه الانقاذ
والله يعلم ان نافع وشرذمته مخادعون فالنمر لا يستطيع تغيير جلده
بدر الدين وغيره ربما يكونوا حقيقه من الناس الطيبين و لكن اهلنا بقولوا البصله العفنه بتعفن البصل .
علي الشرفاء نفض اياديهم عن هذه الحكومه الفاسده المفسده .

بوست محرِج

we are still waiting

Quote: لم يكن يملك الا صوته .. ولصوت الحق زلزلة لو تعلمون .. أولم تروا كيف تزلزل الطاغية !!! الحرية للمهندس محمد حسن عالم .. وشكرا محمدالشيخ

شكرا ود المشرف لتفاعلكم الكير مع محنة وشي
ومعكم حتى الاق سراحه

Quote: والمجد لمحمد حسن عالم من قالها بثبات لنافع علي نافع انت اسواء من وطئت قدماه الثري

ولم يضع نافع الفرصة ليثبت له انه أسوأ من وطأ الثرى ونسى نافع ان الله هو المنتقم الجبار مذل الجبابرة الطعاة وانه من الممكن ان يكون اسوا من وورى الثرى!
جني

Quote: الأخ ود الشيخ أهلنا قالوا أخوك أسأل من صحته وما تسأل من نافلته . يعني الطبع يغلب التطبع. وحسابات الأجهزة الأمنية غير تلك التي تجربه بها الأسافير يا ود الشيخ . وملفات جهاز الأمن تحفل بكثير من التفاصيل يتم تقديمها عند الضوروة . الحرية لمحمد حسن عالم . بحيراوي

مازالت تعمل مع المعارضين سياية التسعينات التي عزلتها من العالم
هؤلاء الناس لن يتعلموا من خطيآتهم
(أخطاؤهم شوية عليهم)

لك تقديري يا حيراوي

الفكي بدر اسحاق لم يقصر
ومصداقا لما كتبناه عنه


د. نافع على نافع ماذا يضيرك إن بادرت بلإطلاق سراح محمد حسن عالم

يا ود الشيخ يا خوي انا اتعجب من مثل تلك المنا شدات التي تكون علي استحياء من منسوبيهم
يا ود الشيخ اخونا الاصغر بدر الدين اقصد عمرا بالتاكيد انسان طيب واصيل
لكن هكذا مناشدات تؤكد اسلوب البلطجيه التي ينتهجها اهل الانقاذ في اعتقال الناس بواسطه اجهزه الامن لاسباب شخصيه .
فلما لا يقول بدر الدين بصريح العباره ان اعتقال بوشي جريمه ارتكبها نافع علي نافع ويجب ان يحاسب عليها بدلا من ان يسترحمه ويرجوه ان يطلق سراح بوشي .
اليس في هكذا مناشدات اعتراف بان الانقاذ لا تقوم علي حق او دستور او قانون بل هي عصابه غاشمه تتحكم في مصائر الناس .؟؟!!!
بالله عليكم كيف يستقيم ان يسترحم المجني عليه الجاني ؟؟؟؟!!!

ما حدث لبوشي محرج لمنسوبي الانقاذ لانه اثبت بجلاء انه لا توجد ديمقراطيه ولا دستور ولا قانون

بل بلطجيه وفساد اخلاقي لن تجدي معه اي مناشده او مناصحه من اخينا بدر الدين اسحاق
وانا اشهد له بعفه اللسان والموضوعيه علي عكس الكثيرين من انصار الانقاذ .

الأستاذة دوما
من ضمن مسئولياتنا تجاه الوطن الجريح استنطاق امثال بدر الدين اسحاق لجعل صوتهم هو الأعلى(وكومهم الأكبر) طالما وثقنا من حسن نواياهم.
بدلا من لعنة وشتيمةقصيري النظر والهتيفةمنهم.
لأنك ان توقدي شمعة(مثل بدر) خير من ان تلعني سنسفيل الظلام(والظلاميين)
ــــــــــــــــــــــــــــــــــــــــــــــــــــــــــــــــــــــــــ



اين صديقي الشفيع وراق الذي اعتقد ان شمعة أخرى!

العزيز محمد الشيخ سلام،

البوست محرج ياخ!!

بعض الزملاء من المنسوبين و المتعاطفين مثل الرجال الآليين ( لا عندهم مواضيع اجتماعية او أنسانية أو ثقافية، ...) مافى حاجة تربطك بهم كبشر. و لا أظن أن للبعض رأى فى
أى حاجة. مداخلاتهم خالية من العاطفة و العقل. تأتى متتابعة و بنفس المضمون ( ذى البدرسوها ليهم). دعوتك لعقولهم، غير مستجابة، و ذلك خوفاً من قياداتهم.
نشفق على كل مغلوب على أمره منهم. و نقول الله يهديهم ( على خطك اللين معهم)..

مودتى

بقدر الغضب الى ينتابنى تجاه أخبار الاعتقالات ..
بقدر ما يتمدد جواى عشم التغيير ..
فى ناس بتقول لا ..
فى ناس لسه فاهمة معنى الوطن ومعنى النضال .. ومعنى الثورة ..و جوه الوطن و ..
ما سافروا زينا وسلمو الوطن للصوص و ..
بدفعوا عننا ضريبة النضال ..
ضريبة المواطنة الأجمل ..
ضريبة سودان حر وموحد وديمقراطى ..

http://bin/sdb/2bb.cgi?seq=msg&board=380&msg=1325527030

Quote: حتى اللحظة لم اسمع لزملاء المنبر أعلاه تعليق أو أدانه أو حتى تداخل لأدانة الأعتقال الذي صفقوالعدم حدوثه. أم ينتظروا اشارة من جهة معينة

يا ود الشيخ ...
لم نسمع مناشدة الاخرين لاطلاق سراح تلفون كوكو ... من الذين يتشدقون بالحريات كقيم والديمقراطية كنهج ..
الاحسان ان نقول لمن احسن احسنت والعكس ..



_________

لم يكن الالتزام الحزبـى يوماً منقصــة فى حـق احد المنتمين

Quote: من ضمن مسئولياتنا تجاه الوطن الجريح استنطاق امثال بدر الدين اسحاق لجعل صوتهم هو الأعلى(وكومهم الأكبر)

إستنطقو حتى تغطس حجرو ....



________

منكم لله اهل الموانئ والضباب

Quote: سنسفيل

انت يا ود الشيخ سنسفيل دا ممكن الزول يقراهـا وهو متوضــئ
هى سنسفيل دا ذاتا شنو ..

ديمقراطية نافع ؟؟؟؟؟؟؟؟؟
دى اجمل نكتة فى عام 2011

Quote: أعتقال المهندس -مع وقف التنفيذ- بوشي في وضح النهارمن مجموعة غير معروفةحتى لجهاز الأمن المعروف!

الاخ محمد لك تحياتي

اعتقد في الاول يجب أن نتأكد اي جهة اعتقلت بوشي هناك جهات عدة لها مصلحة في اعتقال بوشي.

Quote: بوست محرج

اهلا متوكل

Quote: العزيز محمد الشيخ سلام، البوست محرج ياخ!! بعض الزملاء من المنسوبين و المتعاطفين مثل الرجال الآليين ( لا عندهم مواضيع اجتماعية او أنسانية أو ثقافية، ...) مافى حاجة تربطك بهم كبشر. و لا أظن أن للبعض رأى فى أى حاجة. مداخلاتهم خالية من العاطفة و العقل. تأتى متتابعة و بنفس المضمون ( ذى البدرسوها ليهم). دعوتك لعقولهم، غير مستجابة، و ذلك خوفاً من قياداتهم. نشفق على كل مغلوب على أمره منهم. و نقول الله يهديهم ( على خطك اللين معهم).. مودتى

الأخوين العزيزين متوكل وابوذر

الأمر بحسن نية ولم نقصد (تحريج) أو( تجريح) بل نريد الرقي بلغة الخلاف بينناونبحث لزملائنا عن نقاط تحسب لهم
يوم الحساب الأعظم.

Quote: we are still waiting

WELCOME SISTER (OR DAUGHTER) TASNEEM

الفكي بدر
يامرحبا بك في بوستنا العارم
أولا يا خ انت اسمك مامكتوب مع اصحابنا ديييييك دي نمرة واحد
نمرة اتنين اذا تحدث احدهم عن ديمقراطية الحركة الشعبية أو منسوبيها وفي نفس الوكت لم يدن اعتقال تلفون او أي شخص آخر بدون حق يبقى اتلوم وممكن تجيب لينا لنك هنا بتاع المثال الفوق دا عشان نردمو ليك.
انا شخصيا لا أدري هل ادنت أم لا ولكن من موقف مبدئي انا ضد الأعتقال خارج االنظام القضائي سواء كان تلفون كوكو أو محمد حسن بوشي.

Quote: سنسفيل

والله انا ذاتي ماعارف معنى الكلمة دي

Quote: ديمقراطية نافع ؟؟؟؟؟؟؟؟؟ دى اجمل نكتة فى عام 2011

اهلا هشام
قررنا نسوي للنكتة ديEXTENSION ل2012م

Quote: الاخ محمد لك تحياتي اعتقد في الاول يجب أن نتأكد اي جهة اعتقلت بوشي هناك جهات عدة لها مصلحة في اعتقال بوشي.

الأخ شوقي
(لو دا انت الفي الصورة تكون ابننا شوقي نسبة لفارق الزمن)
تحياتي
فعلا كانت الجهة غير معروفة ولكن ناس القانون عندهم حاجة اسمها القرائن الظرفية(ولا مش عارف ايه) تشير الى المتهم وهو واضح للجميع.
وابشرك قد تم تأكيده من قبل جهاز الأمن في اتصال مع الحاجة كوثر والدة البوشي وطلبوا منها احضار ملابس وبطانية ووو........و.كاااااامل عفشه"



شكرا لشعورك الطيب

Quote: ولم يضع نافع الفرصة ليثبت له انه أسوأ من وطأ الثرى ونسى نافع ان الله هو المنتقم الجبار مذل الجبابرة الطعاة وانه من الممكن ان يكون اسوا من وورى الثرى! جني

كيفك يا جني
والله ياجني لو نافع فتح بلاغ جنائي في محمد بوشي بمجرد انتهاء الندوة ووضع التسجيل كمعروضات
كان لقى مننا شوية احترام حتى ولو تم وضع بوشي في الحبس على ذمة التحقيق
لكن الناس ديل مابيتعلموا من اخطاءهم
بل دائما هم ضحايا هذه الأخطاء
وأعتقد انهم مسوقين لهذه النهايات سوقا

Quote: وابشرك قد تم تأكيده من قبل جهاز الأمن في اتصال مع الحاجة كوثر والدة البوشي وطلبوا منها احضار ملابس وبطانية ووو........و.كاااااامل عفشه"

ود الشيخ ياخ زولك ده، في بي هناك بوست لنجلاء سيد أحمد، بتقول إنو ناس الأمن متابعينها وهي ما قادرة تطلع من بيتهم، وفي عربية واقفة منتظراها .... العالم بتتضامن من الأخت نجلاء، صاحبك جاب نفس كلامو الهنا ده .... قال (كشرط لتضامنه) عايز إثبات إنو ديل ناس الأمن.

خلاس ... تاني أي واحد يعتقلوه، ياخد صورة من بطاقة بتاع الأمن ويرسلها لينا عشان ننشرها هنا.

الأخ محمد الشيخ.

الكيزان يخافون ولكنهم لا يختشون.

والكوز بدر الدين أسحق مثالا.

Quote: وأعتقد انهم مسوقين لهذه النهايات سوقا

الفعل الجبرى لا يسأل ولا يلام صاحبــه على ما بدر منــه ..

نحن مسئولين عن افعالنــا مهما قبحـت او حسنــت


من هنـا نبدأ مسيرة اصلاح مسارنــا ..





______
دينق خــش الضـل ...

الكوز بدر الدين أسحق.

مش أنت ومحمد حامد جمعة جيتو جارين تهللوا وتكبرا لنا بديمقراطيتكم الزائفة هنا في البورد ده بعد نشر فيديو البطل محمد حسن عالم؟

يا بدر الدين أسحق أنت الكيزان ديل ناس لا تستحون أبدا، وترتكبون جرائمك ليل ونهار, وبعد ده كلوا أنت جاي هنا تتبجح في البورد!

يا ود ابو العزائم الزول دا احسن منو نافع
بعدين وقوفه الي جانب الشرفاء منقصه لهم
وكل زول بقيف الموقف البشبهه .

Quote: المشاركة الأصلية كتبت بواسطة بدر الدين اسحاق احمد مشاهدة المشاركة كلاكيت ( 1) تنامى مساحات الممارسات الديمقراطية فى بلادنا وتطورها وتعزيزها لفضاءات حرية الكلمة فى التواصل بين المكونات السياسية فى السودان كلاكيت ( 2) اللقاءات الجماهيرية المفتوحة بين القيادات السياسية والقواعد السياسية المختلفة يشكل علامة فارقة نحو عافية حوار سياسي يفضــى الى قبول الاخر كلاكيت ( 3) المشافهة فى الخطاب السياسي للطلاب السودانيين وإنطلاقه منمفردات الاثارة والعاطفة وشخصنة قضايا الراهن السياسي كلاكيت ( 4) محاكمة الانظمة السياسية ممثلة فى الشخوص دون إعمال النظر فى النماذج السياسية والبرامج والمشروعات السياسية والقيمية وآليات للنظام السياسي كلاكيت ( 5) العافية السياسية وسط قطاع الطلاب بالجامعات والمعاهد العليا .. والجراءة والشجاعة التى ادلى بها الطالب محمد عالم لخطابه كلاكيت ( 6 ) إعلاء قيمة الكلمة المباشرة الى القيادات السياسية للحزب الحاكم طرحــه فى اطار كلمة الحق التى تقال للقيادات الحكومية تبرز التقليل من قيمة المعارضة خارج الوطن مهما كان حجم جهدها وتضحياتها فى العمل السياسي المعارض كلاكيت ( 7) تثمين وتعظيم دور المعارضة السياسية داخل السودان إشارة الى الاطراف السياسية ذات الاثر والوزن فى الحراك السياسي اليومى دون الارتهان الى إملاءات القوى الخارجية كلاكيت ( 8 ) الخطوة المتقدمة للمؤتمر الوطنى وقياداته السياسية فى المبادرة لادارة حوار حر فى فضاءات حرة ( الجامعات والمعاهد العليا ) كلاكيت ( 9 ) لا زال الخطاب السياسي الطلابى قيد مكانه لا يراوح حقبة الثمانينيات والتسعينيات وهذا العقد الى اليوم فى ميله المتكرر والدائم نحو الهتافيــة والمثالية وعدم الواقعية كلاكيت ( 10 ) عدم موضوعية الخطاب السياسي وتصويبه نحو التحدى السياسي وعدم تقديم وبلورة رؤى وحلول سياسية تقوم على التشارك فى فضاءات هذا الوطن

كتبت من قبل هذه المداخلــة فى بوســت ولعلنى اوردها ثانيــة لاكرر ان الممارسـة والحراك السياسي يدور فى حلقة مفرغــة لا تصوب نحو تنمية سياسية
واعية تقود بلادنـا نحو القبول بالاخـر حكومة ومعارضة ..


________

اها كدا كيف معاك يا دينق علماً بأن هذا الامـر شأن سودانى بحـت لكن قلنا عشان برضو تتعلمو مننـا ادوات التواصل بين مكونات الوطن الواحد
مــش تعدموهم نفاخ النار المساكين ( المورلــى )

Quote: ود الشيخ ياخ زولك ده، في بي هناك بوست لنجلاء سيد أحمد، بتقول إنو ناس الأمن متابعينها وهي ما قادرة تطلع من بيتهم، وفي عربية واقفة منتظراها .... العالم بتتضامن من الأخت نجلاء، صاحبك جاب نفس كلامو الهنا ده .... قال (كشرط لتضامنه) عايز إثبات إنو ديل ناس الأمن. خلاس ... تاني أي واحد يعتقلوه، ياخد صورة من بطاقة بتاع الأمن ويرسلها لينا عشان ننشرها هنا.

ود ابوالريش(طبعا اسمك سلبة اختصرناه في جدك)

مرحب بك ويا اهلا وسهلا
انا أرى ان موقفه اقل سوءا من الهروب

Quote: الكوز بدر الدين أسحق. مش أنت ومحمد حامد جمعة جيتو جارين تهللوا وتكبرا لنا بديمقراطيتكم الزائفة هنا في البورد ده بعد نشر فيديو البطل محمد حسن عالم؟ يا بدر الدين أسحق أنت الكيزان ديل ناس لا تستحون أبدا، وترتكبون جرائمك ليل ونهار, وبعد ده كلوا أنت جاي هنا تتبجح في البورد!

الشقيق جورج
مرحبا الف بك
(بالمناسبة للناس البقولو دينق دا اجنبي ... طيب لو قال لكم انا من ابيي حاتعملوا شنو؟).

هذا الكوز بالرغم من كوزنته البائنة( )
وفي هذه الجزئية بالذات لم نلحظ له موقف سلبي اذ اكتفى باوسط الأيمان وقدم مناشدة مكتوبة

Quote: ود الشيخ ياخ زولك ده، في بي هناك بوست لنجلاء سيد أحمد، بتقول إنو ناس الأمن متابعينها وهي ما قادرة تطلع من بيتهم، وفي عربية واقفة منتظراها .... العالم بتتضامن من الأخت نجلاء، صاحبك جاب نفس كلامو الهنا ده .... قال (كشرط لتضامنه) عايز إثبات إنو ديل ناس الأمن. خلاس ... تاني أي واحد يعتقلوه، ياخد صورة من بطاقة بتاع الأمن ويرسلها لينا عشان ننشرها هنا.

الاخ ابو الريش لك تحياتي

ما دفعني للدعوة للتأكد هناك كم حالة كذب في هذا البورد والناس شجبت وادانة بعد كدا الموضوع طلع كذب في كذب مثل اعدام منعم رحمة وازدهار وصفية ووفاة طالب الاهلية كل هذه ادعاءات لم تثبت صحتها . بالنسبة لموضوع الاخت نجلاء كل المعطيات أن هناك سيارة تبعتها لفترة ولم تتعرض لها او تعتقلها هل هذا يعني كل من تبعته سيارة بالضرورة تكون سارات امن او غيره . لذا كان التحفظ.

Quote: يا ود ابو العزائم الزول دا احسن منو نافع بعدين وقوفه الي جانب الشرفاء منقصه لهم وكل زول بقيف الموقف البشبهه .

الحاجة دومة لك تحياتي

ما هي معايير الشرف لديك ؟ وحاولي خلي كلامك موزون يتناسب مع سنك.

Quote: كلاكيت ( 4) محاكمة الانظمة السياسية ممثلة فى الشخوص دون إعمال النظر فى النماذج السياسية والبرامج والمشروعات السياسية والقيمية وآليات للنظام السياسي

البرامج والمشروعات الفاشلة هي التي تثمر أشخاص فاشلين مثل الذين تنتجهم الأنقاذ كل يوم . ونسبة لفشل برنامج الأنقاذ السياسي والتشريعي والتنفيذي ل::
- فجوره في الخصومة.
- اقصائه للأخر.
- قبره للحرية والديمقراطية.
- عدم وجود لسيادة القانون(rule of law) حيث يملك كل عضوفي الحزب الصفة القانونية حسب مزاجه يطبقها على الآخرين.
- القضاء فاقد للاستقلاليةو هو تحت رحمة التنفيذيين.
ونسبة لعدم وجود آلية لمحاسبةمتفلتي المؤتمر الوطني داخل حزبهم الذي يعتمد في بنيته على القبليةوالأثنية والثيوقراطية,
وعدم وجود نظام سياسي ديمقراطي تتم فيه محاكمة النظام بواسطة الناخبين فليس لنا حل غير محاكمة الأفراد لأنهم ثمار لهذه الممارسات.
ودي للجميع

Quote: - القضاء فاقد للاستقلاليةو هو تحت رحمة التنفيذيين.

لكن المعرضين قالو عكس كلامك هذا ( 1 )
القضاء السودانى اثبت عكس كلامك هذا ( 2 )

اها كمان نحن بنعرف اكثر من ناس المعارضــة ( عصام جبر الله المفلــس )


الآثار الممتدة للتعذيب، و إلى أى مدى يمكن أن يفترس وحش التعذيب صاحبه !






* دائماً حاطب ليل يحتطب بلا وعى بيكون خيراً من الاعلام الالكترونــى بتاع الحزب الحاكم ذات نفســو ..

Quote: خلاس ... تاني أي واحد يعتقلوه، ياخد صورة من بطاقة بتاع الأمن ويرسلها لينا عشان ننشرها هنا.

بس يا ابو الريش في موضوعنا دا ما في زول اعتقل مجرد عربة كانت حايمة وحتى هذه اللحظة لا يعلم احد من بداخلها لذا كان التحفظ.

Quote: مرحب بك ويا اهلا وسهلا انا أرى ان موقفه اقل سوءا من الهروب

الاخ محمد لك تحياتي

انا ارى موقفي موقف طبيعي وليس به اي نوع من السوء قليل او كثير كل ما ارجوه أن تكون الامور واضحة ومكتملة واقف بشدة مع النضال الحقيقي اما التخيلات والاوهام انا اقف ضدها لأجل معارضة قوية ومنظمة تساهم في تطوير السودان

Quote: الحاجة دومة لك تحياتي ما هي معايير الشرف لديك ؟ وحاولي خلي كلامك موزون يتناسب مع سنك.

اولا تحياتك دي لمها عليك
معايير الشرف عندي هي قول الحق في وجه السلطان الجائر
انت الانقاذ دي تعتقل تعذب مواقفك كلها جبــانه
انا كبيره احمد الله والعمر ابدا ما مسبه
ان شاءالله انت تكون لسع ما بدلت سنون اللبن .
وكلامي انا شايفاه موزون ومتناسب مع سني جدا
ولو انت شايف غير كدي تعال اوزنه
وان درت الشين تعال
محل الرهيفه تنقد .

Quote: انت الانقاذ دي تعتقل تعذب مواقفك كلها جبــانه

لك تحياتي مرة ثانية

مواقفي ليست ب########ة بل واضحة جدا وللاسف مواقفكم مبنية على المجهول بمعني قصص مجهولة ما مكتملة واذا بتفتكري تحري الدقة والسعي خلف الحقيقة جبن فأنا ######## .

اتفق معاك العمر عمروا ما كان مسبة وكلامي لا اقصد به المسبة ودائما الكبار بكونوا مرجع للناس وهم من يوجه الصغارنحو الطريق الصحيح ودائما بكونوا موقع احترام ومراجع بموقفهم الجميلة وحكمتهم.

Quote: اعتقد في الاول يجب أن نتأكد اي جهة اعتقلت بوشي هناك جهات عدة لها مصلحة في اعتقال بوشي.

اهذا ما تسميه تحري الدقه يا شوقي سليمان ؟؟
الناس تاكدت تماما انه بوشي معتقل ولدي اجهزه الامن لكين مكانه وين د هذا ما لم يكشفوا عنه
ورفضوا لامه ان تقابله قالوا ليها راجعينا بعد 15 يوم
بمتابعتي لي لولوتك اسع ح تجي راجع تقول لي القال منو دي ام بوشي ؟؟؟
ما يمكن تكون ام زول تاني ؟؟؟
. الحمد لله انه في ناس بقت توثق
وكتر خير الخواجات عملوا لينا الانترنت دي
بقينا نشوف جرائم الانقاذ صوت وصوره .
شفت الزول الواضح متل بشير احمد دا مريح جدا
بتكون عارف هو واقف وين وبتحترم اختياره
انت كل مواقفك تشئ بانك انقاذي لو ما كنت مؤتمر وطني
فما تحاول تتظاهر انها نوع من الموضوعيه وتقصي الحقائق .

بشير أحمد دي كانت مداخلتك في بوست خدر
البدق حمادة، انا ادقو دقة ، انا اقطع لحمو ، حتة حتة

Quote: Quote: ياخوي مستعدين وراكزين ؛اركزوا إنتو ؛الواحد منكم لو نهرو ساي يجي جاري يبحث عن التضامن وعوك وعاك ونشجب وندين وشنو ياكيزان ليكم يوم !!! 22سنة ياطارق ياخوي والكيزان مدلدين كرعيهم وتجي تقول لي اركزوا... خلي الشباب يمرقوا لعسس وزبانية الكيزان والشاشات البلورية دي مالا ؟ عيبها لي ؛شوية كيزان في المنبر ده عاملين ليكم خمّت نفس؛وخلو المعارضة طاشة شبكة في النت وفي الشارع. __________ تحياتي ياطارق دا قمة الإفلاس وقل ة الأدب السياسية.

كلامك أعلاه يبرهن وصف دومة .. إنك ماتربيت علي ديمقراطية إطلاقا وما هـ تعرف قيمتها..
دا بالإضافة لـ تهديدك للزميل ناصر المحسي

Quote: شوية كيزان في المنبر ده عاملين ليكم خمّت نفس؛وخلو المعارضة طاشة شبكة في النت وفي الشارع.

أسع ود الشيخ دا فااتح النقاش هنا دا من كم يوم ...وينهم شوية كيزانك العاملين لينا خمت نفس ديل؟؟..
في إنتظارهم..
ولنا عودة
أديتهم في التنك لكن يا ود الشيخ والله عفيت منك.

Quote: لكن المعرضين قالو عكس كلامك هذا ( 1 ) القضاء السودانى اثبت عكس كلامك هذا ( 2 ) اها كمان نحن بنعرف اكثر من ناس المعارضــة ( عصام جبر الله المفلــس )

اذا في معارض يثبت لي انو رئيس القضاء لا يتم تعيينه بفرمان رئاسي خليه يجي هنا

Quote: كلامك أعلاه يبرهن وصف دومة .. إنك ماتربيت علي ديمقراطية إطلاقا وما هـ تعرف قيمتها.. دا بالإضافة لـ تهديدك للزميل ناصر المحسي

اها يا ادم الحسن ان شاء الله تكون رضعت لبن الديمقراطية كلو؟

كلامي واضح :لا اؤمن بالديمقراطية عندك مانع!!!

Quote: دا بالإضافة لـ تهديدك للزميل ناصر المحسي

اسع عليك الله اهون تهديدي انا ولاّ تهديد ناصر بالقتل عديل وصراحةً.

قلت لى ما اداهم فرصة يفرحوا بديمقراطية وهمية مبينة على فراغ

Quote: أسع ود الشيخ دا فااتح النقاش هنا دا من كم يوم ...وينهم شوية كيزانك العاملين لينا خمت نفس ديل؟؟.. في إنتظارهم.. ولنا عودة أديتهم في التنك لكن يا ود الشيخ والله عفيت منك.

اهلا محمد آدم
نعم القاش مفتوح منذ مدة والناس العايزنهم الكلام فايت قعر اضانهم وعاملين نايمين.
اما:
- يوافقوا على اعتقال بوشي ويفكونا من سيرة ديمقراطية وحرية.
- أو يجو هنا او في اي مكان آخر يدينو ا هذا الأعتقال.
- أو يهربوا ودا برضو بنحسبوا موقف ونبني عليهو.

Quote: لما كان قضاة المحكمة العليا في الولايات المتحدة يُعينهم الرئيس لمدة حياتهم كلها – فان الحديث عن اجراء سياسي. فالرئيس المحافظ يُعين قضاة محافظين وبالعكس. فتركيبة المحكمة في كل وقت متعلقة في واقع الامر بنتيجة انتخابات الرئاسة ومدة حياة القضاة المتولين لعملهم.

Quote: والمحكمة الدستورية العليا في الولايات المتحدة تتشكل من تسعة قضاة يختارهم الرئيس الأمريكي ليخدموا في هذه المناصب الشديدة الحساسية مدى الحياة بعد موافقة مجلس الشيوخ. وينظر الكثير من الخبراء الأمريكيين للمحكمة (رغم سمعتها وسمعة القضاة الجيدة، على أنها كيان غير ديمقراطي).

وكذلك هولاء القضاة يتم تعيينهم مدى الحياة فى الديمقراطية الاعلى حديثاً فى العالم الولايات المتحدة الامريكية
وهم من المشهود لهم بالنزاهة ولم يقدح احد فى استقلاليتهم مع انهم يتم تعيينهم مدى الحياة من قبل رئيس الولايات المتحدة الامريكية

Quote: اذا في معارض يثبت لي انو رئيس القضاء لا يتم تعيينه بفرمان رئاسي خليه يجي هنا

Quote: بعد موافقة مجلس الشيوخ.

غير المخجوج

شكرا ود الشيخ

يبدو ان الامر تبادل ادوار
وليس موقف ثابت .... والا هنالك سؤال وسؤال

شكرا لهذا النفق المحرج

Quote: نا لم انس الأخ بدر وأعتقد أن لديه رأي واضح ضد اعتقال بوشي أورده في بوست خاص به. وبالمناسبة التقيت هذا الرجل في رمضان السابق وأصدقك القول ان وجد مؤتمرجي واحد ليبرالي في السودان ممكن يكون بدر الدين اسحاق هو انسان محترم بحق وحقيقة! بس استكترتو على الكيزان!!!هههه

up
للاهمية