Post: #1 Title: يا أيها البورداب: الى صاج السمك في ليلة رأس السنة، فهل انتم مجتمعون؟ Author: saadeldin abdelrahman Date: 12-29-2011, 01:19 PM
من الغداء (الساعة الخامسة) الى بعد المغرب، قبل البيض و الدقيق و الذي منو هذا اقتراح فاشيروا علينا ايها الناس
------ التعديل حسب اقتراح انعام
Post: #2 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: انعام حيمورة Date: 12-29-2011, 01:27 PM Parent: #1
انا وازهري اول الحاضرين ان شاء الله بعد المغرب مباشرة
والشير حقك علي وكدة بكون مرقت من عزومتك
اقتراح حلو شديد ..
كل سنة وانت وكل البورداب طيبيين يا سعود
Post: #3 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: سفيان بشير نابرى Date: 12-29-2011, 01:34 PM Parent: #2
الكلام دا المغرب حوالي الساعه كم بالضبط؟
Post: #4 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: انعام حيمورة Date: 12-29-2011, 01:39 PM Parent: #3
بعد كلام سفيان دا
خليني اعدل تعديل بسيط ..
نقول يا ابو السعود غداء يعني نحدد بالضبط الساعة 5 رايكم شنو لحدي 7 نكون خلصنا
وكل زول يمشي للحتة العايزا
رايكم شنو ؟
Post: #5 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: سفيان بشير نابرى Date: 12-29-2011, 01:53 PM Parent: #4
Quote: نقول يا ابو السعود غداء يعني نحدد بالضبط الساعة 5 رايكم شنو لحدي 7 نكون خلصنا
وكل زول يمشي للحتة العايزا
طيب كويس مدام كلامي بقى يجيب تفاصل اواصل :- مين أبو السعود دا ؟
و الغداء دا و ين ؟
ونتلاقى وين؟
Post: #7 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: انعام حيمورة Date: 12-29-2011, 01:55 PM Parent: #5
سلام يا سفيان وكل سنة وانت طيب
ابو السعود دا
د. سعد الدين عبد الرحمن (بالانجليزي)
وابوه السيد / جعفر اسماعيل (عضو المنبر) اللاقيته يوم ناس العوض المسلمي
المكان : صاج السمك في شارع 41 ودي خلاص الاستفتاء السريع بين عوضية وصاج سمك
ونتلاقى في صاج السمك في شارع 41 العمااااارااات
لوووول يا سفيان اظنك برلمتني على كبري بضم الكاف
Post: #19 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: Ahmed musa Date: 12-29-2011, 10:17 PM Parent: #7
Quote: د. سعد الدين عبد الرحمن (بالانجليزي)
وابوه السيد / جعفر اسماعيل (عضو المنبر)
كيف يعني ..؟!! إنتو يا إنعام قصة أدعوهم لآباءهم دي خليتوها ؟؟ تعرفي ؟؟ أنا كان عندي صاحبي إسمه عمر الأمين وولده إسمه عبدالرحمن العاقب
Post: #6 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: بكري الخير Date: 12-29-2011, 01:53 PM Parent: #4
وين
Post: #8 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-29-2011, 02:22 PM Parent: #6
ياخ دا كلام زي البلطي! نتلاقى غداء و لغاية المغرب ، بعدها اي زول يمشي يشوف برنامجه وين!
----- حايجيك تلفون متوافق مع اقتراحك يا انعام، موافقين على بياض و كدا
Post: #9 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: محمد البشرى الخضر Date: 12-29-2011, 02:40 PM Parent: #8
ويجي خدر يقول ليك قيقراوي خرفوكعب بعدين ماشاف سفيان دا من اسّة خرّف
سنة سعيدة للجميع مع اطيب الامنيات يا شباب مجتمعين دايما في ساعة خير ان شا الله بالله افقدوا لينا وهبة وبلغوه السلام وكثير اشواقنا
Post: #10 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: عمر موسي منجي Date: 12-29-2011, 02:55 PM Parent: #8
معاكم ان شاء الله الساعة 5 مساء و انا متكفل بي "سفرة" يعني أنا و معاي تلاتة بورداب
وكل سنة و انتو طيبين
Post: #11 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-29-2011, 03:04 PM Parent: #10
يا انعام ، انا اظن نابري بره البلد و ما عندو طريقة جية فلم يجد سوى الورجغة لبيان الحال ----- ود البشرى ، صدقت والله ، نابري ده خرفو صعب بيكون!
------ يا عمر موسى ، كلام زي الدهب و خلاني انتبه لحاجة مهمة يا شباب ، الشيئ ده ماهل و لا نقوم نحجز ولا كيف؟ بيني و بينكم بقيت ما ضامن شيئ في بلدنا دي
Post: #12 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: سفيان بشير نابرى Date: 12-29-2011, 04:59 PM Parent: #11
Quote: بيني و بينكم بقيت ما ضامن شيئ في بلدنا دي
بلاااااااااي شوف زي دا !!! يعمل فيها كانو قاعد في البلد دي و يقول لينا (بيني و بينكم )!!! بلاااااي قوم لف مالك وما البلد أنت ؟ و تاني حاجة عمنا جعفر ذاااتو مالو ومالا ههههههههههههههههههه لا كمان قال بشرع أنو أنا برا البلد !!! لووووووول
غايتو للضمان كدا انتو ما صادقين لو صادقين ما بتقول :- نتلاقي 5 لحدي 7 و بعد داك أي زول عندو مكان عايز يمشيهو يمشي !! انتو مفروض تقولوا :- اى نتلاقي من 5 لحدى 7 بعد داك إي واحد يمشي براهو يترشه بالبيض و الدقيق و الموية السااااقطه .
للضمان كدا غايتو أنا كان جيت فقطع شك داخل في زمرة دعوة اخونا عمر منجي و ابقى و احد من التلاته و نكسب الودين ههههههه
بخصوص ود البشرى ما عندي ليهو حاجة غير التجاهل التجااااااهل التجاااااااهل دا زول بهية ساااي .
Post: #13 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-29-2011, 05:10 PM Parent: #12
يا نابري خليني أنا ، انت ضامن شيئ في بلدنا دي؟ كلامك بتاع البلد و البينا دي محولة لعناية كاروشة اللي كل مرة بيقول لي انت لسة قااعد؟ ناس يحسدوا القرد على حمار خديهو! بقينا في كان جيت و اقول امكن انا الما جيت؟ يا عمك انت كان قريب في ميدان التحرير اصلك مناضل من يومك :)
Post: #14 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: سفيان بشير نابرى Date: 12-29-2011, 06:02 PM Parent: #13
Quote: يا عمك انت كان قريب في ميدان التحرير
يا راجل ما تجيب لينا النضم و خلينا في الصاج
و اجدع تلفونك بجوه
Post: #15 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-29-2011, 06:31 PM Parent: #14
يا عمك ااسمك ده ابى لينا في الدرب التحت اجدع رقمك هناك
Post: #16 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: Sabri Elshareef Date: 12-29-2011, 07:12 PM Parent: #15
اتمني للجميع سمك طيب
وامنيات بسنة تزيح كابوس العصابة من صدر الشعب
دعواتكم \ن في صاج السمك
لو الله هون ممكن اكون من الحاضرين ؟
ولو ما تسهلت في راس سنة اخري
Post: #17 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: ابراهيم بقال سراج Date: 12-29-2011, 09:29 PM Parent: #16
احبتي ...لحظات
وعامنا هذا حتماً سيرحل .. ولكن وقبل ان ينطوي اقول لكم بصدق معرفتكم
ووجودكم في حياتي هو ثروتي وحظي السعيد واعتذر اذا اخطأت في حقكم فلا
اعلم هل لعمري بقية ؟؟ ام سنرحل انا والعام سوية ؟؟
العفو والعافية للجميع دون فرز
ابراهيم بقال سراج
Post: #23 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-30-2011, 03:19 AM Parent: #17
الأخ العزيز/ ابراهيم بقال يا عمك ، ربنا يديك و ايانا الصحة و العفو و العافية و يا ريت نشوفك ابقى طيب
Post: #18 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-29-2011, 10:00 PM Parent: #16
ابو الشريف، الف مبروك الوليد و يتربى في العز و حمد لله على السلامة يا ريت والله يا صبري و ربنا يجيبك بالسلامة كدا عشان نبارك ليك وجها لوجه يا قول الترجمة اللبنانية و كل عام و انتم بخير
Post: #20 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: محمد المرتضى حامد Date: 12-29-2011, 10:43 PM Parent: #18
سألتك بالله يا سعد راس سنه مع راس سمك؟ إنت يا سعد وحلان لامن بقيت تفتش في الصاجات؟ شربوت الأضحى عرفناهو ، لكن سمك راس السنه دي جديده لنج .. سعد .. بعد دا كفاك أرجع..
-
الله يجازي سفيان..
Post: #24 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-30-2011, 03:44 AM Parent: #20
يا مولانا، سألتك بالذي (سمك) السماء بلا عمد، ده وقت يرجعوا فيهو؟ وحلان يا مولانا شديييد و دودو بي اريتو كان طار بي، قيل أن الاشتر النخعي كاد أن يحسم المعركة لصالح الامام في صفين لولا أن استعجله بعضهم بالعودة من اجل التحكيم! ذكرت الشربوت و هذا ما يعرف في شرائعكم الوضعية؟ اذى جسيم مع (سمك) الاصرار و الترصد و ما اظنك قد اتيت مسالما يا مولانا، و العايز سمكتو اليشبك شبكتو معانا و شِبك! بعدين يا الحبيب، امتى ترجع لامدر؟ مرة جونو و مرة ما عارف شنو! ده اظنو ما يعرف بالاستدعاءات و الاشارات العاجلة التي لا لبس فيها و لا غموض فأين ضابط الاكواد محطم الشفرات؟ بل اين ضابط السجن؟! اهنأ و انت بعيد يا صاحب
Post: #22 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: ذواليد سليمان مصطفى Date: 12-29-2011, 10:58 PM Parent: #18
الحضور الساعة كم
المكان -وموقع الصاج كل عام وانتم بخير حضور
Post: #25 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-30-2011, 01:57 PM Parent: #22
يا ذا اليد ازيك و كل سنة و انت طيب :) الزمان الخامسة مساء الحادي و الثلاثين من ديسمبر المكان: صاج السمك و هو مطعم كبير بالعمارات شارع 41 نراك هناك على خير -----
Post: #21 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: Ahmed musa Date: 12-29-2011, 10:54 PM Parent: #15
Quote: يا عمك ااسمك ده ابى لينا في الدرب التحت اجدع رقمك هناك
يكون محظور ..؟!!!
Post: #26 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: انعام حيمورة Date: 12-30-2011, 04:46 PM Parent: #21
يا ابو السعود
اكيد على بياض فرايت ذاااتو هههههه
يا احمد موسى والله انا اجازة كاملة ما كنت مقتنعة بالكلام دا لكن اعمل شنو .. مع الفاميلي نيم حق اليابان دا فميلي نيم اصلي ما تقليد
وكل عام وانتم بخير
يا ذو اليد العنوان ما واضح صاج السمك العمارات شارع 41 عملنا ليهو رابط في الفيس بوك لكن اسى ما في طريقة اجيبوا تعال وانت محمل بالكاميرااااات
بكري الخير كلو في انتظارك يامان
كل عام والجميع بخير وتتوالي المفأجات حينها
Post: #44 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: Gaafar Ismail Date: 01-01-2012, 07:53 AM Parent: #26
أبو السعود واصحابه آمل أن تكونوا قد قضيتم وقتا طيبا مع صاج السمك ... كل عام وأنتم تنعمون بموفور الصحة والعافية
الأستاذة انعام والأستاذ احمد موسى كل عام وانتما بخير صحيح كما ذكرت انعام فإن حكاية (الفاميلي نيم) هنا تثير بعض اللبس : مثلا إسمي جعفر عبدالرحمن إسماعيل وسعدالدين اسمه سعدالدين جعفر عبدالرحمن إسماعيل ، ولكن كما هو حاصل صار إسمي جعفر إسماعيل وسعدالين إسمه سعدالدين عبدالرحمن
مع تحياتي وأطيب أمنياتي بعام سعيد وعمر مديد.
Post: #27 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-30-2011, 06:01 PM Parent: #21
احمد موسى ازيك و كل سنة و انت طيب طلع ما محظور يا عمك ، تصدق؟ خلينا نشوفك هناك
Post: #28 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-31-2011, 06:33 AM Parent: #27
Post: #29 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: محمد عبد الماجد الصايم Date: 12-31-2011, 07:15 AM Parent: #28
عزومة مراكبية على سمكـ!!
Post: #30 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-31-2011, 07:28 AM Parent: #29
كاروشة كل سنة و انت طيب ياخ! على الحلال تتفضل معانا :)
Post: #31 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: محمد عبد الماجد الصايم Date: 12-31-2011, 08:43 AM Parent: #30
يا زول خليكـ منضبط! هسي بكلّم ليكـ أبوكـ!!
Post: #32 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-31-2011, 08:55 AM Parent: #31
يااا انعام الناس ديل شطتهم حبشية ولا اللتنا حقت الجزيرة؟ عشان لو حبشية نجيب شطتنا برانا و كدا :)
Post: #33 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: عادل خياري Date: 12-31-2011, 08:59 AM Parent: #31
سلام للبورداب بما اني ماحاسدكم على تلك اللمة الجميلة ولكن كان نفسي اجرب المطعم والذي في ظرف سنة واحدة ماشاءالله بفضل الله وادارة صاحبه عمار وصل الى ماوصل اليه ورايت هذا المطعم في تسجيل فيديو وهالني نظامه ورعة القعدة البنبرية والديكور السوداني الخالص ولو نعلمون طريقة تحضير وتنظيف هذا السمك لاكلتموه كل يوم المهم معاكم لو جادين ورونا عددكم كم واليوم والزمن وانا على يقين ان صاحب المطعم الموجود هذه الايام بولاية فرجينيا سيشملكم بعطفه وتخفيضات مغرية للبورداب ومن بكرة الصباح ح ابلغه ليكم واوريكم تخفيضكم كم من هنا وارسال كلمة السر في بريد احدكم
Post: #34 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-31-2011, 09:05 AM Parent: #33
يا عادل حبابك نحن ماشين عليهو الليلة و ان شاء الله الساعة الخامسة يا ريت لو كنت معانا شكرا ليك و لعمار تحياتي
Post: #35 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-31-2011, 09:13 AM Parent: #34
لا يفوتنا أن ننوه لأن التخفيضات تشمل كل البوردات عدا الزميل كاروشة :)
Post: #36 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: سفيان بشير نابرى Date: 12-31-2011, 09:34 AM Parent: #35
يا سعد بطل كركبه مع كاروشه دا الزول دا فردة ابوك الأنتيم اعمل حسابك بينهم شامبيون و شربوت انت قايلو زي زيك كدا؟
اها دن يا جماعه ؟ يعني نجي ولا لع ؟
الخياري دا جدع كلمة السر و ين لوووووووووول .
Post: #37 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 12-31-2011, 12:02 PM Parent: #36
يعني اقول ليهو عم كاروشة تاني؟
Post: #38 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: سفيان بشير نابرى Date: 12-31-2011, 09:28 PM Parent: #37
هووووي يا جماعه الما اكل سمك في صاج السمك دقس رسممممي
يا عادل الخياري و الله فاتك و فات عمار ذاتو لوووووول
بالمناسبة يا عادل اشكر لينا عمار دا ياخ و قول ليها و الله مكالمتك افرحتنا جداً .
رغم انو المجموعه الجاءت بسيطة شديد إلا انها كانت لحظات حلوه خالص و اهو فرحنا بلقاء دكتور عزان سعيد
سعد الدين دا ما تسألوني عنو لانو و اضح بما لا يدع مجال للشك انو بورداب الخرطوم ما حيقدروا يتحرروا منو
عمر موسى منجى برضو ما تسألوا منو لانو بقى مقيم خلاص و بعد غيبه ظهر اخونا بقال . ذو اليد شكل حضور جيد جداً و كلووووو بقيادة انعام حيموره .
يا عمار و الله الصاج عندك ماشاء الله .
Post: #39 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: عادل خياري Date: 12-31-2011, 10:18 PM Parent: #38
سلام للمجموعه المحظوظة برأس السنة السودانية البحتة في الخرطوم ولمة الاهل والحبان وفرحة زي دي وكمان في صاج السمك انت عارف ياسفيان واخونا سعد الدين انا بتكلم معاكم وكانت الساعه 3 ص بتوقيتنا وبخلص شغل الساعه 6 ص يعني آذان الصبح وطبعا ماكنت فاكر الشغلانة مع فارق الوقت نفس اليوم وماعارف اكلم عمار من قبل الصلاة عشان اقول ليه عايزين تخفيض للبورداب التوقيت غير مناسب وطبعا انا بعد 6 صباحا دي ح امشي على السرير جري الله يكفيك ورديات الليل ح اكون في سابع نومة المهم خليتها على بركة الله وانو احاول اصحي قبل مواعيدكم والاتصال بكم على المطعم بعد مكالمة الاخ عمار لكن نيتكم سليمة ووجد احد اقارب عمار البوست قبل ان اخطره وماكان من عمار الهناء عمار الكرم والشهامة الا ان رفع سماعة التلفون لكي يطمئن على طلباتكم ويكرمكم من على البعد (يعني الزول ده كان لقيتو هو شخصيا كان ضبح ليكم ولا شنو؟) المهم انا ماعايز اشكر ليكم عمار حسب معرفتي به وشهادتي ستكون مشروخة لانه عمار وكفى ولكن رأيكم بكل صراحة في المطعم خدمات ........ طعم الاكل ونكهته ... تذوق ..وديكورات ,,,,ونظام ,,,,,,معاملة زبائن ,,,,,,دون تحرج لان من راي ليس كمن سمع وانتم رايتم وسمعتم ونحن سمعنا فقط هابي نيو اير وراجع ليكم تاني
Post: #40 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: مجدي شبندر Date: 12-31-2011, 11:42 PM Parent: #39
حقا إلي السنة الجاية صاج السمك
مع الشيف نافع علي نافع
بعدين
سمك مقلي
ولا
سمك علي الفحم
Post: #41 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 01-01-2012, 01:12 AM Parent: #39
يا عادل لك التحية من الوطن العزيز، و كل سنة و انت و عمار و قريب عمار كلكم طيبين و تامين و لامين مع من تحبون، بدون مجاملة ، حال دخولك الى الصاج تشعر بارتياح من البوابة فالديكور جميل جدا و يحسسك بالالفة فالاشياء البسيطة من بنابر و طباقة و قرع و و اشكال قطاطي تعيد التوازن خصوصا للقادمين من الخارج و تنقلك لاشياء قديمة عالقة بالذاكرة من( تُكل الامهات) و المعارض المدرسية، الطعم و النظافة تحصل عندي على تقدير ممتاز، بل رااائع، الخدمات عالية و الاستاف يمنح كل اهتمامه لاي زبون داخل المشروبات ايضا جيدة جدا (التبلدي و العرديب خصوصا ) نهنئ الأخ عمار على هذا المشروع المشرف و نتمنى له المزيد من النجاح و التفوق مكالمتك و حفاوتك شرحت صدورنا و اسعدتنا جد فلكم جزيل الشكر فرحت حين علمت أن المشروع اكمل العامين الا شهرا و هو محافظ على نفس المستوى الذى بدأ به كما افادت الأخت العزيزة انعام و هذا لعمري مؤشر جيد للنجاح و الانضباط الذين اصبحا عملة نادرة في بلدنا كما يعلم الجميع اود ان أشكر جميع الاخوة الذين شرفونا بحضورهم: انعام التي يضفي وجودها على كل مناسبة القا خاصا بها، ربنا يهنيكم بنت عمي عمر موسى منجي، طلعنا معرفة و تربينا في منطقة وااحدة لهذا كانت اهتماماتنا السمكية مشتركة على ما يبدو :) سفيان نابري، الحديث معكم ذو شجون يا صاحب :) ذو اليد ، تشرفنا كثير اخي الكريم و استمتعت بحديثك عن كتم و دارفور عموم الرحالة بقال: لقيتك ما هين يا عمك و اتمنى لقاءكم مجددا بإذن الله أخيرا و ليس آخرا، مفاجأة اللقاء: د. عزان سعيد الذي تكبد المشوار رغم انه (ما زول سمك) فقط ليلتقي بأخوته البورداب، لكم جميعا وافر التقدير و عظيم الود
Post: #42 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: عادل خياري Date: 01-01-2012, 03:58 AM Parent: #41
تشكرات اخونا سعد ياريت لو نزلت لينا كم لقطة وانتو داخلين المطعم او انتو بتتناولوا في الاسماك عشان اقلاها نعيش على ريحة الصورة طالما تعذر نقلها حيا فيديو يعني ان شاءالله تكونوا استمتعتوا والف صحة وعافية ونشكر الاخ عمار تاني وتالت بس عايزين صور المطعم لو سمحت
Post: #43 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: محمد عبد الماجد الصايم Date: 01-01-2012, 07:24 AM Parent: #42
أيوا .. أنتيمو اليمين كمان!!
Post: #45 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: سفيان بشير نابرى Date: 01-01-2012, 08:56 AM Parent: #43
Quote: بعدين
سمك مقلي
ولا
سمك علي الفحم
لااااحووووولااااا مجدي بشير شبندر يازوووول أنت عايش!!! كل سنة و انت طيب
ياخ لاحووولاااا و الله شوق الشوق لمفاكرات و حوارات لم تكتمل و لا زلت اذكر اللفن تفلر و صاموئل هانتغتون بكل الخير و اسرح مع فراس السواح و الطيب محمد الطيب و نظريات الشيخ محمد الشيخ لا حووووولاااا يا شبندر
جد مشتاقين و انت تعال بس السمك دا بنقبضوا ليك بيدينا لووووووووول
يا عادل يا خياري من خياري و الله زي ما قال الزول الرقيق النحيف الظريف سعد الدين الذي كيف كيف اسمو سعد الدين عبد الرحمن و ابوهو (فردة ود الصائم الإنتيم) أسمو جعفر إسماعيل !!! لكن عااادي مش منبر بكري دا ؟ كل شئ جايز فيهو ... المهم زي ما قال سعد كل شي ممتاز زايد لطافه فى التعامل و الآدب السابقو بشاشا (بشاشا من الفرح يا جماعه) حاجة غاية في السودانية زايد تمدن حضاري ما شاء الله .
و الصور قطع شك ح تظهر من ذو اليد الفنان .
كونو بخير و يا ود الصايم تانى عِدل ع الصاج . لازال جدالها دائر على مستوى
Post: #46 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 01-01-2012, 11:35 AM Parent: #45
أين ذو اليد؟ عايزين صور الدمار الشامل هههههه
Post: #47 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: عادل خياري Date: 01-01-2012, 12:35 PM Parent: #46
سلام ودالصائم ياخي والله لله ×لله كدة تعجبني ضحكتك دي وان شاءالله ديمة مبسوط ولي كيفك ده انا متكيف ليك عشان كدة حقيقة كان نفسي تكون مع الجماعه ديل وخصوصا بعد الماشغلانة طلعت اتكلم اقول بي كم ياسعد ولا بتجيب لينا هوى على كل ياودالصايم ان شاءالله نتلاقى في السودان وعرفنا سكة عمار بي وين ولا ممكن انا اعزمك لكن لازم تلاقيني في الايام الاولى قبل مايظهروا ناس مين كدة ويعدموك حق رسوم المطار ياجماعه منتظرين الصور واخونا عمار عندو ليكم رسالة ياناس البورد لكن بعدما نشوف الصور
Post: #48 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: ذواليد سليمان مصطفى Date: 01-01-2012, 12:54 PM Parent: #47
حللتم اهلاً ونزلتم سهلاً كرم فياض وتعامل رأقي من اول وهلة وانت على مقدمة صاج السمك تكون على دهشة ورونق من الجمال حضرنا والكرم فياض اكلنا من الطازج حمدنا الله على النوايا الصادقة وبشاشة تيم العمل
خلوكم معنا لمشاهدة صاج السمك صورة وفيديو
Post: #49 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: عمر موسي منجي Date: 01-01-2012, 03:23 PM Parent: #48
صاج السمك رووووعة نظام و نظافة و خدمة راقية شكرا عمار علي حسن الضيافة و سعدنا بلقاء أخونا زول كتم الجميلة ذو اليد سليمان و اخونا "الذهبي" سفيان نابري و الاخت الهميمة انعام
وتشرفت جدا بلقاء اخوة لاول مرة الاخ الظريف المحترم سعد الدين جعفر عبد الرحمن و استعدنا معه زكريات الزمن الجميل و الاخ الخلوق الدكتور عزان سعيد والذي من محاسن الصدف طلع من أقارب " المدام" من جزيرة " كومي " الجميلة و الاخ الانيق ابراهيم بقال سراج .... لقد سعدنا والله باللقاء الجميل و البلطي الطاعم و فعلا في الاخر كان دمار شامل و كامل "للبلطي المسكين" يا سعد الدين
شكرا صاج السمك و شكرا اخونا عمار و لنا عودة ان شاء الله
Post: #50 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: willeim andrea Date: 01-01-2012, 03:38 PM Parent: #49
هسه ده عمليه تعملوها فينا.... والواحد ما متغدي عديل ....
كدي اقله الحقونا بصورة السمك
وكل عام وانتم بخير ياناس شارع 41 وبالخصوص لكل قبيلة سودانيزاون لاين .....
قال سمك قال
اكيد محبتي ليكم واحد واحد وين ما كنتوا
محبتي
Post: #62 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 01-03-2012, 12:43 PM Parent: #50
وليام اندرية حبابك و كل سنة و انت طيب كدي اتفضل لا جوة، نقعد هنا ولا نطلع فوق؟ اها قنقليز ولا عرديب؟ اها كم كيلو؟ والله شيء مبالغة ما شاء الله و اريتك كنت معانا
Post: #53 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: ذواليد سليمان مصطفى Date: 01-01-2012, 05:53 PM Parent: #49
تراث بلدنا
السلم الى الصالة في الطابق الاول
الصالة الداخلية في الطابق الاول
الفرن والصاج
الكاشير تم التعديل لعدم اظهار الصور
Post: #55 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 01-01-2012, 10:17 PM Parent: #53
يا سلااام يا ذا اليد ياخ حاجة تشرح القلب الحزين المحل ابداااع و تصويرك عشرة على عشرة. وين صور الدمار؟ هههههه
Post: #57 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 01-02-2012, 11:15 PM Parent: #49
عظيم الشرف لنا أخي عمر موسى بكل تأكيد، لا تنسى تمرنا إن بقيت قريب و حبذا لو جيت قاصد تزورنا.
Post: #51 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: ذواليد سليمان مصطفى Date: 01-01-2012, 05:16 PM Parent: #36
Post: #52 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: محمد البشرى الخضر Date: 01-01-2012, 05:19 PM Parent: #51
Quote: وسعدالدين ابراهيم
يا زوول !!
Post: #54 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: saadeldin abdelrahman Date: 01-01-2012, 09:54 PM Parent: #52
يا ابوحتوت ازيك ياخ و كل سنة و انت طيب تسلم ياخ و اكيد الخطأ غير مقصود تحياتي
Post: #56 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: انعام حيمورة Date: 01-02-2012, 09:54 AM Parent: #54
ذو اليد تطور شديد ومبروك الكاميرا الجديدة
وشكرا عمار وشكرا لكل الاستاف القابلونا بي كل ترحاب
وشكرا لصاحب المبادرة ابو السعود
وكانت لمة ظريفة شديد
وكل سنة والكل بخير
Post: #58 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: ذواليد سليمان مصطفى Date: 01-03-2012, 00:39 AM Parent: #56
Post: #59 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: ذواليد سليمان مصطفى Date: 01-03-2012, 01:02 AM Parent: #58
Post: #60 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: ذواليد سليمان مصطفى Date: 01-03-2012, 01:11 AM Parent: #59
Post: #61 Title: Re: يا أيها البورداب: الى صاج السمك في ليلة رأس السنة، فهل انتم مجتمعو Author: ذواليد سليمان مصطفى Date: 01-03-2012, 01:16 AM Parent: #60
