Post: #16 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 12-29-2011, 12:47 PM Parent: #13
Quote: بس خليهم يتلفتوا علينا عشان نبارك ليهم ..
بس اتسهل انت بارك .. و نحن بننقل المافي شنو
Post: #18 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 12-29-2011, 04:34 PM Parent: #16
Quote: لو الجيلي ياهو جيلينا دا يبقي وهاد عرفتها .
و الله لو جيليكم هو جيلينا .. او في رواية مجيدة هو جيلي القوم! يبقى هو ذاااتو ..
و بالتالي وهاده، ياها وهاد
و هم الاتنين يبقوا الجيلي و الاسرة الكريمة
-----
يقدر جيليكم يعرس وهاد .. زي ما جيلينا عرس وهاد!؟
Post: #19 Title: Re: الجيلي & وهاد .. يا لجمال الصورة يا صحاب!! Author: ودالعباسية Date: 12-29-2011, 04:54 PM Parent: #18
مبروك للعروسين ،،،،
ولكن
ما اظن دي صورتهم ،،
Post: #20 Title: Re: الجيلي & وهاد .. يا لجمال الصورة يا صحاب!! Author: esam gabralla Date: 12-29-2011, 05:05 PM Parent: #19
ألف مبروك الجيلى و وهاد صوره مبدعه و رهيبه يا ناجى و تشكر قيقا
Post: #21 Title: Re: الجيلي & وهاد .. يا لجمال الصورة يا صحاب!! Author: Osman M Salih Date: 12-29-2011, 05:36 PM Parent: #20
التحيّة لأخي العزيز قيقراوي وضيوفه الكرام . والتهنئة مزجاة للعروسين الجيلي أحمد و وهاد ابراهيم .
Post: #22 Title: Re: الجيلي & وهاد .. يا لجمال الصورة يا صحاب!! Author: أمين محمد سليمان Date: 12-29-2011, 05:58 PM Parent: #21
بالله الجيلي فصاحتو دي كلها و ما كان متزوج ؟! الشئ التاني إتصدمت جدا لمن شفت صورتو و طلع بلا صلعة !! عموما مبروك للعرسان و ربنا يجعلو بيت مال و عيال !
Post: #26 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 12-30-2011, 11:31 AM Parent: #22
Quote: بالله الجيلي فصاحتو دي كلها و ما كان متزوج ؟! الشئ التاني إتصدمت جدا لمن شفت صورتو و طلع بلا صلعة !!
هو عليك الله البتفاصح منو غير غير المتزوجين يا امين!؟ دي عكستها ياخ!
----------
اما مسألة الصلعة دي فاديهو سنتين تلاتة بس .. انت قايل صلعتي دي وراثية أول؟ ياخ ابوي -الله يرحمو - توفى عن 67 سنة وهو يتمتع بشعورٍ طيب جداً .. ابيض (؟) .. لكن في!
Post: #25 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 12-30-2011, 10:43 AM Parent: #21
استاذنا عثمان محمد صالح
Quote: والتهنئة مزجاة للعروسين الجيلي أحمد و وهاد ابراهيم .
الله يبارك فيك ياخ
عقبال كل الحبايب
مع الشكر و المحبة
Post: #24 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 12-30-2011, 04:22 AM Parent: #20
Quote: صوره مبدعه و رهيبه يا ناجى
الصورة الكبيرة ارهب ... كلو رهيب
صورة محتشدة
عريس رهيب و عروس ارهب
كمية من الجمال و الحب
ربنا يهنيهم ياخ و يخلي لينا الملك الصائد الماهر .. الما بتفلت منو لحظة مكثفة زي دي بدون توثيق
Post: #23 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 12-30-2011, 00:41 AM Parent: #19
Quote: ما اظن دي صورتهم ،،
كتلتني بالضحك يا ود العباسية و الملك دا اتخيلم و لّ كيف!؟ طيب يا ناجي ما تورينا الشديدة دي من وين ؟
-----------
الصورة دي كمان في ي ي السودان الشغيغ ضاحية الدخينات .. جنوب الخرطوم DC
Post: #27 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 12-30-2011, 12:33 PM Parent: #23
مسابقة البوست
في الصورة خطا برتوكولي - اجرائي- واااحد فات على ابطال الفلم الرومانسي دا .. و حتى على المخرج لا يفسد للود قضية .. او قول غطاهو الحب و الجمال الطاغي .. واحد خبرة و خيت يطلعوا لينا ؟
الجائزة شبال بصلعة البروف .. لا تدعوا الفرصة تفوتكم
Post: #28 Title: Re: الجيلي & وهاد .. يا لجمال الصورة يا صحاب!! Author: عمار سيد احمد Date: 12-30-2011, 06:09 PM Parent: #27
رغم اننى لم اتشرف بمعرفة الجيلى الا اننى لى مع وهاد عشرة صداقة جميله فهى تحمل كل الصفات (البيقولها ) الحبوبات (بت بيوت وست الادب وست البنات ) لها منى كل التحايا ومبروك للجيلى فديننا يقول الطيبين للطيبات مع خالص الامنيات بحياة زوجية سعيدة من كل قلبى عمار تلودى
Post: #32 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 12-30-2011, 10:28 PM Parent: #28
Quote: رغم اننى لم اتشرف بمعرفة الجيلى الا اننى لى مع وهاد عشرة صداقة جميله فهى تحمل كل الصفات (البيقولها ) الحبوبات (بت بيوت وست الادب وست البنات ) لها منى كل التحايا ومبروك للجيلى فديننا يقول الطيبين للطيبات مع خالص الامنيات بحياة زوجية سعيدة من كل قلبى
يا عمار كدا اضفنا زول من اهل العروس بي جاي ما بعرفوا الصفوة (وهاد) .. كرييم اوف ذا كرييم كل بورداب سودانيز اهل الجيلي بس
شكرااااان ياخي و الله يبارك فيك
-------
بالمناسب يا شباب هنا العروس كتابة بشااااكل!؟ ح نجيب نماذج المافي شنو؟
Post: #29 Title: Re: الجيلي & وهاد .. يا لجمال الصورة يا صحاب!! Author: عمار سيد احمد Date: 12-30-2011, 07:29 PM Parent: #27
رغم اننى لم اتشرف بمعرفة الجيلى الا اننى لى مع وهاد عشرة صداقة جميله فهى تحمل كل الصفات (البيقولها ) الحبوبات (بت بيوت وست الادب وست البنات ) لها منى كل التحايا ومبروك للجيلى فديننا يقول الطيبين للطيبات مع خالص الامنيات بحياة زوجية سعيدة من كل قلبى عمار تلودى
Post: #30 Title: Re: الجيلي & وهاد .. يا لجمال الصورة يا صحاب!! Author: Magdi Ahmed Elsheikh Date: 12-30-2011, 07:46 PM Parent: #27
Quote: في الصورة خطا برتوكولي - اجرائي- واااحد فات على ابطال الفلم الرومانسي دا .. و حتى على المخرج
العريس بشمالك يا العروس والا ما كدة باقيقا...!!
تنفع مدرب ومخرج كمان...!!
والف مبرووك للاخ الجيلي ووهاد...!!
عقبال لصبري ...!!
المافي شنو...!!
Post: #31 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 12-30-2011, 09:08 PM Parent: #30
Quote: العريس بشمالك يا العروس والا ما كدة باقيقا...!!
لووووووب يا ريت! عكستها يا عمك دا الوضع البرتوكولي الصحيح .. كما جاء في الكتاب .. لكن اظن لانو جيلينا دا يساري .. عشان كدا!
عملت بحث في المسألة دي .. بحث (علمي) في قوقل (صور) .. و مال ايه!؟
اها يبدو لي جيلينا سرو باااتع .. و ما براو
---------
ربنا يوعد صبري و زهير و بكري الخير و بقية العزابة ان شاء الله يضوقوهو
Post: #33 Title: Re: الجيلي & وهاد .. يا لجمال الصورة يا صحاب!! Author: Magdi Ahmed Elsheikh Date: 12-30-2011, 10:45 PM Parent: #31
Quote: ربنا يوعد صبري و زهير و بكري الخير و بقية العزابة ان شاء الله يضوقوهو
اميييييييييييين...!!
Post: #34 Title: Re: الجيلي & وهاد .. يا لجمال الصورة يا صحاب!! Author: محمد عبد الماجد الصايم Date: 12-31-2011, 09:11 AM Parent: #33
يا سلام يا قيقا ياخ! أول مرة من فترة طويلة الواحد يقرا ليكـ بوست كامل!!!
غايتو فرّحتنا تب في الجيلي! فرح لا يخلو من شماتة بكل تأكيد!!
ألف مبروكـ يا الجيلي ووهاد ألف مليوم مبروكـ ياخ!
_ أما فيما يختص بالخطأ .. يكونوا ماشين عكس القِبلة؟
Post: #35 Title: Re: الجيلي & وهاد .. يا لجمال الصورة يا صحاب!! Author: Magdi Ahmed Elsheikh Date: 12-31-2011, 01:19 PM Parent: #34
Quote: يا سلام يا قيقا ياخ! أول مرة من فترة طويلة الواحد يقرا ليكـ بوست كامل!!!
_ أما فيما يختص بالخطأ .. يكونوا ماشين عكس القِبلة؟
صدق يكون بخطط لمكتبه...!
ساعدنا بالتشكيل ياعمك.....!!
شوف الواطه قيها شنو..!!
ارفع راسك هيبة و......
المافي شنو..!!
Post: #36 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 12-31-2011, 01:48 PM Parent: #34
غايتو فرّحتنا تب في الجيلي! فرح لا يخلو من شماتة بكل تأكيد!!
------
عريس ما شيلتو، اصلو ما تقول لي فرحت فيو!
و اسال لو ما عارف
(وش باسم ذو نواجز بيضاء .. بارزة)
Post: #37 Title: Re: الجيلي & وهاد .. يا لجمال الصورة يا صحاب!! Author: أديب عمر جاد الرب Date: 12-31-2011, 02:20 PM Parent: #36
الف مبروك لاصدقاء الكلمة...
الجيلى ووهاد
وعقبال باقى الشباب....
شكرا...الجميل قيقراوى
Post: #38 Title: Re: الجيلي & وهاد .. يا لجمال الصورة يا صحاب!! Author: طارق جبريل Date: 12-31-2011, 02:41 PM Parent: #37
يا الله ياخي يا قيقا ديل ناس بطعم الجمال كله الله يسعدهم بقدر الجمال الحولهم
Post: #43 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 01-01-2012, 10:30 AM Parent: #38
Quote: يا قيقا ديل ناس بطعم الجمال كله الله يسعدهم بقدر الجمال الحولهم
آمين يا مغاربي
------
اسمع انا بالنهار ما بقدر امشي بهناك .. اختف رجلك لي بهناك .. ؤ كان لقيت اي صورة جديدة نزلت برّنا بيها بي جاي ياخي
Post: #39 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 12-31-2011, 06:24 PM Parent: #37
مبروك يا ديب للاديبة الاريبة وهاد
Quote:
الف مبروك لاصدقاء الكلمة...
الجيلى ووهاد
ياخ هنا عاوز اعمل ملحقي لسلسة كتابي بي وهاد ابراهيم محمد
Quote:
واسعة وضيقة, طويلة وقصيرة, ضاجّة وساكنة, ظليلة ومكشوفة, ممهدة وطبيعية, قديمة وحديثة.. شوارع.. محض شوارع إستضافتنا.. فكنَّاها على رحابتها بالآدميين العابرين والحيوات الباقيات فيها منذ الأزل, الى حين زوال. قاسمها الأوحد.. مطرزةٌ جنباتها بأبواب البيوت.. وفضاء يعجُّ بالحياة. ما بين رمل, حجر, أسفلت, وبقاياه.. ما بين حر يشابه تمام الإستواء, وبرد يغازله المطر.. ما بين ضجيج يحيد بك عن جادة الإحتمال, وسكون يكِلُكَ الى معزوفات الروح.. ما بين شارع يسحبك اليه, وشارع يسحبك اليك.. حقيقةٌ وحيدة كانت تطلُّ برأسها ما وجدت الى إنتعاشها سبيلاً.. (هنا نستضيفُ الحياة).
Post: #47 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 01-01-2012, 02:03 PM Parent: #42
Quote: مبروك هنا برضو يا أصدقائي الرائعين
مرحب بيك بي هنا يا ريس
------
ما يشهوا العرس عليك الله؟
قال ود بادي ولّ القدال ما اقوليك:
ان طعم العرس حلوٌ و لذيذ .. وهو راحات .. و اقداح نبيذ.. و بعده الخوازيق حتماً ستأتي .. ثم ضربات البلنتي .. و بطانٌ كالنمتي.. هي تصرخ بنتي .. بنتي و أنت تصرخ حنّي .. حنّي
لوووووب دا ما الجنن بوبي ذاااتو!
Post: #48 Title: Re: الجيلي & وهاد .. يا لجمال الصورة يا صحاب!! Author: Magdi Ahmed Elsheikh Date: 01-01-2012, 02:23 PM Parent: #47
Quote: ما يشهوا العرس عليك الله؟
قال ود بادي ولّ القدال ما اقوليك:
ان طعم العرس حلوٌ و لذيذ .. وهو راحات .. و اقداح نبيذ.. و بعده الخوازيق حتماً ستأتي .. ثم ضربات البلنتي .. و بطانٌ كالنمتي.. هي تصرخ بنتي .. بنتي و أنت تصرخ حنّي .. حنّي
لوووووب دا ما الجنن بوبي ذاااتو!
لو خرفت ح تقول شنو ...............................!
Post: #45 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 01-01-2012, 11:36 AM Parent: #41
Quote: بس الوصية فى الذمة تانى نمن تجئ اريزونا ما تجئ ببنطلون عليهو صور مايكل جاكسون ههههههههه
يخسيي ي ي ي على البروف الاصلع!!
هو قايل نفسو قدرنا ولّ شنو يا سوفي ناب!؟
مايكل جاكسون عديييل كدا!؟
----
انا كيفتني رشة صاحبي الكوز اللنج الدكتور الاصلع التاني دا!
Post: #46 Title: Re: الجيلي & وهاد .. يا لجمال الصورة يا صحاب!! Author: Magdi Ahmed Elsheikh Date: 01-01-2012, 11:42 AM Parent: #45
Quote:
انا كيفتني رشة صاحبي الكوز اللنج الدكتور الاصلع التاني دا!
Post: #49 Title: Re: الجيلي & وهاد .. يا لجمال الصورة يا صحاب!! Author: طه إبراهيم عبد الله Date: 01-01-2012, 02:28 PM Parent: #46
مبروك للعروسين
تصحيح البرتوكول المافي شنو ؟
Post: #51 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 01-01-2012, 04:39 PM Parent: #49
Quote: تصحيح البرتوكول المافي شنو ؟
مافي كلمة ..
جيلينا كدا ما بقى يميني لكن!؟
Post: #52 Title: Re: الجيلي & وهاد .. يا لجمال الصورة يا صحاب!! Author: عبدالله الشقليني Date: 01-01-2012, 05:15 PM Parent: #51
ألف مبروك *
Post: #53 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 01-01-2012, 10:43 PM Parent: #52
استاذنا الشقليني
Quote: ألف مبروك
الله يبارك فيك ..
و بارك الله لهما
Post: #54 Title: Re: الجيلي & وهاد .. يا لجمال الصورة يا صحاب!! Author: محمد ادم الحسن Date: 01-02-2012, 00:38 AM Parent: #53
ألف مبروك للعروسين...
__ نحن كنا واقفين وين ياللخو قبال الكيزان مايطفوا النور؟ عموماً حبيت أقول ليك كل سنة وإنت طيب إنشاء الله سنة حلوة عليك . و
أمسك دي :
لسه سايب لك .. نور السلم.. يمكن ترجع آخر الليل.
Post: #55 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 01-02-2012, 09:57 AM Parent: #54
Quote: لسه سايب لك .. نور السلم.. يمكن ترجع آخر الليل.
عليك نوووووووور .. و موية و حق البامبرز .. و قفة الملاح يا عريس
دا طبعاً بعد ما يجوا المطاميس .. و يعدوها ليك ابشر .. ابشر يا عريس! يفرحوا هم .. و يخلوك واقف براك و الهم عصف
-----
طويلةٌ هي مشاويرنا .. الاترشفن خلهن .. اقرع القاعدات في المنبر العام .. تعال نتباحث في الامور ذات الاهتمام المشترك .. مؤسسة الزواج دي مثلاً!
Post: #56 Title: Re: الجيلي & وهاد .. يا لجمال الصورة يا صحاب!! Author: نهلة محكر Date: 01-02-2012, 12:28 PM Parent: #55
صديقة الحروف الندية كما أنتي فراشة الحروف كنتي في ثوبك الأبيض الزاهي
وهاد .. جيلي هنيئاً لكما بكما ..
شكراً قيقا
Post: #57 Title: Re: الجيلي & وهاد .. يا لجمال الصورة يا صحاب!! Author: قيقراوي Date: 01-02-2012, 02:49 PM Parent: #56
Quote: صديقة الحروف الندية كما أنتي فراشة الحروف كنتي في ثوبك الأبيض الزاهي
وهاد .. جيلي هنيئاً لكما بكما ..
مبروك لصحبتك يا نهلة
ربنا يهنيهم يا رب
Post: #58 Title: Re: الجيلي & وهاد .. يا لجمال الصورة يا صحاب!! Author: الملك Date: 02-28-2012, 00:37 AM Parent: #57
قيقراوى
... الف مبروك للزوجيين السعيدين بكون اتاخرتا شديد على الاحتفاء بهما كعريسيين :) ... مدروش يا قيقراوي واهو الواحد بقى مختصر على الفيسبوك ومتواصل مع القلة الهناك
شكراً :) لجميل ما كتبت اعلاه واسفي على عدم الحضور ...باكراً
