_____________________________ حسي كان جا زول كرر سواتكـ دي تعولقو عولاق
Post: #3 Title: Re: عايز أبقى شاعر حُر..تبقوا معاي؟ Author: خالد عبد الله محمود Date: 12-28-2011, 03:16 PM Parent: #1
شنو مركب مكنة زهير الليلة ؟ نويت العرس و لا شنو ؟؟
* لو بقيت جادي شوية كده كان القصيدة طلعت حاجة ما تخلص
Post: #4 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 12-28-2011, 03:24 PM Parent: #3
بلاهي الزمن دا كلو انت كتا شاعر عب
كدي نتحرر معاك شوية :
جيت من الدغش المنور سما الليل المضلم نهارات الصقيع اتدفى بي نار المجوس اسمع تراتيل ميلاد جديد واحزن حزن كل البلاد
مسحتني امي ودكا معطرا فشقوق اقدامي اكبر من اقدامي و تاليات زماناتي اشقى زماناتي فالفقد واحد و الجرح المين
فانفض جناحات المطر و اسرج مصاهيل السفر ارجع وراك تلقى البلد مشتاقة ايدين تزرعا تمصر مياه مطر السموم اصلو الخريف وقف لواري الثورة عطل مشاوير الرجا المك دفين انتا المطر ... انتا المطر تحت السما
Post: #5 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-28-2011, 03:25 PM Parent: #1
إرتياح.. إهداء إلى روح صديقي في كهنوته و روحه الطاهرة رفرفت في سموات طاهرات.. إلى سعدون..
وسمعت صوت الكركبة.. نبهت سكان القبور.. الموية ناس الكهربا.. أوعاكو من دفع الرسوم.. شفعنا ناس المدرسة..كمين جنيه حق الفطور.. حق النضافة براو كمان..وجنيه عشان ست إبتسام.. وأحححيا من ست إبتسام..والقهوة ترشف منها.. واللون هو زي نعسان كده..لأ بل نام عديييل والحنة تسمع ضحكتا..وناس القبور متمحنين.. إمكن عشان ست إبتسام ما زارتم.. اليوما ديك جاتم تردد في تراتيل المسيح.. وقل هو الله أحد.. جاطت الحاجات هناك..والقبور ما هي القبور.. حتى المعازيم إتأخروا.. والدافنة كانت غنيتين.. وانا لسة بسمع صوت الكركبة..
Post: #7 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-28-2011, 03:43 PM Parent: #5
يا حمد لكن لقيتك حر عدييييل كده.. إنت كنت بتلعب في نادي الأحرار؟؟
يا عمران وخالد إتحرروا معانا شوية عليكم الله..إنتو ما حرين ولا شنو؟ :-)
Post: #8 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 12-28-2011, 03:53 PM Parent: #7
دي حالتي بكتب و انا مداوم لوصحيت ليك بكرة مع شروق الشمس و اديتا مشية ناحية الكورنيش بالف ليك كمين ديوان شعر حر
هاك الحرورية
يا شجرة التوت الانيق طال انظار النار و آلام الحريق الجوف رطن رقصن بنيات الفريق رقصة الوجع البيرجع تاني لي كهف الاماني يدسدس المحرات ضحى ويرمى طورية الامل يفتح شبابيك الرمال ينسج خيوط العنكبوت سهر يكتب دميعات الليل سهر يرجى الضحاوية يجن بنيات الفريق يرقصن رقصة الامل الرفيق قبل الطريق
Post: #9 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-28-2011, 04:12 PM Parent: #8
يا خليل إستخدام كلمة " مسبحة " جدا عميق.. مرحب بيك في نادي الأحرار..
Post: #10 Title: Re: عايز أبقى شاعر حُر..تبقوا معاي؟ Author: Salah Abdulla Date: 12-28-2011, 04:41 PM Parent: #9
يا عمر أنا باقي معاك ونص وخمسة .. هاك دي تصبيرة كده لحدي ما اتفرجخ في ضل الحِس الضيّع شارع الرجعة الما بيتشاف (مقدمة ما بطالة)..
أنا ماني شاعر .. إلا حُر ، فوق رأيي ، سيداً بلداً عديل.. أسألوا الضل البيتلبد يحاحي لي زمن الوصول.. واسألوا الوصلوا .. ومحطات الغياب الدافنة في طرف الفريق شوق البنية الراسمة في حدق الحِيط ... قمر النهار والطالعة من قعر المخيخ ، هبشة ندي.. أرجاكي كيف.. وأنا شوقي زي خط الدبيب مرات يدقش في الخواطر .. ومرة ينساهو الطريق.. يا قايمة من هدب المشي ،، قولي لي بس خاطرك فدع.. أو بالعدم يرجع صداك.. زي نورس الليل الطليق شايل مساحات الوجع .. وإنتي الفزع يوم تدلهم ريحة الدعاش .. وإنتي الضرا يومي الأحس بالارتعاش يا انتعاش.. يا إنتعاش .. يا إنتعاش..
يمين ما تقول كلمة ، شيلها كده بي صمة خشمها .. وما في شكر بيننا ، نحن أخوان ياخ ، وده أقل واجب معاك.
Post: #11 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-28-2011, 04:55 PM Parent: #10
والله يا صلاح ولااا كلمة..ده الشغل البفتش ليهو زاتو.. شكلك ح تبقى رئيس النادي.. حباب إنتعاشك يا وديع
Post: #12 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-28-2011, 05:10 PM Parent: #11
ونستريح مع الحر الفصيح..
يا تلكم الأنوار ويحك أقبلي.. يا من سألتم عن جراحات النشيد.. الآن...قد حان ألرحيل..الآن ليلي ينجلي.. ما عاسكم فاعلون؟؟ بل ما لصمتي قائلون؟؟ هل أسكرت كلماتيا كأس الحروف؟؟؟ هل مزقت أهوائيا جوف السكون؟؟ لا تقولوا..بل ماذا أنتم فاعلون..؟؟ الغدر منتشر على قارعة الطريق.. والجثة البلهاء ترقد في الحريق.. وأنا أهرول كالغريق.. النار تتبعني وكل العيون.. وحبيبتي نائمة في سكون.. ما درت برياح أمشير قد ضجت هناك.. مسكينة وهي التي برياح أمشير إحتمت.. فلا أمشير عاد ولا صوت المآذن قد صمت.. وانا أدخن الأرجيلة البلهاء..نفس العيون تطاردني.. وأسافر بين دخانها وأشتاق الرجوع..
عمر الفاروق..في إحدى ليالي شتاء تموز الدافئة
Post: #13 Title: Re: عايز أبقى شاعر حُر..تبقوا معاي؟ Author: محمد عمر الفكي Date: 12-28-2011, 05:22 PM Parent: #12
صاحب البوست وضيوفه سلام عليكم يا عمر ممكن اتكلم مع صاحبي عمران دا شوية؟ انت يا عمران الزول البقيتو شاعر دا ياهو عمر الفاروغ ولا واحد غيره؟ بالله البوست من ما جيت داخل ضلمة الزراق بس ما شايف اي حاجة. الشاعر الفاروق انا جنس كلامكم دا ما بعرفوا انا زول بطانة بس لكن ان كلامكم دا وشعركم دا زي حقنا في نهايتو بجيب ليهو جلد ادوني خبر، عندي سوط عنج عنسيت مسقى قطران ، لما ينزل في الزول بشيل الجلد وبخلي محلها حفرة معاها شخيط زي بتاع الفرامل حقت التفحيط في الزلط، اها ان وصلتوا مرحلة زي دي ادوني خبر. هسي حاجة في ذمتك فرح ود تكتوك دخلو شنو في الموضوع دا؟ ولا بس لقيتو ضلعة رفهيفة. يا اخي مسعول من الخير انت وعمران دا؟ صاحبنا الشفيف ابو عمر معتصم دفع الله وين الحي بيهو؟
وكت هو كدا .. مخليين مدني النخلي و نضال حسن الحاج و أزهري محمد علي متفسحين في عباد الله ليه
Post: #15 Title: Re: عايز أبقى شاعر حُر..تبقوا معاي؟ Author: Salah Abdulla Date: 12-28-2011, 05:48 PM Parent: #14
هو الما كده شنو يا حسين . مش ياهو اللصيق ده ، والا شيتن تاني .. عليك الله خليني أجارى - لاحظ لغة الشعراء والمثقفين دي - أجاري عمر ده نزل له قصيدة بالعربية الفصحى رهيبة .. لكن هاك دي يا حسين عشان تآمن بالحُر ..
وأنا هنا .. أتوسد الأهوال ،تجرفني على غسق الحقيقة والشرف .. وإنتِ هناك .. تتلهفين سماع قعقعة السيوف المشرعات على المدى .. تتأوهين ، وتسرعين اللهث نحو فجر الأمنيات المستحيلة.. وأنا هنا .. أتأبط النجم الذي التمعت بوادره .. وما درى أنني خبأت سطوته هناك.. هناك فوق تذكاراتك البمبية.. وحوطته ، من سموم الناس ، من عقاربه المنقوطة.. وأنتِ هناك.. تستقبلين لواعج القلب المنفخ بالجوى والأمنيات ، وبعض أوهام الضنى وأنا هنا .. أطالع طالع الحظ المرصع بالهبوب وأصارع السحب المُطرِّزة سفح جبل الأغنيات الضائعة.. وأنتِ هناك.. تترقبين قيام قائمة القوافي الرابطة.. الحالكة الباذلة، جهد الوان الغياب المرتجى.. وأنا هنا ، وأنت هناك وأنا وأنتِ هنا وهناك .. هنا وهناك .. هنا وهناك..
Post: #16 Title: Re: عايز أبقى شاعر حُر..تبقوا معاي؟ Author: ناذر محمد الخليفة Date: 12-28-2011, 06:25 PM Parent: #14
عمر كيفك
ممكن أشارك ؟!!
طبعا أنا سبقتك وكنت حر شدييييد في المسألة دي .. منفتح عدييل كدة في الحاجات دي .. يعني هسي وأنا بقرا في قصايدك الحريرية دي .. طوالي راودني الحنين لي سنوات مضت في المنبر دا .. إتذكرت قصيدة كنت أهديتا قبل كدة لي أستاذنا واديبنا عثمان محمد صالح .. وهسي وانا بفتش في الأرشيق لقيت كمان جمبها قصيدة تانية .. ما عارف كتبتها انا ولا ما أنا .. أصلي بعيد عنك قصايدي الحريرية دي بنساها طوالي أول ما أنزلا ..
على كل حال ديل هم القصيدتين ارجو أن تستمتع وجمهورك الأحرار بهذين :
الاولى من تأليفي الخالص :
من ديوان غرغرة الغرغرين في الزمن الحزين
(الغريبة الديوان دا ما فيهو إلا أغنيتين بس ... دي والغنية التحتا الشاكي فيها حقتي ولا ما حقتي .) !!
جاييكي يا درة الصحراء ووميضا الجاية من تعب الجراحات والمسافة طالعة من جيشا مكسر في دواخل الفرح المكجن يا ماشة من تاريخ بلادا كرهت في جواك العساكر نضالا تمحرق في ضفاف مدنا مولعة في منابر الحوار والإنحدار ######ا تمرق في دواخل شعب جاي من لهيب الانتطار ..
وبرضو راجيكي .....
برضو راجيكي يا زمن فرقة مواعين النضال المتعبة الجاية من شمسا تحرقت في عيون املا مرقرق في جوف تعبا ملهلب في الخواطر طارد في شواطين الكدر معشعش في حنايا الإحتلال ..
ودي التانية الفيها نفسي .. ونفس الإصطايل من نفس خيل القصائد :
في ظل تخاريف الحقائق والوطاويط السواد ...
انبطح النضال على عناقريب الغسيل ...
وكتبت عنك سكة الوهم الرحيل ...
يا لوري هوستن جر فينا نور طويل ...
وين ناس ابراهيم بقال الخليل؟ ...
وين ناس عمر فاروق شيخ الدين ...
البلد عدمت الرجال ...
وجدي جكس جواهر وامثال ...
والبنات ببحثن عن شوايب في كشاتين النوادي ...
وبي هناك جدي عرس ليك هنادي ...
جاتني زي ديك عدة الحافلة المطارد بالعكاكيز والهواجس ...
وجوني بيتين من شعر ...
واحد اجار والتاني فسحة فيها نيمة ...
نيمة من زمن الاذاعة على الهوى ...
وياهوى سرحت ليك شعري اتكوى ...
وكواني ليك شوق البنفسج للزبرجد ...
واعتبرتك مستحيل ...
اختفيت من الفتيحاب عديل ...
ورحلت ام بده السبيل ...
وسمعت مني شعر جميل ..
يا علة الزول العليل ...
يا منبر الحاير دليل ...
وانحنا مشغولين بي شباشب سنا الشول البيض ..
جونا عابرين الحدود...
يا خروف جلد القدود ...
اتمكيج الضب بالدلال ...
حتى الضبابين في في وداعك اتحنكشت ...
كل البنات اتشلخت ...
كل الحريم إتجلطت !!
أرجو أن تستمتعوا ...
Post: #17 Title: Re: عايز أبقى شاعر حُر..تبقوا معاي؟ Author: ناذر محمد الخليفة Date: 12-28-2011, 06:39 PM Parent: #16
دي برضو لقيتا في الارشي كاتبا عضو إسمو رحيم سوداني :
بس والله ما عارفة نوعيتا شنو ؟ حرة ولا .. آآ آآآ هو عكس حرة شنو ؟!!
يا كديسا جرا فوقنا انبهارات العشم يا حبيبا قلنا ليهو سيب مراحات البهم يا قدر مكتوب علينا فوق أراضينا ارتسم يا منجض كل غنمنا بي ملاحات الندم يا حقيقة عشنا ليها رغم انبوب العدم
ينقطع ضهر المسافة وتبقى يا عثمان خرافا وتبقى قمريات حنينة متنا من شدة قضافا يا كدايس عشعشت في النيل ضفافا يا طنابير فرتقت من عبرى أشكالات رعافا وختت القمري الملجلج فوق مراحات الرهافة
يا عسيمين كان مرادنا وكان ظرافة وكان لطافا انت يا الهارد ملاسي وناس سجيمان القيافة خلى قلبك بين شطورك وانقلب جقرا معافى
Post: #18 Title: Re: عايز أبقى شاعر حُر..تبقوا معاي؟ Author: فدياس نجم الدين Date: 12-28-2011, 06:48 PM Parent: #16
صلاح عبد الله
علي بالحرام كان قلت لي الكلام ده كاتبه عاطف خيري كان صدقتك يا زول كان بقيت في السودان شوف ليك صاحب يوصلك الشروق ولا النيل الازرق انت شاعر حداثي من الطراز الرفيع
اها عمر الفاروق زي ما قالوا الاخوان فوق عندك مقومات الشاعر ( الحر ) بعدين ياخي خلونا نقول الحداثي عشان ما تجيبوا لينا الهواء لكنك ماخد الموضوع هزار لو صنقعت ودنقرت ولبست بنطلون جينز ######ان وشرابات خضراء وعملت ليك شعر طويل او تفه بتبقي شاعر حداثي لا يشق له غبار اسمح لي بالاستظلال في فيحاء شعرك الوريف
Post: #19 Title: Re: عايز أبقى شاعر حُر..تبقوا معاي؟ Author: ناذر محمد الخليفة Date: 12-28-2011, 07:00 PM Parent: #18
فدياس ..
Quote: وعملت ليك شعر طويل او تفه
المحطة دي فاتا عمر بدري ..
قصدي هي فاتتو ...!
Post: #21 Title: Re: عايز أبقى شاعر حُر..تبقوا معاي؟ Author: فدياس نجم الدين Date: 12-28-2011, 07:25 PM Parent: #19
ناذر ما مشكله ممكن يحلق صلعه بالموسي ويبقي زي الجميل الشاعر والممثل جمال حسن سعيد بمناسبه جمال دي احب اهدي قصديته ( زوله تفتح الروح ضلفتين ) لزميل البورد المتأزم ابو الزهور
تم قبول عضويه الاخ حمد في نادي الاحرار
فدياس ناقد ( حر)
Post: #20 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 12-28-2011, 07:04 PM Parent: #18
بمناسبة سبحة خليل العميقة دي اديكم واحدة حرة فصحي لجدتي مسبحة اخرى عميقة تعبئ اشواقا لملاقاة اله لجدي مركوب مرهق مشى الف مشوار و مشوار لجدتي محفظة مفلسة عبئتها حرمان زمانات العسكر لجدي عراقي ابيض لم يورثني اياه ابقيته ليصبح كفني واخذت المحفظة و المركوب و نسيت المسبحة في زحمة احلام و طفقت اجرى خلف سراب اعماني بصري المي يؤلمني فالمركوب لم يعد يحملني بعيري يعوي و كلابي تسري نحو نهاياتي كلابي لا تملك وقت لمحطات وبعيري قد كره الزاد العنزة طارت ... طارت ولكن ركت بعد فوات
Post: #22 Title: Re: عايز أبقى شاعر حُر..تبقوا معاي؟ Author: ناذر محمد الخليفة Date: 12-28-2011, 07:38 PM Parent: #20
فدياس ..
رايك شنو في صورة بروفايلي الحرة الجديدة .!!
ما أنفع عليك الله شاعر حر بدل عمر الفاروق الوشو بيبدا من نص راسو ..!!
بالمناسبة ..
في شاعرة حرة لا تأكل من ثديها دايرة تهدي في البوست دا ..
ممكن ؟!!!
Post: #23 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-28-2011, 08:00 PM Parent: #22
الأخوة الأحرار لا مرحبا بكمو ولا أهلا فالدار داركومو وأنتم منزلو.. وتحية حرة كما الأسود الحرة لي ناذر الحر.. ونرحب بي ضيف شرف النادي الحر الأخ ملاسي ونقول له : الساعة الآن الواحدة إلا كابوس..
كما ولا يفوتنا أن نشكر الوريف المستظل بشجرتنا الوريفة فدياس.. وصراحة كده يا فدياس إسمك ده حر شديد وبيعمل لينا شغل ما ساهل للنادي..فخلينا نستخدمك سكرتير للنادي..
مخرج.. وأنا أهرول ماشيا..وحبيبتي خمرية الشفاه.. تتسكع في شواطئ الغربة محتضنة بقايا الحسكنيت.. أشتاقها كرشفة ماء في عيون طفلة بريئة..فهل تعود؟
Post: #25 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 12-28-2011, 08:17 PM Parent: #23
اشكرك عميقا اخ فدياس ان اعجبك هذا الشعر الحر العميق جدا هاك الحراية دي اكان مشوكش امش اكشحا في وش المشوكشاك و عافيها ليك اسمع : طرقت ابواب ساحاتك اخبرني ورعي عنك و عن جزع رفاقي من تعداد مطاراتك ساءلت اضواءك خطواتك زجرتني اصداء عبائتي لم تحرجني لم تخرجني اخرجني عشقي احرجني شوقي دربك معشوق ناسك اسمر غرته انهاد طيف محروق ترك الغار و اطلق لحيته خلف صدى مسروق طلقتني ثلاث ثم ارجعتني ارجعتني ثلاث ثم طلقتني ضاق الغار على الناسك فكفرت بعشق الارض ورجعت بررت لوجعي احزاني استعرت هروبك ترياقا و لبست محارق دم ازرق بارد و خليتك لي يومك يا بعشوم عشق الذات ( انتهى )
عمر و الله الليلة حررتني حرير اله يحررك دنيا و اخرة
Post: #26 Title: Re: عايز أبقى شاعر حُر..تبقوا معاي؟ Author: Salah Abdulla Date: 12-28-2011, 08:27 PM Parent: #23
Quote: صلاح عبد الله علي بالحرام كان قلت لي الكلام ده كاتبه عاطف خيري كان صدقتك يا زول كان بقيت في السودان شوف ليك صاحب يوصلك الشروق ولا النيل الازرق انت شاعر حداثي من الطراز الرفيع
يا فدياس إزيّك،،
والله كان ناس عاطف خيري بيكتبوا زي هضربتنا الفوق دي ، وبسموه شعر ، فالرماد كال حماد.. يا فدياس ياخ (حداسة) بتاعت الساعة كم؟؟ الشغل العملو عمر في البوست ده - بالمناسبة - يحمل رسالة أمينة صادقة بعيد مداها (أبوعركي) وهي إنو البسموه الناس شعر ده ، وفالقيننا بيهو ومضيعين ورق وطباعة واخراج نحن بنلعبوا ، ونحن مستلقون على ظهورنا، ومحتضنين اللاب توب ونعتبرو رد على مداخلة واحد من الاخوان ، لا أكثر ولا أقل أها عليك النبي زي ده بيسوه شعر!!!
يا أيها البتكتبوا شعر حر (حديس): أرحمونا يرحمكم الله ، واستفيدوا من زمنكم في حاجة كويسة .. ___ الآن نواصل ما انقطع من شعر (حديس) وحر ودعرب.. المايك معاك يا أبوالشباب.
و الله حروريتكم عجبتنا و فرحتنا شديد و الواحد عايز يشارك بس انا شاعر حر في المربعات و الله حر جد عن أب فيها فرايكم شنو ؟
عموماً هاكم دا نموذج للمربعات الحرة :-
جيت بالوادي اسوي فك غشيت ناس أم عمسيب طفر لقيت كــلــبهم مسنن سنونو زي قرن الموز يا الييد قبال الكراع.
و شكرن
Post: #30 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-28-2011, 09:48 PM Parent: #29
ولا بأس بي تحرر إنجليزي
Heeey man!!! what wonder you are i missed her so far.. but think of it as gift and don't take the lift.. let me give you hug.. then let me drink it in mug.. no body knows.. please ..please..leaving those i bleave it is polatical.. but keep it as a historical.. i love you..you within love with him.. both if you dancing.. I'm alone.. waiting in the stone..
with my best regards..
free club....
Post: #31 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 12-28-2011, 09:48 PM Parent: #29
اسمعو دي اسمعو دي عليكم الله
ادفقك موية مطر و اسرج الوجع المساهر بيك سنين و مراوحك خايفك تفيق تلقى المراحيل رحلت نشوق شيدت بيناتنا حيطان شوق غريق يشرق مساهو مع الدمر العشق حي في داخلي في داخل مسام الارض موقد رميض نيرانو رابض في الخيال سارح مع الاغنام يحاسب ابليسو ولد يرقص مع النار الديار سالت شموع خرجت جموع اتمرمطت حرات جدعت صراعات توبا وطلعت تطالع ظلمة الدقن المحننة بي قفا البلد الحريق ريحة الجريد محروقة بي نار جبخانة سالت ملت عطرت كل زقاقات الفريق
اوعاك تاكل لقمتك براك بتخنق بتخنق
حر و للا ما حر
Post: #32 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-28-2011, 10:16 PM Parent: #31
إنتظار..
راجياك معاك.. مستنياك..ولقيتني ماف.. وانا في رجاك.. ما فاضية ليك..لكن بخاف.. متأخرة ومن بدري جيت..حسب المعاد.. مستنية ولكن مشيت رغم البعاد.. وبقولا ليك..ما تسمعا..بس أفهما.. ما بنتظر تاني الوهم..برجاك في سكة عشم.. أحضني..لكن بس زح بعيد...ما تبوسني شان ما افقدك.. وتعال أمش..أو ما تمش خليك قريب.. وانا في رجاك..
Post: #33 Title: Re: عايز أبقى شاعر حُر..تبقوا معاي؟ Author: Salah Abdulla Date: 12-28-2011, 10:16 PM Parent: #29
Quote: إن وقع صلاح إدريس على هذا البوست الكنز يا صلاح؛ فسيغني سيف الجامعة حتى ينفقه!
بالله القصة وصلت للدرجة دي ياحسين!!! شكلنا كده - رغم الجيّات الكتيرة - طولّنا من البلد.
التعديل : فدياس قال لي ما (تنقد) زي ديك خليل. هو أنا زااااتي مالي ومال النقد.. مرحب مرحب بالأحرار..
Post: #34 Title: Re: عايز أبقى شاعر حُر..تبقوا معاي؟ Author: سارة عيسى أحمد Date: 12-28-2011, 11:03 PM Parent: #33
جابت ليها تنقليزي يا عمر الفاروق ..طيب
My friends I am free... As a bird The sky is the limit It doesn’t matter day or night... Because the light... Is coming from the bottom of my heart... If you with me it is OK Otherwise, draw a line and stay away... Far...Far a way The sky is the limit The sky is the limit... Peace...
Post: #36 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-29-2011, 00:33 AM Parent: #33
بهذا نعلن أنه تم تعيين الأخت الرفيقة سارة عيسى أمينا لدائرة المرأة بنادي الاحرار.. إضافة لنهامها في اللجنة القافية..
يا بت نن وردة عبيرك فاح.. يا بت يا نخلة مع الأفراح.. يا سامقة وشاترة ضفيرة حسك.. يا الما معنية تعالي أدسك.. ما جواي لكن في قلبي وفي الشريان.. الطالع منو صدى الأحزان.. والراجع ليهو زفير العبرة.. هي الحارقة الجوف في حس النبرة.. يا بت يا نبرة..وما في السطر..
Post: #37 Title: Re: عايز أبقى شاعر حُر..تبقوا معاي؟ Author: Rawia Date: 12-29-2011, 02:42 AM Parent: #36
الملاحظ شعرك في غاية الرزانة ياعمر كيب ذا قوود جوب
Post: #38 Title: Re: عايز أبقى شاعر حُر..تبقوا معاي؟ Author: القلب النابض Date: 12-29-2011, 02:54 AM Parent: #36
فتفتوا مصاريني الله يفتفت مصارينكم بالضحك
يا لكم من شعراء من شعب بني الاسافير
يضربون الاخضر ويرسمون الدخان في الهواء
ويبرطعون في الشعر كما تبرطع حمير الحسانية في برسيمها
وان سألتهم يقولون ووب علينا ووووب علينا ثم وووب
الله قادر
ـــــــــــــــــــــــــــــــــــــــــ شاعري المفضل عمر الفاروق " عنوان بوست الربع الجايي"
Post: #39 Title: Re: عايز أبقى شاعر حُر..تبقوا معاي؟ Author: nazar hussien Date: 12-29-2011, 04:36 AM Parent: #38
إن وقع صلاح إدريس على هذا البوست الكنز يا صلاح؛ فسيغني سيف الجامعة حتى ينفقه!
(التوقيع: حسين ملاسي)
Post: #40 Title: Re: عايز أبقى شاعر حُر..تبقوا معاي؟ Author: Salah Abdulla Date: 12-29-2011, 05:30 AM Parent: #39
عن إذنك يا سارة عيسي عايز ( أسمكر ) قصيدتك دي (ترجمياً) عجبتني عشان حروريتا زايدة شوية ... قالت سارة ( بالعربي ):
يا فردة هوي .. أنا حرة زي طيراً بيلحق فوق بعيييييييد.. حدو السما... ما فارقة .. كان ليل كان نهار ..... عشان الضو ده طالع من نخاشيش القلب.. يكون كويس لو بقيت قدامي هسي.. غير كده .. خليك بعيد يافردة ، وارسم ليك شخيت.. خليك بعيد .. بعيد.. بعيد.. بُعد السما..
والله قمة الرومانسية يا سارة.
Post: #46 Title: Re: عايز أبقى شاعر حُر..تبقوا معاي؟ Author: سارة عيسى أحمد Date: 12-29-2011, 06:58 AM Parent: #40
Quote: والله قمة الرومانسية يا سارة.
تسلم يا أستاذ صلاح والواحد سعيد إنو وصل للعالميه وقصائده أصبحت تترجم للغات وكده ..
وهاكم فصحي كمان المافي شنو :
وتسالني ما الذي أهواه فيك ..
كل ما فيك يا سيدي يستهويني ..
لذا قررت أن لا أمارس عليك جنوني ..
واعلنتك منطقه منزوعة السلاح في حياتي ..
لا تمرد ..لا عصيان ..بل خنوع وإستسلام ..
وتسألني ما الذي أهواه فيك ..
كل ما فيك مميز ..
وأنا أكره العادي في كل شئ ..
الملامح العاديه ..
نبرات الصوت العاديه ..
وأمقت الصور الكربونيه ..
Post: #41 Title: Re: عايز أبقى شاعر حُر..تبقوا معاي؟ Author: سفيان بشير نابرى Date: 12-29-2011, 05:32 AM Parent: #39
طيب يا جماعه مدام ما اشتغلتو بالمربعات الحره هاكم دا شعر حر نرجسي ادونا رايكم :- يا لهذه الحكايات الفريده الحكايات الممدة العريضه كما شاطئ البحار كما شتاء قاااارص دون غطاء و أتوه بين أشياءئها كما سنجاب غابه كل حكاية تلغي بالتفاصيل لاخرى لا تنفك تغزل خيوطها هكذا ... هكذا غزل حصيف لبق و أنا بين خيوطها تلك و بين الرغبة في الإنعتاق اسردب ظهري مره و مرات إنحنى للعاصفه ربما تمر من ذات اليمين أو ذات اليسار ما لهذه الحكايات الممدة لا تنتهي؟ و مالها مبهرجة الحلي ؟ أو ليس لها شيئاً تعمله ؟ يا حكايات اخرجى ... لك عني و ظلي هنااااااك فانا ما شغال بيك كتير و اكسبي زمنك احسن ليك .
Post: #42 Title: Re: عايز أبقى شاعر حُر..تبقوا معاي؟ Author: khaleel Date: 12-29-2011, 06:00 AM Parent: #41
بين الالق والهوية
مقاربات المسافة
قصة الشوق الترف
البنية التشرقك
بنزيف الامنيات
تمشي من جواك تجيك
تسمو بيك وتنسي نفسك والذكريات
تسري روحك سرمدية
ويسكت صوت البندقية
في وطن الزيف والوجع
تلقي حس صوتك رجع
Post: #43 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 12-29-2011, 06:24 AM Parent: #42
الكتابة والقصيدة تعبر عن كيونونات ما يجيش في خلجات النفس
مدها وجزرها
ليس لها زمان او مكان
فقط تنتظر لحيظات المحاض
Post: #44 Title: Re: عايز أبقى شاعر حُر..تبقوا معاي؟ Author: Salah Abdulla Date: 12-29-2011, 06:46 AM Parent: #41
شوفو البلاغة الحرة الحداسية في قصيدة (سيد البيت) الشاعر الحر عمر الفاروق هاكم المثال الحي ده، لمنظومة (المتضادات البلاغية) يرجى ملاحظة الكلمات المتضادة باللون الأحمر مع الشرح..
راجياك معاك.. (شوف بالله قاعدة معاهو ، وفي نفس الوقت منتظراه) مستنياك..ولقيتني ماف.. ( مستنياه ، وجا لقاها لكن ما لقاها... مبالغة) وانا في رجاك.. ما فاضية ليك..لكن بخاف.. متأخرة ومن بدري جيت..حسب المعاد.. ( جاتو بدري ، لكن متأخرة ، ياخي بلاغة مبالغة) مستنية ولكن مشيت رغم البعاد.. ( لاحظ الخيالات هنا ، مستنياه لكن مشت) وبقولا ليك..ما تسمعا..بس أفهما (وهنا استخدم الشاعر لغة تانية حينما أورد كلمتي القول ، وعدم السمع، قد تكون لغة تخاطر،،، شئ عجيب) ما بنتظر تاني الوهم..برجاك في سكة عشم.. أحضني..لكن بس زح بعيد ... ما تبوسني شان ما افقدك .. (شوف صيغة بلاغة تضاد الحضن ، والزححان-مدهش- لكن البوس ما عندنا فيهو كلام) وتعال أمش..أو ما تمش خليك قريب.. وانا في رجاك..
المتابع الكريم، يبدو أمما بصدد ظهور مدرسة شعرية بلاغية تضادية حرة وإحقاقاً للحق، ومنح كل ذي حقٍ حقه، فسنحفظ للشاعر المرهف عمر الفاروق حقه الأدبي والتاريخي وقد تحمل هذه المدرسة إسمه، البعيد شنو!!.. هذا ووصيتي للمتشوعرين أصحاب الدواويين بالتهيؤ لتناول كميات من وجبات النيم الطازجة.
Post: #47 Title: Re: عايز أبقى شاعر حُر..تبقوا معاي؟ Author: سارة عيسى أحمد Date: 12-29-2011, 07:42 AM Parent: #44
اندياح :
مدخل أول :
بتذكرك كلما صفق الخريف ..سقط ..لقط
وكل ما البنيات للضفائر فرتقن ..
كل ما العصافير الحزينه لأعشاشن رجعن ..
وأنا في محطات الانتظار ..
بين العشم والمحال..
بشوفك سراب ..رهاب ..رهاب ..
نفسي كان استعير من حرفك قوافي ..
ومن عمرك منافي
..وإحتمال ..
مدخل تاني :
وبين الوجعه ..وقروش الصرفه إتمدد حريق ..
والجانا من تالا الوطن ..
تتلقاهو سمواتنا المظلمه ومنسيه ..
ويا بت يا غابه ومرضيه..
بتين بقيتي للدفاتر والتلتله ..
وما بين ممنوع الدين وسيد الدكان ..
إتمدد إحراج ..
Post: #48 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 12-29-2011, 08:30 AM Parent: #47
اتكاءة على نيل ازرق تبقى معي ما بين موعد مضروب و رمية سفة استعيريني دفقا ناضبا الفظيني سفة صبح ناعم لا زالت ليلة الامس طازجة غير ان كاسي فرغت وجدول ايامي يجري خلفي و بيني و بين موعد رحلتي كاس وازرار قميص ابيض افعل ذلك و يتبقى جزءا آخر من صورتي الكاملة النيل اخضر و عشبه ابيض الطحالب ما عادت اوراقا وضفادعه تسبح عكس التيار لو لم يتبقى منك سوى اصبع ومقدار انوثة لكفاني ذلك كل مساءاتي فالمياه حارة لا تحتمل ترهات ضفدع ضفدع ضفدع ضفدع
Post: #49 Title: Re: عايز أبقى شاعر حُر..تبقوا معاي؟ Author: ismeil abbas Date: 12-29-2011, 08:31 AM Parent: #47
يا عمر يا عزيز....إنت صحيت لقيت نفسك حر وإتمغيت وإندحت...
ليس ممثل الشاعر الحر الذى كان يمشى فوق كبرى الحرية والنهار حر وهو متحرر من كل قيود الدنيا وحرر أكثر من قصيدة منتهى الحداثة...خليك حر محل ماعايز تحر حر..
Quote: وأنا أهرول كالغريق..
ده سباح بعوم فى شارع زلط...أم عداء بهرول فى سطح ماء.؟
لكم التحية بوست تحفه.
Post: #56 Title: Re: عايز أبقى شاعر حُر..تبقوا معاي؟ Author: قيقراوي Date: 12-29-2011, 11:30 AM Parent: #49
يا صلاح و سارة .. بعد اذنكم
اعتقد انو سمكرة نص الاستاذة سارة يا فنان لسة فيو طعجة.. لانو الفتلة في الشاصي اساساً
Quote: Otherwise, draw a line and stay away... Far...Far a way
اقترح تعديل شاصي النص لـ:
Otherwise, make a line and stay Faaaaaar behind it...
إت ما حدثوك ولّ شنو!؟
التوقيع سمكرجي قيقا شمس .. او كما قال زهير
لووووووول
Post: #51 Title: Re: عايز أبقى شاعر حُر..تبقوا معاي؟ Author: فدياس نجم الدين Date: 12-29-2011, 09:42 AM Parent: #44
صلاح ياخي ركز في الشعر وسيب النقد للناقد الحداثي فدياس لكن بيني وبينك لقيتك نقاد تقول ديك خليل بديت قصديتك كويس لكن في القفله ضاع ليك الدرب فشنو ننتظر منك اعمال تانيه عمر الفاروق شكرا على الثقه الغاليه والاسم اعتبره حقك واتصرف فيهو زي ما عايز وعاش تضامن الشعراء الاحرار
Post: #50 Title: Re: عايز أبقى شاعر حُر..تبقوا معاي؟ Author: نعمات حمود Date: 12-29-2011, 09:36 AM Parent: #41
الاخ عمر الفاروق والمرور الاحرار و.....
ما بقدر على الشعر ولكن ممكن اكون ناقدة كاقتراح اول اها يا سفيان بشير قصيدتك الاخيرة دي لا فيها مدخل اول ولا تاني ولا فيها نص (مجوبعة )حاول رتب افكارك وجيبها لينا بنقبلا منك
وبرضو بعد اذنك يا عمر الفاروق القصائد دي كووولها انا حاشتغل عليها الحان وكدا هنا معانا الدكتور والملحن الكبير الكوباني ومن هناك عندنا احمد المك وممكن في حالات الفلس صلاح ادريس ويا اتحاد المهن جاتكم فنانة (نعمات الخليج )او (نعمات دبي )ما بختلف في الاسم الاتنين مغريات وبجيبو حقهم .....اها بكون فنانه كبيرة وبحقي كلمات والحان ........احرار في احرار
الساحة الفنية ما حتاكلو معاي ولا برسيمه واحده
لكم محبتي
Post: #52 Title: Re: عايز أبقى شاعر حُر..تبقوا معاي؟ Author: سفيان بشير نابرى Date: 12-29-2011, 09:51 AM Parent: #50
اول حاجة أنا جني وجن النقاد ديل لانهم ما عندهم شغلة غير ينتظروا شعرنا الحر و يجوا ينقدو !! الشي التاني الناقد التمام في نظري هو الناقد البشكرني و الله دا حسن منو مافي .
فيا نعمات دبي كان عايزة إي تعاون شعري بينا صلحي نقدك دا معاي و تعالي زولة شكير سااااي و الله اردمك شعر تقبضي بيهو الساحة من عنقرته .
يا جماعة شعري دا ما تهملوهو و الله دى فرصة ما بتلقوها .
اتيممته شطر الموج ضراك و أنا جاي من شامة عصر الرحيق سحابات من بريق الآلفه و الحب و الصفاء ما قلته يومي البدخلك بسكن كل البرحات اتربس قفص الفواد جواك و اتوهطك نمة من عشق الصباحات الندية و مقيل تمام 24 ساعة هيام ودون قيام أنا اصلي من مفرق عمرك بقيت من ضحكتك فيني أشرقته و مرقته فووو في ها الحياة داقشته .
Post: #53 Title: Re: عايز أبقى شاعر حُر..تبقوا معاي؟ Author: فدياس نجم الدين Date: 12-29-2011, 10:26 AM Parent: #52
صديقي الشاعر الحر سفيان نابري احسب انك دخلت الحداثه من اوسع ابوابها حالما قلت ( اتيممته شطر الموج ضراك) فاهم ادوات الشاعر الحداثي مثل هذه المفردات التيمم والموج والضراء والشطر بكل فروعه فمرحبا بك في نادي الاحرار حفنا ما حق الرشيد بدوي عبيد فدياس سكرتير النادي بامر الريس عمر الفاروق
Post: #54 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-29-2011, 10:38 AM Parent: #52
إحتفاء..
تبا لكم..لا بل عفوا جزيلا.. يا من جعلتم كل ذلك مستحيلا.. سفيان وراوية..وقلبنا النابض إسماعيلا.. سحقا لكم وجمالكم يزدان كل يوم.. وانا وحيدا هنا أغرد كما البوم.. فيا طائر الشؤم عد.. ويا ريحانة الفجر أبزغي..لكن ما فيني.. ملعون أبوك وسبعين كلللب..طلعتي عيني.. يا وااطية جمر الإنتظار.. يا ######ة واقدة جواي نار.. يا معفنة ويا الروعة زاتا.. يا عقدة يا كل البساطة.. انا في رجاك قييلت لي حد الصباح.. بين السكوت والإندياح.. بين السرير والمستراح.. أمشي وأجي..ومزنوق شديد في كيف تجي.. تاوقت من بين الشقوق..إمكن ملامحك لي تجي.. رقراق قوامك لي ظهر..يا بت سمنتي أقول أجي؟؟ أجي؟؟ أجي؟؟؟ وبنات أمي حالفين عديييل ما يسمعو.. وعيني بكن حلفن عدييييل ما يدمعو.. وانا لسع محتفي.. بي ها الحضور الكان أنيق ومختفي.. بي كل زول مليان غنا .. وبيكي إنتي.. يا بت من قهوة ..
Post: #55 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-29-2011, 11:05 AM Parent: #54
نعمات الشارقة.. عندنا ليلة شعرية يوم الإثنين القادم سنتناول فيها بعض التجارب الخليجية في الشعر الحر وسيكون معنا الشاعر السعودي مطي بن سلمة المطيري فممكن تطلعي ليك عمل عملين.. أرجو التنسيق مع فدياس وسارة عيسى لمزيد من التفاصيل
Post: #57 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-29-2011, 11:57 AM Parent: #55
خليل يا حبوب..إنت جعلي؟؟؟؟ يسعرك ده حر شدييييد.. وأهدافك السامية لكتابة الشعر زادت من أسهمك داخل النادي وزاحمت بل ربما تفوقت على صلاح وحمد..
Post: #62 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-29-2011, 12:58 PM Parent: #57
العمل الجاي ده بهديهو لكل زول قبض جمر القضية وتشتو قام رماها..ما عشان التشة حارة لكن إستهوته رائحة الشواء
إطناشر وجعة وبوليسين..
لي وين ماشي وكيفن ومتين؟؟.. شاورت الغيم؟ مش إمكن تنزل مطرة تبل الحتة؟ أو إمكن باعوض يتلم و ياكل الجتة..؟ الغيم ده حنين لكن غدار.. عادي..بدل الموية ينزل نار.. عادي..يخلي الحتة جمييلة شديييد.. وعادي يخلي الحتة كئييبة شديييد.. عااادي حبيبك يكون عصفور في الإيييد.. وعااادي عشرة الشجرة هناك راجين.. ما مضمونين لكن بي الغيم هم دفيانين.. راجين جيتك ما منتظرين.. وعصفور الإييد لو طار منك هم يفدوك.. سبعة يجوك.. طارت واحدة..وفاضلات إتنين.. يشاورو الغيم..يا غيم نمشي؟؟ ولا نطير زي الأولى..؟؟ والغيم إحتار..كيفن يختار..؟ لو طارو الووب ولو مشو ووبيين.. عصفور غلبو ..كيف حال عصفورين.. وإحترت انا.. يا رب أمشي؟؟ وكيف وأمتين..؟؟ والغيم محتار.. بطلت المشية خلاص..
Post: #58 Title: Re: عايز أبقى شاعر حُر..تبقوا معاي؟ Author: سفيان بشير نابرى Date: 12-29-2011, 11:59 AM Parent: #55
و أنا بين ضجت هموم الأنتظار راجيك مشرع للهموم طفرتي زي حلماً بشتهي و قلته خالاااااص اكيد دي هي السوسنة النرجسه المااااا بتنتهي الكل خطاي ماشاااااه عليها منها و ليها دوااام تبتدي ست الغنيوات البكاري ستي و ست كل شي يا بت مضفره بالراز و معطره منيّ فيّ ما خلااااص انتهي الزمن الطشاش و مشينا أولات خطئ
ـــــــــــــــــــــــــــــــــــ نشكر الناقد النحرير جداً فدياس و نقول ليهو :- أيييييييييييي دا الشغل دا الشغل
كما نشكر الشاعر الحر و أمير الشعراء الاحرار عمر الفاروق أن جعل هذا ممكناً
Quote: عندنا ليلة شعرية يوم الإثنين القادم سنتناول فيها بعض التجارب الخليجية في الشعر الحر وسيكون معنا الشاعر السعودي مطي بن سلمة المطيري فممكن تطلعي ليك عمل عملين
وبعد الليلة الشعرية الخليجية، الرجاء إقامة ندوة عن الادب الروسي المترجم. موضوع الادب الروسي ده ساهل جدا ما بيغلبكم. أنا بعرف واحد نجر ليهو ديوان كامل مترجم.
واصلوا، إستمتاع حد الإشباع
Post: #59 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 12-29-2011, 12:10 PM Parent: #55
يا سلالام ياخ .. كنت متاكد انك زول مليان ... بس احب اضيف واتمنى تغيير عنوان البوست من ..عايز أبقى شاعر حُر..تبقوا معاي؟ .. الى .. عايز أبقى شاعر هُر.. تهُروا معاي؟ هُر هرارك وامتعنا يا صديقي ... وانا بهُر معاك بالافتتاحية دي :
هَرار يمني فُت القدام هَرار وما اتغسلت .. قمت والسلام رحيتك تفوح .. والهم يروح تدخل نخاشيش المسام من غير كلام يستمتع الاصحاب معاك ويباروا دربك بالهرار الما انكشف ولا انفرز وسط الزحام اطرش ..! لا .. استفرغ الاحوال .. ولونه البني لاح وانا يا صلاح تعبان مغص تعبان مغص تعبان مغص . . . . تعباااااان مغص
حياكم الله معشر الحُرين. لقد شنفتم إضنينا. والله صحي.
ليس هنالك ابدع مما قرأت في طي هذه المساحة. إلي الأمام، قصيدة، قصيدة، بيت، بيت، إستانذا، إستانذا، عنترة، عنترة. لا تراجع للأمام، وإستمروا في متاهات الإبداع.
Post: #61 Title: Re: عايز أبقى شاعر حُر..تبقوا معاي؟ Author: Salah Abdulla Date: 12-29-2011, 12:57 PM Parent: #60
ابوات النازية تدك رحم مدينتنا حتي نشتم عبير الموت والطفل يصارع جدار الرحم الأم يصرخ والأم تئن وهتلر ياتينا يطل عبر التلفاز صوته مصحوب بهدير مدافع في جوف الليل والشيخ يبحلق في الجندي المنتصب امامه وهو مهدود الحيل يصارع وحش الفقر الخانس في الجلباب وقد طفح الكيل لكن الزهرة لاتعرف طعم البارود وقد نبتت فوق حطام الحرب تبث العطر كي تهزم عبق البارود فالعطر ابداً لا يُهزم في بعض مكان...
في الأ مكان حين تكونين تضيع كل التفاصيل تندغم في الفراغات الفضفاضة تتقوقع الحداثة مخلفة ما يلتهم العمر كل البوارج التي تضرب في بحر الدماء ما هي إلا فيض إعزاز لم تكتمل حلقاته يا لزمكانيتك النرجسية في ارضٍ غفراء ما بين أهداب فكرتك و الواقع طار عصفور خيالك من غير و اجهة لماذا لا تستكينين لنعلن صوتنا لنفترض رقصة راعفه ضد هذا النشاذ الحق اقول لك :- هذه الوصلة القادمة لك وحدك فكيفما تريدينها افعلي فأنت من تستحقين كل ما تبقى من أغنيات لك ما تتمنينه كااااملاً غير منقوص فكوني في الأماكن كلها هي لك و تليق مهرجانات للتواصل ودعي لنا ما نشتم من عطرك ودعي لنا الحريق
Post: #70 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-29-2011, 03:39 PM Parent: #68
نرحب بالأعضاء الجدد في نادي الأحرار ولكم منا قبلتين بنكهة الهيل وطعم الوسواس.. ونخص الأخوان وليد المبارك وود المدير وإن كنا نعيب على ود المدير صورة البروفايل التي لا تتماشى مع شروط النادي..أي نعم هو نادي حر لكن ما لي درجة العمة والشنب..ونرجو من الأخوان في لجنة الإنضباط توزيع روزنامة النادي على الجميع.. ومبدئيا فيما يتعلق بالزي نوضح الآتي.. 1.الأعضاء من الرجال: 1.1بنطلون جينز مشروط في الركبة اليمين.. -لا يشترط لون أو ماركة محددة- 2.1تي شيرت سادة كم قصير مصحوب ببعض الرسومات-يفضل صورة بوب مارلي أو جيفارا- 1.3 الشعر المنكوش مع قليل من الشيب -يوجد إستثناء للصلع الوراثي-
2. الأعضاء من النساء: 1.2بلوزة مقاس 12 كم قصير جدا مع طرحة تعلق على الكتف كحد أقصى.. 2.2 إسكيرت جينز بي جيوب خلفية ضيق وتحبذ الخطوة البي الجمبة.. 3.2 ميج بني مع تحديد للحواجب ولا يشترط أحمر الشفايف..
شروط عامة: - تفضل الأحذية الجلدية للجنسين - لا يحبذ سب الدين ويمنع التلفظ أمام الرفيقات.. - التدخين مطلوب للجنسين.. -
ممكن اشارك ولالا لكن دا ماممكن يكون انا اصلي زي شاعر كدا انو المسير في سكتك اصعب وزي بلع الدوا لكن خلاص ممامشت ريحة الوجع رجع الكلام المتنسي بكاني في عز الفرح خلاني زي شايت غلط وصوتي زي دلوكة باقة في نهارات المغيب وحسيس كلاب ضلت طريق عاضيها جوع عضت جنيات الفريق عدمت شويات الحقن ودا كلو في صفق الشجر لمن يحت مشتاق يهوهو للمطر وانا لسه في زمن السعر بشكيكي لي طوب الارض القاهو زعلان من زمن لا لامي في اسمنت يعدل وقفتو لا السيخ رضى سافي الاسف تنباك مورم شفتو ولمن خلااااااص الم الصفاقات القديم ذكرني ليك قربت افارك سكتك ----------- ياجماعة الخير دي محاولة بسيطة انا عارفها لاترقى لانضمامي لنادي الاحرار لكن دخلونا معاكمان شاء الله غفير
Post: #72 Title: Re: عايز أبقى شاعر حُر..تبقوا معاي؟ Author: أمير فتحي Date: 12-29-2011, 04:29 PM Parent: #71
قميل أوي يا فاروووء
Post: #73 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-29-2011, 04:32 PM Parent: #68
نرحب بالأعضاء الجدد في نادي الأحرار ولكم منا قبلتين بنكهة الهيل وطعم الوسواس.. ونخص الأخوان وليد المبارك وود المدير وإن كنا نعيب على ود المدير صورة البروفايل التي لا تتماشى مع شروط النادي..أي نعم هو نادي حر لكن ما لي درجة العمة والشنب..ونرجو من الأخوان في لجنة الإنضباط توزيع روزنامة النادي على الجميع.. ومبدئيا فيما يتعلق بالزي نوضح الآتي.. 1.الأعضاء من الرجال: 1.1بنطلون جينز مشروط في الركبة اليمين.. -لا يشترط لون أو ماركة محددة- 2.1تي شيرت سادة كم قصير مصحوب ببعض الرسومات-يفضل صورة بوب مارلي أو جيفارا- 1.3 الشعر المنكوش مع قليل من الشيب -يوجد إستثناء للصلع الوراثي-
2. الأعضاء من النساء: 1.2بلوزة مقاس 12 كم قصير جدا مع طرحة تعلق على الكتف كحد أقصى.. 2.2 إسكيرت جينز بي جيوب خلفية ضيق وتحبذ الخطوة البي الجمبة.. 3.2 ميج بني مع تحديد للحواجب ولا يشترط أحمر الشفايف..
شروط عامة: - تفضل الأحذية الجلدية للجنسين - لا يحبذ سب الدين ويمنع التلفظ أمام الرفيقات.. - التدخين مطلوب للجنسين.. -
Post: #74 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-29-2011, 07:07 PM Parent: #73
يا زول ما ساكت وزي ناضم.. لو كنت نضمت تسوي شنو؟ هو الزول لو ساي ما كان ساي.. مش كان الدنيا بقت لونين طعم الحاجات بقا زي مشتاق؟
مرحب بيك في نادي الأحرار إضافة جديدة إضافة لمهامك الأمنية التي ستوكل إليك لحماية النادي..
Post: #75 Title: Re: عايز أبقى شاعر حُر..تبقوا معاي؟ Author: سارة عيسى أحمد Date: 12-29-2011, 08:06 PM Parent: #74
فتح الباب :
انعتاق ..إنهزام..ضجيج ..وبهار
كسبره وجنزبيل ..
كاروشه في القلب والطحال ..
وخليني أفطك مره صاح ..
سطر ..سطر
يا لوحه مزاجي المعكره ..
ريحه شاي لبن مقنن ..ونيل
يا ود يا مبهم ومنبرش
رزع الباب في وشك :
مشاويرك مكدره مغبره ..
والجزمه ضيقه وكعب عالي..
وأنا تهت في إحتمالات الوصول ..
والجيه ليك زي الرجوع ..
Post: #76 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-29-2011, 10:14 PM Parent: #75
يا سارة معليش بس مستواك بقا في النازل في أعمالك الأخيرة وبديتي تلخبطي بين شعر الأحرار والكلام الساي..أي نحن أحرار لكن لازم نتحرر بي فهم.. انا في إنتظار فدياس وصلاح لتقييم أعمالك الأخيرة ونقدها..
Post: #77 Title: Re: عايز أبقى شاعر حُر..تبقوا معاي؟ Author: Salah Abdulla Date: 12-29-2011, 11:14 PM Parent: #76
صاح.. سارة شكلك بتأسسي ليك في مدرسة تانية ، لم تتبين ملامحها بعد وملاحظ سفيان وناذر برضو ماشين على نفس نهج مدرستك
في المدرسة دي القصيدة (الحرة) لازم يكون عندها هدف (حر) ومضمون (حر) وانسيابية (حرة) ووزن (حر) ومفردات (حرة).. يلا يا سارة منتظرين قصيدة (حرة) أبوها ود عم أمها..
بتفرج قبل شوية في برنامج الشعر في التلفزيون مت بالضحك!!! الله يسألني الناس ديل بيقولوا في كلام خارم بارم غايتو أعضاء نادينا ده (عضوية السودان) فرصتكم كبيرة في الشهرة والمجد..
--- صلاح عبدالله (نقّاد) زي ديك ناس خليل قريب فدياس.
Post: #78 Title: Re: عايز أبقى شاعر حُر..تبقوا معاي؟ Author: القلب النابض Date: 12-29-2011, 11:56 PM Parent: #77
هيا اهتفوا معي برسيم برسيم برسيم برسيم يرسيم برسيم برس بر بر ب
Post: #79 Title: Re: عايز أبقى شاعر حُر..تبقوا معاي؟ Author: معاوية المدير Date: 12-30-2011, 02:34 AM Parent: #78
Quote: ونخص الأخوان وليد المبارك وود المدير وإن كنا نعيب على ود المدير صورة البروفايل التي لا تتماشى مع شروط النادي..أي نعم هو نادي حر لكن ما لي درجة العمة والشنب..ونرجو من الأخوان في لجنة الإنضباط توزيع روزنامة النادي على الجميع.. ومبدئيا فيما يتعلق بالزي نوضح الآتي.. 1.الأعضاء من الرجال: 1.1بنطلون جينز مشروط في الركبة اليمين.. -لا يشترط لون أو ماركة محددة- 2.1تي شيرت سادة كم قصير مصحوب ببعض الرسومات-يفضل صورة بوب مارلي أو جيفارا- 1.3 الشعر المنكوش مع قليل من الشيب -يوجد إستثناء للصلع الوراثي-
يا ريس خليك معانا فيّر شويّة. إشمعنا أنا ؟؟؟ هسّع صلآح الناقد دا شنبو ما داير ليهو عتالي عديييييل كدا، وكمان جلآبيتو نضيييييفة و مغسّلة ومكويّة، ولا بس معاها طاقيّة، وليس عليه ايّ علآمات بهدلة !!! حامد فتح الرحمن رغم انّ دوزنته تتماشى وفلسفة مدرستنا إلآ أنه يلبس جلآبية زرارتا الفوقانية فاتحة !!! ود الخليفة قميصو شيّن. تاني ما يجي هنا. ناذر الخليفة هيئته متناسقة ونسق النصوص، وتتماشى مع الرقيوليشن بتاعت المجموعة، لكن أشعاره زي الجلي الفي المعلقة تقاطيعها كلها ترجف. والله صحي. سفيان نابري قاشر عديييييل كده، وليس عليه ايّ علآمات بهدلة. والله صحي. أظن انّ التعليق تخطاه لأنه أجودنا طويلة. قيقراوي لبستو في السِلِك رغم إنو ما شاعر بأيّ حاجة، وحتى ما شاعر بينا نحن زاااااتو. والله صحي.
كدي خلوني أخش في نص سريع قبل أن يأتي عنكبوت النسيان وينسج خيوطه الرفيعة فوق تلآفيف الذاكرة.
لون البنفسج:
عصب الأوتار الخارج من حشرجة النفس. اللون مع شفق القبلآت ينازع فقاعات الشمس في داخل حبي العالق في استار الروح اذوب، ويذوب اللون يتمازج في شفق مجرات الحب ويدور مدار الكون. حبات جليّد نزلت فوق المعطف ولهيب البرد يداعب ينبوع الشفتين يذوب بعض قطع شكولآتة وعقاب سجائر وحبوب والريح شمالي وهبوب العشق جنوب الشجر العاري يرمقني وأنا في خيط اللون اذوب. ززززز ز ز الحب ممات الكون واللون تلآل من فكر صوفي يسافر في جلباب العشق الساكن في روحي من غير إيجار...
ود المدير...
Post: #80 Title: Re: عايز أبقى شاعر حُر..تبقوا معاي؟ Author: سفيان بشير نابرى Date: 12-30-2011, 08:03 AM Parent: #79
اول حاجة صلاح عبد الله ما ناقد ولا اى حاجة دا عنقالى نقد ساكت و أنا ما شغال بيهو كتير و احسن ليهو يشوف شغله غير اللبط البعمل فيها دى قبل ما اختو فى (آفق الخيال) و اهجوه بشعر تتناقله المنابر
غنائية لإنكسار الروية
بيني بين الشوف العديل قامت هضابات عازله اصلى كنت متوكئ الحلم عشمان في باكر و جنتو طربان اغني في غناوي الفرحه و الفال بالنغم دفيان بحضن من بنات افكاري ليك فرحان و بنسج في الحروف كل ما خطاي تسرع مشيك و في ضجيج الرحله و السكه العليك متقدمه كون من مباهج و من مرح موسيقة قرب وكورال حنين موتيفه من رحم الغياب لي يوم للقاء هادي و آمين مفتاحو صولو صولفيجو زحمة من السنونو في نغمة واااحده ضد النشاذ و أنا بين متاتات الشوارع بين الترغب و الإنتظار أنتي إنتابك حصلر و انكسر فيك الرجاء تور نفس حزنك جواك اتصادرت احلامك ضحى عفر و جيهك زمن الخفوت ضاعت آمالك سهى غرغر الجرح الجواك وصل مداهو المنتهى شل قلبك زمن الخراب ضاعت الابتسامه المفرحه لكن لو طال الغياب و الليل سكن و عسم ضهيرك زي رحى لابد صباحاتك تبق و تهلي كاااامله بكل بهاء
Post: #81 Title: Re: عايز أبقى شاعر حُر..تبقوا معاي؟ Author: قرشـــو Date: 12-30-2011, 08:28 AM Parent: #80
الأخ الحبيب عمر الفاروق
والاخوة الاعزاء فحول شعر الحداثة
انعمتم صباحا
واضحك الله سنكم واسعدكم
والله بوست فى غاية الامتاع
ايوه بالله امرقونا من الهم والغم بهذه الدعابات الرائعة الجميلة
ادامكم الله وابقاكم
وكل عام وانتم بالف خير وسرور
Post: #83 Title: Re: عايز أبقى شاعر حُر..تبقوا معاي؟ Author: سارة عيسى أحمد Date: 12-30-2011, 08:46 AM Parent: #81
الرفاق عمر الفاروق وصلاح عبد الله ..
كرمشتو مشاعري وكرفستوها :(
و أنا زي سفيان دة ..أفضل النقد البناء البشكروني فيهو بس ..لكين معليش نحاول تاني :)
تاني عافرني الحنين ..
ليل غربه وشجن وأنين ..
وشوق للبلد الهجمتك ..
في صمة خشمك وجعتك ..
زغروده وسكليب ..
و أحي ..و-..ووب ..
وسجمي تاني بنجيك ..
لا ..لا ما بنجيك ..
لكن السويتيهو في القرض بتلقيهو شوك ..
وكريت ما جايبه الخبر ..
ما هامه بالضايع هناك قاطع الاتر ..
يا النبي نوح ..يا سيدي الحسن
Post: #114 Title: Re: عايز أبقى شاعر حُر..تبقوا معاي؟ Author: عثمان دغيس Date: 12-31-2011, 09:27 AM Parent: #83
سارة يا حرة النبي نوح وسيدك الحسن ديل داخلين في ( النص ) ولا تعليق ساي ...
تكويعة............
عايسه طرقات كسرتك وفيها عشميق الكوارع والصهيل...
يا مكعوجة في شبابيك الحساف وحافرة جواك سلسبيل الدهشة .... ما براك ... كعوجك بلا يخم سرادق لهفتك .. ويلقاني مارق من حنانك ... وحاني على مروقك ..
Post: #82 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-30-2011, 08:42 AM Parent: #80
يا قلب دخلتينا في حتة ضييييقة بإنضمامك للنادي الحر وإنتي بي لبس الكوزات ده.. أسة نقع بيك وإنتي جايانا بي عباية داخلها عباية داخلهم خمار ثم الآشاربو..؟؟؟عشان كده وتفاديا للمشاكل حقو تشتركي معانا بي إسم مستعار وأقترح عليك إسم ريحانة البنفسج..
و يا ود المدير نلفت إنتباهك إنو صلاح كان من المؤسسين للنادي و الصورة قبل وضع المسودة..صلاح حاليا يداوم على لبس برمودة صفراء مشجرة مع قميص أخدر ..
ويا نابري شعرك في تطووووور ملحوووووظ وعملك الأخير فيه شئ من حرية تكاد تلامس عصب الحاجات..
إنقياد.. يا إنت لي متين السهر.. و يا إنتي لمتين الهروب.. ويا إنت يا رنة وتر.. ويا إنتي يا كل الدروب.. إتلمو أحسن ودوزنو..عصب الغنا المجدوع ما تفقد الحاجات طعم وما تبقوا إنتو على الخنوع.. انا أصلي شايف إنكم..جوزين حمام كاتلاها جوع.. طارت تلقط رزقها..وما لاقيا غير غثيان وعووع.. وإنتو مالكم ومالا عاد..أصلو حمام رقاص..
Post: #84 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-30-2011, 09:06 AM Parent: #82
لالالالالا...سارة إتحررت تحرر لامس شريان الفكرة وخلا الدنيا زي عذراء.. أييييوة كده يا سارة ده شعر حر..ونحن في نادينا ده نقدم العمل الجيد ولا ننجرف خلف مآلات الأشياء.. عملك الأخير جميل ويذكرنا بي سارة بتاعت أركان النقاش الكنا بنعملا في الستينات ..
عمنا قرشو ..إنت زي مستمتع وما مستمتع..ما أصلها الحاجات كده وزي ما كده.. فااا بس.
Post: #85 Title: Re: عايز أبقى شاعر حُر..تبقوا معاي؟ Author: سفيان بشير نابرى Date: 12-30-2011, 09:24 AM Parent: #84
اندياح
طالع سااااااي ماشي ولا هاميني القدامي هناك ولا البيغادي ولا البيجاي قادل فوق عزي براي بغزل في خيالاتي جياد الفكره لبكره موال في نمه للمه كبيييره و بقولوا غنايّ ما اتلفته شاكي في خطوي ولا سكنته الخوف جواي اصلي مغامر طالع نازل بمشي عدييل ما حوا ي ما الدنيا مديده فارع طوله لي يوم ضواي نمسك فيهو نلبو نحبو نسكن فيهو و يسكن فينا نغم من ناي نجازي زمانا الخانا و ما رضاي بانو نكونوا غصباً عنو وعنوة عديل و نعيش في دنيا عريضه ونشتل ريدة الزمن الجاي
Post: #86 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 12-30-2011, 09:43 AM Parent: #84
ريح عاتية تداعب مسام دمي جسد ملتهب لا يطاوع يدي السوس كائن ذري لامع يسكن معي فانا حقل تجارب للسوس والبعوض مختلطٌ بدمي لعابه يسرى عبر شريان اعرج الان احس احساس البعوض خارجٌ انا من ذاتي داخلٌ انا في ذات بعوضة الفكرة نفسها كرة ذرية لامعة لا تنبئني عن قرب المطارات و لا عن ايدي العذارى الناعمة لم اعد احسها لم يترك لي البعوض دما و السوس ينخر اطراف اصابعي لماذا انبح في داخلي و يخرج نباحي كفحيح لماذا امشي كثعبان اعرج اتسلل الي ضواحي المدينة التقط حبات قمحهم الطازجة السع اطفالهم امتص باقي دمائهم ارجع لوكري لاعق شاربي لاخرج مرة اخرى للشوارع امد لكم كورة مديدة حارة
Post: #87 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-30-2011, 11:13 AM Parent: #86
مندهش انا لهذا الألق الكئسب يا حمد..ده حؤلتك قاعد جمب الحرم.. أما سفيان فدبت فيه روح نمل عانس يرتحل داخل الأشياء
Post: #88 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-30-2011, 12:25 PM Parent: #87
كبرياء..
وطني بلا أزياء.. يسير على الطرقات عاريا متأنقا .. ويدس عورته اللئيمة خوف ساعات اللقا. واضعا يده اليمنى في فمه وباليسرى يرسم في الشقا.. لا يهتم بتفاصيل الأشياء الصغيرة فالكل قد درس باب التكاثر في كتب العلوم.. والكل يعرف كيف أن حبات التلقيح البغيضة إستباحت ميسما ملغوم.. وكيف أن تكاثرا خضريا قد أتانا بفاكهة الهموم.. واليرقة صارت شرنقة دونما استئذان بفعل السموم.. والحشرة رغم كمالها مبيتها شتوي خوفا من إنقراض مشؤوم.. حتى الرخويات واللا فقاريات تمر بفترة المراهقة في سن مبكرة.. ونحن نختن إناثنا في سن مبكرة.. نزوجهن في سن مبكرة.. نطلقهن في سن مبكرة.. وكنا قد وأدنهن في سن مبكرة.. غير أننا نحاول إعطائهن حقوق في سن متأخرة.. وباب التكاثر لا يزال يدرس بنفس الطريقة البلهاء.. نرسم جهازا تناسليا بإنتباه.. ثم نرقم الأعضاء سم لنا ما أدناه.. وعلل.. ثم إشرح.. وأذكر لنا من سماه.. في أي عام أكتشف؟كيف؟لماذا؟أين؟.؟..؟.....؟ يااااه. ثم ينجح المسكين فينا والمؤدب..وربما يرسب صعلوك ألم بكل تفاصيل الجسد.. لا بل أكيد ..
وهناك..على الجانب الآخر من الرصيف.. حيث يرقد برناتشو ولوحات الخريف.. حيث مات شكسبير ببندقية تاجر وشريف.. عبروا..سافروا عبر الزمن..ثم هاجوو فينا قائلين.. خذو دنياكمو هذي فدنياواتنا كثر.. -ربيع- رياضكم عربي وربيعنا شذى زهر .. قلبي على وطني..لا زال عاريا على نفس الطريق.. في الجانب الآخر من الرصيف.. وكل همه خبزة رغيف.. وأكبر أماني أبناءه العيش العفيف.. غير أنه لا يبالي..ولايزال عاريا يرسم بيده نفس اللوحة.. وينتظر أن ترقم باقي أجزائه وتسمى الأعضاء أدناه.. فيااا الله..ياااا رباه.. رفقا بوطني..
ما أتعس أن تكون ديكا .. ذابل الريش مضبلن ضامرا مثل الحمامة قابعا بين الداجات كسيرا لا يهش ولا ينش .. كحال صقر اذلته يمامة
........
أراك ثقيل الدم شيمتك المكر أما للخجل نهي عليك ولا أمر ؟ يا أخى بالغيظ كدت تقتلنا قتلا .. وإذا حاورناك نكاد نموت من القهر ناشدتك بالله كف عن مضايقتنا وأتركنا نرتاح من كلامك المر فيا بلوانا لم نعد نحتمل أكثر وإذا فارقتنا سينالك الأجر
+
..........................
هام وعاجل : لقد اضنانا الشوق لكتابات مستر E ومناكفاته فى هذا البورد .. نطالب بفك الأسر عن باسويرده حالا ..
يا جماعة جاءت دعوة لينا كشعراء احرار في ايملي للمشاركة في مهرجات الجماعات الشعرية العالمية الحره و المهرجان حيكون في (حراري) - ودي من أعمال الحره نواحي الديمقراطية- و قالوا عايزين مننا عدد اربعة مشاركين مع مراعاة الجندر طبعاً هم متكفلين بالتذاكر و اقامة الفندق لمدة المهرجان وهو سبعة يوم . فشنو؟ اعقدوا اجتماع الإدارة و بتوا لينا في الأمر دا لانهم مدننا 48 ساعة عشان نرد عليهم .
بشكل شخصي أنا رآي هو أننا ما نشارك لعدة أسباب اهمها:- 1- إدارة المهرجان دي موقفها من مشكلات الحرية غامض . 2- رائيها في قضاياء البئية ضبابي جدا. 3- موقفها من المحكمة الجنائية في القضايا الشعريه. 4- عدم توقيعها على بعض اهم الإتفاقات الدولية فيما يخص الموقف الحداثوي.
هذا العشب الكامن في جنباته إكسير السحر في بعض لفافة طيفٍ أبيض راحت تنظمه بين اناملها كسجارٍ كوبي المصدر والصبح قد راح يدِب في جسم الكون كنِمال السُكّر ودخان العشب راح يسافر مابين نخاشيش الأنف وتلآفيف المخ حتي اضحى مزاجاً سافِر نفسته هواءً في جسم الصبح فصار الكون بِرُمته ناعس فاتر نعست عيناها، فحطت محارات البحر علي شاطئ الخاطر فتلآشت اوتار الليل مع سحب دخان فهمس الليل في أُذن شعاع الشمس والخدر الناعس إستنشق عبق الرحم الكون وبعض فراش هسيس الليل في خيط الضوء يسافر يعبس برفيع الخيط الدخاني وتنادي عليه حدآئق بابل لكنه يحلم بجبالٍ فوق سبج الغمام هي الأُلمب تموت الفكرة نسيج في امشاج الرحم الزآت.
مثلما ان هناك شعر حر فهنالك نقد حر فبالله زي ناس صلاح عبد الله ديل ما تشتغلوا بيهم لانو دي مدرسة نقدية تجاوزتها المشاريع الابداعية ما بعد الحداثوية يعني ناس صلاح ديل لما كانوا بيقروا في كتاب النقد الادبي في سنة تالتة انا طلعت كتاب نقد النقد الادبي للصف التالت عجبي ( كلمة عجبي هنا كما لا يفوت على فطنة القارئ هي دمج لكلمتي علمي وادبي)
برجع لقصيدة الفاروق الاخيرة كبرياء والتي تنبئنا باننا موعودون ببزوغ شاعر لا يشق له غبار فالشاعر صاحب مشروع ابداعي واضح المعالم الصور الشعرية باذخة اما خيال الشاعر فراكب الزلط عديل ومركب مكنة ركشة
اللغة المستخدمة في قصيدة كبرياء تنم عن الثقافة الموسوعية للشاعر ( شوفوه مجضم درس التكاثر الخضري دا كيف)
والاهم من كدا انو الشاعر مهموم بقضايا الوطن والثورة ونسبة لانه اول شاعر سوداني تنبأ بأن الثورة السودانية حتحدث في الشهور الفاتت دي فقد استحق لقب شاعر الثورة بلا منازع
محال يا وطني تتلجن محال في يوم يحكمك جن إذا جواك سكن العذاب و اتسرطن سنين اولادك الحبوك ما فترن ولا سكن الخنوع روحهم و اتوطن ولا فل الظلم احلامهم ولا بيت اشباح او حتى سجن يا ساكن دروب الروح و قابض ضروب عرقك جوووه السوح و باقي بدن يا وطني يا حضن الغناوي الندن وما هدن ولا بهتن لون و طن عربان زنوج و بجه و طن ممراح و طن ممكن وطن باتساع الرو ية يدوزن لا يبراهو يوم الشوم لا غراب البوم في سماهو يتمكن و طن كارب نصو تمام لسانو نضم بكل سحن و طن فارع و طن شارع بدستوروا اتسودان
يا وطني أنت معاي أنت جواي أنت حماي أنت دماي و أنا درويشك اليك رطن
Post: #97 Title: Re: عايز أبقى شاعر حُر..تبقوا معاي؟ Author: عصام علي أحمد Date: 12-30-2011, 02:19 PM Parent: #95
جميل
Post: #98 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 12-30-2011, 02:22 PM Parent: #97
الريح حصان جراي وفالت سابق خيالي الما عرفتو وخلا فاتو الضوء .. هو فكرة !! و لا بتشوفو العين عقلك بيرسمو ليك
والفكرة حرة زي تربال بساسق بين دروب الجدول يحاحي في نخلاتو زي كادح يلم في نصيبو قرش قرش شان يعلم بيه بناتو
الزول تعرفو طشاش يبقالك كانو غريب او ياهو ذاتو
____________________ مهداة الى نابري حريقك فيك انت وصهيب
محاولة سفيان لتبني مدرسة الفاروق الشعرية مرفوض تماما على المستوى النقدي
وحتى النص الشعري لو حاولنا تفكيكه ففيه استبطان لنفس الصور والاخيلة في نص فاروق حتى فكرة استدعاء الوطن من وراء الحيطة هي فكرة مطروقة في نصوص عديدة لشاعر الثورة بالشنقيطي الفاروق. معاوية بن المدير رغم عدم التزامه وتمرده على التقيد بما توافق عليه الشعراء الاحرار اي الخروج عن الادوات القديمة مثل اعتمار العمة واطلاق الشنب على عواهنه حتى لدواعى ندرة امواس الناسيت او كما قال سيدنا تاج السر الملك صاحب المعلقات المعروف بكعبة امامنا وحبيبنا بكري اب قرعة ( اب صلعة هذه عبارة مطروقة ونحن دائما نأتي بالجديد) فهو اي بن المدير لديه ما يؤهله للاسهام في الشعر الحر والسمو به الى مصاف العالمية.
و قنصت ليكِ قبل جرس الإنصراف أمني في النفس الرجا و أرفض شرف الإعتراف ختيت كرسي قرب الجدار تحت ضل الشتا الرامية فوقو بانا مفرهده زي قامتك طويلة ممدده و مولعة تحت ضلوعي نار
و قنصت ليك !! الليلة ما جرس المدير عصلج عديل و جنبي زير أغطس فيهو كوز و راهو كوز أشرب لمن بطني إشتكت وصحابي المعاي صابر حداي و لمن خلاص أعصابنا إتلفت و المثانة ذاتها كركبت جريت عديل لي بيت الادب و هناك سمعت الجرس أكذب في روحي اقول كضب و لمن رجعت ليك شفت البلوم يعوم زي علب الفورموست و صاحبي بالضحك إنشرط قال لي خلاص زولتك فرتقت ده حظ شنو كلو من صاحب السبيل السوالو قدام بيتنا زير لا ده كلو من جرس المدير
Post: #103 Title: Re: عايز أبقى شاعر حُر..تبقوا معاي؟ Author: Salah Abdulla Date: 12-30-2011, 04:34 PM Parent: #101
Post: #105 Title: Re: عايز أبقى شاعر حُر..تبقوا معاي؟ Author: القلب النابض Date: 12-30-2011, 09:26 PM Parent: #103
يا الفاروق لووول حجاب ما معانا ليش ترفدوني .....خلاص شعر حداثي وتفه ملونة
اشتكيت لي حاكم الحقوق الفوق ياناس حقوق الانسان دافعو عن حجابي لو تفكفكت لدافعتموا عني ورسلتو لي تذكرة لكنكم عن حجابي لا شكيتكم على الله الواحد القهار يا السمكرتو الوطن غلط والسمكركي ضارب اخدر واللحام ضارب سمكرتوا القوانيين يا سمكرية وما نافعين سمكرية وفنانين في كي بورداتكم مكنكشين حراشين حداثين ما سوايين نضامين ما فعالين نوامين ما صحيانين هراشين وبتتهرشو كضابين للحال شيالين نقناقين نقناقين نقناقين
سمكركية ما نافعين ضاربين الهمبريب راقدين سمكرجية فراجة
مهاتا يا مشرقه وفيك نور يا باقه من اندر زهور و يانعه باسقه مونقه يا بدور من بين بساتين الحقول سجلتي اذهى من الحضور وذهلتي باسمات الثغور يا آية الحسن المشاع من مشاعر من شعور غاده فارعه ومترعه ونسمه من ارقى العطور يا جايه من أخر الأماني يا نابله من جوه الزمن و باينه اجمل من قضيه يا نص مكتوب من زمااااان لافي دائر في البريه مما قال :- كن لعهود كانت هنية لدهور نادية وطريه يا بنفسجه يا بنيه يا شتيله دابه نيه تعالي نكلم القمره و نحجيها و نناجيها بما عليكي وما عليّ يمكن أونا يحن يهدينا لحظات شويه
ـــــــــــــــــــــــــــــــــــــ يا جماعة سناء الصباغ دي من نقاد وين!!؟ أسم الصباغ دا باين أنها متبحره في ضروب النقد صح؟ شكله كدا دفعة ناس لويس عوض و مين كدا عابدين !!؟
شاعرنا المخضرم سفيان قلت سناء دي من نقاد وين؟ هاك المقتطف دا
(تعتبر سناء الصباغ و عبد الفتاح كليطو من أهم رواد النقد العربي الحديث إلى جانب عبد الكبير الخطيبي وموريس أبو ناضر وعبد السلام المسدي وكمال أبو ديب وعبد الله الغذامي وحسين الواد وجمال الدين بن الشيخ ومحمد مفتاح وجميل شاكر وسمير المرزوقي وصلاح فضل وخالدة سعيد ومحمد بنيس وأدونيس. وقد تميز عبد الفتاح كليطو بدراسة الثقافة العربية الكلاسيكية بمناهج نقدية أكثر حداثة وتجريبا وتأصيلا بسبب انفتاحه على الأدب الغربي ومناهجه النقدية واطلاعه العميق على التراث العربي القديم.)
المصدر اذا كان مثلي يسأل عن ذلك وما اظن هو موقع ديوان العرب.
واحتياطيا كدا نقل بتصرف يعني نقاد كبار لكن ما بنغرق ذمتنا
Quote: (تعتبر سناء الصباغ و عبد الفتاح كليطو من أهم رواد النقد العربي الحديث إلى جانب عبد الكبير الخطيبي وموريس أبو ناضر وعبد السلام المسدي وكمال أبو ديب وعبد الله الغذامي وحسين الواد وجمال الدين بن الشيخ ومحمد مفتاح وجميل شاكر وسمير المرزوقي وصلاح فضل وخالدة سعيد ومحمد بنيس وأدونيس. وقد تميز عبد الفتاح كليطو بدراسة الثقافة العربية الكلاسيكية بمناهج نقدية أكثر حداثة وتجريبا وتأصيلا بسبب انفتاحه على الأدب الغربي ومناهجه النقدية واطلاعه العميق على التراث العربي القديم.)
المصدر اذا كان مثلي يسأل عن ذلك وما اظن هو موقع ديوان العرب.
واحتياطيا كدا نقل بتصرف يعني نقاد كبار لكن ما بنغرق ذمتنا
و الله غرقان الذمه ما كويس
و بسم الله ما شاء الله أنا من شفته صورتك و قريت كتابتك النقديه هنا قلته ناس صلاح و فدياس جاهم بلى و عرفته انو دا النقد الموسسي . بعدين أنتي يا دكتوره و اضح تمام حرصك على عملك بدليل أنك حارسه كل شارده و وارده و قطع شك حنستفيد منك . فبلاااي شوفي لي نصي بتاع بالليل دا كيف ؟ بس اترفقي لانو كتابة الشعر بالليل دي عارفاها صعبه خصوصاً لما الدنيا تصن و صوت الركشات يقل و ينط الزول الجواك داك و عايز تواجهو و يقعد يازاوغ جاي وجاي . بس لو شفتي في النص حاجة كدا و لا كدا فبالله عليك ما تفينى في اسفير الله دا و تضيعي ملكتي الشعرية منيّ:-
تماهي و ما هي
و لا خايف من الأيام ولا هامم و لا حزنان اخر هجائع الليل غشاني حلم سكنى تمام ساسق بين وريد الدم وبين شرياني دا التاجي بقي يناجي لا احزاني كان تمرق لي آمالي ما تتهيب الفرصة و أنا بين و سادة المرتبة رجلي داقه في اخر السرير عيوني غازه في السقف خواطري مطموره بي جاوي دائره و تلف شديت عصب جسمى اترخي حاحيت خيالاتي تك .. تتك عقليّ انمحى بقيت مهنضب منتظر راقد ممدد منتشر لا يد اجر ولا كراع سااااكت جسم و اتنين ضراع يا ربي أيه حاليّ دا ؟ زول منزوع من جوه !! ولا جواهو منزوع من سواه!! و دار السوال منو جديد رأسيّ اتقل من حجر مافي ايد تقدر تشيلوا فنن تفنو في البعيد و أنا يا بعيد لساااااني راقد منتظر ولا خايف من الأ يام ولا هامم و لا حزنان ممدد بس كاني إنسان وما إنسان
Post: #109 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-30-2011, 11:53 PM Parent: #107
زواج عرفي بين الأرض والتفاحة.. أكل سيدنا آدم التفاحة فهبطنا إلى الأرض.. ولم يأكل نيوتن التفاحة فكانت جاذبية الأرض.. ولو لم يأكل آدم التفاحة لكنا في جنات بطول وعرض.. ولو أكل نيوتن التفاحة لصعدت أرواحنا إلى السماء.. ولكنا قد سبحنا في الهواء.. الجاذبية قانون زاوج بين الأرض والتفاحة.. كان في السر دونما شهود ولا خيام نصبت في الساحة.. زواج جلب لنا الشقاء حرمنا الراحة.. أنجب لنا جنينا في سبعة شهور بلا رئتين.. يتنفس أنينا..يبكي طحينا..بلا ساقين.. يتوكأ عصا القهر ويقهقه بلا إستحياء.. باهت اللون جمعناه كما الأشلاء.. هكذا هو زواج المتعة يدفع ثمنه الأبناء.. أنشأنا لهم دارا في المايقوما لنجمعهم.. ولكنا فرقناهم.. إحترنا كيف نسميهم ولمن ننسبهم..فأوهمناهم.. باهتانا أنتي عفراء اللمين..وأنت ياسر الحسين .. طلب ياسر مصافحة حسين وسألت عفراء عن حضن اللمين.. ما نجحت الخطة فقلنا لهم أنتم مجهولو الأبوين.. دمعت عفراء مبتسمة فاجأنا ياسر بسؤال.. تبنى الأفعال على المجهول ..فهل يبنى الأباء؟؟ بالله عليكم من المسئول..مكتوب نحيا في شقاء..؟؟ الماضي يبنى على المجهول..حاضرنا لا تبنوه رجاء.. جاعت عفراء..وأشتهت تفاحة.. نعس ياسر فما وجدت غير الأرض فراشا.. أشتهت عفراء أمها.. ونام ياسر في حضن أبيه.. فالزواج عرفي بين الأرض والتفاحة..
Post: #110 Title: Re: عايز أبقى شاعر حُر..تبقوا معاي؟ Author: سناء الصباغ Date: 12-31-2011, 02:13 AM Parent: #109
سفسف يا نابري بعيدا عن النقد غايتو كان انت في السودان الله يستر عليك من ناس النظام العام.
راس تفيل ولا قادر تجر ايد لا كراع دي ما ظنيتها حالة شعرية.
لو رجعنا للقصيدة
اعجبني جدا المدخل تماهي وما هي وان كنت اعيب عليك ادخال كلمة ماهي اشعر بانها دخيلة وزائدة على النص وما دسيسة اذا ما قورنت بمفردة التماهي. اجمل ما في النص هو عنصر المباغتة بالولوج لعوالم اخري بمتن النص ما ليها اي علاقة بمطلعه وذلك واضح في صورة الكراع المارقة بيغادي للمرتبة.
اما بتاع التفاح العرفي دا اصبر ليه ساي بجيه بكرة الصباح اوريه النقد البلا بصل.
وانت بالله تاني ما تكتب بالليل.
Post: #111 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-31-2011, 06:18 AM Parent: #110
سناء الصباغ..يا أمرأة من يا قوت وقليل من باذنجان.. بكل بساطة..أنتي جدادة ضلت طريقها للإنسانية . ياخ إنتي نقادة نقد شديد لكن.. مرحبا بك في مجموعة أصدقاء نادي الأحرار.. يصرف لها بطاقة عضوية وإتنين إسكيرت جينز ابو جيوب بدون طرحات..
Post: #112 Title: Re: عايز أبقى شاعر حُر..تبقوا معاي؟ Author: khaleel Date: 12-31-2011, 06:43 AM Parent: #111
شهادتي مجروحة
دمعتي مسفوحة
اعتلي التوركواز
ولون زينب
محار ودوار وفنار
وشعاع كوكب
زنزانة وعسس
وحراسة وغيهب
Post: #113 Title: Re: عايز أبقى شاعر حُر..تبقوا معاي؟ Author: haroon diyab Date: 12-31-2011, 07:12 AM Parent: #112
يابت تعب
مرقت ليك من ضل دليب
فتشت ليك في الهمبريب
سالت عنك كل زول
في نفسو بهواك .....مشتهيك
لاقيت هموم الغربة فيك
ورجعت للاسف الحبيب
اللسة شايلو معاي جراب
جواه احشد في التعب
وارفع شراع املي المرق
من جوه واحات العذاب
وفتشت ليك.....
وانتي الهناك تاريكي ناسيني السنين
وشايلاني زولا في مدارات الحنين
يلمس شمس.... يلحق سحاب
ويلم جراح المستحيل
انتي الانا... وانا الزمان الكان جميل
انتي الصباح ... وانا المساء لكل جرح
نزف خدارات الوجود.... فرهد علي جنحين
قماري مهاجرة لي زولا بعييييييييييييد
والقاكي .... ضوء.... القاك سراب
والقاكي اقرب من خيال
ولما الخيال يصبح حقيقة بتفلتي الجواي ندم
وانا في عشم....
يانسمة في غاية الالم
انتي الاسي .... وانتي النغم
الكنته برجاهو السنين
بي شوقي بي قلبي الحنين
الا الجراح ابت السكون
والنجمة كانت هي العزاء
وكان السراب آمل الوصول
يابت تعب ....!!!!!
تصحيح حرف
Post: #115 Title: Re: عايز أبقى شاعر حُر..تبقوا معاي؟ Author: سفيان بشير نابرى Date: 12-31-2011, 09:43 AM Parent: #113
الدكتوره صباغ و الله كلامك زي التان تان و أنا ذي عايز اقولأن ضرورة الشعر لا آون لها و لا عاصم من مداهمتها لكني زي بعتقد كده أنو الليل بساعد إستلهام بنات الأفكار ربما يا يدكتوره الصباغ هكذا آرى فلا تلوميني فيما جرى واصلاً للشعر بسلم روحي وبذجره . شكراً لا ريحيتك و تخصيصك زمن من وقتك السمين لأشعاري و اوعدك بمعلقات و معلقات .
الصمود فى وجه الباب البجيب الريح ما تفلسعي فاكره أيه؟ شتتي اوعاك تقيفي ولاااا دقيقه تهدني ... قايله أنك كل شئ !! و الكون وراك دا البختفي !! أو اوعك تكوني موهومة بأنك الساحره الوحيده الفي الحياة !؟ يا بت عليك الله اتلهي انسينى منك مره واحده اتسهلي السكه فاااتحه و الشارع هداك بس اذهبي ما في رجعه تاني ليك ومافي آدنى احتمال لرجعتك أو سجني فيك وفي دنيتك ياخ ما قلنا خلااااص الروب عديييل فلسعي و منيّ اختفي لو في يوم عاودك الحنين اتذكري مافي ذكرى نلمنا مافي إي قاسم مشترك نقول عليهو بهمنا و كونو ذاتو نلتقي كانت حكايه ممحنه عليك الله شتتي وفلسعي و بابي دا كرب بسدو و حظوظي في الدنيا بسب ليها و اللعنه قلته ليك بس فلسعي هسييييي دي بسرعه عااااليه و شتتي
Post: #116 Title: Re: عايز أبقى شاعر حُر..تبقوا معاي؟ Author: haroon diyab Date: 12-31-2011, 10:07 AM Parent: #115
رديت عليك من غير سؤال
وجاوبت للهم الفرح
ختيت علي كل الاسي
وفرهدت بيك دنيا المحال
وانا انتظار.....
وانت السحابة الشايلة هم الدنيا فوق
ترسم ترقرق تدي للارض الذبول
في كل كون....ومع السكون
لاقيت سحابات الشجن
تنسج خيوط كل المحال
بي كل ارادة وارتحال
واتذكرك لحظات نغم
في نمة في شاي الصباح
بي رقة بي كل اندياح
واسرح بعييييييييييييييد
وانتي الخيال الخاطر الهم النزف
ياامسيات كل الاسف
مابين سؤالك والجواب
يتفتح الشارع حلم....
واناجي دربك يامحال
القاكي بين مليون ارض والف باب
اه.... ياعذاب
لامن الاقكي خطاكي تمرح في مسامي وتنتشي
والشهقة....نازلة وتنكفي
والطفلة حنة ونخلتين
والجنة ناره سعيره حي
يبداء السؤال.... من غير سؤال
وانا في انتظارك ياسهاد
راجي السؤال بعد السؤال
يتفتكت الخاطر يباب......
ارسل كمان كمين جواب
ارسل كمان كمين جواب
ارسل كمان كمين جواب........!!!!!
Post: #117 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-31-2011, 10:31 AM Parent: #116
والله وما طالبني حليفة يا هارون كتابتك في الشعر أفضل مليون مرة من الكورة..فدعك من نادبي المريخ وركز في نادي الأحرار فأنت منها ولها وفجأة كده..
Post: #118 Title: Re: عايز أبقى شاعر حُر..تبقوا معاي؟ Author: Salah Abdulla Date: 12-31-2011, 10:52 AM Parent: #117
Quote: معاوية بن المدير رغم عدم التزامه وتمرده على التقيد بما توافق عليه الشعراء الاحرار اي الخروج عن الادوات القديمة مثل اعتمار العمة واطلاق الشنب على عواهنه حتى لدواعى ندرة امواس الناسيت او كما قال سيدنا تاج السر الملك صاحب المعلقات المعروف بكعبة امامنا وحبيبنا بكري اب قرعة ( اب صلعة هذه عبارة مطروقة ونحن دائما نأتي بالجديد) فهو اي بن المدير لديه ما يؤهله للاسهام في الشعر الحر والسمو به الى مصاف العالمية.
تشكيرات للدكتورة سناء الصباغ علي هذا الكلم الذي سيدفعني إلي أعماق بحر الإبداع حتي أغرق أغرق. أحاول بعض كلمات للتشكيرات لكنها تستعصي لتخرج قطرة عين في عمق محيط كلماتك يا دكتورة. شكراً مصحوبة برائحة عطر القرنفل، وزهور الكارنيشن...
جِلد كديس و بعض طلآق:
من بين الصدفين أحدثوا ثُقب في جدار القِطر، وهربوا فوق ظهور الدبابات عند بذوغ الفجر ليدوسوا مشاعر حُلمٍ عابق في مخيّلة حبل مدينتنا الإنسان يأجوج و مأجوج أتو من خلف الجُدران دخلوا تخُوم مدينتنا الحُبلى الخر بقروا بطنها أخرجوا طفلها من جوف رحمها صاح كبيرهم المخبول هذا الطفل ديمقرآطية !!! رِجسٌ من عمل الشيطان مضغ الطفل بفكي بؤرة حقدٍ جوعان لكنه لم يسغ الطعم، فلفظ الطفل مُضغة أمشاجٍ فوق رصيف الأحزان. جعلوه رئيساً بعد المضغ والعدل علي أبواب مدينتنا مذبوح صنعوا منبره من بعض بقايا سفينة نوح، فقام خطيباً في القوم يحلف بطلآق يتلوه طلآق انّ جلد القط يصلح مركوب يصنعه الإسكافي مِداس ليدوس به هذا المعتوه شعباً مغلوب، فضحك كديس الجيران، وهربت كلّ الجرزان، دخلت في وادي التِيّه بل دخلت في المِحنة كل الفيران، فصاح مؤذن فجراً في الحي من فوق المِئذنة: هاجمنا البعشوم داهمنا البعشوم، فجلسنا علي أرصفة الصبر المصلوب فوق جذوع النخل مقطوعاً بخلآف نشهق ألم الجوع، ونذفره في اللآ شئ منتظرين ذو القرنين، وخيط الفجر في جوف ظلآله صارت كلّ الأشياء عدم.
ود المدير...
Post: #120 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 12-31-2011, 02:16 PM Parent: #119
دايش .. والكاس ماسكو شمال وبتراودني فكرتك وبحلم بيك مع بت ابليس ما تنخلعي بنتونس فقط ونشرب شاي ونمارس الرقيص
Post: #121 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-31-2011, 04:24 PM Parent: #120
البقجلي..
سهر الجداد نومو.. صحي بدري ولقا كومو.. تببض الدجاجة بيضة واحدة على الملأ.. فترهقنا بالمكاكاة والصياح.. وتبيض السمكة مليون بيضة.. دوون أن يراها أحد في هدوء وارتياح.. الوعاء الفارغ يصدر ضجيجا..وهذا يفسر وجود غطاء للحلة.. بيد أن ذلك قد يفاقم العلة.. والثعلب المكار لولح ضنبو.. والمكضبنا وما مصدقنا يشوف بيتو الرما عنبو.. وحمادة التش..ما زي زمان حش شنبو.. وهذا يؤكد حقيقة أخرى تغيرت الفصول.. فالأوزون مثقوب والنجم يرفض للأفول.. السماء أمطرت بترولا أسودا بفعل عوادم السيارات.. والأرض انشقت أنهارا بلون الدم شلالات.. بفعل تداخل التيارات.. هذا تيار سلفي..هذا تيار شيعي..وذاك تيار قبطي.. ورغم ذلك إنقطعت الكهرباء..وحلف التيار ستين يمين ما يمر عبر السلوك.. سألناهو مالك؟؟ سكت.. قلنالو رد.. ما نضم.. والرد في السد.. والسد ما رد.. ووصلنا الحد.. واتلمو الناس واتقلبت جد.. تتقفل جامعة.. والناس تلبد تعمل ما سامعة.. يترحلوا ناس..وحاجة السرة ممحنة ضمة وما بتحل العين الدامعة.. كللللو منك يا المناصير.. والمشتهي الحنيطير ح يطير.. ونحن في راسنا يرك الطير.. ولا بنهشو ولا بنشو.. فقط محض إشتهاء..ومجرد فكرة..ثم قليل من الدونات..
Post: #125 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 12-31-2011, 05:10 PM Parent: #121
الله اكبر .. الله اكبر
يا فُطحُل .. يا جُهبُز يا تنقا ذاتو
ما تكتبه يا عمر الفروق هو فتح جديد في مجال الشعر الحداثي
قصيدتك الاخيرة تمور بالمعاني الجميلة والاخيلة التي فاقت خيالات متعاطي الفرح الكيماوي بشتى صنوفه
هذه التومة الحبلى والمتماهية في المدينة الحبلى فيها استدعاء جميل لعدس الوابل الما محتاج اي توابل......قدحة بس
ايها الشعراء الاحرار
كي تنهضوا بشعركم آن الاوان للاستفادة من التجربة الشعرية لابن المدير وبالنسبة لينا نحن النقاد تاني يا قصايد زي دي يا بيت ابوي.
وليد يحتاج لطبيب وليس لناقد مرة اسال ومرة دوشة وكمان جابت ليها كاسات.
صلاح عبد الله قصيدتك الاحيرة فوق النقد.
خايفة انقد اب صلعة دا يقوم يرفدني اصلو ناس الصلع ديل متعسفين وانا لسة جديدة (بالقديم) لكن قصة التفاح العرفي دي ما عا########ي كله كله بس باكلها في حناني وزي ما بيقول المثل النقاد ربى عياله (مثل مصري قبل الثورة)
Post: #123 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-31-2011, 04:53 PM Parent: #122
النقدة.. النقدة .. يا سناء الصباغ.. والصفقة وييييين؟؟؟إنتو النادي ده ما فيهو نوبة ولا شنو؟؟
Post: #124 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-31-2011, 05:05 PM Parent: #123
يا ود المبارك.. غايتو قصيدتك الأخيرة دي إلا ينقدا ليك الفاتح الصباغ..:-)
Post: #126 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 12-31-2011, 05:15 PM Parent: #124
Quote: يا ود المبارك.. غايتو قصيدتك الأخيرة دي إلا ينقدا ليك الفاتح الصباغ..:-)
ما قلتو حُر !!؟
حي انا
_____________
اسمع اخوك قاشر بالجزمة في دبي الان وماشي بيها راس السنة في برج خليقة عليك الله ما قيمتها ليك ؟
Post: #127 Title: Re: عايز أبقى شاعر حُر..تبقوا معاي؟ Author: عثمان دغيس Date: 12-31-2011, 05:43 PM Parent: #126
إنت دحين يا الفاروق فاطيني مالك ؟؟ يفطك ود البنا ..... قول آمين ..
يعني ما عاجبك إندياحي في الظلامات المفرهدة في دهاليز ورطتك .. وعطشانة للحزن المعاك جزلان وفي الوردة الكآبة والفجور السرمدي ....!
والله اقوم ليكم في الشعر الحر ده والله احيركم زاتو ...! ما تخلونا نتفرتك فيكم هنا ....!
Post: #128 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-31-2011, 06:00 PM Parent: #127
يا دغيس.. مداخلتك مدغمسة..شوفت إسمك كان آخر رد..خشيت ما لقيتا.. أظنك يا اخوي إتحررت لي درجة دخلت جغمست مداخلتك في حتة ما عا فا إلا إنت.. :-)
Post: #129 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-31-2011, 06:15 PM Parent: #128
سة يا وليد فييي ذمتك القيم التاني منو؟؟ عليك الله ما عاملة ليك شغل عجيب؟ ياخ انا واثق في ذوقي..:-) الجزمة دي بتاعت أحرار..:-)
Post: #130 Title: Re: عايز أبقى شاعر حُر..تبقوا معاي؟ Author: Salah Abdulla Date: 12-31-2011, 09:13 PM Parent: #129
Quote: صلاح حاليا يداوم على لبس برمودة صفراء مشجرة مع قميص أخدر ..
ديل أكيد يكون شداهم من بدر الدين الأمير
Post: #135 Title: Re: عايز أبقى شاعر حُر..تبقوا معاي؟ Author: Salah Abdulla Date: 01-01-2012, 06:11 AM Parent: #131
Quote: ديل أكيد يكون شداهم من بدر الدين الأمير
هههههههههاي. قويييييييية.
العريبي ما يشوف تعليق ده يا حسين يجي يشترها ويخرب لينا الرصة.
Post: #132 Title: Re: عايز أبقى شاعر حُر..تبقوا معاي؟ Author: محمد حيدر المشرف Date: 12-31-2011, 10:36 PM Parent: #120
اشارك : تلتيق كلام والسلام :
تعبت من المساسقة والهتاف ياغيمة أتبنى جبهة القمرة السهر والحمى طول الليل تهضرب ويا هدهد لقيت أمك ترشرش فى السعف من عينها وتجبر خاطرا المكسور عليك ينكسر خاطر السعف فى إيدا يا هدهد قيام من السما الأول قيام من السما السابع قيام وأنزل مسافة تهبشك غيمة وأناولك كاس
تلتيق أول :
ومرت مراكب نوح محملة بالطيور واقف مع نوح الغراب ينضم ويأشر فى إتجاه باقى الطيور يتوسوسوا إلاّ الحمام إتوضا مارق للصلاة القانقرد فى حزنو يغزل شاله من صوف الطواويس شارّة قمصانا المزركشة فى الضحى الزرازير بى عراريقا المغبشة جات على أرجينى يا صالحة ! ومشيت فى الموج يا النبى نوح أصل سالم يا النبى نوح أصل حجر الدُّغُش فى الموية يقلع ضُفرى يادم ! ده وكت الرسم واللون !!
( يا جماعة الكلام ده صعب .. والقصة ما ملاسي والسلام )
Post: #133 Title: Re: عايز أبقى شاعر حُر..تبقوا معاي؟ Author: عمر الفاروق Date: 12-31-2011, 11:18 PM Parent: #132
حولاااا..محمد حيدر ده كان وييييين؟؟؟ ياخ ده حر حرورية مبالغة.. يا زول إنت كنت مدسي وييين والأسبوع الثقافي قرب يخلص..
ملاسي ياخ عجبتني طريقة تفكيرك..ياخ ده خشيت المخيخ اليمين حقي؟؟
Post: #134 Title: Re: عايز أبقى شاعر حُر..تبقوا معاي؟ Author: معاوية المدير Date: 01-01-2012, 00:25 AM Parent: #133
Quote: ما قلتو حُر !!؟
حي انا
ههههههههه، يا وليد ما للدرجة دي !!! البوست دا نحن دايرنوا والله صحي.
تحياتي العابقة بعطر القرنفل اللآبد في جوف متاهات الجنزبيل...
Post: #136 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-01-2012, 07:12 AM Parent: #134
يا صلاح يخرب رصة شنو؟؟ ياخ مش يحمد ربنا حسين لم يتطرق للبرنيطة؟ :-)
Post: #137 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-01-2012, 08:31 AM Parent: #136
بالمناسبة يا دغيس إسمك ده فيهو حلاة إسم قصيدة حرة..
Post: #139 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 01-01-2012, 08:53 AM Parent: #137
وطن هلامي له محبوبة ذات ثلاث ارجل غير انها عرجاء البوم يبشر بالوعود والغراب ينعق الحان مموسقة نساء الضواحي جميلات وذيول كلابها مستقيمة غير انها لا تحبهن جميعا الديدان في احتفاليتها الاخيرة ترقب جثتي لتحيلها للعدم غير انها لا تطاول روحي امد لها لسان ساخرا ذبابة اخرى جامحة تحلق حول انفى تصادقني الذباب كائن ودود يحلم كما احلم يفعل ما اود فعله يجمع ما تبقى من نفايات ويلقيها على ظهر محبوبته العرجاء فالعرجاء لمراحها
Post: #144 Title: Re: عايز أبقى شاعر حُر..تبقوا معاي؟ Author: عثمان دغيس Date: 01-01-2012, 09:36 AM Parent: #137
Quote: بالمناسبة يا دغيس إسمك ده فيهو حلاة إسم قصيدة حرة..
دغيس يا دغيس يا حرف الإن ؟؟؟
طيب ما ترشها طوالي ... بس عليك الله كتر لينا من الإندياحات والدهشات والبوتقات والحاجات من النوعيات دي ولو عملت لينا فيها شوية موتيفة وكده بتكون ما قصرت تب .. نجاملك في سمح بوتقاتك زاته ...
أبو الحرية زاتو
Post: #138 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 01-01-2012, 08:53 AM Parent: #136
Quote: وليد يحتاج لطبيب وليس لناقد مرة اسال ومرة دوشة وكمان جابت ليها كاسات.
سمح يا سنا ما كان العشم ...
لولا الوشائج العميقة التي خلقها بيننا هذا البوست.. لكنت هجوتك هجاءً يخلد ويعلق على جدران دار الاوبرا..
والله اخير ليك اختيني برشششششششششششك ..
______
الاسود .. سيد الالوان منه انبثقت .. واليه تعود لكن .. ولان الرجل الابيض اناني حرَّف ناموس رباني وجعل الابيض هو سيدها
ما قلنا الاسود سيد الالوان وتاج راسا كمان اسالوا كيلوباترا توريكم او اسالوا موسى اسالوا لقمان عن سحر اللون الاسود سيقولون هو سيدهم موجود قبل الخلق موجود قبل النور فكيف يكون الابيض خارت الشغلة !!! لو ما كان الامر تحيز وشغل الابريق جواه بغلة !!!
____________ مهداة الى بشاشا يا يا معلم اقشر بيها ورش بيها الناس
Post: #140 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 01-01-2012, 09:00 AM Parent: #134
يا مُدير الحكايا شاي لبن ورقيص
ما اكتر
لكن حرقص القلب .. هيا لكم ما تشتهون
هاهاهاهاهاهاهاهاها هاهاهاهاهاهاهاهاهاهاها
Post: #141 Title: Re: عايز أبقى شاعر حُر..تبقوا معاي؟ Author: محمد عبد الماجد الصايم Date: 01-01-2012, 09:10 AM Parent: #140
Post: #142 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-01-2012, 09:24 AM Parent: #141
والله يا وليد إتوفقققت في تواشيح اللون دي.. أظنك أمبارح كنت متوفق في شارع الرقة وكده..:-) غايتو سناء تاني ما بتكول ولا كلمة..
حمد غاب وجاب..لكن ذباب..وزي ما قال المحشش المصري.. الذبااابة..فقبضتوها ..فطارت..الذبابة..
Post: #143 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 01-01-2012, 09:34 AM Parent: #142
شفتا الرمزية دي كيف
Post: #145 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-01-2012, 10:01 AM Parent: #143
كريسماس..
لاح لي عبر الأفق..صوت سيارات النجدة رهاب رهاب.. واااا ويييي واااا وييييي..وااا..ثم غاب.. صوت ينبئ بالكارثة وتشابه علي البقر.. فربما هي سيارات إسعاف قادمة من شارع مدني..شريان الشما أو أي خط سفر.. خفق قلبي..دق دق ..طراخ ..تاح..ثم استراح.. مديت راسي أتاوق.. البيض على الطرقات.. وبت لابسة ضيييق شايلة موية صحة.. والناس تنطط جوة العربات.. واللابسة ضيق زولة سمحة. الناس ترش زش في بعض..والضحكة ما تدي الدرب.. لا قادر أجوط لا قادر أحب لا قادرأفرزو ده جد او كان لعب.. غير أني كنت أرتدي حذاء رياضي ماركة أديداس.. وهناك شايف راجل أربعيني يسجر بالدس.. سمعت صوت الحفلة..عشاها فاخر..كوكتيل رياضي.. قليل من سمبوسة وشئ من مشاوي وصحن بلطي فاضي.. دفعت ثمن التذكرة لأسمع هذا الهراء.. شييييت..أوووووه ماي قود.. حبيبتي أرسلت لي ذات الليلة دب وردي اللون.. مكتوب في قدمه اليسرى أحبك .. وكرت خمري اللون والتوقيع متيمتك فلانة.. أشفق كثيرا على عامنا الهجري.. كثيرون بل كلنا لا يدري.. في أي عام نحن ..من يدري؟؟ فقط المغتربين في السعودية لأسباب تتعلق بدفع إيجار الشقة.. وعم علي عامل من علبة نيفيا الحقة.. والناس محتفلة.. وصوت النجدة يكورك لسة.. ومن الخوف الناس مندسة.. أمرقو..مرق جلدكم.. وهاف أ نايس ويك إند..
Post: #146 Title: Re: عايز أبقى شاعر حُر..تبقوا معاي؟ Author: زول ساكت Date: 01-01-2012, 10:11 AM Parent: #143
لا حديث لنا بعد قصيدة ود الصائمي العصمائي مع النحارير دي نحنا مابناكل عيش نقعد فراج بنساعدكم بالضحك
Post: #147 Title: Re: عايز أبقى شاعر حُر..تبقوا معاي؟ Author: محمد عبد الماجد الصايم Date: 01-01-2012, 10:27 AM Parent: #146
يا زول .. رحم الله امرئ عارف إنو كيسو فاضي!!
Post: #148 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-01-2012, 10:35 AM Parent: #147
الرفيق ود الصايم.. قصيدتك لامست عصب القضية وطرحتها في قالب هادئ بعيدا عن ضوضاء المدينة وأنوار السيارات.. غير أن لي بعض الملاحظات على الجزء الأخير منها..
Post: #149 Title: Re: عايز أبقى شاعر حُر..تبقوا معاي؟ Author: محمد عبد الماجد الصايم Date: 01-01-2012, 10:41 AM Parent: #148
الأستاذ عومر .. هل يتعلق الأمر بالصور الشعرية؟ لا بد أنني أكثرت فيها من (سكر الدايت)!!!
إنه المرض اللعين!!
Post: #150 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-01-2012, 10:52 AM Parent: #149
عذرا حزينا يا صايم..وعاجل الغذاء..وتبا لوطن يوفر وخزات الأنسلين دون أن يراعي حرمات الشهر الكريم..
فنحن نحاكم الشاعر من خلال نصوصه وقالوا ليك باخ الشعر دا حالة ابداعية ودي ساحة ابداع تجي تقلبها لينا حوادث مستشفى ام درمان كلها اسهال وطراش وضبان بعدين ياخ ما تهدد ياها دي حركاتكم الأخرت حركة النقد في البلد وادت لهجرة العقول الناقدة.
لكن للامانة نصك الاخير ( تواشيح) يمثل نقطة فارقة في مسار حياتك الابداعية وبيذكرنا بمدرسة التضاد بتاعة الفاروق اللي لاحظها صلاح عبدالله في نص سابق وانا من هنا بحييهم وبتمنى لصلاح السنة الجاية البرمودا تكون ما شدة وتكون برتقالية عشان دلالات اللون وكدا.
موضوع التضاد بنلاحظه في ثنائية الرجل الابيض وسلطة الاسود.
ولنا عودة يا فتح الرحمن وعصمان دغيس ما تستعجلوا رزقكم جايي.
ود الصائم علمنا بما وراء النص انما الشعر بالنيات وانت نيتك الناس عارفينها فشكرا على خوفك على البوست من التخوير.
يا سلآم يا ود الصايم علي الإبداع. ما كنت قايلك نحرير. والله صحي.
التحية لك وأنت تأتي من صوت رنّة قرش أبيض وقع في الظلط لتعطر هذه المساحة بعطور الضوء المنسكبة في بوتقة زرات الرمل عطراً، مجرات الرمل تعانق قيزان الأنجم تسطع، خيط النيل أحاسيس...
Post: #153 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 01-01-2012, 01:28 PM Parent: #152
شايل قفة و طالع افتش حلة رزقا ماهل مادد قرعة و شادي ضراع طالب لقمة و جغمة مادي جنازير صبر الناسك دارع فاس للزمن الاغبر الا الزمن بي جد اتغبر موية الجدول قطت ما البابور مصرانو اتقطعت الحيضان ما هي الحيضان اتفتل التقنت الطورية الايدا اتكسرت جبرت ايديا و رقدت المنجل عزا المحرات في موت الاربل والواسوق حبالو انقطعت القفة انقدت طلعة نملة تكوس السكة الدرب الواضح درب المنجل والطورية درب الجد الرابع زارع قمحو بدون بابور وراوي الجدول بي شادوف مالبابور هو الجازو مطلع زيت الجيب يا تدخلو لينا الكهرباء يا ما حنزرع
Post: #156 Title: Re: عايز أبقى شاعر حُر..تبقوا معاي؟ Author: Salah Abdulla Date: 01-01-2012, 02:01 PM Parent: #155
رباعيات الكلام (2) : مبــــارية الجــــــداد
يا الداخلة بي شارع غلط ، وداك لي درب الجداد هابشاني مالك يا وهم!! قايلاني جايي من البلد!! هبشتي نار منقد عديل، ضيعني نفسك سمبلا يا فارة لو جابِك خبر، بيرجعك شم الأتر..
Post: #157 Title: Re: عايز أبقى شاعر حُر..تبقوا معاي؟ Author: Salah Abdulla Date: 01-01-2012, 06:18 PM Parent: #156
المعاني موغلة في الغمود والراندوك دا ما موجود في ايتها مدرسة نقدية.
بعدين يا خوانا نحن مش اتفقنا انو ما في رول بكتب وهو تحت تأثير اي نوع من المكيفات ما عدا الشامبيون عشان يساعد في شعر البطولات والحماسة.
بعد كدا الا نعمل ليكم زي ناس الكورة كشششف عديل.
انتوا النوع دا بتلقوهو وين في الدوحة؟
Post: #159 Title: Re: عايز أبقى شاعر حُر..تبقوا معاي؟ Author: Salah Abdulla Date: 01-01-2012, 07:55 PM Parent: #158
Quote: انتوا النوع دا بتلقوهو وين في الدوحة؟
يا سناء ياخ نوع شنو في الصقط ده، نحن شغالين (من الأمس) ياخ.. القصة ما فيها تحت ولا فوق أي تأثير الموضوع كلو إنك تتقمص شخصية (الأمس) بكل مؤثراتها وتطلق لنفسك عنان الكتابة (في حدود) - وإلا - بعشر ما يحلك.
Post: #160 Title: Re: عايز أبقى شاعر حُر..تبقوا معاي؟ Author: القلب النابض Date: 01-01-2012, 10:38 PM Parent: #159
تعال عندي ركشة وريساجات سبيل تجبّد تعربد مصيرك بحر تهش في غنمكم ، وتعمل حِميل تقرطع حليب المراعي ، وتقيف يمكن تلاقي الراديتر بلع
شديدة الريساجة ، وقريب الوصول تعمل حسابك نظامك بيسير تفرط ، بتركب شارع السبيل شفِّط شوية ، وحاول تميل وأوعك تحاول تسهي وتغيب بتلحس حنانك ، وتضرب يمين لا بعشر بحلك ، لا بيفيدك سفر ولا ماحي التجاني بيجيب ليك خبر
أجمل قصايد الحر
يا صلاح عبد الله
الزول لما يكون بيعيش معاناة الناس يستطبع ان يعبر عنها مستخدما رندوقهم الخاص وعلى الرغم من ان الشاعر يعيش مغتربا الا انه استطاع بقريحته السليمة وذخيرته اللغوية الزاخرة وقاموسه المتفرد ان يسحب البساط من بعض المتميزين من المعاصرين مثال ود المدير والفاروق وسفيان وكذلك ناس قريعتي راحت امثال ريحانة البنفسج.
هذا الشاعر المتميز يحتاج الى جلسات لتحليل رسائله الملئية بنفس الناس الاصيلة وعبارات لا تضاعيها عبارات كبار الشعراء الذين كسرو القيد وعبروا بحرية وطوعوا الكلمة كيفما شاءوا. قيعات مرفوعة
نعتذر للتعدي على مهنة النقاد النحريرين امثال الصباغ التي زاعت شهرتها الافاق.
التعديل على الرغم دي ضرستني مكتوبة غلط
Post: #161 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-02-2012, 06:06 AM
يا قلب.. انا كنت قايلك جوعت من ورق الشجر.. ومن مزازاة الشوارع ومن رقاد ناس الحفر.. يا قليب..ياما كتبنا.. مرة جينا..وألف زوغنا.. ومرة شاي عصرية في عش الحمامة.. ومرة في جمب الكوشة وفي باقي القمامة.. ومحلبية معاها حنة.. جاية تسألي في الدبارة..؟؟ والوطن باعة بخسارة..؟؟ يا قليب مافيش دبارة.. لا المراكب قادرة تبحر في الخريف..ولا نحن لاقين الحمارة..
إهحاء لقلبنا النابض بمناسبة عيد الأم..
Post: #162 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-02-2012, 07:18 AM Parent: #161
اللهو المباح..
جردل موية وطشتين غسيل.. زيرين كبار وكوز السبيل.. والظهرة ديك الما خمج.. سيفين وجرتق وسوط عنج.. وأمونة حالفا تصبحا.. قعدت تغسل والديك لساتو ما صحا.. والمكوة كانت دستتين.. ومعاها زادت بوقجتين.. فحم السجم ابا ما يولع.. وهي بتشيل فيهو وتدلع.. مرة تنفخو بالكضب.. ومرتين هب اللهب.. تبا ليك يا فحم وتب.. ولع ولعك بلا يخمك.. ولو ما ولعت الغدا يسمك.. نط القميص قال ليها كيف؟؟ انا ما تكويت والدنيا صيف.. والبنطلون حرد الأكل..والتوب يقرض في الرغيف.. امونة جرت بمبرا..ورافعا القميص حد الكفاف.. بالجمبة كانت قعدتا..ومكشوفة ساقينا الظراف.. مشروط وفي الكم اليمين.. والصدر بارز حبتين.. والرادي ردد غنيتين.. وانا عامل الدرب ساساق..أشيل واترسل .. في شان أكشف لي امونة واتوسل.. التاية قالتلك ادينا ملح.. نفيسة عايزة حبببة طلح.. وجات سيرة الطلح ولقيتو مدخل.. وسألت امونة..هو شنو الطلح..وشن فايدتو.. أمونة خجلت مرتين..ونهرتني بي صوتا الحنين.. عيب يا ولد..ولا أقول ليك..نفيسة عايزاو للبخور.. وتهش بيو ضبان خريف..بييلف ويدوور.. امونة رجعت للغسيل.. و بروة الصابون تغازل في حنتا.. وباقي المكوة يسمع في كلامنا..
Post: #164 Title: Re: عايز أبقى شاعر حُر..تبقوا معاي؟ Author: وليد عبد اللطيف Date: 01-02-2012, 07:58 AM Parent: #162
عثمان دغيس ... كل سنة وانت طيب
Quote: إنت دحين يا الفاروق فاطيني مالك ؟؟ يفطك ود البنا ..... قول آمين ..
يازول كويس انت فطاك نحنا بقى ما برد علينا في التلفون عديييييييييييل
Post: #163 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 01-02-2012, 07:53 AM Parent: #161
يا طالعة من قُسيبة الليل الفسيح داخلة قيساب صبحا اخضر يا ست بنات كل الفريق رحطتك جلد تمساح منتعلة شبشب اب سيرين ماشة تقدلي بي درب مامور نازلة للتحتانية منجلك قلمك طرحتك كراسك درسك حروف زمن التحاريق يا بت رجال ضل الفريق شامبوك زيت كركار و كريمك الودك المعطر فاطرة روب بالسمنة غداكي لايوق وحلاك تمرايتين وعشاك من خير الجروف يا حبيبة الولد الصنيديد مهرك مراح سد مالك القونجة و العاجات وعرسك يجمع الفرقان من حلة دويح لي قبلي لي ابعد فريق يا ام شبيل مستقبل البلد الرفيق قبل الطريق
Post: #165 Title: Re: عايز أبقى شاعر حُر..تبقوا معاي؟ Author: سفيان بشير نابرى Date: 01-02-2012, 09:29 AM Parent: #163
Post: #166 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-02-2012, 09:38 AM Parent: #165
وليد يا عبد اللطيف.. عارف انا ممكن ما أرد في بوست..لكن تلفوني ده هااامل برد على أي كووول..
Post: #167 Title: Re: عايز أبقى شاعر حُر..تبقوا معاي؟ Author: Salah Abdulla Date: 01-02-2012, 09:56 AM Parent: #163
ياقلب..
يا قلب يا نابض..أنبضي..أنبضي..أنبضي بالحياة وعيشي يومك وانت واثقة إنو باكر يوم برا وانسي هم الدنيا كلو، وفارقي حزنك والضنى خلي قلبك دايماً ابيض ، وأوعي ترجعي لورا
بالله دي أحسبيها تبع الرباعيات.. - - - - المهم في (المدرسة الحرة) دي - يا قلب - إنو قصايدها (مفروض ) تكون موحية.. هسي أنا قاطع شكي إني أوحيت لسيد المدرسة بقصيدة الغسيل دي ، بالترتار.. وأنا استوحيت من قصيدتو دي زي خمسة أفكار .. ياخ دي مدرسة ح تكون فتح عديل كده ياخ..
وبعيدن بيني وبينك ، ملاسي قال الجماعة (المتشوعرين) لو لموا في البوست ده ح يغرفوا منو غرف تقيل انا عااااارف إنو المتشوعرين أبان دواوين ،هسي بيكونوا شغالين متاوقة بي هنا يلطشوا في الأفكار والمفردات (الحرة) حقتنا ، ويشتغلوا سمكرة .. لكن على منو !!! والله إلا ينشروا شغلهم ده في الصين.. وهناك برضو بنلحقهم..
Post: #168 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-02-2012, 11:23 AM Parent: #167
ودخلت أوضة مضلمة ..أحاول إضاءة المصباح .. أتحسس الحائط كي أجد المفتاح .. وجدته غير أن مصباحي لم يضئ بفعل جمرة خبيثة ... ياااا لها من ليلة تعيسة .. ربما الكهربا قطعت عامة .. هكذا بدا لي صوت أخي الكبير البطنو طامة .. ما تبهت الجمرة ساي يا عمر .. إمكن يكون غاب القمر.. صوت أختي الصغيرة تبرر تلك العتمة .. أفتحو الشباك فكونا من يادي الكتمة .. كان هذا صوت أمي .. وهيدي إمي بتعتل همي.. منك إنت ملا إنت ..
والمطرة زي صنت كده .. ورجعنا طلعنا المراتب .. ويا الرعدة زي صوتك هدا .. والسما وقفت الكراكب.. وضعت رأسي على الوسادة .. >> ثم أممت وجهيا شرقاً في إتجاه القبلة .. أفكر في حبيبتي وانا وهي حين غفلة .. و كيف أنني طبعت على شفتيها قبلة .. أها قومي تااااني يا المطرة صبي.. والمرة دي شووو ...
Post: #169 Title: Re: عايز أبقى شاعر حُر..تبقوا معاي؟ Author: القلب النابض Date: 01-02-2012, 11:55 AM Parent: #168
Quote: يا قلب.. انا كنت قايلك جوعت من ورق الشجر.. ومن مزازاة الشوارع ومن رقاد ناس الحفر.. يا قليب..ياما كتبنا.. مرة جينا..وألف زوغنا.. ومرة شاي عصرية في عش الحمامة.. ومرة في جمب الكوشة وفي باقي القمامة.. ومحلبية معاها حنة.. جاية تسألي في الدبارة..؟؟ والوطن باعة بخسارة..؟؟ يا قليب مافيش دبارة.. لا المراكب قادرة تبحر في الخريف..ولا نحن لاقين الحمارة.. إهحاء لقلبنا النابض بمناسبة عيد الأم
هذا اجمل ما سمعت من وحي القصايد
نحن جايين بالدبارة
يا حليلك يافاروق مشتهين موية المطر
والغسيل الفي الطشاطا مشتهين طين البحر
نحن قاعدين في الطشاطا وانتو في الكي بورد نقر
مرة غلست لي هدومنا فرحت كل الحزانا وفرغت كل الخزانة
مرة عملت شاي مقنن لممت كل الخرامى شربوا من شايا العمر
ضفروا لليل غناوي كسروا ركب الفجر نسجو من عيونا معني تحتو عاشوا ناس حيارى غنو عنيات العمر
ـــــــــــ مرفق وردة بنمية
ـــــ صلاح عبد الله خليني اذاكر كتاب نقد الشعر الحر في القرنين العشرين والي بعدو لابن المستكفي المكتفي بالله الشهرستاني
قصيدتك الاخيرة تمور بالمعاني الجميلة والاخيلة التي فاقت خيالات متعاطي الفرح الكيماوي بشتى صنوفه
هذه التومة الحبلى والمتماهية في المدينة الحبلى فيها استدعاء جميل لعدس الوابل الما محتاج اي توابل......قدحة بس
ايها الشعراء الاحرار
كي تنهضوا بشعركم آن الاوان للاستفادة من التجربة الشعرية لابن المدير وبالنسبة لينا نحن النقاد تاني يا قصايد زي دي يا بيت ابوي.
يا جماعة بصرآحة بعد كلآم كبار نحارير النقد هذا، انا قررت أطبع ديواني الأوّل وداير مساعدتكم. الديوان تحت عنوان (صبايا يستدفئن علي ثلوج نيرآن المجوس). إخترت لكم هذه القصيدة من الديوان:
عشم لو تمطر السموآت فرح...
خرجت من جوف لفافة قطميرها تزهو فوق جروف الأمل الطلّ يتاوق للسمحين في ناس شافوهو شوف العين ضامي بحضن الشوق الجاي يرفرف بجناح الضوء الحطم قيدو من سجن الظلمة بقالوا سنين شتلة حاج الزين. الشتلة القامت فوق القيف فرحانة سنابل القمح الليها زمن ما جاها خريف الجرف الشابا للنخلآت، وخدارو وريف رقصت فوقوا فراشات الحلم العسجدي طارت فوق العشم الجاي معاهو بشارة الفرح الداير يحكي للنوار حكاية شتلة حاج الزين. تمر الشتلة وكت يتحتحت فوق الناس الغلبانين تمرات للزين، وهِين هِينين للغلبانين ونطمر منها كم تمرآت يبقى تجور علينا سنين وتاكل منها نملة صغيرة وعصفورتين. شالت فوق راسا الشتلة صبيطاً تمرو كتير الناس الرآبطة في بطونا حجارة في تمرة حاج الزين عشمها كبير الشتلة التعبت، وشالت دار تتكسر في صُبح الشوم شالوها العسكر والعشم الكان معقود فات عشم إبليس في الجنّة نقطة العرق وقعت علي وجه الأرض سلوكة والمحرات حزين الطير والناس القبيل منتظرة لحظات الحصاد، وقمرية ما قدرت تطير ما شالوا من الشتلة فِشقة قطمير. رحلت والدمعة مبارياها حزينة تغازل في النجمات.
ود المدير...
Post: #172 Title: Re: عايز أبقى شاعر حُر..تبقوا معاي؟ Author: Salah Abdulla Date: 01-02-2012, 02:15 PM Parent: #171
Quote: أخوانيات و حب للمدن و الناس
أيها الناس ...
ها قد أتاكم الشاعر الفطحل سفيان بن نابري بما لا قبل لكم به قصيدة مدح من عيون الشعر العربي قصيدة في مدح محبوبتي التي لا أطيق فراقها لأربعة أشهر مدينتي ( الديم ) واهلها الطيبين..
ياخي كتر خيرك يا سفيان ، وشكلك من رواد الديم..
والله يكفيك شر ( النقّادين ).
غايتو ناس مالك أمين نابري (أظن) كانوا جيراننا.
Post: #173 Title: Re: عايز أبقى شاعر حُر..تبقوا معاي؟ Author: سارة علي Date: 01-02-2012, 02:22 PM Parent: #172
عمر الفاروق ... 2000 وترحمنا؟
Post: #174 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-02-2012, 02:48 PM Parent: #173
فطور العريس ..
طباخ تمام .. الكمشة في إيدو اليمين ويشيل ويردح بي الشمال .. وتعالي يا بت يا سهام .. خليكي قاعدة يا منال .. ووصاف وصف !! لا حولة لا قولة .. وشناف شنف !! يحلك منو الحلّ بلة .. والساعة اليطب ليك جلابيتو .. ويقوووم كده يرمي طعميتو .. هيي يا يمة هيييي عجينكم ما سمح .. أجي يا بنات أمي !! وينو القمح ..؟ قهقهات تشق صدر ذاك الليل .. نساء حارتنا يجتمعن حوله غير ابهات ... يضحكن غير مباليات .. غير أن أكثر ما يؤرقني ذلك الثور المربوط في قارعة الطريق.. خصوووصاً لو قام فكّ الحبل وجرى .. ترى كيف سنمسك به يا ترى .. وكيف نسلم من لسان ذلك الطباخ الشرير.. بري..بري..بري.. منكم الرجالة تطير.. ناوليني المحشي ده النقضي شغلتي .. والرسول فيك جيبي الصاج ده يا بتي .. وصوت جدي وهو يحمل إبريقه لقطع الجمار.. واذان الفجر حي على الصلاة .. وصوت نحنحات .. عفواً هذا المرحاض مشغول الان .. وشفع صحو بدري يلحقو شاي اللبن قبال يخلص.. وبت جيرانا في كامل أناقتها في طريقها إلى حبيبي مفلس.. طباخنا يا زول جميل.. يا الما خمج يا زول عديل .. مني ليكا تحيتين .. ووردتين .. يا زول حلو ..ويا زول نضيف .. يا روعة حد الإندهاش .. عندك فكة خمسمية ؟ .
Post: #175 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-02-2012, 05:02 PM Parent: #174
محض توضيح لي سارة.. القروش كان خمسطاشر ألف ريال وليس ألفين.. فزي شنو..زي تقومي تضمحلي من هنا سريع.. مع إنك واحدة من الأقلام الأنا حاسي إنها متحررة..
Post: #176 Title: Re: عايز أبقى شاعر حُر..تبقوا معاي؟ Author: Salah Abdulla Date: 01-02-2012, 08:35 PM Parent: #175
يا جماعة وين سناء.. كده ما بينفع ياسناء !! الشغل ده بدون نقد ناقص..
جيبي معاك فدياس وإنتي جاية..
Post: #177 Title: Re: عايز أبقى شاعر حُر..تبقوا معاي؟ Author: سناء الصباغ Date: 01-03-2012, 00:04 AM Parent: #176
الشاعر صلاح بن عبد الله بن ديمويه بن دوحة المضري
تصدق دي دخلتي كان عندنا ليلة شعرية بنواحي دنديي الاسكتلندية التي تعج بفصحاء العرب
شايفة بن نابري قد بركم ايها الديامة بقصيدة اخوانية جذلة تستحقونها نسبة لفراسة جكسكم الذي يوصل اولاد العمارات بعد احتفلياتكم الرابة التي تسير بكشفها ونبقها وقردها الركبان. الديم تلك البقعة التي انجبت النبق النبق والقرد والركشة وهبة الديم.
ياقلب اذنك معاك في النقد فالحكاية هنا كلها حرية في حرية
لكن ما تشكري طووالي النقد دا عشان يكون بناء لازم يكون في رش
بعدين الجماعر ديل بدوا يشتروا في قلمك الناقد بشوية قصايد شكير كدا لكن خليك يقظة وحكاية الكوشة دي ما تفويتيها.
فدياس دا رسلته ينوب عني في لجنة التحكيم في مهرجان الجناديرية ما اظنه يتاخر كتير.
Post: #178 Title: Re: عايز أبقى شاعر حُر..تبقوا معاي؟ Author: القلب النابض Date: 01-03-2012, 01:37 AM Parent: #177
يا سنا ليك وحشة والبوست من غيرك وهم حبينا نسد الفرقة في النقد لكن ما ظبتت
جاييك من زمنا سمح فرش الطواقي تقول بحر كتب الحروف وقت السحر كتب الغمام كلام زعل
نزل المطر جوووووو والدموع ضحكت سنينات الفريق واصبح غريق في سكتك بكت النجوم وكذا الشمس طشت الغسيل حبل الغسيل والمكوجي وطباخ عمر تسمع صياح الحلة فوق لولت نساوين الفريق لدمعتك هاتن بنات اللعاب لي ضحكتك هدرن كتير سكك الحديد طواحين السجم سجم الرماد والرماد كال حماد
Post: #179 Title: Re: عايز أبقى شاعر حُر..تبقوا معاي؟ Author: سارة عيسى أحمد Date: 01-03-2012, 05:08 AM Parent: #178
ما تلك بيمينك يا عمر ..
قال هي عصاي أهش بها على الذين لا يتحررون
وأفلعهم بالحجر ..
يا معشر الأحرار قد مضي عام مُر
والقادم أمر..
لا ربيع مر بنا ولا يحزنون ..
كنا ما زلنا للخشوم فاتحون..
و يا سنه ألفين وحداشر جاريه مالك مستعجله ..
الناس لساها مأمله ..
لو ما بكره أكيد بعدو أمورنا مسهله ..
عشمتينا وأكلتينا نيم بملعقه ..
يا مستهبله ..
Post: #180 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-03-2012, 06:51 AM Parent: #179
دلال يا دلال يا حرف الإن.. ياخ الشعراء الأحرار يتبعهم الجكس ..فمرحبا بك جكسوية حرة..
إستياء.. يا زولة من عشم الوجع.. يا طاشة ماكي مصدقة.. يا فارشة ياقوتك سلع.. والهبهان والجردقة.. أديني رطلين من حنان..جكين فرح.. ما الدنيا ياها مساسقة.. ووقية من هم الصباح نص كيلو من لحظات لقا.. ما فضل الشئ الكتير شوال هموم ياهو البقا.. وطنين كبار من حسكنيت فيهو الجراح مدردقة.. يا زولة سيبك من وجع وتعالي يلللا نجقجقة.. أجقجقجقجقجقجق...
سارة عيسى تعلن انضمامها لشعراء الثورة الاحرار بميلاد قصيدة حرة محرضة للجماهير وتعض فيها اصبع الندم على تفويت الربيع الما جاء وتقول الجايات اكتر من الرايحات وارتفاع اسعار الزيت المتواصل حيكون الوقود الحقيقي لثورة صيف 2012.
يا فاروق رغم ولوجك لبحار عميقة من بحور الشعر لكن صمتايمس بتاورك الحنين القديم لغنا الدلوكة ورقيص العروس (أساسي وييين؟)وهذا واضح في المفردة الشعرية لديكم مثال:
البقجللي والجقجقة والصفقة وييين وهلم جرا.
هنالك ايضا تاثر واضح بالادب المصري المعاصر وبصمة احمد عدوية ونانسي عجرم الظاهرة في كمية الطشاتة في قصايدك الاخيرة. كما ظهر التاثر بشعبان عبد الرحيم في بقجة المكوة الراجية الحبيبين.
Post: #182 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-03-2012, 02:33 PM Parent: #173
فضل الظهر ..
شاغلني يوم داك في زقاق ..قال لية وينك يا عسل.. جاوبتو بي كل إحترام ..ممكن تحدد لو سمحت ؟ عسل أبو أسد ولا النحل؟ لسعة أخرى من الملكة وهي تنام مع ذكر الفراش .. رغماً عن أنها لا تعرفه.. فقط شافتو في شارع عبيد ختم طشاش طشاش.. الخطة كانت تسألو عمو الفراش ماشي قدام ؟ وبالصدفة ترمي لطرحتا ..وبالإيد تلوّح هاي سلام .. عوارض من شفع مدرسة أساس لغمو الجو .. ومع كل فرملة عربية يجو جاريين فوووو .. إنتبذت مكان قصي وأخرجت علبة المكياج .. قررت أنها لن تهز جزع نخلة بعد اليوم منتظرة من يقلها إلى أمواج ..
ماشة وين يا أخت ؟ ذكر الفراش الهاشمية ساكت شالتو .. لا خلاص وصلت ... شكراً كتييير ..ملكتنا حالاً جاوبتو .. انا زاااتي وصلت ..تعالي أوصلك محل واصلين ..ونوصل سوا ..يلاكي لي درب الوصول.. طبعا الموضوع ده ما عندو علاقة بي واصل علي ..فقط كان هذا الحنك الأخير وأفضل الحلول.. وملكتنا عاد ما صدقت ..وفي الكرسي سرعة أتوهطت ..وللشنطة حالاً فتّحت..أحمرا شفايفا طلعت ..ولي عيونا أيضاً كحلت .. والكلام ده كلللو هي بتعاين في مراية السواق ... والفراش يشييل ويعشق..وياااا رباً توصلني نمرة خمسة بتييين ..وأبل الأشواق .. شفقان عديل دوون ما يحس أداها خلف .. حلج التروس قلب الجلب واللديتر سخانتو ألف.. هكذا قال أنشتاين في قانون النسبية .. لا تستعجل فكل الأشياء تأتي بي الحنية .. وقبله أرخميدس عندما عرف قانون الطفو .. لم تكن الملكة تدري بأن إسكيرت الشامو بيشيل نفو .. وإلا ما لبسته وكان عادي بدلو ممكن تلبس إسكيرت هزاز موورد .. فالفراش يحب الورود ..
(في الحتة دي) أنا عندي راي.. نقدر نقول (زي) في اتفاق (إنو المسائك زي) بقت أوضح كتير.. (نقوم) نخت نقطات هنا ، وخطين هناك.. (ما عادي) ما ممكن نفض الاجتماع..
صلاح انا زي بتحفظ وما برد عليك لكن بنادي ليك القدرك مولانا خدر وود جبر الله.
Post: #188 Title: Re: عايز أبقى شاعر حُر..تبقوا معاي؟ Author: Salah Abdulla Date: 01-04-2012, 05:38 AM Parent: #186
Quote: صلاح انا زي بتحفظ وما برد عليك لكن بنادي ليك القدرك مولانا خدر وود جبر الله.
يا سناء ناس خِدِر وعصام ديل فردي بالله ، ما تعملي لينا مشاكل لكن برضهم فارات سياسة .. وبعدين مجال المصطلحات ده بتاعنا نحن المعلمين ياخ ياخ نحن الراندوك أوريجينيترس ، ونحن الكرييترز
ح أكتب ليك قصيدة عصماء في هذا الشأن ، فترقبيها.
Post: #187 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 01-03-2012, 11:34 PM Parent: #185
شالت ملايات من جارتا شاحداها شان الليلة فتح الخشم ..
Post: #189 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-04-2012, 07:12 AM Parent: #187
عمري فات الأرببعين.. وعمر الزهور في الموردة.. والبورة بس عاد لي بتين.. جنيت براي متوحدة.. قعدت راجياو بالسنين.. والريدة يا حنيين كده.. قدر ما حاولت ألفت إنتباه الرجال ديل غلبني...آآي والله.. لبست ضيق ما نفع..وسعت ما اضفت شي..بس باقي لي ألبس ردا.. وكده يا ابردا..كده فنتاستك تمشي وتجي بي ردا..كده؟ كده يا عصام تشرني؟؟ وتخلي أمي تزرني؟؟ ما قلتي ياهو البشبهك.. والليلة ح يجي يخطبك.. ونحن نشيل ونخبز..ونشيييل ونشحد في الكراسي من الجيران.. وقسمة شغالة في المسجل..نضفنا جمب باب الشارع وردمنا الخيران.. وعصام ما جا.. مشيتي لي أماني تنس تحننك.. وعصام ما جا.. قلتي إلا غادة شرفي تمكيجك.. قلنا لييي ك عيبي لينا إنتصار جحا دي مالا؟؟ وبرضو عصام جا.. ابوك يشيل ويضرب ليك في التلفونات.. يا بت تسعة جات.. وعصام ما جا.. وإنتي شابكانا..بجي بجي بجي.. كلمني بجي..أوعدني بجي..بجي بجي بجي.. مالو ما جا؟ أححييا منك أسوي ليك شنو اسة؟؟ أجضمك؟؟ ولا أقرصك في وركك؟؟ والله يمة حرام..وريني إيه ذنبي.. شان إنتي تقسي علي ما تقيفي بي جمبي.. مكسورة خاطر عاد مجروحة في قلبي.. خليني أفكها في روحي واقول عصام حبي.. والله يمة حرام..راح يسألك ربي.. مش العرس ده خليتو ليكم أها كمان قولوا لي ما تلدي..
Post: #190 Title: Re: عايز أبقى شاعر حُر..تبقوا معاي؟ Author: Dalal Ezzaldin Date: 01-04-2012, 10:07 AM Parent: #189
Post: #191 Title: Re: عايز أبقى شاعر حُر..تبقوا معاي؟ Author: Dalal Ezzaldin Date: 01-04-2012, 10:16 AM Parent: #190
الموظف
يا الجاري بدون فهم وينو فهمك !! تصحى من الصباح تكابس للرواح مستعجل للمواعيد ,, بدقوك لو ماجيت ولاقيت صحبك بتاع كل يوم الكمبيوتر بانتيوم 4 قايلو بونسك يالموهوم شوفته الايميلات ,, وبعدين شوفته باقي الشمارات اتذكرته فجأةً انك جعاااااااان ,, كدا من الصباح شربت الشاي بكل ظرافه وكان جمبك زميلك عباس وفجأه الساعه 11 جات,, اجي دا وقت الفطور الحكمه انك برضو جعان ,,, فول .. فول .. فول ولا طعيه لا الليله داير اكله هنيه يا بيتزا يا اما بيرقر بالجبنه وفتحته الجزلان ,, ولقيتها ورقه وااااااحده امت 10 ما ميه وقلت في نفسك انا تعبان لي منو ؟؟ مديتها وقعد جزلانك خفيف اكلت فرحان وكانك سويت معجزه ورجعت للكمبيوتر تاني خلص الدوام ,, ومرقت بدون نفس ,, الساعات ما كفنك عشان باكر تجي في مواعيدك وتعيد الى كان
يا عزيزي بتضيع في وقتك لي حسه لو كان دا بيزنيزك كان حصلت اسامه داؤؤد زاتو ... اكسب زمنك خلي الفصاحه انت ما شجاع ولا عندك حصافه قوي قلبك واعمل محلك او حتى اشتغل بي ضراعك الوقت ماشي وانت ما لميت حق راحتك بعدين امشي اهجر الوظيفه ال راجيك كبير تبقى سيد نفسك واحسن مدير وجنياتك من بعدك يدعو ليك كتير انا كلمتك ,, ما تقول ما كلمتك بعدين
Post: #192 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 01-04-2012, 11:25 AM Parent: #191
لحافي جريدة او كرتونة غتاي .. خراصنة اوضتي الكُبري وبيتي الخور
غداي كان في ..! بكون كرتة .. بدون تونة كيفي معاي في جيبي كُهنة .. معطنة في سلسيونا سجارة اتقاسموها كُتار نفس بالدور
اهلي الدينا والعالم قاسين زي اهلكم برضو مرة قليلة عني بيرضو ثم.. ينسوني كاني كرور
رغما عن قساوة الدنيا والايام ياني الاوحداني الحُر ياني براي ركزت امام جحافل المُر لاني بكيت ولا اتجرست ولاني بتُر
طــــز في كل قوانينكم لانها ما بتنصفني لانها ما بتعرفني وميتنيكم ..
دينكم ماهو دين الله ده دين تاني قبيح واناني فدين الله الصحيح حقاني قروشو حباها للمسكين وللفقراء ثم وراء ابن السبيل والغارمين وديل ليكم بنوداً .. خارج الحسبة وكل النسبة .. لمن عليها عاملين
وتصرفوا من حقوق لينا شي سوناتنا وسكرتيرة بارد للضيوف في المكتب نادي للولاد شان تلعب ترحيل للموظف يركب شرابكو معلب اكلكو مكرب
وانا المسكين نحرتو حقوقي بالسكين
انا الشماسي ابن الشمس وليّد الشارع ساكن الخور
دحين حقي بشيلو لو في الاخره تقيفوا صوفوف وتُسالوا عني امام الله يمين بالدور
Post: #193 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-04-2012, 12:23 PM Parent: #192
قووود جوب وليد.. ركبت معاي الموجة في إرساء المدرسة الجديدة من الشعر الحر.. دي مدرسة لو مشت لي قدام حنكون مدير ووكيل المدرسة..
يا دلال مرحب بيك في نادي الأحرار متحولة من جكس النادي إلى عضو فاعل.. وحقو نمسكك أمين خزينة مع إني لاوزت من صرفك البزخي في البيرقر..
مش كدا بالله يازول ناضم النقد دا مسئولية ونحن ما بنفتش ضمير المبدع لكن بنحاكم النص, بس شايفة الشاعر اتحسس وقام يكتح متجاهلا عنصر الزمان لانو جيلنا كنقاد لما كنا بنركب ياعم عبيد ختم زاتو ما اتولد خلي يستشهد.
Post: #196 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-04-2012, 03:16 PM Parent: #173
البؤساء ..
دخلت في الديانة الشيوعية .. ليس إقتناعا بي الماركسية .. لالالا لا والله ما كده .. بس عشان ما كان عندي قروش.. بنطلون إدوين أبو تروس..جزمة تمبرجاك ..وقميصين ..أوضتين جالوص في نص الحوش.. كان هذا كل ما أملك ..إضافة لشعري المبرم .. وكوني كنت في حلتنا ولد مقرم .. وهمة البريم عملتها لما غسلت شعري بي قزازة بيبسي .. والتقريم جا من كوني طرحت روحي ساحر عذارى وواهم جكسي.. أضف لي لستة الأسباب إني ما كنت لاقي نفسي .. غير أن هنالك سبب أكثر وجاهة .. ياخ قالوا بنات الشيوعيين ديل طيبات طيبة .. وأي ونسات أي ألفاظ ما بتعيبة .. ياخ ديل من شدة ما طيبات ما بلبسو طرحة .. يقالدوك بي أقل شي كان في زعلة ولا فرحة .. مالك ياخ مع مقالدة الشيوعيين ..مبااااالغة .. وخشيت ليكم في الجماعة .. ياخ ديل عندهم لعبة إسمها ثقافة ثقافة !!! ماااالك ياخ مع الثقافة ؟ أهم شروطها اللقافة ... أعتقد أن البلاشفة سيرياليين ..جبريال قارسية ماركيز و .إيزابيل الليندي من الروائيين.. وانا والله ..وما طالبني حليفة أتقص كان فاهم شي... حاولت أشارك في الموضوع .. وطيت صوتي وبي حس موجوع .. قلت ليهم إيزابيل دي مش كتبت الموضوع حق قتلوا طالباً اخر إذنـــــــــــ؟؟ بعرفا بتكتب معانا في سودانيز .. وجبراييل ده مش عندو ولدو إسمو طارق قاعد في المغرب ؟؟ برضو معانا في سودانيز .. بس النصيييحة وعشان ما أكضب عليكم البلاشفة ديل ما عرفتهم ليكم.. لكن والله ده ما بيمنع إني سعيد بيكم .. مرتاح نفسياً وزي خلاص باقي عليكم .. عقبة واحدة تبقت للعبور .. لازم أحفظ أغنية والله نحن مع الطيور .. حينها أدركت أنني جد جد طيرة .. ومن اليوما ديك بقيت كوز .. وعندي شريط لي قيقم بي العود..
Post: #197 Title: Re: عايز أبقى شاعر حُر..تبقوا معاي؟ Author: حمد فتح الرحمن Date: 01-04-2012, 03:55 PM Parent: #196
الطرحة تجادل قانون الجاذبية البنطال يجادل قانون الزمان والمكان الطرحة في جادلها لا تقنع القانون ومن يقنع البنطال ان الزمان زمان ليل والمكان ثكنة عسكرية الليل يضرب خيامه عجل ويبقى ممدد ساقيه يمد لسانه للجميع يرفض سريان قانون التعاقب يخرج من خيامه فئران وعقارب كلاب الليل تنبح ضاحكة وكدايسه تقيم احتفالات تكاثرها والبنطال لازال في انتظار الصباح الطرحة فرزت عيشتها وتعايشت مع قانون الجاذبية والبنطال اتسع ثم استطال ولازال الليل طفل يحبو
Post: #198 Title: Re: عايز أبقى شاعر حُر..تبقوا معاي؟ Author: دينا خالد Date: 01-04-2012, 04:28 PM Parent: #196
Quote: كان هذا كل ما أملك ..إضافة لشعري المبرم .. وكوني كنت في حلتنا ولد مقرم .. وهمة البريم عملتها لما غسلت شعري بي قزازة بيبسي ..
وقديما صدق العرب عندما قالوا : ان [B]اصدق الشعر اكذبه !
ـــــــــــــــــ كدت ان اضيف للكود البيت الذى يليه
Quote: والتقريم جا من كوني طرحت روحي ساحر عذارى وواهم جكسي..
دخلت في الديانة الشيوعية .. ليس إقتناعا بي الماركسية .. لالالا لا والله ما كده .. بس عشان ما كان عندي قروش.. بنطلون إدوين أبو تروس..جزمة تمبرجاك ..وقميصين ..أوضتين جالوص في نص الحوش.. كان هذا كل ما أملك ..إضافة لشعري المبرم .. وكوني كنت في حلتنا ولد مقرم .. وهمة البريم عملتها لما غسلت شعري بي قزازة بيبسي .. والتقريم جا من كوني طرحت روحي ساحر عذارى وواهم جكسي.. أضف لي لستة الأسباب إني ما كنت لاقي نفسي .. غير أن هنالك سبب أكثر وجاهة .. ياخ قالوا بنات الشيوعيين ديل طيبات طيبة .. وأي ونسات أي ألفاظ ما بتعيبة .. ياخ ديل من شدة ما طيبات ما بلبسو طرحة .. يقالدوك بي أقل شي كان في زعلة ولا فرحة .. مالك ياخ مع مقالدة الشيوعيين ..مبااااالغة .. وخشيت ليكم في الجماعة .. ياخ ديل عندهم لعبة إسمها ثقافة ثقافة !!! ماااالك ياخ مع الثقافة ؟ أهم شروطها اللقافة ... أعتقد أن البلاشفة سيرياليين ..جبريال قارسية ماركيز و .إيزابيل الليندي من الروائيين.. وانا والله ..وما طالبني حليفة أتقص كان فاهم شي... حاولت أشارك في الموضوع .. وطيت صوتي وبي حس موجوع .. قلت ليهم إيزابيل دي مش كتبت الموضوع حق قتلوا طالباً اخر إذنـــــــــــ؟؟ بعرفا بتكتب معانا في سودانيز .. وجبراييل ده مش عندو ولدو إسمو طارق قاعد في المغرب ؟؟ برضو معانا في سودانيز .. بس النصيييحة وعشان ما أكضب عليكم البلاشفة ديل ما عرفتهم ليكم.. لكن والله ده ما بيمنع إني سعيد بيكم .. مرتاح نفسياً وزي خلاص باقي عليكم .. عقبة واحدة تبقت للعبور .. لازم أحفظ أغنية والله نحن مع الطيور .. حينها أدركت أنني جد جد طيرة .. ومن اليوما ديك بقيت كوز .. وعندي شريط لي قيقم بي العود..
الحكاية كبرت أوي جخافل الظلام (صلاح عبدالله وعمر الفاروق) تتكالب عاى قوى الاستنارة سريع يا عصام جبر الله وخدر تعالوا رشوا الناس دي ممكن تجيبوا معاكم انو ساندرا ومحمد حيدر المشرف. خالد عبيد وعاطف مكاوي خلوهم للجولة التانية.
Post: #200 Title: Re: عايز أبقى شاعر حُر..تبقوا معاي؟ Author: محمد حيدر المشرف Date: 01-04-2012, 10:42 PM Parent: #199
والله العظيم اول مرة اعرف انى شاركت فى البوست ده !!
Post: #201 Title: Re: عايز أبقى شاعر حُر..تبقوا معاي؟ Author: محمد حيدر المشرف Date: 01-04-2012, 10:52 PM Parent: #200
المهم .. أعرف يقينا ان سيناريو اليابسة لعاطف خيري ّيستحق أن يضاف للمدارس الشعرية .. بيد أنى اتفق نوعا ما مع الخفة الممارسة هنا عند استحضار ّ( أقصى شاشة الاصغاء ) لذات العاطف !! وغالبا ما يكون ذلك عائدا لمشكلة شخصية أعانيها!. أو إحتمال !!
Post: #202 Title: Re: عايز أبقى شاعر حُر..تبقوا معاي؟ Author: سارة علي Date: 01-05-2012, 00:08 AM Parent: #201
عمر (محضات).. لمن تنتهي قول لي عووووك عندي غرض في بوستيك دا...
Post: #203 Title: Re: عايز أبقى شاعر حُر..تبقوا معاي؟ Author: سارة عيسى أحمد Date: 01-05-2012, 00:20 AM Parent: #202
يا سارة علي ..أمير الشعراء الأحرار عمر الفاروق ما أظن ينتهي قريب ياداب دخل في الغريق وبدأ يعالج في القضايا الاجتماعية وإنتقاد الأحزاب السياسيه :)
Post: #204 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-05-2012, 03:13 AM Parent: #203
تمنينا أن يعز هذا البوست بإحدى السارتين..لكن أجي القاه الأتنين؟؟ غايتو يا سارة لقيتك محاااضة لكن. سارة عيسى عجبتني طريقة تفكيرك..ويا قول السعوديين: يا ليييل ماطووووولك
Post: #205 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 01-05-2012, 09:27 AM Parent: #204
Quote: والله العظيم اول مرة اعرف انى شاركت فى البوست ده !!
ما قالو ليكم لا تقربوا الكتابة وانتم سكارى
_____________ " العاطل "
احجزو لي معاكم كرسي في الركن الشرقي للحِلة وفضلو لي معاكم كماً عضما من الحَلة
غسلو لي شرابي لدافوري الجمعة وانت جاي من السوق جيب لي معاك كيس تمباك تكملة متعة
مكاني محجوز صباح ومساء لابس عراقيني الرهيف اشاغل في بنات الحلة الجكس القبيح والجكس النضيف اصلو انا ما عندي قشه مُرة
الليلة الحفلة كاتلها مشنط ولابس جديد ما رسله لي خالي الفي لندن احي انا من ايمان ومعاها ندى القلعة كمان
عاطل آآآآآي لكن ارجل زول
بقعد في اللستك ما اقعد فيه .. هو حق زول ؟!
اشاغل في البنات .. ما اشاغلهم ..!! هم ليه بمرقو من غير لباسات
خلاصة القول لقيتو لي شغل ببطل الحاجات دي ما لقيتو كما ياها دي حياتي
Post: #206 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 01-05-2012, 10:02 AM Parent: #205
" النجاضة "
برز من الركن الشرقي للحلة يمين اللستك يسار دكان البرقاوي
النظارة ، كيس العرقي وشنطة يحمل فيها بلاوي
يعرف كل شي عن اي شي وخبيرٌ في الاشيا جميع غناي بصوت شين لعاب في الكورة بلسانو حتى الطيارة ممكن اسوقها لو لقى فرصة والدين ده حقو براه حافظ كل الايات بطريقة فيما معناه والناس المشهورين ديك امبارح كانو معاه
يخشى فقط النسوان وعشان شين يقول ان المراةُ عارض ودايما شايل طوبتو معاه ما بنساها لو كان وين وكذلك يخشي العراك لو قامت بونية وانت معاو الا تشيلها براك
غلااااات لكن طيب وشين لكنه حبَيَّب معاط ومفيد وقرَيَّب
Post: #207 Title: Re: عايز أبقى شاعر حُر..تبقوا معاي؟ Author: Salah Abdulla Date: 01-05-2012, 11:00 AM Parent: #205
من غير شغل (مجاراة لشاعر دبي الكبير وليد )*
عواطلي وليك نَفِس تطلب!! كرسي شنو البتقعد فيو صلبك ما فِتِر منو تزحزح في النهار والليل تقابض الغاشي والماشي وتقلع حق عشاك كمان؟؟
عضام ياتي التكد فيها هي نفسك فاتحة للعضة؟؟ وأول مرة أعرف زول عواطلي وبيلعب الكورة.. كمان قال كيفو في التمباك مفروض ياخ تسفو تراب ..
ويحجزوا ليك كرسي كمان؟؟ وزول زيّك عديم إحساس بيحس بالقشة كان مُرّة؟؟ وقال الحفلة جاييها ، وقاشر من بلاد بره ناس الحفلة ناقشينك وناس الحلة شامينك..
أرجل زول ؟؟ من القال ليك.. شغل ياتو البنلقاو ليك؟؟ تنوم والناس تفتش ليك؟؟ فّكر في البيت وفي أبوكا يمين مفروض يصلبوكا وفي أقرب كوشة يرومكا..
-------- * قالوا دبي نفعت معاك يا أخو شكلك ناوي تطبع ديوانك وترجع.
Post: #208 Title: Re: عايز أبقى شاعر حُر..تبقوا معاي؟ Author: صلاح أبودية Date: 01-05-2012, 11:14 AM Parent: #207
بتمسكلى .. بعد حولت كل العمر رصيد .. بتسمكلى ..!! بعد بدلت ليك بالآيفون ودافع فرق .. بتمسكلى ..!! ياجلدة عفنة مالا التسكت مسج .. ول ما بتعرفى تكتبى ..!! وشابكانى اقلبو لى بالإنجليزى .. يقلب شباشب مركبك .. بتمسكلى .. والله زهجت منك ومن نغمتك .. وكرهت حتى الإتصال .. وكرهت نضمك والغلاط .. يا غالاطة !! فترت من تحويل الرصيد .. وتعبت من كشط الكروت .. عشان تشحنى ..!! يا بليدة وما تفهمنى .. قلت ليك تلفونى خط خط .. خط .. خط .. ما بحول رصيد .. إتفكفكى !! .. ــــ صلاح أبودية حلة الجراد 1988م
Post: #210 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 01-05-2012, 11:36 AM Parent: #208
هلا هلا يا ابدية
طيب انت ما شيوعي عديييييييييييييييييييييييييييييييييل
بقولوا عليك امنجي وكوز كيف
هسع ده شعر كوز
Post: #209 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 01-05-2012, 11:26 AM Parent: #207
Quote: قالوا دبي نفعت معاك يا أخو شكلك ناوي تطبع ديوانك وترجع.
اواه يا صديقي المُجدد هذه بلاد عجيب جكسا في خط سته ما يديك الدرب ومرات جكسا بكون في خط مافي عديل
و اكلو السماد يا ربي يا رب العباد ارحمنا في يوم المعاد
يا الكِسرة رميتي العضام من صغيرين قبل الفطام
ــــــــــــــــــــــــــــــــــــ يا جماعة و الله أنا بسجل أعجابي بالشاعر الحر و ليد بن الشفت الظاهر أن التجوال في بلاد العربان و هو يمتطي جزمته الجديده قد فعل مفعول السحر . شنو يا ولي ياخ فارقته فول السودان و بقيت راحي وداحي بالبلدان !؟ ادينا شده في الجزمة دي ياخ.
يا بنت الصباغ كلامي مع و ليد دا اوعه تحشريهو في (النقض) بتاعك دا دا منأجاة بتاعة صحبان ساي .
يا جماعة معليش عدلته و اضفته الجزء بتاع القرقريبه لانه سقط سهواً .
Post: #213 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-05-2012, 08:22 PM Parent: #212
هل من مرحب..؟؟ عضو جديد و فرحان.. وما مصدق إني أخيرا لاقيتكم يا حبان.. أخوكم عوض باشري أم قريفان.. عدد الردود سبعة..عدد القراء تسعة.. تلاتة ردود حقت عوض عبارة عن شكرا لي تلاتة ترحيبات إضافة إلى المشاركة الأم.. خمسة قراءات لعوض ممنيا نفسه أن تكون في إحداها ترحيبة من عزاز.. عذرا سادتي ليس للموضوع علاقة بدول الهلال الخصيب.. فأرض الشام لها حاليا من ربيع الثورات نصيب.. مع العلم أن عوض أضاف هذا البوست قبل إسبوعين ونيف.. ويقبع حاليا في أرشيف الربع الثاتي من هذا الصيف.. عوض رجل عالم ومثقف لا يهتم بالكم بل بالكيف.. كتب عن إنشطار الذرة..وعن يوم البعث..وسر ألوان الطيف.. قرأنا هذه المواضيع مجتمعة في يوم واحد ولحظة واحدة.. هو ذات اليوم الذي عرفنا فيه بأن هناك من يدعى عوض.. شاشة سوداء يعلوها عنوان عريض بلون زينب مفاده أن منو العوض وعليهو العوض.. أحححيا يا عوض صحي إنت مت؟؟كانت هذه ومضة معزية.. مات عوض فماتت الإنسانية..!!كانت هذه ريحانة قد كتبت مرثية.. وتبعتهن ملكة كوش ونازك وبت الأهلية.. هي لكن يا عوض إنت ذاتك بتبالغ..ديل عرفتهن بتين وكيف يا راجل يا شايب تراكا لااابد بي تحت شي فيس وشي ياهو و شي ما ياهو وشي إسكايب.. بينما صاحب الحوش بالدف ضارب وشيمته بشر الصابرين.. وآخرون يسردون نوادرا وقصص عن كيف التقوه وعن روعته بينما هم فقط معزون..
عضوة جديدة هل من مرحبة..؟؟ متابعاكم من زمان وبي محسن انا معجبة.. عذرا ليس للموضوع علاقة بي الكلوروفيل.. فذلك تجده في زرع أخضر جميل.. البوست نزل هسسسة دي مش؟؟ كدي بس أعمل ريفرش.. عدد الردود جغلومية..عدد القراء..خورتومية..والأعمى شايل الأطرش.. وينك يا رايعة..يا لجمال يراعك..مدهشة..وأي زول بي وردتو الحمرا يخش.. ده غير الوشوش الخدرا البي سبب وبلا سبب.. حيييينا تفصل يا كبير؟؟؟ الحالة ما عرفو الإسم.. والحالة ما شافو الشكل.. مش بت؟أكيييد عسل.. وحلللك لما نكتشف إنها شينة.. بتكون أدت الغرض ونحن زاتنا بنكون خلاص مشينا.. الغريبة إنها تكتب بإسم الفراش الحاير.. فأحتار الاخرون وتكبكب الشباب الباير.. هم أريتم لو شباب ..عجااايز وملك الموت حولهم طايير.. كتبت عن أثر الديانة والفير.. فشاركناها اللوفلي..مش أخير؟ كتبت عن أثر الطلح.. فحرقنا أجسادنا بل كتبنا الدلكة بسووها كيف والحلة لو زايدة ملح.. هي دقيقة النحدسكم قبل ما أنسى.. مش الفراشة طارت.. وجماعتنا إحتارو في كنكوجم..
تحية يا عمر و تحايا لضيوفك سنة الفين و ستة اخدت لي غيبة اسبوعين من المنبر لما رجعت لقيت المنبر كلو بقى سياسيين بما فيهم ناس الكورة و الغنا هسه غبت من المنبر ثلاثة اسابيع ورجعت لقيت المنبر كلو بقى شعراء احرار ياخي ابو شنب ذاااااتو بقى شاعر وانا كنت قايلو بتاع غنا ساي!! يا اخوانا الحكاية شنو؟ و الله الواحد لو بضمن انو يغيب ويجي يلقاكم بقيتوا بتاعين مظاهرات والله تاني شهر ما تشوفوني!!
Post: #215 Title: Re: عايز أبقى شاعر حُر..تبقوا معاي؟ Author: Salah Abdulla Date: 01-05-2012, 11:26 PM Parent: #214
Quote: ياخي ابو شنب ذاااااتو بقى شاعر وانا كنت قايلو بتاع غنا ساي!!
أووووووووه الصاوي، سحارة الغنا السمح أسبوعين شنو ياخ أنا لي سنتين ما (قريتك).. سمعت بي سبعة صنايع والبخت ضايع!! ياهو ده أنا زاتو وبعدين نحن جواكر ياخ ، وين ما تختنا نشتغل..
وبيني بينك عايزين نخت أصحاب الدواوين في حتة ضيقة يا يكتبوا صاح يا كمان يريحونا ويرحمونا شوية ياخ..
Quote: و الله الواحد لو بضمن انو يغيب ويجي يلقاكم بقيتوا بتاعين مظاهرات والله تاني شهر ما تشوفوني!!
مرحب بيك يا الصاوي
دا ما كلو تسخيت للمظاهرات وبعدين كمان شفن الثورة اتاخرت قلنا نبدا بالثورة الثقافية وناس الانقاذ ديل ملحوقين.
شايفة خريطتك بتاعة السودان لسة كاملة انت لسة شغال بالقديم ولا ما مقتنع . الله يستر علي الفضل دا ما يتقرم بجنبة تانية.
تحياتي للاسرة ودمت بخير.
Post: #217 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-06-2012, 00:15 AM Parent: #216
بس لو أعرف الصنف البتضربو سناء ده وارد وين؟؟؟
Post: #218 Title: Re: عايز أبقى شاعر حُر..تبقوا معاي؟ Author: وليد محمد المبارك Date: 01-06-2012, 08:57 AM Parent: #212
هلا هلا الصناجة نابري
والله يا نابري
الجو مُرتاح في البلد دي والمافي شنو ؟
اما عن تجربتي الشعرية فاحثك انها ، وليدة معاناة الترف الصباحي ، حين يكون الناس منشغلين باشيائهم الحياته كالاستحمام وبعض من افعال خالصة ... يا صديقي الشعر حالة مازوخية .. يُعذب الانسان فيها نفسه .. ويصلُح في نفس الوقت ان يكون علاج لنفس الحالة ..!!
بالدارجي كده.. بفلق ويداوي
Post: #219 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-06-2012, 09:05 AM Parent: #218
عاد يا الصاوي قاصدني عديييل..2006 ده انا زاااتي القلبت خ من الكورة فلسياسة..وعسة قلبت شعر.. غايتو تحقيقا لي رغبتك بكرة انا بمشي ميدان التحرير..هي سجمث ابو جنزير..:-)
Post: #220 Title: Re: عايز أبقى شاعر حُر..تبقوا معاي؟ Author: القلب النابض Date: 01-06-2012, 10:06 AM Parent: #219
Post: #221 Title: Re: عايز أبقى شاعر حُر..تبقوا معاي؟ Author: عمار يس النور Date: 01-06-2012, 11:48 AM Parent: #220
د. سناء سلام و تحية،
Quote: فضل الظهر نص يدخل في باب ادب السيرة الذاتية
هنالك تشابه كبير بين إسلوبك النقدي و المدرسة النقدية العفوية التي أسسها حلاق الجامعة.
بعدين مالك ما "نقدتي" قصيدتي في الصفحة السابقة.
تحياتي لعمر المجذوب و الاولاد
عمار
Post: #222 Title: Re: عايز أبقى شاعر حُر..تبقوا معاي؟ Author: haroon diyab Date: 01-14-2012, 08:24 AM Parent: #221
وجع السؤال --------
رديت عليك من غير سؤال
وجاوبت للهم الفرح
ختيت علي كل الاسي
وفرهدت بيك دنيا المحال
وانا انتظار.....
وانت السحابة الشايلة هم الدنيا فوق
ترسم ترقرق تدي للارض الذبول
في كل كون....ومع السكون
لاقيت سحابات الشجن
تنسج خيوط كل المحال
بي كل ارادة وارتحال
واتذكرك لحظات نغم
في نمة في شاي الصباح
بي رقة بي كل اندياح
واسرح بعييييييييييييييد
وانتي الخيال الخاطر الهم النزف
ياامسيات كل الاسف
مابين سؤالك والجواب
يتفتح الشارع حلم....
واناجي دربك يامحال
القاكي بين مليون ارض والف باب
اه.... ياعذاب
لامن الاقكي خطاكي تمرح في مسامي وتنتشي
والشهقة....نازلة وتنكفي
والطفلة حنة ونخلتين
والجنة ناره سعيره حي
يبداء السؤال.... من غير سؤال
وانا في انتظارك ياسهاد
راجي السؤال بعد السؤال
يتفتكت الخاطر يباب......
ارسل كمان كمين جواب
ارسل كمان كمين جواب
ارسل كمان كمين جواب........!!!!! أ
Post: #223 Title: Re: عايز أبقى شاعر حُر..تبقوا معاي؟ Author: haroon diyab Date: 01-14-2012, 08:34 AM Parent: #222
اكيد مجنون ----------- رحلتي الذكري والنسيان
وجافيتي العمر اخضر
وفرهد في سماكي نغم
تخضري نور صباحي الهم
فياوجعني ملاني فرح
ويانسمة بتسد الضوء
وبين لحظة مدامع نور
شع من الفؤاد مسدار
الاقي الفرحة تتلاشي
وامشي وراك يامشوار -- ايا صيف الشتاء الحارق
ويابرد الهجير الصي
علي بحر الظلام ...
بلقاك
حلم...
برجاك حقيقة وزيف
وبترجاك
لقانا يطول
وبستناك
علي الجندول
وبتحاشاك
من القول
وبتحداك
في كل زول
وبهوي سواك.....؟
اكيد مجنون
Post: #224 Title: Re: عايز أبقى شاعر حُر..تبقوا معاي؟ Author: عمر الفاروق Date: 01-14-2012, 08:46 AM Parent: #223
هارون يا دياب.. علاقتك بي عقد الجلاد كيف؟؟ والله وجع السؤال دي تلقى ليها عثمان نو يلحنا ..ما سائلة في زول زاتو.. ياخ تاني بكرر ليك..سييييب الكورة يا عمك..سيييييبا..
Post: #225 Title: Re: عايز أبقى شاعر حُر..تبقوا معاي؟ Author: haroon diyab Date: 01-14-2012, 10:17 AM Parent: #224
ياحبيب
صباح الخير
Quote: والله وجع السؤال دي تلقى ليها عثمان نو يلحنا ..ما سائلة في زول زاتو..
الرسول فوقك الكلام ده جد ولا مكاواة ساااااااااااااكت.....؟