Post: #1
Title: سناء جعفر ، يحتفي بها الغياب !
Author: سمرية
Date: 02-16-2009, 12:35 PM
Parent: #0
بوسعي ان اقتات .. من ثمرك !!
بوسعي اكثر من اشتهاء ...
بوسعي ان ارتدي البحر ... ظلا
وان اكتفي بالنظر خلفك .. واليك !!
أأستطيع ؟؟!!
ابتعدي .. داخلي .. الى اقصى اغوار جسدي !!
وبعثري ... ايمانك وتصوفك !!
منذ متى والحرف يطبق جفنيه .. على حدائق اسرارك ؟
منذ متى .. وصوتي بئر .. لا تكذب ؟؟
اعرفك .. نبض كثيف نبت في رواق روحي ..
صوت آمن ... صدح في ( هدوء ) رحلتي !!
من اين ياتي الحنين ؟؟
من اين ياتي الحب ؟؟
قبل ان تغفو التفاصيل ... دعي الفضاء يبحث عنك !!
وقبل ان تلثم ذاكرتي .. صورتك !!
ارحمي ... تكويني .. من فرط .. الحنين اليك !!
يااااااخ ،، آآآىخ ..
انا انا قاعدة اكورك ... مش قلبي واجعني من الشووووق ؟؟
بكورك ... بكورك .. يا سناااااااااااااء
يارب حيسمعني حرفك ؟؟!!
|
Post: #2
Title: Re: سناء جعفر ، يحتفي بها الغياب !
Author: ماجدة عوض خوجلى
Date: 02-16-2009, 12:42 PM
Parent: #1
Quote: انا انا قاعدة اكورك ... مش قلبي واجعني من الشووووق ؟؟
بكورك ... بكورك .. يا سناااااااااااااء
يارب حيسمعني حرفك ؟؟!! |
قلت الصوتنين شويه بيكونو اعلى من واحد
ننادى معاكى وياريت هى وكل الناس الجميلة الغايبه تسمع وتجى
تسلمى يارب ...
|
Post: #3
Title: Re: سناء جعفر ، يحتفي بها الغياب !
Author: ناهد بشير الطيب
Date: 02-16-2009, 12:45 PM
Parent: #2
سناء جعفر
والغياب المهترىء الغياب
شكرا سومرية
ونعم المنادى والمنادى له
كيفك ماجدة خوجلى لعلك بخير
|
Post: #10
Title: Re: سناء جعفر ، يحتفي بها الغياب !
Author: سمرية
Date: 02-16-2009, 01:12 PM
Parent: #3
ناهد بشير ...
لمن لا يعرف ... مقام ( هــا )
الحكاية دايرة ... مسافة طويلة ... وشوية ونسة دوقاقة !!
لمن لا يعرف ... البحر !!
صافي الملمس .. ارمل اليابسة ... صخري الذراعين ...
مغرور !!
لمن لا يعرف ... البر !!
جائع الماء ، متشبع الشجيرات ، شائك النظرات ...
مجنون !!
لمن لا يعرف ... الجو !!
زائغ العينين ... عربيد .... له في اليابسة مسكن !!
مفتون !!
لمن لا يعرف ... ( سناء )
كالبحر .... كريم ( ة )
كالبر ... باسل ( ة)
كالجو ... متقلب ( ة )
***
( سناء )
زولة ..... لذيذة ...
حديقة من الازهار ...
علبة الوان !!
وبث !!
غابت ...متسلقة ( فرع ) الغياب الطوويل ... !!
ناديتها :
يا شجرة ... ثمارك يانعة ...
تعالي اقطفيها .... قبال الشوق ... يأكلها .. ويأكلنا !!
ناهد ... بالله كوركي معانا
|
Post: #4
Title: Re: سناء جعفر ، يحتفي بها الغياب !
Author: azhary awad elkareem
Date: 02-16-2009, 12:46 PM
Parent: #2
Quote: قلت الصوتنين شويه بيكونو اعلى من واحد
ننادى معاكى وياريت هى وكل الناس الجميلة الغايبه تسمع وتجى
تسلمى يارب ... |
خليهم تلاتة بالله يا ماجدة..
|
Post: #6
Title: Re: سناء جعفر ، يحتفي بها الغياب !
Author: عبد الدائم سيد أحمد
Date: 02-16-2009, 12:53 PM
Parent: #4
سمرية انتى ما عارفة انو سناء سافرت تانى
لدكتورة منال عبدالعظيم فى السويد ....
وكل بنات الخرطوم القديمة مسجلات غياب
ما عدا الناظر والوكيل
ــــــــــــــــــــــــــــــــــ
لو رجعت خبرينا ...
|
Post: #12
Title: Re: سناء جعفر ، يحتفي بها الغياب !
Author: سمرية
Date: 02-16-2009, 01:22 PM
Parent: #6
سافرت السويد ؟؟
يطرشني خااااالص ، مافي زول كلمني ولا حتى هي ذاتها ؟؟
كر علي يا سناء ... البرد بكون كتلك ؟؟
الخبر دا اكيد ؟؟
عبد الدائم شكرا للحضور وتسلم
|
Post: #11
Title: Re: سناء جعفر ، يحتفي بها الغياب !
Author: سمرية
Date: 02-16-2009, 01:18 PM
Parent: #4
| Quote: خليهم تلاتة بالله يا ماجدة.. |
يا ازهري .. تفتكر تلاتة كفاية عشان الزولة دي تظهر ؟؟!!
ونور بيتنا شارع بيتنا ...
|
Post: #7
Title: Re: سناء جعفر ، يحتفي بها الغياب !
Author: كمال علي الزين
Date: 02-16-2009, 12:58 PM
Parent: #2
(*)
|
Post: #13
Title: Re: سناء جعفر ، يحتفي بها الغياب !
Author: سمرية
Date: 02-16-2009, 01:24 PM
Parent: #7
يا كمال نهارك سعيد
وشكرا على المظاهرات المنظمة ... وعلي صوتك كدي !
|
Post: #9
Title: Re: سناء جعفر ، يحتفي بها الغياب !
Author: سمرية
Date: 02-16-2009, 01:04 PM
Parent: #2
يا ماجدة ازيك انتي ؟
كويس انك قاعدة تكوركي معاي .. لان الحنجرة الواحدة لا تعمل ثورة ..
اها ما عندك مخطط للكواريك دي ولا نكورك عشوائي ساااي ؟
|
Post: #5
Title: Re: سناء جعفر ، يحتفي بها الغياب !
Author: walid taha
Date: 02-16-2009, 12:47 PM
Parent: #1
أتمنى قبل ان أضغط على (أضف رد)
أن تكون سناء جعفر قد سبقتنى الى هنا
سمرية أزاى الحال
|
Post: #8
Title: Re: سناء جعفر ، يحتفي بها الغياب !
Author: محمد الطيب يوسف
Date: 02-16-2009, 01:02 PM
Parent: #5
يا ســـــــــــــــــــــــــناء
فـــــــــــرهد غيابك أغنيات
ظلت أراضي اللقيا بـــــــــــــــور
______________________________________________
وقيل ما أختم كلامي
بتمني لو ردك يجيني
|
Post: #14
Title: Re: سناء جعفر ، يحتفي بها الغياب !
Author: ذواليد سليمان مصطفى
Date: 02-16-2009, 01:26 PM
Parent: #8
سبب الغياب
كلمات/ذواليد سليمان مصطفى
ورينى ايه سبب الغياب ***ولمتين يدوم فينى العذاب
اروينى من نبع الرباب*** لو حتى يوم تهطل سحاب
بقت النجوم من غير جمال***بفرقتك صبح الجمال زى الضباب
اه يازمن من جور زمن***فات الحبيب والعين تساب
حتى الفرح ضل الطريق***والسكة تاهت بين سراب
سفرك اكيد جواه سر****وانا بالفراق كم نجمى غاب
ياساكنه جوه عيونى شوف***كل الخصال ضامه العتاب
كلمه وداع سالت دموع***هزت شعور كل الصحاب
رغم البعاد زاملى المصير***سيب الغرور زيلى اليباب
ريحة الدعاش عبق النفس***طل العشم من كل باب
احكيه كيف الم الالم***عالم وهم من غير صواب
عاشق اسير كايس العبير*** *شايف الزهور تحكى الخراب
......................................................
الى كل الذين ذاقو مرارات الغياب والم الفراق من الحروب وشردوا من الحروب وفقدوا طعم الحب والرومانسية،.
اللهم اجمع شملنا .
ذواليد سليمان مصطفى
|
Post: #23
Title: Re: سناء جعفر ، يحتفي بها الغياب !
Author: سمرية
Date: 02-17-2009, 08:49 AM
Parent: #14
( ورينى ايه سبب الغياب *** ولمتين يدوم فينى العذاب)
.
.
ماشاء الله يا ذواليد ، عيني باردة .. والله ، شكلك اضافة جيدة جدا للمنبر بتفاعلك المتواصل ..
شكرا للرهف الجميل الذي بداخلك ..
|
Post: #15
Title: Re: سناء جعفر ، يحتفي بها الغياب !
Author: انعام عبد الحفيظ
Date: 02-16-2009, 01:52 PM
Parent: #8
نفتقد معك قلم سناء جعفر ياسمرية
ويا ريت ما تطوّل الغيبة
|
Post: #16
Title: Re: سناء جعفر ، يحتفي بها الغياب !
Author: معتصم دفع الله
Date: 02-16-2009, 03:48 PM
Parent: #15
نفتقدها بشدة ..
كيفك يا سمرية ..
سلام مربع ليكن انتو الاتنين ..
|
Post: #25
Title: Re: سناء جعفر ، يحتفي بها الغياب !
Author: سمرية
Date: 02-17-2009, 10:52 AM
Parent: #16
صوووم يا عريس ..
ازيك انت دا ؟؟
عندك خبر انو سناء وصلت السويد ؟؟!!
كدي اتاكد لي من مصادرك التي اعرف ..
سمح ؟؟
|
Post: #24
Title: Re: سناء جعفر ، يحتفي بها الغياب !
Author: سمرية
Date: 02-17-2009, 10:18 AM
Parent: #15
انعام ، صباحك ورد ...
لٍــ ( ها ) قلم ساطع كالشمس ، لذا حين يغيب تغرق الصفحات في عتمة حالكة ...
بالمناسبة :
عرفتك ما حتتصلي حسب وعدك أمس ، قولي يا لطيف !!
|
Post: #22
Title: Re: سناء جعفر ، يحتفي بها الغياب !
Author: سمرية
Date: 02-17-2009, 08:12 AM
Parent: #8
محمد الطيب ... طاب يومك
بالله شووفت سناء زولتنا دي ( حسيسة ) كيف ؟؟
واظن الرد جاااااااك ... موووش كده ؟
|
Post: #20
Title: Re: سناء جعفر ، يحتفي بها الغياب !
Author: سمرية
Date: 02-17-2009, 07:24 AM
Parent: #5
وليد يا صديقي ،،
صباح الخير ... وازيك انت ؟
وهاهي أمنيتك قد تحققت ... وشكرا للأماني الصادقة يا وليد !!
|
Post: #17
Title: حضور مخصوص للناس الحلوين ....
Author: sanaa gaffer
Date: 02-16-2009, 04:46 PM
Parent: #1
الحبيبة سمرية ...
في غفلة من لحظة ضلام ...
كلمني ليل حالك طويل ... ممعن سواد ...
قال انو جد ... تعبان شديد من وحدتو ...
وعاوز يغير طلتو ..
قام مدّ ايدو... وغازل أطراف الفجر ..
وقال كلام ... هامس رقيق ..
ما بتسمع ... ما بتعرف ...
واكيد كمان ... ما بتحكي ...
كلام ملحّّن زي مواويل العشق ...
ممطوط طويل ... زي مسادير الحزن ...
كلام دقاق ... مليان أنين ..
سري وحنين ...
في غفلة من حلم الرحيل المستحيل ...
إتمددت احزان عميقة ...
ناوشت فرحي اليتيم ...
نكشّت حسي المخدّر ومستكين ...
ناضمت خوفي المحكّر من سنين ...
خاصمت صمتي المسربل بالكلام ...
في غفلة من لحظة صمود واصرار عنيد ...
جاني طيفك زي كأنّّو حامل أوزار البشر ...
ممكون ... ومتكي على الصبر ...
حفيان ... وتحتو النار جمر ...
عطشان بيهاتي .. حتى لنقطة مطر ...
طيف الالم .. الجاني شايل الريد عشم ...
خلاني اتهاوى وافزّ ...
أكسر جدار الانعزال ...
أجري اخترق الحصار ...
وأسرق تسابيح الخيال من المحال ...
وارجع اطير ... مع الجمال ...
لا يمكن إغفال نداء منك يا سمرية ...
لك مودتي .. وتحياتي ... وامنياتي الطيبات ...
|
Post: #26
Title: Re: حضور مخصوص للناس الحلوين ....
Author: سمرية
Date: 02-18-2009, 10:28 AM
Parent: #17
Quote: في غفلة من لحظة ضلام ...
كلمني ليل حالك طويل ... ممعن سواد ...
قال انو جد ... تعبان شديد من وحدتو ...
وعاوز يغير طلتو ..
قام مدّ ايدو... وغازل أطراف الفجر ..
وقال كلام ... هامس رقيق ..
ما بتسمع ... ما بتعرف ...
واكيد كمان ... ما بتحكي ...
كلام ملحّّن زي مواويل العشق ...
ممطوط طويل ... زي مسادير الحزن ...
كلام دقاق ... مليان أنين ..
سري وحنين ... |
يا سناء ...
مالك يا حنينة ، انت ما شبه العذاب .. خلى الضلام للبشبهو
..
وحات الله كلامك دا شفقني عديل .. وما طمني خالص ..
عليك الله اطوي الليالي .. واكسري الطوق وتعالي ..
|
Post: #18
Title: حضور ...مخصوص للناس الحلوين ...
Author: sanaa gaffer
Date: 02-16-2009, 05:06 PM
Parent: #1
الاعزاء ....
ماجدة عوض خوجلي ..
ناهد بشير الطيب ..
أزهري عوص الكريم ..
عبد الدائم سيد أحمد ..
كمال علي الزين ..
وليد طه ..
محمد الطيب يوسف ..
ذو اليد سليمان مصطفى ..
انعام عبد الحفيظ ..
معتصم دفع الله ...
وجودكم هنا ينثر حبيبات السكر .. واوراق ورد .. ويضئ فوانيس فرحي ...
لقد اسعدتموني بسؤالكم ...
عقدت هدنة مؤقتة بين الورق وحبري .. حتى اعتادت عيناي على مشهد اللون الابيض الفاضح الذي يرفض ان يرتدي شيئاً غير لونه ..
وما ان تنقضي الهدنة .. ساعود باذن الله ...
لكم تحياتي ,,, ومودتي العميقة ...
|
Post: #19
Title: Re: حضور ...مخصوص للناس الحلوين ...
Author: فاروق حامد محمد
Date: 02-16-2009, 05:26 PM
Parent: #18
في غفلة من لحظة ضلام ...
كلمني ليل حالك طويل ... ممعن سواد ...
قال انو جد ... تعبان شديد من وحدتو ...
وعاوز يغير طلتو ..
قام مدّ ايدو... وغازل أطراف الفجر ..
وقال كلام ... هامس رقيق ..
ما بتسمع ... ما بتعرف ...
Quote: واكيد كمان ... ما بتحكي ...
كلام ملحّّن زي مواويل العشق ...
ممطوط طويل ... زي مسادير الحزن ...
كلام دقاق ... مليان أنين ..
سري وحنين ...
في غفلة من حلم الرحيل المستحيل ...
إتمددت احزان عميقة ...
ناوشت فرحي اليتيم ...
نكشّت حسي المخدّر ومستكين ...
ناضمت خوفي المحكّر من سنين ...
خاصمت صمتي المسربل بالكلام ... |
فيQuote: غفلة من لحظة صمود واصرار عنيد ...
جاني طيفك زي كأنّّو حامل أوزار البشر ...
ممكون ... ومتكي على الصبر ...
حفيان ... وتحتو النار جمر ...
عطشان بيهاتي .. حتى لنقطة مطر ...
طيف الالم .. الجاني شايل الريد عشم ...
خلاني اتهاوى وافزّ ...
أكسر جدار الانعزال ...
أجري اخترق الحصار ...
وأسرق تسابيح الخيال من المحال ...
وارجع اطير ... مع الجمال ... |
هذه سناء التي نعرفها ...
تزداد تألقا يوما بعد يوم
وتزدان "سناءً" على "سناء"
|
Post: #21
Title: Re: حضور ...مخصوص للناس الحلوين ...
Author: maia
Date: 02-17-2009, 07:43 AM
Parent: #19
التحية لك سمرية العزيزة
والتحية لسناء جعفر اختي التي خرجنا سويا من رحم الخرطوم القديمة
واصلي يا سناء اثراء صفحات الحياة بكلماتك
لكم خالص الود ودمتم بخير
|
Post: #27
Title: اعز زول
Author: Dalal Ezzaldin
Date: 02-18-2009, 10:42 AM
Parent: #1
كوني بخير وطيبه واطمئنان انت وكل من تعزي يا سناء
شكرا يا سمريه على المساحه الجميله دي .
|
Post: #28
Title: Re: اعز زول
Author: اسامة الكاشف
Date: 02-18-2009, 11:40 AM
Parent: #27
سناء جعفر
قلم من الزمن الآتي
وياريت غيبتها تكون ذي غيبتها الماضية
حين عادت تحتقب "حوش بنات ود العمدة"
|
|