بكري أبوبكر .... نادية ماتت .. والدنيا ضلمة قدامنا كلنا ... إلا المنبر .. معقولة بس ؟؟

دا المنبر الجمعنا بيها
ودا المنبر الأقمنا فيهو سرادق عزاءنا
ودا المنبر الشلنا عمم بعضنا لـ نقش دموعنا
ودا المنبر الـ ناس تراجي ود. نجاة لافينو بيت بيت يعزن

لا حول ولا قوة الا بالله
الله يرحمها و يغفر لها و يجعل قبرها روضة من رياض جنانه


--------------
والله ما مصدق و حاسي اني عاوز اضرخ و اصرخ و اصصررررررررررررررررررررررررررررررررررخ .. انا لله و انا اليه راجعون

دا المنبر الجمعنا بيها يا بكري
نفتحو نلقاهو عاااادي كدا كأنو ما في حاجة حاصلة ؟؟

كدي شوف ناس منى خوجلي ودينا خالد
شوف شيقوق جو جاري يلف في عمتو في الشارع
شوف الملك زعلان يقطع في قميصو عشان ما رسل الصورة

سيب ديل

شوف ود الصايم
الضحك طار ليهو من راسو
الكلام غلبو
يشد في شعرو على المناداة الما رداها

يا حبيبنا بكري
أدي للنظرة للصفحة الأولي من المنبر
غير بوستات العزاء
في زول عندو نفس يقرأ أو يكتب في بوست تاني ؟؟

بوستات العزاء زاااتا
قادر تحسبها كم واحد ؟؟
أنا غلبني والله

دي إمكن سياسة جديدة من الباشمهندس يا هندسة ..

بس مفروض مع رحيل نادية .. تلغى كل السياسات ويتم تجميدها ..

وخاصة في هذا المنبر الي جمعنا بيها ..

والله قريت الخبر في الفيسبوك .. وكنت متوقع المنبر مسود ..

جيت لقيتو عاااادي زي الزبادي ..

حكمة والله وحكاية ..

معقولة بس يا بكري .. معقوووولة ؟؟

لا حول و لا قوة الا بالله العلي العظيم


و انا لله و إنا اليه راجعون


فاجعة كبيرة كبيرة كبيرة


اللهم ارحمها و اغفر لها


و تقبلها قبولاً حسناً يا رب

الأخ عاطف ..

قطعا الاخ بكري لم يصله الخبر وأظنه في طريقه لامريكا حسب ما فهمت من بوست للاخ هجو والرحلة قد تصل الى 12 ساعة او اكثر ..

عفوا

الأخ بكرى غادر الدوحة السادسة صباحا ..

كان فى المطار من الثالثة ص ..

توجه للفندق العاشرة مساء أمس قبل أن يسمع برحيل الاستاذة عليها الرحمة ..

لم نزعج بالخبر ..

ما زال فى الطائرة نتمنى له وصولا سالما ..


فاعذروا الرجل ..

جزيل الشكر للعابرين والمتداخلين

جزيل الشكر عزيزنا معتصم محمد صالح والباشمهندس معتصم الطاهر على التوضيح

تصل بالسلامة يا بكري

المنبر ح يكون أكيد في أولوياتك

شكراً نستا .. شكرا باشمهندس معتصم الطاهر على التوضيح ..

ربنا يوصل بكري بالسلامة .. وأكييد .. أكييد ..

حيسوِّد المنبر لو وصلو الخبر ..

وهو دائماً كما عهدناه سباق وبيكون من أوائل المعزين والمهنئين ..

والمرحومة تستاهل يسودو ليها المنبر لأسابيع .. مش أيام ..

نسأل الله لها الثبات عند السؤال ..

وأن يكرمها جل وعلا بالجنة مع الصديقين والشهداء ..

الحزن مر يانية علينا
مسخ علي البورد والاسافير
انا له وانا اليه راجعون الله يرحمك برحمته
يا ارحم الراحمين

وعندما يصل بكري ويسود المنبر..وتمر أيام الحداد الثلاث سريعا وتنتهي...

سيفاجأنا الحزن كأننا لم نعرفه قبلا..وستطل من عيونها الجميلة نظرة بريئة وطيبة تتسائل..
خلاص حديتو علي تلاتة أيام؟؟
خلاص نسيتوني؟؟

يا حزننا عليك يا نادية وعلي طيبة أصلك وأدبك وجمالك!
البركة فيك يا عاطف وفي الجميع...


...............

اللهم ارحمها و احسن نزلها ، كلام اخى معتصم الطاهر كلو صاح

ابلغت بكرى شخصيا متاخر جدا ربما قبل سفره ، بلحظات ، و كان

فى غاية الالم و الحزن . ظروف السفر و الامكانيات التقنيه حالات

دون ذلك. لها الرحمة و المغفرة.

الأحباب

مازن فيصل
عبدالله كسلا
البروف معز ..... لك تعازي الحارة فأنا أعرف علاقتكما المتميزة من خلال منتديات عكس الريح
باسط مكي
منى خوجلي .... لك تعازي الحارة وعبرك لماما جارة
هجو الأقرع .... جزيل الشكر للتوضيح

أحسن الله عزاءنا وعزاؤكم
تكرار الشكر معتصم ومعتصم

اللهم ارحمها و اغفر لها و اجعل قبرها روضة من رياض الجنة. و انا لله و انا اليه راجعون

التعازي يا عاطف

ناديه مانت نواره المنبر و ريحانته
وفعلا يبدو بكري مسافر
لانه لو الغي حتي فكرة الحداد لوجدنا له بوست يجمع فيه عطاءها و يجدد مكتبها و هذا ديدينه مع الراحلين من عضويته .

لاحظت ايضا ايام رحيل عضو المنبر ابوبكر الامين لم يتم تسويد المنبر
واظنه السبب اتضح انه بكري مسافر.


فقد ناديه ليس سهلا
رغم غيابها الاخير من المنبر لسنوات
لكن صداقتها ظلت قائمه بالاعضاء
وصدقني سيورخ لرحيلها بتغيرات كثيره تصيب دفعتها و اصدقائها و صيدقاتها.


اللهم ارحمها
و اغفر لها و صبر الجميع عليها.

فقد جليل..
أنا لا أؤمن بالصدفة كثيراً ...
رحيل مُبيت النية دون شك .
*
اللهم أجعل لها موطناً عطوفاً مباركاً

*