الفزعة يا أهل التكنولوجيا وقبيلة سودانيزأونلاين

تسلل هكر مشؤوم لبريدي الإلكتروني
وقام بإرسال رسائل فاضية أو بها مرفقات لجميع العنوانين الموجودة
قامت إدارة الهوتميل بإغلاق البريد الإلكتروني كإجراء تصحيحي بسبب كثرة الرسائل الـ Junk الصادرة من الحساب
وطلبوا مني مدهم برقم هاتف ليعطونني كود أستطيع من خلاله الدخول للبريد وتغيير الباسورد
من أمس قالوا إنتظر وسوف نرسل لك الكود في رسالة sms
من أمس وأنا في الإنتظار

وفي الإنتظار أنا ناري نار

وكملت الصبر كلو

______

العنوان البريدي هذا أستعمله منذ أكثر من عشر سنوات
ترتبط به أموري العملية الشخصية لحد كبير
مما يجعل التفكير في إنشاء جديد أمر جد مزعج



همتكم بالرأى


ولا أراكم الله زنقة بريدإلكترونية

الأحباب والأقلام الصديقة
ساعدونا برفع البوست


لطفاً

عمنا عاطف،
كفارة ولا اراكم الله مكروها في بريدٍ لديكم
حسب علمي البسيط ، الناس ديل غير المكاتبة مافي حل، فإذا فعلت ، عليك بالمعاودة و برييهم حتى
ينزلوا عند امركم، و الله المستعان :)

تشكرات يا سعد
مكاتبة وكاتبناهم
رقم هاتف ورسلنا ليهم ( أرقام ) هواتف
يوم عطلة وضيـعناهو معاهم



نسوي شنو تاني ؟؟

تشكر يا حبيب

سلام يا عاطف

لحدي ما يجوك أهل التكنولوجيا نسلم عليك ونقول ليك الله معاك

بس بعد ما يرجع كبر الباسويرد (حروف وأرقام)

Quote: ساعدونا برفع البوست

عزيزنا عاطف،
كفاره،
إنت متأكد إنو القالوا ليك أدينا رقم تلفونك ديل أولي الأمر؟

والله يا مولانا المؤمن صديق

دخلت الصفحة قالوا ياخ نحنا عملنا ليك بلوك عشان في في زول إتسلل لحسابك وأصدر رسائل كتيرة و........
كلامم صالح الحكاية دي حصلت
أها قاموا قالوا لى رسل لينا رقم تلفون عشان نرسل ليك كود.....
طاااااخ رسلنا

غايتو أكان بقوا ما هم

نرجى الله في الكريبا


تشكرات يا عزيز

الله يعوضك يا عاطف ياخ
ان شاء الله تجمع قريب

قيقا يا قيقا

عفواً لم أنتبه للمداخلة
ياخ دعوتك دعوة صالحين
جمعنا والحمد لله

إن شاء الله تسلم حمد يا فنان
ناس الهوتميل ديل شارني من أمس رسلنا ليك الكود بعد شوية بيصلك
رسلنا ليك الكود بعد شوية بيصلك
ولى هسع ما في زول حاجة وصلت منهم

الناس ديل من ( إندنا ) ونحن ما عارفين ؟؟

الجاتك في (هوطميلك) سامحتكـ ..





قلنا نرفع معاك ونسلم برضو .. وأحب أضيف اننا مشتاقين برضو :)

دلوش ( التمبوكباشية )
تشكرات وأشواق

ياخ صحي لينا بعلك دا

وذكريه بالحكمة الشهيرة

" لا يحل لصديق أن ينام وهوطميل صديقه مفقود "


تسلمي يا ستهم

من بعلي (بالتلفون) الى سديغي (عاطف عمر)



دقسسسستا وربنا يعوضكـ .. ورقم تلفونك الرسلتو داا الله يستر منو ..

ناس الهوتميل ما بيطلبوا رقم التلفون ولا بيرسلوا رسايل من النوع داا ..



من دلوش زات نفسيها (كامل تضامني معاك) :)

تمبس وبعلته

لا عدمتكم
جات سليمة

رجع الحساب والحمد لله
وغيرنا الباسورد


______________

بالجد

داليا وتمبس

مهرجان دبى للتسوق
ودعوة مفتوحة
وِاشواقنا لكم

فهل من خبر مفرح بلقائكم ؟؟

Quote: وطلبوا مني مدهم برقم هاتف ليعطونني كود أستطيع من خلاله الدخول للبريد وتغيير الباسورد من أمس قالوا إنتظر وسوف نرسل لك الكود في رسالة sms من أمس وأنا في الإنتظار

عادة برسلوا الكود الى ايميل تاني بتكون اديتو ليهم لما انشأت الهوطميل
راجع ايميلاتك التانية.
هل قلت لهم انك نسيت الباصورد وسألوك السيكوريتي كويتشنز؟ اسئلة التأمين؟

سلامات يا عادل
مشتاقين والله

Quote: عادة برسلوا الكود الى ايميل تاني بتكون اديتو ليهم لما انشأت الهوطميل راجع ايميلاتك التانية. هل قلت لهم انك نسيت الباصورد وسألوك السيكوريتي كويتشنز؟ اسئلة التأمين؟

المشكلة أنا ما نسيت الباسورد
فتحت الصفحة على طول جاتني صفحة أنو حسابك هملنا ليهو بلوك و.........
ياخ الحساب دا فتحتوا قبل عشر سنوات
لا أذكر إيميل آخر
لكن دعني أتذكر

Your account has been blocked
Why are you seeing this?
Someone may have used your account to send out a lot of junk messages (or something else that violates the Windows Live Terms of Service).
We're here to help you get your account back.
What do you need to do?
We'll ask you to provide us with a mobile phone number where we can send you a verification code and we'll add this phone number to your Windows Live profile for future use. After you enter the code, you can change your password and sign in.
We've cleaned your account settings
Often customers get here because someone else has access to your account and are using it without your knowledge to send spam. To protect you and your contacts, we've removed any Hotmail auto-replies or linked accounts you may have had.

Enter a mobile number to receive a verification code
We'll send a verification code in a text message. We won't use your number for marketing purposes. If you do not own a mobile phone or your country is not listed below, contact Customer support
Mobile phone:+355
41 12 34 56

Preferred language for receiving text messages:EnglishEnglish I already have a code Text messaging charges may apply

الشكر أجزله أيها الأحباب

فقد رجع السيد حسابنا لحضننا
رجع وهو يحمل رسائل الأحباب
و ( فواتير ) الماء والكهرباء والإتصالات

لكم الشكر

ونجاملكم في السمح

حباب الحبيب عاطف
....

شكلنا وصلنا متأخرين ..

ياخي مبروك عودة الإبن الضال

وحمد لله على السلامة

...غايتو أنو لو منك

واحتفالاً بالمناسبة السعيدة دي

اجيب البريدو مالو اتأخر بريدو ده

وأقرب حبل غسيل في البورد ده ...أنشروا فيهو

عشان الما يشتري يتفرج

....

حمدا لله على السلامة يا عاطف. كنت عايز أقول ليك اطمئن حيرجع إن شاء الله. أحسن حاجة تعملها بعد دا إنك تعمل إيميل تاني و تديه لناس الهوتميل بحيث إذا حصلت مشكلة في واحد يرسلوا ليك في التاني. و الحاجة التانية إنك تستعمل برنامج (ميكروسوفت آوتلوك) أو أي برنامج تاني مشابه و تنزل الرسايل كلها في كومبيوترك.

شكراً حبيبنا العوض

نوم قفا
بعد الزنقة الضقتها
والحوسة الـ إحتستها
سوف أعمل كل الإحتياطات
مقترحاتك دي ح تكون أول حاجة أبدأ بيها


تشكرات يا حبيب

الزووول يا حبيبنا
إنت زاااتك إتأخر بريدك
ياخ كنت ممن أنتظر قدومهم على أحر الجمر
شلت هم أقوم أرسل رسائل لكووووول الناس العناوينم ح تكون ضاعت
وأقوم أخاطب البنوك والدوائر وشنو وشنو
ياخ دي قصة عجيبة خلاص
الحمد لله جات سليمة


بركة الشفناك طيب

Quote: تمبس وبعلته لا عدمتكم جات سليمة رجع الحساب والحمد لله وغيرنا الباسورد

عاطف الرهيف العفيف،
سلام عليك
وعلي داليا، في الّلول، ثم بعلها (وشي مشللللّخ لاورا)

ياخ حمدله على السلامه
ناس الهوتميل واللايف ديل اختاهن
عندي معاهن تجربه لا يوم الليلي مسوِّدي عيشتي، لا بقولا هني ومخسِّمك يا م عبدالماجد الصايم لا تقولا، خلتني مِتِل (فرعون وقلة عقله)
من يوما وفارقتهم ومشيت لي ناس (حي العرب سوكرتا)، الجيميل تبع قوقل
بالإضافة للتأمين العالي، تريح رقبتك من كُتر الإعلانات البتجيك ناطي كلما تعفصلك حرف


-
موده خالصه




{المطرطش}

الاخ عاطف سلامات وحمدالله علي رجوع الايميل ذات الشيء حدث لي قبل اسبوع فقد قمت بتغير كلمة المرور وللان لا استطيع الدخول لبريدي في الهوتميل لا بكلمة السر الجديدة ولا القديمية، طرقت كل السبل بس ماكو فائده، وبريدي الالكتروني له معي اكثر من سبعة سنوات ارجو منك او من كل مر من هنا المساعدة حتي بريدي البديل هو مكتوب دوت كوم، وراحت كلمة المرور منه لاني لم استخدمه منذ سنة، ومكتوب دوت كوم زاتو مش لاقيهو فياخي ياريت لو تجيب لي الرابط المكتوب فيهو رقم تلفوني عشان ارسلو ليهم لعلي وعسي وان يرجع بريدي البريدو، شكرا .

تحياتي وسلامات عزيزي محمود

بالنسبة لحالتي كان هناك حظر من الدخول
بتجيك صفحة فيها كلام أنو تم حظر حسابك عشان في شخص إستخدم الحساب دا ورسل رسائل مريبة
بيطلبوا منك مدهم برقم تلفون ليرسلوا لك كود ممكن تستخدموا للدخول مرة أخرى وتقوم بعده بتغيير الباسورد
العملية دي أخدت مني يوم كامل أنا منتظرهم
في خيار تاني في نفس الصفحة
الخيار دا بيقول ليك أمشي لـ Help support
أضغط عليهو
هناك بيسألوك عن إسم الحساب الذي لا تستطيع الدخول إليه
وبيطلبوا منك مدهم باسم حساب آخر ( لا يكون من عائلة الهوتميل ) عشان يرسلو ليك فيه طلب باسوورد جديد
بيسألوك كم سؤال عن معلومات مرتبطة بالحساب القديم عشان يتأكدوا من المصداقية
بعد داك في أقل من خمس دقائق تلقاهم رسلوا ليك رابط في الحساب الإنت أعطيتهم ليهو بيطلبوا منك التأكيد على أنك أرسلت طلب تغيير الباسورد بالضغط على رابط مرسل
لمن تضغط تظهر ليك على طول شاشة فيها خانة للباسورد الجديد
تدخل بيهو في أمان الله


نقول ياجامع يارقيب

تحياتي وسلامات محمد

لا أراكم الله تهكيراً لإيميلك
عارف المشكلة بتكون أنو حاجات كتييييرة مرتبطة لالعنوان المحدد
عناوين ناس
ومراسلات دوائر حكومية ,......
تقوم تراسل كوووووول الناس
وكووووول الدوائر
لإعطائهم العنوان الجديد

ياخ بركة الشفناك طيب