Post: #1
Title: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: عاطف عمر
Date: 06-21-2012, 05:43 AM
جاء في الأخبار أنه سوف يتم الإستغناء عن عدد ( 380 ) وظيفة سيادية وتنفيذية
وحسب ما أفادتنا صحف الخرطوم العليمة أنه يتم تخصيص عدد ( 3 ) سيارات لكل وزير أو مسؤول
سيارة لسيادته وسيارة للسيدة حرم سيادته وسيارة لأنجال سيادته
عليه يكون السيارات المسترجعة حسب هذا البند ( بند الإستغناء عن الخدمة ) هو
380×3 = 1140 سيارة
ما هو مصير هذه السيارات ؟؟
هل سوف تباع في مزاد علني ؟؟
هل سوف ينشأ لها صالة عرض خاصة ؟؟
عليه نرجو ممن يعرف أن يدلنا حيث أن لنا الرغبة الأكيدة في شراء واقتناء أحد هذه السيارات
_____________
فرصة للقشرة
" أنا راكب سيارة وزير سابق "
|
Post: #2
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: عاطف عمر
Date: 06-21-2012, 05:49 AM
Parent: #1
وجاء في الأخبار أيضاً
أنه يتم تعديل بند ( التخصيص الثلاثي / المزدوج ) للسيارات بحيث تخصص لكل وزير أو مسؤول سيارات واحدة فقط
يعني يتم سحب كل السيارات ( الزيادة )
عليه إن إفترضنا أن المسؤولين والوزراء في ( كووووول ) جمهورية السودان هو ( 2000 ) مسؤول وزير ، وتم إسترجاع عدد ( 2 ) سيارة من كل وزير أو مسؤول
يكون عدد السيارات المسترجعة
2000 × 2 ( سيارة ) = 4000 سيارة
مرة أخرى نسأل
ما هو مصير هذه السيارات ؟؟
هل سوف تباع في مزاد علني ؟؟
هل سوف ينشأ لها صالة عرض خاصة ؟؟
عليه نرجو ممن يعرف أن يدلنا حيث أن لنا الرغبة الأكيدة في شراء واقتناء أحد هذه السيارات
|
Post: #3
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: عاطف عمر
Date: 06-21-2012, 06:14 AM
Parent: #1
ندخل في الجد
هل هناك دراسة تفصيلية جادة عن كيفية إسهام هذه السيارات المسترجعة في فك الضائقة المالية ؟؟
بمعنى
هل توجد إحصائية رسمية للسيارات المستهدف إسترجاعها ؟؟
هل تم تحديد آلية لكيفية بيع هذه السيارات بحيث يصب عائدها في خزانة وزارة المالية ؟؟
هل تم تحديد آلية لكى يكون البيع مجزياً و ( بأعلى سعر ) ؟؟؟
________________
كل خوفي أن يتم تمليك هذه السيارات للمستخدمين الحاليين
وغداً عندما يتم ( توزير آخرين ) يتم شراء سيارات جديدة لهم
|
Post: #4
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: عاطف عمر
Date: 06-21-2012, 10:28 AM
Parent: #3
كل خوفي أن يتم تمليك هذه السيارات للمستخدمين الحاليين
وغداً عندما يتم ( توزير آخرين ) يتم شراء سيارات جديدة لهم
|
Post: #5
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: عوض عبدالله طه
Date: 06-21-2012, 11:21 AM
Parent: #4
سلامات يا عاطف
ليك وليكم وحشة (الكاف ليك والكم لى سودانيزأونلاين )
...
تعرف حكاية القشرة دي فعلاً صحيحة
لأنو مرة داير اشتري عربية من الدلالة
السمسار مُصر انو يديني معلومة ( انو مالك العربية -القبل الحالي- كان عاكف عطا) قبل الموديل ومواصفات العربية
....
وكمان بمناسبة عدد الوزراء الكتار ديل العندنا
قالوا ضباط الجوازات في كوالامبور كانوا –ولوقت طويل- مفتكرين انو كلمة (وزير) و(وزير سابق) هي عبارة عن لقب منتشر في السودان
...
موضوع ذو صلة:
مرة نزلنا في مطار أبوظبي
الركاب اتفرقوا لعدة مجموعات
مواطنين اماراتيين ، مجلس التعاون الخليجي ، أجانب
السودانيين انقسموا لأثنين ناس عاديين وحملة جواز دبلوماسي
تصدق حملة الجواز الدبلوماسي طلع صفهم اطول من صفنا 
....
|
Post: #6
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: Muna Khugali
Date: 06-21-2012, 02:50 PM
Parent: #5
Quote: 380×3 = 1140 سيارة
ما هو مصير هذه السيارات ؟؟
هل سوف تباع في مزاد علني ؟؟
هل سوف ينشأ لها صالة عرض خاصة ؟؟
عليه نرجو ممن يعرف أن يدلنا حيث أن لنا الرغبة الأكيدة في شراء واقتناء أحد هذه السيارات |
كيف حالك يا عاطف؟
سألت سؤال الإجابة عليه سهلة وصعبة!
سهلة لأن مصير السيارات معروف..
وصعب لأنه بصراحة صعب خالص خالص الحديث عن المستقر الأخير لمصير تلك السيارات..
مشتاقين والله ياعاطف!
|
Post: #7
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: شمس الدين ساتى
Date: 06-21-2012, 03:15 PM
Parent: #6
يا عاطف اوع تكون صدقت الكذبة دى
أقطع دراعى كان واحد فيهم رجع حديدة
دا لو صحى خفضوا المناصب
وبكرة نشوف
|
Post: #15
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: عاطف عمر
Date: 06-22-2012, 12:38 PM
Parent: #7
Quote: عاطف اوع تكون صدقت الكذبة دى
أقطع دراعى كان واحد فيهم رجع حديدة
دا لو صحى خفضوا المناصب
وبكرة نشوف |
شمس الدين ياخ المؤمن صديق
مولانا أحمد الشايقي طلع لينا الشغلانية منتهية من زمااااان
لكن لسع في ( شوية حديد ) بتاع الخضار والذي منو
برضك ما بطال
خلينا نتفاءل شوية
بنعدل شوية في القشرة لتصبح
" أنا راكب ( سيارة خضار ) سعادة الوزير "
إنت قايلا شوية ؟؟
|
Post: #12
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: عاطف عمر
Date: 06-22-2012, 08:10 AM
Parent: #6
منورة والله يا ملكة
مشتاقين والله كميات وفي البال تلك الجلسة الجميلة في حديقة منزلك العامر
جلسة لا أزال أذكر تفاصيلها ... كلمة كلمة ، ضحكة ضحكة
Quote: سألت سؤال الإجابة عليه سهلة وصعبة!
سهلة لأن مصير السيارات معروف..
وصعب لأنه بصراحة صعب خالص خالص الحديث عن المستقر الأخير لمصير تلك السيارات.. |
أستاذنا مهدي محمد البصير كان يردد على مسامعنا ونحن أيفاع نسأله عن قواعد ونحو اللغة العربية
" يا ابني سؤالك دا وااااضح لدرجة الغموض "
سئمنا من الأقوال يا منى ... سئمنا من الأقوال مهما صاحب تلك الأقوال من حماسة أو تشنج
تريد النفسن ترى إجراءً عملياً، وقتها ربما نصدق أن القوم صادقين في زعمهم
نريدهم أن يتعاملوا معنا على أرضية أن لنا عقولاً تدرك وتفهم وأن لنا ذاكرة تحفظ
كوني بخير يا ستهم
|
Post: #8
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: عاطف عمر
Date: 06-21-2012, 04:19 PM
Parent: #5
حبيبنا الزوول
ياخ والله مشتاقين
Quote: تعرف حكاية القشرة دي فعلاً صحيحة
لأنو مرة داير اشتري عربية من الدلالة
السمسار مُصر انو يديني معلومة ( انو مالك العربية -القبل الحالي- كان عاكف عطا) قبل الموديل ومواصفات العربية
|
عارف أول ما قريت الحتة دي إنتابتني روح ( رباطابية )
وضعت نفسي مكانك وقلت ياربي رد فعلي كان ح يكون شنو ؟؟
لقيت نفسي أول حاجة جات في لساني أقول ليهو
" هو عاكف عطا دا منو ؟؟ "
تاني قلت لا .. إمكن السمسار يشكك في قواى العقلية ( بمنطق ألا معقول أن يكون في سوداني ما بيعرف عاكف عطا )
قلت أقوم ( أنكر ليك هلاليتي ) زي الترتيب وأرد عليه
" أنا زااااتي مريخابي ... ما عندك عربية كانت حقت إبراهومة ؟؟"
|
Post: #9
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: عاطف عمر
Date: 06-21-2012, 05:37 PM
Parent: #5
ومع حبيبنا الزوول نواصل
Quote: وكمان بمناسبة عدد الوزراء الكتار ديل العندنا
قالوا ضباط الجوازات في كوالامبور كانوا –ولوقت طويل- مفتكرين انو كلمة (وزير) و(وزير سابق) هي عبارة عن لقب منتشر في السودان
|
مساكين والله ناس كولامبور
أكيد ماعندهم فكرة عن حاجة إسمها" فقه التمكين "
وأكيد ما سمعوا بشخص تكتب وظيفته في جواز سفره ( أخ وزير )
ياخ ناسك ديل ما ناقشين أيتها حاجة في الدنيا دي Quote:
السودانيين انقسموا لأثنين ناس عاديين وحملة جواز دبلوماسي
تصدق حملة الجواز الدبلوماسي طلع صفهم اطول من صفنا |
هههههههههههههههههههههه
ولا يهمك يا حبيب
على مر التاريخ ( القلة ) هم المتميزون
|
Post: #10
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: مهيرة
Date: 06-21-2012, 09:21 PM
Parent: #9
| Quote: سين سؤال ) .. ما هو مصير سيارات الوزراء والمسؤولين المسترجعة ؟؟؟ |
سلامات ياعاطف اخوى
وبلاش اسئلة تعسفية!!
كتر خيرهم قالوا ليكم حيسحبوا السيارات!!
كمان عايزينهم اوروكم حيتصرفوا فيها كيف؟!!!
ماتبقوا طماعين ياخى!!
تحياتى
|
Post: #11
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: ابراهيم الصغير
Date: 06-21-2012, 09:27 PM
Parent: #10
سلام عاطف ..
ياخي بقت علي السيارات بس هي ..؟؟
دي في حاجات كتيرة لازم تتشال من الفيلق بتاع الوزراء دا ..
ياخوي ديل الواحد عندو 110 بيت و1800 قطعة ارض و500 مزرعة و400 مدرسة خاصة
|
Post: #13
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: أحمد الشايقي
Date: 06-22-2012, 11:41 AM
Parent: #11
Quote: عليه إن إفترضنا أن المسؤولين والوزراء في ( كووووول ) جمهورية السودان هو ( 2000 ) مسؤول وزير ، وتم إسترجاع عدد ( 2 ) سيارة من كل وزير أو مسؤول
يكون عدد السيارات المسترجعة
2000 × 2 ( سيارة ) = 4000 سيارة
|
عاطف عمر يا صاحب الصدق,
هل تصدق مثل هذا الكلام ؟؟؟ وهل بقي مسئول (طالب) في المؤتمر الوطني وليس لديه سيارة ... ؟
يا عزيزي عاطف خرجت الحكومة بــ (قانون) قانون رسمي بتمليك السيارات الحكومية للذين خصصت لهم وهذا القانون منذ خمسة أو ستة أشهر ونزل الجماعة تملك في السيارات الحكومية وشمل القرار كل الكوادر (الرسالية) في الخدمة المدنية وغيرها ...
السيارات التي ستعاد هي الـ (بكاسي) و (أكسنت جياد) والتي تأتي (بالخضار) ومستلزمات البيت واللاندكروزرات ستبقى يا عاطف ستبقى والركوبة الفارهة تم تأمينها من خلال تمليك السيارات الحكومية من قبل حوالي ستة أشهر ...
أحمد الشايقي
|
Post: #14
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: أحمد الشايقي
Date: 06-22-2012, 11:44 AM
Parent: #13
Quote: أصدر المشير عمر حسن أحمد البشير رئيس الجمهورية قرراً جمهورياً
رقم (48) للعام 2009م قضى بالتخلص العام من كافة العربات الحكومية
بالمؤسسات والوزارات على أن يتم تمليكها للعاملين بالدولة حسب
أولويات الدرجات الوظيفية.
وقال الأستاذ عمر محمد صالح الأمين العام لمجلس الوزراء في تصريح
خاص لـ(smc) إن القرار الجمهوري سيتم تنفيذه خلال شهر من صدوره
مبيناً أن القرار يتضمن منح المستفيد من العربة بدل ميل يقدر بـ(250)
جنيه لإعانته في عمليات التشغيل والصيانة.
وأشار الأمين العام إلى أن القرار يهدف إلى وقف عمليات إهدار المال
العام وتحقيق مبدأ العدالة باعتبار أن كافة الذين خصصت لهم الدولة
عربات من قبل لايتجاوز عددهم نسبة 18% من مجموعة القياديين
بالحكومة القومية
|
http://www.brbrnet.net/vb/showthread.php?t=31054
|
Post: #16
Title: Re: ( سين سؤال ) .. ما هو مصير سيارات الوزراء والمسؤولين المسترجعة ؟؟؟
Author: عاطف عمر
Date: 06-22-2012, 04:10 PM
Parent: #10
Quote: سلامات ياعاطف اخوى
وبلاش اسئلة تعسفية!!
كتر خيرهم قالوا ليكم حيسحبوا السيارات!!
كمان عايزينهم اوروكم حيتصرفوا فيها كيف؟!!!
ماتبقوا طماعين ياخى!!
تحياتى |
سلامات دكتورة مهيرة
تقولي شنو يا دكتورة ؟؟
قلنا سوف يصدقوا هذه المرة ،
وحتى على طريقة ( تغطية الأثر ) ح يطلعوا لينا كم عربية كدا يقولوا ديل رجعناهم من المسؤولين
مش مفروض بالله يقدروا ( حسن ظننا ) فيهم دا ؟؟
|
|