كل نجمة من نجوم الغد ( كنكشت ) في أحد الرواد واحتكرت أغنياته .. فكيف يتواصل الإبداع ؟؟

شموس إبراهيم..... الفنان الكبير عثمان الشفيع

منار صديق ..... الفنان الكبيرة عشة الفلاتية

إيمان وأماني خيري ...... الثنائي الرائع ثنائي العاصمة

شابة ما متذكر إسمها ..... الفنان الكبير شرحبيل أحمد

شاب برضو ما متذكر إسمه ...... الفنان الذري إبراهيم عوض

ودا كمان قصتو قصة
لم يكتف بالأغاني
استعار حتى تسريحة الشعر

لجنة نجوم الغد قال ليهو لازم عشان تستمر في المسابقة تطلع من عباءة إبراهيم عوض

قال ليهم مافي مشكلة

راح جري
جاب ليهم أغنيتين بنفس ألحان أغاني إيراهيم عوض

عاطف سلامات
حالة الجفاف والتصحر النحنا فيها دى ما معاها إبداع
ياهو إلا يبقو على جنس الإجترار ده....
قلت شاقى شعروا بالجنبه....
جنس محنه .....

Quote: حالة الجفاف والتصحر النحنا فيها دى ما معاها إبداع ياهو إلا يبقو على جنس الإجترار ده.... قلت شاقى شعروا بالجنبه.... جنس محنه .....

تحياتي وسلامات إقبال يا صديقة

عارفة نحن في الخليج بنزعل زعل حقيقي لمن نسمع النكات الـ بتصف الشخصية السودانية بالكسل
لكن الواحد بينو وبين نفسو لمن يراجع حياتنا كلها
بيطلع بي نتيجة واحدة
ضمور الخيال المبدع
وفي شتى أوجه حيواتنا
لو جمعنا ضمور الخيال مع الكسل ( الما عاوزين نعترف بيهو دا )
تبقى النتيجة الحتمية هى ( حالة الجفاف والتصحر النحنا فيها دى ما معاها إبداع
ياهو إلا يبقو على جنس الإجترار ده.... )
بس
النصيحة لى الله الولد طلع مفتح
طلع ناااقش أنو شقة الشعر بى الجنبة كانت موضة السبعينات
راح ( مكوم ) كل الشعر قدام
كما كان يفعل الفنان الكبير إبراهيم عوض في آخر أيامه

عاطف عمر - جمعة مباركة لك ولكل من معك

تعرف شموس دي امس ابدعت عديييل كده ..

بس المشكله انه الناس دي تعمل عمل خاص بيها كيف ..
وانا متأكدة لو الناس دي ابدعت في شغل خاص بكون الابداع مؤسس ..

زولك بتاع ابر اهيم عوض بااالغ عديل كده . شغله كان ملاحظ ..


احتراماتي - عفاف من المطبخ ...

Quote: تعرف شموس دي امس ابدعت عديييل كده .. بس المشكله انه الناس دي تعمل عمل خاص بيها كيف .. وانا متأكدة لو الناس دي ابدعت في شغل خاص بكون الابداع مؤسس ..

تحياتي وسلامات عفاف
معك أتفق فـ شموس صوتها قوي وواثق وطروب
المشكلة أننا لا نستفيد من ( الدروس ) االملهمة في حياة أولئك الرواد
فالفنان الكبير عثمان الشفيع الذي كان موضوع الإحتفاء
قد ظهر في وقت تراث الحقيبة كان موجوداً ومشاعاً
وأغاني كبار فناني تلك الفترة موجودة
ولا يوجد ما يقيد أو يمنع ترديد أغاني الغير مثل قوانين الملكية الفكرية
والناس زاااتا سمحة كدا لله والرسول ما في زول بيقول لى زول حقي ما تشيلو

لكن رغم ذلك

يخبرنا الضيوف أن الفنان الكبير قد توجه من مكان إقامته في شندي لمدينة دنقلا ليقابل الشاعر مبارك المغربي ليحظى منه بأغنية .
ثم توجه مرة أخرى من شندي إلى الأبيض ليتعرف على ويقابل الشاعر محمد عوض الكريم القرشي ويحظى ببعض أشعاره .

هذا هو الإجتهاد المطلوب

وهذا هو الفرق بين من يريد أن يصبح ( رائداً )
ومن يريد الأشياء بفهم ( رزق اليوم )

______________

ما تنسينا من خيرات مطبخك العامر

يحمد للفنان عاصم البنا
أنه ورغم أنه يجلس على رصيد ضخم من ميراث أسرة البنا العريقة في الفن
ورغم محاولات مقدمي البرامج - بدافع من خمولهم الفكري - لسجنه داخل إطرا أغاني الحقيبة وأغاني الرواد ، إلا أنه لم يركن لذلك . فقد سعى إلى وتعرف على كبار الشعراء وكون لنفسه شخصية فنية مستقلة
لذلك أصبح مميزاً
لا وسط فناني ( أسرة البنا ) الـ ما شاء الله عليهم
بل وسط فناني جيله كلهم

ذلك هؤلا النموذج الصحيح