الفزعة يا أهل الدوحة

أخوكم مغروض جداً في تلفون الأخ عبدالعزيز الحامدي
لأمر عاجل جداً

الرجاء ممن يعرفه أن يوصل له رقم تلفوني

00971505883814

ولكم شكري الجزيل

صباحات الله بى خير
لكن التلفون جنب رأسي

صباح الخير

الاخ / عاطف
صباح الخير

وبكل اسف الاسم غريب علي لكن يمكن الوصول اليه
اذا وضعت مزيدا من البيانات عنه.

التحايا

جزيل الشكر عمدتنا هارون
وكلي إمتنان لاتصالك الهاتفي

في إنتظارك

وفي إنتظار الإخوة والأخوات

ساعدونا برفع البوست

_____________

ما تهتموا بأسئلة ود البشرى ( البايخة )

up

عاطف عمر

ساعدنا بمعلومات اضافية

وساتيك بك قبل ان يرتد اليك بصرك

خلي

سلامات ومحبات

شحيحة هى المعلومات التي بطرفي
إعتمادي الأساسي على ترابط الجالية السودانية في قطر

يمكن الإستعانة بالإخوة في الطرق الصوفية
ذلك أن الأخ الحامدي رجل متصوف

شكراً ناجية

ناس الدوحة ديل فعلا ناس همة

خت في بطنك بطيخة صيفي





سعدية والبنات السمحات ازيهن
واخوهن

مزيد من اليانات
مجال العمل
من ياتو منطقة
وربنا اجعكم على السعادة
مودتي

أحسب أن آل الحامدى من سنجه والله ولى التوفيق


ولكم السلام


منصور

Quote: أحسب أن آل الحامدى من سنجه والله ولى التوفيق

شكراً منصور
تأكدت للتو من صحة المعلومة

نعم من أبناء سنجة

كده وصلت
نمشي للنعيم الارباب
وبكره عندك الخبر اليقين
باذن الرحمن
مودتي

تسلم يا سنى
تسلم يا عظيم

واثق منهم والله يا راوية

كيف إنت ؟؟

سعدية والشباب وأخوهم بيقولوا مشتاقين ليك

صباح الخير
يا أهل دوحة الخير

يسعد الله صباحك
وينولك مرادك
وتلم في الحامدي
وأي حبيب يخطر ببالك

Quote: ساعدونا برفع البوست

الرفع ده بنقدر عليه

Quote: الرفع ده بنقدر عليه

علي رائ صحبك العمده...

انا لله

سلامات وتحايا العمدة هارون

يقول أهل السياسة أن أصعب الوزارات وخاصة في الحكومات الإئتلافية هى تلك التي تختص بالخدمات
ونقول أن أصعب القطاعات في ظرفنا الحاضر هو قطاع الهامش الذي ( رماهو بركوتة في عبك )
ليتفرغ هو للقطاع ( السيادي ) كونه خطري و ( قطره بيقوم بدري ) ....وإنا لله

همتكم معانا

Quote: الرفع ده بنقدر عليه

بركوتة يا خطري

يا توفي
انا

Quote: بركوتة يا خطري

وقطري
بيقوم بدري

لسع ماطبيت في زولك ؟

غايتو أمسك في هارون دياب قوي
هو المكلف بقطاع الهامش

أبو السـاندينستا (بركوتي) إزايــّك ..

عاطف أبو اللمين ، إزايـِّك برضو وكدا ..

بــالـ

Quote: الفزعة يا أهل الدوحة

أراك قد ضـيـَّقتَ واســعاً .. ولاّ ما كِدا ؟

و " الدوحة" هذه الأيام ، يكفيها التحامل المُصراتي!

على أيٍّ ..

تنتابني ملامح تذكـّر ، في عهد التناسي والنسيان هذا، بأنّ إسم الـ Wanted قد
جرت الإشارة به في معرض " نقد" أدبي لرؤية من رؤى الكاتب (من معارفك) مؤلف
رواية " جزيرة العوض " ..

وما قرأتها بعد ..

وتحياتي للجميع ، وبركة اللقيت باسويردي في الليلة ديك ..

الاخ ..ابوعمر
والله خضيتني وقلت فزعة من ناس الدوحة وانت معانا هنا ....ورغم انهم ناس فزعة ونجدة لكن انت صعبتها عليهم شوية
كدي اتاكد لي (فن وكدا واللا تصوف وكدا ....)انا زاتو كنت عايزة اساعدك لكن لقيت الحكاية صعبة شوية
لك الاشواق ....ولو بنقدر نقضي ليك غرضك منو بالانابة يا سيدي نحن تحت الخدمة ...
ويا ناس الدوحة همتكم ...
لك فيض الاشواق

العزيز عاطف عمر

سلامات يا جميل طوّلنا من أخبارك
لو ده عبدالعزيز المقصود
معناها هو عبدالعزيز اللى شغال فى إسباير
غايتو لو هو اليوم تلفونو راح يكون معاك
ولو ما هو ،،، برضو طريقه يمكن تسألوا من صاحبك
مع عظيم التقدير والإمتنان.

سلامات وتحايا العزيز محمد خليل

لا أدري حقيقة جهة عمله
أسأل عبد العزيز الفي بالك هذا إن كان يعرف عاطف عمر أو كمال التلب
إن أجاب بالإيجاب يبقى ياهو زولنا وفي الحالة دي أديها رقم تلفونا أو رسل لينا رقم تلفونو


مع جزيل الشكر

نعمات يا شقيقة

تحيات ومحبة

لأن أهل الدوحة أهل همة وفزعة ندخرهم للمواقف العصيبة مثل هذا .
ما بتقصري وبرضك داخرنك للحوبة

الموضوع يا ستي إنني مكلف بتوصيل أمانة للأخ الحامدي وكل المعلومات أنه يعمل في الدوحة وما ذكر على متن البوست .

كل الأشواق

أبو جودة صاحب الحرف المموسق
تحايا ومحبات وكثير أشواق

Quote: أراك قد ضـيـَّقتَ واســعاً .. ولاّ ما كِدا ؟

أرجو أن تكون ( ما كدا )
وأرجو ألا أكون قد فعلت
فحيث تم تخصيص ( أهل الدوحة ) ذلك لأن المعلومة أنه يعمل بها ، ومع ذلك فإن المساهمة بالمعلومة متوقعة ومطلوبة من الجميع ، فهاهو صديقنا المفتاح وليس جغرافياً من أهل الدوحة كما أظن يضع بين أيدينا مفتاحاً مهماً للبحث .

Quote: تنتابني ملامح تذكـّر ، في عهد التناسي والنسيان هذا، بأنّ إسم الـ Wanted قد جرت الإشارة به في معرض " نقد" أدبي لرؤية من رؤى الكاتب (من معارفك) مؤلف رواية " جزيرة العوض " ..

يبدو إنني أنا الذي أعيش ( في عهد التناسي والنسيان )
بحثت في ذاكرتي عن الرواية والراوي الذي هو من معارفي فلم أجد لهما ذكرى
أتوقع إذاً معينات على التذكر

شكراً كثيفاً لتواجدك

شكراً كبيراً للأخ الحبيب عبدالجليل نادوس لاتصاله الهاتفي
وشكراً أكبر لوضعي على أبواب الوصول للأخ الحامدي
وذلك بتزويدي بتلفون الأخ الموسوعة الإجتماعية النعيم

الأحباب الكرام
تحيات من عند الله مباركة

يسعدني أن أبلغكم إنني قد تمكنت بفضل الله ثم بفضل معاونتكم الصادقة من التوصل للأخ عبدالعزيز الحامدي وقد قمت بتوصيل الأمانة التي كنت مكلفاً بتوصيلها إليه ، فالأمانة قد عجزت عن حملها السموات والأرض والجبال وأشفقن منها وحملها عاطف عمر إنه كان ظلوماً جهولا .
كان إتصال الأخ عبدالجليل نادوس خطوة كبيرة في إتجاه الوصول للهدف ، فقد زودني بتلفون الأخ النعيم المتواجد حالياً بمدينة العين بدولة الإمارات العربية المتحدة . والنعيم فعلاً موسوعة إجتماعية قيمة ، أجابني عندما قدمت له نفسي وشرحت له موضوعي وسألته عن الأخ الحامدي

" كيفن ما بعرفوا دا ما ود فلان إبن فلان وأمه فلانة بن فلان وأخوانه .. و.. "

الشكر كله لكل مر بالبوست
ولكل من خط فيه حرفاً
ولكل من دعمنا بالرأى والسؤال والطرفة
أو حتى بـ ( الرفع )

لا عدمناكم

Up

Quote: Up

سلامات ود البشرى

الناس البيكتبوا Up بشعت بيهم
وجايينا تكتبها بى مكاواتها ؟؟


سمحة المقدرة

___________________

لكن برضو يا عمك مشكور
أقلو أحبابنا في الدوحة يعرفوا الحصل

يا عمك عهدتك لماح و بتنقشها براك
انا لولا ان الموضوع انتهى و الرفعة تحصيل حاصل ما كنت رفعتو
ثم سؤالي كان عن البرفع موضوعه بنفسو بـ Up بدون ما يضيف فكرة جديدة
ولا كيف يا عمك ؟

مادام الموضوع إنتهى خلينا نتونس شوية

Quote: ثم سؤالي كان عن البرفع موضوعه بنفسو بـ Up بدون ما يضيف فكرة جديدة

أو تسمع يا صاح بـ ( لوبى ) الرفع ؟؟
حبيبي أرفع لى وأنا برفع ليك


____________

شكراً لحسن الظن